Мехсикийн Мехико хотод шайбтай хоккейн эрэгтэйчүүдийн гуравдугаар дивизоны дэлхийн аварга шалгаруулах тэмцээн эдгээр өдрүүдэд болж байна. Монгол, Мексик, БНАСАУ, Филиппин, Сингапур, Хонконгийн хоккейчид энэ тэмцээнд өрсөлдөж шилдгүүдээ тодруулж байгаа.
Монголын хоккейчид өнөөдөр Хонконгийн багтай хүрэл медалийн төлөө тоглож ялагдан дөрөвдүгээр байр эзэллээ. Энэ тоглолтод 7:3 онооны харьцаагаар Хонконгийн баг хожиж, медальт байранд орлоо. Манай хоккейчид эхний тоглолтод Филиппин улсын багийг 13:7-оор, хоёр дахь тоглолтод Сингапурыг 11:1-ээр хожиж, хэсэгтээ зургаан оноогоор Хойд Солонгосын багийн араас хоёрт жагсаж эхэлсэн. Улмаар талбайн эзэн Мексик улсын шигшээ багтай тун өрсөлдөөнтэй тоглолтыг үзүүлж, 7:6 онооны харьцаагаар ялагдсан. Өнөөдөр сүүлийн тоглолтоо Хонконгтой хийсэн ч ялагдал хүлээлээ. Энэ тоглолтод манай хоккейчид ялалт байгуулсан бол хүрэл медальтай ирэх байв.
Гуравдугаар дивизоны дэлхийн аварга шалгаруулах тэмцээний аваргын алтан медалийн төлөө талбайн эзэн Мексик болон Хойд Солонгосын баг үлдлээ. Хоёр багийн тоглолт өнөө шөнө болно.
Монголын багийн ахлах дасгалжуулагчаар Гавьяат дасгалжуулагч А.Мэргэн болон Н.Отгонбаяр, Н.Мишигсүрэн нар ажиллалаа.
Шигшээ багт Б.Бату, М.Чинзолбоо, Л.Бодьхүү, Б.Билгүүн, Б.Энхбат, Э.Мөнхзаяа, Г.Мөнхтулга, Э.Энх-Амгалан, Э.Ариунбилэг, Б.Батбаясгалан, М.Батбаатар, Э.Энхсүх, У.Цэнгэл, У.Нямдаваа, Б.Содбилэг, Э.Амартөр, Э.Энххүслэн, Д.Лхагвадорж, Н.Жадамба, А.Билгүүн нар багтсан юм. Тэмцээний талаарх дэлгэрэнгүй мэдээллийг <a href="https://www.iihf.com/en/events/2025/wmiiib/standings/roundrobin" target="_blank" rel="noopener">https://www.iihf.com</a>-с үзнэ үү.
Ташрамд дуулгахад, Монголын шайбтай хоккейн баг тамирчид өмнөх буюу IV дивизоны ДАШТ-ээс 2023 онд мөнгө, 2024 онд алтан медаль хүртэж байв.

Монголын хоккейчид Хонконгийн багт ялагдаж, IV байр эзэллээ

Өнөөдөр буюу 2025 оны тавдугаар сарын 4-ний 10:00 цагийн байдлаар улс, хот хоорондын нийтийн зорчигч тээврийн үйлчилгээгээр 41 чиглэлд 52 тээврийн хэрэгслээр 1653 зорчигч зорчиж байна.
Увс, Ховд, Завхан, Хөвсгөл, Өвөрхангай, Архангай аймгийн нутгаар хур тунадастай. Архангай аймгийн Тариатаас Завхан аймгийн Их-Уул хүртэл цасан шуургатай, зам, даваанд үзэгдэх орчин хязгаарлагдмал байна.
Архангай аймгийн Цагаан даваа болон Завхан аймгийн Солонготын даваа дээр том оврын болон суудлын автомашинууд замын зорчих хэсэгт бөөгнөрөл үүсгэж, зам цасанд боогдсон байна.
Бусад нутгаар цаг агаар тогтуун, тээвэрлэлт хэвийн үргэлжилж байна гэж Автотээврийн Үндэсний Төвөөс мэдээллээ. 
<iframe loading="lazy" src="https://www.facebook.com/plugins/video.php?height=322&amp;href=https%3A%2F%2Fwww.facebook.com%2Fautoteever%2Fvideos%2F692019899866564%2F&amp;show_text=false&amp;width=560&amp;t=0" width="560" height="322" frameborder="0" scrolling="no" allowfullscreen="allowfullscreen" data-mce-fragment="1"></iframe>

