Хятадын судлаачид хүний биеийн халууныг Цельсийн 6 хүртэлх хэмээр бууруулж чадах нарнаас хамгаалах тосыг гарган авсан тухай “South China Morning Post” сонинд пүрэв гарагт мэдээлжээ.
Уурын амьсгалын өөрчлөлтөөс үүдэн дэлхий даяар агаарын хэм нэмэгдсээр буй энэ үед арьсыг хамгаалах зорилгоор уг нарны тосыг бүтээсэн гэж Бээжин хотод төвтэй Цинхуа их сургуулийн хийсэн судалгааны өгүүлэлд дурдсан байна.
“Бид арьсны температурыг мэдэгдэхүйц бууруулаад зогсохгүй арьсыг хэт ягаан туяаны нөлөөнөөс хамгаалдаг тосыг гарган авсан. Энэхүү бүтээгдэхүүн нь нарнаас хамгаалах тосны зах зээлд өндөр эрэлттэй байх ирээдүй бий”  гэж судлаачид бичжээ.
<blockquote class="ql-align-justify">Судлаачдын нэг Жан Руфан хэлэхдээ, уур амьсгалын өөрчлөлтийн нөлөөгөөр цаг агаарын эрс тэс үзэгдлүүд нүүрлэх болоод байгаа тул хүн төрөлхтөн үүнд дасан зохицох шаардлага тулгарч байна, гэхдээ халуунд дасан зохицох нь хүйтэнд зохицохос илүү хэцүү байдаг гэлээ.</blockquote>
“Бид хүйтний улиралд дулаан байхын тулд зузаан хувцас өмсөж болно. Харин Цельсийн 50 хэмээс дээш хэт халуунд замын цагдаа, замын ажилчид, тариачид зэрэг гадаа ажилладаг хүмүүс халууны стресс, ядарч туйлдах, цаашлаад үхэлд хүргэж болзошгүй хүнд нөхцөл байдлыг даван туулахад хүрнэ. Иймд тэдэнд арьсыг хамгаалах, хөргөх үр дүнтэй арга хэрэгтэй” гэж Ж.Руфан “South China Morning Post” сонинд ярьжээ.
Э.Хулан
Эх сурвалж: &#8220;Монцамэ&#8221; агентлаг

Биеийн халууныг бууруулдаг нарны тос бүтээжээ DNN.mn

ХӨСҮТ-өөс томуу ба томуу төст өвчний нөхцөл байдлын талаар мэдээлэл өглөө.
ХӨСҮТ-ийн Томуугийн үндэсний нэгжийн халдвар судлаач эмч Ч.Уртнасан &#8220;Улсын хэмжээнд томуу, томуу төст өвчины тархалт дэгдэлтийн буюу улаан түвшинд байна. Амбулаторийн нийт үзлэгийн 14 орчим хувийг томуу, томуу төст өвчин эзэлж байна. Нийт эмнэлэгт хэвтэн эмчлүүлж байгаа хүмүүсийн 38 орчим хувь нь амьсгалын замын цочмог хүнд халдварын шалтгаантай байна. Энэ дээрээс өвчлөлийн нөхцөл байдлыг харахад өмнөх долоо хоног болон өнгөрсөн оны мөн үеэс  өвчлөл нэмэгдсэн үзүүлэлт ажиглагдаж буй. Мөн энэ жилийн тухайд өвчлөлийн хувьд хүндрэл ихтэй, орны ачаалал 2-3 дахин нэмэгдсэн. Насны хувьд авч үзвэл нийт томуу томуу төст өвчний 75 орчим хувь нь 15 хүртэлх насны хүүхдүүд байна. Энэ дотроо тав хүртэлх насны хүүхдүүд 40 орчим хувийг эзэлж байна. Түүнчлэн амьсгалын замын цочмог хүнд халдвартай гэх оношоор хэвтэн эмчлүүлж байгаа хүмүүсийн 80 орчим хувь нь 15 хүртэлх насны хүүхдүүд эзэлж байна. Нийслэлийн хэмжээнд 2300 орыг дэлгэн ажиллуулж байна. Мөн Эрүүл мэндийн яамны харьяа эмнэлгүүдэд нэмэлтээр ор дэлгэн ажиллаж байна&#8221; гэлээ.

