<div>
<div class="NewsDetail__content">
Энэ онд нийслэлийн 10 байршилд нийт 16 км урт борооны ус зайлуулах шугам угсарна. Борооны ус зайлуулах шугам угсралтын ажлын талаар Геодези, усны барилга, байгууламжийн газар ОНӨААТҮГ-ын Ерөнхий инженер С. Батсайханаас тодрууллаа.
Тэрбээр “Геодези, усны барилга, байгууламжийн газраас энэ зун Чингисийн өргөн чөлөөний авто замд 6 км борооны ус зайлуулах шугам угсрахаар төлөвлөж байгаа нь 2025 онд хийгдэх хамгийн урт ус зайлуулах шугам юм. Мөн борооны ус ихээр тогтож, иргэд зорчиход хүндрэл үүсгэдэг байршлууд болох Төмөр замын авто зогсоол орчимд, Алтай хотхоны арын туслах замд борооны ус зайлуулах шугам угсарна” гэлээ.
Энэ онд хийх борооны ус зайлуулах шугамын ажлууд:
<ol>
<li>Төмөр замын авто зогсоол орчмын борооны ус зайлуулах шугамын ажил, Шугамын голч: 400-1500 мм, шугамын урт: 1793 метр,</li>
<li>Энхтайвны гүүрний доод хэсгийн зам талбайн ус зайлуулах шугамын ажил</li>
<li>Алтай хотхоны 14 дүгээр байр орчмын борооны ус зайлуулах шугамын ажил Шугамын урт: 412 метр,</li>
<li>Энгельсийн гудамжны борооны ус зайлуулах шугамын шинэчлэл, өргөтгөлийн ажил, шугамын голч:400-600 мм, шугамын хүчин чадал: 0.102 м3/с, шугамын урт: 1003 метр,</li>
<li>ТЭЦ-3-ын арын уулзвараас Дунд голын гүүр хүртэлх борооны ус зайлуулах шугамын шинэчлэл, өргөтгөлийн ажил, шугамын голч:300-1000 мм, шугамын хүчин чадал: 1398 метр, шугамын урт: 1398 метр,</li>
<li>Хувьсгалын гудамжны борооны ус зайлуулах шугам,</li>
<li>Чингисийн өргөн чөлөөний борооны ус зайлуулах шугам,</li>
<li>БЗД, 14 дүгээр хороо, Нарт хотхон орчмын борооны ус зайлуулах шугамын ажил,</li>
<li>ХУД, 1 дүгээр хороо Наран хотхон, Петровисын ШТС орчмын авто замын борооны ус зайлуулах шугамын ажил, шугамын голч: 300-600 мм, шугамын урт: 1200 метр,</li>
<li>СХД, 29 дүгээр хороо, &#8220;Драгоны арын 22б байр орчмын замын  борооны ус зайлуулах шугамын угсралтыг 2025 онд тус тус хийнэ.</li>
</ol>
                                                                           НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
</div>
</div>
<div>
<div class="react-photo-gallery--gallery">
<div><img loading="lazy" decoding="async" src="https://ulaanbaatar.mn/files/mn/photos/w23rdhvmesh/68148504870dd507f473c182.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/1nxpzk5w9x2/68148509870dd507f473c183.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/6x1p962f7hl/6814850e870dd507f473c184.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/rsh6jqo3lu/68148514870dd507f473c185.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/bctdtd1adgm/68148519870dd507f473c186.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/vdn4tgubka/68148521870dd507f473c187.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/fkw9bmwq1p/68148526870dd507f473c188.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/lr4perhhmq/6814852c870dd507f473c189.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/bm25hcwx1zs/68148531870dd507f473c18a.png" width="357" height="357" /><img loading="lazy" decoding="async" src="https://ulaanbaatar.mn/files/mn/photos/lfudnrv0jj/68148535870dd507f473c18b.png" width="357" height="357" /></div>
</div>
</div>

