Манай сонинд олон жил үр бүтээлтэй ажилласан А.Пүрэв гуай Төрийн дээд шагнал “Хөдөлмөрийн гавьяаны улаан тугийн одон” цол тэмдгээр энгэрээ мялаалаа. Тэрээр 1941 онд Төв аймгийн Баянцагаан суманд төрсөн бөгөөд 1982 онд МУИС-ийг инженер, эдийн засагч мэргэжлээр дүүргэжээ.
Улмаар 1964 онд Геологийн удирдах газарт геологич, хөдөлмөр хамгааллын байцаагч, МХЗЭ-ийн үүрийн дарга, ҮЭ-ийн бүлгийн дарга, 1968-1974 онд Төв аймгийн УАА Удирдах газар Геологийн техникч, бригадын дарга, 1975 оноос Аймгийн ҮЭ-ийн зөвлөлд зааварлагчаар ажилласан. Харин 1977-2001 онд БУК, Ойн аж ахуй, НД-ийн үйлдвэр, Ажлын хувцасны үйлдвэрт ҮЭ-ийн хороон даргаар 28 жил, улсад 36 жил ажиллаад 2001 онд чөлөөндөө гарсан. Үүнээс хойш буюу 2002 оноос 2016 он хүртэл “Өдрийн сонин”-д Аж ахуй алба, харуулын алба хариуцаж удирдан ажилласан билээ. Улс орныхоо хөгжил, нийгмийн сайн сайхны төлөө тасралтгүй 50 гаруй жил ажилласан та минь эрүүл энх, урт удаан наслаарай.

“Өдрийн сонин”-ы ахмад ажилтан А.Пүрэв “Хөдөлмөрийн гавьяаны улаан тугийн одон”-гоор энгэрээ мялаалаа

Үүлсийн бэлбэрхий өндийхүйн гэгээнд

Улс төр судлаач Г.Ариунболортой наадмын дараах улс төр, эдийн засгийн асуудлаар ярилцлаа.
<hr />
УИХ-ын хаврын чуулган наадмын өмнө завсарлаж шинэ Засгийн газар ч шинэхэн дээрээ олон хоног амарлаа. Судлаачийн хувьд та хаврын чуулганыг ямар түвшинд чанартай чуулсан гэж харж байна вэ?
-Мэдээж хаврын чуулганы үеэр төрийн эрх барих дээд байгууллага өндөр ачаалал авч ажилласан харагдлаа. Засгийн газрын өөрчлөлт, Ерөнхий сайдыг огцруулах жагсаалаас үүдэлтэй МАН-ын бага хурлын шийдвэрийг парламент хэлэлцэх, шинэ Ерөнхий сайдыг хэлэлцэх гэх мэт олон зүйлс давхардсан ачаалалтай чуулган болсон гэж судлаач гэлтгүй иргэд маань ч харсан байх. Хаврын чуулганы онцлох үйл ажиллагаа бол улсын 2025-2026 оны төсвийн асуудал анхаарал татахуйц байлаа. Ихэнх тохиолдолд иргэд болон улс төрчид маань Засгийн газар, Ерөнхий сайд нарт анхаарал хандуулсан ч төсөв дээр сая Засгийн газрын шилжилттэй холбоотойгоор олон нийтийн анхаарал сарничих шиг болсон. Одоо аравдугаар сард намрын чуулган эхлэх энэ завсарт хууль тогтоох байгууллагын үйл ажиллагаа амралтын горимд шилжсэн байгаа цаг үеийг судлаачийн хувьд мөн ажиглаж сууна. Тухайлбал, аймгуудын наадмын батлагдсан төсвийн зарцуулалт ирэх жилийн манай улсын төсөвт хэрхэн нөлөөлөх, төсвийн тодотголд аймгуудын зардал өвөлжилтийн бэлтгэл ажилтай холбоотойгоор хэрхэн өөрчлөгдөх зэрэг үйл явдлууд дээр ажиглаж, тэр тал дээр хууль тогтоох байгууллагын намрын чуулганы шийдвэрүүдэд анализ хийх шаардлага тулгарч байна. Чуулганыг чанартай эсвэл чанаргүй гэж дүгнэх нь ирэх жилийн төсвийн гүйцэтгэлтэй холбогдож харагдах байх. Аль ч тохиолдолд 2024 онд бүрдсэн парламент 126 гишүүнтэй болж олон намын төлөөлөлтэй болсноор хяналт тэнцлийн зарчим сүүлийн 10 жилд байгаагүйгээр сайжирсан гэж харж байна.
