Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуулийн нэмэлт санал хураалтыг өчигдөр буюу аравдугаар сарын19-ны өдөр Баян-Өлгий аймгийн Улаанхус сумын 2 дугаар баг, Баянхонгор аймгийн Бууцагаан сумын 3 дугаар баг, Дорнод аймгийн Хэрлэн сумын 8 дугаар баг, Дундговь аймгийн Баянжаргалан сумын 3 дугаар баг, Завхан аймгийн Тосонцэнгэл сумын 5 дугаар баг, Цэцэн-Уул сумын 1, 2, 3, 4, 5 дугаар баг, Увс аймгийн Малчин сумын 2 дугаар баг, Ховд аймгийн Буянт сумын 5 дугаар багийн нийт 12 хэсэгт зохион байгууллаа.
Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн 78 дугаар зүйлд зааснаар хамгийн олон санал авсан нэр дэвшигчдийн саналын тоо тэнцсэн бол адил санал авсан нэр дэвшигчдийн дунд нэмэлт санал хураалт явуулдаг. Нэмэлт санал хураалтад эхний санал хураалтад оролцоогүй, сонгогчдын нэрийн жагсаалтад бүртгэгдсэн сонгогч оролцож, саналаа өгдөг. Улмаар нэмэлт санал хураалтад оролцсон сонгогчдын ирц, саналын тоог эхний санал хураалтад оролцсон сонгогчдын ирц, саналын тоон дээр нэмж тооцон тухайн тойргийн санал хураалтын дүнг гаргахаар хуульчилсан.
Сонгогчдын саналын тоогоор нийт 19 аймгийн 75 сумын 87 хэсэгт нэмэлт санал хураалт явуулахаар болсон бөгөөд аравдугаар сарын 13-ны өдөр 19 аймгийн 70 сумын 79 хэсэгт, 19-ний өдөр 7 аймгийн 8 сумын 12 хэсэгт нэмэлт санал хураалт явуулснаар Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуулийн санал хураалтыг амжилтай зохион байгуулж дууслаа хэмээн Монгол Улсын Сонгуулийн ерөнхий хорооноос мэдээллээ.

Нэмэлт санал хураалт зохион байгуулж дуусжээ DNN.mn

<div dir="auto">Тээврийн цагдаагийн албанаас орон нутгийн замын нөхцөл байдлын талаар мэдээллээ. Нийт нутгаар хүйтэн салхитай, агаарын хэм хүйтэн байна. Олон улсын болон улсын чанартай авто замд хаагдсан зам, даваа байхгүй.</div>
<div dir="auto">Хол, ойрын замд зорчигч тээврийн хэрэгслийн жолооч нар цаг агаарын байдлыг харгалзан үзэж, замд гарахаа хойшлуулах, техникийн бүрэн бүтэн байдлыг хангаж, зуны дугуйгаа солин аюулгүй байдлаа хангахыг албаныхан зөвлөж байна. Тодруулбал, 2024 оны аравдугаар сарын 20-ны өдрийн 08.30 цагийн байдлаар,</div>
<ul>
<li dir="auto">Баян-Өлгий, Баянхонгор, Говь-Алтай, Ховд, Завхан аймгийн нутгаар шөнөдөө цас орсон.</li>
<li dir="auto">Архангай, Баянхонгор, Булган, Төв, Өвөрхангай аймгуудын зарим хэсгээр болон Улаанбаатар, Налайх, Багахангай дүүргийн нутгаар цас орж байна.</li>
<li dir="auto">Мөн Багануур, Хэнтий, Говьсүмбэр Орхон аймгуудын нутгаар тэнгэр бүрхэг, бага зэрэг салхитай, хүйтэн байна.</li>
</ul>
<div dir="auto">
2024 оны аравдугаар сарын 21-нээс 2024 оны аравдугаар сарын 25-ныг хүртэлх цаг агаарын урьдчилсан төлөв:
Аравдугаар сарын 21-нд төв, говийн аймгуудын нутгийн зарим газар, зүүн аймгуудын ихэнх нутгаар нойтон цас, цас орж, нутгийн хойд хэсгээр цасан шуурга шуурна. Мөн энэ сарын 22-нд Монгол-Алтайн, Хөвсгөлийн уулархаг нутгаар, 23-нд Хангай, Хөвсгөл, Хэнтийн уулархаг нутгаар, 24-нд Хэнтийн уулархаг нутаг, Дарьгангын тал нутгаар ялимгүй хур тунадас орно.
<blockquote>
Салхи 21-нд говь, тал, хээрийн нутгаар зарим үед секундэд 14-16 метр хүрч ширүүснэ.
</blockquote>
Ихэнх нутгаар хүйтэрч Монгол-Алтай, Хангайн уулархаг нутаг, Завхан голын эх, Хүрэнбэлчир орчимоор шөнөдөө -19…-24 градус, өдөртөө -4…-9 градус, Хөвсгөл, Хэнтийн уулархаг нутаг, Идэр, Тэс, Орхон, Хараа, Ерөө, Туул, Тэрэлж, Улз голын хөндийгөөр -10…-15 градус хүйтэн, өдөртөө -1…+4 градус, говийн бүс нутгийн өмнөд хэсгээр шөнөдөө -1…+4 градус, өдөртөө +7…+12 градус дулаан, бусад нутгаар шөнөдөө -4…-9 градус хүйтэн, өдөртөө +3…+8 градус дулаан байна. Энэ сарын 21-нд нутгийн баруун хэсгээр, 22-ноос ихэнх нутгаар өдөртөө бага зэрэг дулаарна.
</div>

