СХД 43 хорооны нутаг дэвсгэрт хөөстэй цэвэрлэгээ, ариутгал хийж байна.
Дүүргийн Засаг даргын захирамжийн дагуу бүх нийтийн их цэвэрлэгээг 04 дүгээр сарын 30-ны өдрийг дуустал дүүргийн хэмжээнд зохион байгуулахаар болсон. Энэ хүрээнд 43 хорооны нутаг дэвсгэрт хөөстэй цэвэрлэгээ, ариутгалын ажлыг хийж байна.
Бүх нийтийн их цэвэрлэгээний ажилд 43 хороо, төрийн болон хувийн хэвшлийн аж ахуй нэгж байгууллагууд, хот нийтийн аж ахуйн нэгж байгууллагууд, иргэдийн бүлэг хамтран оролцож байна. Энэ удаагийн цэвэрлэгээгээр нийтийн эзэмшлийн зам талбайн хашаа, хайс, хүүхдийн тоглоомын талбайд хөөстэй цэвэрлэгээ, ариутгалыг хийснээс гадна, далан гуу жалганд хуримтлагдсан хур хогийг ачиж тээвэрлэлээ.
Мөн хувийн хэвшлийн аж ахуй нэгж, төрийн байгууллагууд 50м хүртэлх талбайгаа цэвэрлэж, гадна талбай, хаягжуулалтын өнгө будгийг сэргээх ажлыг хийж гүйцэтгэж байна.

Сонгинохайрхан дүүрэгт хөөстэй цэвэрлэгээ, ариутгал хийж байна

Хятадын ByteDance компанид TikTok нийгмийн сүлжээний талаар тохиролцоонд хүрэхэд дахин 75 хоногийн хугацаа өгсөн гэж АНУ-ын Ерөнхийлөгч Дональд Трамп баасан гарагт мэдэгджээ. Ингэснээр TikTok-ыг Америкийн компанид худалдах эс бөгөөс уг платформыг АНУ-д хэрэглэхийг хориглох шийдвэр хэрэгжиж эхлэх хугацаа 75 хоногоор хойшиллоо.
Д.Трамп Truth Social хаягтаа бичихдээ, манай засаг захиргаа TikTok-ыг “аврах” гэрээ хэлэлцээрийг байгуулах чиглэлд шаргуу ажиллаж байгаа бөгөөд бид асар их ахиц дэвшил гаргасан гэв. АНУ-ын эрх баригчид хэлэлцээрийн талаар дөрвөн өөр бүлэгтэй харилцаа холбоотой ажиллаж байгааг тэрбээр дурдсан боловч дэлгэрэнгүй мэдээлэл өгсөнгүй. Мөн холбогдох хэлэлцээрийг байгуулахын тулд Хятадын тал болон TikTok-той хамтран ажиллах хүсэлтэй байгаагаа нэмж хэлжээ.
Өнгөрсөн онд Ерөнхийлөгч асан Жо Байдены засаг захиргаа Америк дахь үйл ажиллагааг нь хариуцах компанийг олох шаардлагыг ByteDance компанид тавьсан бөгөөд эс бөгөөс нэгдүгээр сарын 19-нээс уг платформыг хориглохоор шийдвэрлэсэн юм. Харин Д.Трамп нэгдүгээр сард тангараг өргөсөн даруйдаа уг хугацааг 75 хоногоор хойшлуулах зарлигт гарын үсэг зурсан билээ.
Bytedance компанийн зүгээс нийгмийн сүлжээгээ худалдахгүй гэдгээ удаа дараа мэдэгдэж, платформыг үргэлжлүүлэн хэвийн ажиллуулах боломжит шийдлийн талаар АНУ-ын засгийн газартай хийж буй хэлэлцээнд тодорхой асуудлууд тулгарсаар байна гэж баасан гарагт мэдэгджээ. Америкийн хэд хэдэн компани TikTok-ыг худалдаж авах санал тавьсан талаар хэвлэлүүд мэдээлж байгаа юм.