-Төсөв гэхээс илүү хаа хаанаа шинээр бүрдсэн Засгийн газарт анхаарлаа хандуулчихлаа гэдэг үнэн байх. Судлаач хүний хувьд шинээр байгуулагдсан Засгийн газарт ямар үнэлэлттэй байна вэ?
-Өнгөрсөн тавдугаар сарын хувьд иргэдийн бухимдал өндөртэй, өмнөх Засгийн газрыг эсэргүүцсэн жагсаал цуглаанаас үүдэлтэй улс төрийн хувьд савлагаатай байлаа. Судлаачийн зүгээс энэхүү үйл явдлыг анхааралтай ажиглаж байсны хувьд хэд хэдэн анхаарвал зохих зүйлс байна. Тухайлбал, хууль тогтоох байгууллага Үндсэн хуулиар олгогдсон эрх мэдэл хуваарилалтын нэг мөчир бүхий дээд байгууллага байтал намын бага хурлын шийдвэрийн дараа парламент хуралдаж байгаа нь эрх зүйн хувьд гажуудал байна. Хоёрдугаарт, анх удаа Монгол Улсын Үндсэн хуулин дахь итгэл хүлээлгэх гэдэг заалтыг ашиглаж парламент нууц санал хураалт явуулж, санал хураалтад оролцсон 82 гишүүнээс 44 нь дэмжсэн боловч Ардчилсан нам нийтлэг байр суурь илэрхийлсэнээр эсэргүүцсэн саналд тоологдсон явдалд зарим судлаачид шүүмжлэлтэй хандаж байгаа харагдсан. Мэдээж, хууль зүйн нийцлийн хувьд нөхөх болон дэлгэрүүлж зохицуулсан зохицуулалт нь Чуулганы хуралдааны дэгийн тухай хуулиар зохицуулагдсан тул хууль ёсны шийдвэр мөн гэж үзэх боломжтой. Харин дараагийн Засгийн газар эмхлэгдэж байх үе буюу Занданшатар Ерөнхий сайдад нэр дэвшсэн үеэс сайд нарын томилгоотой холбоотой маргаан нь өмнөх Засгийн газарт ажиллаж байсан сайд нарын тухайд яригдсан нь тун анхаарууштай үйл явдал байлаа. Өмнөх Засгийн газарт тодорхой салбарыг хариуцан ажиллаж байсан хэд хэдэн сайд нар дараагийн засагт харьяалагдан ажиллахдаа тухайн ажлыг огт мэдээгүй мэтээр өмнөх үйл ажиллагааг шүүмжилж, залруулна гэж байгаа нь нэгдүгээрт, логик зөрчил, хоёрдугаарт, үйл ажиллагааг илт алдаатайг мэдсээр байж үргэлжлүүлэн явуулж байсан ёс зүй, ашиг сонирхлын зөрчил мэт харагдаж байна.
-Бусад жижиг нам, эвслүүдийн хувьд&#8230;?
-Үндэсний эвслийн хувьд хамтарсан Засгийн газарт ороогүй явдал нь улс төрийн нүүдэл гэхээс илүүтэй албан тушаалын тохироо таарсангүй явдал байв уу гэж харах өнцөг гарлаа. Ногоон нам болон ХҮН намын хувьд нэгдсэн байр суурьтайгаар намын зөвлөлийн шийдвэр гаргаж хамтрахаар шийдвэрлэсэн нь энэ парламент солонгорсоны ач тус гэж харж болохоор байна. Гэвч нөгөө талдаа Ардчилсан нам сөрөг хүчний байр сууринд ирснээр 2013 оноос 12 жилийн дараа анх удаа улс төрийн намын рейтингийн судалгаагаар Ардчилсан нам Монгол Ардын намын рейтингийг давсан явдал боллоо. Сөрөг хүчний байр суурь өнгөрсөн 10 жилийн хугацаанд ихээхэн үгүйлэгдэж байсныг энэхүү судалгааны үр дүнгээс харж болно. Мөн шинэ Засгийн газрын хүний нөөцийг харвал МАН дотоод хүний нөөцөөс илүүтэй УИХ-д суудалтай гишүүдийг томилсон нь олон нийтийн хүлээлтэд хүрээгүй гэж дүгнэж болох юм. Тухайлбал, боловсролын салбар ихээхэн шүүмжлэл дагуулж байхтай зэрэгцэн өрсөлдөгч улс төрийн намын гишүүнийг үргэлжлүүлэн томилсон томилгоо МАН дотор нэлээн талцал үүсгэж байгаа нь харагдсан.
