<div>
<p class="">Хангайн нурууны араас усжих Орхон, Идэр, Урдтамир, Хойдтамир болон Хангайн нурууны өврөөс эхтэй Байдраг, Түйн, Таац, Онги зэрэг голын усны түвшин өмнөх өдрөөс 20-120 см-ээр өссөн байна. Ихэнх гол, мөрөн олон жилийн дундаж түвшинг 5-60 см давчээ. Тодруулбал, Орхон, Хөгшин орхон гол Хархорин сум, Байдраг гол Баянбүрд орчим үерийн түвшинг 5-10 см даван үерлэжээ. Мөн Орхон гол Бат-Өлзий сум, Таац гол Нарийнтээл сум орчимд үерийн аюултай түвшинг 1-5 см даван үерлэж, олон жилийн дунджаас өндөр гарлаа. Иймээс иргэдийг орон нутагт аялахдаа үер, усны аюулаас болгоомжтой байхыг анхааруулж байна.</p>
</div>
<div>
<p class="">Цагдаагийн байгууллагаас иргэд, олон нийтийн аюулгүй байдлыг хангах, үер, гол усны ослоос урьдчилан сэргийлэх ажлыг улсын хэмжээнд эрчимжүүлэн ажиллаж байна.</p>
</div>
<div>
<p class="">Гол, усны осол нь иргэдийн анхаарал, болгоомжгүй үйлдлээс их болж байгааг анхааруулж байна. Мөн бага насны хүүхдийг хараа, хяналтгүй орхисон зэрэг нийтлэг шалтгаанаас үүдэж байгаа тул иргэд сонор, сэрэмжээ дээшлүүлэхийг цагдаагийн байгууллагааас сэрэмжлүүлсээр байна. Наадмын баярын амралт эхэлсэн энэ үед бага насны хүүхдийг хараа хяналтгүй голын эрэг дагуу тоглуулахгүй, зориулалтын бус хийлдэг завь ашиглахгүй байх, мэргэжлийн байгууллагаас өгч байгаа заавар, зөвлөмжийг дагаж мөрдөхийг албаныхан анхааруулж, байнгын хяналт шалгалтыг хийж байна.</p>
</div>
<div>
<p class="">Энэ оны эхний долоон сарын байдлаар 37 хүн гол усанд эндсэний 10 нь насанд хүрээгүй хүүхэд амиа алдсан харамсалтай тохиолдол бүртгэгдлээ. Харин 2024 онд улсын хэмжээнд 102 хүн гол усанд живж амиа алдсаны 17 нь насанд хүрээгүй хүүхэд байжээ.</p>
</div>


