Арав хоногийн цаг агаарын урьдчилсан төлөвийг хүргэж байна. 
Амралтын өдрүүдэд ихэнх нутгаар цаг агаар тогтуун байна. Харин 23-нд нутгийн төв хэсгээр бороо, уулаараа цас орж, сэрүүснэ.
Хур тунадас: Есдүгээр сарын 20-нд нутгийн зүүн өмнөд хэсгээр, 21-нд Алтайн уулархаг нутгаар, 22-нд Хөвсгөл, Хэнтийн уулархаг нутаг, Хэрлэн, Онон голын хөндийгөөр, 23-нд баруун аймгуудын нутгийн өмнөд хэсэг, төв болон говийн аймгуудын нутгийн зарим газраар, 24-нд төв болон говийн аймгуудын нутгийн зүүн хэсэг, зүүн аймгуудын ихэнх нутгаар, 25-нд Халх голын сав газраар, 26-нд Алтайн уулархаг нутгаар, 27-нд баруун аймгуудын нутгийн хойд хэсэг, төв болон говийн аймгуудын нутгийн зарим газраар, 28,29-нд нутгийн зарим газраар бороо, нойтон цас орно.
Салхи: Есдүгээр сарын 24-26-нд Алтайн уулархаг нутгаар, 27-нд Алтайн салбар уулс болон Арц Богдын өвөр хоолойгоор, 28,29-нд нутгийн зарим газраар секундэд 6-11 метр, зарим үед секундэд 16-18 метр хүрч, шороон шуурга шуурна.
Агаарын температур: Ихэнх нутгаар өдөртөө дулаарч Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 1 хэмийн хүйтнээс 4 хэм дулаан, өдөртөө 12-17 хэм, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө 2-7 хэм, өдөртөө 15-20 хэм, Их нууруудын хотгор, говийн бүс нутгийн өмнөд хэсгээр шөнөдөө 9-14 хэм, өдөртөө 22-27 хэм, бусад нутгаар шөнөдөө 5-10 хэм дулаан, өдөртөө 16-21 хэм дулаан байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: Есдүгээр сарын 23-нд хур тунадас орно. Бусад хугацаанд хур тунадас орохгүй.
Салхи:Ихэнх хугацаанд секундэд 5-10 метр. 23, 28-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: Хугацааны эхээр өдөртөө дулаарч, шөнөдөө 5-10 хэм дулаан, өдөртөө 16-21 хэм дулаан байна. Есдүгээр сарын 21-нээс дулаарч шөнөдөө 4-9 хэм дулаан, өдөртөө 15-20 хэм дулаан байна. Есдүгээр сарын 27-ноос хүйтэрнэ.

Энэ сарын 23-нд нутгийн төв хэсгээр бороо, уулаараа цас орж, сэрүүснэ DNN.mn

Ирэх аравдугаар сарын 11-ний өдөр бүх нийтээр амарна.
<blockquote>Тодруулбал, аравдугаар сарын 11-ний өдөр орон нутгийн сонгуулийн санал хураалт явагдана.</blockquote>
Сонгуулийн тухай хуулийн 16.2 дахь хэсэгт Улсын Их Хурал, аймаг, нийслэлийн иргэдийн Төлөөлөгчдийн хурлын ээлжит сонгуулийн санал авах өдөр нь тухайн сонгуулийн жилийн зургаадугаар сарын сүүлийн хагасын аль нэг ажлын өдөр, сум, дүүргийн иргэдийн Төлөөлөгчдийн хурлын ээлжит сонгуулийн санал авах өдөр нь сонгуулийн жилийн 10 дугаар сарын сүүлийн хагасын аль нэг ажлын өдөр байна. 16.5.Ээлжит сонгуулийн санал авах өдөр бүх нийтээр амарна гэж хуульчилсан байдаг. Энэ дагуу ирэх сарын 11-ний баасан гарагт бүх нийтээр амрах юм.