-Үүнийг залруулах боломж одоогийн Ерөнхий сайдад байсан уу?
-Байсан. Тус боломжийг бүрдүүлж чадаагүйд шүүмжлэлтэй хандаж болно. Гэвч Засгийн газар эмхлэгдээд сар гаруй хугацаа өнгөрөхөд 50 хувьд нь амралт баяр наадмын хугацаа таарсан тул үйл ажиллагааг дүгнэх хугацаа хараахан болоогүй байна. Судлаачийн урьдчилсан прогнозоор харвал шинэ Засгийн газрын үйл ажиллагаа арваннэгдүгээр сараас жигдрэх болов уу. Учир нь одоогоор Үндэсний хороодыг татан буулгах, зарим яам, агентлагт цомхотгол хийж орон тоог цөөрүүлж, төсөв танах процедур явагдаж байна. Энэ ажил тийм ч хурдан хийгдэхгүй. Тэгэхээр арваннэгдүгээр сарын эхнээс бид одоогийн Засгийн газрын үйл ажиллагаа, шийдвэрүүдэд анализ хийх боломжууд бодитойгоор бүрдэж эхлэхээр харагдаж байна. Гэхдээ Засгийн газар өөрөө хэр удаан тогтвортой байх вэ гэдэг нь 100 хувь МАН-аас хамаарахаар байгаа. Үүнийг өнгөрсөн тавдугаар сарын МАН-ын бага хурлын жишээ харуулсан. Хамтарсан Засгийн газар гэж нэршил өглөө ч ХҮН, Ногоон намаас хамаарсан шийдвэр гаргалт тэнд байхгүй нь ойлгомжтой. Цаашлаад дэд сайд нарын асуудал өмнөх Засгийн газарт хамтарсан гэдэг агуулгаараа байхгүй гэж шийдвэрлэсэн байсан бол одоогийн Засгийн газар энэ тал дээр тодорхой нөхцөл бүхий байр суурийг нэг талд нь гаргаж шийдвэрлээгүй байна. Цаашлаад эдгээр томилгоо энэ хамтарсан Засгийн газрын хувь заяанд хэрхэн нөлөөлөхийг анхааралтай ажиглах л үлдэж байна.
-Төсвийг зөнд нь орхисон шиг өмнөх Засгийн газрын 14 мега төсөл дорвитой яригдсангүй. Мега төслүүдийн талаар судлаачийн бодол, байр суурь ямар байгаа вэ?
-Л.Оюун-Эрдэнийн Засгийн газрын хувьд Монгол Улсын эдийн засгийг сэргээх чиглэлд 14 мега төслийг 2024-2032 он хүртэл хэрэгжүүлэхээр төлөвлөөд байсан. Гэтэл улс төрийн байдал өөрчлөгдсөнөөр хил холболтын төмөр замын төслөөс өөр хэрэгжиж эхэлсэн бодитой төсөл хараахан алга байна. Гашуунсухайт-Ганцмод боомтын хил холболтын төмөр зам энэ наймдугаар сараас эхлэх товтой боловч амралт, зугаалга, найр наадмын улирал эхэлсэнтэй холбоотойгоор хугацаандаа амжих уу гэдэг нь энэ Засгийн газраас хамаарсан үйл ажиллагаа болчихлоо. Иймд цаашид салбарын сайд болон Засгийн газар ямар арга аргачлалаар нэгэнт эхлүүлсэн төслүүдийг явуулах вэ гэдэг нь цаг хугацааны асуудал болчихсон гэхэд хилсдэхгүй. Нөгөө талдаа улс эх орны 14 мега төслийн хажуугаар Нийслэлд хэрэгжүүлэх 21 мега төсөл буюу бүтээн байгуулалтын төслүүдийн хөрөнгө оруулалтын асуудал төсвийн байнгын хороон дээр ихээхэн шүүмжлэл дагуулж, төсвийн байнгын хорооны гишүүдийн эсэргүүцэлтэй тулгарч байна.
-Нийслэлд хэрэгжих томоохон бүтээн байгуулалтууд нь цаашид одоогийн байгаа ТЭЗҮ, зураг төслөөрөө хийгдэх үү?
