Баяр наадмын өдрүүдэд ХГБХХЕГ-ын албан хаагчид хурдан морины уралдаанч хүүхдийн бүртгэл, хяналтыг хэрэгжүүлэн ажиллаж байна. Өнөөдөр Соёолон насны морьдын уралдаанч хүүхдүүдийн мэдээлэл үнэн зөвийг шалгаж, аюулгүй байдалд үзлэг, шалгалт хийлээ.
Үзлэгийн үр дүнд эцэг эх, асран хамгаалагч, морины эзэн, уяачдаас шалтгаалсан зөрчлүүд илэрсээр байна.
&nbsp;

Хурдан морины уралдаанч хүүхдийн аюулгүй байдалд хяналт тавьж ажиллаж байна

<blockquote class="wp-block-quote">Монгол Улсын Ерөнхийлөгч Ухнаагийн Хүрэлсүх, Гэргий Лувсандоржийн Болорцэцэг, Япон Улсын Цог Жавхлант Эзэн Хаан Нарүхито, Эрхэм Дээд Хатан Масако Болон Улсын Их Хурлын Дарга Дашзэгвийн Амарбаясгалан, Монгол Улсын Ерөнхий Сайд Гомбожавын Занданшатар Нар Өнөөдөр Хүй Долоон Худагт Хурдан Соёолонгийн Уралдаан Үзэж Сонирхлоо.</blockquote>
Соёолонгийн уралдаанд Ховд аймгийн Мянгад сумын уугуул, Улсын манлай уяач З.Мэндсайханы хул үрээ түрүүлж, торгон жолоогоо өргүүллээ
Монгол Улсын Ерөнхийлөгч дараа нь Хүй долоон худагт “Буянтын хурд” галд зочлов. Тус галд Улсын алдарт уяач Ч.Амарсанаагийн уясан Баянхонгор аймгийн Бууцагаан сумын харьяат, Улсын алдарт уяач И.Золбоогийн зээрд халзан азарга энэ жилийн азарганы уралдааны түрүү магнайг авсан юм.
Монгол Улсын Ерөнхийлөгч Ухнаагийн Хүрэлсүх уяачид болон цугларсан наадамчдад баяр наадмын мэнд дэвшүүлж, амжилт хүслээ.
&nbsp;

Ерөнхийлөгч У.Хүрэлсүх, эзэн Хаан Нарүхито нар хурдан соёолонгийн уралдаан үзэж сонирхлоо

Энэ сарын 10-ны 21:40 цагт Дорнод аймгийн цагдаагийн газарт “Хэрлэн сумын есдүгээр баг, 15 дугаар байрны урд согтуу хүн хүн хутгаллаа” гэх дуудлага мэдээлэл бүртгэгджээ. Шалгалтын ажиллагааг явуулж, Хэрлэн сумын иргэн М гэртээ архидан согтууран, 21:00 цагийн орчимд гэрээсээ гарч, 15 дугаар байрны гадаа тоглож байсан 9 настай Б, 13 настай А нарыг хутгалж, биед нь хүнд гэмтэл учруулсан нөхцөл байдал тогтоогдсон байна.
Хохирогч хүүхдүүдийг яаралтай эрүүл мэндийн байгууллагад хүргэж, шаардлагатай эмчилгээг хийж эхэлжээ. Сэжигтэн М-ийг саатуулан мөрдөн шалгах ажиллагааг үргэлжлүүлж байгаа талаар цагдаагийн байгууллагаас мэдээллээ.