TikTok-ыг хориглох хугацааг дахин хойшлуулжээ

АНУ-ын Ерөнхийлөгч Доналд Трамп, тэрбумтан Илон Маск нарын бодлогыг эсэргүүцэгчид бямба гарагт орон даяар жагсаал цуглаан хийж, засаг захиргааны шийдвэрүүдийг эсэргүүцэж байгаагаа илэрхийлсэн байна.
Иргэний эрхийн байгууллага, үйлдвэрчний эвлэл, ЛГБТ төв, ахмад дайчид, сонгуулийн идэвхтнүүд зэрэг 150 гаруй бүлэг 1200 гаруй жагсаал зохион байгуулахаар төлөвлөжээ. Эсэргүүцлийн жагсаал нийслэл Вашингтон хот болон 50 муж улсад өрнөсөн байна.
Жагсагчид олон мянган төрийн албан хаагчийг халсан, нийгмийн хамгааллын албадыг татан буулгасан, агентлагуудыг хаасан, цагаачдыг албадан гаргасан, трансжендэр хүмүүсийг хамгаалах үйл ажиллагааг хумисан, эрүүл мэндийн хөтөлбөрүүдийн санхүүжилтийг танасан зэрэг шийдвэрүүдийг эсэргүүцжээ.
Д.Трампын зөвлөх, Tesla, SpaceX болон олон нийтийн сүлжээний X платформыг эзэмшдэг И.Маск нь шинээр байгуулагдсан засгийн газрын үр ашгийг дээшлүүлэх агентлагийн /DOGE/ даргын хувиар төрийн албаны цомхотголд гол үүрэг гүйцэтгэсэн юм. Шүүмжлэгчид түүнийг иргэдийн саналаар сонгогдоогүйгээс гадна Конгрессоос ч батлаагүй гэдгийг онцолж байна.
Массачусетс муж улсад олон мянган хүн “Ардчиллаас гараа тат” гэх зэрэг бичиг бүхий уриа лоозон барин жагссан байна. Мөн Охайод бороотой байсныг үл харгалзан олон зуун хүн эрх барих байгууллагын гадна жагссан бол Нью-Йорк хотын Манхэттен дүүргийн төвд олон мянган хүн эсэргүүцлээ илэрхийлжээ. Флоридагийн Палм-Бич хотод Д.Трампын гольфын талбайгаас холгүй олон зуун хүн жагссан байна.
Вашингтонд жагсагчдын нэг нь И.Маскыг америкчуудын хувьд амин чухал хөтөлбөрүүдийг үлэмж хэмжээгээр танах зорилгоор DOGE-ийг удирдаж байна гэж буруутгаад, түүний хийж байгаа зүйлд бүх хүн сэтгэл дундуур байна гэжээ. Харин Д.Трампын хувьд И.Маскийн ажлыг өндрөөр үнэлсээр ирсэн юм. Гэхдээ И.Маск хэдхэн сарын дараа захиргааг орхиж, компаниуддаа анхаарал хандуулах болно гэж Ерөнхийлөгч мөн мэдэгджээ.

АНУ даяар эсэргүүцлийн жагсаал өрнөв

<div dir="auto">Халдварт өвчин судлалын үндэсний төвөөс улаанбурхан өвчний батлагдсан 368 тохиолдол бүртгэгдсэн талаар мэдээллээ. Эдгээрээс эмнэлэгт 87 хүн, гэрээр 13 хүн эмчлүүлж байна. Харин халдварын сэжигтэй 35 тохиолдол, хавьтал болсон 9606 хүн байгаа бол эдгэрсэн 268 хүн байна.</div>
<blockquote>
<div dir="auto">Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм.</div>
</blockquote>
<div dir="auto">Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм. Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе. Тодруулах, лавлах зүйл байвал 89016199, 75 103 100 утсанд хандана уу.</div>

ХӨСҮТ: Улаанбурхнаар өвдсөн 87 хүн эмнэлэгт эмчлүүлж байна

2025 оны нэгдүгээр улирлын төлбөрийн баримтаа дөрөвдүгээр сарын 8-ны 23:59:59 цагаас өмнө амжиж бүртгүүлэн НӨАТ-ын буцаан олголтын урамшууллаа авна.

