Хачгийн улирал эхэлснээс хойш хачигт хазуулсан гэх өгүүлэмжтэй 44 хүн ХӨСҮТ-д ханджээ.
Хаврын улиралд буюу гуравдугаар сарын сүүлээс хачигт халдварын өвчлөл нэмэгддэг. Өнгөрсөн 2003-2024 онд хачигт халдварын нийт 3080 тохиолдол бүртгэгдэж байжээ. Харин 2025 оны гуравдугаар сарын 16-наас буюу хачгийн улирал эхэлснээс хойш хачигт хазуулсан гэх өгүүлэмжтэй 44 хүн ХӨСҮТ-д ханджээ. Улмаар ХӨСҮТ-ийн нэгдүгээр тасагт хачигт риккетсиоз оношоор таван хүн хэвтэн эмчлүүлж байгаа аж. Эдгээр хүмүүс Төв, Завхан аймаг, Багануур дүүрэгт хачигт хазуулсан гэх өгүүлэмжтэй байна.
Хачигт хазуулсан тохиолдолд халуурах, толбон гөвдрүүт тууралт гарах, хазуулсан хэсэг хавдаж улайх, нүдний салст улайх зэрэг зовуурь илэрдэг. Иймээс агаар салхинд гарч, аялж зугаалахдаа малгай, тод өнгийн битүү хувцас өмсөж, 1-2 цаг тутамд өөрийнхөө болон хамт яваа хүмүүсийнхээ хувцсанд хачиг наалдсан эсэхийг сайтар шалгаж, хачигт хазуулахаас сэргийлээрэй.

ХӨСҮТ: Хачигт хазуулсан таван хүн хэвтэн эмчлүүлж байна

Олон нийтийн сүлжээнд идэвхтэй оролцдог улсын харцага Ганзоригийн Ганхуягийг өнгөрсөн амралтын өдөр Тагнуулын Ерөнхий газар болон Цагдаагийн Ерөнхий газраас хамтран хойшлуулшгүйгээр цагдан хорьсон байна. Эх сурвалжуудын мэдээлж байгаагаар түүнийг фэйсбүүк буюу нийгмийн сүлжээнд бусдын амь насанд заналхийлсэн өнгө аястай пост оруулсан гэж үзэн буруутган ийнхүү баривчилсан аж.
Тэрээр өнгөрсөн баасан гаригт өөрийн фэйсбүүк цахим хуудаснаа “Би хорт хавдар тусаад удахгүй үхнэ гэсэн онош авбал хандив цуглуулж гоншигнохгүй. Бүтээж босгосон амьдралаа зарж эмчлүүлэхгүй. Донор хайж хэн нэг ядарсан хүний наслах наснаас хулгайлахгүй. Үхэлтэй нүүр тулаад олны хандиваар арайхийж амьд үлдсэн хүмүүс сүнсээ худалдчихаад ирсэн байдгийг Учрал, Тэгшбаяр жишээ дээр нүдээрээ харлаа. Хэнд ч хэлэхгүй нууц төлөвлөгөө боловсруулж байгаад эх орноо зарсан. Эх орноосоо урвасан, уран сурталчилсан, ураны хуулийг батлалцсан хэдэн мөнгөний боолуудыг амжиж хороочихоод бахархалтайгаар инээж үхнэ” гэжээ.
Г.Ганхуягийг цагдаагийн байгууллага 48 цагийн хугацаанд баривчилж, асуудлыг шалгах талаар мэдээллээ. Эрүүгийн хуулийн 13.5 дугаар зүйл буюу заналхийлэх заалт байдаг. Уг хуулиар “Бусдыг заналхийлсэн, эсхүл эрх, хууль ёсны ашиг сонирхолд нь хохирол учруулж болохуйц баримт, мэдээлэл тараахаар сүрдүүлсэн бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэлх хугацаагаар нийтэд тустай ажил хийлгэх, эсхүл нэг сараас зургаан сар хүртэлх хугацаагаар зорчих эрхийг хязгаарлах ял шийтгэнэ” гэж заажээ.
ЗГХЭГ-ЫН ДАРГА Н.УЧРАЛ: БИ ОГТ ИЙМ ГОМДОЛ ГАРГААГҮЙ, БАРИВЧЛАГДСАНЫГ Ч МЭДЭЭГҮЙ БАЙНА
Улсын харцага Г.Ганхуяг дээрх постондоо ЗГХЭГ-ын дарга Н.Учрал болон Физикийн ухааны доктор Н.Тэгшбаяр нарын нэрийг онцлон хэлсэн. Өөрөөр хэлбэл, энэ хоёр хүнийг “хороочихоод өөрөө үхнэ” гэх агуулгаар цахим сүлжээндээ сэтгэгдлээ үлдээсэн байсан. Үүнээс шалтгаалаад цахим сайт, зарим хэвлэлээр “Босоо хөх Монгол”-ын Г.Ганхуягийн дээрх асуудлаар Засгийн газрын хэрэг эрхлэх газрын дарга, УИХ-ын гишүүн Н.Учрал цагдаагийн байгууллагад түүний эсрэг гомдол гаргасан талаар мэдээлж байна. Энэ талаар ЗГХЭГ-ын дарга Н.Учралаас бид тодрууллаа.
Тэрээр “Би гомдол гаргаагүй шүү. Огт тийм гомдол гаргаагүй. Надад тэр хүнийг баривчлагдсан талаар мэдээлэл ч алга байна” гэдэг тайлбарыг өгсөн юм. Харин Физикийн ухааны доктор Норовын Тэгшбаяраас уг асуудлаар тодуурлах гэсэн боловч тэрээр гадаад улсад албан ажлаар явж байгаа тул холбогдож чадсангүй.
<img loading="lazy" decoding="async" class="alignnone size-medium wp-image-641914" src="https://admin.dnn.mn/wp/wp-content/uploads/2025/04/f5a15809-3c9f-4299-a32a-81abdb5154d5-374x420.jpg" alt="" width="374" height="420" srcset="https://admin.dnn.mn/wp/wp-content/uploads/2025/04/f5a15809-3c9f-4299-a32a-81abdb5154d5-374x420.jpg 374w, https://admin.dnn.mn/wp/wp-content/uploads/2025/04/f5a15809-3c9f-4299-a32a-81abdb5154d5.jpg 556w" sizes="auto, (max-width: 374px) 100vw, 374px" />
Э.ТҮВШИН