-Үүнийг хүртэл Засгийн газар шийдвэрлэнэ. Иймээс эдгээр төслүүд хэрэгжих эсэх нь баталгаагүй. Манай улсын хувьд улс төрийн мөчлөг богинотой тул урт хугацааны хөгжлийн бодлогын баримт бичиг хэрэгжих боломж түүхэндээ байгаагүй. Энэ нь эргээд маш их эргэлзээтэй байдлыг олон нийтийн дунд бий болгодог. Хэрвээ улс төрийн байдал тогтвортой байх боломжгүй юм бол ядаж засаглалын бүтцийн зураглалыг тодорхой болгох учиртай юм. Хэдий Алсын хараа-2050 гэх урт хугацааны баримт бичиг байгаа боловч түүнд хэрэгжүүлэх тодорхой ажлыг хэмжих аргачлалыг хамт оруулж өгсөн бол зайлшгүй хэрэгжих шинжтэй болох байв. Харамсалтай нь манай урт хугацааны хөгжлийн баримт бичиг одоогийн байдлаар бол засаг солигдох бүрт сонгож хэрэглэх буюу хууль зүйн утгаараа диспозитив баримт бичиг болчихоод байгаа юм. Магадгүй парламентын түвшинд 126 гишүүнтэй байгаа цаг үе дээрээ энэ урт хугацааны бодлогын баримт бичгийг эргэн сөхөж харах л шаардлагатай. Угтаа улс орны урт хугацааны баримт бичиг нь стратегийн газрын зураглалыг бий болгож байдаг үндсэн баримт бичиг бөгөөд ихэнх орнууд 10, 20 жилээр баталдаг. Манай улсын хувьд 2020 онд 30 жилээр алсын хараагаа тодорхойлсон нь тухайн үеийн засгийн эрхийг барьж байсан улс төрийн хүчний амбицын илэрхийлэл мөн үү гэвэл мэдээж мөн. Харин энэ тал дээр онцлох нэг баримт бичиг гарч, харьцангуй бодитойгоор практикт мөрдөгдөж байгаа нь “Бүсчилсэн хөгжлийн үзэл баримтлал” байгаа юм.
-Тэгвэл энэхүү Засгийн газар анхааралдаа авах шаардлагатай байгаа чухал асуудлууд юу байна вэ?
-Манай улсын Засгийн газар нам, улс төрийн тогоондоо хэлэлцээгээ хийж байх зуурт дэлхий дахинд удахгүй бид бүхний тавагтай хоол, зүсэм талханд нөлөөлөхүйц олон үйл явдал өрнөж байна. Орос Украины дайнтай холбоотойгоор Европын холбооны нөхцөл байдал хүндэрснээр манай улс Орано майнингтай хамтран ажиллах боломж бүрдсэн нь саяхан. Нэг талдаа бидний хувьд байгалийн баялгаа эргэлтэнд оруулах боломж мөн боловч нөгөө талдаа биднээс холуур мэт харагдаж байгаа эдгээр дайнууд улс төр, геостратегийн харилцаанд ирээүдүйд үүсэж болох олон эрсдлийг үүсгэж байдаг гэдгийг мартаж болохгүй. Долоо хоногийн өмнө АНУ-ын зүгээс ОХУ-аас импортоор бараа авдаг улсуудад 50 хувийн тариф тавихаар шийдвэрлэснээ зарлалаа. Алсуураа энэ нь свифт системийг хориглоод байхад энэ онд рубль хамгийн чанга вальют болсонтой холбоотойгоор АНУ-аас авч буй хариу арга хэмжээ. Гэтэл энэ нь АНУ, Орос хоёрын дундах асуудал мэт харагдавч манай улс шиг эрчим хүч, нефтийн бүтээгдэхүүнээр Оросоос шууд хамааралтай улс тухайн хоригт орж буй агуулга. Иймээс Засгийн газрын түвшинд, бодлогын хүрээнд бид гадаад улс төрийн нөхцөл байдал руугаа ихээхэн анхаарах шаардлага үүсээд байгаа юм. Мэдээж үүнийг Батлан хамгаалахын түвшинд, санхүү мөнгө, мөнгөний бодлогын түвшинд төрийн байгууллагууд судалж байгаа байх. Гэхдээ зүгээр судлаад өнгөрөх биш нөлөөлөл болон ирэх сөрөг үр дагаврыг хэрхэн бууруулах талаар урьдчилсан арга хэмжээ төлөвлөж, стратеги боловсруулах ажил хийх нь чухал. Дагаад олон улсын харилцааны нөхцөл байдал ч Брикс, Европын холбооны өөрчлөллтэй холбоотойгоор олон олон шинэ сорилтттой тулгарч байгаа цаг үед дотоодын томилгоон дээрээ төвлөрөхөөс илүү намчирхал, намын дотоод асуудлаа нэг талд нь гаргаж, илүү том зургаараа улс төрийн асуудлаа харж шийдвэр гаргах шаардлагатай.