Нэгдүгээр улирлын НӨАТ-ын баримтыг дөрөвдүгээр сарын 8-нд багтаж бүртгүүлээрэй

Он гарсаар автомашины татвар болон авто зам ашигласны төлбөр нэмэгдсэн талаар цахим орчинд иргэд бухимдлаа илэрхийлсээр байгаа билээ. Ийнхүү Авто тээврийн үндэсний төвийн “Нисдэг машин” салбарыг зорин очиж жолооч нар машины татварын тухай ямар байр суурьтай байгаа талаар сурвалжиллаа.
<hr />
Биднийг очиход авто тээврийн үйлчилгээ авахаар иргэд урт дараалал үүсгэсэн харагдлаа.
Эхний цонхон дээр ээлжээ хүлээж байгаа иргэнээс татварын дарамтын талаар асуухад тэрээр “приус-20” машин унадаг гэв. Өмнө жилийн татвар 53.000 төгрөг байсан бол энэ жил 234.000 төгрөг төлсөн нь олон хүүхэдтэй тэдний гэр бүлд хүнд туссан хэмээлээ.
Тэрээр машинаа зарсан учраас дугаар хадгалуулах үйлчилгээ авахаар оочерлож байгаа нь энэ аж. Мөн энгийн дугаар худалдаж авахад доод тал нь 1.4 сая төгрөгийн ханштай байгаа гэсэн юм.
<img loading="lazy" decoding="async" class="alignnone size-full wp-image-641163" src="https://admin.dnn.mn/wp/wp-content/uploads/2025/04/2.jpg" alt="" width="328" height="336" />
Түүний хувьд саяхан машин сонирхохоор Да хүрээ захыг зориход бүх машины худалдан авалт зогсчихсон учраас гишгэх ч газаргүй болсныг хараад энэ их татвар ард иргэд, бизнес эрхлэгчдийг хүртэл сөхрүүлж байна гэсэн юм. Тэрээр “Татвар нэмэгдээд, зам нь сайжраад, түгжрэл нь буурсан уу гэвэл үгүй шүү дээ. Хар ухаанаар бодвол сонгуулийн мөнгөө босгодог юм уу, яадаг юм. Бүү мэд. Татвар нэмэх ямар ч шаардлага байгаагүй. Одооны залуучууд орох оронтой болчихоод хөл дүүжлэх унаатай болъё гэхээр чадахгүй байна. Бүх зүйл дээр л иргэдийг боож байна. Бид сөхөрч байна” гэсээр бидний яриа өндөрлөсөн юм. Тэ рээр өөрийгөө С.Амар гэж танилцуулсан бөгөөд Чингэлтэй дүүрэгт оршин суудаг аж.
<blockquote class="wp-block-quote is-layout-flow wp-block-quote-is-layout-flow\">Иргэн Р.Батбуян: Татвараар ард иргэдийнхээ хормойг сэгсэрдэг нийгэм бий болчихлоо</blockquote>
<img loading="lazy" decoding="async" class="size-medium wp-image-641164 alignleft" src="https://admin.dnn.mn/wp/wp-content/uploads/2025/04/1-326x420.jpg" alt="" width="326" height="420" srcset="https://admin.dnn.mn/wp/wp-content/uploads/2025/04/1-326x420.jpg 326w, https://admin.dnn.mn/wp/wp-content/uploads/2025/04/1.jpg 517w" sizes="auto, (max-width: 326px) 100vw, 326px" />
Ийнхүү зэргэлдээх сандал дээр дарааллаа хүлээж суугаа иргэн Р.Батбуянтай цөөн хором ярилцсан юм. Тэрээр орон нутагт тээвэр зуучийн үйл ажиллагаа явуулдаг компанид ажилладаг гэсэн юм.
&nbsp;
<hr />
-Он гарсаар машины татвар, хураамжууд хэд дахин нэмэгдлээ шүү дээ. Таны хувьд өмнө нь хэдэн төгрөгийн татвар төлдөг байв?
