Оросын арми өнгөрсөн баасан гаригт Их Британи, Францын Жанжин штабын дарга нар Киевт хүрэлцэн ирсэнтэй хоблогдуулан Украины ерөнхийлөгчийн төрсөн Кривой Рог хотод цохилт өгсөн билээ. Энэ үеэр нэг ресторан Оросын пуужингийн цохилтод өртөж 20 хүн, түүний дотор есөн хүүхэд амь үрэгдэж, 70 гаруй иргэн шархаджээ. Харин Оросын Батлан хамгаалах яам “Энэ ресторанд Украин болон тэдний холбоотон цэргийн дээд албан тушаалтнууд хооллож байсан” гэж мэдэгдсэн бол Мөн Кремлийн хэвлэлийн төлөөлөгч Дмитрий Песков “Манай арми зөвхөн цэргийн объектуудад цохилт өгч байгаа. Энгийн байгууламж, нийгмийн дэд бүтцэд цохилт өгөөгүй” гэсэн тайлбар хийсэн. Тэгвэл Европын телевизийн сувгууд Оросын мэдэгдэл худал болохыг нотолж, Оросын пуужингийн цохилт болох үеийн уг рестораны камерын бичлэгийг үзүүлж, халдлага болох үед өртөж эмнэлэгт хэвтсэн эмэгтэйчүүдээс авсан ярилцлагыг олон нийтэд харуулав.
Ийнхүү уг ресторанд Украин болон тэдний холбоотон цэргийн дээд албан тушаалтнууд бус “гоо сайхны форум”-ын арга хэмжээ болж байсан нь тодорхой болов. Уг ресторанд ямар арга хэмжээ болох гэж байгааг өмнө нь хэвлэлүүд мэдээлж байсан юм байна. Иймээс Оросын арми Кривой Рог руу пуужингаар цохилт өгсөнтэй холбогдуулан энэ сарын 7, 8, 9-ний даваа, мягмар, лхагва гаригуудыг Украин даяар амиа алдагсдын төлөө гашуудах өдрүүд болгон зарлав.
Францын ерөнхийлөгч Эммануэль Макрон Каирт айлчлах үеэрээ “Орос улс гал зогсоох саналыг эсэргүүцээд зогсохгүй энгийн номхон иргэдийг буудан хороож байна. Иймээс Орос улс яриа хэлэлцээнд шалтаг тоочиж, хойшлуулах тактикаа зогсоох хэрэгтэй” гээд ОХУ-ын эрх баригчдад хандан “Украинд гал зогсоох тухай АНУ-ын ерөнхийлөгч Дональд Трампын саналыг ямар нэгэн урьдчилсан нөхцөлгүйгээр хүлээж авах хэрэгтэй” гэж уриалжээ. Мөн НҮБ-ын Хүний эрхийн дээд комиссар Фолькер Турк “Манай албаны комисс халдлага болсон газар очиж, хохирлыг баримтжуулж, амь үрэгдсэн есөн хүүхдийн нэрийг тогтоосон. Оросын пуужингийн олон зуун хэлтэрхийнүүд байшин барилга, хүүхдийн савлуур, гулсуур, мод, зүлэгт ямар хохирол учруулсныг баримтжуулсан” гэж мэдэгдэв. Энэ явдалтай холбогдуулан АНУ-ын ерөнхийлөгч Дональд Трамп Цагаан ордны Зууван танхимд болсон хэвлэлийн бага хурал дээр “Вашингтон Украины дайныг энхийн замаар зохицуулахыг хичээж байхад Оросын цэргүүд Украиныг бөмбөгдөж байгаад би сэтгэл дундуур байна. Тэсрэх бөмбөгтэй холбоотой энэ асуудалд би сэтгэл хангалуун бус байна. Учир нь Оросууд яг одоо галзуурсан юм шиг бөмбөгдөж байна. Тэнд юу болж байгааг би мэдэхгүй. Энэ бол гал зогсоох хэлэлцээнд тийм ч сайн нөхцөл биш” гэж хэлжээ.
&nbsp;
Г.АМАРСАНАА