Энэ онд нийслэлийн 10 байршилд борооны ус зайлуулах шугам угсарна

УИХ-ын нэгдсэн чуулганы өчигдрийн /2025.05.03/-ийн хуралдаанаар таван асуудал хэлэлцлээ.
Зээлийн мэдээллийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн тогтоолын төслийн анхны хэлэлцүүлгийг үргэлжлүүлэн хэлэлцлээ. Хуулийн төслийн анхны хэлэлцүүлгийн хүрээнд “Банкууд дэргэдээ ББСБ-ууд ажиллуулдаг. Өөрөөр хэлбэл, банкнаас арилжааны зориулалтай зээл авч, банк бус санхүүгийн байгууллагаар дамжуулан иргэдэд хэрэглээний зээл хэлбэрээр өндөр хүүтэй олгож байгааг гишүүд онцолсон. Тодруулбал, 2024 онд банкнаас Банк бус санхүүгийн байгууллагуудын авсан зээл 700 гаруй тэрбум төгрөгт хүрчээ. Банкнаас жилийн 24 хувийн хүүтэй авсан зээлээ иргэдэд олгохдоо 36-50 хувь хүртэл нэмж байгаа. Улмаар ломбард дахин илүү өндөр хүүтэй зээл олгох зэрэг иргэдэд санхүүгийн дарамт үзүүлж буй асуудлыг УИХ-ын түвшинд зохицуулах шаардлагатай гэж үзсэн юм.
Засгийн газраас өргөн мэдүүлсэн Жагсаал, цуглаан хийх эрх чөлөөний тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэхийг үргэлжлүүлэн хэлэлцэж хуралдаанд оролцсон гишүүдийн олонх нь дэмжиж, Хууль зүйн байнгын хороонд шилжүүлэв.
Эрүүл мэндийн даатгалын үндэсний зөвлөлийн даатгуулагчийг төлөөлсөн гишүүнийг томилох, чөлөөлөх тухай асуудлыг хэлэлцэж Сүхбаатарын Эрдэнэбатыг чөлөөлж, Баяраагийн Рагчааг томиллоо.
Амьтны тухай хуульд нэмэлт оруулах тухай хуулийн төслийн эцсийн хэлэлцүүлгийг хийж баталлаа. Хуулийн хэрэгжилтийг 2025.06.01-ээс дагаж мөрдөнө.
Засгийн газраас өргөн мэдүүлсэн Гаалийн албан татвараас чөлөөлөх тухай хуулийн төслийг хэлэлцэж, эцийн хэлэлцүүлэгт бэлтгүүлэхээр Эдийн засаг, Байгаль орчин, хүнс хөдөө аж ахуйн байнгын хороонд шилжүүллээ.

Амьтны тухай хуулийн хэрэгжилтийг зургадугаар сарын 1-нээс дагаж мөрдөнө

Нийслэлийн хэмжээнд Энхтайваны өргөн чөлөө, Чингисийн өргөн чөлөө, Олимпын гудамж зэрэг 15 байршилд явган хүний замыг байгалийн чулуун хавтангаар тохижуулна. Өнөөдрийн байдлаар хоёр байршилд явган хүний зам засварын ажил үргэлжилж байна.
Энэ талаар нийслэлийн Хөрөнгө оруулалтын газрын дарга Б.Мөнхбатаас тодрууллаа. Тэрбээр “Нийслэлээс энэ ондоо багтаан 15 байршилд явган зорчигчийн замыг шинэчлэхээр төлөвлөсөн. Өнөөдрийн байдлаар есөн байршилд ААН, байгууллагуудтай гэрээ байгуулж, ажлыг эхлүүллээ. Үлдсэн зургаан байршил дээрх худалдан авах ажиллагааг зохион байгуулж байна.
Улаанбаатар хотын томоохон гудамж болох Энхтайваны өргөн чөлөө, Их тойруу, Бага тойруу, Их Монголын гудамж болон Чингисийн өргөн чөлөө энэхүү төсөлд хамрагдах юм. Төслийн хүрээнд явган замыг явган зорчигч, хөгжлийн бэрхшээлтэй иргэд болон хүүхэд, багачууд зорчиход хүндрэлгүй байхаар шийдсэн.
Тодруулбал, шинэ чулуун хавтангууд нь барзгар гадаргуутай, цас бороонд гулгаж, халтирахгүй буюу алхахад саад болохгүй. Мөн явган замын хавтанг том хэмжээтэйгээр буюу 30см x 60см болон 30см х 30см хэмжээтэй хийнэ. Ингэснээр дугуй болон скүүтэр зэрэг цахилгаан хэрэгсэлтэй зорчигчдод саадгүй болно” гэв.
<img decoding="async" src="https://ulaanbaatar.mn/files/mn/images/dazig0ci0qp/6814b016870dd507f473c195.jpg" />
Геологийн төв лабораториос Офицеруудын ордон хүртэлх явган замын ажил мөн эхлээд байна. Энэ талаар &#8220;Бадрах-Инженеринг&#8221; ХХК-ийн авто замын инженер Э.Энхтүвшин “5 шарын уулзвараас Саппорогийн уулзвар хүртэлх явган замын ажил эхэлсэн. Явган замыг нийт 28 мянган ам.метр талбайд хийхээс 10 орчим хувийн гүйцэтгэлтэй байна. Шинэчилж буй чулуун хавтанг стандартын дагуу, явган хүн зорчиход хүртээмжтэйгээр 4 метрийн өргөн хийж байна. Хөгжлийн бэрхшээлтэй иргэнд зориулж хөтөч хавтанг 5 шарын уулзвараас Саппорогийн уулзвар хүртэл хийнэ. Энэ хэсгийн ажлыг наймдугаар сарын 25-нд бүрэн дуусгана” гэлээ.