Гол мөрний дийлэнх олон жилийн дундаж түвшинг 5-60 см давжээ

<p style="padding-left: 40px; text-align: center;">Эрдэнэс<em> Монгол&#8221; компанийн ТУЗ хуралдаж Багануур ХК-нийг энэ оны эхний хагас жилд ашиггүй ажилласан гэх үндэслэлээр тус компанийн гүйцэтгэх захирал Д.Түвшинжаргалыг үүрэгт ажлаас нь чөлөөлснийг ажилчдад нь эсэргүүцэж  &#8220;Эрдэнэс Монгол&#8221; компанийн захирал С.Наранцогтод шаардлага хүргүүлэв. </em></p>
<hr />
<p>&#8220;Эрдэнэс Монгол&#8221; компаниас энэ сарын 8,9-ний өдрүүдэд яаралтай горимоор ТУЗ-ийн хурал зарлаж Багануур ХК-нийн гүйцэтгэх захирал Д.Түвшинжаргалыг үүрэгт ажлаас нь чөлөөлсөн байна. Тодруулбал,  &#8220;Эрдэнэс Монгол&#8221; компанийн зүгээс Багануур ХК-ний энэ оны хагас жилийн тайланг хэлэлцэнэ гэх нэрээр ТУЗ -ийг цахимаар хуралдуулж  Гүйцэтгэх захирлын үүрэг гүйцэтгэгч Д.Түвшинжаргалыг үүрэгт ажлаас нь чөлөөлж шинээр Т.Отгонболд гэх хүнийг гүйцэтгэх захиралаар томилсон байна. Багануур ХК-ний ажилчдын хувьд тус томилгоо нь хууль бус, 2025 оны эхний хагас жилийн тайланг авч хэлэлцэж дүгнэлт өгөх зорилготой биш харин гүйцэтгэх захирлын үүрэг гүйцэтгэгч Д.Түвшинжаргалыг чөлөөлж оронд нь өөрсдийн хүнийг тавих зорилготой гэж  үзэж байгаа аж. Тиймээс “Багануур” ХК-ийн уурхайчин хамт олон &#8220;Эрдэнэс Монгол&#8221;-ын захирал С.Наранцогт болон ТУЗ-ийн гишүүдэд  дараах шаардлагын хүргүүлэв.</p>
<p>“Эрдэнэс Монгол” ХХК-ийн ТУЗ-ийн 2023 оны 97 дугаар тогтоолоор батлагдсан “Гүйцэтгэх удирдлагын үйл ажиллагааны журам”-ийн 3, 6, 8 дугаар зүйлийн холбогдох заалт, “Багануур” ХК-ийн Төлөөлөн удирдах зөвлөлийн 2019 оны 14 дүгээр тогтоолоор батлагдсан “Төлөөлөн Удирдах зөвлөлийн үйл ажиллагааны болон хороодын журам”-ийн 2.15, 2.17 дахь заалтыг тус тус зөрчин компанид тогтворгүй байдал үүсгэж, хууль бус шийдвэр гаргах замаар Үндэсний их баяр наадамтай зэрэгцүүлэн Гүйцэтгэх захирлын үүрэг гүйцэтгэгчийг чөлөөлж шинээр гүйцэтгэх захирлыг томилж байгааг хүлээн зөвшөөрөхгүй болохоо илэрхийлж “Багануур” ХК-ийн Төлөөлөн  удирдах Зөвлөлийн 2025 оны долдугаар сарын 8, 9-ний өдрийн 12, 13 дугаартай тогтоолуудыг хүчингүй болгохыг шаардаж байна&#8221;гэжээ.</p>
<p>Төлөөлөн Удирдах Зөвлөлийн дээрх хууль бус шийдвэрийг цуцалж, хүчингүй болгох хүртэл хугацаанд “Багануур” ХК-ийн уурхайчин хамт олон  үйлдвэрлэлийн үндсэн үйл ажиллагаагаа таслалдуулахгүйгээр эсэргүүцлийн тайван жагсаал, цуглаанаас эхлээд ажил хаялт хүртэл бүхий л арга хэмжээг авах болно гэдгээ үүгээр мэдэгдэж байна&#8221; гэв.</p>
<blockquote><p>Тус шаардлагад Багануур ХК-нийн 1200 ажилтнаас 800 гаруй ажилтан гарын үсгээ зуржээ.</p></blockquote>
<p>Багануур ХК 2025 оны эхний хагас жилийн байдлаар 12,115.2 мян.м3 хөрс хуулан төлөвлөгөөг 113 хувь, 2,374.3 мян.тн нүүрс олборлон 95.8 хувь, 2,397.3 мян.тн нүүрс борлуулан 96.7 хувийн төлөвлөгөөний биелэлттэй ажилласан байна.</p>
<blockquote><p>Багануур ХК энэ оны эхний хагас жилд 1.8 тэрбум орчим төгрөгийн цэвэр ашигтай ажиллажээ.</p></blockquote>
<p>Д.Түвшинжаргал 2018-2019 онд Багануур ХК-ийн төлөөлөгч, 2019-2022 онд Тэргүүн дэд захирал, 2022 оны тавдугаар сараас Гүйцэтгэх захирлын үүрэг гүйцэтгэгчээр ажиллажээ.</p>


