<p>Хүнс, хөдөө аж ахуй, хөнгөн үйлдвэрийн яам хөдөө аж ахуйн салбаруудыг нэгдсэн бодлогоор дэмжих арга хэмжээний хүрээнд урамшуулал олголоо. Сүү боловсруулах үйлдвэр, цехэд эрүүл ахуйн шаардлагад нийцсэн малын түүхий сүү нийлүүлсэн 2018 малчин, фермер, хүнсний улаанбуудай тариалж, Хөдөө аж ахуйг дэмжих сан, дотоодын гурилын үйлдвэр нийлүүлсэн 123 тариаланч, хүнсний ногоо тариалж, зах зээлд борлуулсан 782 тариалан эрхлэгчдэд тус урамшууллыг олгосон юм.</p>


Улаанбуудай, хүнсний ногоо, сүүний урамшуулал олголоо DNN.mn

<p>Энэ онд 119 байршилд 8100 метр хашаа, хайс буулгахаар урьдчилсан төлөвлөлт гараад байна. Ирэх амралтын өдрүүдээр буулгах байршлуудыг эцэслэн судалж дуусгана. Харин дөрөвдүгээр сард буулгах сард ажлыг эхлүүлэх юм. Энэ талаар нийслэлийн Газар зохион байгуулалтын албаны Кадастрын хэлтсийн дарга Б.Загдсамбараас тодрууллаа. Тэрбээр “Улаанбаатар хотод 2024 онд “Хашаа” нэгдсэн арга хэмжээний хүрээнд нийт 224 байршилд 9074 метр урт хашааг чөлөөлж буулгасан. 2025 оны хувьд урьдчилсан судалгаагаар 119 байршилд 8100 метр хашааг буулгахаар төлөвлөөд байна. Ирэх амралтын өдрүүдэд байршлууд дээр хээрийн судалгаа хийж, төлөвлөгөөг дахин нарийвчлан гаргана. Дөрөвдүгээр сард “Хашаа” арга хэмжээний газар чөлөөлөлтийг эхлүүлнэ” гэлээ.</p>
<p>Ийнхүү зөвшөөрөлгүй болон хотын өнгө үзэмжийг багасгаж буй хашаа, хайсыг буулгаснаар иргэдийн ая тухтай зорчих хөдөлгөөнийг бий болгож, зарим байршилд тохижилт, ногоон байгууламж барих боломж бүрдэх юм. Мөн төмөр, бетон хашаанаас илүү ургамлан хашааг барихыг аж ахуйн нэгжүүдэд зөвлөж байна. Зөвшөөрөлгүй хашаа, хайс барьсан аж ахуй нэгжүүдэд Газрын тухай хуулийн дагуу газрыг зохистой ашиглах, нийтийн эрх ашгийг зөрчихгүй байх шаардлага тавьдаг байна. Биелүүлээгүй тохиолдолд хашааг албадан буулгах, буруутай этгээдээр зардлыг нөхөн төлүүлэх зохицуулалт хэрэгждэг билээ.</p>


Энэ онд 119 байршилд 8100 метр хашаа, хайс буулгана DNN.mn

<p>Өмнөговь аймгийн Даланзадгад суманд улаанбурхан өвчний сэжигтэй тохиолдол илэрсэнтэй холбогдуулан, тус аймгийн Онцгой комисс шуурхай хуралдсан.</p>
<p>Хуралдаанаар дараах шийдвэрүүдийг гаргажээ,</p>
<ul>
<li>Даланзадгад сумын цэцэрлэг, сургуулийн үйл ажиллагааг 2025 оны 03 дугаар сарын 17-ний өдрийг дуустал хугацаанд цахимд шилжүүлэх</li>
<li>Аймгийн хэмжээнд тэмцээн, уралдаан, дугуйлан, секц, олон нийтийн үйл ажиллагааг 18-аас доош насны хүүхдүүдийн дунд зохион байгуулахыг 2025 оны 03 дугаар сарын 20-ний өдрийг хүртэл хязгаарлах</li>
<li>Олон нийтийг хамарсан арга хэмжээг зохион байгуулахгүй байх.</li>
</ul>
<p class="has-background has-very-light-gray-background-color">Улаанбаатар хотын хувьд улаанбурхан өвчний гадаад орноос зөөвөрлөгдсөн тохиолдол батлагдаад байгаа юм. Тэд бүгд Вьетнам улсад аялаад ирсэн өгүүлэмжтэй.</p>


Өмнөговийн Даланзадгадад улаанбурхан өвчний сэжигтэй тохиолдол илэрч, цэцэрлэг, сургууль цахимд шилжлээ DNN.mn

