УИХ-ын даргын 2025 оны 05 дугаар сарын 08-ны өдрийн захирамжаар Тодорхой ордыг стратегийн ач холбогдол бүхий ашигт малтмалын ордод хамааруулах тухай УИХ-ын 2007 оны 27 дугаар тогтоолын 4 дэх заалтын хэрэгжилттэй танилцаж санал, дүгнэлт гаргах үүрэг бүхий ажлын хэсгийг байгуулжээ. УИХ-ын 2007 оны 27 дугаар тогтоолын 4 дэх заалтаар стратегийн ач холбогдол бүхий Оюу толгой, Таван толгой, Цагаан суварга, Асгатын ашигт малтмалын ордуудын төрийн эзэмшлийн хувь хэмжээ, түүнийг хэрхэн эзэмших талаарх саналыг эхний ээлжинд боловсруулан УИХ-д өргөн мэдүүлэхийг Засгийн газарт үүрэг болгосон юм. УИХ-ын даргын захирамжаар байгуулагдсан ажлын хэсгийн бүрэлдэхүүн өнөөдөр /2025.05.09/ хэвлэлийн бага хурал зохион байгуулж, сэтгүүлчдэд мэдээлэл өглөө.
УИХ-ын  гишүүн, Ажлын хэсгийн ахлагч П. Мөнхтулга, Ажлын хэсэг мэргэжил арга зүйн туслалцаа үзүүлэх чиглэлээр холбогдох байгууллага, албан тушаалтан, мэргэжлийн хүмүүсийг татан оролцуулж мэдээлэл судалгаа гаргуулан дүн шинжилгээ хийх ажлыг зохион байгуулж, холбогдох  санал, дүгнэлтээ гарган цаашид авах арга хэмжээний талаарх санал шийдвэрийн төсөл боловсруулж, УИХ-ын 2025 оны намрын ээлжит чуулганы хугацаанд танилцуулах үүрэгтэй ажиллана хэмээн танилцуулав.
Түүний дараа Хууль зүй, дотоод хэргийн сайд О.Алтангэрэл дараах мэдээллийг өглөө. Тэрбээр, УИХ-ын даргын захирамжаар 2007 оны 27 дугаар тогтоолын биелэлтэд санал дүгнэлт өгөх ажлын хэсэг байгуулагдлаа. Өнгөрсөн 18 жилийн турш Ухаа худаг,  Оюутолгой, Тавантолгой, Цагаан суварга, Асгат зэрэг стратегийн орд газруудаас ард түмэн ямар үр өгөөжийг хүртэх вэ хэмээн хүлээж байсан. Үүнд хариулт өгөхөөр 126 гишүүнтэй шинэ парламент стратегийн ач холбогдол бүхий ашигт малтмалын ордод хамааруулах тухай УИХ-ын 2007 оны 27 дугаар тогтоолын 4 дэх заалтын хэрэгжилттэй танилцаж, санал дүгнэлт гаргах үүрэг бүхий ажлын хэсэг байгуулсан нь түүхэн шийдвэр болж байна хэмээн онцлов.
Сайд О.Алтангэрэл, Монгол Улсын Засгийн газраас өмнө нь тогтоолыг хэрэгжүүлэх Ажлын хэсэг байгуулсан бөгөөд тэрхүү ажлын хэсэг урьдчилсан байдлаар гаргасан дүгнэлтийнхээ хүрээнд УИХ-ын тогтоолын төсөл боловсруулсан гэсэн нэмэлт мэдээлэл өгсөн юм.
Засгийн газраас өргөн мэдүүлэхээр ирүүлсэн тогтоолын төсөлд УИХ-ын Тамгын газар хууль зүйн дүгнэлт гаргасан байна. УИХ-ын Ерөнхий нарийн бичгийн дарга  Б.Баасандоржийн танилцуулснаар, тогтоолын төсөл нь Хууль тогтоомжийн тухай хуульд заасны дагуу шаардлага хангаагүй гэж бүрдлийг буцаасан байна.
Тэрбээр, Оюутолгой, Цагаан суварга зэрэг ордуудын төрийн эзэмшлийн хувь хэмжээг тогтоох тухай УИХ-аас тогтоолууд баталж байсан боловч Таван толгой, Асгатын орд газартай  холбоотой тогтоолын заалт өнөөдрийг хүртэл хэрэгжээгүй байна. Тиймээс  Засгийн газар тогтоолын заалтыг хэрэгжүүлэхийн тулд төрийн хувь эзэмшлийн талаар саналаа тусгаж, 2007 оны 27 дугаар тогтоолын хэрэгжилтийг хангах нь зүйтэй гэж үзсэн гэлээ хэмээн УИХ-ын Хэвлэл мэдээллийн газраас мэдээллээ.

