Хур тунадас: 05-нд Монгол-Алтай болон говийн бүс нутгийн өмнөд хэсгээр, 06-нд баруун аймгуудын нутгийн зарим газар, төвийн аймгуудын нутгийн баруун хэсгээр, 07-нд баруун аймгуудын нутгийн зүүн, төвийн аймгуудын нутгийн баруун болон өмнөд хэсэг, говийн аймгуудын нутгийн зарим газраар, 08-нд Хангайн уулархаг нутаг болон говийн бүс нутгаар, 11-нд Алтай, Хангай, Хөвсгөл, Хэнтийн уулархаг нутгаар бороо, нойтон цас орно.
Салхи: 06-нд Алтайн салбар уулсаар, 07-нд нутгийн зарим газраар, 08-нд говь, тал, хээрийн нутгаар, 11-нд Алтайн уулархаг нутгаар секундэд 7-12 метр, зарим үед секундэд 15-17 метр хүрч, шороон шуурга шуурна.
Агаарын температур: 07-нд нутгийн хойд хэсгээр, 08-нд нутгийн зүүн өмнөд хэсгээр бага зэрэг сэрүүхэн байх боловч цаашдаа ихэнх нутгаар дулаарч Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө 0&#8230;-5 градус хүйтэн, өдөртөө +10&#8230;+15 градус, говийн бүс нутгийн өмнөд хэсгээр шөнөдөө +7&#8230;+12 градус, өдөртөө +21&#8230;+26 градус дулаан, бусад нутгаар шөнөдөө -1&#8230;+4 градус, өдөртөө +14&#8230;+19 градус дулаан байна.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: Бүх хугацаанд хур тунадас бороо орохгүй.
Салхи: Ихэнх хугацаанд секундэд 5-10 метр, 07-нд баруун өмнөөс хойш эргэж секундэд 12-14 метр хүрч, шороон шуурга шуурна.
Агаарын температур: Шөнөдөө Яармаг-Сонгины орчмоор 0&#8230;-5 градус хүйтэн, бусад хэсгээр -1&#8230;+4 градус дулаан, өдөртөө +14&#8230;+19 градус дулаан байна.

Улаанбаатарт өдөртөө 23 хэм дулаан байна

Түймрийн хуурайшилт өндөр байгаа тул Богдхан уулын уулын хамгаалалтын бүсэд зорьж буй иргэдийн хөдөлгөөнийг хязгаарлажээ.
<div class="gg_ban_div gg_ban_responsive padding-top-10 padding-bottom-10 uk-hidden@m gg_ban_processing gg_ban_done" data-responsive-mode="parent">
<div id="gg_bn_news-b3-m" class="ggbannerins">
<div id="aswift_1_anchor"></div>
</div>
</div>
Иргэдийн хөдөлгөөн ихтэй уулын амнуудад Богдхан уулын дархан цаазат газрын Хамгаалалтын захиргааны байгаль хамгаалагч нар болон Монголын явган алхалтын холбооны гишүүдээс бүрдсэн хяналтын багууд ажиллаж иргэдийн хөдөлгөөнийг хязгаарлах үйл ажиллагаанд оролцож байна.
Ялангуяа иргэдийн хөдөлгөөн ихтэй амралтын өдрүүдээр Онцгой байдал, цагдаагийн алба хаагчид, сайн дурын иргэд болон Хамгаалалтын захиргааны албан хаагчид хөдөлгөөн хязгаарлах ойн бүсэд нэвтрүүлэхгүй байх зохион байгуулалт хийж буй аж.
<ul>
<li>Богдхан уулын дархан цаазат газрын нутаг дэвсгэрийн онцгой, хязгаарлалтын бүс болон энгийн хамгаалалтын бүсэд Байгаль орчныг хамгаалах тухай, Усны тухай, Газрын тухай, Ойн тухай, Амьтны тухай, Ургамал хамгаалаллын тухай,  Тусгай хамгаалалттай газар нутгийн тухай, Хог хаягдлын тухай, Байгаль орчны нөлөөллийн үнэлгээний тухай хуулиудын хэрэгжилт,  Байгаль орчин, уур амьсгалын өөрчлөлтийн сайдын 2025 оны 03 дугаар сарын 10-ны өдрийн А/112 тушаал, Нийслэлийн засаг даргын 2025 оны 03 дугаар сарын 26-ны өдрийн А/373 тоот захирамж,</li>
<li>Богдхан уулын дархан цаазат газрын хамгаалалтын захиргааны даргын 2025 оны 03 дугаар сарын 14-ны өдрийн А/10 тушаалуудын  хэрэгжилтийг хангуулж  гал түймрийн аюулаас урьдчилан сэргийлэх зорилгоор Ойн тухай хуулийн 3.1.17-д заасны дагуу түймрийн хуурайшилт өндөр байгаа тул зорчих хөдөлгөөнийг хязгаарлав хэмээн Богдхан уулын дархан цаазат газрын Хамгаалалтын захиргаанаас мэдээлэв.</li>
</ul>