Багануур ХК-нийн ажилчид “Эрдэнэс Монгол”-ын хууль бус томилгоог эсэргүүцэв

<p>УИХ-ын 126 гишүүнтэй шинэ парламентын ес дэх бүрэн эрх хэрэгжиж эхэлсэн нэг жилийн хугацаанд нийт 144 хууль, 146 тогтоол баталсан.</p>
<p>Үүнээс 2025 оны хаврын ээлжит чуулганы хугацаанд 66 хууль, 59 тогтоол хэлэлцэн баталж  долдугаар сарын 09-нд өндөрлөсөн. Түүнчлэн өмнө нь УИХ-ын намрын чуулганыг аравдугаар сарын 01-нд нээдэг байсан бол намрын ээлжит чуулган эхлэх хугацааг наашлуулж, есдүгээр сарын 15-ны өдрөөс эхлүүлж, төсөв хэлэлцэх хэлэлцүүлгийн үе шатыг шинээр нэмж дөрөв байсныг таван үе шаттай болгосон юм.</p>
<p class="has-background has-cyan-bluish-gray-background-color">Ингээд Монгол Улсын Их Хурлын 2025 оны намрын ээлжит чуулганаар  хэлэлцэх хэлэлцэхээр төлөвлөн хууль тогтоомжийн төслүүдийг дор танилцуулж байна.</p>
<ol>
<li>Монгол Улсын 2026 оны төсвийн тухай, Нийгмийн даатгалын сангийн 2026 оны төсвийн тухай, Эрүүл мэндийн даатгалын сангийн 2026 оны төсвийн тухай, Үндэсний баялгийн сангийн 2026 оны төсвийн тухай болон холбогдох бусад хууль, тогтоолын төсөл;</li>
<li>“Монгол Улсын Эрдэнэсийн сангийн үндсэн болон гүйлгээ сангийн орлого, зарлагын 2025 оны гүйцэтгэл, 2026 оны төсвийн тухай” Монгол Улсын Их Хурлын тогтоолын төсөл;</li>
<li>“Төрөөс мөнгөний бодлогын талаар 2026 онд баримтлах Үндсэн чиглэл батлах тухай” Монгол Улсын Их Хурлын тогтоолын төсөл;</li>
<li>Хүний эрх, эрх чөлөөг хангахтай холбоотой зарим хуульд нэмэлт, өөрчлөлт оруулах тухай хуулийн төсөл;</li>
<li>Хэвлэл мэдээллийн эрх чөлөөний тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд;</li>
<li>Жагсаал, цуглаан хийх эрх чөлөөний тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд;</li>
<li>Зээлийн хэлэлцээр соёрхон батлах тухай хууль хүчингүй болсонд тооцох тухай хуулийн төсөл;</li>
<li>Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүд;</li>
<li>Ажиллах хүчний шилжилт хөдөлгөөний тухай хуульд нэмэлт, өөрчлөлт оруулах тухай хуулийн төсөл;</li>
<li>Малын индексжүүлсэн даатгалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл;</li>
<li>“Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай&#8221; Монгол Улсын Их Хурлын тогтоолын төсөл;</li>
<li>Эрүүгийн хуульд өөрчлөлт оруулах тухай хуулийн төсөл;</li>
<li>Стандартчилал, техникийн зохицуулалт, тохирлын үнэлгээний итгэмжлэлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд;</li>
<li>“Төрөөс төмөр замын талаар баримтлах бодлого”-ын хэрэгжилтийг хангах зарим арга хэмжээний тухай” Монгол Улсын Их Хурлын тогтоолын төсөл;</li>
<li>Нийтийн өмчийн хууль /Шинэчилсэн найруулга/-ийн төсөл болон хамт өргөн мэдүүлсэн хууль, тогтоолын төслүүд;</li>
<li>Эрхтэн, эд, эс шилжүүлэн суулгах тухай хуулийн төсөл болон хамт өргөн мэдүүлсэн хуулийн төслүүд;</li>
<li>Цусны донорын тухай хуулийн төсөл болон хамт өргөн мэдүүлсэн хуулийн төслүүд;</li>
<li>Цагдаагийн албаны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд;</li>
<li>Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл;</li>
<li>Эрүүгийн хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд;</li>
<li>Төлбөрийн чадваргүйдлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд;</li>
<li>Шүүхийн шийдвэр гүйцэтгэх байгууллагын тогтолцоо, шийдвэр гүйцэтгэгчийн эрх зүйн байдлын тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд;</li>
<li>Арилжааны хуулийн төсөл болон хамт өргөн мэдүүлсэн хуулийн төслүүд;</li>
<li>Нийтийн албан тушаалтны хууль бус хөрөнгийг иргэний журмаар нэхэмжлэх, нөхөн төлүүлэх тухай хуулийн төсөл болон хамт өргөн мэдүүлсэн хуулийн төслүүд;</li>
<li>Байгаль орчинд нөлөөлөх байдлын үнэлгээний тухай хуульд нэмэлт, өөрчлөлт оруулах тухай хуулийн төсөл;</li>
<li>Нэмэгдсэн өртгийн албан татварын тухай хуульд өөрчлөлт оруулах тухай хуулийн төсөл;</li>
<li>Онцгой албан татварын тухай хуульд нэмэлт, өөрчлөлт оруулах тухай хуулийн төсөл;</li>
<li>Хүнсний тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд;</li>
<li>Хөдөө аж ахуйн тухай хуулийн төсөл болон хамт өргөн мэдүүлсэн хуулийн төслүүд;</li>
<li>Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хуулийн төсөл;</li>
<li>Хүнсний бүтээгдэхүүний аюулгүй байдлыг хангах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль,тогтоолын төслүүд;</li>
<li>Шинжлэх ухаан, технологийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулиин төслүүд;</li>
<li>Боловсролын ерөнхий хуульд нэмэлт, өөрчлөлт оруулах тухай хуулийн төсөл;</li>
<li>Монгол Улсын Их Хурлын тухай хуульд нэмэлт оруулах тухай хуулийн төсөл;</li>
<li>Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төсөл;</li>
<li>Замын  хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн  төслүүд;</li>
<li>Түгээмэл тархацтай ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн  төсөл;</li>
<li>“Монгол Улсын Их Хурлын 2026 оны хаврын ээлжит чуулганы хугацаанд хийх төлөвлөгөөт хяналт шалгалтын цаглавар батлах тухай” Монгол Улсын Их Хурлын тогтоолын төсөл;</li>
<li>“Монгол Улсын Их Хурлын 2026 оны хаврын ээлжит чуулганаар хэлэлцэх асуудлын тухай”  Монгол Улсын Их Хурлын тогтоолын төсөл.</li>
</ol>