<p>Төв аймгийн Өндөрширээт сумын нутаг дэвсгэрт байх Талын-Уул гэх газар буюу Улаанбаатар-Арвайхээр чиглэлийн авто замын 170 дахь км-ийн ойролцоо Toyota Hiace маркийн автомашин Улаанбаатараас Завхан аймгийн чиглэлд зорчиж явсан Kia Grandbird маркийн том оврын автобустай мөргөлдсөн хэрэг гуравдугаар сарын 11-нд гарсан билээ.</p>
<p>Ослын улмаас Toyota Hiace маркийн түргэний автомашинд зорчиж явсан 5 хүн, жолоочийн хамт буюу нийт 6 хүн нас барж, 2 хүүхэд гэмтжээ.</p>
<p><img decoding="async" src="https://mrt.gov.mn/up/news/viber_image_2025-03-13_14-57-58-388.jpg" alt="" /></p>
<p>Ослын газарт &#8220;АТҮТ&#8221; ТӨҮГ-ын зорчигч тээвэр, хяналтын хэлтсийн дарга нар ажиллав. Автобусны хар хайрцгийг цагдаагийн албанд хүлээлгэн өгсөн бөгөөд урьдчилсан байдлаар хотоос 170 дахь км дээр, осол болсон тухайн зам 500 м орчим хэсэг мөстсөн байсан гэсэн мэдээлэл өглөө.</p>
<p><img decoding="async" src="https://mrt.gov.mn/up/news/viber_image_2025-03-13_14-57-57-742.jpg" alt="" /></p>
<p>Мөн эмнэлгийн тээврийн хэрэгсэл автобусны урдаас орж ирсэн ба автобус тухайн үед 64 км/ц хурдтай явж байсан гэж урьдчилсан байдлаар мэдээлэл өгөөд байна.</p>
<p><img decoding="async" src="https://mrt.gov.mn/up/news/viber_image_2025-03-13_14-57-59-255.jpg" alt="" /></p>


Түргэн тусламжийн машинтай мөргөлдсөн автобус 64км/ц хурдтай явж байсан гэж дүгнэжээ DNN.mn

<p>Эрүүл мэндийн яамны Эс, эд, эрхтэн шилжүүлэн суулгах үйл ажиллагааг зохицуулах албаны даргаар ажиллаж байсан эмч П.Батчулууныг хүний эд эрхтэнийг зөвшөөрөлгүй авсан үйлдэлд гэм буруутайд тооцон, өнгөрсөн нэгдүгээр сарын 20-ны өдөр шүүхээс 2.6 жилийн ял оноосон</p>
<p>Тэгвэл тус хэргийг П.Батчулууны гомдлын дагуу дахин хэлэлцэхээр болсон бөгөөд давж заалдах шатны шүүх хурал өнөөдөр /2025.03.13/ товлогдсон юм.</p>
<p>Шүүх хуралдаан дөнгөж сая дуусч бүрэлдэхүүн шийдвэрээ танилцууллаа.</p>
<p>П.Батчулуун эмчийн өмгөөллийн баг түүний хэргийг хэрэгсэхгүй болгох, цагаатгах байр сууринаас оролцсон. Харин давж заалдах шатны шүүх хүсэлтийг хүлээж авсангүй.</p>
<p>Тодруулбал, Шүүхээс П.Батчулуун эмчид оноосон анхан шатны шүүхийн шийдвэр буюу 2.6 жилийн хорих ялыг хэвээр үлдээж шийдвэрлэв.</p>