Тодорхой ордыг стратегийн ач холбогдол бүхий ашигт малтмалын ордод хамааруулах тухай заалтын хэрэгжилттэй танилцаж санал, дүгнэлт гаргах ажлын хэсэг мэдээлэл өгөв

&#8221;Дугуйтай Улаанбаатар 2025&#8243; өдөрлөг маргааш буюу энэ сарын 10-ны өдөр болно. Өдөрлөгийн хүрээнд дугуйн парад 06:00 – 13:00 цагийн хооронд болох тул доорх авто замын хөдөлгөөнийг хэсэгчлэн хаана.
-Сүхбаатар дүүрэг: 
Жанжин Д.Сүхбаатарын талбайн чиглэлд: Соёлын төв өргөөний урдаас гараа гарч Централ тоуэрын уулзвараас баруун тийш Төв шуудангийн уулзвар хүртэл;
-Чингэлтэй дүүрэг: 
Энхтайваны өргөн чөлөөний чиглэлд: Төв шуудангийн уулзвар &#8211; Цэцэг төвийн уулзвар &#8211;  Цэцэг төвийн уулзвараас баруун тийш хойшоо эргээд Зоос гоёлын уулзвар хүртэл;
-Чингэлтэй, Баянзүрх дүүрэг: 
Ж.Самбуугийн гудамж, Бээжингийн гудамж чиглэлд: Зоос гоёлын уулзвараас Засгийн газрын ордны хойд талаар зүүн тийш Сансарын “И-март” дэлгүүрийн уулзвар хүртэл;
-Баянзүрх дүүрэг: 
Токиогийн гудамж чиглэлд: Сансарын “И-март” дэлгүүрийн уулзвараас урагшаа “Монгол бөхийн өргөө”-ний уулзвар хүртэл;
-Баянзүрх, Сүхбаатар дүүрэг: 
Энхтайвны өргөн чөлөөний гудамж чиглэлд: Монгол бөхийн өргөөний уулзвараас баруун тийш “Централ тоуэр”-ын уулзвар – Жанжин Д.Сүхбаатарын талбайн зүүн тал “Соёлын төв өргөө”-ний урд бариа хүрнэ.
<img decoding="async" class="graf-image" src="https://cdn-images-1.medium.com/max/1200/1*tCtt73f7GahB9Ht8dPArSQ.jpeg" data-image-id="1*tCtt73f7GahB9Ht8dPArSQ.jpeg" data-width="1017" data-height="1299" data-delayed-src="https://cdn-images-1.medium.com/max/1200/1*tCtt73f7GahB9Ht8dPArSQ.jpeg" />
<img decoding="async" class="graf-image" src="https://cdn-images-1.medium.com/max/1200/1*21tlx5ckDVSI-THjfXteKw.jpeg" data-image-id="1*21tlx5ckDVSI-THjfXteKw.jpeg" data-width="1130" data-height="788" data-is-featured="true" />