Нийслэлийн 15 байршилд явган хүний замыг байгалийн чулуун хавтангаар сольж, шинэчилнэ

Үндэсний өв соёлоо шингээсэн хувцастай хөтөч нар 3-5 орны хэлээр төвөггүй ярьдаг бөгөөд эх орныхоо түүх, соёлын талаар мэдлэгтэй, Монголыг зорин ирсэн жуулчдад мэдээлэл өгөх чадвартай.
Зөвхөн олон улсын стандарт хангасан автобусаа санал болгохоос гадна Улаанбаатар хотод үзэж болох сонирхолтой зүйлс, хамгийн тохилог, тав тухтай үйлчилгээг хаанаас авч болох талаар мэдээлэл өгч, эх орноо сурталчлах ажилд гар бие оролцох үүрэгтэй юм.

“Чингис хаан” олон улсын буудал руу явж буй нийтийн тээврийн үйлчилгээний автобус хөтөчтэй 

Өнөөдөр 13:00 цагаас &#8220;Чингэлтэй хайрханы хишиг&#8221; Улс, аймаг, цэргийн цолтой хүчит 128 бөхийн эхэлнэ.
Барилдаанд зодоглохоор:
1. у.ар Энхтөгсийн Оюунболд
2. у.ар Рэнцэнбямбын Пүрэвдагва
3. у.з Баярхүүгийн Бат-Өлзий
4. у.з Цэдэнбазарын Одбаяр
5. у.з Бердимуратын Серик
6. у.х Батсүхийн Зоригтбаатар
7. у.х Алтанбаганын Цацабшир
8. у.х Төрөөгийн Баасанхүү
9. у.х Ганцогтын Бадрах
10. у.х Төрмөнхийн Бэгзсүрэн
11. у.н Нурланы Мустафа
12. у.н Болдбаатарын Батжаргал
13. у.н Батцэнгэлийн Чимэдвандан
14. у.н Дашдоржийн Цэрэнтогтох
15. у.н Хүрэлбаатарын Оргилболд
16. у.н Энхтүвшиний Батмагнай
17. у.н Батдоржийн Сосорбарам
18. у.н Бүрнээгийн Баянмөнх
19. у.н Даваадоржийн Төрболд
20. у.н Эрдэнэхүүгийн Мөнхжаргал
21. у.н Галбадрахын Дармаажанцан
22. а.а Одсүрэнгийн Баярхүү
23. а.а Чулуунтөмөрийн Энхмөнх
24. а.а Улагпан Береке
25. а.а Хэвэлхүүгийн Энхчулуун
26. а.а Нямсүрэнгийн Амгаланбаатар
27. а.а Цогтоогийн Мөнхбаяр
28. а.а Ганхуягийн Шинэзориг
29. а.а Теликийн Эрболат
30. а.а Дагвасамбуугийн Бямбасүрэн
31. а.а Мөнхтуяагийн Батцэнгэл
32. а.а Баттөрийн Ганбаяр
33. а.а Хангайн Наранбаяр
34. а.а Пүрвээгийн Өсөхбаатар
35. а.а Энхтөрийн Баасанжав
36. а.а Насан-Очирын Намнансүрэн
37. а.а Болдын Даваадалай
38. а.а Гончигбатын Бат-Орших
39. а.а Энх-Амгалангийн Өлзийбаяр
40. а.а Бат-Эрдэнийн Түвшинтөгс
41. а.а Баянжаргалын Төмөрбаатар
42. а.а Тулгаагийн Сүрэнжав
43. а.а Ядамсүрэнгийн Бумбаяр
44. а.а Нэргүйн Дашдаваа
45. а.а Цэвээнпүрэвийн Адъяа
46. а.а Даваасүрэнгийн Аззаяа
47. а.а Доржсүрэнгийн Батсүх
48. а.а Будаагийн Батсайхан
49. а.а Бямбадоржийн Батдорж
50. а.а Жаргалсайханы Алтаншагай
51. а.а Гүрзулын Ганцоож
52. а.а Мягмаржаргалын Эрхэмбаяр
53. а.а Сампилын Цогтбаатар
54. а.а Ганзоригийн Мөнх-Эрдэнэ
55. а.а Мөнхбаярын Баасанжав
56. а.а Ганжуурын Цоггэрэл
57. а.а Дашренчингийн Дэмиддорж
58. а.а Наранболорын Баяржаргал
59. а.а Төмөрбаатарын Баттогтох
60. а.а Мөнхбатын Цэрэн
61. а.з Сүхбатын Оргилбаатар
62. а.з Эрдэнэбаатарын Түмэндэмбэрэл
63. а.з Балтмөнхийн Бадамдорж
64. а.з Жавзандуламын Хатанзоригт