Цагаан даваа болон Солонготын даваа цасанд боогджээ

Улаанбурхан өвчин нэг хоногт 32 тохиолдлоор нэмэгдлээ. Тодруулбал, Улаанбурхан өвчнөөр өнөөдрийг хүртэл 1198 хүн өвдсөн байна. Үүнээс 815 тохиолдол нь эдгэрсэн бол 10-14 насныхан зонхилон тусч байна. Орон нутгийн байршлаар нь ангилбал Улаанбаатарт 804, Хэнтий 6, Сэлэнгэ 1, Булган 1, Баянхонгорт 19, Өвөрхангай 1, Өмнөговь 209, Дундговь 112, Дорноговь 1 илэрчээ.

Улаанбурхан өвчин нэг хоногт 32 тохиолдлоор нэмэгдлээ

Иргэд эмнэлгийн үйлчилгээ авахын тулд доод тал нь нэг сар 14 хоног хүлээж байгаагаас гадна эмч нарын хайхрамжгүй, хүйтэн хөндий, ихэмсэг харилцаа хандлагыг шүүмжилж байна. Тиймээс бодит нөхцөл байдлыг тодруулахаар Улсын Нэгдүгээр төв эмнэлгийг зорьж иргэд энэ асуудалд ямар байр суурьтай байгаа талаар сурвалжиллаа.
<hr />
Иргэн А.Равжаа: Эмнэлгийн үйлчилгээ авахад үнэхээр хүндрэлтэй байна. Эмчид үзүүлэх цаг авахад нэг сар хүлээх бол юу ч биш. Би бараг хоёр сарын өмнө бөөр, нүдэн дээр цаг авсан. Өнөөдөр ингээд үзүүлэх гээд хүлээгээд сууж байна. Гэхдээ хоёр сарын турш эмчид үзүүлэх цагаа хүлээх энэ хооронд ялангуяа ахмадуудад юу тохиолдохыг хэн мэдлээ дээ. Муугаар бодоход дараа нь хэн хариуцлага хүлээх вэ. Ингэж хугацаа алдаагүй бол арай ч ийм дээрээ тулахгүй байсан даа гэх гомдлын сэтгэл хэнд ч төрнө. Үнэхээр бухимдалтай байна. Цаг авахын тулд доод тал нь нэг сар хүлээнэ. Шинжилгээ өг гэвэл маргааш нь ирж эмчээсээ код авна. Тэгээд шинжилгээний хариу гарсны дараа эход харуулах ёстой болбол дахиад 14 хоног хүлээдэг байх жишээтэй. Хамгийн харамсалтай нь нэг сар 14 хоногийн дараа онош нь тодорхойгүй гэсэн хариу сонсдог. Дахиад л дээд доод шатны эмч нарын хаалга татаж, амыг нь харна. Заримдаа огт үзүүлж чадахгүй хамаг цагаа үрээд явдаг. Хэрвээ би энэ эмнэлэгт таньдаг хүнтэй байсан бол эмчид үзүүлж чадах байсан даа. Хамгийн сүүлд ийм бодол толгойд орж идэг. Аргаа барсан хүний бодол юм даа.
Иргэн Б.Саранчимэг: Эмч нар өвчтөнтэйгөө огт тулж харьцахгүй байна. Би сая эмчийн өрөөнөөс гарч ирлээ. Компьютер дээрээсээ миний нэрийг хараад шууд ийм, ийм шинжилгээ өг гэсэн. Ёс болгоод биед минь чагнуур хүргээд, янз бүрийн зовуурь байгаа эсэхийг ч асуусангүй.