Дэлхий нийт Оросын цохилтыг эрс шүүмжлэв

<div class="xdj266r x11i5rnm xat24cr x1mh8g0r x1vvkbs x126k92a">
2024-2025 оны хичээлийн жилд нийслэлийн хэмжээнд нэгдүгээр ангид элсэн суралцаж буй 33901 хүүхдийг зүрхний эмгэг илрүүлэх үзлэгт хамруулаад байна.
</div>
<div dir="auto">Эхний шатны илрүүлэг буюу зүрхний цахилгаан бичлэг хийж, хүүхдийн зүрхний нарийн мэргэжлийн эмч нар дүгнэхэд 7241 хүүхдэд өөрчлөлт илэрчээ. Өөрчлөлт илэрсэн хүүхдүүдийг хоёрдугаар шатны илрүүлэг буюу зүрхний хэт авиан оношилгоонд хамруулахад 448 хүүхдэд зүрхний эмгэгийн онош батлагдаж, үүнээс 140 орчим хүүхдэд мэс засал эмчилгээ шаардлагатай болсон.</div>
<div dir="auto">Яаралтай мэс заслын тусламж шаардлагатай хүүхдүүдэд УГТЭ, ЭХЭМҮТ тусламж үйлчилгээг үзүүлж, эрүүлжүүлж эхлээд байна.</div>
<div class="x11i5rnm xat24cr x1mh8g0r x1vvkbs xtlvy1s x126k92a">
21 аймгийн нэгдүгээр ангийн сурагчдын үзлэг оношилгоо дээрх зарчмаар хийгдэнэ.
</div>

Нийслэлийн ЕБС-ийн нэгдүгээр ангийн сурагчдаас зүрхний эмгэгийн оноштой 448 хүүхэд байна

Засгийн газрын ээлжит хуралдаан эхэлж, дараах асуудлуудыг хэлэлцэж байна.
<ul>
<li>Уул уурхайн бүтээгдэхүүний экспорт, гадаад валютын улсын нөөцийн нөхцөл байдлын талаар</li>
<li>Тавантолгойн дулааны цахилгаан станцын төслийн талаар</li>
<li>“Стратегийн ач холбогдол бүхий ашигт малтмалын зарим ордын талбайн хил заагийг тогтоох тухай” Засгийн газрын тогтоолын төсөл (Асгатын мөнгөний орд, Төмөртэйн-овоогийн цайрын орд, Дорнодын ураны орд, Мардайн ураны орд, Гурванбулгийн ураны орд, Оюутолгойн бүлэг орд, Бороогийн алтны орд, Төмөртэйн төмрийн орд</li>
<li>&#8220;Эгийн голын усан цахилгаан станц” төслийн хэрэгжилтийг эрчимжүүлэх тухай” Засгийн газрын тогтоолын төсөл</li>
<li>“Авто замын эхлэл, төгсгөлийн цэг болон эргэлтийн цэгийн солбицол батлах тухай” Засгийн газрын тогтоолын төсөл</li>
<li>“Дарханы төмөрлөгийн үйлдвэр” ТӨХК-ийн шүүхийн маргаантай асуудлын талаар</li>
<li>“Орхон-Онги” төслийг эрчимжүүлэх, “Онги-Цагаан бургастай усан цогцолбор” байгуулах ажлын явцын талаар гэх зэрэг 32 асуудал хэлэлцэж байна.</li>
</ul>

