<div class="xdj266r x11i5rnm xat24cr x1mh8g0r x1vvkbs x126k92a">
Монгол Улсын Шадар сайдын ахлах зөвлөх бөгөөд Ажлын албаны дарга Б.Мөнх-Оргил УОК-ын Шуурхай штабт ажиллаж, авч хэрэгжүүлж байгаа арга хэмжээ болоод орон нутагт ажилласан ажлын хэсгүүдийн тайлантай танилцлаа.
Улсын хэмжээнд нийт 17.913 өрхийн 7.329.400 толгой мал отор, нүүдэл хийж байна.
</div>
<div dir="auto">Монгол Улсын Шадар сайд, УОК-ын дарга С.Амарсайханы тушаалын дагуу байгуулагдсан Шуурхай бүлгийн 7 ажлын хэсгийн 50 гаруй алба хаагч 21 аймгийн 103 сумын 282 малчин өрхийн өвөлжилтийн нөхцөл байдалтай газар дээр нь танилцаж, аймаг, орон нутгийн зүгээс авч хэрэгжүүлж байгаа арга хэмжээнд үнэлэлт дүгнэлт өгч, мэргэжил, аргазүйн зөвлөгөө өгч ажилласан гэдгийг танилцууллаа.</div>
<div class="x11i5rnm xat24cr x1mh8g0r x1vvkbs xtlvy1s x126k92a">
Энэ үеэр цаашид авч хэрэгжүүлэх арга хэмжээ болоод тулгамдаж байгаа асуудлуудыг хэлэлцэж, хариу арга хэмжээг хэрэгжүүлэхэд анхаарч ажиллахаар боллоо.
</div>

УОК-ын Шуурхай штабт ажиллаж, авч хэрэгжүүлж байгаа арга хэмжээтэй танилцлаа DNN.mn

Эх орноосоо урваж, гадаадын тагнуулын байгууллагатай хамтран ажилласан гэх хэрэгт яллагдагчаар татагдсан З.Санждорж, Д.Бямбажав нарын хэргийн урьдчилсан хэлэлцүүлэг өнөөдөр товлогдоод байсан юм. Гэвч прокурорын хүсэлтийн дагуу урьдчилсан хэлэлцүүлэг хойшлогджээ. Улмаар шүүх хурлыг ирэх оны нэгдүгээр сарын 16 хүртэл хугацаагаар хойшлуулжээ. 
Тагнуулын ерөнхий газраас өнгөрсөн гуравдугаар сард (2024.03.29) Монгол Улсад тагнуул хийж байсан гадаадын нэг иргэн болон эх орноосоо урвасан гэх иргэдийг баривчилж, саатуулсан талаар мэдээлж байсан юм. Тэднийг Эрүүгийн хэрэг хянан шийдвэрлэх тухай хуулийн 19.4.1 зүйл ангиар ялласан билээ.

З.Санждорж нарт холбогдох хэргийн урьдчилсан хэлэлцүүлэг дахин хойшиллоо DNN.mn

Социал демократ Монголын залуучуудын холбооноос зохион байгуулдаг “Алтан сарнай” наадмыг 21 дэх удаагаа болох гэж байна.
Тодруулбал, энэ сарын 31-нд цахимаар нийгмийн салбарын шилдгүүдийг таван номинациар шалгаруулах ажээ.
Нийгмийн эерэг нөлөөллийн шилдэг төслийг шалгаруулах тус ёслол нь боловсрол, эрүүл мэнд, хүртээмж, инновац, байгаль орчин гэсэн номинацийн эздийг тодруулах юм.
Хамгийн сүүлд 2021 онд зохион байгуулсан тус наадам гурван жилийн дараа эргэн ирж байгаа нь энэ. 21 дэх удаагийн “Алтан сарнай”-н логог шинэчилсэн бөгөөд дээрх таван номинацийг нэгтгэн илэрхийлсэн сарнайн дүрсээр сольсон байна. Энэхүү наадам нь монгол хүний үнэ цэнийг өргөж ажилласан, салбартаа тэргүүлэх гавьяа байгуулсан оны онцлох хүмүүсийг нээлттэй санал асуулгаар шалгаруулдаг уламжлалтай.
2001 оноос эхлэлтэй “Алтан сарнай” наадам 19 жилийн хугацаанд долоон номинациар шилгүүдийг тодруулж байсан түүхтэй. Хамгийн сүүлд болсон 20 дахь удаагийн “Алтан сарнай”-гаар “Мөнх тунх”, “Хүүхэд бүрд цэвэр ус”, “TomYo”, “Байгаль эн тэргүүнд”, “Зүрх мартахгүй” гэсэн таван төсөл шилдгээр шалгарч байсан юм.

