<p>Үндэсний их баяр наадмын үеэр иргэдийн аюулгүй байдлыг хангах, хэв журмыг сахиулах, хэрэг зөрчлөөс урьдчилан сэргийлэхээр Төв цэнгэлдэх орчимд 800 гаруй, Хүй 7 худаг орчимд 900 гаруй, замын хөдөлгөөний зохион байгуулалтын чиглэлээр 2000 гаруй цагдаагийн алба хаагч ажиллаж байна.</p>
<p>Түүнчлэн төөрсөн хүүхдийг хүүхэд хамгаалах түр байранд байршуулан эцэг эх, асран хамгаалагчид нь хүлээлгэн өгч байгааг ЦЕГ-ын Хүүхдийн эсрэг гэмт хэрэг, зөрчлөөс урьдчилан сэргийлэх хэлтсийн мэргэжилтэн М.Оюундарь хэллээ.</p>
<p>Хүүхэд төөрөхөөс сэргийлэх зорилгоор эцэг эх, асран хамгаалагчийнх нь холбогдох мэдээллийг бичсэн хэвлэмэл бугуйвчийг 3300 гаруй хүүхдэд тараажээ.</p>


Баяр наадмын үеэр 3700 цагдаагийн алба хаагч ажиллаж байна

<div class="html-div xexx8yu xyri2b x18d9i69 x1c1uobl x1gslohp x14z9mp x12nagc x1lziwak x1yc453h x126k92a x18lvrbx" dir="auto">Улаанбаатарын үдэш-2025” Үндэсний их баяр наадмын шоу тоглолт өнөөдөр /2025.07.11/ оройн 21.00-00.00 цагт Д.Сүхбаатарын талбайд уламжлалт ёсоор зохион байгуулна. Тоглолтын хөтөлбөр, найруулгын агуулга нь үндсэн хоёр хэсгээс бүрдэх бөгөөд нэгдүгээр хэсэгт монгол үндэсний хөгжмийн өнгө аяс, хэв маягийг орчин цагийн хөгжмийн урсгалтай хослуулсан этник хэв шинжийг агуулсан уран бүтээлийн чуулбарууд багтжээ.</div>
<blockquote>
<div class="html-div xexx8yu xyri2b x18d9i69 x1c1uobl x1gslohp x14z9mp x12nagc x1lziwak x1yc453h x126k92a x18lvrbx" dir="auto">Харин хоёрдугаар хэсэгт Монголын рок попын үе, үеийн уран бүтээлчдийн шилдэг, хит дуунуудаас хүргэнэ.</div>
</blockquote>
<div class="html-div xexx8yu xyri2b x18d9i69 x1c1uobl x1gslohp x14z9mp x12nagc x1lziwak x1yc453h x126k92a x18lvrbx" dir="auto">Тоглолтод нийт 70 гаруй уран бүтээлч оролцох юм. Тоглолтыг хотын Төв талбайд зассан, нийслэлийн өмчийн тайзнаа тайз дэлгэцийн дүрс видео, гэрэлтүүлэг чимэглэлийн шинэлэг хийц хөгжмийн дуугаралт, мэргэжлийн түвшний найруулгатайгаар нийслэлийн иргэд, залуучууд, гадаад, дотоодын жуулчдад хүргэхээр бэлтгэж байгаа аж.</div>


“Улаанбаатарын үдэш 2025” шоу тоглолт болно

<div dir="auto">Монгол Улсын Ерөнхий сайд Гомбожавын Занданшатар Үндэсний их баяр наадмын сур, шагайн асарт зочиллоо.</div>
<div dir="auto"></div>
<div dir="auto">Энэ жил шагайн асарт “Шагайн алтан зурхай”-г залсан байна.</div>
<div dir="auto"></div>
<div dir="auto">Харваачдын бэлгэ тэмдэг болсон алтан зурхайн анхны сумыг Ерөнхий сайд тавилаа.</div>
<div dir="auto"></div>
<div dir="auto">Алтан зурхайг харваачид өөрсдөө бүтээжээ. Алтан зурхайд төрийн долоон эрдэнэ, Отгонтэнгэр хайрхан, олноо “Марзан” Шарав хэмээн алдаршсан зураач Балдуугийн Шаравын “Монголын нэг өдөр” зураг, дөрвөн хүчтэн, оюу номин чулуугаар чандмань дүрсэлж, мөнгөн тохой зэргийг шигтгэн урлажээ.</div>
<div dir="auto"></div>
<div dir="auto">Алтан зурхайг цаашид жил бүр шагайн асрын хойморт залах болно гэж ерөнхий шүүгч, Монгол Улсын гарамгай мэргэн Б.Нармандах ярилаа.</div>
<div dir="auto"></div>
<div dir="auto">Ерөнхий сайд Г.Занданшатар Үндэсний их баяр наадмын сур, шагайн асраар зочлохдоо наадамчин олонтой мэндчилж, сайхан наадахыг ерөөлөө.</div>


