“Газар орны нэр өөрчилсөн” гэх Баян-Өлгий аймгийн 14 иргэнд холбогдох хэргийн анхан шатны шүүх хурал өнгөрсөн оны есдүгээр сарын 23-ны өдөр /2024.09.23/ Чингэлтэй дүүргийн Эрүүгийн хэргийн анхан шатны шүүхэд болж, шүүхээс нэр бүхий иргэдэд торгуулийн ял оноосон.
Тухайлбал, нэр бүхий 4 хүнд холбогдох хэргийг гэмт хэргийн шинжгүй үндэслэлээр хэрэгсэхгүй болгож, нэр бүхий 10 шүүгдэгчийг Эрүүгийн хуулийн 19.16 дугаар зүйлийн 1 /Хууль бусаар газар орны нэр өөрчлөх/-д заасан гэмт хэргийг үйлдсэн гэм буруутайд тооцож, шүүгдэгч аймгийн Засаг дарга асан Д.Баурыжан, аймгийн Засаг даргын орлогч асан А.Камелият, Аймгийн Засаг дарга асан А.Гылымхан нарт 14 мянган нэгжээр торгож, таван жил төрийн албанд орох эрх хасах ял, шүүгдэгч хуулийн хэлтсийн дарга асан А.Серикболатад 10000 нэгж торгох ял, шүүгдэгч аймгийн Улсын бүртгэлийн дарга асан С.Арманд 8000 нэгж торгох ял, нэр бүхий бусад таван шүүгдэгчид 5000 нэгж торгох ял тус тус оногдуулсан байдаг.
Тэгвэл тус хэрэгт прокуророос эсэргүүцэл бичиж, Нийслэлийн Эрүүгийн хэргийн Давж заалдах шатны шүүхэд хандаад байсан юм. Улмаар холбогдох хэргийн давж заалдах шатны шүүх хурал хойшилсон байна.

Баян-Өлгийн албан тушаалтнуудын давж заалдах шатны шүүх хурал хойшилжээ DNN.mn

Италийн Турин хотод Дэлхийн оюутны спортын өвлийн XXXII Универсиад наадам нэгдүгээр сарын 13-23-ны өдрүүдэд болж байна. Энэ удаагийн наадамд 57 орны 2000 орчим тамирчин спортын 11 төрөлд 96 багц медалийн төлөө өрсөлдөж буй бөгөөд манай улсаас спортын таван төрөлд дөрвөн дасгалжуулагчийн удирдлага дор 12 тамирчин хурд хүчээ сорьж байна.
Тус наадмын шорт трейкийн төрөлд дасгалжуулагч Б.Бат-Оргилын удирдлага дор Б.Гэрэлтуяа, Э.Мөнх-Эрдэнэ, Г.Мөнх-Эрдэнэ, М.Борхүү нар өрсөлдөх бол уран гулгалтын төрөлд дасгалжуулагч Тэцүкацү Накашимагийн удирдлага дор О.Мишээл оролцож буй. Харин гүйлтийн цанын төрөлд дасгалжуулагч Д.Баттулгын удирдлага дор О.Золбаяр, А.Хүслэн, Б.Номин-Эрдэнэ, уулын цанын төрөлд дасалжуулагч С.Тэмүүлэнгийн удирдлага дор А.Сондорбаяр, О.Өсөх-Ирээдүй, А.Итгэл, снөүбоардын төрөлд Г.Ганзориг өрсөлдөх юм.
Монголын баг тамирчдаас онцолбол, снөүбордын төрөлд оролцох Г.Ганзориг нь Дэлхийн оюутны спортын өвлийн Универсиад наадамд өрсөлдөх анхны монгол тамирчин болж байгаа бөгөөд тэрээр энэ төрөлдөө Монгол Улсын гурван удаагийн аварга, Монголын бүх ард түмний спортын их наадмын алт, мөнгөн медальт тамирчин юм хэмээн Биеийн тамир спортын улсын хорооноос мэдээллээ.