“Алтан сарнай” наадам 21 дэх удаагаа болно DNN.mn

Монгол Улсын Их Хурлын 2024-2028 оны стратеги төлөвлөгөө батлагдсантай холбогдуулан өнөөдөр (2024.12.19) Парламентын судалгаа, хөгжлийн хүрээлэнгийн захирал Д.Бумдарь, Монголын өмгөөлөгчдийн холбооны ерөнхийлөгч Л.Данзанноров нар хамтран ажиллах санамж бичигт гарын үсэг зурлаа. Санамж бичигт гарын үсэг зурахад Монгол Улсын Их Хурлын дарга Д.Амарбаясгалан, Хууль зүйн байнгын хорооны дарга Д.Цогтбаатар, Хууль зүй, дотоод хэргийн сайд О.Алтангэрэл нар оролцов.
Тус стратеги төлөвлөгөөнд Монгол Улсын Их Хурал хүн төвт, хүний эрх, эрх чөлөөг дээдэлсэн үзэл санааг төгөлдөржүүлнэ хэмээн заасан. Уг стратеги зорилтын хүрээнд хууль тогтоомжид хүний эрх, эрх чөлөө баталгаатай хангагдана гэж үзэж буй. Тиймээс хуульд хүн төвт үзэл баримтлалыг бий болгоход Монголын өмгөөлөгчдийн холбоо зэрэг мэргэжлийн байгууллагуудтай нягт хамтран ажиллах нь чухал гэдгийг Улсын Их Хурлын дарга Д.Амарбаясгалан онцоллоо.
Ялангуяа нийгмийн өдөр тутмын харилцааны 30 хувийг хууль, 70 хувийг журмаар зохицуулж байгаа нь албан тушаалтан, байгууллагад давуу тал олгож, журмыг биелүүлэхгүй байх боломж бүрдүүлдэг нь авлига, хүнд суртал үүсгэж байна. Тиймээс журмуудыг цэгцлэх ажлын хэсэг Улсын Их Хурлын даргын захирамжаар байгуулагдан ажиллаж байна. Уг ажилд Монголын өмгөөлөгчдийн холбоо мэргэжил, арга зүйн туслалцаа үзүүлж ажиллахыг Улсын Их Хурлын дарга тодотголоо гэж Улсын Их Хурлын Хэвлэл мэдээллийн газраас мэдээлэв.

Парламентын судалгаа, хөгжлийн хүрээлэн, Монголын өмгөөлөгчдийн холбоо хамтран ажиллах санамж бичигт гарын үсэг зурлаа DNN.mn

Монгол Улсын Шадар сайдын ахлах зөвлөх бөгөөд Ажлын албаны дарга Б.Мөнх-Оргил УОК-ын Шуурхай штабт ажиллаж, авч хэрэгжүүлж байгаа арга хэмжээ болоод орон нутагт ажилласан ажлын хэсгүүдийн тайлантай танилцлаа. Улсын хэмжээнд нийт 17.913 өрхийн 7.329.400 толгой мал отор, нүүдэл хийж байна. Шуурхай бүлгийн долоон ажлын хэсгийн 50 гаруй алба хаагч 21 аймгийн 103 сумын 282 малчин өрхийн өвөлжилтийн нөхцөл байдалтай газар дээр нь танилцаж, аймаг, орон нутгийн зүгээс авч хэрэгжүүлж байгаа арга хэмжээнд үнэлэлт дүгнэлт өгч, мэргэжил, аргазүйн зөвлөгөө өгч ажилласан гэдгийг танилцууллаа. Энэ үеэр цаашид авч хэрэгжүүлэх арга хэмжээ болоод тулгамдаж байгаа асуудлуудыг хэлэлцэж, хариу арга хэмжээг хэрэгжүүлэхэд анхаарч ажиллахаар боллоо.