Засгийн газар “Эгийн голын усан цахилгаан станц”-ын талаар хэлэлцэж байна

Их хурлын дарга, дэд дарга, гишүүн, ЗГХЭГ-ын дарга, Хууль зүйн сайд зэрэг төрийн өндөр дээд албанд 30-аад жил ажилласан Ц.Нямдорж 2022 онд улс төрөөс зодог тайлсан. Хамгийн сүүлд ЗГХЭГ-ын дарга байгаад нь Ардын намын генсек Д.Амарбаясгаланд мөргүүлээд явсан. Ажлаа өгснийх нь дараа Цэцийн дарга, энд тэнд Элчин, Консул болох нь гээд л байсан. Тэгсэн ч Ц.Нямдорж ямар нэг ажил албан тушаалд очоогүй. Харин сүүлд Ардын нам дээрээ нэг өрөө тохижуулан сууж намын даргадаа зөвлөгөө өгдөг болжээ. Ингэж ажин түжин байсан тэрээр өнгөрсөн долоо хоногт гарч ирэв. Гарч ирээд:
-Улстөрч хүн байгаа цагтаа дүрэлзээд, явсныхаа дараа чимээгүй байсан нь дээр. Би тийм хатуу байр суурьтай. Улс төрд байна гэдэг бол төрд тангараг өргөөд цэргийн хүн шиг зүтгэнэ гэсэн үг. Төрийн эрх ашгийн үүднээс яавал зөв байх вэ гэдэг дээр дарга нар дуудаад санал сонсвол хэлнэ ш дээ. Улс төрийн хүнд явах хугацаа бий. Түүнийгээ мэдрэх хэрэгтэй. Би явах цагаа мэдэрдэг хүн гэж ярив.
Ц.Нямдоржийн энэ үгнээс өнөөгийн улстөрчид нэгийг бодож, хоёрыг тунгаах хэрэгтэй. Юм болгонд өөрийн цаг хугацаа гэж байдаг. Ялангуяа улс төрд байгаа хүмүүст энэ их чухал нь анзаарагдаад эхэлсэн.
Саяхан Ерөнхий сайд асан С.Баяр ярилцлагадаа:
-Монгол Улсын анхны Ерөнхийлөгч П.Очирбат гуай шогч наргианч хүн байсан. Нэг удаа бидэнд “Том дарга байсан хүн ямар байх ёстой” талаар ярьж билээ. “Том дарга байснаа санагалзан ажиллаж байсан орчноороо бүү хий эргэлд, одооны хэдээ бүү зовоо. Харин дуудвал оч, асуувал хариул, таваглавал хус, хундгалавал тат” гээд маг маг инээж байж билээ. Шог байдлаар бидэнд сануулсан зөв л зөвлөгөө санагдсан гэдэг дурсамжийг хуваалцсан байна лээ.
С.Баяр гэснээс тэр:
-Улс төрд орох амар, гарах хэцүү. Оросуудын ярьдгаар ороход нэг рубль, гарахад арав. Санасны зоргоор улс төрөөс тийм амар гарчихгүй юм шиг байна. Сайн, муу аль ч утгаар нь улс төртэй намайг уясаар л байна гэж ярьжээ.
Үнэн ч биз, шалтаг ч биз.
Үнэн нь гэвэл улс төрийг нэг амталсан буцаж гарахад, орхиод одоход хэцүү байдаг шиг…
Шалтаг нь гэвэл XIX зууны сүүлчээр Германы канцлер байсан Отто фон Бисмарк:
-Улс төр бол хиам шиг. Хиамыг ямар махаар хэрхэн хийж байгааг хараад хэрэггүй гэж хэлсэнтэй ойролцоо ойлгоход болно.
Ард түмэн мэдэж болохооргүй бохир, гэхдээ амттай гэж ойлгогдоно. Амттай учраас салахгүй байгаа хэрэг юм. Монголын хоёр том нам Ардын нам, Ардчилсан намын 30 гаруй жилийн тэртээх улстөрчид өнөөдөр бараг 100 нам, төр хавиар эргэлдээстэй, нөлөөтэй тусхалтай хэвээр л байна.