-Өмнөх онтой харь цуулахад машины татвар зургаа дахин нэмэгдсэн байна лээ. Хамгийн багадаа л тав дахин нэмэгдсэн гэсэн. Дээрээс нь зам ашигласны төлбөр хуучин 20.000 төгрөг байсан бол одоо 100.000, 200.000 төгрөг болсон. Миний хувьд зам ашигласны төлбөр гэж 200.000 төгрөг төлсөн. Үүнийг далимдуулаад өмнөх татваруудыг гаргаж ирж байна. Жишээ нь, 2016 онд унаж байгаад ашиглах боломжгүй болчихсон, түүнээс хойш нэг ч удаа хөдлөөгүй машинаас 10 жилийн дараа татвар авч, ард түмний нуруун дээр ачаа үүрүүлж байна. Уг нь хуулиараа хасалт хийлгэх ёстой боловч иргэд эрх зүйн мэдлэг байхгүй, дээрээс нь монголчууд хэнэггүй зангаасаа болоод хасалт хийлгээгүй байдаг. Гэхдээ 2016 оноос хойш явахаа больсон гэдэг нь олон орц, гарцны камераар нотлогдчихно шүү дээ. Гэтэл татвараар ард иргэдийнхээ хормойг сэгсэрдэг нийгэм бий болчихлоо.
-Машины татвар нэмэгдсэн шалтгааныг та хэрхэн дүгнэж байна вэ?
-Манай улс Таван толгой ХХК-иас сүүлийн дөрөв, таван жил төсвөө бүрдүүллээ. Монголчууд урагшаа нүүрс гаргаж, татвараа бүрдүүлдэг байсан. Гэтэл одоо энэ нь байхгүй болчихоор дараагийн мөнгө олох, татвараа бүрдүүлэх, 126 гишүүн болон тэдний хамааралтай гадаад, дотоодын гар хөлийг нь тэжээхийн тулд ард түм нийхээ нуруун дээр ачаа үүрүүлж байна. Гэхдээ энэ зөвхөн автомашин дээр яригдаж байгаа асуудал. Үүнээс гадна дааж давшгүй өр, зээлд монголчууд бүгд автчихсан. Иргэд бид өрнөөс өрний хооронд л амьдарч байна. Цалингаа аваад өр зээлээ төлөөд, таван цаас л үлдэнэ. Түүгээрээ хүүхдийнхээ аманд хийх хоол л авч хүрнэ. Бодит амьдрал яг ийм л байна. Дэлхийд хамгийн адагт орсон цалингийн жишигтэй хэрнээ хамгийн өндөр хэмжээний татварын дарамттай улсад бид амьдарч байна.
Мөн хотын дарга төлөгдөөгүй үлдсэн татвар, торгуулийг одоо төлүүлж байна. Төлүүлэхдээ үндсэн хуульд заасан хүний язгуур эрх ашигт халдаж байна. Үндсэн хуульд хүн хэрэг хийсэн бол шийтгэлийг давхардуулж болохгүй гэсэн заалт байдаг. Гэтэл давхардуулдаг. Жишээ нь, автомашиныг торгоод, жолоочийг нь хориод, эрхийг нь хасчихдаг. Торгож, шийтгэж нуруун дээр нь ачаа үүрүүлэхээсээ өмнө эрх зүйн мэдлэгээ л өгчих хэрэгтэй. Юуны төлөө олон татварын алба, маш олон төрийн байгууллагууд ажиллаж байгаа билээ. Ийм төр засагтай орон дэлхийд ганцхан байна.
-Автомашин шилжүүлэх, дугаар худалдаж авахад ямар асуудал үүсч байна?
-Автомашиныг шил жүүлэх процесс маш хүндрэлтэй байна. Өмнө нь шилжүүлж байгаа талууд гарын үсэг зураад, иргэний үнэмлэх байхад л болдог байсан. Гэтэл одоо шилжүүлэхийн тулд завсраар нь заавал орон нутгийн машин орох ёстой. Хотод байгаа хүн ямар юмаараа орон нутгийн машинтай байх вэ. Тийм болохоор одоо орон нутгийн дугаартай машиныг 200 мянгаар түрээсэлж байна. Зарим хүнд орон нутгийн хаягтай найз нөхөд байхгүй шүү дээ. Гэтэл м ашинаа шилжүүлээд авчихмаар байдаг. Хэчнээн хоногийн ажил болох билээ. Миний хувьд татвараас эхлээд янз бүрийн ажил хөөцөлдөөд, энд сар гаруй эргэлдэж байна. Ажилтнуудынх нь хүнд суртал хүртэл аймшигтай хэмээв.
Ийнхүү жолооч нар бүгд л адилхан асуудал хөндөж байсан юм. Авто машины татвараас эхлээд санхүүгийн хүндрэлүүд ард иргэд, аж ахуйн нэгж, бизнес эрхлэгчдэд цаашид өсөн дэвжих ямар ч боломж өгөхгүй байгааг тэд онцолж байлаа.
Эх сурвалж: “Өдрийн сонин”
Г.Балгармаа