17.913 өрх отроор өвөлжиж байна DNN.mn

Тээврийн цагдаагийн албанаас автомашины торгуулийн хэмжээ 450.000 төгрөгөөс их байвал эзэмшигчийг нийтэд тустай ажил хийлгэнэ гэж мэдээлсэн. Харин торгуулийн хэмжээ 450.000 төгрөгөөс бага байвал тээврийн хэрэгслийг торгууль төлөх хүртэл журмын хашаанд байрлуулна гэсэн юм. Энэ талаар Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн, цагдаагийн ахмад Х.Мөнх-Эрдэнэтэй ярилцлаа.
<hr />
-Тээврийн цагдаагийн албанаас мэдээлсэн авт омашины торгуулийн хэмжээг зохицуулах шинэ журмын талаар мэдээлэл өгөхгүй юу?
-Монгол Улсын Зөрчлийн хууль, Зөрчил шалган шийдвэрлэх тухай хуулиудад нэмэлт өөрчлөлт оруулж 2024 оны нэгдүгээр сарын 1-ний өдрөөс эхлэн мөрдөгдөж эхэлсэн. Энгийнээр тайлбарлахад, торгууль 15 хоногийн хугацаанд 50 хувиар буураад байгаа гэдгийг иргэд мэдэж байгаа. Гэхдээ энэ хуульд торгууль 15 хоног дотроо 50 хувиар буурна, иргэд сайн дураараа төлөхгүй байгаа тохиолдолд 50 хүртэлх хувиар нэмэгдэнэ гэсэн өөрчлөлт орсон.
<img loading="lazy" decoding="async" class="alignnone size-medium wp-image-314829" src="https://admin.dnn.mn/wp/wp-content/uploads/2024/12/e1d362b72db86e1f8dd50e0cabdfed66_x3-420x317.jpg" alt="" width="420" height="317" srcset="https://admin.dnn.mn/wp/wp-content/uploads/2024/12/e1d362b72db86e1f8dd50e0cabdfed66_x3-420x317.jpg 420w, https://admin.dnn.mn/wp/wp-content/uploads/2024/12/e1d362b72db86e1f8dd50e0cabdfed66_x3-768x579.jpg 768w, https://admin.dnn.mn/wp/wp-content/uploads/2024/12/e1d362b72db86e1f8dd50e0cabdfed66_x3.jpg 800w" sizes="auto, (max-width: 420px) 100vw, 420px" />
Энэхүү хуульд орсон нэмэлт өөрчлөлттэй холбоотойгоор хуулийн хэрэгжилтийг хангуулах зорилгоор Улсын ерөнхий прокурор, Хууль зүй, дотоод хэргийн сайдын 2024 оны гуравдугаар сарын 13-ны өдрийн хамтарсан тушаалаар “Эрхийг хязгаарлах, эрх бүхий албан тушаалтан, шүүх болон эрх бүхий байгууллага, хоорондын үйл ажиллагааг зохицуулах мэдээлэл солилцох журам”, ”Эрх бүхий албан тушаалтнаас оногдуулсан торгох шийтгэлийг нэмэгдүүлж тооцох хугацаа, аргачлал”ыг тус тус баталсан. Үүнтэй холбогдуулаад бэлтгэл ажил болох нэгдсэн санд торгуулийн мэдээллүүдийг хянах, эрх бүхий албан тушаалтнууд зөрчилтэй байгаа жолоочийг зөрчлийн хэмжээг мэдэх зэрэг бэлтгэл ажил явагдаад ирэх оны нэгдүгээр сарын 1-ний өдрөөс бүх сангийн үйл ажиллагаа жигдрээд хяналт шалгалт тавигдаад эхэлсэн гэж ойлгож болно.