Харин 1990-ээд онд нийгэм солигдоход эрх мэдэлд байсан хэд л цагийн эрхээр суужээ. Бусад нь байсаар л байгаа гэсэн үг. Албан тушаалыг нь авсан ч нам, засгийнхаа өрөө саваар эрх ашиг ярьж эргэлддэг нь үнэн.
Дээрээс нь төрийн өндөр дээд албан тушаалд суучихаад цаг нь ирж буусан ч тэр хавиасаа холдохыг хүсдэггүй. Бүгд биш ч зарим ийм Ерөнхийлөгч, Ерөнхий сайд нар байна.
Энэ нь нөгөө талаасаа монголчуудын бие даасан мэт чанартай, шинэ цагийн улс төрийн туршлага юм нь залуухан, ердөө 30 гаруйхан жилийн түүхтэй гэдэгтэй холбоотой байж болно. Тийм учраас улстөрчид нь тэтгэвэртээ гардаггүй байж болох юм.
Уул нь улс төрд байж, эрх мэдэлтэй байх үедээ:
-Би хадаас болж төрийг бэхлэн сахиж, аргамжаа болж улсыг барин хатуужсу гэж Тэмүүжин хаан суухдаа тангарагласан шиг ажиллавал зохисыг олох юм.
Чингис хааны үг өнөөгийн энэ хэдэд томдох л биз. Гэвч сонсоход илүүдэх юун.
Товчилбол, улс төрд энэ л хамгийн зөв ухамсар юм. Харамсалтай нь үүнийг ойлголгүй эрхэлж цэнгээд, эдэлж тараагаад улсаа самарч улс төр хийдэг намууд, улстөрчид зонхилсон. Тэр хамаг муу нь даравч далдайж, булавч бултайгаад бүгдээрээ мэддэг. Мэдсэн ард түмэн тийм улстөрчдөд дургүй. Хөөнө. Тууна. Амь аргацааж улс төрдөө үлдсээр байгаад үзэн ядуулна.
Гадныхан бол өөр. Хамтарсан Засгийн газар засгийнх нь загварыг аваад байгаа Германд энэ оны 2 дугаар сард үлгэр болмоор явдал болжээ.
Германы Бундестагийн ээлжит бус сонгуулиар нам нь 5 хувийн босгыг давж, парламентад суудал авч чадаагүй учир Либерал чөлөөт ардчилсан намын дарга Кристиан Линднер улс төрөөс явж байгаагаа мэдэгдэв.
Кристиан Линднер:
-Либерал чөлөөт ардчилсан нам сонгуульд ялагдал хүлээлээ. Гэхдээ шинэ Германы эхлэлийг тавьсан гэж найдаж байна. Энэ бол миний тэмцэж ирсэн зүйл юм. Харин одоо би улс төрийг орхиж байна гэж олон нийтийн Х сүлжээнд бичжээ.
Сонгуулийн урьдчилсан мэдээллээр, тус нам Бундестагийн ээлжит бус сонгуульд 4.4 хувийн санал авч, долдугаарт орсон юм байна.
Ерөнхийдөө Монголын улс төрд дутаад онгойгоод байсан хамгийн том хар нүхийг таглах том сэдэл, санаа энэ.
Юу гэх гээд байна вэ гэхээр жинхэнэ улстөрч л зогсох цэг, явах цагаа мэдэрдэг юм байна.
Ингэхэд Монголд ийм зарчмыг мөр замаа болгосон ингэж мэдэгдэл хийгээд явж байсан улстөрч ер нь байгаа юу. Санаанд буух хүн алга байгаа биз. Тийм учраас л Ц.Нямдоржийн үг янзын сонсогдож байх шиг байна. Тэр ингэсэн нь үнэн үү, худал уу гэдэг нь хамаагүй. Тэгж ярьсан нь л өнөөдөрт хангалттай…
Ажиглагч А.Батболд