ТЦА: Орон нутгийн зам даваа хаагдаагүй DNN.mn

Хан-Уул дүүргийн 22 дугаар хороо, Зайсангийн хуучин гүүрийг 1968 онд буюу одоогоос 56 жилийн өмнө ашиглалтад оруулж байжээ. Үүнээс хойш засвар, шинэчлэлт огт хийгээгүй. Ашиглалтын хугацаа дуусаж, стандартаар ашиглалтын түвшин D үнэлгээнээс бага, хэзээ ч нурж магадгүй гэсэн дүгнэлт гарчээ.
Энэ талаар нийслэлийн Замын хөгжлийн газрын дарга Б.Одбаяр “Нийслэлийн төсвөөр Зайсангийн хуучин гүүрийг 225 метр 4 эгнээ бүхий төмөрбетон хос гүүрээр шинэчлэх ажил арваннэгдүгээр сарын 1-нээс эхэлнэ. Уг гүүрийн зураг төсөл 2014 онд хийгдэхээс өмнө техник ашиглалтын үнэлгээ 2013 онд хийгдэхэд хэзээ ч нурж магадгүй гэсэн дүгнэлт гарсан. Хүчитгэх засвар хийх боломжгүй. 1968 оны зураг төслийн ямар ч мэдээлэл байхгүй. Тухайн үед барилгын явцын үед хүчтэй үер болсон зэрэг асуудал их үүссэн байсан. Гүүрийн анхны төлөвлөлт 40-50 жил байдаг. Хэзээ ч нурах эрсдэлтэй учраас шинээр гүүр барих шаардлагатай. Гүүр ямар нэг байдлаар нурлаа гэхэд иргэдийн амь настай холбогддог. Тиймээс учраас Зайсангийн гүүрийг буулгаж, богино хугацаанд буюу 8-9 сарын хугацаанд барьж ашиглалтад оруулна” хэмээв.

Арваннэгдүгээр сарын 1-нээс Зайсангийн гүүрний бохирын шугамыг шилжүүлнэ DNN.mn

Цас орж, халтиргаа гулгаа үүссэн байгаа тул жолооч, тээвэрлэгчид хурдаа тохируулж анхаарал болгоомжтой замын хөдөлгөөнд оролцохыг Тээврийн цагдаагийн албанаас анхааруулж байна.
Тодруулбал, Багануур дүүргийн хэмжээнд цас орж үзэгдэх орчин хязгаарлагдмал болсон байна. Мөн Улаанбаатар-Арвайхээр чиглэлийн улсын чанартай А0301 авто замд цас орж цасан шуурга шуурч халтиргаа гулгаа үүсэж байгаа тул иргэд жолооч та бүхэн цаг агаарын мэдээг тогтмол авч, аюулгүй байдлаа ханган зорчихыг зөвлөлөө. Түүнчлэн Дархан-Эрдэнэт чиглэлийн авто замд халтиргаа гулгаа үүссэн тул давс цацах ажил хийгдэж байгаа аж. Одоогийн байдлаар олон улсын болон улсын чанартай авто замд хаагдсан зам, даваа байхгүй байгааг мэдээллээ.