-Автомашины торгуулийн хэмжээ 450 мянган төгрөгөөс их болсон тохиолдолд нийтэд тустай ажил хийлгэнэ гэж мэдээлсэн. Үүнийг хэрхэн зохицуулж ажиллах вэ?
-Журамд заасны дагуу замын хөдөлгөөнд оролцож байгаа жолоочийг цагдаагийн алба хаагч зогсоож шалгаад тухайн жолооч хуульд заасан хугацаандаа буюу 15 хоногтоо багтаж торгуулиа төлөөгүй, торгуулийн хэмжээ нь 450 мянгаас бага байвал тухайн жолоочийн тээврийн хэрэгслийг журмын хашаанд хийгээд торгуулийг албадан төлүүлэх буюу эрх бүхий байгууллага болох шүүх рүү хүргүүлнэ. Шүүхээс тухайн жолоочийг албадаж торгуулиа төлж дуусгаад машинаа журмын хашаанаас авах нөхцөл байдалд шилжүүлнэ гэсэн үг. Харин цагдаагийн алба хаагч тухайн жолоочийг зогсооход олон торгуультай, цаг хугацаандаа төлөөгүй явж байгаад 450 мянган төгрөгөөс хэтэрсэн тохиолдолд цагдаагийн алба хаагч жолоочийн бичиг баримтыг хурааж аваад машиныг нь журмын хашаанд оруулж, шүүх рүү санал явуулна. Гэхдээ торгох шийтгэлийг нь нийтэд тустай ажил хийлгэх шийтгэлээр солиулах хүсэлт явуулна. Шүүх хүсэлтийн дагуу тухайн хүний торгуулийг 450 мянган төгрөгөөс давсан байвал хүсэлтийг зөвшөөрч, тухайн иргэнд мөнгийг нь төлүүлэхгүйгээр торгуулийн оронд нийтэд тустай ажил хийлгэнэ гэж хамгийн энгийнээр ойлгож болно. Нийтэд тустай ажил нь хөдөлмөрийн тухай хуулиараа өдөрт 8 цаг ажиллах ёстой. Тухайн хүний хийсэн хөдөлмөр нь өдөрт торгуулиас 15 мянган төгрөг хасагдана гэсэн үг. 450 мянган төгрөгөөс эхэлбэл хамгийн багадаа 30 хоног ажил хийж байж торгуулиа төлж барагдуулна. Иргэд замын хөдөлгөөнд оролцохдоо дүрмээ зөрчихгүй, нийтийн дагаж мөрдөж байгаа хууль эрх зүйг зөрчихгүйгээр цагдаад торгуулахгүй хөдөлгөөнд оролцох боломж байгаа. Иргэд маань журам хэрэгжиж эхлэхтэй холбоотой зарим талаар буруу ойлголттой байна.
-Өмнө нь замын хөдөлгөөний дүрэм зөрчсөн болон торгуультай автома шиныг ямар журмаар зохицуулалт хийдэг байсан бэ?
-Цагдаагийн алба хаагчид хяналт шалгалт хийгээд замын хөдөлгөөний дүрмийг зөрчсөн тохиолдолд “Монгол Улсын зөрчлийн тухай хууль”-иар арга хэмжээ тооцдог. Энэ оны гуравдугаар сараас өмнө торгуулийн хуудас гаргаж өгдөг байсан бол оны дунд хэсгээс эхлээд гар утсанд нь мессэжээр очдог болсон. “И-Монголиа” -аар мөн давхар мэдэгдэл очдог болсон. Жишээ нь, хурд хэтрүүлсэн зөрчил дээр хуульд заасны дагуу 50 мянган төгрөгөөр торгох ёстой. Эхний 15 хоногт торгууль нь мессэжээр ирэхдээ 25 мянган төгрөгний мэдэгдэл ирж байгаа. Түүнийг иргэд 50 хувь хөнгөлж байгаа гэдгийг ойлгохгүй, 25 мянгынхаа талыг тушаачихаад “миний торгууль арилахгүй байна” гэдэг буруу ойлголт байдаг. 