Маргааш авто замын хөдөлгөөнийг хэсэгчлэн хаана

А.Аданы “Жизель” бүжгэн жүжгийг УДБЭТ-ын тайзнаа энэ сарын 10, 11-нд олны хүртээл болгоно.
Уг бүжгэн жүжгийн гол дүрийг энэ удаа ОХУ-ын алдарт “Большой” театрын тэргүүн гоцлооч Клим Ефимов, Анастасия Сташкевич нар бүтээхээрээ онцлогтой юм. “Жизель” нь сонгодог урлагийн тайзнаа 300 гаруй жил болохдоо анхны хувилбар, дэглэлтээр өнөөдрийг хүрснээрээ онцгой бүтээл билээ.
УДБЭТ-ын захирал Д.Алтанхуяг ярихдаа “Жизель”-ийг 1841 онд Францад  анх удаа тоглож байсан. Европын тодотголтой ч манай дуурийн театрт олон удаа тоглосон балет юм. Энэ балет өөрөө гүн агуулгатай. Өнгөрсөн, одоо, ирээдүйд үнэ цэнээ алдахгүй, агуулгыг хүн төрөлхтөнд бий болгосон. Дэлхийн үзэгчид энэ балетаас хайр, урвалт, уучлалтыг хардаг. Мөн сэтгэл хөдлөл, хий үзэгдлийг харна. Байгалийн гоо сайхантай уялддаг. Сонгодог урлагийг өөрийн цаг заваа гаргаж дуурь балетыг үзэж байх нь оюунд маш их илааршлыг өгнө. Мөн хөгжим гэдэг агуу урлагаар илэрхийлж байгаа балет юм” хэмээв.

“Большой” театрын тэргүүн гоцлоочид “Жизель”-ийн гол дүрд тоглоно

Нийслэлийн Засаг даргын А/237 захирамжийн дагуу зам талбай, автобусны буудал дээр байршуулсан ТҮЦ-үүдийг нүүлгэн шилжүүлж байгаа. Энэ нь аж ахуй эрхлэх, ажил хөдөлмөрөө өөрсдөө сонгох зэрэг хүний эрхийг зөрчиж байна хэмээн үзсэн зарим иргэн ХЭҮК-т гомдол гаргасан.
Гомдлын дагуу дөрөвдүгээр сарын 25-наас хойш ХЭҮК-ын гишүүн Б.Энхболд ТҮЦ эрхлэгч иргэдийн төлөөллийг дөрөв дэх удаагаа албан ёсоор хүлээн авч уулзлаа. Мөн нөхцөл байдалтай биечлэн очиж танилцахаас гадна эсэргүүцэл илэрхийлж шаардлага тавьсан иргэдтэй байнга уулзаж санал бодлыг нь сонсож байна.
Түүнчлэн хоёр талын байр суурийг сонсохоор нийслэл, дүүргийн удирдлагуудтай уулзаж, гомдол гаргасан иргэн бүрийг ганцаарчлан хүлээн авч нөхцөл байдлыг нь сонсох, санал болгох ажлын байр бусад боломжоо танилцуулж дундын хувилбар гаргах, цаашид ТҮЦ нүүлгэн шилжүүлэхдээ хүний эрхийг дээдэлж, хуулийн дагуу ажиллах зөвлөмж өгсөн.
Өчигдөр /2025.05.08/ болсон ТҮЦ эрхлэгч иргэдтэй хийсэн уулзалтаар нийслэл, дүүргийн удирдлагуудтай уулзаж санал бодлоо солилцсон эсэх, нөхцөл байдал өөрчлөгдөж зөвшилцөлд хүрсэн зэргийг тодруулав. Энэ үеэр ХЭҮК хуульд заасан чиг үүргийн дагуу гомдлыг шалгаж дүгнэлт гаргах үйл явц үргэлжилж буйг тайлбарлалаа.