ХӨСҮТ: Нийт хүн амын 69.2 хувьд нь томуу, томуу төст вирусийн тархалт байна DNN.mn

Монгол Улсын нийслэл үүсэн байгуулагдсаны 385 жил, Бүгд Найрамдах Улсыг тунхаглаж, Анхдугаар Үндсэн хууль баталсны 100 жил, Нийслэл Хүрээг “Улаанбаатар хот” хэмээн нэрийдсэний 100 жилийн ойд зориулан гаргаж буй “Нийслэл Улаанбаатар хотын 385 жилийн ой” сэдэвт маркийн анхны өдрийн нээлтийн үйл ажиллагааг зохион байгууллаа. Нээлтийн үеэр Улаанбаатар хотын түүхийн өнгө аясыг багтаан анхны нийслэл байгуулах хүртэл нүүдэллэн шилжиж буй дүрслэл бүхий “Хүрээ нүүдэл 1639-1778”, хотын төлөвлөлт, суурийн хэв маягт шилжиж буй “Нийслэл хүрээ 1912-1923”, орчин цагийн хотын хэв маягийг харуулсан “Улаанбаатар хот 1924-2024” гэсэн 3 марк бүтээснийг танилцууллаа.
<img decoding="async" src="https://ulaanbaatar.mn/files/mn/images/1hzstpxrsl9/676d0969e90d113800221739.jpg" />
Нээлтийн үйл ажиллагаанд НИТХ-ын нарийн бичгийн дарга бөгөөд Ажлын албаны дарга Б.Батбямба, НЗДТГ-ын Төрийн захиргааны удирдлагын газрын дарга Ү.Ганболд, “Монгол Шуудан” ХК-ийн гүйцэтгэх захирал Г.Тэлмэн, дэд захирал Н.Хосбаяр, Нийслэлийн Соёл урлагийн газрын дарга Э.Цэнд-Аюуш, Нийслэлийн Архивын газрын дарга Н.Туул, Монгол Улсын Урлагийн гавьяат зүтгэлтэн, Ардын зураач Г.Дунбүрээ, Монгол Улсын Соёлын гавьяат зүтгэлтэн, гэрэл зурагчин С.Цацралт, “Монгол Шуудан” ХК-ийн Марк, үнэт цаасны хэлтсийн дарга Б.Дамдинбазар, Улаанбаатар хотын музейн захирал П.Даваасүрэн болон бусад зочид, төлөөлөгч оролцлоо.
<img decoding="async" src="https://ulaanbaatar.mn/files/mn/images/4qz3436c9fx/676d0996e90d11380022173a.jpg" />
Марк нь тухайн улсын тусгаар тогтнол, түүх, өв соёлын илрэл болон хадгалагддаг онцгой ач холбогдолтой. Уг Нийслэл Улаанбаатар хотын 385 жилийн ойн сэдэвт марк бүтээгдсэнээр түүхийн алтан хуудаст болон эрхэм марк цуглуулагч нарт нэгэн шинэ бүтээл нэмэгдсэн баярт мөч тохиож буйг марк урлан бүтээгчид хэлж байна.Монгол маркт 1974, 1984 онд Улаанбаатар хотын 50, 60 жилийн ойн нэрийн марк, 1999, 2014, 2019 онд Нийслэл Улаанбаатар хотын 360, 375, 380 жилийн ойд зориулан хэлхээ, блок цуврал маркийг “Монгол Шуудан” ХК-иас хэвлэн гаргаж ирсэн уламжлалтай юм.