Ерөнхий сайд Г.Занданшатар шагайн алтан зурхайн анхны сумыг тавилаа

<p>Халдварт өвчин судлалын үндэсний төвөөс гаргасан мэдээллээр, 2025 оны долдугаар сарын 10-ны байдлаар улаанбурхан өвчний нийт батлагдсан тохиолдол 12064 хүрээд байна.</p>
<p><strong>Эмчлэгдэж буй хүмүүс</strong></p>
<ul>
<li>Эмнэлэгт хэвтэн эмчлүүлж буй – 334 хүн</li>
<li>Хөнгөн – 45</li>
<li>Дунд – 270</li>
<li>Хүнд – 19 нөхцөл байдалтай байна.</li>
</ul>
<p>Нийт нөхцөл байдлын хувьд эдгэрсэн  11346, гэрээр эмчлүүлж буй  334, нас барсан долоо, хавьтал болсон нийт 90824 хүн байна. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 4720-д хүрсэн байна. Мөн 0-4 насны 2511, 5-9 насны 1523 хүүхэд улаанбурханаар өвджээ.</p>
<p>Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриалж байна.</p>


ХӨСҮТ: Улаанбурхан өвчний батлагдсан тохиолдол 12064 болжээ

<div>
<p class="">Үндэсний их баяр наадмын бөхийн барилдааны нэгийн даваа өндөрлөлөө. Улсын баяр наадамд сумын заан цолтой 102 бөх барилдсанаас тав нэг даваад байна. Гурванх нь учраа бөх барилдаагүй бол хоёр нь аймгийн арслан цолтой бөхчүүдээр нэг давлаа.</p>
</div>
<div>
<p class="">Нэг давсан сумын заан цолтой таван бөх нь хоёрын даваанд дархан аварга Н.Батсуурь, улсын аварга П.Бүрэнтөгс, Г.Эрхэмбаяр, О.Хангай, С.Мөнхбат нартай барилдах юм. Хоёрын даваа 17.30 цагаас эхэлнэ.</p>
</div>


Сумын заан цолтой таван ба нэг давлаа

<div class="x14z9mp xat24cr x1lziwak x1vvkbs xtlvy1s x126k92a">
<div dir="auto">Үндэсний их баяр наадмын Үндэсний сурын харваа Төв цэнгэлдэх хүрээлэнд сүр жавхаа, ёслол хүндэтгэлээр дүүрэн эхэллээ.</div>
<div dir="auto"></div>
</div>
<div class="x14z9mp xat24cr x1lziwak x1vvkbs xtlvy1s x126k92a">
<div dir="auto">Үндэсний сурын харвааны зурхайд Монгол Улсын Ерөнхийлөгч У.Хүрэлсүх, Япон Улсын Цог Жавхлант Эзэн Хаан Нарүхито нарын хамт зочилж, Монгол Улсын төрийн тэргүүн дуут сум тавилаа.</div>
<div dir="auto"></div>
</div>
<div class="x14z9mp xat24cr x1lziwak x1vvkbs xtlvy1s x126k92a">
<div dir="auto">Монгол түмний бахархалт өв, уламжлалт спортын нэгэн чухал хэсэг болсон Үндэсний сурын харваанд энэ жил 1200 шилдэг харваач хурд хүч, тэвчээр, цэц мэргэнээ сорьж байна.</div>
<div dir="auto"></div>
</div>
<div class="x14z9mp xat24cr x1lziwak x1vvkbs xtlvy1s x126k92a">
<div dir="auto">Энэхүү уламжлалт спорт бол зөвхөн биеийн хүч, гарын ур, нүдний гярхай бус, оюун ухаан, тэсвэр хатуужлын шалгуур байдаг билээ <em><strong>гэж Шадар сайдын Хэвлэлийн албанаас мэдээллээ. </strong></em></div>
<div dir="auto"></div>
</div>