Сүүлийн үеийн эмч нар өвчтөнтэйгөө тулж харьцахгүй байгаа юм шиг санагддаг. Өвчтөнөөсөө их хол, хүйтэн, хөндий. Дээхнэ үеийн эмч нар чагнуураараа нэг бүрчлэн чагнаж үзэж, асуулт асуудаг байлаа. Одоо чагнууртай эмч их ховор болжээ. Чагнууртай эмч харахаараа их баярладаг. Ямар ч байсан энэ эмч миний даралтыг ч болтугай үзэх юм байна гэсэн сэтгэгдэл төрдөг. Ер нь ихэнх залуу эмч нар “Суу. Яасан” гээд мань мэттэй их ихэмсэг харьцдаг. Бараг юм асуухгүй. Үйлчилгээ бол үнэхээр сул байна. Яах вэ эмч нар олон хүнтэй харьцдаг болохоор хэцүү л байдаг байх. Гэхдээ ард түмнийхээ эрүүл мэндийн төлөө зүтгэнэ гээд тангараг өргөсөн эмч хүнд хамгийн чухал зүйл харилцааны соёл шүү дээ. Хүн мэдлэггүй, дээд боловсролгүй байж болно. Тийм байлаа гээд төвөгшөөсөн, дээрэнгүй харьцаж болно гэсэн үг биш. Ядахдаа “Та их удаан хүлээжээ. Танд ямар зовуурь мэдрэгдэж байна. Эмчдээ бүгдийг нь хэлээрэй” гэвэл хүний сэтгэл өөр болно доо. Энд байгаа хүмүүс уйдсандаа ирдэггүй юм.
Аргагүй эрхэнд тартагтаа тулаад ирэхээр “Ингэ, тэг, тийшээ оч” гээд хуруугаараа хаашаа нь мэдэгдэхгүй заадаг. Явуулын хүмүүс их үйлчлүүлдэг ийм газарт хөтөч гэж хүн баймаар байна. Хөдөөний хүмүүс энэ эмнэлгийн хэдэн давхарт, юуны эмч нь суудгийг мэдэхгүй. Дэмжих төв дээр оч гэнэ. Хаана байдгийг нь мэдэхгүй болохоор эмнэлгийн хувцастай хүн бүрээс асууна. Тэр хүнээс асуу гээд нэг рүүгээ заадаг. Арайхийж мэддэг хүнийг нь олохоор тийшээ гэнэ. Яг хаашаа нь мэдэгдэхгүй, тийшээ, ийшээ гээд байдаг. Мал тууж байгаа юм шиг. Хамгийн гомдмоор нь тэтгэвэрт гарсан, 60 хүрсэн ахмадуудыг хүний тооноос хасаж үйлчилгээ үзүүлэх хандлагатай. Ер нь “60 гарсан таны оронд залуучуудыг эмчилж байсан нь дээр” гэсэн утгатай үг сонссон юм шиг болоод эмчийн өрөөний хаалгыг хаадаг. Уг нь хөгшин, залуу хүмүүс нийлж байж энэ ертөнцийг бүтээдэг биз дээ гэв.
Үений мэс заслын үзлэгийн гадаа эмчээ хүлээж буй иргэд: Хаашааявсан, хэзээ ирэх нь тодорхойгүй эмчийг хүлээх шиг зовлон алга
Үзлэгийн цаг авахын тулд нэг, хоёр сар хүлээх нь бараг асуудал биш болжээ. Хамгийн зовлонтой нь хаашаа явсан нь мэдэгдэхгүй эмч хүлээх л байна. Бид өглөө 8:30-д ирээд үзүүлж чадсангүй. Одоо 13:00 цаг болж байна. Эмч нь байхгүй. Бүр хамгийн эхний хүн ч ороогүй, хүлээгээд сууж байдаг. Бид энэ эмчийг таван цаг хүлээлээ. Эмч нь хаашаа явсан, юу болсон нь мэдэгдэхгүй, хаалгаа онгорхой орхиж гараад таван цаг алга болсон. Настай хүмүүс эмчид үзүүлж, эмнэлгийн үйлчилгээ авах гэж яваад биеэ улам дордууллаа. Иймэрхүү асуудлаас болж эрүүл мэндээрээ хохирч