УИХ-ын 2025 оны намрын ээлжит чуулганаар хэлэлцэх хуулийн төслүүд

<div class="post-content">
<div>
<p class="">Ой, хээрийн түймрийн нөхцөл байдлын талаар өнөөдөр Онцгой байдлын ерөнхий газраас мэдээлэл өглөө. Баяр наадмын амралтын өдрүүдэд Дорнод, Баян-Өлгий, Булган, Сэлэнгэ аймагт нийт 11 удаагийн ой, хээрийн түймэр бүртгэгдснээс тавыг нь бүрэн унтраажээ. <span>Онцгой байдлын алба хаагчид одоогоор Сэлэнгэ аймагт гарсан хоёр түймрийг цурманд оруулж, дөрвөн түймрийг унтраахаар ажиллаж байна. </span><span>Обьектын гал түймрийн осол 45 удаагийн тохиолдол бүртгэгдсэнээс нэг иргэн амиа алджээ.</span></p>
</div>
<div>
<p class=""><b>ОБЕГ-ын Гал түймэртэй тэмцэх газрын хэлтсийн дарга, дэд хурандаа П.Соронзонболд: </b>Сэлэнгэ аймгийн Түшиг сумын “Хар горхи”, Ерөө сумын &#8220;Агуйт&#8221;-д гарсан ой хээрийн хоёр түймрийг цурамд оруулсан, мөн аймгийн Хүдэр сумын “Шоргоолжны хүдэртийн хэц&#8221;, “Шоргоолжийн-Өндөр”, “Янгаахай”, Ерөө сумын &#8220;Шарлангийн эхийн баруун&#8221; гэдэг газар гарсан түймрийг унтраахаар ажиллаж байна. Онцгой байдлын байгууллага,орон нутгийн мэргэжлийн ангийн нийт 93 хүн, 12 автомашинтай албан хаагчид дайчлагдсан. Мөн ОБЕГ-ын харьяа Агаараас эрэн хайх, аврах 111 дүгээр ангийн нисдэг тэргээр Сэлэнгэ, Дархан-Уул аймгийн Онцгой байдлын газрын нийт 40 алба хаагчийг Ерөө, Мандал суманд гарсан ойн түймрийн голомтод хүргэх ажлыг зохион байгуулж байна.</p>
</div>
</div>
<div class="mt-5 mb-4"></div>