Өвлийн универсиад наадамд Монголын 12 тамирчин өрсөлдөж байна DNN.mn

Урд шөнө ахуйн гал түймрийн 11, цас, шаварт суусан нэг дуудлагаар алба хаагчид үүрэг гүйцэтгэж ажилласан байна.
Гал түймрийн улмаас хоёр иргэн амь насаа алдсан харамсалтай хэрэг гарчээ. Гал түймрийн дуудлагын тоо нэмэгдэж байна.
Нийслэлийн Онцгой комиссоос гэр хорооллын айл өрх, аж ахуйн нэгж байгууллагын пийшин зуух, галлагааны аюулгүй байдал, угаарын хийн мэдрэгчийн хэвийн ажиллагаа, халаалтын зууханд энэ сарын 18, 19-ний өдрүүдэд хяналт шалгалт хийхээр болжээ.
Энэ ажилд нийслэл, дүүргийн нутгийн захиргааны 9000 гаруй ажилтан, албан хаагч оролцож, хяналт шалгалтын хамт судалгаа хийх юм байна.

Гал түймрийн дуудлагын тоо нэмэгджээ DNN.mn

Улаанбаатар хотод 2024 оны 12 дугаар сарын байдлаар орон сууцны үнэ өмнөх оны мөн үеэс 14.6 хувиар, өмнөх сараас 1.1 хувиар тус тус өссөн байна.
Шинэ орон сууцны үнэ өмнөх оны мөн үеэс 12.6 хувиар, өмнөх сараас 1.4 хувиар, хуучин орон сууцны үнэ өмнөх оны мөн үеэс 16.0 хувиар, өмнөх сараас 1.1 хувиар тус тус өссөн байна.
2024 оны 12 дугаар сард шинэ орон сууцны 1 метр квадрат талбайн дундаж үнэ 4.65 сая төгрөг болж, Сүхбаатар дүүрэгт хамгийн өндөр буюу 5.72 сая төгрөгийн үнэтэй байна.
2024 оны12 дугаар сард хуучин орон сууцны 1 метр квадрат талбайн дундаж үнэ 4.27 сая төгрөг болж, Сүхбаатар дүүрэгт хамгийн өндөр буюу 5.90 сая төгрөгийн үнэтэй байна.

Хуучин орон сууцны үнэ 16 хувиар өсчээ DNN.mn

АНУ-ын Калифорни мужийн Лос Анжелес хотыг тойрон гарч буй түймрүүдийн улмаас нас барсан хүмүүсийн тоо 25-д хүрчээ.
Одоогийн байдлаар 23 мянга гаруй акр газрыг шатаасан Лос Анжелесийн Палисад хороолол дахь түймрийг зөвхөн 17 хувь хяналтдаа авчээ. 14,117 акр газар шатаасан Итоны галыг 35 хувь хяналтдаа авсан байна. 799 акр газар шатаасан Хурстийн галыг албаныхан 97 хувь хяналтдаа авчээ.
&#8220;Accuweather&#8221; сайтын тооцоолсноор бол түймрүүдийн улмаас 250 тэрбум ам.долларын хохирол учирсан байна.
&nbsp;
Эх сурвалж: The Guardian

Лос Анжелесийн түймрийн улмаас нас барагсдын тоо 25 хүрчээ DNN.mn

Гол, мөрний мөсний зузаан тогтвортой нэмэгдэж байгаа хэдий ч өнгөрсөн оны мөн үеийнхээс 5-45 см бага зарим голуудад харз, халиа тошин гүйсний улмаас мөс нимгэрэх үзэгдэл ажиглагдаж байна.
Тухайлбал, Хүдэр, Онги /Арвайхээр сум/, Сэлэнгэ /Сүхбаатар сум/ зэрэг голуудын мөсний зузаан өмнөх арав хоногоос 5-10 см нимгэн байна.
Иймд цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг ОБЕГ-ын Урьдчилан сэргийлэх газраас онцгойлон анхааруулж байна.