байгаадаа гомдолтой байна. Хөл, нуруу, үе мөч гээд өвдөхгүй газар алга. Бидэнд одоог хүртэл албан ёсны тайлбар огт хийсэнгүй. Эмнэлгийн хувцастай хүн бүр өөр хариулт хэлнэ. Асуухаар хагалгаатай байгаа, эсвэл удахгүй ирнэ, хүлээгээд сууж бай гэнэ. Зарим нь ойрхон гарсан гээд тоймтой хариу огт хэлэхгүй. Үнэхээр яаралтай ажилтай байсан юм бол яах гэж биднийг ингэж хүлээлгээд байгаа юм бэ. Яасан ч зовлонтой, бачуурмаар юм бэ.
Иргэн Д.Сүрэн: Үзүүлэх гээд өрөөнд нь орохоор эмч нар цаанаасаа хүйтэн хөндий харьцдаг. Биднийг хөдөөний хүмүүс болохоор сэжиглээд байдаг юм уу, бүү мэд. Үгийн зөрүүгүй шууд шинжилгээ өг гэнэ. Мэдээж, эмч хэлсэн учраас шинжилгээгээ өгнө. Тэгээд л хариугаа бариад үзүүлэх гээд өдөр бүр ирдэг. Нэг бол эмч нь алга болчихно. Эсвэл өдөржин оочерлоно. Би энэ өрөөний гадаа оочерлож зогсоод одоо бараг хоёр сар болж байна. Ийм эрүүл мэндийн тогтолцоо байдаг юм уу. Хэл сураггүй Эрүүл мэндийн сайдтай нь уулзмаар байна. Би өнгөрсөн хоёр сард нурууны хагалгаанд ороод гурван сард дотрын эмчид ходоод өвдөөд байна гээд зовууриа хэлэхэд “Өө, зүгээр байна шүү дээ” гэсэн. Би өөрийнхөө биеийг мэдэрнэ шүү дээ. Ийм эмч гэж байдаг юм уу. Би гомдол гаргаад дээд, доод шатны дарга нар руу нь орсон. Эмч нар юу ч мэддэггүй юм уу, эсвэл хүнд суртал нь хэтрээд байна уу. Үнэхээр сэтгэлгүй ханддаг. Орсон хүн бүрээ “Зүгээр байна. гар” гэнэ. Үнэхээр зүгээр байсан бол яах гэж өөрийгөө зовоон байж эмнэлэгт үзүүлэхээр ирэх юм бэ. Өөрт үнэхээр зовуурь мэдрэгдээгүй бол мөнгө, цагаа үрэн энд ирэх шаардлага байхгүй. Үнэхээр гомдолтой байна. Өвчтөнийхөө өвчин зовлонгоор ингэж тоглоом тохуу хийж болдог юм уу. Шинжилгээний хариу муу гарчээ, эмчээ яах вэ гэхээр дотрын эмч нь зүгээр л байнадаг гэдэг. Ходоодоо дурандуулахаар муу байна гээд байгаа юм. Гэтэл эмч нь зүгээр гэхээр хэнд итгэх болж байна аа.
Иргэн А.Булган: Төлсөн даатгалынхааүр шимийг эргээд хүртэнэ гэдэг үлгэр болжээ
Даатгалын хөнгөлөлт бол зогссон юм шиг байна. Шээсний шинжилгээнээс бусдыг нь гадуур хувийн эмнэлэгт 360 мянган төгрөгөөр өглөө. Даатгалаараа энэ эмнэлгээ засаж байгаа гэнэ. Тэгэхээр ард иргэд даатгал төлөөд өөртөө бус барилгад хөрөнгө оруулсан болж таарлаа. Ийм залилан байж болох уу. Залилах хүн мундсан биш ард түмнээ залилахаасаа ичээсэй. Одоо даатгал төлөөд түүнийхээ үр шимийг хүртэнэ гэдэг үлгэр болжээ.
&nbsp;