ХЭҮК: ТҮЦ эрхлэгч иргэдээс гаргасан гомдлыг шалгаж байна

Монгол Улсын Их Хурлын чуулганы өнөөдөр (2025.05.09)-ийн үдээс өмнөх нэгдсэн хуралдаанаар Зээлийн мэдээллийн тухай хуульд нэмэлт, өөрчлөлт оруулах тухай хуулийн болон хамт өргөн мэдүүлсэн тогтоолын төслийн эцсийн хэлэлцүүлгийг хийлээ. Хуралдааны эхэнд Улсын Их Хурлын дарга Д.Амарбаясгалан энэ сарын 02-ны өдөр Улсын Их Хурлын гишүүн Ж.Алдаржавхлангийн өргөн мэдүүлсэн Хот байгуулалтын тухай хуульд нэмэлт оруулах тухай хуулийн төслийг Эдийн засгийн байнгын хороонд хуваарилсныг мэдээлсэн юм. Мөн Амьтны тухай хуульд нэмэлт оруулах тухай хуулийн төслийг эцэслэн батлах тухай санал хураалт явуулахад Улсын Их Хурлын чуулганы нэгдсэн хуралдаанд оролцсон гишүүдийн 75.9 хувь нь дэмжсэнээр хууль батлагдав.
Ингээд Зээлийн мэдээллийн тухай хуульд нэмэлт, өөрчлөлт оруулах тухай хуулийн болон хамт өргөн мэдүүлсэн тогтоолын төслүүдийн эцсийн хэлэлцүүлгийг явууллаа. Хуулийн төслүүдийн эцсийн хэлэлцүүлгийг Эдийн засгийн байнгын хорооны хуралдаанаар хэлэлцсэн тухай танилцуулгыг Улсын Их Хурлын гишүүн О.Батнайрамдал хийв. Улсын Их Хурлын чуулганы нэгдсэн хуралдаанаар анхны хэлэлцүүлгийг хийх үед дэмжигдсэн зарим санал хууль, тогтоолын төслийн заалт хооронд зөрчил үүсгэсэн байна гэж үзэн Байнгын хорооны хуралдаанаар дахин санал хураалт явуулсан байна. Зөрчлийг арилгах томьёоллуудыг Байнгын хорооны хуралдаанд оролцсон гишүүдийн дийлэнх олонх буюу 2/3-оос доошгүй нь дэмжсэн тул хуулийн төслийн 1 дүгээр зүйлийн 2 дугаар хэсэг буюу Зээлийн мэдээллийн тухай хуульд нэмж оруулах 14.3 дахь хэсгийг “Олон улсын жишиг зарчмыг баримтлан Монгол банкнаас баталсан нөхцөл шаардлагыг үндэслэн энэхүү хуулийн 14.1.3-д заасан зээлдэгчийн зээлжих чадварын зэрэглэл, бүтээгдэхүүн, үйлчилгээний хөлсийг тогтооно” гэж өөрчлөх, мөн Улсын Их Хурлын тогтоолын төслийн 1 дүгээр зүйлийг хуулийн төсөлтэй нийцүүлэх тухай зарчмын зөрүүтэй саналын томьёоллуудыг боловсруулжээ.
Байнгын хорооны танилцуулгатай холбогдуулан Улсын Их Хурлын гишүүн Ц.Идэрбат, Р.Сэддорж, Б.Батбаатар, Х.Булгантуяа, С.Эрдэнэбат, Ж.Баярмаа, Э.Болормаа, С.Замира, Д.Жаргалсайхан нар асуулт асууж, хариулт авсан юм. Улсын Их Хурлын гишүүд Зээлийн мэдээллийн тухай хуульд нэмэлт, өөрчлөлт оруулахыг дэмжиж байгаагаа илэрхийлж, одоо мөрдөгдөж байгаа зохицуулалтаар хар жагсаалтад орсон зээлдэгчдийн тухай, уг жагсаалтын үйлчлэл ямар байгаа, зээлийн хүүг буурахад хэрэглэгчдийн зээлийн түүхийн оноо ямар хэмжээнд нөлөөлөх, тэтгэврийн зээлийн шаардлагыг чангаруулж, өр, орлогын харьцааг дээшлүүлсэн журмыг дахин өөрчилж өмнөх нөхцөлийг сэргээх, мөн малчдын зээлийн хүү, хүртээмжийг нэмэгдүүлэх зэрэг асуудлыг хөндөн асуулт тавьж байлаа.