Улаанбаатар хотын 385 жилийн ойд зориулсан дурсгалын маркийг танилцууллаа DNN.mn

Онцгой байдлын байгууллагын алба хаагчдын нийгмийн асуудлыг шийдвэрлэх хүрээнд зарим алба хаагчдад 10 сая төгрөгийн нэг удаагийн буцалтгүй тусламжийг олгожээ.
Тодруулбал, ОБЕГ-ын харьяа 115 дугаар ангийн шуурхай ажлын автомашины жолооч, ахлах ахлагч Д.Өрнөхбаяр, НОБГ-ын Сонгинохайрхан дүүргийн Онцгой байдлын хэлтсийн Гал түймэр унтраах, аврах 11 дүгээр ангийн дуудлага хүлээн авагч, ахлах ахлагч Д.Уртнасан, 09 дүгээр ангийн Эрэн хайх, аврах салбарын аврагч, ахлах ахлагч О.Батзаяа, Говьсүмбэр аймгийн Онцгой байдлын газрын Гал түймэр унтраах, аврах 37 дугаар ангийн гал унтраах автомашины жолооч, ахлах ахлагч П.Серикбол, Сүхбаатар аймгийн Онцгой байдлын газрын Эрэн хайх, аврах салбарын аврагч-холбоочин, дэд ахлагч Г.Энхдалай зэрэг таван алба хаагчид дэмжлэг үзүүлсэн юм.

10 сая төгрөгийн нэг удаагийн буцалтгүй тусламж олгожээ DNN.mn

<div>
<div dir="auto">Олон улсын эрүүгийн цагдаагийн байгууллага-Интерполын &#8220;Улаан булант&#8221; зар мэдээгээр олон улсын хэмжээнд эрэн сурвалжлагдаж байсан &#8220;Э&#8221;-г Тайландын Хаант Улсаас энэ оны 12 дугаар сарын 25-ны өдөр Монгол Улсад албадан авчрах тусгай ажиллагааг Эрүүгийн цагдаагийн алба болон Интерполын Үндэсний төв товчооны хаагчид гүйцэтгэж уг этгээдийг Монгол Улсад авчирсан бөгөөд мөрдөн шалгах ажиллагааг явуулж байна.</div>
</div>
<div>
<div dir="auto"></div>
<div dir="auto">Уг этгээдийг цахим орчинд хууль бус мөрийтэй тоглоом зохион байгуулсан, иргэдэд их хэмжээний хохирол учруулсан, мөнгө угаасан, зохион байгуулалттай гэмт бүлэг байгуулсан гэх хэрэгт эрэн сурвалжилж байсан бөгөөд Э нь гадаад улсад оргон зайлж, Тайланд Улсын нутаг дэвсгэрт орогнож байх үедээ тухайн төрлийн гэмт хэргийг хилийн чанадаас цахим хэлбэрээр үргэлжлүүлэн үйлдэж байсан. Тайландын Эзэн Хааны цагдаагийн албатай Интерполын шугамаар хамтран хэрэгжүүлсэн тусгай ажиллагааны дүнд Э-г энэ оны 12 дугаар сарын 17-ны өдөр Тайландын нутаг дэвсгэрт баривчлуулсан.</div>
</div>
<div>
<div dir="auto"></div>
<div dir="auto">Монгол Улсад албадан авчрах ажиллагааг ЦЕГ-ын Интерполын Үндэсний төв товчоо, ЭЦА, ГХЯ, Монгол Улсаас Тайландын Хаант Улсад суугаа Элчин сайдын яам болон Тайланд Улсын Интерполын Үндэсний төв товчоо, Эзэн Хааны Цагдаагийн албатай хамтран зохион байгууллаа.</div>
</div>
<div>
<div dir="auto"></div>
<div dir="auto">Энэ он гарсаар цагдаагийн байгууллагаас Интерполын шугамаар олон улсын хэмжээнд эрэн сурвалжлагдаж буй нийт 24 этгээдийг Интерполын гишүүн улс орнуудаас шилжүүлж болон албадан авчрах ажиллагааг хэрэгжүүлсэн бөгөөд цаашид ч олон улсын хэмжээнд эрэн сурвалжлагдаж байгаа бөгөөд байршил нь тогтоогдсон этгээдүүдийг шилжүүлж болон албан авчрах ажиллагааг идэвхтэй үргэлжлүүлэн зохион байгуулах тул гадаад улсад оргон зайлсан эрэн сурвалжлагдаж байгаа иргэд өөрсдийн сайн дураар Монгол Улсад ирж цагдаа, хууль сахиулах байгууллагуудтай хамтран ажиллахыг анхааруулж байна.</div>
</div>