Зогсох цэг, явах цагаа мэдэрдэг жинхэнэ улстөрч Монголд байгаа юу?

УИХ-ын гишүүн Ч.Лодойсамбуу, Б.Түвшин нар Нийгмийн даатгалын ерөнхий хуульд нэмэлт өөрчлөлт оруулах хуулийн төслийг УИХ-д өргөн бариад байна. Тэдний өргөн барьсан хуулиар аж ахуйн нэгж, компаниуд ажилтныхаа өмнөөс нийгмийн даатгалын шимтгэл (НДШ) төлдөг байдлыг болиулах, мөн хөдөлмөрийн гэрээнээс бусад гэрээнүүд дээр НДШ төлдөг, нэмэлт урамшуулал, хоол, унааны мөнгөнөөс НДШ тооцдогийг болиулахаар болсон. Уг хуулийн хамгийн гол амин чухал хоёр заалт нь энэ.
Энэхүү хуулийн төсөл яригдах үед сэтгэл гогдсон, бодоод бүр нэг гомдол хорсол төрөхөөр муухай мэдээлэл сонсогдсон юм. Тэр нь юу вэ гэвэл ажил олгогч нарын төлдөг 12.5-14.5 хувийн НДШ тухайн ажилтны тэтгэвэрт бодогддоггүй юм байна. Энэ тухай хууль санаачлагчид “Ажилтан НДШ төлдөг, ажил олгогч нь бас ажилтныхаа өмнөөс төлдөг. Гэтэл ажил олгогчийн төлж байгаа НДШ ажилтны тэтгэвэрт ямар ч нөлөө үзүүлдэггүй. Зүгээр л төрийн хураамж болоод яваад байдаг. Татвар гэж нэрлэгдээгүй боловч татвар болж яваад байдаг” гэдгийг маш тодорхой хэлсэн.
Энэ чинь юу гэсэн үг вэ. Энэ олон жил Монголын аж ахуйн нэгж, компаниудын ажилчдынхаа өмнөөс төлсөн тэр их мөнгө юунд зарцуулагдсан болж таарч байна вэ? “Тэтгэвэрт нь нэмэртэй юм даа. Ажилчдын маань тэтгэвэр тасрах аюултай, амьдралд нь нэмэр болъё” гэж ариун үнэнч сэтгэлээр төлж ирсэн тэр их мөнгө тухайн ажилчны тэтгэвэрт бодогддоггүй юм бол компани өөрөө ямар тэтгэвэрт гарна гэх биш, тэр мөнгийг энэ олон жил ямар хэрэгтэй төлж байсан юм бэ. Хууль санаачлагч төрийн түшээдийн хэлж байгаачлан энэ мөнгө зүгээр л Монгол Улсын иргэнийг ажиллуулж байгаагийнхаа төлөө аж ахуйн нэгжүүдийн Монголын төрд төлж байсан татвар байсан юм байна.
Гадаадын иргэнийг Монголд ажиллуулахад тухайн аж ахуйн нэгж компаниуд татвар төлдөг, тусгай квот авдаг. Яг үүн шиг Монголынхоо аж ахуйн нэгж компаниудаас шулсаар ирсэн татвар төлөөс байсан байна. Үндсэндээ ард түмнээ, ажилтан албан хаагчдаа хоолтой байлгасныхаа төлөө төрд төлж байгаа татвар байсан аж. Ямар увайгүй улс орон, иргэд олноо шулж ханадаггүй төр засаг гэхээрээ ийм байдаг юм бэ?
Энэ мөнгө бол дарга нарын мөнгө. Төрийн мөнгө гэдэг үнэн чанартаа төрийн эрх барьж байгаа эрх баригч, дарга нарын мөнгө байдаг. Тийм учраас иргэд аж ахуйн нэгжээсээ шулж авсан энэ мөнгөө “Капитал” банкинд, “Чингис хаан” банкинд 50, 100 тэрбумаар нь хийчихээд хүүг нь хулгайгаар цуслаад хэвтэж байдаг юм биш үү. “Капитал” банкны 60 гаруй тэрбум, “Чингис хаан” банкны 100 шахам тэрбумын Нийгмийн даатгалын сангийн авлага барагдуулна гэж олон жил яриад бүтээгүйг бид мэднэ. Ийм баларсан, завхарсан юмыг болиулахын төлөө Лодой нарын санаачилж буй уг хууль нийгмийн даатгалын салбарт оруулж буй шинэчлэл, цаг үеэ олсон амин чухал асуудал болжээ.