Улсын Их Хурлын гишүүн Ц.Идэрбат зээлийн хүүг бууруулахын тулд эхний ээлжинд авах арга хэмжээний тухай, Улсын Их Хурлын гишүүн, Эдийн засгийн байнгын хорооны дарга Р.Сэддорж тэтгэврийн зээлийн нөхцөлийн талаар шийдвэр гаргах хугацаагаа Монголбанк наашлуулах боломжтой эсэхийг, Улсын Их Хурлын гишүүн Б.Батбаатар зээлгүй хүмүүсийн оноог хэрхэн тооцох талаар асуусан бол Улсын Их Хурлын дэд дарга Х.Булгантуяа онооны тогтолцоо иргэдийг заавал зээл авах нөхцөл рүү түлхдэг учир тэдний санхүүгийн боловсролыг сайжруулах шаардлагатайг онцолж, ахмад настнууд аваад сурчихсан, хэмжээд тооцоод сурчихсан тэтгэврийн зээлийн нөхцөл журамд Монголбанк гар хүрч, гэнэтийн шийдвэр гаргасан нь буруу гэж үзэж байгаагаа илэрхийлсэн юм.
Мөн Улсын Их Хурлын гишүүн С.Эрдэнэбат эрсдэлгүй зээлийн хүү бага байх ёстойг анхааруулж, арилжааны банкуудад байршуулсан Нийгмийн даатгалын сангийн чөлөөт үлдэгдлийн тодорхой хувийг тэтгэврийн зээлийн эх үүсвэрт ашиглах боломжтой эсэх, мөн иргэдийн дансан дахь мөнгөний хэмжээг харгалзан хүү тогтоож байгаа нь Үндсэн хууль зөрчиж байгаа эсэхийг, Улсын Их Хурлын гишүүн Ж.Баярмаа тэтгэврийн зээлийн журмыг өөрчлөхөд хүргэсэн өр, орлогын харьцааны хүндрэлтэй нөхцөл үүссэн эсэх, зээлийн бодлого болон онооны систем ядуурлын түвшинд яаж нөлөөлөхийг, Улсын Их Хурлын гишүүн Э.Болормаа санхүүгийн систем дэх Монголбанкны оролцоог бууруулах үүднээс хэрэглэгчдийн эрх ашгийг хамгаалах бүтцэд зээлийн түүхийн оноо тооцох журам, зохицуулалтын хариуцуулах, мөн хувь хүний мэдээллийг хамгаалах харилцааг хэрхэх талаар асуусан бол Улсын Их Хурлын гишүүн С.Замира зээлийн төлбөр дуусахад хар жагсаалтаас хасах зохицуулалт хэрэгжүүлэх, хүүгийн дээд хязгаарыг Засгийн газраас тогтоох, малчдын болон тэтгэврийн зээлийн хүүг бууруулах талаар асууж, мөнгөний ханшийг тогтвортой байлгах чиглэлээр Монголбанк үр дүнтэй ажиллаж чадахгүй байгааг шүүмжилсэн юм. Улсын Их Хурлын гишүүн Д.Жаргалсайхан мөн Монголбанкыг шүүмжилж, иргэдийн хадгаламж буюу зээлийн эх үүсвэр 26 хувиар өсөөд байхад хүү яагаад буурахгүй байгааг асууж, энэхүү эх үүсвэрийн өсөлтийг хүү бууруулах тохируулгад нөлөөлүүлэх боломжийн талаар асууж, хариулт авсан юм.
