Улсын хэмжээнд 2024 оны эхний есдүгээр сард 43 116 эх амаржиж, 43 428 хүүхэд төрүүлсэн нь 2023 оны мөн үеийнхээс амаржсан эхийн тоо 5 616  буюу 11.5 хувь, төрсөн хүүхдийн тоо 5 605-аар цөөрсөн байна.  Мянган хүнд ногдох төрөлт 2023 оны мөн үетэй харьцуулахад 1.5-аар буурчээ. Улаанбаатар хот болон Баян-Өлгий, Увс, Орхон, Говьсүмбэр, Ховд, Дархан-Уул аймагт 1000 хүнд ногдох төрөлт улсын дунджаас 0.2-3.8-аар илүү бусад аймагт 0.3-6.6-аар доогуур гарчээ.
Энэ оны эхний есдүгээр сарын байдлаар нас баралт 13 219 болж 2023 оны мөн үеийнхээс 298-аар нэмэгджээ. Мянган хүнд ногдох төрөлт 12.5 хувь, нас баралт 3.8 хувь, ердийн цэвэр өсөлт 8.7 хувь байна.

Төрөлт 2023 онооc хойш 1.5-аар буурчээ DNN.mn

Нийслэлийн хэмжээнд хугацаат цэргийн албаны 2024 оны II ээлжийн цэрэг татлагыг аравдугаар сарын 18-20-ны өдрүүдэд зохион байгуулахаар болсон. Үүнтэй холбогдуулан Нийслэлийн цэрэг татлагын товчоо өнөөдөр хуралдлаа. Хуралдаанаар цэрэг татлагыг зохион байгуулах байранд ариутгал, халдваргүйжүүлэлтийг хийх, иргэдээс ирсэн өргөдөл, гомдлыг цаг тухай бүр хурдан хугацаанд шийдвэрлэх асуудлаар хэлэлцлээ. Мөн хуралдааны үеэр төрийн тусгай албан хаагчдын нэгдсэн эмнэлгээс цэрэг татлагад хамрагдах эрчүүдийн эрүүл мэндийн асуудал болоод цаашид анхаарах шаардлагатай зарим зүйлсийн талаар мэдээлэл хүргэлээ. Нийслэлийн хэмжээнд зарлан дуудах мэдэгдлийн тараалт 72.2 хувьтай үргэлжилж байна.
Энэ үеэр НЗДТГ-ын Цэргийн штабын дарга Г.Ялалт “Өмнө нь бид цэргийн төв дамжин дээр давтан үзэж дахин онош тавьдаг байсан. Энэ удаагийн цэрэг татлагаар дүүргүүдийн эрүүл мэндийн нэгдсэн үзлэгийн дараагаар шууд цэргийн ангид хүргэгдэхээр зохион байгуулж байна. Мөн хугацаат цэргийн албан хаагчдыг алба хаах хугацаанд нь боловсролтой болгох гэсэн томоохон зорилт тавьж англи хэл, компьютерын мэдлэгийг дээшлүүлэх зарим хичээлийг хөтөлбөртөө тусгаад буй” гэлээ.
Нийслэлийн есөн дүүрэг дэх цэрэг татлагын байрууд:
<ul>
<li>Баянгол дүүрэгт 96 дугаар сургууль</li>
<li>Баянзүрх дүүрэгт 14 дүгээр сургууль</li>
<li>Сонгинохайрхан дүүрэгт 83 дугаар сургууль</li>
<li>Хан-Уул дүүрэгт 34 дүгээр сургууль</li>
<li>Чингэлтэй дүүрэгт 5 дугаар сургууль</li>
<li>Сүхбаатар дүүрэгт 3 дугаар сургууль</li>
<li>Багануур дүүрэг Гүн галуутай цогцолбор сургууль</li>
<li>Налайх дүүрэг Политехник коллеж</li>
<li>Багахангай дүүрэг Хангай цогцолбор сургууль дээр тус тус цэрэг татлагыг зохион байгуулна.</li>
</ul>

Нийслэлийн хэмжээнд зарлан дуудах мэдэгдлийн тараалт 72.2 хувьтай үргэлжилж байна DNN.mn