Богдхан ууланд зорчих хөдөлгөөнийг хязгаарлалаа

БНСУ-ын Чонжү хотоос Хөвсгөл аймгийн Мөрөн сум чиглэлийн олон улсын анхны шууд нислэг долдугаар сарын 29-нөөс эхэлнэ.
Энэхүү түүхэн нислэг манай улсын аялал жуулчлалын салбарын хөгжилд бодит хувь нэмэр оруулах ач холбогдолтой. Мөн Монгол Улсыг зорин ирэх жуулчдын урсгалыг нэмэгдүүлэх, тэднийг богино хугацаанд зорьсон аяллын бүс нутагт нь хүргэх гол зорилготой. Түүнчлэн Хөвсгөл аймаг болон бүс нутгийн эдийн засгийн хөгжилд үнэтэй хувь нэмэр оруулах давуу талтайг албаныхан онцоллоо.

Долдугаар сард БНСУ-аас Хөвсгөл аймаг руу шууд нислэг үйлдэнэ

“Microsoft” компанийг хамтран үүсгэн байгуулагч, тэрбумтан Билл Гейтс ирэх 20 жилийн хугацаанд хувийн хөрөнгөө үндсэндээ бүгдийг нь буяны болон хүмүүнлэгийн үйлсэд зориулна гэдгээ мэдэгджээ.
&#8220;Би өөрийнхөө ихэнх хөрөнгийг дэлхий даяар хүний амь насыг аврах, амьдралыг сайжруулах үйл хэрэгт зориулахын тулд Гейтсийн сангаар дамжуулан хандивлана. Харин сангийн үйл ажиллагаа 2045 оны 12 дугаар сарын 31-нд бүрэн зогсоно&#8221; хэмээн Б.Гейтс пүрэв гарагт буюу өчигдөр мэдэгдсэн байна.
Ирэх 20 жилийн хугацаанд Гейтсийн сан нийтдээ 200 тэрбум ам.долларыг хандивлахаар төлөвлөж байгаа ажээ. Энэ нь тус байгууллагын 25 жилийн хугацаанд зарцуулсан хандиваас хоёр дахин их бөгөөд сангийн одоогийн хөрөнгөөс давж байгаа тул үлдсэн хэсгийг Билл Гейтсийн хувийн хөрөнгөөс (одоогоор 108 тэрбум ам.доллароор үнэлэгдэж буй) санхүүжүүлэхээр шийдвэрлэжээ. &#8220;Намайг нас барсны дараа хүмүүс миний талаар янз бүрээр дурсана, гэхдээ &#8220;тэр хүн баян хэвээрээ нас барсан&#8221; гэх үг сонсогдохгүй байлгахыг хичээх болно&#8221; гэж &#8220;Microsoft&#8221;-ыг үүсгэн байгуулагч хэлсэн байна.
Д.Жаргал