Улсын Их Хурлын дарга Д.Амарбаясгалан санхүүгийн хэрэглэгчдийн мэдээллийг хөтөлж, оноо тооцох үйлчилгээ эрхэлж буй “Сайн скор”, “Бүрэн скор” компаниуд өнгөрсөн онд 20.0 орчим тэрбум төгрөгийн борлуулалтын орлоготой ажилласан нь Монголбанк зээлийн мэдээллийн санг хөтөлж байсан жилийн 6.0 тэрбумын зардлаас хавьгүй өндөр байгааг дурдаад, тэдгээр компаниуд мэдээллийн үйлчилгээнийхээ өртгийг хуваалцахгүйгээр хэрэглэгчдэд үүрүүлж, өндөр үнэ тогтоож, олигопол үйл ажиллагаа явуулж болзошгүйг анхааруулсан юм. Тэрбээр хэрэглэгчдийн эрх ашгийг хамгаалах тогтолцоо байхгүй, Монголбанк, Санхүүгийн зохицуулах хороо салбарын үйлчилгээ эрхлэгчдийнхээ эрх ашгийг хангах, системийг хэвээр хадгалах бодлого явуулж буйг шүүмжлэн, Монгол Улсын бүх иргэд банкны мөнгийг өндөр хүүгээр өсгөж өгдөг ажилчид нь болсон хэмээлээ. Иймд санхүүгийн хэрэглэгчдийн эрх ашгийг хамгаалах, энэ тухай хуулийн төсөл боловсруулах асуудлаар санал боловсруулж танилцуулахыг Эдийн засгийн байнгын хороонд даалгав.
Улсын Их Хурлын гишүүдийн асуултад хуулийн төсөл санаачлагч Э.Батшугар хариулахдаа, зээлийн түүхийн оноог хөтөлснөөр зээлдэгчдийн эрсдэлийн түвшин тодорхойлогдож, энэ талаар судалгаа явуулах банкны зардал багасан хүү буурах боломж бүрдэхийн зэрэгцээ сайн түүхтэй зээлдэгчдийн авах зээлийн нөхцөл сайжирч, хүү төлбөрөө алхам алхмаар бууруулаад явах боломжтой болно гэсэн юм. Мөн зээлдэгчийн оноо тодорхой байх учир барьцаа хөрөнгийн шаардлага буурна гэдгийг тэрбээр онцолж, тэтгэврийн зээл эрсдэлгүй, тогтмол автоматаар төлөгдөөд явдаг учир хүү нь бага байх ёстой гэж үзэж байгаагаа хэллээ. Тэрбээр, зээлийн хүү тогтоход эх үүсвэрийн буюу хадгаламжийн хүүгийн зардал 63 хувиар, эрсдэлийн болон үйл ажиллагааны зардал нийтдээ 27 хувиар нөлөөлж байгааг мэдээлээд, инфляц болон макро эдийн засгийн бусад суурь нөхцөлтэй уялдаатай эх үүсвэрийн нөлөөлөлд тохируулга хийхэд түвэгтэй, харин эрсдэлийг бууруулах, урсгал зардлыг багасгах зэргээр үлдэх 27 хувьд тодорхой хэмжээний тохиргоо хийж, хүүг бууруулах боломжтойг дурдав.
Олон улсын судалгаанаас үзэхэд онооны систем шилжсэнээр зээлийн хүү дунджаар 3.2-3.8 хувь буурсан үзүүлэлттэй байгааг Улсын Их Хурлын гишүүн Э.Батшугар танилцуулаад, санхүүгийн хүртээмж нэмэгдэж, иргэдийн боловсрол сайжран, эрсдэл буурах зэрэг олон давуу талтайн зэрэгцээ одоо хөтөлж буй зургаан жилийн хар жагсаалт байхгүй болно гэдгийг онцоллоо.
Улсын Их Хурлын гишүүд асуулт асууж, хариулт авсны дараа хууль, тогтоолын төслийг эцсийн хэлэлцүүлэгт бэлтгэх хүрээнд Эдийн засгийн байнгын хорооноос боловсруулсан зарчмын зөрүүтэй саналын томьёоллуудаар санал хураалт явуулав. Улсын Их Хурлын чуулганы нэгдсэн хуралдаанд оролцсон гишүүдийн олонх зарчмын зөрүүтэй саналуудыг дэмжсэн тул хууль, тогтоолын төслүүдийг эцэслэн батлах бэлтгэл хангуулахаар Эдийн засгийн байнгын хороонд шилжүүллээ гэж Улсын Их Хурлын Хэвлэл мэдээллийн газраас мэдээлэв.