65. а.з Мишигдоржийн Лувсандорж
66. а.з Гармаагийн Бат-Эрдэнэ
67. а.з Баянмөнхийн Базарсад
68. а.з Баттөмөрийн Батбаян
69. а.з Батболдын Тожил
70. а.з Энхболдын Төмөрсүх
71. а.з Отгонбатын Баяржаргал
72. а.з Амарбатын Баянмөнх
73. а.з Хүүхэнбаатарын Чойжилсүрэн
74. а.з Даваанямын Батбаяр
75. а.з Оргилсайханы Доржсамбуу
76. а.х Эрдэнэбатын Лхамхүү
77. а.х Галбадрахын Гантулга
78. а.х Эрдэнэцогтын Шийравнямбуу
79. а.х Болдбаатарын Одсүрэн
80. а.х Нямжавын Ширчинхүү
81. а.х Хуаныш Танирберген
82. а.н Хадбаатарын Мягмарсүрэн
83. а.н Сарангэрэлийн Буянсүрэн
84. а.н Баасанхүүгийн Өнөрбаатар
85. а.н Батсүхийн Баатарболд
86. а.н Болоогийн Алтангэрэл
87. а.н Мейромбек Бекежан
88. а.н Батмөнхийн Лхагва-Очир
89. а.н Сумъяабээсийн Бат-Орших
90. ц.н Өлзийбаярын Даваацэрэн
91. а.н Базарсадын Отгонцоож
92. а.н Банзрагчийн Ганзориг
93. а.н Баттулгын Дашдаваа
94. а.н Доржготовын Батхүрэл
95. а.н Ганхуягийн Баярбат
96. а.н Батсүхийн Эрдэнэбуян
97. а.н Эрдэнэпүрэвийн Тэнгисболд
98. а.н Баясгалангийн Бат-Эрдэнэ
99. а.н Улаандалайн Цэндпүрэв
100. а.н Норовсамбуугийн Бямбажаргал
101. а.н Пүрэвсүрэнгийн Авирмэд
102. а.н Болдын Лхамдорж
103. а.н Баяртын Доржжүгдэр
104. а.н Жамлын Мухтар
105. а.н Санжсүрэнгийн Амарсанаа
106. а.н Хадбаатарын Нямдорж
107. а.н Баярсайханы Батзориг
108. а.н Цэрэнчимэдийн Билэгсайхан
109. а.н Хүрэлбаатарын Балжинням
110. а.н Мөнгөндаваагийн Баасанцэнд
111. а.н Ариунбаатарын Сүх-Очир
112. а.н Мөнхбаатарын Өгөөдэй
113. а.н Мухтар Бердаулет
114. а.н Энхболдын Чойням
115. а.н Дамжингийн Ядамсүрэн
116. а.н Цагаанхүүгийн Мөнх-Эрдэнэ
117. а.н Дүгэрсүрэнгийн Дашням
118. а.н Болорын Бадрал
119. а.н Батбаатарын Бат-Эрдэнэ
120. а.н Баярсайханы Бямбадорж
121. а.н Нямдоржийн Хаянхярваа
122. а.н Батболдын Баасандорж
123. а.н Цэрэнжавын Мөнх-Эрдэнэ
124. а.н Оюунчимэгийн Пүрэв-Очир
125. а.н Оргилын Төгсжаргал
126. а.н Сүхбаатарын Очирпүрэв
127. а.н Чулуунбаатарын Хүрэлбат
128. а.н Дамдинпүрэвийн Мөнхдалай
129. а.н Баттөрийн Ширмэн
130. а.н Чимэдийн Пүрэвдорж
131. а.н Баярцогтын Мөнхзориг
132. а.н Батбаярын Сундуйжав
133. а.н Баянмөнхийн Мөнхбаатар
134. а.н Нүржигдаваагийн Пүрэвдаваа
135. а.н Манлайбаатарын Өсөх-Ирээдүй
136. ц.н Амгаланбаатарын Дорждэрэм
137. а.н Бүрэнтогтохын Ган-Очир
138. а.н Бямбаагийн Пүрэвдаш
139. а.н Довдоны Сумъяабазар
140. а.н Мөнхбатын Сумъяабазар
141. а.н Батбаярын Сэрсэндэмид
142. а.н Бээжингийн Энх-Оргил
143. а.н Содномжамцын Бат-Эрдэнэ
144. а.н Аварзэдийн Машбат
145. а.н Хишигдаваагийн Бумбаяр
146. а.н Лувсандэнзэнпүлжинжигмэдийн Агваансамдан
147. а.н Алтанхуягийн Мөнх-Эрдэнэ
148. а.н Мөнхбаатарын Баяржавхлан
149. с.з Бат-Эрдэнийн Ган-Эрдэнэ
150. с.з Нямсүрэнгийн Цэрэнпунцаг нарын бөхчүүд бүртгүүллээ.