Улсын харцага Г.Ганхуягийг саатуулжээ

Өнгөрсөн долоо хоногт Хотын дарга Х.Нямбаатарын захирамжийн дагуу зөвшөөрөлгүй ТҮЦ-үүдийг албадан буулгах ажлыг зохион байгуулсан.
ТҮЦ-ийг нүүлгэж, орчныг чөлөөлөх эсэх талаар иргэдээс санал асуулга дөрөвдүгээр сарын 10-17-ны өдрүүдийг дуустал буюу долоо хоног үргэлжлэх бөгөөд өнөөдрийн /2025.04.14/ байдлаар нийт 2759 иргэн санал өгчээ. Үүний 84 хувь ТҮЦ-ийг нүүлгэхийг дэмжсэн санал өгсөн байна.

ТҮЦ-ийг буулгахыг санал өгсөн иргэдийн 84 хувь нь дэмжжээ

Цаг уурын байгууллагаас дөрөвдүгээр сарын 10-ны өдөр гаргасан мэдээгээр бэлчээрийн ургамлын ургалтын байдал дөрөвдүгээр сарын 10-ны байдлаар нийт нутгийн 80 орчим хувьд цухуйгаагүй.
Ховд, Завхан, Өмнөговь, Дундговийн зарим, Баян-Өлгий, Увс, Ховд, Говь-Алтай, Баянхонгор, Архангай, Өвөрхангай, Төв, Дорноговийн ганц нэг сумдын нутгаар муу буюу ургамал цухуйсан боловч мал бэлчээх боломжгүй.
Булган, Сэлэнгийн ихэнх, Ховд, Говь-Алтай, Төв, Өмнөговийн цөөн сумдын нутгаар дунд, Дархан-Уул, Өмнөговь, Дорнодын зарим, Хөвсгөл, Булган, Төвийн ганц нэг сумдын нутгаар хэвийн байна.
Салхины хурд тал хээр болон говийн нутгаар түр зуур 16-27 м/с буюу аюултай үзэгдлийн, Баян-Өлгийн Өлгийд 28 м/с, Говь-Алтайн Эрдэнэд 36 м/с буюу онц аюултай үзэгдлийн хэмжээнд хүрч салхилсан байна.

Бэлчээрийн ургамал нийт нутгийн 80 орчим хувьд цухуйгаагүй байна

Цагдаагийн байгууллагаас өнгөрсөн долоо хоногт (2025.04.07-оос 04 дүгээр сарын 13-ны өдрүүдэд) 48,378 хэрэгт мөрдөн шалгах ажиллагаа явуулж, шүүхэд шилжүүлэх саналтай прокурорын байгууллагад 299 хэргийг хүргүүлсэн байна.
Шалгаж байгаа хэргийн талаар:
Иргэн “Б” нь фэйсбүүкт “Онлайн ажил байна” гэх зар мэдээлэл байршуулж, зарын дагуу холбогдсон иргэдээс урьдчилгаа мөнгө болох 5000-15000 төгрөгийг шилжүүлсэн тохиолдолд ажилд оруулна гэх нэрийдлээр иргэдийг залилжээ.
Олон удаагийн үйлдлээр банкны харилцах дансаар мөнгө шилжүүлэн авсан гэх хэрэгт мөрдөн шалгах ажиллагааг явуулж байна. 
Шалгалтын хүрээнд иргэн “Б” бусдыг хуурч мэхлэн нийт 62 удаагийн үйлдлээр иргэдийн эд хөрөнгийг залилсан үйлдэлд Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар эрүүгийн хэрэг үүсгэж, яллагдагчаар татан мөрдөн шалгах ажиллагааг явуулж байгаа аж.