СЭРЭМЖЛҮҮЛЭГ: Гадаа тоглож байсан хоёр хүүхдийг согтуу этгээд хутгалж гэмтээжээ

Цагдаагийн байгууллагаас баяр наадмын өдрүүдийн нөхцөл байдлын талаарх мэдээллийг хүргэлээ. Үндэсний их баяр наадмын өдрүүдэд цагдаа, дотоодын цэргийн байгууллагын алба хаагчид өндөржүүлсэн бэлэн байдлын зэрэгт шилжин үүрэг гүйцэтгэж байгаа бөгөөд 4700 орчим алба хаагч ажиллаж байна. Баяр наадмын эхний өдөр буюу /2025.07.10/-ны өдөр цагдаагийн байгууллага нийт 2032 дуудлага, мэдээлэл хүлээн авч шийдвэрлэсэн бөгөөд үүнээс 89 нь гэмт хэргийн шинжтэй, 727 нь зөрчлийн шинжтэй,298 нь зам тээврийн осолтой холбоотой байжээ.
Баярын өдрүүдийн онцлог тохиолдлууд дундаас дараах нөхцөл байдал онцлог дуудлага мэдээллийг танилцууллаа.
Архидалттай холбоотой амь нас хохирсон хэрэг бүртгэгдэв. Хэнтий аймагт баяр наадам тэмдэглэж байсан гэр бүлийн хүрээнд архидан согтуурсны улмаас нэгнийхээ амь насыг хохироосон байж болзошгүй хэрэг гарсан талаар мэдээлжээ. Хэргийг холбогдох нутаг дэвсгэрийн цагдаагийн байгууллага шалгаж байна.
Гадаадын иргэний банкны карт ашиглан 4.500.000 мянган төгрөгийг хулгайлжээ
Сүхбаатар дүүрэгт БНСУ-ын иргэн хэтэвчээ алдсан тухай гомдол бүртгэгдсэн бөгөөд тухайн этгээдийн картыг ашиглан гурван удаагийн гүйлгээ хийж, 4500000 мянган төгрөг хууль бусаар авсан тохиолдлыг мөрдөн шалгаж байна. Цагдаагийн байгууллагаас олон нийтийг халаасны хулгайн гэмт хэргээс сэрэмжтэй байхыг анхаарууллаа.
Зам тээврийн ослоор хоёр хүн амиа алдаж, хэд хэдэн хүн гэмтжээ
Долоодугаар сарын 10-ны өдөр Улаанбаатар хотоос гарах чиглэлийн замууд ачаалалтай байж, нийт 150000 орчим тээврийн хэрэгсэл орон нутаг руу хөдөлсөн байна.
Өвөрхангай аймагт хоёр автомашин мөргөлдөж тав хүн гэмтсэн, Баянхонгор аймагт автомашин онхолдож, хоёр иргэн амь насаа алдсан харамсалтай тохиолдол бүртгэгджээ.
Орон нутгийн замд хөдөлгөөнд оролцож буй иргэдийг хурдаа тохируулж, замын хөдөлгөөний дүрмээ баримтлахыг ЦЕГ-аас онцгойлон сануулж байна.

ЦЕГ: Баярын өдрүүдэд архидан согтуурсны улмаас бусдын амь насыг хөнөөжээ

Долоодугаар сарын 12-ны өдрийн байдлаар Сэлэнгэ мөрөн Хялгант тосгон орчимд болон Хөвсгөлийн уулсаас эхтэй Эг, Хэнтий нурууны баруун хажуугийн Шарын гол, зүүн хажуугийн Онон, Балж, Их Хянганы нуруунаас усжих Халх зэрэг голуудын усны түвшин өмнөх өдрөөс 5-50 см-ээр нэмэгдэж, Булган аймгийн Хялгант тосгон орчимд Сэлэнгэ мөрөн, Хэнтий аймгийн Дадал сум орчимд Балж гол олон жилийн дундаж түвшинг 50-65 см давсан байна.
Маргааш буюу долоодугаар сарын 13-ны өдөр Сэлэнгэ мөрөн Зүүнбүрэн сум орчимд усны түвшин 25 см нэмэгдэх хандлагатай байна.
Өнөөдөр Говь-Алтай, Хангай, Хөвсгөлийн уулархаг нутаг, Халх гол орчмоор бороо, дуу цахилгаантай аадар бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд огцом нэмэгдэх, хуурай сайр гуу жалгаар уруйн үер буух нөхцөл бүрдэх тул иргэд үерийн аюултай бүсээс хол, аюулгүй газар зусах, амрах болон гол мөрөн, нуурын ойролцоо амарч зугаалахдаа ажиглалт хийж, уулын ам, голын ай сав, үерийн буулт бүхий газарт отоглож, хоноглохгүй байх, зөвхөн зөвшөөрөгдсөн зам гүүрээр зорчихыг зөвлөж байна.

Үер, усны аюулаас урьдчилан сэргийлэхийг зөвлөж байна

Үндэсний их баяр наадмын дөрвийн даваа үргэлжилж байна. Энэ даваанд улсын арслан Ц.Бямба-Отгон өвдөг шороодлоо. Тэрээр аймгийн арслан О.Баярбаасантай оноолт таарч барилдсан юм.