ОБЕГ-ын алба хаагчид түймрийн голомтод ажиллаж байна

<div>
<p class="">БНХАУ-ын Шэнжэнд зохиогдож буй Азийн эмэгтэйчүүдийн цомын аварга шалгаруулах &#8220;FIBA Women&#8217;s Asia Cup 2025&#8221; тэмцээнд манай улсын сагсан бөмбөгийн эмэгтэйчүүдийн шигшээ баг хэсгээсээ шалгарсан билээ. Тэд B хэсгийн эхний тоглолтоо Тайландын багтай хийж 81:74-өөр хожсон юм. Харин удаах тоглолтоо Ираны шигшээ багтай хийж хожигдсон боловч энэ хэсгийн сүүлийн тоглолтод Күүкийн арлуудын багийг 82:55-аар хожиж дараагийн шатанд шалгарч чадав.</p>
<p><img decoding="async" src="https://cdn.yld.mn/f539fa80-c6cc-450b-9c9d-08d27a674321-article-731427df-4acb-4290-9465-0b19ee380b6e-660x0.jpeg" /></p>
</div>
<div>
<div>
<div class="lg-react-element post-images-container columns-1 gap-none">
<div>
<p class="">Тус тоглолтод шинэхэн гавьяат тамирчин Б.Ариунцэцэг 25 оноо, арван самбар, гавьяат тамирчин О.Хулан 18 оноо, гурван самбар, гавьяат тамирчин Н.Нандинхүсэл 16 оноо, зургаан дамжуулалт, Б.Болор-Эрдэнэ 10 оноо, долоон самбар авсан амжилтыг үзүүллээ.</p>
</div>
<div>
<p class=""><span>Тэд өнөөдөр Казахстаны шигшээтэй багтай тоглоно. Монгол, Казахстаны аль ялсан нь хагас шигшээд Тайванийн багтай тоглох юм.</span></p>
</div>
</div>
</div>
</div>


Эмэгтэйчүүдийн шигшээ багийн тамирчид өнөөдөр Казахстаны багтай тоглоно

<div>
<p class="">Монгол улсад Авто тээврийн салбар үүсэж хөгжсөний түүхт 100 жилийн ойн баяр наадмын арга хэмжээ өнөөдөр эхэллээ. Сүхбаатарын талбайд ховор хуучны автомашины үзэсгэлэнг дэлгэлээ. <span>Зам тээвэр, аж үйлдвэр, газар тариалангийн бүтээн байгуулалтыг эхлүүлэхэд ашиглаж байсан хуучны автомашин, техник хэрэгслийг олонд үзүүлж, баярын арга хэмжээг эхлүүллээ.</span></p>
</div>
<div>
<p class="">Эх орныхоо хөгжил дэвшилтэд үнэтэй хувь нэмэр оруулж байсан дахин давтагдашгүй загвар хийцтэй автомашиныг олон түмэнд үзүүлж байна. Мөн нийтийн тээвэрт явж байсан автобусыг бэлджээ. Түүх өгүүлсэн энэ үзэсгэлэн автотээврийн салбарын 100 жилийн түүхийн нэгэн онцгой гэрч болон үлдлээ.</p>
</div>
<div>
<p class="">Монгол Улсад Автотээврийн салбар үүсч хөгжсөний 100 жилийн ойн баярын хурал өнөөдөр Төрийн ордны “Их Монгол” танхим болно. Мөн баярын арга хэмжээний наадам маргааш Хүй долоо худагт хүчит бөхийн барилдаан, сурын харваа, наадмын хаалтын шоу тоглолтоор үргэлжилнэ.</p>
</div>
<div>
<div>
<div class="lg-react-element post-images-container columns-1 gap-none"></div>
</div>
</div>