Иргэд: Эмнэлгийн үйлчилгээ авах гэж яваад биеэ улам дордууллаа

Хэдхэн жилийн өмнө хэвлэл мэдээлэл, тэр дундаа телевиз, сонин сэтгүүл хүчтэй байлаа. “Дарга, ялаа хоёрыг сониноор алж болно” хэмээх хатуу ч гэсэн үнэн үг байв. Техник технологийн хөгжил дэвшил хурдтай явагдаж, өнөөдөр бид ца-хим платформуудыг нэн сайн ашиглаж байна. Бүр хэтрүүлэн хэрэглэж, цахим ертөнцөд “амьдарч” байна ч гэж хэлж болно.
Өдөр бүр нэг шинэ сенсаци гарч ирж, түүнд нь хуйгаараа автаж, хэдэн тал болоод өдөржин цахим амьдралдаа алалцаж байна. Харин тэр бүх синсацийг цаадуул чинь, бүр тодруулж хэлбэл улстөрчид, дарга нар зориудаар гаргаж байгаа юм биш гэж санагдана. Бид өнөөдөр мэдэхгүй юмгүй мэдлэгтэн болцгоожээ. Улс төр, эдийн засаг, уул уурхайгаас эхлээд сансар огторгуй, дэлхий нийтийг ч бид л зохицуулаад байгаа мэтээр цахим орчиндоо авирлацгааж байгаа нь нууц биш. Тэгвэл цаана нь юу болж байгаа вэ. Ухаалаг утаснаасаа “ухаан муутай” болсон ард түмнээ цахимд “амьдруулчихаад” улстөрчид сэм хуйвалдаж, нам найралцгааж байна. Ам.долларын ханшийг сул тавьчихаад сайд нар нь “Валютын нөөц өссөн” гэж байна. Төр татвар төлөгчдийн мөнгөөр өөрийн гэсэн худалдааны төв ажиллуулж, түрээсээр нь ашиг олж байснаа галд автсаных нь дараа хохирлыг нь дахиад л улсын төсвөөс төлөх шийдвэр гаргаж байна. Онцгой байдлын нисдэг тэргээ дарга нь хөлөглөж зугаацсанаа гал унтраагчдаа ус үүрүүлэн уул руу авирууллаа. Дараа нь салхитай учраас нисдэг тэрэг ашиглаагүй гэж уран донгодлоо. Тэд энэ бүхнээ цахимд маш эвтэйхнээр оруулчихаад тэнд амьдрагсад нь сөгдөн мөргөж, шийдвэр бүрийг нь ураа хашхиран дэмжинэ.
Тиймээс цахим амьдралаасаа салж, хөрсөн дээрээ буумаар байна. Тэгээд үнийн өсөлт, ханшийн нэмэгдэл, татвар өссөн, тариа будаа тасарсан гээд олон асуудал дээр анхаарч, дарга нарыг ажлаа хийхийг шаардах хэрэгэй. Тэгэхгүй бол цахимд сайхан амьдруулах цаадуулын чинь төлөвлөгөө бүрэн хэрэгжихэд ойрхон байна.
Т.ДАРХАНХӨВСГӨЛ
&nbsp;