Автомашины татварын дарамт ард иргэд, бизнес эрхлэгчдийг сөхрүүлж байна гэв

Монгол Улсын ардын багш, МУГЖ Л.Чаминчулуунтай ярилцлаа.
<hr />
-Яриагаа таны аав, ээжийн тухай дурсамжаас эхэлье гэж бодсон юм. Аав, ээжийнхээ талаарх гэгээн дурсамжаас хуваалцвал?
-Дэлхий дээр хэнийг ч орлож чадахгүй хүмүүс аав, ээж л байдаг. Би нэрнийхээ өмнө байгаа Лувсангомбо гэдэг овгийг газар гудайлгачихгүй юмсан, муу зүйл дээр бичүүлчихгүй юмсан, муугаар дуудуулчихгүй юмсан гэж хичээж явдаг. Миний нэрний өмнө байгаа энэ ганц үсгийг би л хайрлана, өөр хэн ч хайрлахгүй. Миний аав их мундаг хүн байлаа. Соёлын яаманд сайдын референт, Уран бүтээлийн хэлтсийн дарга хийж явсан хүн. Намайг урлагийн хүн болох сэтгэл зүйн бэлтгэлийг аав минь миний зүрхэнд хадаж өгсөн. Миний аав их нямбай, дөлгөөн, хүний төлөө гэсэн сэтгэлтэй явснаараа Соёлын яаманд их алдартай хүн байсан. МУСТА хэмээх цол хүртсэн анхны тавхан хүний нэг нь миний аав байлаа.
Миний ижий О.Алтангэрэл гарын дүйтэй, уран хүн байсан. Ижийд минь эсгүүрчин, загвар зохион бүтээгч, оёдолчин гээд хийгээгүй ажил байхгүй дээ. Ээж минь их хайлган, гэхдээ аавыг бодвол зарчимч, хатуу хүн байсан. Аав минь их зөөлөн. Намайг их эрхлүүлдэг, дураар минь байлгадаг байсан бол миний ижий тийм байгаагүй. Сэтгэлийн хат, хатуужилтай байх ухааныг ээж минь надад өгсөн гэж боддог юм. Намайг ханьтайгаа гэрлэсний дараахан ээж минь надад “Чи өөрийгөө сохор, дүлий, хэлгүй гэж бодож байгаарай. Тэвчээртэй хүн ханьтай явдаг юм. Өршөөнө, уучилна гэдэг сайхан шүү гэж бодож амьдралаа урагшлуулах хэрэгтэй. Юм болгоныг өөнтөглөөд бодоод байвал хань чинь чиний хажууд тэсэхэд бэрх болно. Тийм учраас чи элдвийн юм сонссон ч сонсоогүй юм шиг, харсан ч хараагүй юм шиг, хэлэх үгээ залгиж, юуг яаж хэлэх вэ гэдгээ ухаарч яваарай” гэж хэлж байсан нь санаанаас гардаггүй юм.
Миний хань Лувсандоржийн Баярмагнай маш сайхан хүн. Намайг алдаа, оноотой минь хамтад нь хайрлаж, уучилж өршөөж, урлагийн хэцүү, дарамттай бөгөөд төвөгтэй бас гэгээлэг ажлыг сэтгэл зүрхээрээ дэмжиж явсан даа. Хорвоод над шиг сайн ханьтай хүн байдаг болов уу гэж боддог юм. Би дэлхийг хоёр тойрсон ч ижий, аав, хань ижил шиг минь хүн надад дахиад заяахгүй. Би хоёр сайхан хүүтэй. Миний том хүүг Б.Чулуунбаатар, бага хүүг Б.Баярбаатар гэдэг. Том хүү маань япон хэлний орчуулагч, Монгол-Японы хамтарсан компанид орчуулагчаар ажилладаг. Бага хүү маань хуульч мэргэжилтэй, улс төрийн ажилтан. Энэ хүмүүс л миний өдий зэрэгтэй, сайн сайхан, юугаар ч дутахгүй ажил үүргээ гүйцэтгэх, өөрийнхөө хүссэн зүйлийг хийхэд минь маш их сэтгэлийн дэм болж явсан юм шүү. Хэзээ ч мартахгүй.