Билл Гейтс хөрөнгөнийхөө ихэнхийг буяны үйлст хандивлана

Нисэхийн тойргийг олон түвшинт уулзвар болгох ажил үргэлжилж байна. Уг уулзварын дахин төлөвлөлтийн ажлын хүрээнд одоо байгаа дулааны шугамыг шилжүүлэх, өөрчлөх, авто зам доогуур орсон ус хангамж, ариутгах татуургын шугамыг хүчитгэж хамгаалах, холбооны болон цахилгааны худаг сувагчлалыг хамгаалах, шилжүүлэх, шинээр байгуулах, авто замын борооны ус зайлуулах шугамыг шинээр барих зэрэг инженерийн шугам сүлжээний ажлыг хийнэ. Тодруулбал, дулааны шугамыг шилжүүлэх, өөрчлөх ажлыг өнгөрсөн сарын 21-ний өдөр эхлүүлсэн бөгөөд өнөөдрийн байдлаар дулааны худаг хоорондын сувагчлал, газар шороо, ухмалын ажил, худгийг төмөр бетоноор цутгаж байна.
<img decoding="async" src="https://ulaanbaatar.mn/files/mn/images/mekfx2tng8c/681dd4e4870dd507f473c295.jpg" />
<img decoding="async" src="https://ulaanbaatar.mn/files/mn/images/8v7da6wxaqr/681dd4eb870dd507f473c296.jpg" />
&nbsp;
<img decoding="async" src="https://ulaanbaatar.mn/files/mn/images/dfay7osswcc/681dd4f8870dd507f473c298.jpg" />
<img decoding="async" src="https://ulaanbaatar.mn/files/mn/images/nie0ettgfoo/681dd4fe870dd507f473c299.jpg" />

Нисэхийн тойргийг олон түвшинт уулзвар болгох ажил үргэлжилж байна

Ирэх долоо хоногт УИХ-ын чуулганаар хэлэлцэх асуудлууд

Дугуйтай Улаанбаатар 2025&#8243; өдөрлөг эхэллээ. Өдөрлөгийн хүрээнд дугуйн парад 06:00-13:00 цагийн хооронд болох тул авто замын хөдөлгөөнийг хэсэгчлэн хааж байгаатай холбогдуулан нийтийн тээврийн 42 чиглэлд өөрчлөлт орох талаар Нийтийн тээврийн бодлогын газраас мэдээллээ.
Үүнд,
<ul>
<li>Их тойруугаар явах чиглэлүүд: Баянбүрд, Үндэсний шуудан, Сансарын ШТС зогсоолоор,</li>
<li>Босоо чиглэл буюу хойноос урагш явах чиглэлүүд: Ногоон нуур, 120 мянгат, Төв цэнгэлдэх хүрээлэн зогсоолоор,</li>
<li>Баруун 4 замыг дайран өнгөрөх чиглэлүүд: МҮЭСТО, Элба төв, Бөмбөгөр худалдааны төв, Нарны титмийн зогсоолоор,</li>
<li>Зүүн 4 замыг дайран өнгөрөх чиглэлүүд: Сансарын үйлчилгээний төв, Хавдар судлалын үндэсний төв гэсэн чиглэлүүдэд тус тус үйлчилнэ.</li>
</ul>
Түүнчлэн хотын төвийн буюу Их тойруу доторх гол гудамж, замууд хаагдах үед нийтийн тээврийн үйлчилгээний чиглэлүүд хойгуураа Их тойруугийн гудамж, урдуур Нарны зам, Намъяанжугийн гудамжаар явах аж. Мөн хойноос урагш болон урдаас хойш явдаг босоо чиглэлүүд болох Баруун 4 зам, Нарны гүүр, Зүүн 4 замаар үйлчлэх бөгөөд орой 18:00 цагаас хойш үндсэн замаар хэвийн үйлчилж эхэлнэ гэдгийг мэдээллээ.
<img decoding="async" class="img-responsive" src="http://cdn.eagle.mn/uploads/editor_file/images/496942475_1013963837514209_3552949130702702861_n.jpg" alt="Маргааш нийтийн тээврийн 42 чиглэлд өөрчлөлт орно" /><img decoding="async" class="img-responsive" src="http://cdn.eagle.mn/uploads/editor_file/images/2(199).jpg" alt="Маргааш нийтийн тээврийн 42 чиглэлд өөрчлөлт орно" /><img decoding="async" class="img-responsive" src="http://cdn.eagle.mn/uploads/editor_file/images/3(152).jpg" alt="Маргааш нийтийн тээврийн 42 чиглэлд өөрчлөлт орно" /><img decoding="async" class="img-responsive" src="http://cdn.eagle.mn/uploads/editor_file/images/4(137).jpg" alt="Маргааш нийтийн тээврийн 42 чиглэлд өөрчлөлт орно" />