Монгол Улсын төрийн тэргүүн дуут сум тавилаа

<div class="html-div xexx8yu xyri2b x18d9i69 x1c1uobl x1gslohp x14z9mp x12nagc x1lziwak x1yc453h x126k92a x18lvrbx" dir="auto">Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Ардчилсан хувьсгалын 35 жилийн тохиож байна. Үндэсний их баяр наадмын нээлтийн тоглолтыг оройн 21.00 цагт давтан тоглоно. Оройн тоглолтын тасалбар 80 мянган төгрөгийн үнэтэй бөгөөд <span role="gridcell"><a class="x1i10hfl xjbqb8w x1ejq31n x18oe1m7 x1sy0etr xstzfhl x972fbf x10w94by x1qhh985 x14e42zd x9f619 x1ypdohk xt0psk2 xe8uvvx xdj266r x14z9mp xat24cr x1lziwak xexx8yu xyri2b x18d9i69 x1c1uobl x16tdsg8 xggy1nq x1a2a7pz x1s688f x1heor9g x1bvjpef xujl8zx" tabindex="-1" role="link" href="http://www.enaadam.mn/" target="_blank" rel="noreferrer noopener nofollow">www.enaadam.mn</a></span>, <span role="gridcell"><a class="x1i10hfl xjbqb8w x1ejq31n x18oe1m7 x1sy0etr xstzfhl x972fbf x10w94by x1qhh985 x14e42zd x9f619 x1ypdohk xt0psk2 xe8uvvx xdj266r x14z9mp xat24cr x1lziwak xexx8yu xyri2b x18d9i69 x1c1uobl x16tdsg8 xggy1nq x1a2a7pz x1s688f x1heor9g x1bvjpef xujl8zx" tabindex="-1" role="link" href="http://www.ticket.mn/" target="_blank" rel="noreferrer noopener nofollow">www.ticket.mn</a></span> сайтаас худалдан авах боломжтой.</div>
<blockquote>
<div class="html-div xexx8yu xyri2b x18d9i69 x1c1uobl x1gslohp x14z9mp x12nagc x1lziwak x1yc453h x126k92a x18lvrbx" dir="auto">Наадмын ерөнхий найруулагчаар Монгол Улсын Төрийн соёрхолт, Урлагийн гавьяат зүтгэлтэн, найруулагч Н.Наранбаатар ажилласан ба баяр наадмыг “Мөнхөд гэрэлтэх Монгол” агуулгын дор зохион байгуулан өв соёл, үнэт зүйлс, бахархал, нандин эрхэмлэлийг цогц урлагийн үзүүлбэрээр үзэгчдэд нээлтийн арга хэмжээг хүргэлээ.</div>
</blockquote>
<div class="html-div xexx8yu xyri2b x18d9i69 x1c1uobl x1gslohp x14z9mp x12nagc x1lziwak x1yc453h x126k92a x18lvrbx" dir="auto">Энэ жилийн наадмын нээлт, хаалтын арга хэмжээнд нийт 2500 гаруй уран бүтээлч оролцож байгаа билээ. “Баясал цэнгэл нь ард түмний баяр хөөр боловч үүний ард ухаарал мөнхөд дагах ёстой” гэдгийг наадмын зохион байгуулагч онцолж байна.</div>


Баяр наадмын нээлтийг 21.00 цагт дахин тоглоно

<div>
<p class="">Тулгар төр байгуулагдсаны 2234 жил, Их Монгол улс байгуулагдсаны 819 жил, Үндэсний эрх чөлөө, тусгаар тогтнолоо сэргээн мандуулсны 114 жил, Ардын хувьсгалын 104 жилийн ой, Ардчилсан хувьсгалын 35 жилийн ойн Үндэсний их баяр наадмын нээлтийн үйл ажиллагаанд УИХ-ын дарга Д.Амарбаясгалан оролцлоо.</p>
</div>
<div>
<p class="">Энэ үеэр УИХ-ын дарга Д.Амарбаясгалан Төв цэнгэлдэх хүрээлэнд байрлах Монголын Үндэсний олон нийтийн телевизийн асарт зочилж, наадамчин зон олонд мэндчилгээ дэвшүүлэв.</p>
</div>
<div>
<p class="">Тэрээр, хүн төрөлхтөний соёлын биет бус өв болсон Үндэсний их баяр наадам бол Монгол түмний бахархал төдийгүй төрт ёсны дархлаа, тусгаар тогтнолын илэрхийлэл юм. Энэхүү баярын өдрүүдэд төр ард олонтойгоо ойр байж, итгэлцэл, ойлголцлыг улам бэхжүүлж, эх оронч үзлийг түгээн дэлгэрүүлдэг онцгой уламжлалтай хэмээн онцоллоо.</p>
</div>
<div>
<p class="">Түүнчлэн УИХ хууль тогтоох, төрийн бодлогыг тодорхойлох, ард иргэдийнхээ хүсэл зоригийг илэрхийлж, нэг жилийг ардаа үдэж буй бөгөөд цаашид ард иргэдийнхээ хүсэл, зорилгод нийцсэн шийдвэрийг гаргаж ажиллана гэлээ хэмээн УИХ-ын Хэвлэл мэдээллийн газраас мэдээллээ.</p>
</div>


Хайх