Ирэх сарын 11-нд бүх нийтээр амарна DNN.mn

НИТХ-ын ээлжит хуралдаанаар гэр хорооллыг орон сууцжуулах үйл ажиллагааг хэрэгжүүлэх байршил батлуулах тухай танилцуулгыг нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч Л.Хосбаяр танилцуулж, тогтоолын төслийг баталлаа. Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн хэрэгжилтийг хангах үүднээс Сүхбаатар дүүргийн 12, 13 дугаар хороо, Чингэлтэй дүүргийн 11, 12, 13, 14, 15, 16, 18, 22 дугаар хорооны нутаг дэвсгэрт 733 га талбай, Сүхбаатар дүүргийн 15, 17 дугаар хорооны нутаг дэвсгэр, Дамбадаржаа дэд төв орчимд 71.8 га талбай, Сонгинохайрхан дүүргийн 1, 2, 34 дүгээр хорооны нутаг дэвсгэр, Толгойт дэд төв орчмын 133.3 га талбайг гэр хорооллыг орон сууцжуулах байршлаар баталлаа.
Нийслэлийн Засаг даргын захирамжаар Чингэлтэй, Сүхбаатар дүүргийн зарим хороо, Сэлбэ дэд төв орчмын 158 га талбайд гэр хорооллыг орон сууцжуулах үйл ажиллагааг “Нийслэлийн Орон сууцны корпораци” ХК хэрэгжүүлж байна. УИХ-аас өнгөрсөн оны арванхоёрдугаар сард “Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хууль”-ийг баталсан. Тус хуульд нийгмийн зайлшгүй хэрэгцээг үндэслэн хотын хөгжлийн ерөнхий төлөвлөгөө болон хэсэгчилсэн ерөнхий төлөвлөгөөнд тусгасан дэд төвийн байршилд гэр хорооллыг тэргүүн ээлжинд орон сууцжуулахаар тусгасан байдаг.

Гэр хорооллыг орон сууцжуулах байршлуудыг тогтоолоо DNN.mn

Энэ долоо хоногт Улаанбаатар хотын таван байршилд авто зам шинэчилнэ. Тодруулбал, дөрвөн авто замын хөдөлгөөнийг хэсэгчилж хаах бол үлдсэн нэг байршлын замын хөдөлгөөнийг бүрэн хязгаарлах юм.
<ul>
<li aria-level="1">Архивчдын гудамж буюу Нисэхийн тойргоос Архивын ерөнхий газар хүртэлх хойноос урагш чиглэлийн баруун талын авто замыг есдүгээр сарын 20-ны 23:00 цагт хааж, 23-ны 06:00 цагт нээнэ. Энэ хугацаанд хойноос урагш чиглэлийн зүүн талын авто замаар хөдөлгөөнд оролцох боломжтой.</li>
<li aria-level="1">Нарны зам буюу Үндэсний соёл амралтын хүрээлэнгийн баруун урд уулзвараас Циркийн уулзвар хүртэлх авто замын урд эгнээг есдүгээр сарын 20-ны 22:00 цагт хааж, 22-ны 06:00 цагт нээнэ. Харин хойд эгнээг есдүгээр сарын 22-ны 06:00 цагт хааж, 23-ны 06:00 цагт нээнэ.</li>
<li aria-level="1">Наадамчдын авто зам буюу “Фүүд сити” төвөөс Яармагийн гүүр хүртэлх замын урд хэсгийг есдүгээр сарын 20-ны 23:00 цагаас 23-ны 06:00 цагийн хооронд хааж засварлана. Энэ хугацаанд авто замын хойд эгнээгээр замын хөдөлгөөнд оролцох боломжтой.</li>
<li aria-level="1">Их тойруугийн авто зам буюу “Дөлгөөн нуур” худалдааны төвийн уулзвараас “Өлзий төв” хүртэлх урд эгнээг есдүгээр сарын 21-ний 23:00 цагаас хааж, 23-ны 06:00 цагт нээнэ. Энэ хугацаанд авто замын хойд эгнээгээр замын хөдөлгөөнд оролцох боломжтой.</li>
<li aria-level="1">Хонхны гудамж буюу Төмөр замын дээд сургуулийн уулзвараас “Гранд плаза” хүртэлх авто замыг есдүгээр сарын 21-ний 23:00 цагаас 24-ний 06:00 цаг хүртэл бүрэн хааж, шинэчилнэ.</li>
</ul>
Зам засварын ажлын хүрээнд инженерийн шугам сүлжээний худгийн тагийг асфальт бетон хучилтын түвшинд тааруулах, хашлага солих, тэмдэг тэмдэглэгээ хийх зэрэг ажлыг гүйцэтгэнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу.
<img decoding="async" src="https://ulaanbaatar.mn/files/mn/images/m5kjrprqc7/66ecf77e1ad23e72dd9a9b1b.jpg" />
<img decoding="async" src="https://ulaanbaatar.mn/files/mn/images/sagp7rgpi8h/66ecf7981ad23e72dd9a9b1c.jpg" />
<img decoding="async" src="https://ulaanbaatar.mn/files/mn/images/nie98t1exs/66ecf7a61ad23e72dd9a9b1d.jpg" />
<img decoding="async" src="https://ulaanbaatar.mn/files/mn/images/dkk2bkwi3dc/66ecf7b21ad23e72dd9a9b1e.jpg" />
<img decoding="async" src="https://ulaanbaatar.mn/files/mn/images/8kbl284bcav/66ecf7ba1ad23e72dd9a9b1f.jpg" />