Санхүүгийн хэрэглэгчдийн эрх ашгийг хамгаалах асуудлыг судалж танилцуулахыг Эдийн засгийн байнгын хороонд даалгав

&nbsp;
Боловсролын үнэлгээний төвөөс өнөөдөр 2025 оны Монгол хэл бичгийн шалгалтын дүн оноог олон нийтэд зарлалаа.
“2025 оны Монгол хэл бичгийн шалгалтад нийт 83374 шалгуулагч хамрагдлаа. Өнгөрсөн жил буюу 2024 оны хавар 33361 сурагч энэ шалгалтыг өгч байсан юм. Энэ жилийн хувьд 12 дугаар ангийн сурагчдаас гадна 10, 11 дүгээр ангийн сурагчид Монгол хэл бичгийн шалгалтыг өгөх боломжтой болсноороо онцлог байлаа. Мөн монгол хэл бичгийн шалгалтын батламж хуудасны хүчинтэй хугацаанд өөрчлөлт оруулж, хэрэв тэнцсэн бол шалгалтын үр дүн оноо насан туршид нь хүчинтэй байхаар болголоо” гэж Боловсролын үнэлгээний төвийн захирал Г.Гантуяа ярилаа.
<img decoding="async" src="https://scontent.fuln8-1.fna.fbcdn.net/v/t39.30808-6/495814852_701811125562152_2235287112638734444_n.jpg?_nc_cat=100&amp;ccb=1-7&amp;_nc_sid=127cfc&amp;_nc_ohc=t6hJnA5IkQwQ7kNvwFvNWB7&amp;_nc_oc=AdkjmhPNOuR3zpwTrok5f1pnpPNziDqkwKO9zSHwKptOCx-GgzYa4SkId5K_Z3-g7YI&amp;_nc_zt=23&amp;_nc_ht=scontent.fuln8-1.fna&amp;_nc_gid=wC46q7p9N4c0sC_4B_11og&amp;oh=00_AfJWXETPXCxKVACshyBR98CNSIYO_XLBDZzH-1QpOvPfsw&amp;oe=68236C1C" alt="" width="100%" />
Тус төвөөс мэдээлж буйгаар шалгалтын босго онооны болзол хангаагүй бол арванхоёрдугаар сард дахин өгөх боломжтой. Хэдийгээр босго онооны болзол хангаагүй ч ЭШ-аа өгөх эрх нь нээлттэй гэдгийг дахин санууллаа.
Харин шалгалтын дүн оноотой санал нийлэхгүй байгаа бол тавдугаар сарын 9-13-ны өдрүүдэд Боловсролын үнэлгээний төвд хандан өргөдөл гарган өөрийн  шалгалтын материалтайгаа танилцах боломжтой.
Өргөдлийг ШУТИС-ийн Т байрны хоёр давхрын 207 тоот танхимд ажлын цагаар хүлээн авах агаад шалгалтын хариу гарсантай холбоотойгоор бямба, ням гарагт 9-18 цагт ажиллана гэж Монгол Улсын Боловсролын яамнаас мэдээллээ.

Монгол хэл бичгийн шалгалтын дүн зарлагдлаа

<div>
<div dir="auto">”Сургуульд суурилсан эрт илрүүлэг”-ийн тогтолцоог бэхжүүлэх бодлогын хүрээнд өнгөрсөн 9 сараас эхлүүлэн нийслэлийн ЕБС-ийн нэгдүгээр ангийн сурагчид буюу 6 настнуудын нүд шүд зүрхний үзлэгийг хийж оношилж, эмчилж эхэлсэн.</div>
<div dir="auto"></div>
<div dir="auto">Харин орон нутаг буюу 21 аймгийн нэгдүгээр ангийн сурагчдын нүд, шүдний үзлэг өнгөрсөн 4 дүгээр сард эхэлж нийт аймгуудын дунд нүд шүдний үзлэг 30-40 хувийн явцтай байна.</div>
</div>
<div>
<div dir="auto"></div>
<div dir="auto">Өнөөдрөөс зүрхний үзлэг хийх аппарат аймгуудад очиж байгаа бөгөөд зүрхний цахилгаан бичлэг хийж өөрчлөлттэй гарсан хүүхдүүдийг дахин зүрхний эхо үзлэгээр нарийвчлан оношилж эмчлэх юм.</div>
</div>
<div>
<div dir="auto"></div>
<div dir="auto">Одоогийн байдлаар 21 аймагт эхэлсэн нүд, шүдний үзлэгийн хамрагдалт хамгийн өндөр аймаг Орхон аймаг 93 хувь, Увс аймаг 71 хувь, Дундговь аймаг 62,6 хувь, Завхан аймаг 67 хувьтай үргэлжилж байна.</div>
<div dir="auto"></div>
<div dir="auto"><img decoding="async" class="graf-image" src="https://cdn-images-1.medium.com/max/800/1*EYFAgKKIuPvnpoqIT7LVKw.jpeg" data-image-id="1*EYFAgKKIuPvnpoqIT7LVKw.jpeg" data-width="1284" data-height="1284" data-delayed-src="https://cdn-images-1.medium.com/max/800/1*EYFAgKKIuPvnpoqIT7LVKw.jpeg" /></div>
</div>