Улсын арслан Ц.Бямба-Отгон өвдөг шороодлоо

Эв мөнхийн тусгаар Монгол” нэрийн дор зохион байгуулагдаж буй Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 104, Ардчилсан хувьсгалын 35 жилийн ойн Үндэсний их баяр наадмын хүчит бөхийн барилдааны дөрвийн даваанд оноолт таарсан байдал.
<hr />
Увс аймгийн Ховд сумын харьяат, Дархан аварга Н.Батсуурь
Говь-Алтай аймгийн Төгрөг сумын харьяат, Аймгийн харцага Г.Гантулга
&nbsp;
<hr />
Увс аймгийн Давст сумын харьяат, Улсын аварга П.Бүрэнтөгс 
Архангай аймгийн Тариат сумын харьяат, Цэргийн заан Ө.Батсуурь
&nbsp;
<hr />
Говь-Алтай аймгийн Жаргалан сумын харьяат, Улсын аварга О.Хангай
Сүхбаатар аймгийн Уулбаян сумын харьяат, Аймгийн заан Бадамдорж
&nbsp;
<hr />
Увс аймгийн Баруунтуруун сумын харьяат, Улсын аварга С.Мөнхбат
Хэнтий аймгийн Баян-Адарга сумын харьяат, Аймгийн арслан Н.Баяржаргал
&nbsp;
<hr />
Хөвсгөл аймгийн Тосонцэнгэл сумын харьяат, Улсын арслан Ц.Содномдорж 
Өмнөговь аймгийн Сэврэй сумын харьяат, Аймгийн арслан Ц.Лувсан-Адъяа
&nbsp;
<hr />
Сэлэнгэ аймгийн Цагааннуур сумын харьяат, Улсын арслан Б.Орхонбаяр
Хөвсгөл аймгийн Их-Уул сумын харьяат, Аймгийн арслан П.Хүрэлбаатар
&nbsp;
<hr />
Хэнтий аймгийн Өмнөдэлгэр сумын харьяат, Улсын арслан Э.Оюунболд
Булган аймгийн Могод сумын харьяат, Аймгийн арслан М.Эрхэмбаяр,
&nbsp;
<hr />
Өвөрхангай аймгийн Төгрөг сумын харьяат, Улсын арслан Ц.Бямба-Отгон
Архангай аймгийн Хайрхан сумын харьяат, Аймгийн арслан О.Баярбаасан
&nbsp;
<hr />
Архангай аймгийн Булган сумын харьяат, Улсын арслан Р.Пүрэвдагва
Дорнод аймгийн Баян-Уул сумын харьяат, Аймгийн арслан С.Бэлгүтэй
&nbsp;
<hr />
Завхан аймгийн Их-Уул сумын харьяат, Улсын гарьд Б.Гончигдамба
Өвөрхангай аймгийн Зүүнбаян-Улаан сумын харьяат, Цэргийн арслан Б.Өлзийсайхан
&nbsp;
<hr />
Увс аймгийн Улаангом сумын харьяат, Улсын гарьд Ө.Бат-Орших
Сүхбаатар аймгийн Мөнххаан сумын харьяат, Аймгийн арслан Д.Батболд
&nbsp;
<hr />
Ховд аймгийн Чандмань сумын харьяат, Улсын заан Б.Пүрэвсайхан
Баянхонгор аймгийн Баянлиг сумын харьяат, Аймгийн арслан Ч.Алтангэрэл,
&nbsp;
<hr />
Төв аймгийн Баянхангай сумын харьяат, Улсын заан Б.Батмөнх
Завхан аймгийн Идэр сумын харьяат, Аймгийн арслан А.Нармандах
&nbsp;
<hr />
Дорнод аймгийн Дашбалбар сумын харьяат, Улсын заан Д.Анар
Увс аймгийн Түргэн сумын харьяат, Аймгийн арслан Б.Нямсамбуу
&nbsp;
<hr />
Ховд аймгийн Зэрэг сумын харьяат, Улсын заан Б.Бат-Өлзий
Ховд аймгийн Мөст сумын харьяат, Аймгийн арслан Ц.Төмөрцоож,
&nbsp;
<hr />
Завхан аймгийн Яруу сумын харьяат, Улсын заан М.Лхагвагэрэл
Ховд аймгийн Манхан сумын харьяат, Аймгийн арслан Ш.Мөнх-Од
&nbsp;
<hr />
Баян-Өлгий аймгийн Улаанхус сумын харьяат, Улсын заан Б.Серик