Нийтийн тээврийн 42 чиглэлд өөрчлөлт орлоо

Монгол Улсын гавьяат тамирчин Б.Баярхүүтэй нийгэмд эд хөрөнгөөрөө гайхуулах, илүүрхэх явдал газар авсан талаар ярилцлаа.
<hr />
-Сүүлийн үед малгайны асуудал нийгэмд нэлээн шуугиан тарьлаа. Ер нь нийгэм эд хөрөнгөөрөө гайхуулах хандлагатай болоод байна уу?
-Яах вэ олны анхааралд өртсөн нь энэ малгай юм шиг байна. Олон нийтийн анхааралд өртөөгүй ч хөшигний цаана үүнээс илүү тэнэгрэл, мунхаглал бүх шатанд өрнөж байхыг үгүйсгэхгүй. Бурхан багш “Алт өмсөхийн оронд зүрх сэтгэл, оюун тархиа алт шиг байлга” гэж хэлсэн байдаг. Гэтэл бид зөвхөн алт, эд баялаг, үнэт эдлэлийг хэрэглэвэл хамгийн дээд амьдрал гэж оюун санааны хувьд ойлгодог болох гээд байна. Энэ нь нийгэмд хамгийн их сөрөг үр дагавартай. Нэгдүгээрт, манай нийгэм оюун санааны хоосролд бүрэн орлоо. Хоёрдугаарт, атаархал хорсол талцлыг бий болгодог. Сүүлдээ бид Н.Жанцанноров багшийн хэлдгээр соёл, гоёлоо ч ялгах ухамсрын чадамжгүй, бусдыг сохроор даган дуурайдаг хүмүүс боллоо. Үнэхээр тэр малгай бол манай нийгмийн эмгэнэл шүү.
<img loading="lazy" decoding="async" class="alignnone size-full wp-image-643971" src="https://admin.dnn.mn/wp/wp-content/uploads/2025/05/image-8.png" alt="" width="257" height="217" />
Үүнийг маазарч, хөөргөх, магтах ямар ч үндэслэл байхгүй. Хүн гэдэг ямагт ном уншиж, түүх соёл уламжлалаа судалж, суралцаж байх ёстой. Харин бид үүний эсрэг буюу гоёж, гангалж бусдад өөрийгөө гайхуулж харуулах донтой болсон. Гэтэл хүн төрөлхтөн улам баяжих, хөгжих тусмаа маш энгийнчлэл рүү явж байна. Өнөөдөр дэлхий дээр алтаар дээл хийгээд өмсөх хэмжээний эдийн засгийн чадвартай Элон Маск, Марк Цукерберг гээд тэрбумтнууд байгаа. Тэд баян уу, баян. Тэдэнд алт бий юу, бий. Гэхдээ тэд хэзээ ч алтаар бүрсэн хувцас өмсөөд бусдад гайхуулж байгаагүй биз дээ. Энэ бол тухайн улсын нийгмийн оюун санааны хөгжил ямар өндөр түвшинд буйг илэрхийлж байна. Хүн гэдэг гэгээрэх, төлөвших, ухаажих тусмаа хамгийн энгийн амьдралыг сонгодог. Энэ бол бусдад т өвөг болохгүйгээр өөрийгөө чадамжуулах ийм эгэл амьдрал алт шиг үнэ цэнэтэй. Харин оюун санаа, ухамсрын доройтолд орсон улсын иргэд алт, мөнгө биет баялаг, шагнал, гавьяагаар уралдах дуртай болдог. Бидний одоогийн дур зураг яг ийм байна.
-Бид хэтэрхий эд хөрөнгийг мухар сохроор шүтээд байна уу?
-Бид яг Төвөдүүд шиг болж байна. Ялгарах зүйл алга. Мухар сүсэг гэдэг бол аливаа юмс, үзэгдлийн учрыг тайлж, ойлгож, шинжлэх ухаанч түвшнээр мэдрэхгүйгээр туйлчлан шүтэхийг хэлдэг. Өөрөөр хэлбэл, тухайн зүйлээ хий хоосноор даган шүтэж, мөргөж, агуулгагүйгээр биширч өөрийгөө хуурдаг. Манай нийгмийн хувьд баялаг буюу алтыг шүтдэг. Эд хөрөнгөтэй хүнийг хүчирхэг хүн гэж тодорхойлдог мухар итгэл үнэмшилтэй болсон. Алттай хүн юу ч хийж болно гэсэн сэтгэхүй бүх түвшинд кодлогдчихсон.