Цахим ажлын зараар 5-15 мянган төгрөгийн урьдчилгаа авч бусдыг залилжээ

Өнөөдөр буюу 2025 оны 4 дүгээр сарын 14-ны байдлаар нийт улаанбурхан өвчний лабораториор батлагдсан 516, эмнэлэгт хэвтэн эмчлүүлж байгаа 128, гэрээр 12, эдгэрсэн 376, сэжигтэй тохиолдол 35, Хавьтал 10503 байгаа аж.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.
Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе.
<img decoding="async" class="graf-image" src="https://cdn-images-1.medium.com/max/800/1*-kMKNNssc37tuOr6T5_5Hw.jpeg" data-image-id="1*-kMKNNssc37tuOr6T5_5Hw.jpeg" data-width="1280" data-height="1129" data-delayed-src="https://cdn-images-1.medium.com/max/800/1*-kMKNNssc37tuOr6T5_5Hw.jpeg" />

ХӨСҮТ: Улаанбурханаар өвчилсөн 128 хүүхэд эмнэлэгт эмчлүүлж байна

<div class="xdj266r x11i5rnm xat24cr x1mh8g0r x1vvkbs x126k92a">
УИХ дахь Ардчилсан намын бүлэг даваа гарагийн \2025.04.14\ ээлжит хуралдаанаараа дараах асуудлуудыг хэлэлцэнэ.
</div>
<div dir="auto">&#8211; Улсын Их Хурал дахь Ардчилсан намын бүлгээс 2025 оны хавар, намрын чуулганаар төвлөрч ажиллах гол сэдэв, хууль тогтоомжийн төслийн талаар танилцуулга мэдээлэл сонсох. Танилцуулга мэдээллийг УИХ дахь Ардчилсан намын бүлгийн ахлах зөвлөх М.Чимэддорж, УИХ дахь Ардчилсан намын бүлгийн зөвлөх А.Батпүрэв нар танилцуулна</div>
<div dir="auto">&#8211; Хууль сахиулах ажиллагааны тусгай хяналтын дэд хороо байгуулах тухай хуулийн төслийн танилцуулгын мэдээллийг УИХ –ын гишүүн, УИХ дахь АН-ын бүлгийн дэд дарга Х.Тэмүүжин танилцуулна</div>
<div dir="auto">&#8211; Төрийн албаны чиг үүргийг давхардуулсан асуудлаарх судалгааг УИХ-ын гишүүн С.Цэнгүүн танилцуулна</div>
<div class="x11i5rnm xat24cr x1mh8g0r x1vvkbs xtlvy1s x126k92a">
&#8211; Монгол Улсын Их Хурлын сонгуулийн тухай хуулийн холбогдох хэсэгт нэмэлт, өөрчлөлт оруулах хуулийн төслийг боловсруулах үүрэг бүхий ажлын хэсгийн мэдээллийг УИХ-ын гишүүн Ө.Шижир танилцуулна
</div>

УИХ дахь Ардчилсан намын бүлэг хуралдаж байна

Монгол Улсын Ерөнхий сайд Л.Оюун-Эрдэнэ Америкийн Нэгдсэн Улсаас Монгол Улсад суугаа Элчин сайд Ричард Буанган-ыг хүлээн авч уулзлаа.
Талууд Монгол Улс, Америкийн Нэгдсэн Улсын Стратегийн гуравдагч хөршийн түншлэлийг улам бататган бэхжүүлэхийн төлөө хэрэгжүүлж буй арга хэмжээнүүдийн явцын тухай санал, мэдээлэл солилцож, хоёр талын харилцаа, хамтын ажиллагаанд цаашид хийх ажлуудын талаар ярилцав.
<img loading="lazy" decoding="async" src="https://mongolia.gov.mn/storage/posts/April2025/viber_image_2025-04-12_14-52-19-157.jpg" alt="" width="1484" height="2048" />
Элчин сайд Ричард Буанган Америкийн Нэгдсэн Улсын шинэ Засаг захиргаанаас баримталж буй бодлого, хэрэгжүүлж байгаа арга хэмжээний талаар Ерөнхий сайд Л.Оюун-Эрдэнэд танилцуулаад, энэ хүрээнд Монгол Улс, Америкийн Нэгдсэн Улс харилцан ашигтай хамтран ажиллах боломжуудын талаар санал солилцов.

Хайх