<div class="x11i5rnm xat24cr x1mh8g0r x1vvkbs xtlvy1s x126k92a">
Энэтхэг улсын Шинэ Дели хотод буудлага спортын Дэлхийн цомын финалын тэмцээн аравдугаар сарын 13-18-нд болж байна. Тэмцээнд манай улсаас урилгаар Үндэсний шигшээ багийн тамирчин О.Есүгэн 50 метрийн гурван байрлалаас буудах дасгалд өрсөлдөхөд финалын шатанд 418.1 оноогоор зургаадугаар байрт орлоо.
</div>
Энэ дасгалд Дани улсын тамирчин түрүүлж, Норвеги, БНХАУ-ын тамирчид удаалав. Дэлхийн цомын финалын тэмцээнд тухайн оны чансаа өндөр 10 тамирчин өрсөлддөг юм.
<div class="x11i5rnm xat24cr x1mh8g0r x1vvkbs xtlvy1s x126k92a">
Дэлхийн цомын финалын тэмцээнд монголоос өмнө нь Хөдөлмөрийн баатар, гавьяат тамирчин О.Гүндэгмаа, гавьяат тамирчин Ц.Мөнхзул, ОУХМ З.Батхуяг, О.Янжинлхам нар өрсөлдөж байсан бөгөөд О.Гүндэгмаа нэг алт, гурван хүрэл медаль хүртэж байв.
</div>

О.Есүгэн Дэлхийн цомын финалын тэмцээнд зургадугаар байрт орлоо DNN.mn

Монгол Улсын засгийн газраас 2024 оныг Нийгмийн эрүүл мэндийг дэмжих жил болгон зарласан.  “Нийгмийн эрүүл мэндийн хуулыг дэмжих үйл ажиллагааны хүрээнд, Нийгмийн эрүүл мэндийн Үндэсний төвөөс &#8220;Эрүүл хоололт Эрүүл амьдрал&#8221; сэдэвт аяныг эхлүүллээ.
Уг аяны хүрээнд Нийслэлийн болон Орон нутгийн Эрүүл Мэндийн төвүүд, ЕБС-ын сургуулиудад сургалт зөвлөгөө өгч эхлээд байгаа юм.
НЭМҮТ-ийн Хүнсний аюулгүйн албаны ахлах ажилтан Ж.Баясгалан &#8220;Эрүүл зөв хооллолт нь хүний биед хэрэгтэй нүүрс, өөх тос, уураг, ус, эрдэс бодис гэх зүйлсийг зөв зохистой  хэмжээнд авах ёстой ойлголт. Иймээс идэж буй хоол хүнснийхээ орц найрлагыг мэдэж байх нь зүйн хэрэг юм. Тиймээс бид энэхүү аяныг хэрэгжүүлж байгаа&#8221; гэлээ.
Энэхүү аянд хамрагдсанаар бараа бүтээгдэхүүний шошго уншиж таних, зөв  зохистой хооллолтын тухай ойлголтыг авах юм. Аяны хүрээнд 600 орчим албан байгууллага хамрагдаад буй бөгөөд сургалт зөвлөгөө авахыг хүссэн байгууллагуудад нээлттэй сургалт явуулахад бэлэн хэмээн мэдэгдлээ.
&nbsp;
А.Мөнхбаатар
Ц.Норовжамбал

“Эрүүл хооллолт Эрүүл амьдрал” аян эхэллээ DNN.mn

Дэлхийн хошой аварга make up артист Ц. Ариунзаяа Францын Парис хотноо зохион байгуулагдсан гоо сайхны олимп болох Дэлхийн аваргын тэмцээнээс Ази, Америк, Европ тивүүдийг дахин тэргүүлэн Алтан цом болон хоёр хүрэл медаль хүртжээ.
Тэрбээр ийнхүү Монгол Уулсынхаа далбааг дэлхийн гоо сайхны тавцанд дөрөв дэх удаагаа мандууллаа.
<img decoding="async" src="https://scontent.fuln2-2.fna.fbcdn.net/v/t39.30808-6/463304455_852209073755033_8923505872283913330_n.jpg?_nc_cat=111&amp;ccb=1-7&amp;_nc_sid=127cfc&amp;_nc_ohc=Rv0vu0Nh7gEQ7kNvgExjEUu&amp;_nc_zt=23&amp;_nc_ht=scontent.fuln2-2.fna&amp;_nc_gid=AseL8f5zauI0cic8DfmO3-Q&amp;oh=00_AYDoMIJyLlf30Tnb686fs1YPk5J146O6EGcXPof1CyWnbA&amp;oe=67154233" alt="May be an image of 1 person and text" />
MakeUp artist Ц.Ариунзаяа нь:
<ul>
<li>Continental Cup Аваргын АЛТАН ЦОМ</li>
<li>Сontinental Cup Хүрэл медаль</li>
<li>2021 оны ДЭЛХИЙН АВАРГА Неон Креатив нүүр будалтын Алтан медаль</li>
<li>2022 оны ДЭЛХИЙН АВАРГА Хуримын нүүр будалтын Алтан медальтай билээ.</li>
</ul>

Make up артист Ц.Ариунзаяа Дэлхийн гоо сайхны тэмцээнээс алтан цом хүртлээ DNN.mn