Мөс цөмрөх аюулаас сэрэмжлүүлж байна DNN.mn

УИХ-ын Хууль зүйн байнгын хорооноос өнөөдөр /2025.01.15/ Европын сэргээн босголт, хөгжлийн банктай хамтран “Иргэний шүүхийн шийдвэр гүйцэтгэлийн эрх зүйн орчныг боловсронгуй болгох нь” сэдэвт олон улсын онол, практикийн хурлыг зохион байгууллаа.
Хурлыг нээн УИХ-ын гишүүн, Хууль зүйн байнгын хорооны дарга Д.Цогтбаатар, УИХ-ын гишүүн, Хууль зүй, дотоод хэргийн сайд О.Алтангэрэл, Европын холбооноос Монгол Улсад суугаа Элчин сайд Ина Марчюлёните нар үг хэлэв.
УИХ-ын гишүүн, Хууль зүйн байнгын хорооны дарга Д.Цогтбаатар, Шийдвэр гүйцэтгэх ажиллагааны эрх зүйн орчныг боловсронгуй, шуурхай, үр дүнтэй болгох арга замыг эрэлхийлж, шийдвэрлэх зорилгоор энэхүү хурлыг зохион байгуулж байна. Шүүхийн шийдвэр хэрэгжүүлэх асуудал нь шүүхээс тусдаа асуудал биш. Гүйцэтгэх ажиллагаа явуулж байгаа хүмүүсийн санаа бодлыг тусгах нь чухал хэмээн гэдгийг онцоллоо.
УИХ-ын гишүүн, Хууль зүй, дотоод хэргийн сайд О.Алтангэрэл, Шүүхийн шийдвэр гүйцэтгэх тухай хуульд нэмэлт, өөрчлөлт оруулж, энэ хаврын чуулганаар хэлэлцүүлэхээр төлөвлөсөн. Шүүхийн шийдвэр гүйцэтгэх ажиллагааны төлөв байдал, гүйцэтгэлийн хувь хэмжээ буурсан энэ үед тус хэлэлцүүлэг хувь нэмэр оруулна гэдэгт итгэлтэй байна гэлээ.
УИХ-ын гишүүн О.Номинчимэг, Шүүхийн шийдвэр гүйцэтгэх тогтолцоог шинэчлэх нь Монгол Улсын бизнес, хөрөнгө оруулалтын орчныг сайжруулах, эдийн засгийн тогтвортой өсөлтийг хангахад чухал ач холбогдолтой. Энэхүү хэлэцүүлгээр Монголын худалдаа аж үйлдвэрийн танхим, Банкны холбоо, Хуульчдын холбоо, шүүх, яамд, олон улсын байгууллагууд зэрэг гол оролцогч талуудын оролцоог хангаж, шинэчлэлийн хэрэгцээ шаардлагыг хэлэлцэж, нэгдсэн санал дүгнэлтэд хүрч чадлаа. УИХ эдгээр шинэчлэлийг эрчимжүүлж, шаардлагатай өөрчлөлтүүдийг яаралтай хэрэгжүүлэхэд бодлогын дэмжлэг үзүүлэх болно гэв.
Элчин сайд Ина Марчюлёните, Эдийн засгийг төрөлжүүлэх, гадны хөрөнгө оруулалтыг татах нь Европын холбоо, Монгол Улс хоорондын Түншлэлийн хэлэлцээрт тусгагдсан Засгийн газрын тэргүүлэх зорилтуудын нэг юм. Энэхүү семинар нь харилцан туршлага солилцох, сайн туршлагаас суралцах, шинэчлэлийн талаар ач холбогдолтой саналуудыг хэлэлцэж, иргэний болон арилжааны шүүхийн шийдвэр гүйцэтгэх ажиллагааны хүлээгдэж буй шинэчлэлд хүрэх замыг нээж өгөх замаар эдгээр тэргүүлэх зорилтуудыг шийдвэрлэх зорилготой юм гэлээ.