Судлаач Г.Ариунболор: Нам, улс төрийн тогоондоо хэлэлцээ хийж байх зуурт удахгүй бидний тавагтай хоол, зүсэм талханд нөлөөлөх үйл явдал дэлхийд өрнөсөөр байна

Сүхбаатар дүүргийн 1 дүгээр хороо, “Central Park Office”-ийн 1-р давхарт байрлах Segafredo Zanetti Espresso нь нийтийн эзэмшлийн зам, талбайд зөвшөөрөлгүй терраса барьсан зөрчлийг арилгуулж байна. Тодруулбал, зөрчлийг арилгуулахаар НХШГ-аас долдугаар сарын 8-нд газрыг чөлөөлөх тухай хугацаатай мэдэгдэл өгсөн байна. Уг асуудалтай холбогдуулан нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч Т.Даваадалай болон холбогдох албаныхан тус байршилд ажиллалаа.
<img decoding="async" src="https://ulaanbaatar.mn/files/mn/images/teoigmeyfgj/687a0d1b76868b67547b2d70.jpg" />
Зөрчлийн талаар нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч Т.Даваадалай “Хүмүүсийн мэддэгээр Баянгол зочид буудлын хойд талын автобусны буудлын дэргэдэх явган хүний гарц нь хамгийн ачаалал ихтэй гарцуудын нэг. Гэвч Segafredo Zanetti Espresso нь зөвшөөрөлгүйгээр нийтийн эзэмшлийн зам, талбайд 4-7 метр урт терраса барьсан. Энэ мэт зарим байгууллагууд үүдэндээ зөвшөөрөлгүйгээр терраса барьж, удаах жилээс нь хашлага хийдэг. Цаашлаад өргөтгөл барьж нийтийн эзэмшлийн талбайг хумьсны улмаас явган хүн зорчих боломжгүйд хүрдэг. Ийнхүү явган хүний замыг өргөтгөх зорилгоор ногоон байгууламжийн талбайг багасгах тохиолдол гардаг зэрэг дам нөлөөлөл ихтэй. Иймээс иргэн, аж ахуйн нэгж байгууллагууддаа энэ төрлийн зөрчлийг гаргахгүй байхыг уриалж байна. Мөн цаашид зөвшөөрөлгүйгээр нийтийн эдэлбэр газар дээр барилга, байгууламж барьсан зөрчлийг үе шаттай арилгаж, хориглоно” гэв.
<img decoding="async" src="https://ulaanbaatar.mn/files/mn/images/cc0uhok4ooo/687a0d2276868b67547b2d71.jpg" />
Мөн энэ төрлийн зөрчлийг арилгуулаад зогсохгүй нийтийн эзэмшлийн талбайн нөхөн сэргээлтийг хийлгэх хэрэгтэй. Нийтийн эдэлбэр газар нь олон нийтийн эрх ашгийг хангасан эзэмшил байх ёстой болохоос биш хэн нэгний бизнесээ өргөжүүлэх гэсэн зөвшөөрөлгүй үйлдэл байж болохгүй гэдгийг тэрбээр хэлж байлаа.

Зөвшөөрөлгүй терраса барьсан зөрчлийг арилгуулж байна

<div class="xdj266r x14z9mp xat24cr x1lziwak x1vvkbs x126k92a">
“Завхан аймгийн Их-Уул сумын Хонгор багийн нутаг дэвсгэрт автомашин онхолдсон байна” гэх дуудлага энэ оны 07-р сарын 19-ний 13:30 минутад цагдаагийн байгууллагад ирсэн.
</div>
<div dir="auto">Бүртгэгдсэн дуудлага, мэдээлэлтэй холбогдуулан цагдаагийн байгууллагаас шалгалтын ажиллагаа явуулахад 34 настай, эрэгтэй “Ж” нь Toyoya Prius-30 маркийн тээврийн хэрэгсэл жолоодож яваад онхолдож, 35 настай, эмэгтэй, “Б” гэмтсэн байна.</div>
<div dir="auto">Орон нутгийн зам хурдны зам биш шүү дээ. Тэр замд хурдаа нэмж, яарч хэрхэвч болохгүй. Согтууруулах ундааны зүйл байтугай айраг амссан ч жолооны ард сууж болохгүй. Согтуу жолооч хүйтэн зэвсэг барьсан алуурчин гэх үг бий. Ямар л олиг байхав, нүд халтирам дүр зурагтай нүүр тулах&#8230;</div>
<div class="x14z9mp xat24cr x1lziwak x1vvkbs xtlvy1s x126k92a">
Иймд тээврийн хэрэгслийнхээ бүрэн бүтэн байдлыг хангаж хэвшье.