Үүний нөгөө талд болох, болохгүй гэдгээс хамаараад ухамсрын асуудал доройтож байгаа юм. Ёс, ёс зүйн талаар мэдлэггүй болсон хүнд хэрэгтэй юу, хэрэгтэй. Ганган чамин хувцас хүн өмсөж болно. Өмсөх ч ёстой. Юуг ч хориогүй шүү. Гэхдээ хаана, юуг эдэлж хэрэглэх зохимжтой вэ гэдгийг ухамсар, ёс зүйгээрээ шийдэх ёстой. Хамгийн гол нь тодорхой, тогтсон хэм хэмжээнд түүнийгээ барих ёстой гэдгийг ухаарч, ойлго. Аливаа зүйл хэмжээнээсээ хэтэрвэл солиорол, мухар сүсэг болдог. Эрх чөлөө хүртэл өөрөө хэм хэмжээтэй. Таны хийх үйлдэл ч хэмжээтэй. Ер нь хүн хоёр хуульд захирагдаж амьдардаг. Байгалийн жамд, хүн төрөлхтний зохиосон хуульд. тохиолдолд хүний ухамсар доройтдог. Нэг ёсондоо ухамсар, ёс зүй хоёр нэг мөн чанартай. Ёс зүйтэй ард түмэн өндөр мэдлэг, боловсролтой эгэл даруу байдаг гэсэн үг. Өндөр ёс зүйтэй хүн ухамсартай байдаг. Учир нь өндөр ёс зүй гэдэг мэдлэг, боловсрол юм. Ёс зүйтэй хүн үйлдэл хийхээсээ өмнө зөв үү, буруу юу гэдгийг өөрөөсөө асууж, түүнийгээ ялгаж чаддаг. Бид сул дорой, дархлаагүй сэтгэлгээгээр бусдыг дуурайдаг болсон. Бид өндөр ёс зүй, мэдлэг ухамсраа алдсан учраас сул дорой, дархлаагүй сэтгэлгээгээр бусдыг даган дуурайдаг болсон. Монголчууд Төвөд шиг мухар сүсгээр бүхнийг шийддэг, түүгээрээ өөрийгөө гоёж бусдад гайхуулах үзэл сурталтай боллоо. Алт, мөнгөтэй, баян чинээлэг хүн харах юм бол түүнийгээ дийлдэшгүй мундаг хүн гэж сүрддэг. Одоо бүр тахин шүтэж байна. Мөнгийг аз жаргал гэж боддог. Ховор амьтдын эд өлгий зүйлээр хийсэн бол түүнийг хамгийн тансаг гоёл гэх хэмжээнд хүрчээ. Агуулга бус хэлбэрийг дээдэлж, шүтдэг мухар сүсэгт бид живэх нь ээ.
-Өнөөдөр бид ардчилсан, хүмүүнлэг иргэний нийгэмд амьдарч байгаа учраас зарим хүмүүс юу ч хийж болно гэж ойлгоод байна уу?
-Энэ ардчилсан, хүмүүнлэг иргэний нийгэм хэнд ч дураараа дургих эрхийг олгоогүй шүү. Ардчилсан нийгэм гэхээр манайхан хууль зөрчихгүйгээр юу ч хийсэн болно гэж хэт туйлширч бодоод байна. Харин эсрэгээрээ хариуцлага, ёс зүй, мэдлэг, оюун санааны чадамжтай иргэн байхыг шаарддаг. Хуулиас гадна аливаа хүний үйлдэл, зан араншин, төлөвшлийг ёс зүйн хэм хэмжээ зохицуулдаг. Эрх чөлөөт нийгэмд бид хэм хэмжээнд тохируулан юу ч хийх боломжтой. Бид өнөөдөр эрх чөлөөг буруугаар ойлгож байна. Угтаа үүргээ биелүүлж, эрхээ эдлэхийг эрх чөлөө гэдэг юм. Ардчилсан нийгэмд юу ч хийсэн болно гэх үгийг ухаантай бол хүн ойлгоно. Уг нь хүн бүр хүчирхэг байх ёстой гэсэн үг шүү дээ.
