Баяр, амралтын өдрүүдэд буюу энэ оны 07 дугаар сарын 11-14-ний өдрүүдэд гол, нуурын усанд нийт 14 хүн амь насаа алдсан ба үүнээс 3 нь хүүхэд эрсэдсэн харамсалтай тохиолдол бүртгэгдлээ. Иймд иргэд Та бүхэн гол, мөрний ойр орчим амарч зугаалах, зорчихдоо өөрсдийн болон үр хүүхдийнхээ аюулгүй байдлыг хангахад онцгойлон анхаарна уу.
<ul>
<li>Хүүхдийг харгалзах хүнгүйгээр гол мөрөн, тогтоол усны орчимд тоглуулахгүй, ганцаар орхихгүй, тэдэнд усанд осолдох эрсдэлийг энгийн, ойлгомжтой үгээр хэлж ойлгуулах,</li>
<li>Хийлдэг гудас, дугуйны хамер, хөвөгч зэргээр хүүхдийг тоглуулахгүй, хараа хяналтгүй орхихгүй байх,</li>
<li>Гол, усны эрэг дагуу газар амарч, зугаалахгүй байх,</li>
<li>Цаг агаарын мэдээтэй тогтмол танилцаж, аяллын цаг хугацааг зөв сонгон, салхи шуургатай үед болон түргэн урсгалт голын усанд сэлэхээс зайлсхийх</li>
<li>Малчид, тээврийн хэрэгслийн жолооч Та бүхэн гол мөрний усны түвшин нэмэгдсэн, бороотой үед баталгаат гүүр, тэмдэглэгээ бүхий гарц, гармаар зорчих</li>
<li class="selectionSharer">Мэргэжлийн байгууллагын заавар, зөвлөмжийг сайтар мөрдөхийг зөвлөж байна.</li>
</ul>

СЭРЭМЖЛҮҮЛЭГ: Гурван хүүхэд усанд эрсдэж, амь насаа алджээ

ОБЕГ-ын Ажиллагааны шуурхай штабаас аймаг, нийслэлийн Шуурхай штабыг мэргэжил, аргазүйгээр ханган ажиллаж байгаа бөгөөд улсын хэмжээнд 513 алба хаагч томилгоожин ажиллаж байна. Мөн 14 аймгийн 29 гол, мөрөн, нуурын эрэг дагуу төв, орон нутгийн Онцгой байдлын байгууллагын 400 орчим алба хаагч завьт эргүүл, морин эргүүл, явган эргүүлийн үүрэг гүйцэтгэж байгаа юм.
Алба хаагчид гол, усны ослоос урьдчилан сэргийлэх сэрэмжлүүлэг мэдээ, мэдээллийг өгч, хориглосон тэмдэглэгээ бүхий самбарыг байршуулан, аялагч, амрагчдад зориулсан зөвлөмжийг тухай бүрт хүргэж байна.

Улсын хэмжээнд 29 гол, мөрөн, нуурын эрэг дагуу завьт эргүүл ажиллаж байна

Олон улсын тусгай олимпын бүсийн хурал Монгол Улсад болж байна. Хуралд оролцохоор Олон улсын тусгай олимпын хорооны тэргүүн Мэри Дэвис болон бүсийн захирлууд манай улсад иржээ. Монгол Улсын Ерөнхий сайд Г.Занданшатар тус хорооны тэргүүн, бүсийн захирлуудыг өнөөдөр хүлээн авч уулзлаа.
Ерөнхий сайд Г.Занданшатар тусгай олимпыг бүх талаар дэмжихээ илэрхийлж, боловсрол, спорт, нийгмийн бүх түвшинд хүртээмжийг нэмэгдүүлэх бодлого хэрэгжүүлэхээ илэрхийллээ.
Тусгай олимп гэдэг нь оюуны өөрчлөлт, онцлогтой хүүхэд, залуусыг спортоор дамжуулан нийгэмшүүлэх хүмүүнлэгийн хөдөлгөөн юм. Энэ хөдөлгөөнд манай улс 2013 онд нэгдсэн. Өнөөдрийн байдлаар тусгай олимпын 1000 гаруй тамирчинтай болжээ. Тусгай олимпын тамирчдыг энгийн тамирчидтай хамт нэг баг болгон оролцуулдаг нь энэ олимпын онцлог. Ингэснээр нэг нэгнээ хүлээн зөвшөөрч, ойлголцож энэ хэрээр тамирчид илүү хөгжиж, нийгэмшдэг байна. Нийгмийн харилцаанд шууд оролцуулахаас илүүтэй спортоор дамжуулан хөгжүүлж, өөрчлөлт гаргах нь энэ олимпын гол зорилго ажээ.
Монголын тусгай олимпын хорооны тэргүүн С.Оюун тусгай сургуулийн хүүхдүүдийг бэлдэж, тэмцээн уралдаанд оруулах боломж хязгаарлагдмал байсан. Харин тусгай олимпын хүрээнд тэдэнд дэм болж, бие бялдрыг нь хөгжүүлж, бусдын адил эрх тэгш иргэн гэдгийг олон нийтэд таниулах болсноор маш олон ахиц гарсан. Засгийн газар бүх талаар дэмждэг нь түлхэц болдог гэв.
Тус хорооны тэргүүн Мэри Дэвис Монгол Улсын Ерөнхий сайдыг хүлээн авч уулзаж буй талархлаа илэрхийллээ. Олон улсын тусгай олимпын хороо 1968 байгуулагдсан, үйл ажиллагаа, хөтөлбөрүүд анх АНУ-д эхэлсэн. Харин одоо тус хорооны гишүүнээр 175 улс нэгдээд байна. Тамирчдыг бэлтгэж, дасгалжуулахаас гадна тамирчдын авьяас, ур чадварыг дэлхий нийтэд таниулах, ойлгуулахыг зорьж уралдаан тэмцээн зохион байгуулдаг талаар ярилаа.