Хариуцлагатай, ухамсартай байж өөртөө болон бусдад хүндэтгэлтэй хандъя.
Замын хөдөлгөөний дүрэм амьдралын дүрэм гэдэг шүү дээ. Дүрмээ ягштал мөрдье.
</div>

ТЦА: Орон нутгийн замд автомашин онхолдож, нэг иргэн гэмтжээ

МАН тасралтгүй 3 дахь удаагаа засаглаж байна. УИХ-ын 2016 оны сонгуулиас эхэлсэн ялалт нь үргэлжилсээр байгаа юм. Төр засгийн эрхэнд ингэж их удахаар аль ч нам ингэж юуг ч тоохоо больдог уу, аль эсхүл МАН ингээд байна уу. 2016 онд бол ялах нь аргагүй байсан байх. АН бас л хоорондоо жийлцэж ялсан засгаа унагаад явахаа болиод байсан. Эрдэнэтийн 49 хувь бас нэмэр болсон. 2020 онд Ерөнхий сайд, МАН-ын дарга У.Хүрэлсүхийн хувийн нэр хүнд, утааны эсрэг концепц нь 2 дахь ялалтын суурь нь болсон. 2024 оны сонгуульд өрсөлдөгч АН нь арайхийж нийлж байсан, МАН-ын дарга Л.Оюун- Эрдэнэ арай дөнгүүр нэртэй байв. Товчлоод хэлэх юм бол МАН-ын дараалсан ялалтууд АН-ын арчаагүй байдал, МАН-ын даргаар тэр үед хэн байна, тэр нь гайгүйхэн нэртэй бол түүгээр малгайлаад сонгуульд явчихдаг. МАН нь бол ойрын жилүүдэд олигтой нэр хүнд олж чадахгүй л яваа. 2025 оны тавдугаар сард эхлээд зургадугаар сарын дунд гэхэд унагасан АН-тай хамтарсан Засгийн газар нь овоо ажиллаж байсан юм. Даанч хоёр удаагийн ялалтын бүрэн эрхийн хугацаанд төрийг бүхэлд нь эзэмшиж байсан МАН-ынхан албан тушаалуудыг хэнтэй ч хуваалцахыг хүсээгүй. Үүнд суурилсан дотоод зөрчил нь тэр Засгийн газрыг огцруулсан. Яс юман дээр хамтарсан Засгийн газрыг огцруулсан нь АН-д хэрэгтэй, МАН-д хортой туслаа. АН-ын нэр хүнд өсөж байна. Монголын улс төр сөрөг хүчнээр цангаад байсныг АН тайлах нөхцөл бүрдэв. Харин МАН-ынхан олиггүйвтэр мэдээтэй сууцгааж байна. Тэд наадмын өмнөхөн нэгэн судалгаа хийлгэжээ. Тэгсэн чинь хүнд хэлэхээс ичим хариу гарсан байна. 2016, 2020, 2024 оны сонгуулиудаар энэ мэт судалгаа хийхэд:
&#8211; МАН шинэчлэгдэж байгаа, &#8211; МАН хөгжлийн бодлоготой, -МАН туршлагатай, -МАН-ын хүний нөөц сайтай, &#8211; МАН засаглах чадвартай, -МАН нэгдмэл гэсэн тодорхойлолтуудыг судалгаанд оролцогсдын дийлэнх нь хэлдэгт байж. Харин сүүлийн энэ судалгаагаар тэр бүхэн алга болоод ганц: МАН туршлагатай гэдгийг л иргэд хэлж байна гэнэ. Иргэд МАН-д итгэхээ больсон гэсэн үг. Байдал ийм атал МАН-ын дээгүүр албан тушаалтнууд тоож байгаа ч юм алга. Нам дээрээ, засаг дээрээ зөрчил тэмцэл ихтэй л байгаа дуулдана. Сүүлийн үест бизнесийн салбараас орж ирсэн хэд нь цахилгаан станцын төслүүд рүү хошуурцгааж байна. Бизнесгүй томчууд нь нэг нэг цахилгааны станцын арыг даагаад суучихаж. Монгол Улс эрчим хүчний бие даасан байдалд голлох хүч, анхаарлаа төвлөрүүлсэн нь бизнес сэтгэлгээтэй улстөрчдөд бялуу болон тараагдаж