Хэнтий аймгийн Жаргалтхаан сумын харьяат, Аймгийн арслан Ш.Отгонтөгс
&nbsp;
<hr />
Төв аймгийн Өндөрширээт сумын харьяат, Улсын заан Д.Хүдэрбулга
Өвөрхангай аймгийн Бүрд сумын харьяат, Аймгийн арслан М.Даваасүрэн, 
&nbsp;
<hr />
Архангай аймгийн Хашаат сумын харьяат, Улсын заан С.Сүхбат
Хөвсгөл аймгийн Бүрэнтогтох сумын харьяат, Аймгийн арслан Э.Баасанжав
&nbsp;
<hr />
Баянхонгор аймгийн Баянбулаг сумын харьяат, Улсын харцага Н.Золбоо
Дорноговь аймгийн Айраг сумын харьяат,  Аймгийн арслан М.Бямбадорж,
&nbsp;
<hr />
Архангай аймгийн Батцэнгэл сумын харьяат, Улсын харцага Б.Зоригтбаатар
Дундговь аймгийн Эрдэнэдалай сумын харьяат, Аймгийн арслан Н.Амгаланбаатар
&nbsp;
<hr />
Ховд аймгийн Булган сумын харяат, Улсын харцага Г.Ганхуяг
Өвөрхангай аймгийн Хархорин сумын харьяат, Аймгийн арслан О.Наранбаатар
&nbsp;
<hr />
Увс аймгийн Тэс сумын харьяат, Улсын харцага Т.Баасанхүү
Булган аймгийн Гурванбулаг сумын харьяат, Аймгийн арслан Б.Очирхүү,
&nbsp;
<hr />
Архангай аймгийн Хайрхан сумын харьяат, Улсын харцага О.Мөнх-Эрдэнэ
Хэнтий аймгийн Өмнөдэлгэр сумын харьяат, Аймгийн арслан Д.Алтанцоож
&nbsp;
<hr />
Хэнтий аймгийн Батширээт сумын харьяат, Улсын харцага Г.Бадрах
Сүхбаатар аймгийн Онгон сумын харьяат, Аймгийн арслан Н.Өсөхбаяр
&nbsp;
<hr />
Дундговь аймгийн Эрдэнэдалай сумын харьяат, Улсын харцага Э.Даш
Увс аймгийн Ховд сумын харьяат, Улсын начин Л.Энхсаруул
&nbsp;
<hr />
Төв аймгийн Баянчандмань сумын харьяат, Улсын харцага Э.Ууганбаяр
Архангай аймгийн Хотонт сумын харьяат, Улсын начин Э.Мөнхжаргал
&nbsp;
<hr />
Өвөрхангай аймгийн Зүүнбаян-Улаан сумын харьяат, Улсын харцага Б.Цэдэнсодном
Завхан аймгийн Тосонцэнгэл сумын харьяат, Улсын начин М.Амарсанаа
&nbsp;
<hr />
Увс аймгийн Тэс сумын харьяат, Улсын харцага Ц.Мөнхбаяр
Баянхонгор аймгийн Жинст сумын харьяат, Улсын начин Э.Батмагнай
&nbsp;
<hr />
Завхан аймгийн Их-Уул сумын харьяат, Улсын начин Б.Чимэдвандан
Булган аймгийн Хишиг-Өндөр сумын харьяат, Улсын начин Б.Түвшинтөгс

Баяр наадмын хүчит бөхийн барилдааны дөрвийн даваа үргэлжилж байна

Халдварт өвчин судлалын үндэсний төвөөс гаргасан мэдээллээр, 2025 оны долдугаар сарын 12-ны байдлаар улаанбурхан өвчний нийт батлагдсан тохиолдол 12162 хүрээд байна.
Эмчлэгдэж буй хүмүүс
<ul>
<li>Эмнэлэгт хэвтэн эмчлүүлж буй – 3341 хүн</li>
<li>Хөнгөн – 51</li>
<li>Дунд – 270</li>
<li>Хүнд – 20 нөхцөл байдалтай байна.</li>
</ul>
Нийт нөхцөл байдлын хувьд эдгэрсэн  11432, гэрээр эмчлүүлж буй  341, нас барсан долоо, хавьтал болсон нийт 90824 хүн байна. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 4769-д хүрсэн байна. Мөн 0-4 насны 2571, 5-9 насны 1541 хүүхэд улаанбурханаар өвджээ.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан
уриалж байна.

Хайх