Энэ долоо хоногт таван байршилд авто замыг хааж, шинэчилнэ DNN.mn

Эрүүл мэндийн даатгалын тухай хуульд заасны дагуу хохирсон даатгуулагчийн эрүүл мэндийн тусламж, үйлчилгээний зардлын төлбөрийг холбогдох хууль хяналтын байгууллагатай хамтран буруутай этгээдээр нөхөн төлүүлдэг.
Тэгвэл 2024 оны 9 дүгээр сарын 12-ноос 9 дүгээр сарын 18-ны өдрүүдэд 64 даатгуулагч-иргэнд ЭМД-ын сангаас 50 сая 93 мянга 235 төгрөг зарцуулсныг хуулийн хүрээнд буруутай этгээдээр нөхөн төлүүлж, ЭМД-ын санг хохиролгүй болголоо.
Эрүүл мэндийн даатгалын тухай хуулийн 12 дугаар зүйл: Эрүүл мэндийн тусламж, үйлчилгээний зардлыг нөхөн төлүүлэх 12.1.1.гэмт хэрэг, зөрчлийн улмаас эрүүл мэнд нь хохирсон даатгуулагчийн эрүүл мэндийн тусламж, үйлчилгээний зардлын төлбөрийг холбогдох хууль хяналтын байгууллага хариуцан буруутай этгээдээр эрүүл мэндийн даатгалын байгууллагад төлүүлнэ гэж заасан байдаг.

50 сая төгрөгийн хохирлыг буруутай этгээдүүдээр төлүүллээ DNN.mn

Flash, Татар, Noname, 4 зүг, Мөнхийн реп хамтлаг хамтарсан &#8220;Big show&#8221; тоглолтоо өнөөдөр буюу есдүгээр сарын 20-нд  хийхээр зарласан билээ.
Тэгвэл &#8220;Big show&#8221; тоглолт тодорхойгүй хугацаагаар хойшлуулсан талаар цахим хуудастаа нийтэлжээ. Гэхдээ төлбөрийг 100 хувь буцаан олгоно гэжээ.
Мөн өнөөдөр OUTLAW хамтлагийн 20 жилийн ойн &#8220;Зүрхэн тэнгэрийн наран&#8221; тоглолт болно.
&nbsp;

“Big show” хойшлогдож, тасалбар авсан иргэдийн мөнгийг 100 хувь буцааж олгохоор болжээ DNN.mn

Маргааш буюу есдүгээр сарын 21-ны өдөр болох автомашингүй өдрөөр 07:00-18:00 цагийн хооронд дараах гудамж, авто замуудыг хаана. Доорх хаасан авто замуудад цахилгаан мотоцикл, цахилгаан дугуй, цахилгаан скүүтэр, суррон зэргийг хөдөлгөөнд оролцуулахгүй.
<ul>
<li>Д.Сүхбаатарын гудамж,</li>
<li>Их сургуулийн гудамж,</li>
<li>Сөүлийн гудамж,</li>
<li>Партизаны гудамж,</li>
<li>Бөмбөгөр худалдааны төвийн уулзвар,</li>
<li>Төмөрчний гудамж,</li>
<li>Гэсэр сүмийн уулзвар,</li>
<li>Самбуугийн гудамж,</li>
<li>Анкарагийн гудамж,</li>
<li>Бага тойруу,</li>
<li>Бээжингийн гудамж,</li>
<li>Токиогийн гудамж,</li>
<li>Залуучуудын гудамж,</li>
<li>Зүүн дөрвөн замын уулзвараас Баруун дөрвөн замын уулзвар,</li>
<li>Чагдаржавын гудамж,</li>
<li>Элчингийн гудамж,</li>
<li>Олимпийн гудамж,</li>
<li>Гэндэнгийн гудамж,</li>
<li>Монголын хүүхдийн ордны уулзвараас Монгол шуудангийн уулзвар зэрэг байршлуудад автомашины хөдөлгөөнийг түр хязгаарлана.</li>
</ul>

Автомашингүй өдрөөр зам хаах маршрут DNN.mn

Дөлгөөн нуур худалдааны төвийн уулзвараас Өлзий төв хүртэлх авто замын урд талын эгнээг шинэчилнэ.
Их тойруугийн авто зам буюу  “Дөлгөөн нуур” худалдааны төвийн уулзвараас “Өлзий төв” хүртэлх авто замыг 9 дүгээр сарын 21-ний өдрийн 23:00 цагаас 23-ний өдрийн 06:00 цагийн хооронд хааж, шинэчилнэ.
Иймд иргэд, жолооч та бүхэн бусад замыг сонгон хөдөлгөөнд оролцоно уу.

Хайх