Шүүх П.Батчулуун эмчид оноосон ялыг хэвээр  үлдээлээ DNN.mn

<p>Улсын Их Хурлын дарга Д.Амарбаясгалан, Улсын Их Хурлын гишүүн М.Мандхай нар Архангай аймагт ажиллаж, Хоршоологчдын зөвлөгөөнд оролцлоо.</p>
<p>Нийт ажиллах хүчний 24 хувийг эзэлж, дотоодын нийт бүтээгдэхүүний 10 хувийг үйлдвэрлэдэг уламжлалт мал аж ахуйн салбарт хөрөнгө оруулж, хоршоодоор дамжуулан малчин өрхийн орлогыг нэмэгдүүлж, малын гаралтай түүхий эд, бүтээгдэхүүний мөнгөн урсгалыг тогтмолжуулах зорилго бүхий “Шинэ хоршоо” хөдөлгөөн эхэлсэн.</p>
<p>Үүнээс хойш улсын хэмжээнд 8971 хоршоо шинээр байгуулагдаж, 88320 малчин гишүүнээр элсжээ. Өнгөрсөн есөн сард нийт 6364 хоршооны 22 359 малчин 758 тэрбум төгрөгийн хөнгөлөлттэй зээл авсан байна.</p>
<p>Зөвлөгөөнөөр Архангай аймгийн хоршоологчдын төлөөлөл “Шинэ хоршоо” хөдөлгөөний хэрэгжилт, үр дүн, тулгамдаж буй зарим асуудлуудаа хэлэлцэн, зээл олголт, эргэн төлөлт, татвар, даатгалтай холбоотой багц ойлголтуудаа нэгтгэж, тэргүүлэх сайн туршлагуудаасаа хуваалцлаа.</p>
<p>Архангай аймагт “Шинэ хоршоо” хөдөлгөөний хүрээнд 514 хоршооны 2008 гишүүн 57.8 тэрбум төгрөгийн хөнгөлөлттэй зээлд хамрагджээ.</p>
<p>УИХ-ын дарга Д.Амарбаясгалан үг хэлэхдээ, хангайн бүсийнхэн эрчимжсэн мал аж ахуйд тулгуурлан дотоодын хүнсний хангамж, нийлүүлэлтийг сүлжээг тогтмолжуулах бүрэн боломжтой гэдгийг онцлов.</p>
<p>Тэрбээр, хоршоологчид төвлөрсөн зах зээлд төрөлжсөн бүтээгдэхүүнээ нийлүүлэх, үйлдвэрлэлийн гинжин хэлхээний чухал бүрэлдэхүүн хэсэг болох, бүс нутагтаа худалдааны эргэлтийг нэмэгдүүлэхэд зонхилох хувь нэмэр оруулах учиртай гэв.</p>
<p>Хоршоод, түүний гишүүдэд мал аж ахуйн үйлдвэрлэл эрхлэх, ногоон тэжээл тариалах зорилгоор газар олгох ажлыг эрчимжүүлж, дундын хоршоодыг жишиг хуулийн этгээдийн хэлбэрээр үйл ажиллагаа явуулахад дэмжиж ажиллахаа илэрхийллээ.</p>
<p>Түүнчлэн хоршоод үйл ажиллагаандаа болон бүтээгдэхүүн, үйлдвэрлэлдээ стандарт нэвтрүүлэхэд анхаарахаас гадна гишүүдийг тогтмол чадавхжуулж, хоршоо хөгжсөн орнуудаас туршлага судлах хөтөлбөрүүдэд хамрагдах боломжоор хангана гэв.</p>
<p>“Шинэ хоршоо” хөдөлгөөн цаашид тогтвортой хэрэгжсэнээр малчдын орлого тогтмолжиж, өрхийн болон жижиг дунд үйлдвэрлэлийг хөгжүүлнэ. Хүнсний хангамж, нийлүүлэлтийн сүлжээ бий болж, орон нутагт төвлөрлийг нэмэгдүүлэх давуу талтай хэмээн зөвлөгөөнд оролцсон хоршоологчид санал нэгтэй байлаа <strong>хэмээн УИХ-ын Хэвлэл мэдээллийн газраас мэдээллээ.</strong></p>


