<blockquote class="wp-block-quote">Долоодугаар Сарын 13-Ны Өдрийн Байдлаар Сэлэнгэ Мөрөн Зүүнбүрэн Сум Орчимд Болон Их Хянганы Нуруунаас Усжих Халх, Алтай Нуруунаас Эхтэй Дундцэнхэр Зэрэг Голуудын Усны Түвшин Өмнөх Өдрөөс 5-10 См-Ээр Нэмэгдсэн Байна.</blockquote>
Одоогийн байдлаар Сэлэнгэ мөрөн /Хялгант тосгон, Зүүнбүрэн, Сүхбаатар сум/, Орхон /Бат-Өлзий, Өлзийт, Орхон, Орхонтуул сум/, Идэр /Их-Уул/, Урдтамир, Зүүнтүрүү, Хурх, Балж, Улз, Ховд /Өлгий, Мянгад/, Буянт /Ховд аймаг/, Хожуул, Тээл, Шарга, Заг, Байдраг /Баянбүрд/, Зэгстэй, Хархираа, Хариг зэрэг голууд олон жилийн дундаж түвшинг 5-40 см давсан байдалтай байна.
Өнөөдөр баруун аймгуудын нутгийн зүүн, говийн аймгуудын нутгийн хойд хэсэг, төвийн аймгуудын ихэнх нутгаар бороо, дуу цахилгаантай аадар броо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд огцом нэмэгдэх, хуурай сайр гуу жалгаар уруйн үер буух нөхцөл бүрдэх тул иргэд үерийн аюултай бүсээс хол аюулгүй газар зусах, амрах болон гол мөрөн, нуурын ойролцоо амарч зугаалахдаа ажиглалт хийж, уулын ам, голын ай сав, үерийн буулт бүхий газарт отоглож , хоноглохгүй байх, зөвхөн зөвшөөрөгдсөн зам гүүрээр зорчихыг Ус цаг уур орчны судалгаа мэдээллийн хүрээлэнгийн гадаргын Усны судалгааны хэлтэсээс зөвлөж байна.

Голуудын усны түвшин өмнөх өдрөөс 5-10 см-ээр нэмэгдсэн байна

Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр цэнгэл наадмын сонгомол дунд насны морьд барианд орлоо. Сонгомол дунд насны морьдын уралдаанд 106 хурдан хүлэг бүртгүүлж, 94 хүлэг мордсон. Тэгвэл айргийн тавд хурдалсан хурдан хүлгүүдийг танилцуулъя.
1.Хөвсгөл аймгийн Мөрөн сумын уугуул Нийслэлийн алдарт уяач Дорждалайн Даяндэмидийн Наран зээрд,
2. Дундговь аймгийн Эрдэнэдалай сумын харъат аймгийн алдарт уяач Чулууны Ганцогтын сартай хонгор,
3. Хэнтий аймгийн Хэрлэн сумын алдарт уяач Энхболдын Болдгэрэлийн халтар,
4. Сэлэнгэ аймгийн Баянгол сумын уугуул аймгийн алдарт уяач Чулуундаваагийн Тамирын сартай хээр,
5. Сүхбаатар аймгийн Баяндэлгэр сумын уугуул аймгийн алдарт уяач Дамдинсүрэнгийн Аваасүрэнгийн саарал хурдаллаа.

Сонгомол дунд насанд Д.Даяндэмидийн “Наран зээрд” түрүүллээ

Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарын Монгол Улсад хийсэн төрийн айлчлал өндөрлөж байна.
Энэхүү түүхэн айлчлал нь Монгол, Япон хоёр улсын найрсаг харилцаа, хамтын ажиллагаанд шинэ эрин үеийг эхлүүлж, итгэлцэл, ойлголцлыг гүнзгийрүүлэх чухал алхам боллоо.
Талууд бүс нутаг, дэлхий дахинд тулгарч буй сорилтуудыг энхийн замаар хамтран шийдвэрлэх, тогтвортой хөгжил, хүн төвтэй бодлогыг тууштай дэмжих талаар ижил байр суурь илэрхийлсэн нь “хүн төвт” тусгай стратегийн түншлэлийн үнэт зарчмуудыг бататгасан онцгой ач холбогдолтой үйл явдал болсон юм.
Мөн соёл, боловсрол, шинжлэх ухаан, эрүүл мэнд, байгаль орчин зэрэг олон салбарын хамтын ажиллагааны ахиц дэвшлийг онцлон тэмдэглэж, ирээдүй хойчийн харилцааг бэхжүүлж, харилцан хүндэтгэлийг төлөвшүүлсэн нь энэхүү айлчлалын үнэ цэнийг илтгэж байна.
Монголын ард түмний эрхэм дээд бахархал Үндэсний их баяр наадмын үеэр хэрэгжсэн уг төрийн айлчлал нь хоёр орны ард иргэдийн нөхөрлөлийн гүн гүнзгий холбоог илэрхийлж, соёл, уламжлал, үнэт зүйлсээ хуваалцсан онцгой бөгөөд дурсамжит мөчүүдийг бүтээсэн билээ.
Цог Жавхлант эзэн хаан, Эрхэм дээд хатан нартай нарлаг Монгол орондоо ахин уулзахын ерөөл өргөе! 🇲🇳🇯🇵

Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарын айлчлал өндөрлөв

Тулгар Төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ой, Үндэсний их баяр наадам өнөөдөр Уяачдын баяраар Хүй Долоон худагт үргэлжилж байна.
Төрийн их баяр наадмын хурдан сонгомол дээд насны уралдаанд нийт 80 морь бүртгүүлснээс 66 нь гарааны зурхай руу хөдөлсөн.
Тэгвэл тус уралдаанд:
&#8211; Увс аймгийн Тэс сумын харьяат, Монгол Улсын манлай уяач М.Цэрэнжавын хүрэн халзан түрүүлж,
&#8211; Төв аймгийн Алтан булаг сумын харьяат, Аймгийн алдарт уяач Г.Пүрэвцэндийн хүрэн халзан аман хүзүүдэж,
&#8211; Айргийн гуравт, Сүхбаатар аймгийн Баяндэлгэр сумын харьяат Т.Бямбажаргалын халтар,
&#8211; Айргийн дөрөвт, Өвөрхангай аймгийн Тарагт сумын харьяат, Монгол Улс тод манлай уяач М.Алтан-Очирын бор,
&#8211; Айргийн тавд, Завхан аймгийн Тосонцэнгэл сумын харьяат, Монгол Улсын тод манлай уяач М.Алтан-Очирын бор тус тус хурдаллаа.

УЯАЧДЫН НААДАМ: Манлай уяач М.Цэрэнжавын хүрэн халзан түрүүллээ

MCS группийн Захирлуудын зөвлөлийн дарга Ж.Оджаргал улсын арслан цол хүртсэн Баянхонгор аймгийн Жинст сумын харьяат бөх Э.Батмагнайн цолыг нэг тэрбум төгрөгөөр мялаана гэдгээ мэдэгдлээ. Тэрээр &#8220;Сүүлийн жилүүдэд нутгийн залуу бөхөө дэмжиж, дээлийн захыг нь мушгиж ирлээ. Хонгор нутгаас маань 76 жилийн дараа улсын наадмын түрүү бөх тодорсонд магнай тэнийн баярлаж сууна. Шинэ арслангийнхаа амжилтыг нэг тэрбум төгрөгөөр мялааж, улсын аварга хэмээх эрхэм цолонд хүрч, түмэн олноо баярлуулахыг хүсэн ерөөе&#8221; гэв. MCS группийн Захирлуудын зөвлөлийн дарга Ж.Оджаргал нь Баянхонгор аймгийнх юм. Тэрээр хэдхэн хоногийн өмнө 3х3 сагсан бөмбөгийн дэлхийн аваргаас мөнгөн медаль хүртсэн Монгол Улсын эмэгтэйчүүдийн шигшээ багийг мань нэг тэрбум төгрөгөөр шагнасан.

MCS групп улсын арслан Э.Батмагнайн цолыг нэг тэрбум төгрөгөөр мялаана гэдгээ мэдэгдлээ

Цоодолын Хулан: Энэ сайхан эх орноо сэвхийтэл өөд татахсан

<div>
Баянзүрх дүүргийн 33 дугаар хороо буюу Гачууртын Шар хоолой, Шивэртийн аманд шүлхий өвчин гарсантай холбогдуулан тус дүүргийн Засаг дарга Г.Жаргалсайхан захирамж гарган хорио цээрийн дэглэм тогтоолоо.
</div>
<div>
Хорио цээрийн дэглэм тогтоосонтой холбоотойгоор тухайн бүс нутагт амьдардаг иргэдийг урд шөнийн 00:00 цагаас эхлэн долоодугаар сарын 30 хүртэл оруулж, гаргахгүй байхаар шийдвэрлэснийг анхаарууллаа.
</div>
<div>
<div>
<div class="lg-react-element post-images-container columns-1 gap-none"></div>
</div>
</div>

Гачууртад шүлхий өвчин гарч, хорио цээрийн дэглэм тогтоолоо

Сэлэнгэ аймгийн Мандал, Ерөө, Хүдэр суманд гарсан ойн түймрийг унтраахаар ажиллаж байгаа Архангай, Өвөрхангай, Говьсүмбэр, Сэлэнгэ, Дархан-Уул, Баянхонгор, Булган, Орхон аймгийн Онцгой байдлын газар, НОБГ болон Үндэсний аврах бригадын алба хаагчдад эрүүл мэндийн тусламж үйлчилгээг газар дээр нь үзүүлж байна.
ОБЕГ-ын Захиргаа, эрх зүй, хүний нөөцийн газрын хэлтсийн дарга, дэд хурандаа Д.Хонгороор ахлуулсан эмнэлгийн хөдөлгөөнт бүлгийн бүрэлдэхүүнд ОБЕГ, Агаараас эрэн хайх, аврах 111 дүгээр анги, Ар талын 113 дугаар ангийн нарийн мэргэжлийн эмч, сувилагч нар ажиллаж байгаа юм.
Түймрийн голомтод ажиллаж байгаа 152 алба хаагчдад зөгий, хачиг, могойнд хатгуулсан үеийн тусламж, шархны анхны цэгцлэлт, хордлого тайлах болон дархлаа дэмжих, үрэвслийн эсрэг эмчилгээ, түлэгдэлт, харшил, хөл холгосон, хоол боловсруулах замын эмгэг, гүйлсэн булчирхайн үрэвсэл, хатиг, арьсны идээт үрэвсэл зэрэг зовуурийн хүрээнд эмчилгээ, үйлчилгээг хийж байна гэж ОБЕГ-аас мэдээллээ.

Хайх