Дархан-Эрдэнэт чиглэлийн авто замд гулгаа үүссэн тул давс цацаж байна DNN.mn

Хэрэглээ бараа, үйлчилгээний үнэ өнгөрсөн сард улсын хэмжээнд 6.7 хувьд хүрснийг Үндэсний статистикийн хорооноос мэдээлэв. Энэ нь өнгөрөгч оны мөн үеийнхээс 3.4 нэгжээр буурсан, өмнөх сарынхаас 0.2 нэгжээр өссөн үзүүлэлт аж. Үүнд хүнсний бүлгийн болон импортын барааны үнэ голлон нөлөөлжээ. Хүнсний барааны бүлгийн үнэ өмнөх оны мөн үеийнхээс 7.6, хүнсний бус барааных 6.4, барааны бүлгийнх 6.2, үйлчилгээнийх 8.5 хувиар өссөн байна. Харин улсын нэгдсэн төсвийн орлого, тусламжийн хэмжээ оны эхний есөн сард өмнөх жилийн мөн үеийнхээс 28.9 хувиар өсөн, 22.8 их наяд төгрөгт хүрчээ.  Татварын орлого өнгөрөгч оны мөн үеийн үзүүлэлтээс 26.1 хувиар өсөж, 20 их наядад хүрсэн аж.
Манай улс 2024 оны 1-9 дүгээр сард 154 оронтой гадаад худалдаа хийж, бараа эргэлтийн мөнгөн дүн нь 20.4 тэрбум ам.долларт хүрчээ. Энэ хугацаанд нийт 11.8 тэрбум ам.долларын бүтээгдэхүүн экспортолж, 8.6 ам.долларын бүтээгдэхүүн импортолсноор гадаад худалдааны тэнцэл 3.2 тэрбум ам.долларын ашигтай гарсан байна.
Гуравдугаар улирлын байдлаар мөнгөний нийлүүлэлт 41.8 их наяд төгрөг болж, 2023 оны мөн үеийнхээс 25.9 хувиар өсжээ. Төгрөгийн хадгаламж есдүгээр сард 20.6 их наяд төгрөг болж өмнөх сарынхаас 415.7 тэрбум төгрөгөөр өссөн бол валютынх 53.8 тэрбумаар буурч, 4.4 их наяд болсон гэнэ.
&nbsp;
&nbsp;

Инфляцын түвшин 6.7 хувьд хүрэв DNN.mn

Хур тунадас: Ихэнх нутгаар үүлшинэ. Шөнөдөө баруун, төв, говийн аймгуудын ихэнх нутгаар, өдөртөө баруун аймгуудын нутгийн хойд болон зүүн хэсэг, төв, говь, зүүн аймгуудын ихэнх нутгаар бороо, нойтон цас, цас орно.
Салхи: Нутгийн зүүн хагаст баруун өмнөөс баруун хойш эргэж, бусад нутгаар баруун хойноос секундэд 5-10 метр, өдөртөө нутгийн зарим газраар секундэд 12-14 метр хүрч ширүүсэж, цасан шуурга шуурна.
Агаарын температур: Шөнөдөө Алтай, Хангай, Хэнтийн уулархаг нутаг, Завхан голын эх, Хүрэнбэлчир орчим, Туул, Тэрэлж, Халх голын хөндийгөөр -6&#8230;-11 градус хүйтэн, говийн бүс нутгийн өмнөд хэсгээр +1…+6 градус дулаан, бусад нутгаар -1…-6 градус хүйтэн, өдөртөө хүйтэрч Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчмоор -2…-7 градус хүйтэн, говийн бүс нутгийн өмнөд хэсэг, Дорнод-Дарьгангын тал нутгаар +7…+12 градус, бусад нутгаар -2&#8230;+3 градус дулаан байна.
УЛААНБААТАР ХОТ ОРЧМООР: Үүлшинэ. Шөнөдөө ялимгүй хур тунадас, өдөртөө хур тунадас орно. Салхи шөнөдөө зүүн өмнөөс, өдөртөө зүүн өмнөөс баруун хойш эргэж секундэд 6-11 метр, зөөлөн цасан шуурга шуурна. Шөнөдөө -2…-4 градус, өдөртөө хүйтэрч 0&#8230;-2 градус хүйтэн байна.
БАГАНУУР ОРЧМООР: Үүлшинэ. Шөнөдөө хур тунадас орохгүй, өдөртөө хур тунадас орно. Салхи шөнөдөө зүүн өмнөөс, өдөртөө зүүн өмнөөс баруун хойш эргэж секундэд 6-11 метр, зөөлөн цасан шуурга шуурна. Шөнөдөө -6…-8 градус, өдөртөө хүйтэрч -2&#8230;-4 градус хүйтэн байна.
ТЭРЭЛЖ ОРЧМООР: Үүлшинэ. Шөнөдөө хур тунадас орохгүй, өдөртөө хур тунадас орно. Салхи шөнөдөө зүүн өмнөөс, өдөртөө зүүн өмнөөс баруун хойш эргэж секундэд 6-11 метр, зөөлөн цасан шуурга шуурна. Шөнөдөө -7…-9 градус, өдөртөө хүйтэрч 0&#8230;-2 градус хүйтэн байна.