Үүнийг Монголын аж ахуй эрхлэгч нар хүч гарган дэмжих ёстой. Манай аж ахуй эрхлэгчид ерөөсөө нэгнээ дэмждэггүй.Өнгөрсөн жил “Монполимет”-ын Ц.Гарамжавыг шоронд хийсэн. Бүгд дуугуй байсан. Дараа нь баян Базараа гэгчийг бас аваачаад хийсэн. Хэн ч юу ч гээгүй. Одоо “М-Си-Эс”, “МАК” гээд үндэсний том компаниудын амийг нь чангааж байна. Гэвч аж ахуйн нэгжүүд “тэнгэрийн дуу холуур өнгөрөөсэй” гэсэн бодолтой хар амиа бодоод чимээгүй байцгааж байна. Аж ахуй эрхлэгч нар, цалин олгогч, баялаг бүтээгч нар нэгнээ дэмждэг, нэгнийхээ жаргал зовлонг адилхан хуваалцдаг байх ёстой. Та бүхэн энэ улс орны хөгжил дэвшил, сайн сайхны төлөө зүтгэж буй хүмүүс. Улс орны эдийн засгийн цусны эргэлтийг бий болгож, ард түмнийг хоногийн хоолтой нь залгуулж яваа хүмүүс.
Тиймээс Ч.Лодойсамбуу, Б.Түвшин нарын санаачлан зүтгэж байгаа хуулийг дахин хэлэхэд аж ахуй эрхлэгч та бүхэн дуу хоолойгоо нэгтгэн нийтээрээ уриалан дэмжих хэрэгтэй байна.
Хөдөлмөрийн гэрээнээс бусад иргэний хуулиар зохицуулагддаг ажил гүйцэтгэл гэрээнүүд дээр хөлс авахаар түүн дээр НДШ төлөгддөг байдлыг болиулах ёстой гэж хууль санаачлагчид хэлээд байгаа. Энэ нь эргээд хувь хүн хуулийн этгээдүүдийг бизнесээ төрөлжүүлэх, ажил хийх нөхцөлд саад учруулж байна гэж үзэж буй нь туйлын зөв. Тухайлбал, аль нэг аж ахуйн нэгж хувь хүнээр 1 сая төгрөгийн ажил хийлгэлээ гэхэд тухайн хүндээ 1 сая төгрөг төлөхийн тулд 115 мянган төгрөг нэмж төлдөг ийм шимэгч байдлыг таслан зогсооё гэж тэд үзэж байна. Нэг хүнд нэг сая төгрөг өгөхийн төлөө нэмээд 115 мянган төгрөг хэн нэгэн эрхтэн дархтанд төлдөг ийм байдал байж болохгүй.
“Компани дээр ялангуяа жижиг дунд бизнесийнхэнд НДШ маш хүнд дарамт болдог. Ажилтнаа урт хугацаанд тогтоон барих, мөн цалин цавгаа нэмэх боломжийг үргэлж хааж боодог. Дөнгөж бизнесийн санаа олоод банкнаас зээл аваад, байдгаа барьцаалаад төсөл хөтөлбөр хэрэгжүүлэн орлого ч ололгүй хүмүүс аваад ажиллуулж байтал дараа сараас нь НДШ төлж байгаа юм. Төр жижиг дунд бизнесүүдээ дэмжинэ гэж байгаа ч татвар, НДШ-ээр дарамталдаг. 50 саяас дээш орлого олбол автоматаар НӨАТ гээд 10 хувийг авна. Гаалиар бараа оруулж ирэхэд дахиад НӨАТ, гааль гээд бараг 15 хувийг суутгачихна. Дээрээс нь ажилтнуудынх нь НДШ. Ингэхээр Монголд аж ахуйн нэгж томрох, хүрээгээ тэлэх ямар ч боломжгүй” гэж эдийн засагч Г.Батжаргал ярьсан.
Монголд бизнес хийх ямар ч боломжгүй гэж хүмүүсийн цөхрөнгөө бардаг гол шалтгаан ерөөсөө энэ. Үүнээс болж л аж ахуйн нэгжүүд хаалгаа барьж дампуурлаа зарладаг. Энэ бүхнийг таслан зогсоох, үндсэндээ ажил олгогч та бүхний төрд төлж байгаа 15 хувийн шимтгэл чинь ажилтан албан хаагчдад цалин дээр нь шууд орлого болж, аяган дахь боорцогных нь тоог нэмж очих ийм л бодит амьдралд тулгамдсан хуулийг Лодой нар санаачлаад байна.
Уг хууль батлагдаж хэрэгжсэнээр аж ахуй эрхлэгчид та бүхэн өөдөө нар харна. Улс орны хөгжилд маш том өөрчлөлт гарна. Эдийн засаг бизнесийн эрүүл орчин бий болно. Зөвхөн эрх баригч дарга нарын халаас руу урсдаг мөнгөний урсгал зогсож нийгмийн даатгалын тогтолцоо өөрчлөгдөнө. Аж ахуйн нэгж, хүн бүрийн хувь заяатай холбоотой учир нийтээрээ дэмжих хэрэгтэй байна. Үүнд Монголын худалдаа аж үйлдвэрийн танхим оройлон оролцож бүх аж ахуйн нэгжүүд, бизнес эрхлэгчдээ уриалмаар байна. Энэ хууль бол алдаж болохгүй алтан боломж гэдгийг ойлгох хэрэгтэй.
Д.Батболд
&nbsp;