Хоршооны малчид 758 тэрбум төгрөгийн хөнгөлөлттэй зээл авчээ DNN.mn

<div class="xdj266r x11i5rnm xat24cr x1mh8g0r x1vvkbs x126k92a">
<p dir="auto">Дэлхийн хүний эрхийн үндэсний 118 байгууллагыг эгнээндээ нэгтгэсэн Хүний эрхийн үндэсний байгууллагуудын Дэлхийн холбоо /ХЭҮБДХ /-ны 38 дахь удаагийн чуулга уулзалт Женев хотноо 2025 оны 03 дугаар сарын 10-12-ний өдрүүдэд хуралдлаа.</p>
</div>
<div dir="auto">Жил тутамд зохион байгууллагддаг чуулга уулзалтаар Дэлхийн холбооны дотоод зохион байгуулалт, засаглалын асуудлыг хэлэлцэхээс гадна тодорхой хүний эрхийн асуудлыг хөндөн ярилцаж, туршлага солилцдог уламжлалтай.</div>
<div dir="auto">Энэ удаагийн чуулга уулзалтаар эмэгтэйчүүд болон охидын эрхийг хамгаалах, жендерийн тэгш байдлыг хангах талаар хэлэлцсэн бөгөөд Монгол Улсын Хүний эрхийн Үндэсний Комиссын дарга Д.Сүнжид, Комиссын гишүүн Г.Нарантуяа, Х.Мөнхзул нар оролцож байр суурийг илэрхийллээ.</div>
<div dir="auto">Хүний эрхийн Үндэсний Комисс нь Жендэрийн эрх тэгш байдал, охид, эмэгтэйчүүдийн нөхөн үржихүйн эрх, тэр дундаа хөгжлийн бэрхшээлтэй эмэгтэйчүүдийн бэлгийн болон нөхөн үржихүйн эрүүл мэнд, эрхийг хамгаалах чиглэлээр төрөөс авч хэрэгжүүлж буй арга хэмжээний үр дүн, үр нөлөөг судлан Монгол Улс дахь хүний эрх, эрх чөлөөний байдлын талаарх 18, 21, 23 дахь илтгэлүүдэд тусган Улсын Их Хуралд танилцуулж, холбогдох шийдвэрийг гаргуулан, хэрэгжилтэд нь хяналт тавьж ажиллаж байна.</div>
<div dir="auto">Комисс хөгжлийн бэрхшээлтэй иргэдийн нийгэм, эдийн засаг, соёлын эрхийг хамгаалахад онцгой анхаарахын зэрэгцээ сэтгэцийн хөгжлийн бэрхшээлтэй хүний эрхийг хамгаалахад тулгамдаж буй асуудал болон шийдвэр гаргах түвшин дэх эмэгтэйчүүдийн оролцоог нэмэгдүүлэх, ажлын байрны дарамт, хүчирхийллээс ангид байх эрхийг хамгаалах асуудалд анхаарлаа хандуулан ажиллаж байна.</div>
<div dir="auto">Комисс цаашид ч дээрх асуудлаар төрийн нэгдсэн бодлого боловсруулах, хуулийн зохицуулалт хийж, хэрэгжилтийг хангахад ахиц дэвшил гаргаж ажиллах болно гэдгээ чуулга уулзалтын үеэр илэрхийллээ.</div>
<div dir="auto">ХЭҮК нь 2024-2025 онд &#8220;Хүний эрх ба Технологи&#8221; нээлттэй хяналт шалгалтыг үндэсний хэмжээнд хэрэгжүүлж, дүнг Монгол Улс дахь хүний эрх, эрх чөлөөний байдлын талаарх 24 дэх илтгэлд тусгахаар ажиллаж байна.</div>
<div dir="auto">Технологи ашиглан үйлдэгдэж байгаа жендэрт суурилсан хүчирхийллийг таслан зогсоох, алслагдсан суурин болон сум, багуудад амьдарч буй охид, эмэгтэйчүүдийн эрхийн хэрэгжилтийг хангах үр дүнтэй цогц арга хэмжээ, боловсруулах шаарддлагатай байгааг мөн цохон тэмдэглэсэн юм.</div>
<div dir="auto">Хүний эрхийн үндэсний байгууллагуудын Дэлхийн холбоо /ХЭҮБДХ /-ны ээлжит чуулганаар хэлэлцэж буй асуудлын хүрээнд дэлхийн улс орнууд харилцан туршлагаа хуваалцаж, Тунхаг бичиг гаргахаар зөвлөлдлөө.</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<p dir="auto">Ташрамд дурдахад, энэ удаагийн чуулганы Хүний эрхийн үндэсний байгууллагуудын засаглал, магадлан итгэмжлэл, олон улсын хамтын ажиллагааны талаарх хэлэлцүүлгийн үеэр Холбооны дараагийн даргыг сонгох санал хураалт болж Дэлхийн Холбооны даргаар Мороко Улсын Хүний эрхийн үндэсний зөвлөлийн дарга Амина Буаяч, Нарийн бичгийн даргаар Умард Ирландын Хүний эрхийн комиссын дарга Алисон Килпатрик нар сонгогдлоо.</p>
</div>


Хүний эрхийн үндэсний байгууллагуудын Дэлхийн холбооны 38 дахь удаагийн уулзалт боллоо DNN.mn

<p>Оюутан цэргийн бүртгэл маргааш буюу гуравдугаар сарын 14-ний баасан гаригт хаагдана.</p>
<p>Сар шинийн баярын амралт таарсан тул бүртгэл хаах хугацааг энэ өдрийг хүртэл хойшлуулаад байгаа юм. Харин дараах шаардлагыг хангасан оюутнууд оюутан цэрэгт бүртгүүлэх боломжтой,</p>
<ul>
<li>Монголд үйл ажиллагаа явуулдаг магадлан итгэмжлэгдсэн их сургууль, коллежийн 1-3-р курсэд суралцаж байх</li>
<li>Голч дүн нь 2.8-аас дээш байх</li>
<li>Энэ оны зургадугаар сарын 15-наас өмнө 18 насанд хүрсэх байх</li>
<li>Эрүүл мэндийн даатгалаа төлсөн байх зэрэг.</li>
</ul>
<p class="has-background has-very-light-gray-background-color">Бүртгүүлэх хүсэлтийн хариуг гуравдугаар сарын 17-ны дотор шийдвэрлэж, холбогдох и-мейл болон и-Монгол системээр өгөх юм байна.</p>
<p>Дэлгэрэнгүй мэдээллийг Батлан хамгаалах яамны 18001144 утас, “Боловсролын мэдээллийн технологийн төв” УТҮГ-ын 75772727 дугаараар холбогдон авах боломжтой.</p>


Хайх