Оюун санаа, сэтгэлгээ, сэтгэхүй, бие махбод гээд бүх талаараа хүчирхэг байхыг хэлж байгаа юм. Гэтэл манайхан жаахан баялагтай болох юм бол түүгээрээ гайхуулах гэдэг. Нэгнийхээ дээр гарахыг хүсдэг шунахай болчихсон. Хамгийн хөөрхийлөлтэй нь үүнийгээ хүчирхэг байдал гэж эндүүрээд байгаа юм. Мөн чанартаа бол шунахай, сэтгэлээсээ ангижирна гэдэг нь өөрөө хүчирхэг хүн болж төлөвшиж байгаа хэрэг. Гэтэл бид шунахай сэтгэлийнхээ боол болж байна. Мэдээж алт, мөнгө хүнд хэрэгтэй юу, хэрэгтэй. Ганган чамин хувцас хүн өмсөж болно. Өмсөх ч ёстой. Юуг ч хориогүй шүү. Гэхдээ хаана, юуг эдэлж хэрэглэх зохимжтой вэ гэдгийг ухамсар, ёс зүйгээрээ шийдэх ёстой. Хамгийн гол нь тодорхой, тогтсон хэм хэмжээнд түүнийгээ барих ёстой гэдгийг ухаарч, ойлго. Аливаа зүйл хэмжээнээсээ хэтэрвэл солиорол, мухар сүсэг болдог. Эрх чөлөө хүртэл өөрөө хэм хэмжээтэй. Таны хийх үйлдэл ч хэмжээтэй. Ер нь хүн хоёр хуульд захирагдаж амьдардаг. Байгалийн жамд, хүн төрөлхтний зохиосон хуульд.
-Өөрийгөө бусдаас өөр, онцгой гэж мэдрэхийг хүсээд иймэрхүү үйлдэл гаргаж болох уу?
-Нохойд алтан гинж зүүсэн ч нохой хэвээрээ байдаг шүү дээ. Чи хэчнээн алтан дээл, цаг, ээмэг, бөгж, малгай өмссөн ч бусадтайгаа адилхан мах, цуснаас бүтсэн хүн хэвээрээ л байна. Гадаа гудамд гуйлга гуйгаад сууж байгаа хүн гээд бид бүгд эцсийн эцэст байгаль эхдээ шингээд дуусах жамтай. Хүн бүр нэг цэгт дуусдаг жамтай. Үүнээс хэн ч зугтаж чадахгүй. Зул бөхөхийнхөө өмнө бадамлана гэдэг шиг бид үнэт эдлэл, эд баялгийн үнээр нэгнээ хэмжиж, үнэлж, хэмлэж байгаад үхэх гэж үү. Эд хөрнгөөрөө өөрийгөө илүү хэмээн харуулах гэж оролдох шиг тэнэглэл, мунхаглал байхгүй. Иймэрхүү үйлдэл ичиж, айх мэдрэмжээ алдсан хүнээс л гардаг. Ичихээ булчирхайгүй болсон хүн юуг ч тунгааж бодохгүйгээр үйлддэг. Гэтэл хүнийг хүн болгодог ганц мэдрэхүй чинь өөрөө ичих булчирхай шүү дээ. Ямар ч хүн адаглаад хүнээс айж, эмээж, ичих, санаа зовдог байх ёстой. Энэ бол хүн бүрд байх ёстой хамгийн наад захын ёс зүй, соёл шүү.
-Ичих мэдрэмжээ алдахын хамгийн хор уршигтай тал нь юу вэ?
-Ичих булчирхай ажиллахаа болино гэдэг чинь хатуугаар хэлэхэд, тухайн хүн мал, амьтантай төстэй болж буйн илрэл. Ерөөсөө л ичих мэдрэмж биднийг мал амьтнаас ялгаж өгдөг ганц шинж. Мал бол “Би ийм зүйл хийж болохгүй шүү” гэж бодож чадахгүй. Харин хүн л ингэж бодож, сэтгэж, үйлдлээ тааруулан удирдаж, хянаж чадна. Ичих булчирхайгүй болсон хүн юуг ч бодож эргэцүүлэхгүйгээр үйлддэг. Тэгэхээр малаас ялгаа юу байгаа юм. Магадгүй бүр дор болох ч талтай. Ичиж мэддэггүй хүн юунаас ч эмээхээ больдог. Өөрөөс нь өөр гайхалтай хүн энэ хорвоо дээр байхгүй мэтээр аашилдаг. Тэр хүн зөвхөн өөрөө өөртэйгөө амьдарч эхэлдэг. Үүний үр дүн манай нийгмээр дүүрэн.
Эх сурвалж: “Өдрийн сонин”
А.Даваадулам

Хайх