Хуучны автомашины үзэсгэлэнг Сүхбаатарын талбайд дэлгэлээ

<p>Энэ онд нийслэлийн хэмжээнд 36 байршилд 74 км авто замыг засаж, шинэчлэх ажлын хүрээнд зарим байршилд хийгдэж дууссан авто замын мэдээллээс хүргэж байна.</p>
<p>Тодруулбал,</p>
<ul>
<li>Жанжин клубын авто замын хэсэгчилсэн засвар шинэчлэлт (Цагдаагийн академийн өргөн чөлөөнөөс нүхэн гарцын уулзвар)-ийн ажил дууссан. Тэмдэг, тэмдэглэгээ хийж зорчих хэсгийн хөдөлгөөнийг нээж, замыг хэвийн ашиглалтад шилжүүлсэн.</li>
<li>Шархадны авто замын хэсэгчилсэн засвар шинэчлэлт (Эрдэнэтолгойн уулзвараас Шархадны эцэс хүртэл)-ийн ажил дууссан тэмдэг, тэмдэглэгээ хийж зорчих хэсгийн хөдөлгөөнийг нээж, замыг хэвийн ашиглалтад шилжүүлсэн.</li>
<li>Денверийн гудамжны засвар шинэчлэлт (Энхтайваны өргөн чөлөөнөөс Сэлбэ голын баруун эргээр Их тойруу хүртэл)-ийн ажил дууссан.</li>
<li>Энхтайваны өргөн чөлөөний авто замын хэсэгчилсэн засвар шинэчлэлт (25 дугаар эмийн сангийн уулзвараас Саппорогийн уулзвар)-ийн ажил дууссан, 0.400 км авто замын өнгө, суурь хучилт хийсэн. Үлдэгдэл 1.250 км авто замын хучилтын ажлыг долоодугаар сарын 21-30-ны хооронд хийж гүйцэтгэнэ.</li>
<li>Парисийн гудамжны авто замын хэсэгчилсэн засвар шинэчлэлт (Энхтайваны өргөн чөлөөнөөс Нарны зам хүртэл)-ийн ажил дуусаж, явган замын нөхөн сэргээлт хийгдэж байна.</li>
<li>Лааганы гудамжны авто зам (Их тойруугийн авто замаас Самбуугийн гудамж хүртэл) -ын хучилтын ажил дуусаад байна.</li>
</ul>


Энэ онд нийслэлийн хэмжээнд 36 байршилд авто замыг засаж, шинэчилнэ

<p>Зуны дэлгэр цаг ирж, гэр бүлээрээ аялал, зугаалгаар явах нь нэмэгдэж байна. Харин бага насны хүүхдүүд улаанбурханд өртөх эрсдэлтэй хэвээр байгаа тул эцэг эхчүүд бид вакциныг хугацаанд нь хийлгэх нь нэн чухал юм. Сүүлийн жилүүдэд сошиал орчинд вакцины талаарх ташаа мэдээлэл, хардалт, төөрөгдлөөс үүдэн зарим эцэг эх хүүхдээ вакцинд хамруулахгүй байх хандлага нэмэгдэж байна.</p>
<p>Тэр бүү хэл, шинжлэх ухааны үндэслэлгүй, нотолгоогүй мэдээлэл түгээгч вакцин эсэргүүцэгчдийн нэгдсэн групп хүртэл сошиал орчинд идэвхтэй байна. Тэнд ямар мэдээллүүд хөвөрдөг вэ гэвэл “Вакцин бол эмч нарын бизнес”, “Төрийн шахалт”, “Хятадын бид нарыг устгах бодлого”, “Вакцин бол хор”, “Вакцин хийлгэснээр өвчин тусдаг”, “Эмч нар өөрсдийнхөө үр хүүхэд, ач, зээд вакцин хийлгэдэггүй гэж олон хүнээс сонссон” гэх мэт олон нийтийн ойлголтод эргэлзээ төрүүлэхүйц, ямар ч үндэслэлгүй, хувь хүний үзэл бодолд тулгуурласан мэдээллүүдийг хоорондоо хуваалцдаг.</p>
<p>Яг ингэж вакцин эсэргүүцэгчдээс асуумаар байна. Та өвдөхдөө хаана хандаж, хэнд үзүүлдэг вэ? Эмчид ханддаг бол, эмчилгээ хийлгэдэг бол та шинжлэх ухаанд итгэж л байгаа хэрэг. Учир нь өнөөдөр бидний хэрэглэж буй эм, эмчилгээ, оношилгоо, урьдчилан сэргийлэлт гээд энэ бүхэн шинжлэх ухаанд үндэслэж бий болсон зүйлс. Тиймээс нийгмийн хариуцлагын хүрээнд хүүхдэдээ улаанбурханы вакциныг хийлгэж, тэдний амьд явах эрхийг хамгаалаарай.</p>
<p style="text-align: right;">Д.Баттогтох</p>
<p>&nbsp;</p>


Хайх