Ихэнх нутгаар цас орж, шуурна DNN.mn

Ус, цаг уур, орчны судалгаа, мэдээллийн хүрээлэнгийнхэн 2024-2025 оны өвөл, хаврын бэлчээрийн даацыг баг бүрийн нутгаар тооцоолон гаргажээ. Газрын гарц, малын тоо, бэлчээрийн талбайн хэмжээ, ашиглах хугацаа зэрэг мэдээлэлд үндэслэн уг тооцооллыг хийсэн аж. Ингэснээр нийт нутгийн 47 хувьд нь бэлчээрийн нөөц сайн байгааг тогтоожээ. Энэ жил зуншлага сайн болсон аймаг, сумуудын нутаг дэвсгэр үүнд хамрагдсан байна. Мөн 20 хувьд нь бэлчээрийн нөөц дундаж түвшинд байгаа гэнэ. Харин үлдсэн хувьд нь бэлчээрийн даац их, бага хэмжээгээр хэтэрсэн гэх дүн гарчээ.
Ялангуяа Баян-Өлгийн Сагсай, Увсын Завхан, Ховдын Мөст, Мянгад, Буянт, Говь-Алтайн Алтай, Баянхонгорын Галуут, Баянговь, Баянлиг, Хөвсгөлийн Төмөрбулаг, Цагаан-Уул, Өвөрхангайн Нарийнтээл, Уянга, Гучин-Ус сумд бэлчээрийн даац олон дахин хэтэрсэн тул өвөлжилт, хаваржилт хүндрэх эрсдэлтэйг тус хүрээлэнгийнхэн анхааруулсан байна. Иймд бэлчээрийн даац хэтэрсэн аймаг, сумуудын нутагт өвс, нэмэгдэл тэжээл нөөцлөх, отор нүүдэл хийх, малаа борлуулах, тоог бууруулах зэрэг арга хэмжээг эртнээс хэрэгжүүлэхийг зөвлөжээ.
<h1></h1>

Нийт нутгийн 47 хувь нь бэлчээрийн нөөц сайтай DNN.mn

Хүйтний улирал эхэлж байгаатай холбоотой иргэд тэр дундаа бага насны хүүхдүүдийн дунд ханиад томуугийн өвчлөл нэмэгдэж байна. Тэгвэл “Интермед”, “Гурван гал”, “Үрхэн” эмнэлгүүд дээр томуугийн вакцинжуулалт өдөр бүр хийгдэж  байгаа юм байна. Тус вакцин нь ДЭМБ-ын урьдчилан баталгаажуулалтад орсон буюу тусгай гэрчилгээтэй, Солонгос Улсын “Green Cross” компанийн вакцин бөгөөд нэг хүн тунд зориулагдсан савлагаатай гэдгээрээ давуу талтай. Мөн гурван сараас дээш насны хүүхдүүд болон бүх насныхан хамрагдах боломжтой.  Вакцин хийлгэснээр 98 хувийн дархлаа тогтох бөгөөд ханиад томуу хүрсэн ч хатгалгаа болж хүндрэхээс сэргийлдэг нь тогтоогджээ.  Үнийн хувьд нэг хүнд 65 мянган төгрөгөөр хийгдэж байна.  Эмнэлэгт хэвтэж эмчлүүлэхэд дундаж зардал нь 300 мянган төгрөг байдаг тухай мэдээлэл байсан.  Тэгэхээр урьдчилан сэргийлж эрүүл мэндээ хамгаалах мөн санхүүгийн хувьд ч хэмнэлттэй зэрэг олон давуу талтай талаар мэргэжлийн байгууллагаас мэдээлж байна. Заавал бага насны хүүхэд гэлтгүй үйлчилгээний байгууллагын ажилчид, жирэмсэн, хөхүүл эхчүүд хамрагдах шаардлагатай зорилтот бүлэг гэж ДЭМБ-аас тодорхойлсон байдаг.  Албан байгууллагууд ч гэсэн нийгмийн хариуцлагынхаа хүрээнд ажилчдаа урьдчилан сэргийлэх вакцинжуулалтад хамруулахыг  уриалж байна.
Эх сурвалж:www.polit.mn

Хайх