Ерөнхий сайд Г.Занданшатар тусгай олимпийг бүх талаар дэмжихээ илэрхийллээ

Дорнод аймгийн Халх гол сумын Ташгай багийн нутагт энэ сарын 13-нд хээрийн түймэр гарсан тухай дуудлага Онцгой байдлын газарт иржээ. Тус аймгийн Онцгой байдлын газрын Халх гол сум дахь 62 дугаар ангийн алба хаагчид хээрийн гал түймрийг өчигдөр орой 19:30 цагт бүрэн унтраажээ.

Халх гол суманд гарсан түймэрийг бүрэн унтраажээ

Халдварт өвчин судлалын үндэсний төвөөс гаргасан мэдээллээр, 2025 оны долдугаар сарын 15-ны байдлаар улаанбурхан өвчний нийт батлагдсан тохиолдол 12400 хүрээд байна.
Эмнэлэгт хэвтэн эмчлүүлж буй – 328 хүн
<ul>
<li>Хөнгөн – 68</li>
<li>Дунд – 240</li>
<li>Хүнд – 19</li>
<li>Нэн хүнд-1 нөхцөл байдалтай байна.</li>
</ul>
Нийт нөхцөл байдлын хувьд эдгэрсэн  11753, гэрээр эмчлүүлж буй  328, нас барсан долоо, хавьтал болсон нийт 90824 хүн байна. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 4823-д хүрсэн байна. Мөн 0-4 насны 2653, 5-9 насны 1575 хүүхэд улаанбурханаар өвджээ.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриалж байна

ХӨСҮТ: Улаанбурхан өвчний батлагдсан тохиолдол 12400 болжээ

Баянзүрх 3, 15 дугаар хороо, Энхтайваны өргөн чөлөө дагуу авто замын засвар, шинэчлэлтийн ажилтай холбоотой авто зам түр хаах үеийн нийтийн тээврийн чиглэлийн зураглалыг танилцуулъя.
2025 оны долоодугаар сарын 18-ны өдрийн орой 23:30 цагт хааж, 2025 оны долоодугаар сарын 20-ны өдрийн өглөө 06:00 цагт нээнэ гэж Нийтийн тээврийн бодлогын газраас мэдээллээ. 
<img decoding="async" src="https://cdn-images-1.medium.com/max/1437/1*B1wZovMtal8ZekNNPc9jlA.jpeg" alt="" width="100%" />
<img decoding="async" src="https://cdn-images-1.medium.com/max/958/1*ongjPZatSIMv1vTlmQU57w.jpeg" alt="" width="100%" />

Зам хаах үеэр нийтийн тээврийн зарим чиглэлийг өөрчилнө

Нийслэлийн Засаг даргын 2025 оны “Гол, усны ослоос урьдчилан сэргийлэх талаар авах зарим арга хэмжээний тухай” захирамжийг хэрэгжүүлэх ажлын хүрээнд Туул, Тэрэлж, Хэрлэн гол дагуу хөдөлгөөнт болон завьт эргүүл өдөр бүр ажиллаж байна.
Тодруулбал, нийслэлийн Онцгой байдлын газар, нийслэлийн Цагдаагийн удирдах газар, дүүргүүдийн Хүүхэд, гэр бүлийн хөгжлийн хэлтсийн алба хаагчид Туул, Тэрэлж, Хэрлэн гол дагуу 9 чиглэлд ирэх есдүгээр сарын 21-ний өдрийг дуустал хөдөлгөөнт болон завьт эргүүл ажиллах юм. Энэ жилээс Сэлбэ гол дагуу хөдөлгөөнт эрүүл ажиллаж байна.

Хайх