Цахимд “амьдруулах” цаадуулын чинь төлөвлөгөө биелж байна

04-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн зарим газраар, 05-нд төв болон говийн аймгуудын нутгийн зарим газраар, 06-нд баруун аймгуудын нутгийн зарим газар, төвийн аймгуудын нутгийн баруун хэсгээр, 07-нд Хангайн уулархаг нутаг болон говийн бүс нутгаар, 08-нд Хангайн нурууны өмнөд хэсгээр бороо, нойтон цас орно.
Салхи: 03-нд Алтайн салбар уулс болон Арц Богдын өвөр хоолойгоор, 04-нд нутгийн зарим газраар, 06-нд Алтайн салбар уулсаар, 07-нд нутгийн өмнөд хэсгээр секундэд 7-12, зарим үед секундэд 15-17 метр хүрч, шороон шуурга шуурна.
Агаарын температур: Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө -4&#8230;-9 градус хүйтэн, өдөртөө +5&#8230;+10 градус, говийн бүс нутгийн өмнөд хэсгээр шөнөдөө +3&#8230;+8 градус, өдөртөө +17&#8230;+22 градус дулаан, бусад нутгаар шөнөдөө -2&#8230;+3 градус дулаан, өдөртөө +10&#8230;+15 градус дулаан байна.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 04-нд оройдоо бага зэргийн бороо орно. Бусад хугацаанд хур тунадас орохгүй.
Салхи: Ихэнх хугацаанд секундэд 6-11 метр, 04-нд баруун өмнөөс хойш эргэж секундэд 12-14 метр хүрч, шороон шуурга шуурна.
Агаарын температур: Шөнөдөө Яармаг-Сонгины орчмоор -1&#8230;-6 градус хүйтэн, бусад хэсгээр -2&#8230;+3 градус дулаан, өдөртөө +10&#8230;+15 градус дулаан байна.

Улаанбаатарт өдөртөө 12 хэм дулаан байна

<div>
<div class="NewsDetail__content">
Энэ онд нийслэлийн 10 байршилд нийт 16 км урт борооны ус зайлуулах шугам угсарна. Борооны ус зайлуулах шугам угсралтын ажлын талаар Геодези, усны барилга, байгууламжийн газар ОНӨААТҮГ-ын Ерөнхий инженер С. Батсайханаас тодрууллаа.
Тэрбээр “Геодези, усны барилга, байгууламжийн газраас энэ зун Чингисийн өргөн чөлөөний авто замд 6 км борооны ус зайлуулах шугам угсрахаар төлөвлөж байгаа нь 2025 онд хийгдэх хамгийн урт ус зайлуулах шугам юм. Мөн борооны ус ихээр тогтож, иргэд зорчиход хүндрэл үүсгэдэг байршлууд болох Төмөр замын авто зогсоол орчимд, Алтай хотхоны арын туслах замд борооны ус зайлуулах шугам угсарна” гэлээ.
Энэ онд хийх борооны ус зайлуулах шугамын ажлууд:
<ol>
<li>Төмөр замын авто зогсоол орчмын борооны ус зайлуулах шугамын ажил, Шугамын голч: 400-1500 мм, шугамын урт: 1793 метр,</li>
<li>Энхтайвны гүүрний доод хэсгийн зам талбайн ус зайлуулах шугамын ажил</li>
<li>Алтай хотхоны 14 дүгээр байр орчмын борооны ус зайлуулах шугамын ажил Шугамын урт: 412 метр,</li>
<li>Энгельсийн гудамжны борооны ус зайлуулах шугамын шинэчлэл, өргөтгөлийн ажил, шугамын голч:400-600 мм, шугамын хүчин чадал: 0.102 м3/с, шугамын урт: 1003 метр,</li>
<li>ТЭЦ-3-ын арын уулзвараас Дунд голын гүүр хүртэлх борооны ус зайлуулах шугамын шинэчлэл, өргөтгөлийн ажил, шугамын голч:300-1000 мм, шугамын хүчин чадал: 1398 метр, шугамын урт: 1398 метр,</li>
<li>Хувьсгалын гудамжны борооны ус зайлуулах шугам,</li>
<li>Чингисийн өргөн чөлөөний борооны ус зайлуулах шугам,</li>
<li>БЗД, 14 дүгээр хороо, Нарт хотхон орчмын борооны ус зайлуулах шугамын ажил,</li>
<li>ХУД, 1 дүгээр хороо Наран хотхон, Петровисын ШТС орчмын авто замын борооны ус зайлуулах шугамын ажил, шугамын голч: 300-600 мм, шугамын урт: 1200 метр,</li>
<li>СХД, 29 дүгээр хороо, &#8220;Драгоны арын 22б байр орчмын замын  борооны ус зайлуулах шугамын угсралтыг 2025 онд тус тус хийнэ.</li>
</ol>
                                                                           НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
</div>
</div>
<div>
<div class="react-photo-gallery--gallery">
<div><img loading="lazy" decoding="async" src="https://ulaanbaatar.mn/files/mn/photos/w23rdhvmesh/68148504870dd507f473c182.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/1nxpzk5w9x2/68148509870dd507f473c183.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/6x1p962f7hl/6814850e870dd507f473c184.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/rsh6jqo3lu/68148514870dd507f473c185.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/bctdtd1adgm/68148519870dd507f473c186.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/vdn4tgubka/68148521870dd507f473c187.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/fkw9bmwq1p/68148526870dd507f473c188.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/lr4perhhmq/6814852c870dd507f473c189.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/bm25hcwx1zs/68148531870dd507f473c18a.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/lfudnrv0jj/68148535870dd507f473c18b.png" width="357" height="357" /></div>
</div>
</div>