16 дахь хоногоос эхлээд энэхүү журмаар торгууль нь 10 хувь өсч 50 мянган төгрөгний торгууль 55 мянган төгрөг болж нэмэгдэнэ гэсэн үг. Энэ үед “Зөрчлийн нэгдсэн сан”-аас таньд мессэжээр анхааруулга очно. Дахиад нэг сар болоход 10 хувь нэмэгдээд таны торгууль 60 мянган төгрөг болж харагдана. Ингээд нийт таван сар болоход таны торгууль 50 хувиар өсөөд таны 50 мянган төгрөгний торгууль 75 мянган төгрөг болж нэмэгдэнэ. Таван сарын хугацаанд торгуулиа сайн дураараа төлөхгүй явж байгаа тохиолдолд цагдаагийн алба хаагч таныг зогсоож шалгахад “торгуулиа төлөх үүргээсээ зайлсхийсэн” гэдэг үндэслэлээр албадан торгууль төлүүлэх, эсхүл торгуулийн хэмжээ өндөр байвал нийтэд тустай ажил хийлгэнэ гэж ойлгож болно.
-Шинэ журам хэзээнээс хэрэгжиж эхлэх вэ?
-Үйл ажиллагаа жигдрээд журам маань ирэх оны нэгдүгээр сарын 1-ний өдрөөс бүрэн хэрэгжээд эхэлчихнэ гэсэн үг. Одоо зохион байгуулалтын арга хэмжээ явагдаж байна, эрх бүхий албан тушаалтнуудад сургалт мэдээллийг прокурорын байгууллагуудтай хамтраад нэгдсэн чиглэл зөвлөмжүүдийг өгсөн.
-Энэхүү журмыг хэрэгжүүлж эхэлснээр замын хөдөлгөөний зөрчил буурна гэж үзэж болох уу?
-Аливаа нэг улс оронд хуульд чангараад эхлэхээр зөрчил гаргаж байгаа иргэдийн тоо буурдаг. Жишээ нь, манай улсад согтуугаар тээврийн хэрэгсэл жолоодох зөрчилд хүлээлгэх хариуцлага өндөр болж эхэлсэн. Үүнтэй холбоотойгоор согтуугаар тээврийн хэрэгсэл жолоодох зөрчил өмнөх жилийнхээс 40 хувиар буурсан. Үүнтэй адил торгуулиа төлөхгүй буй, замын хөдөлгөөний дүрмийг ноцтойгоор зөрчиж байгаа хүмүүст хүлээлгэх хариуцлага нэмэгдэхээр жолооч нар илүү сахилга баттай, дүрмээ баримтлаад замын хөдөлгөөнд оролцоно гэж найдаж байна.
-Сүүлийн хэдэн сарын доторх торгууль энэхүү журамд хамаарах вэ?
-Шинэ журам батлагдсан өдрөөс эхлэн 2024 оны гуравдугаар сарын 13наас хойших торгуулиуд хамаарна. Журам батлагдахаас өмнө байгаа торгуулиуд яах вэ гэвэл төрийн үйлчилгээ авахад тодорхой зүйлүүд дээр хязгаарласан байдаг. Жишээлбэл, жолооны үнэмлэхээ шинээр авах, ангилал өөрчлөх, тээврийн хэрэгслээ шилжүүлэх зэрэг тохиолдолд өмнөх торгуулиа төлж байж авна гэдэг журмаар зохицуулагдаад явна.
Г.Балгармаа