Интерполын “Улаан булант” зар мэдээгээр эрэн сурвалжлагдаж байсан “Э”-г дайчлан баривчилжээ DNN.mn

Хүний эрхийн боловсролыг түгээхэд үнэтэй хувь нэмэр оруулж байгаа хэвлэл мэдээллийн байгууллагын төлөөлөлд талархал илэрхийллээ
Сэтгүүлч, хэвлэл мэдээллийн байгууллага, хэвлэл мэдээллийн ажилтнуудын хэвлэн нийтлэх үйл ажиллагаа нь олон нийтэд хүний эрхийн мэдлэг ойлголт түгээх, хүний эрхийн соёлыг төлөвшүүлэх, нийгэмд эерэг өөрчлөлт бий болгоход онцгой хувь нэмэр оруулдаг бөгөөд энэ утгаараа хүний эрхийн боловсролыг түгээх, хүний эрхэд суурилсан хандлагыг нэмэгдүүлэхэд чухал үүрэг гүйцэтгэдэг.
Тиймээс НҮБ-ын Хүний эрхийн боловсрол, сургалтын тухай тунхаглал, Хүний эрхийн боловсролын дэлхийн хөтөлбөр, үйл ажиллагааны төлөвлөгөөний гуравдугаар үе шатанд хэвлэл мэдээллийн ажилтнууд, сэтгүүлчдэд хүний эрхийн сургалт зохион байгуулахыг тусгасан. Ингэхдээ үр дүнтэй сургалтын хөтөлбөр, удирдамжаар хангах, сургалтын тогтвортой стратеги боловсруулан хэрэгжүүлэх, хүний эрхийн сургалт зохион байгуулахад дэмжлэг үзүүлэхийг чиглэл болгожээ.
Энэ хүрээнд ХЭҮК нь хүний эрхийн боловсролыг түгээхэд хэвлэл мэдээллийн байгууллагын идэвх санаачилга, оролцоог нэмэгдүүлэх зорилгоор хүний эрхийн боловсролыг түгээхэд үнэтэй хувь нэмэр оруулж байгаа хэвлэл мэдээллийн байгууллагын төлөөлөлд талархал илэрхийллээ.
Талархал илэрхийлэх арга хэмжээнд ХЭҮК-ын дарга Д.Сүнжид, Комиссын Хүний эрх хамгаалагчийн асуудал эрхэлсэн гишүүн С.Дондов, Комиссын гишүүн Х.Мөнхзул, Г.Нарантуяа, Ж.Хунан, Б.Энхболд болон “Өдрийн сонин”-ы Тамгын газрын дарга Б.Нямдорж, албаны дарга Я.Баярбаатар, “Зууны мэдээ” сонины Ерөнхий эрхлэгч Д.Отгонбаяр, МҮОНТВ-ийн 1 дүгээр сувгийн захирал М.Эрдэнэбат, Eagle телевизийн Ерөнхий продюсер Н.Баасандамба, Tenger телевизийн Гүйцэтгэх захирал А.Ундрал, Peak.mn сайтын Ерөнхий эрхлэгч Ц.Цэрэндолгор, Zuv.mn сайтын Ерөнхий редактор Х.Батсайхан нар оролцлоо.
“Зууны мэдээ” сонин нь нийгэмд анхаарал татаж буй асуудлаар 400 гаруй иргэний байр суурийг “Үзэл бодлын чөлөөт талбар” булангаар дамжуулан 2024 онд уншигчдад хүргэсэн.
Монгол Улсын Хүний эрхийн Үндэсний Комисстой хамтарч “126 гишүүнтэй шинэ парламентаас юу хүлээх вэ”, “Хүний эрх ба цаг үе”, “Хууль ба хүний эрх”, “Та хүний эрх хамгаалагч мөн үү” зэрэг сэдвийн нийтлэл, ярилцлага, сурвалжилга бэлтгэсэн.
Түүнчлэн “Хэвшмэл ойлголтоо өөрчилье”, “Эмэгтэйчүүдийн манлайлал”, “Асрахуйн эдийн засаг”, “Жендэрт суурилсан өгөгдлийн цоорхой” зэрэг зорилтот булан нээж, нийтлэл сурвалжилгаа хүргэж байна.
“Өдрийн сонин” нь хүний эрх зөрчигдсөн иргэн бүрийг өмгөөлөн дуугарч, тэдний үг хэлэх, үзэл бодлоо илэрхийлэх эрх чөлөөг хангах найдвартай индэр болохын төлөө зорьж ирсэн. Тиймдээ ч 2002 онд Хүний эрхийн Үндэсний Комиссоос “Хүний эрхийг хөхиүлэн дэмжигч” хэмээх анхны өргөмжлөлөө “Өдрийн сонин”-д гардуулж байсан.