“Чингэлтэй хайрханы хишиг“ улс, аймаг, цэргийн цолтой хүчит 128 бөхийн барилдаан болно

Монгол дахь НҮБ-ын Хүүхдийн Сангаас Ангууч буюу Б.Баттөрийг тус сангийн Өсвөр үеийн хүүхэд, залуучуудын Элчээр томиллоо.
Б.Баттөр 2021 оноос эхлэн НҮБ-ын Хүүхдийн Сангийн олон үйл ажиллагаа, санал санаачилгыг дэмжин ажиллаж, арга хэмжээнүүдэд оролцож ирсэн. Тэрээр манай байгууллагын анхны хандивлагч нарын нэг бөгөөд спортоор дамжуулан хүүхдүүдийг чадавхижуулах Жиу Жицүгийн клуб байгуулах, хүүхдүүдэд ЧИП багц хандивлах зэрэг олон ажлуудыг хийсэн.
Түүний тууштай байдал нь хүүхэд бүрд илүү гэрэл гэгээтэй, хүртээмжтэй ирээдүйг бүтээхэд тусална гэж найдаж байна. Бид хамтдаа хүүхдийн эрхийг хамгаалж, боломжуудыг нь өргөжүүлж, хүсэл мөрөөдлийг нь биелүүлэхэд нь туслах болно гэж Unicef Mongolia-аас мэдээллээ