Аж ахуй эрхлэгчид Лодой нарын НДШ-ийн хуулийг дэмжих ёстой

Хур тунадас: 07-нд баруун аймгуудын нутгийн өмнөд, говийн аймгуудын нутгийн баруун хэсгээр, 08-нд говийн аймгуудын нутгийн өмнөд хэсгээр бороо, 09-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр, 10-нд баруун аймгуудын нутгийн зүүн хойд хэсэг, төвийн аймгуудын ихэнх нутаг, говь болон зүүн аймгуудын нутгийн хойд хэсгээр, 11-нд нутгийн зүүн хагаст, 12-нд нутгийн зүүн хэсгээр нойтон цас, цас орж цасан шуурга шуурна.
Салхи: Ихэнх хугацаанд говь, тал, хээрийн нутгаар секундэд 6-11 метр, 10-нд ихэнх нутгаар, 11, 12-нд нутгийн зүүн хагаст секундэд 18-20 метр, зарим үед секундэд 24 метр хүрч хүрч, шороон шуурга шуурна.
Агаарын температур: Увс нуурын хотгор, Завхан голын эх, Тэс голын хөндийгөөр шөнөдөө -10&#8230;-15 градус хүйтэн, өдөртөө 0&#8230;+5 градус дулаан, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -5&#8230;-10 градус хүйтэн, өдөртөө +4&#8230;+9 градус дулаан, Орхон Сэлэнгийн сав газар, говийн бүс нутгийн өмнөд хэсгээр шөнөдөө -3&#8230;+2 градус, өдөртөө +16&#8230;+21 градус дулаан, бусад нутгаар шөнөдөө -2&#8230;-7 градус хүйтэн, өдөртөө +10&#8230;+15 градус дулаан байна. 10-нд нутгийн хойд хэсгээр, 11-нд нутгийн зүүн хасагт сэрүүснэ.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 10-нд хур тунадас орно. Бусад хугацаанд хур тунадас орохгүй.
Салхи: Ихэнх хугацаанд секундэд 5-10 метр, 10-нд баруун өмнөөс хойш эргэж секундэд 12-14 метр хүрч, шороон шуурга шуурна.
Агаарын температур: Шөнөдөө Буянт-Ухаа орчмоор шөнөдөө -4&#8230;-9 градус, бусад хэсгээр 0&#8230;-5 градус хүйтэн, өдөртөө бүх хэсгээр +10&#8230;+15 градус дулаан байна. 10, 11-нд сэрүүснэ.