Энэ онд нийслэлийн 10 байршилд борооны ус зайлуулах шугам угсарна

УИХ-ын нэгдсэн чуулганы өчигдрийн /2025.05.03/-ийн хуралдаанаар таван асуудал хэлэлцлээ.
Зээлийн мэдээллийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн тогтоолын төслийн анхны хэлэлцүүлгийг үргэлжлүүлэн хэлэлцлээ. Хуулийн төслийн анхны хэлэлцүүлгийн хүрээнд “Банкууд дэргэдээ ББСБ-ууд ажиллуулдаг. Өөрөөр хэлбэл, банкнаас арилжааны зориулалтай зээл авч, банк бус санхүүгийн байгууллагаар дамжуулан иргэдэд хэрэглээний зээл хэлбэрээр өндөр хүүтэй олгож байгааг гишүүд онцолсон. Тодруулбал, 2024 онд банкнаас Банк бус санхүүгийн байгууллагуудын авсан зээл 700 гаруй тэрбум төгрөгт хүрчээ. Банкнаас жилийн 24 хувийн хүүтэй авсан зээлээ иргэдэд олгохдоо 36-50 хувь хүртэл нэмж байгаа. Улмаар ломбард дахин илүү өндөр хүүтэй зээл олгох зэрэг иргэдэд санхүүгийн дарамт үзүүлж буй асуудлыг УИХ-ын түвшинд зохицуулах шаардлагатай гэж үзсэн юм.
Засгийн газраас өргөн мэдүүлсэн Жагсаал, цуглаан хийх эрх чөлөөний тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэхийг үргэлжлүүлэн хэлэлцэж хуралдаанд оролцсон гишүүдийн олонх нь дэмжиж, Хууль зүйн байнгын хороонд шилжүүлэв.
Эрүүл мэндийн даатгалын үндэсний зөвлөлийн даатгуулагчийг төлөөлсөн гишүүнийг томилох, чөлөөлөх тухай асуудлыг хэлэлцэж Сүхбаатарын Эрдэнэбатыг чөлөөлж, Баяраагийн Рагчааг томиллоо.
Амьтны тухай хуульд нэмэлт оруулах тухай хуулийн төслийн эцсийн хэлэлцүүлгийг хийж баталлаа. Хуулийн хэрэгжилтийг 2025.06.01-ээс дагаж мөрдөнө.
Засгийн газраас өргөн мэдүүлсэн Гаалийн албан татвараас чөлөөлөх тухай хуулийн төслийг хэлэлцэж, эцийн хэлэлцүүлэгт бэлтгүүлэхээр Эдийн засаг, Байгаль орчин, хүнс хөдөө аж ахуйн байнгын хороонд шилжүүллээ.

Хайх