“Ангууч” буюу Б.Баттөрийг Монгол дахь НҮБ-ын Хүүхдийн Сангийн элчээр томилжээ

Монгол Улсын Ерөнхий сайд Л.Оюун-Эрдэнэ агаарын бохирдол болон түгжрэл бууруулах бүтээн байгуулалтын ажлуудыг дулааны улиралд цаг алдалгүй, шуурхай зохион байгуулж ажиллахыг үүрэг болгож байсан юм. Энэ хүрээнд тэрбээр  өчигдөр Нийслэлийн Засаг даргын Тамгын газраас хэрэгжүүлж буй “Монгол гэр болон байшингийн дулаалга” төслийн ажлын явцтай танилцлаа.
<img loading="lazy" decoding="async" src="https://mongolia.gov.mn/storage/posts/April2025/viber_image_2025-04-30_16-49-42-978.jpg" alt="" width="1600" height="1066" />
Ерөнхий сайд Л.Оюун-Эрдэнэ Сонгинохайрхан дүүргийн III хороо, Баганаранд 60м2 талбай бүхий байшин болон монгол гэрийн дулаалгатай танилцлаа. 2025 онд Ногоон бүсэд 30.0 мянган байшин, 20.0 мянга орчим монгол гэр дулаалахаар төлөвлөж, хямд зардал, богино хугацаанд гал тэсвэртэй дулаалгаар дулаалах жишиг загвар гаргахаар судалж байна. Тус хорооны иргэн Д.Батбаатарын байшинг 20 мм-ийн полиуретан дүүргэгчтэй хөнгөн цагаан сайдинг болон 10 мм аэрогель эсгийгээр дулаалсан нь дулаан алдагдлыг хоёр дахин бууруулжээ. Үүнээс гадна хөөсөнцөр болон агаар сэлгэлттэй эрдэст хөвөнгөөр дулаалах хувилбарыг ч судалж байгаа юм байна. Эдгээр хувилбарын 3,5-5,3 сая төгрөгт багтаж байна. Мөн Д.Батбаатарынд гаднаас хүйтэн агаар сорж 60 хэм хүртэл халуун агаараар үлээх насос суурилуулжээ.
Харин иргэн  Д.Баянбаатарынх таван ханатай гэрт амьдардаг. Гэрийн хана, дээвэрт эрдэс хөвөн, хуванцар сайдинг  ашигласнаар дулаан алдагдлыг гурав дахин бууруулжээ. Гэрийн хана, дээвэр, шалны дулаалгад 810 мянган төгрөг зарцуулжээ. Харин халаалтыг хийн зуухаар шийджээ. Хоёр минутад зуух халах тул шаардлагатай үед халаалтаа салгаад хэмнэх боломжтой. Хийн зуухны зааварчилгааг дагаад ажиллуулахад хялбар байгаагаас гадна аюулгүйн мэдрэгч маш сайн ажиллаж байгаа тул санаа зовох зүйлгүй байна гэж гэр бүлийн хүмүүс ярилаа.
<img loading="lazy" decoding="async" src="https://mongolia.gov.mn/storage/posts/April2025/viber_image_2025-04-30_16-49-37-890.jpg" alt="" width="1600" height="912" />
Байгаль орчин, уур амьсгалын өөрчлөлтийн сайд болон Нийслэлийн Засаг дарга бөгөөд Улаанбаатар хотын Захирагчийн хамтарсан тушаал, захирамжаар Нийслэлийн агаарын чанарыг сайжруулах бүсүүдийг тогтоож, мөрдөх журмыг баталж, гэр хорооллын 170 гаруй мянган өрхийг “Ногоон болон Шар” бүсэд хамруулсан. Ногоон бүсэд 103,090 өрх амьдарч буй бөгөөд 51 мянган өрхийг энэ онд цахилгаан халаагуур болон бүх төрлийн хийн түлшинд шилжүүлэхээр ажиллаж байна. Айл өрхөд цахилгаан болон бүх төрлийн хийн түлшээр ажилладаг тоног төхөөрөмж, дагалдах хэрэгслийг нэг удаа үнэ төлбөргүй суурилуулж, халаалтын улиралд сард 100 мянган төгрөгийн татаас олгохоор шийдвэрлэсэн юм.
<img loading="lazy" decoding="async" src="https://mongolia.gov.mn/storage/posts/April2025/viber_image_2025-04-30_16-49-46-124.jpg" alt="" width="1439" height="959" />
Ерөнхий сайд Л.Оюун-Эрдэнэ Ногоон болон Шар бүс дэх айл өрхийг цахилгаан халаагуур, бүх төрлийн хийн түлшинд шилжүүлэх бэлтгэл ажил хангалттай явж байгааг тэмдэглээд энэ тав, зургаа, долдугаар сард ажлаа тасралтгүй үргэлжлүүлж дулаалга, халаалтын нэгдсэн стандартын шийдэл гаргах, зорилтот бүсийн айл өрхүүдийг шинэ системд хамруулахад шаардагдах эрчим хүчний хангамж, хийн түлшний нийлүүлэлт болон сайжруулсан шахмал түлшний чанар, хөх нүүрс үйлдвэрлэхэд анхаарч ажиллахыг үүрэг болголоо.
<img loading="lazy" decoding="async" src="https://mongolia.gov.mn/storage/posts/April2025/viber_image_2025-04-30_16-49-47-166.jpg" alt="" width="1066" height="1600" />

Гэр хорооллын айл өрхийг цахилгаан халаагуур, бүх төрлийн хийн түлшинд шилжүүлэх бэлтгэл ажлыг зуны саруудад ч тасралтгүй үргэлжлүүлэхийг үүрэг болголоо

Хайх