Жилд 300 орчим дугаар эрхлэн гаргадөг бөгөөд сэтгүүлчдээ чадавхжуулах, шинэ мэдлэг, мэдээллээр хангах үүднээс хүний эрх, сэтгүүлч зүйн мэргэжлийн сургалтад тасралтгүй хамруулсаар ирсэн. Тэр дундаа Хүний эрхийн Үндэсний Комисс болон иргэний нийгмийн байгууллага, хүний эрхийн чиглэлээр ажилладаг олон улсын байгууллагуудаас зохион явуулдаг сургалтад сэтгүүлчдээ тогтмол хамруулдаг.
МҮОНРТ нь хүний эрхийн асуудлаар өдөр тутам мэдээ, мэдээлэл, нэвтрүүлэг тогтмол бэлтгэж үзэгчдэд хүргэдэг. Хүний эрхийн чиглэлээр “Цаг үе үзэл бодол”, “Хуулийн цаг” болон хүүхэд залуучуудад хүний эрхийн боловсрол олгох зорилтот нэвтрүүлэг, сонгогчдын боловсролд зориулсан нэвтрүүлгийг долоо хоног бүр бэлтгэж, үзэгчдийн хүртээл болгож байна. 
Тухайлбал, “Босох тэнхэл” хөгжлийн бэрхшээлтэй иргэдэд зориулсан тусгай нэвтрүүлгийн бодлого нь хүний эрх, эрх чөлөөний тухай юм.
МҮОНРТ телевиз нь Монгол Улсын Хүний эрхийн Үндэсний Комисстой хамтарч ажиллах Санамж бичгийг 2022 онд байгуулсан бөгөөд энэ хүрээнд ерөнхий боловсролын сургуулиудын дотуур байрны нөхцөл байдал, үе тэнгийн дарамт, хүчирхийлэл, цахим орчин дахь хүний эрх, эрүүл, аюулгүй орчинд амьдрах эрхийн хэрэгжилтэд тулгамдаж байгаа асуудал, хүний эрх хамгаалагчийг хамгаалах шаардлага сэдвийн хүрээнд асуудал дэвшүүлсэн нийт 1000 гаруй удаагийн ярилцлага, нэвтрүүлэг, мэдээ бэлтгэсэн.
Түүнчлэн “Ажлын байрны дарамтаас урьдчилан сэргийлэх нь”, “Хүний эрхийн суурь ойлголт” зэрэг сургалтад сэтгүүлч, уран бүтээлчдийг тогтмол хамруулж, хүний эрхийн мэдлэг ойлголтыг нэмэгдүүлсэн байна.
Eagle News TV нь хүний эрх, үг хэлэх, үзэл бодлоо илэрхийлэх эрхийг нийтлэлийн бодлогынхоо тэргүүлэх чиглэл болгосоор ирсэн. 2024 оны хувьд хүүхэд, эмэгтэйчүүд, хөгжлийн бэрхшээлтэй иргэдийн эрхийг хангуулах, хууль сахиулах, зэвсэгт хүчний салбарт хүний эрхийн зөрчил гарахаас урьдчилан сэргийлэхэд онцгой анхаарч ажилласан байна.
Тухайлбал, тэгш хамруулан сургах боловсролын тогтолцоог бэхжүүлэхэд дэмжлэг үзүүлж 40 гаруй мэдээ сурвалжилга, ярилцлага, нийт 6 удаагийн хэлэлцүүлэг зэрэг нийт 560 минутын бүтээлийг бэлтгэж, олон нийтэд түгээжээ.
Мөн үе тэнгийн дээрэлхэлтийн эсрэг цуврал ярилцлага, хэлэлцүүлэг зохион байгуулж, үе тэнгийн дээрэлхэлтийг таслан зогсоох, урьдчилан сэргийлэх чиглэлээр өсвөр үеийнхний өөрсдийн үүсгэл санаачилга, сайн жишээг орон даяар сурталчлан таниулсан.
Шийдвэр гаргах түвшинд эмэгтэйчүүдийн оролцоог нэмэгдүүлэх төслийг иргэний нийгмийн байгууллагатай хамтран 2023-2024 онд хэрэгжүүлсэн нь шийдвэр гаргах түвшинд эмэгтэйчүүдийн оролцоо нэмэгдэхэд ихээхэн дэмжлэг болсон юм.