Х.Мөнх-Эрдэнэ: 450 мянгаас дээш торгуультай иргэдийг шинэ оны эхний өдрөөс албадан ажил хийлгэнэ DNN.mn

Бүгд Найрамдах Солонгос Улсын Донгкоо Био &amp; Фарма үйлдвэрлэгчийн таван нэр төрлийн эмийг эрүүл мэндийн даатгалын сангаас хөнгөлөлттэй олгох нөхцөлөөр 2024 оны арванхоёрдугаар сарын 13-ны өдрөөс эхлэн “Ази фарма” ХХК-иар дамжуулан Эрүүл мэндийн даатгалын ерөнхий газартай хөнгөлөлттэй эм олгох гэрээтэй эмийн сангуудаар худалдаалагдаж эхэлсэн. Энэ талаар эм эмнэлгийн хэрэгслийн хяналт зохицуулалтын газраас тодрууллаа.
<hr />
-Гадаад улсын үйлдвэрлэгчээс импортоор эм оруулж ирэх нь ямар ач холбогдолтой вэ? 
-Нэг эх үүсвэрээс эм худалдан авах нь эмийн үнийн хөөрөгдлийг багасгах, чанарын баталгаатай эмийг иргэд хямд үнээр худалдан авах боломжийг бүрдүүлж байгаа юм. Монгол Улсын Засгийн газраас эмийн чанар, аюулгүй байдлыг сайжруулах, иргэдийн эмэнд зарцуулах санхүүгийн дарамтыг бууруулах зорилгоор хувийн хэвшлийн байгууллагатай хамтран олон улсын чанарын шаардлага хангасан, зонхилон тохиолддог өвчний оношилгоо, эмчилгээнд хэрэглэгддэг зарим нэр төрлийн эмийг Эрүүл мэндийн яам гадаад улсын үйлдвэрлэгчтэй үнийн хэлцэл хийж, импортлох ажлыг эхлүүлээд байна.
-Хөнгөлөлттэй үнээр зарагдаж байгаа юу?
-Эхний ээлжинд Бүгд Найрамдах Солонгос Улсын Донгкоо Био &amp; Фарма үйлдвэрлэгчийн таван нэр төрлийн эмийг эрүүл мэндийн даатгалын сангаас хөнгөлөлттэй олгох нөхцөлөөр 2024 оны арванхоёрдугаар сарын 13-ны өдрөөс эхлэн “Ази фарма” ХХК-иар дамжуулан Эрүүл мэндийн даатгалын ерөнхий газартай хөнгөлөлттэй эм олгох гэрээтэй эмийн сангуудаар худалдаалагдаж эхэлсэн. Монголчуудын голдуу хэрэглэдэг эмнүүд орж ирсэн учраас хөнгөлөлттэй үнээр худалдан авах боломжтой.
Дараахь таван төрлийн эм нь зөвхөн эмчийн жороор олгогдож эхэлсэн. Ямар үйлчилгээтэйг нь хүргэж байна. 
Дапапрозин 10мг&#8211; Чихрийн шижингийн хоёрдугаар хэлбэрийн өвчтөнд цусан дахь сахарын хэмжээг хянах зорилгоор хэрэглэнэ.
Спонекс 100мг&#8211; Триазолын уламжлалд хамаарах мөөгөнцрийн эсрэг өргөн хүрээний үйлдэлтэй эм
Авалтан 160\5мг&#8211; Зүрх судас, даралт
Авалтан 160\10мг&#8211; Зүрх судас, даралт
Клопина 75мг&#8211; Титэм судасны цочмог хам шинжтэй насанд хүрсэн өвчтөнд атеросклерозын шинж тэмдэг бууруулах нэг буюу хэд хэдэн судасны цус харвалт үүсэх эрсдлийг бууруулахад хэрэглэнэ.
&nbsp;
Г.БАЛГАРМАА

Олон улсын шаардлага хангасан эмийг нэг эх үүсвэрээс худалдан авч, эрүүл мэндийн үйлчилгээнд нэвтрүүллээ DNN.mn