байгаа нь энэ. 5 дугаар цахилгааны станц, Таван толгой цахилгааны станц 2 хамгийн том бялуунууд нь. Энэ 2 төслийг авахын төлөө улстөрчид, бизнесүүд юугаа ч өгөхөд, юу ч хийхэд бэлэн байна. Наадмын үеэр ТЭЦ 3 дээр Засгийн газрын сайд нар очих үеэр юу яригдав? Ерөнхий сайд нь Эрчим хүчний сайдаа гөвөөд байгаа л харагдсан. Түүгээр дуусахгүй , Монголын эдийн засагт мөнгө олж орж ирдэг нүүрсний салбар дахин хуваарилалтад орж байна. Таван толгойд гаднын менежмент оруулах тухай ярианд цэг хатгаж байх шиг. Аажимдаа Гашуусухайтын төсөл зогсож ч магадгүй. Яг энэ чигээрээ яваад байвал Монгол Улс байнгын sale-тэй хар зах шиг болох зам руугаа орж болзошгүй. Энэ мэт түр тар-тай төрийн, намынхаа толгойд байгаа МАН-ынхан ойлгож сөхөөрч байгаа шинж огтхон ч алга. Намар Даваагийн Цогтбаатарын оронд УИХ-д нэг суудал онгойн гарна. Тэрээр Хангайн бүсээс сонгогдсон гишүүн. Улсын Дээд шүүхээс ял шийтгүүлсэн учраас намар чөлөөлөөд явуулах нь бараг тодорхой болчихсон. Тийм учраас Даваагийн Цогтбаатарын оронд гишүүн болох гэсэн хүсэлтэй МАН-ын нэг биш даргын нэр дуулдах болов. МАН-ын дарга болох нь нэгэнт тогтоогдсон, удахгүй тамгаа авах Г.Занданшатар Ерөнхий сайд мөртлөө гишүүн биш. Энүүгээрээ их баалуулж байна. Тэр хүнд гишүүн болох хэрэгцээ үүссэн гэсэн үг. Тамга атгасан Ерөнхий сайд хангайн бүсэд нэр дэвшихэд гарах нь бараг л илэрхий дээ. Гэхдээ: Та нэгэнт намын дарга, Ерөнхий сайд хүн. Заавал гишүүн байх албагүй. Танд бүх юм байна шүү дээ гэж байгаад тэр тойрогт нэр дэвших 2 ч хүний сураг байна. МАН- ын генсек Я.Содбаатар, нарийн бичгийн дарга Д.Сумьяабазар гэх Өвөрхангайн 2 Г.Занданшатарын өмнүүр о юроод нэр дэвших магадлалтай. Гэхдээ: Хэн нь вэ гэдэг дээр яриа их болох байх. Нутаг нэг мөртөл хоорондоо түр тар. Тэрүүгээр нь харахад өөрөө гишүүн болж, намдаа 1 суудал гэхээсээ нөгөөхдөө тээг болоод өмнүүр нь орж нэр дэвшихийг илүүд үзэж ч мэдэх 2 юм байна. Товчлоод хэлэх юм бол и р г э д МАН -д итгэхээ больсон ч МАН-ынхан нам дотроо зөрчилдөж, намрын сонгуульд бэлдээд завгүй&#8230;
&nbsp;
Ө.Билэг

Иргэд МАН-д итгэхээ больсон ч МАН-ынхан нам дотроо зөрчилтэй,  намрын сонгуульд бэлдээд завгүй…

УЛААНБААТАР ХОТ ОРЧМООР: Үүлшинэ. Шөнөдөө дуу цахилгаантай бага зэргийн аадар бороо, өдөртөө бороо орно. Салхи баруун өмнөөс секундэд 5-10 метр, борооны өмнө түр зуур ширүүснэ. Шөнөдөө +16…+18 градус, өдөртөө сэрүүсэж +22…+24 градус дулаан байна.
БАГАНУУР ОРЧМООР: Үүлшинэ. Шөнөдөө бороо орохгүй. Өдөртөө дуу цахилгаантай бага зэргийн аадар бороо орно. Салхи баруун өмнөөс секундэд 6-11 метр, борооны өмнө түр зуур ширүүснэ. Шөнөдөө +13…+15 градус, өдөртөө сэрүүсэж +24…+26 градус дулаан байна.