Түүнчлэн ХЭҮК болон иргэний нийгэм, олон улсын байгууллага, хууль сахиулах байгууллагаас зохион байгуулсан хүний эрхийн болон мэргэжил арга зүйн сургалтад сэтгүүлч, хэвлэл мэдээллийн ажилтнуудаа тогтмол хамруулж, хүний эрхийн мэдлэг, ойлголтыг дээшлүүлж байна.
TenGer TV нь хүний эрхийн боловсролыг түгээн дэлгэрүүлэх зорилгоор 2024 онд сонгогчдын боловсролыг нэмэгдүүлэх зорилгоор УИХ-ын сонгуульд нэр дэвшигчдийн дунд хүний эрхийн асуудлаар &#8220;Мэтгэлцээн 2024&#8221;, Сонгох эрхийн ач холбогдлыг тайлбарласан &#8220;Сонгууль гэж юу вэ?&#8221; тусгай контент бүтээж үзэгчдэд хүртээл болгосноор хүний эрхийн талаарх мэдлэг, ойлголтыг дээшлүүлэхэд бодитой хувь нэмэр оруулсан.
Түүнчлэн сэтгүүлчдийн мэргэжлийн ёс зүй, хүний эрхийн мэдлэг, ойлголтыг нэмэгдүүлэх, ажлын байранд жендэрийн мэдрэмжтэй хандах соёлыг төлөвшүүлэх зорилгоор редакцын өдөр тутмын үйл ажиллагаанд Хэвлэл мэдээллийн Ёс зүйн зарчмыг баримтлах, Хүний эрх болон жендэрийн мэдрэмжтэй ажиллах арга зүйг төлөвшүүлэх, аливаа асуудлыг хөндөхдөө хүний эрхийн мэдрэмжтэй, зөв хандлагатай хандах ур чадварт сургах сургалтыг үе шаттай зохион байгуулж байна.
Өрх толгойлсон эцэг, эхийн хөдөлмөр эрхлэлтийг дэмжих, хүүхдийн сурч боловсрох, хөгжих эрхийг хамгаалах, хөхиүлэн дэмжих зорилгоор Ёс зүйн дэд хороог байгуулахын сацуу хүүхэд хөгжлийн өрөөг тохижуулахаар төлөвлөжээ.
✅PEAK.MN сайт нь хүний эрхийн чиглэлээр 2024 онд бэлтгэсэн “Би нэг удаа” булангийн 15 удаагийн цуврал ярилцлага нь нийт 9.6 сая хандалт авсан.
Энэхүү булангаар дамжуулж иргэд өөрөө ч анзаарахгүйгээр бусдын эрхийг зөрчих тохиолдол гардаг. Тиймээс ялгаварлан гадуурхалтыг таслан зогсоож аливаа асуудалд хүний эрхэд суурилсан хандлагаар хандахыг иргэдэд уриалж байна.
Түүнчлэн ХЭҮК-ын дэргэдэх “Хүний эрхийн төлөө-Сэтгүүлчид”, “Тогтвортой хөгжлийн төлөө” сэтгүүлчдийн клубын үйл ажиллагааг өдөр тутамдаа дэмжиж ажилладаг бөгөөд хүний эрхийн үндэсний байгууллага, хууль сахиулах байгууллага, олон улсын байгууллагаас сэтгүүлч, хэвлэл мэдээллийн байгууллагын ажилтнуудын дунд зохион байгуулсан сургалтад сэтгүүлчдээ тогтмол хамруулж, хүний эрхийн мэдлэг, ойлголтыг нэмэгдүүлж байна.
✅Зөв.мн сайт нь “Зөвийг дэмжинэ” уриатайгаар төвийг сахисан байр сууринаас олон нийтийн дуу хоолой болж ажилладаг.
Энэ хүрээнд үе тэнгийн дээрэлхэлт, гэр бүлийн хүчирхийлэл, ажлын байрны бэлгийн дарамт, хүүхдийн эрхийн зөрчил, хөгжлийн бэрхшээлтэй иргэдэд тулгамдсан асуудал, ялгаварлан гадуурхалт, тэгш бус байдал зэрэг асуудлаар редакцын бодлогын дагуу тогтмол мэдээ, сурвалжилга, контент бэлтгэн ажиллаж байна.
Уг асуудлын хүрээнд 2024 онд нийт 2300 орчим мэдээ, сурвалжилга бэлтгэж, олон нийтэд түгээж ажилласан байна. 
Eagle News 
Peak News 
Zuunii medee 
DNN.mn 
MNB Монголын Мэдээ 
TenGer TV 
Зөв.мн 
Хэвлэл мэдээллийн зөвлөл 
Монголын Сэтгүүлчдийн Нэгдсэн Эвлэл