Нэгдүгээр ангийн сурагчдын нүд, шүдний үзлэг 30-40 хувьтай байна

2025 оны 05 дугаар сарын 09-нөөс 05 дугаар сарын 18-ныг хүртэлх
10 хоногийн цаг агаарын урьдчилсан төлөв
<div class="ql-align-center quote">Тавдугаар сарын 10, 11-нд ихэнх нутгаар дулаарч хуурайшилт нэмэгдэх тул болзошгүй гал түймрийн аюулаас сэрэмжтэй байхыг анхааруулж байна.</div>
Хур тунадас: 11-нд Алтай, Хангай, Хөвсгөл, Хэнтийн уулархаг нутгаар, 12-нд баруун аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн баруун хэсгээр, 13-нд баруун аймгуудын нутгийн өмнөд хэсэг, төв аймгуудын нутгийн зарим газар, говь болон зүүн аймгуудын ихэнх нутгаар, 14-нд Увс нуурын хотгор, Хангай, Хөвсгөл, Хэнтийн уулархаг нутгаар, 15-нд Хөвсгөлийн уулархаг нутаг, Хэрлэн, Онон, Улз голын хөндийгөөр, 16-нд баруун болон төвийн аймгуудын нутгийн зарим газраар бороо, нойтон цас орно.
Салхи:   Тавдугаар сарын 11-нд Алтайн уулархаг нутгаар, 12, 15-нд нутгийн зарим газраар, 13, 14-нд говь, тал, хээрийн нутгаар секундэд 7-12 метр, зарим үед секундэд 15-17 метр хүрч, нутгийн өмнөд хэсгээр шороон шуурга шуурна.
Агаарын температур: Тавдугаар сарын 10, 11-нд ихэнх нутгаар дулаарч Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө 0-5 хэм хүйтэн, өдөртөө 12-17 хэм, Орхон-Сэлэнгийн сав газар болон говийн бүс нутгийн өмнөд хэсгээр шөнөдөө 8-13 хэм, өдөртөө 25-30 хэм дулаан, бусад нутгаар шөнөдөө 2-7 хэм, өдөртөө 19-24 хэм дулаан байна.
Тавдугаар сарын 12-нд нутгийн хойд хэсгээр, цаашдаа ихэнх нутгаар бага зэрэг сэрүүсч Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө 3-8 хэм хүйтэн, өдөртөө 7-12 хэм, говийн бүс нутгийн өмнөд хэсгээр шөнөдөө 4-9 хэм, өдөртөө 18-23 хэм дулаан, бусад нутгаар шөнөдөө 1 хэм хүйтнээс 4 хэм дулаан, өдөртөө 10-15 хэм дулаан байна.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 12-нд бороо орно. Бусад хугацаанд хур тунадас бороо орохгүй.
Салхи: Ихэнх хугацаанд секундэд 5-10 метр, 12-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: Тавдугаар сарын 10, 11-нд дулаарч шөнөдөө 2-7 хэм, өдөртөө 19-24 хэм дулаан байна. 12-ноос бага зэрэг сэрүүсч шөнөдөө 1 хэм хүйтнээс 4 хэм дулаан, өдөртөө 10-15 хэм дулаан байна.

Хайх