ТЭРЭЛЖ ОРЧМООР: Үүлшинэ. Шөнөдөө бороо орохгүй. Өдөртөө бороо орно. Салхи баруун өмнөөс секундэд 4-9 метр, борооны өмнө түр зуур ширүүснэ. Шөнөдөө +9…+11 градус, өдөртөө сэрүүсэж +20…+22 градус дулаан байна.
2025 оны 07-р сарын 23-наас 07-р сарын 27-ныг хүртэлх цаг агаарын урьдчилсан төлөв:
23-нд баруун аймгуудын нутгийн хойд хэсэг, төвийн аймгуудын ихэнх нутаг, зүүн аймгуудын нутгийн зарим газраар, 24-нд төв болон зүүн аймгуудын нутгийн хойд, говийн аймгуудын нутгийн зүүн хэсгээр, 25-нд зүүн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, борооны өмнө түр зуур ширүүснэ. Ихэнх хугацаанд нутгийн хойд хэсгээр сэрүүсэж Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр шөнөдөө +3&#8230;+8 градус, өдөртөө +16&#8230;+21 градус, говийн бүс нутгийн өмнөд хэсгээр шөнөдөө +19&#8230;+24 градус, өдөртөө +31&#8230;+36 градус, бусад нутгаар шөнөдөө +9…+14 градус, өдөртөө +21&#8230;+26 градус дулаан байна.

ЦАГ АГААР: Улаанбаатарт өдөртөө 24 градус, бороо орно

“Өдрийн сонин”-ы мягмар гаригийн дугаар хэвлэгдэж, та бүхний гарт хүрч байна.
<hr />
“Өдрийн сонин”-ы тэргүүн нүүрт Судлаач Г.Ариунболор &#8220;Нам, улс төрийн тогоондоо хэлэлцээ хийж байх зуурт удахгүй бидний тавагтай хоол, зүсэм талханд нөлөөлөх үйл явдал дэлхийд өрнөсөөр байна&#8221; гэснийг V нүүрээс үргэлжлүүлэн уншаарай.
“Улаанбаатар орон сууцжуулалт” ХХК-ийн Гүйцэтгэх захирал  З.Төмөртөмөө &#8220;Одоо хэрэгжиж байгаа төслүүд дээр алдаа гарвал надтай болон манай компанитай хариуцлага ярьж болно&#8221; гэв.
АЙЛЧЛАЛ: Ерөнхийлөгч У.Хүрэлсүхийн Киргиз улсад хийж буй төрийн айлчлал үргэлжилж байна
<ul>
<li>Нийслэлийн Онцгой байдлын газрын Гамшгаас урьдчилан сэргийлэх 
хэлтсийн дарга, дэд хурандаа Д.Хадбаатар &#8220;Хийлдэг гудастай усанд хөвж байгаа бол таны амь насанд эрсдэлтэй гэсэн үг&#8221; гэлээ.</li>
<li>Иргэд МАН-д итгэхээ больсон ч МАН-ынхан нам дотроо зөрчилтэй, намрын сонгуульд бэлдээд завгүй&#8230;</li>
</ul>
“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт &#8220;Бөхийн өлгий Архангайнхан төрийн наадмыг доромжилж байгаад хэн буруутай вэ?&#8221; гэв
<ul>
<li>Улаанбаатар хотын худалдааны танхимын 
гүйцэтгэх захирал, эдийн засагч Б.Хаш-Эрдэнэ &#8220;Гадаад худалдааны алдагдал энэ жил нэмэгдэх төлөвтэй байна&#8221; гэлээ</li>
</ul>
АЯН ЗАМЫН ТЭМДЭГЛЭЛ: Үүлсийн бэлбэрхий өндийхүйн гэгээнд
ГАДААД МЭДЭЭ:Японы эрх баригч эвсэл олонхын суудлаа алдав
АРЫН НҮҮР: Эрүүл мэнддээ анхаардаг, өөрсдийгөө хайрладаг үндэстэн болцгооё
<hr />
&nbsp;
Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы мягмар гаригийн дугаараас уншаарай.
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. <a href="https://tsahim.dnn.mn/login">https://tsahim.dnn.mn/login</a>
Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.
Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.
Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээлэл аваарай.
“Өдрийн сонин”-той холбоотой мэдээ мэдээллийг 1900-1987-гоос лавлана уу
&nbsp;
“ӨДРИЙН СОНИН” ӨГЛӨӨ БҮР ТАНТАЙ ХАМТ

Хайх