ЦАГ АГААР: Улаанбаатарт өдөртөө 17 хэм дулаан байна

“Өдрийн сонин”-ы лхагва гаригийн дугаар хэвлэгдэж, та бүхний гарт хүрч байна.
<hr />
“Өдрийн сонин”-ы  тэргүүн нүүрт УИХ-ын гишүүн О.Батнайрамдал &#8220;БЗС-гийн зарцуулалт зөв хүмүүстээ очиж байсан бол өнөөдөр Монголын дүр төрх ийм байхгүй л болов уу&#8221; хэмээн ярилаа.
<blockquote>Ноолуурын үнэ энэ хавар 130 мянгаас илүү өсөхгүй гэв</blockquote>
“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэл Баабарын &#8220;Гагцхүү цаг хугацаа л бүхнийг засна&#8221; нийтлэл хэвлэгдлээ.
<blockquote>Доктор Д.Гантулга &#8220;Биологийн шинжлэх ухааныг хиймэл оюун ухаан орлож чадахгүй&#8221; гэв.</blockquote>
Зогсох цэг, явах цагаа мэдэрдэг жинхэнэ улстөрч Монголд байгаа юу?
АРЫН НҮҮР: Бөх шүтэх балайрал чинь хэрээс 
хэтэрлээ 

<hr />
Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы мягмар гаригийн дугаараас уншаарай.
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. <a href="https://tsahim.dnn.mn/login">https://tsahim.dnn.mn/login</a>
Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.
Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.
Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээлэл аваарай.
“Өдрийн сонин”-той холбоотой мэдээ мэдээллийг 1900-1987-гоос лавлана уу
&nbsp;
“ӨДРИЙН СОНИН” ӨГЛӨӨ БҮР ТАНТАЙ ХАМТ

Тойм: Нэрт нийтлэлч Баабарын “Гагцхүү цаг хугацаа л бүхнийг засна ” хэмээн өгүүллээ

Улаанбаатар хотыг хөгжүүлэх 24 мега төслийн хүрээнд Багахангай-Хүннү хот чиглэлийн салбар төмөр зам барина.
Уг төмөр зам нийт 102 км үргэлжилнэ. Төмөр замын голын даац 25 тонн, гүүрэн байгууламж 2.5 км, ус зайлуулах хоолой 115 ширхэг барина.
Галт тэрэгний хурдыг 90 км/цаг байхаар тооцоолжээ.
Ташрамд, Шинэ Зуунмод хотын эрх зүйн байдлын тухай хуульд өөрчлөлт оруулах тухай хуулийн төсөл болон дагалдах хууль тогтоомжийн төслөөр нийслэлийн тусгай чиг үүргийг хэрэгжүүлэх “Шинэ Зуунмод” хотын нэрийг “Хүннү хот” болгон өөрчилсөн билээ.
<img decoding="async" src="https://ulaanbaatar.mn/files/mn/coverImg/nm4ky6zjjm/67f4bc4f870dd507f473bdbc.jpg" alt="" width="100%" />

Хайх