Европын сэргээн босголт хөгжлийн банк /ЕСБХБ/-ны Эрх зүйн шилжилтийн багийн ахлах зөвлөх Вероника Брадаутану, ЕСБХБ-наас 2023 оны намраас эхлэн Монгол Улсад арилжааны шүүхийн шийдвэрийн хэрэгжилтийг бэхжүүлэх нь сэдэвт техникийн туслалцааны төслийг эхлүүлснийг дурдаад, Европын холбооны санхүүжилтээр хэрэгжиж буй уг төсөл нь холбогдох хууль тогтоомжид нэмэлт, өөрчлөлт оруулах, шийдвэр гүйцэтгэх ажиллагааг цахимжуулахад дэмжлэг үзүүлэх, системийн ерөнхий үр нөлөөг нэмэгдүүлэхэд чиглэж байгаа талаар онцоллоо.
Хурал үргэлжилж, Олон улсын шүүхийн шийдвэр гүйцэтгэгчдийн холбооны Тэргүүн дэд ерөнхийлөгч Йос Уйтдэхааг шүүхийн шийдвэр гүйцэтгэх ажиллагааны олон улсын шилдэг туршлагын талаар, Хууль зүй, дотоод хэргийн сайд О.Алтангэрэл Монгол Улсын шүүхийн шийдвэр гүйцэтгэх тогтолцооны эрх зүйн шинэчлэлийн үзэл баримтлалын талаар танилцуулж, ЕСБХБ-ны төслийн хуулийн зөвлөх З.Шагдарсүрэн Шүүхийн шийдвэр гүйцэтгэх тухай хуульд нэмэлт, өөрчлөлт оруулах тухай санал, зөвлөмжийг тоймлон хүргэсэн юм.
Хуралд оролцогчдын зүгээс шийдвэр гүйцэтгэгчдийн орон тоог нэмэгдүүлж, алба хаагчдын мэдлэг, ур чадварыг дээшлүүлэхэд анхаарах шаардлагатай байгааг дурдаж, шийдвэр гүйцэтгэх ажиллагааны үе шатанд алдаа гаргаснаас үүдэлтэй удаашрал, ачаалал үүсгэснээс төлбөр төлөгчдөд давуу байдал олгох зэрэг асуудал байгааг дурдаж байлаа.
Мөн шүүхийн шийдвэр гүйцэтгэх тогтолцоог бэхжүүлэхийн ач холбогдол, эрх зүйн шинэчлэлийн үр нөлөө, олон улсын хамтын ажиллагааны боломжийн талаар харилцан санал солилцлоо.
Үдээс хойших хуралдаанаар “Иргэний шийдвэр гүйцэтгэх ажиллагааны өнөөгийн байдал, тулгамдаж буй асуудал”-ын талаар ШШГЕГ-ын дэд дарга Б.Нямгомбо танилцуулж, иргэний хэргийн шийдвэр гүйцэтгэлийг сайжруулахад шүүхийн гүйцэтгэх үүрэг, оролцооны талаар Улсын дээд шүүхийн шүүгч П.Золзаяа илтгэл хэлэлцүүллээ.
Хурлын төгсгөлд УИХ-ын гишүүн Х.Баасанжаргал, Шийдвэр гүйцэтгэгчдийн орон тоо, төсвийн асуудлыг эргэн харах шаардлагатай байгааг онцолж, хэрэг маргааныг цаг алдахгүй шийдвэрлэх нөхцөл боломж бий. Зөвхөн нийслэл дэх шийдвэр гүйцэтгэлийн ажиллагааг үнэлж, дүгнэхээс илүүтэй орон нутгийн асуудалд анхаарч, цаашид санал, хүсэлтээ ирүүлэхийг оролцогчдоос хүслээ хэмээн Улсын Их Хурлын Хэвлэл мэдээллийн газраас мэдээллээ.

“Иргэний шүүхийн шийдвэр гүйцэтгэлийн эрх зүйн орчныг боловсронгуй болгох нь” сэдэвт онол, практикийн хурал боллоо DNN.mn

2024 оны 12-р сарын 1-нээс 12-р сарын 31-ний хооронд худалдан авсан төлбөрийн баримтыг хамруулах и-баримт сугалааны тохирол боллоо.
Сугалаанд гарч ирсэн тохирлын үндсэн тоо: 99135081
Сүүлийн 3 орон таарсан: 46236 азтан 
Сүүлийн 4 орон таарсан: 4650 азтан 
Сүүлийн 5 орон таарсан: 476 азтан 
Сүүлийн 6 орон таарсан: 49 азтан 
Сүүлийн 7 орон таарсан: 5 азтан 
Сүүлийн 8 орон таарсан буюу СУПЕР АЗТАН: 1 азтан тус тус тодорлоо.

Хайх