Сири, Украинд химийн зэвсэг хэрэглэж, барууныхан Зөвлөлтийн нөлөөнд байсан улсуудад биологийн нууц лабораториуд байгуулсан гэх худал мэдээлэл тарааж, 2022 оноос хойш дайсны зохион бүтээсэн “үндэстнийг таньж хөнөөдөг шумуул” гэх мэт биологийн зэвсгийн гайхалтай төрлүүдийн талаар байнгын товч танилцуулга хийж нэрд гарсан, ОХУ-ын Зэвсэгт хүчний цацраг, хими, биологийн зэвсгээс хамгаалах албаны дарга дэслэгч генерал, Оросын баатар Игорь Кириллов болон түүний туслах нар Москвад түүний орон сууцны үүдний дэргэд тавьсан скутерт суурилуулсан гар хийцийн тэсрэх бөмбөгөнд өртөн нас барав. Энэ генерал амьддаа “АНУ Монголд ч биологийн нууц лаборатори байгуулсан” хэмээн мэдэгдэж Оросын Думын зарим төлөөлөгч “Бидэнд ямар ч хамаагүй ялалт маш чухал байна. Иймээс Монголыг эзлэн авъя” гэж мэдэгдэж байв. Иймээс энэ генералыг нас барсны дараа ОХУ-ын ГХЯ-ны төлөөлөгч Мария Захарова “Кириллов нь олон жилийн турш англо-саксончуудын гэмт хэргийг системтэй, баримттайгаар илчилж байсан” гэж мэдэгдэв.
Энэхүү аллага нь мэдээж Путины дэглэмд өгсөн “хатуу сануулга” болж байгаа ч одоогоор Украины тал албан ёсоор Кирилловыг хөнөөсөн хэргийн хариуцлагыг хүлээгээгүй байна. Энэ оны арваннэгдүгээр сард ОХУ-ын өөртөө нэгтгэсэн Крымд Оросын Хар тэнгисийн флотын 41 дүгээр бригадын штабын дарга Валерий Транковскийн сууж явсан машиныг дэлбэлсэн. Хэвлэл мэдээллийн хэрэгслүүд энэ аллагыг Украины тусгай албаны ажиллагаа гэж мэдээлсэн. Удалгүй Украины тал “Транковский нь Хар тэнгисээс Украины энгийн иргэдийн эсрэг далавчит пуужин харвах тушаал өгсөн. Тэрээр 2022 оны долдугаар сард Винница хотыг буудах тушаал өгсний улмаас манай 29 энгийн иргэн амиа алдсан” гэж мэдээлсэн. Мөн өнгөрсөн намар ОХУ-ын эзэлсэн Запорожийн Бердянск хотод ОХУ-ын Холбооны аюулгүй байдлын албаны дөрвөн ажилтан машинтайгаа дэлбэрсэн. Украины Батлан хамгаалах яамны Тагнуулын ерөнхий газар “Энэхүү дэлбэрэлтийг “Украины хөдөлгөөн”-ий төлөөлөгчид зохион байгуулсан. Амиа алдагсдын дунд Украины орон нутгийн иргэдийг хэрцгийгээр тамладаг Оросын цэргийн гэмт хэрэгтэнүүд байсан” гэж мэдээлсэн. Украин Оросын цэргийн гэмт хэрэгтнүүдээс гадна өөрийн эх орноосоо урвасан, дайны гэмт хэрэгт сэжиглэгдсэн Украины иргэдийн эсрэг жинхэнэ “шувуу” ажиллагаа явуулсан. Тухайлбал, 2023 оны арванхоёрдугаар сард Украины дээд Радын депутат асан Илья Кива Москвагийн ойролцоо зуслангийн байшиндаа буудуулж амиа алдсан. Тэрбээр өмнө нь Дотоод хэргийн яамны тэргүүн асан Арсен Аваковын зөвлөхөөр ажиллаж байсан бөгөөд Украины Социалист намыг тэргүүлж байжээ. Оросын түрэмгийлэл эхлэхэд Кива Украиныг орхиж, Оросын Холбооны Улсыг дэмжиж байгаагаа илэрхийлдэг болсон юм. Украины шүүх энэ хэрэг гарахаас өмнө Киваг хэд хэдэн эрүүгийн гэмт хэрэг, ялангуяа эх орноосоо урвасан гэсэн хэрэгт буруутай гэж үзэн 14 жилийн эчнээ хорих ялаар шийтгэж, олон улсад эрэн сурвалжлуулж байжээ. Энэ оны аравдугаар сард Оросуудын эзэлсэн Энергодар хотод Украины өөр нэг иргэн, Запорожье АЦС-ын Аюулгүй байдлын албаны дарга Андрей Короткий автомашинд нь тавьсан бөмбөг дэлбэрсний улмаас амиа алдсан. Украины Тагнуулын ерөнхий газар “Короткий атомын цахилгаан станцын ажилтнуудыг хэлмэгдүүлэх, түр эзэлсэн Энергодар хотын энгийн иргэдийн эсрэг дайны гэмт хэрэг үйлдэхэд оролцсон” гэж мэдээлсэн. Мөн энэ оны арванхоёрдугаар сарын эхээр Орост эзлэгдсэн Донецк хотод Еленовсийн шоронгийн экс дарга Сергей Евсюковын эхнэртэйгээ хамт сууж явсан машин нь дэлбэрсэн. Евсюков нас барж, эхнэр нь хөлгүй болсон. Зун нь Украин “Евсюков болон түүний нэгдүгээр орлогч Дмитрий Неёлов нар манай цэргийн олзлогдогсдыг тамлаж байгаа нь батлагдсан, Еленовскийн шоронд болсон дэлбэрэлтийн улмаас Украины олон цэргийн олзлогдогсод амь хохирсон хэрэгт ч Сергей Евсюков холбоотой” гэж мэдэгдэж байв. Энэ бүхэн бол Украины “шувуу” ажиллагаа юм.

Хайх