ХЭҮК-оос Хүний эрхийн боловсролыг түгээхэд үнэтэй хувь нэмэр оруулсан хэвлэл мэдээллийн байгууллагуудад талархал илэрхийллээ DNN.mn

Гашуунсухайт-Ганцмод боомтын хил дамнасан төмөр замын бүтээн байгуулалтыг хэрэгжүүлэх тогтоолын төслийг эцсийн хэлэлцүүлэгт шилжүүлэв DNN.mn

Монгол Улсын Засгийн газрын 2024-2028 оны үйл ажиллагааны хөтөлбөрт “Монгол хүний хөдөлмөрийн бүтээмж, цалин хөлсийг жил бүр нэмэгдүүлнэ” гэж заасан.
Энэ зорилтын хүрээнд төрийн албан хаагчдын үндсэн цалинг инфляцын түвшинтэй уялдуулан нэмэгдүүлэхээр Засгийн газрын хуралдаанаар /2024.12.25/ шийдвэрлэлээ.
2025 оны 01 дүгээр сарын 01-ний өдрөөс төрийн албан хаагчдын цалин 6 хувиар нэмэгдэнэ.
Ингэснээр төрийн тусгай, төрийн захиргааны болон төрийн мэргэжлийн үйлчилгээний албан хаагчдын үндсэн цалингийн доод хэмжээ 1,166.0 мянган төгрөг, төрийн нийтлэг үйлчилгээний албан хаагчийн үндсэн цалингийн доод хэмжээ 954.0 мянган төгрөг болно.

Хайх