Монгол Улсын Их Хурлын дарга Д.Амарбаясгалан өнөөдөр (2024.10.16) Монгол Улсад албан ёсны айлчлал хийж буй Австралийн Холбооны Улсын Парламентын Сенатын танхимын Ерөнхийлөгч хатагтай Сюзан Лаянсыг Жанжин Д.Сүхбаатарын талбайд угтан мэндчиллээ.
Улсын Их Хурлын дарга Д.Амарбаясгалан эрхэм зочны хамт Их Эзэн Чингис хааны хөшөөнд хүндэтгэл үзүүлсний дараа Төрийн ордны Ёслол, хүндэтгэлийн өргөөний Баганат танхимд саатан, эрхэмсэг хатагтай Сюзан Лаянс хүндэт зочны дэвтэрт сэтгэгдлээ үлдээн гарын үсэг зурав.
Дараа нь Улсын Их Хурлын дарга Д.Амарбаясгалан, Австрали Улсын Парламентын Сенатын танхимын Ерөнхийлөгч хатагтай Сюзан Лаянсын хамт дурсгалын зураг татуулав.
Ёслол, хүндэтгэлийн арга хэмжээний дараа Улсын Их Хурлын дарга Д.Амарбаясгалан, Австралийн Холбооны Улсын Парламентын Сенатын танхимын Ерөнхийлөгч Сюзан Лаянс нарын өргөтгөсөн уулзалт Төрийн ордонд эхэлснээр айлчлал үргэлжилж байна хэмээн Улсын Их Хурлын Хэвлэл мэдээллийн газраас мэдээллээ.

Австралийн Холбооны Улсын Парламентын Сенатын танхимын Ерөнхийлөгч Сюзан Лаянсыг хүндэтгэн угтан авлаа DNN.mn

Өнөөдөр орой дараах 2 байршилд авто зам хааж, шинэчилнэ.
<ul>
<li>Кино үйлдвэрийн баруун талаас Доржийн гудамж хүртэлх авто замыг аравдугаар сарын 16-ны өдрийн 22:00 цагаас 19-ний өдрийн 06:00 цагийн хооронд хааж, шинэчилнэ.</li>
<li>Баянгол дүүрэг, Дилав хутагт Жамсранжавын гудамжны уулзвараас 25 дугаар эмийн сангийн уулзвар хүртэлх авто замыг аравдугаар сарын 16-ны өдрийн 23:00 цагаас 18-ны өдрийн 06:00 цагийн хооронд хааж, шинэчилнэ.</li>
</ul>
Иймд иргэд, жолооч та бүхэн бусад замыг сонгон хөдөлгөөнд оролцоно уу.
<img decoding="async" src="https://ulaanbaatar.mn/files/mn/images/tm51pbcrh2/670f533b04a7f15ad621b7af.jpg" />

Өнөөдөр орой 2 байршилд авто зам хааж, шинэчилнэ DNN.mn

Прокурорын байгууллага энэ оны III улиралд авлига, албан тушаалын 1543 хэрэг бүртгэлт, мөрдөн байцаалтын хэрэгт хяналт тавьсан бөгөөд өмнөх оны мөн үетэй харьцуулбал 5.3 хувиар өсчээ.
Үүнээс 206 хэрэгт яллах дүгнэлт үйлдэн шүүхэд шилжүүлж шийдвэрлэсэн байна. Тодруулбал, 
&#8211; Эрх мэдэл, албан тушаалын байдлаа урвуулан ашиглах 142, 
&#8211; Хахууль авах, өгөх 134, 
&#8211; Үндэслэлгүйгээр хөрөнгөжих 2, 
&#8211; Төсвийн хөрөнгийг зориулалтын бусаад зарцуулах 2 хэргийг шүүхэд шилжүүлжээ.
Хууль бусаар олсон хөрөнгө орлогыг хураах зорилгоор гэмт хэрэгт холбогдсон хүн, хуулийн этгээдийн 43 тэрбум төгрөгийн эд хөрөнгийг мөрдөн шалгах ажиллагааны явцад битүүмжилж, 1.8 тэрбум төгрөгийн эд хөрөнгө хураан авчээ.
Авлига, албан тушаалын гэмт хэргийн 66.7 хувь нь нийслэлд, 33.3 хувь нь орон нутагт бүртгэгдсэн байна.
Улс төрд нөлөө бүхий болон нийтийн албан тушаалтан эрх мэдэл, албан тушаалын байдлаа урвуулсан гэмт хэрэг нийт авлига, албан тушаалын хэргийн 78.3 хувийг эзэлж байгаа бол Хахууль авах гэмт хэрэг 16.8 хувь, Хахууль өгөх гэмт хэрэг 10 хувь, Үндэслэлгүйгээр хөрөнгөжих гэмт хэрэг 4.6 хувийг эзэлж байна

Хайх