-“Аав маань намайг Хөгжим бүжгийн сургуулийн шанзны ангид оруулсан. Гэхдээ хүний хүсэл гэдэг барьж болдоггүй хэцүү юм билээ” гэж Та нэгэнтээ дурдсан байдаг?
-Аавыгаа дагаж явж урлагт дуртай болсны буянаар би Хөгжим бүжгийн дунд сургуулийн шанзны ангид суралцаж төгссөн. Манай ангиас долоон гавьяат төрөн гарсан. МУАЖ, морин хуурч Ц.Батчулуун, Улсын ардын дуу бүжгийн чуулгын уран сайхны удирдаач А.Цэдэн-Иш гээд тоочоод байвал олон хүн бий. Урлагийг гэсэн чин үнэн сэтгэлийг багаасаа бид бие биедээ хайрлаж явсан учраас манай ангиас тийм олон гавьяат төрсөн юм болов уу гэж боддог. Би хэдий шанзны ангийг төгссөн ч жүжигчин болох хүсэлдээ хөтлөгдөөд шанзаа орхиж, драмын театрт үйлчлэгч цэвэрлэгчээр ажиллаж эхэлсэн. Тэр үедээ би ханьтайгаа учирсан. Тухайн үед надад ЗХУ-д сурах нандин завшаан тохиолдож байлаа. Үүнийг аавынхаа нөмөр нөөлөг байсан байх гэж боддог юм. Би 1975 онд сургуульдаа яваад 1980 онд төгсөж, онц дүнтэй магистрын дипломоо өвөртлөн эх орондоо ирж байлаа. Ирэнгүүтээ МУБИС-ийн Кино, драмын ангид багшилсан. Мөн “Монгол кино” үйлдвэр, УдЭТ, Армийн театр, хошин урлагийн театрт ажиллаж байлаа. 1994 оноос өнөөдрийг хүртэл СУИС-д Ярих урлагийн тэнхимийн багшаар 45 дахь жилдээ ажиллаж байна. Энэ хугацаанд 19 анги төгсгөсөн байна. Одоо 20 дахь анги дээрээ ажиллаж байгаа. Шавь нараас маань өнөөг хүртэл 14 гавьяат төрлөө. Багш хүнд шавиараа бахархах шиг том бахархал байхгүй шүү дээ. Монголын үзэгч түмэн намайг хайрлаж, хүндэлж, алга ташилтаар мялааж, тайзны бүтээлийг хийхэд эрч хүч, ухаан, энэрэл хайрыг бэлэглэснийг хэзээ ч мартаж болохгүй. Чаминчулуун үзэгчгүйгээр хэн ч биш.
-Та өнөөдрийг хүртэл хэчнээн тайз, дэлгэцийн уран бүтээлд дүрээ мөнхөлсөн бэ?
-Нэрлэх юм бол тоймгүй олон бий. Залуу үедээ хамт олонтойгоо нийлж кинонд их явж байлаа. Орчин үед кино урлаг хөгжөөд бидний хийсэн бүтээл тэр бүр дэлгэцээр гарахгүй байдагт эмзэглэж явдаг ч сэтгэл зүрхэндээ үргэлж хадгалж явдаг. УДЭТ-ын тайзан дээр гол болон туслах дүрийг нэлээд бүтээсэн. Хошин урлагт Б.Батзаяа, Д.Жагдаг, Б.Туяа, Д.Сосорбарам, Д.Батсүх бид хэд нийлээд зах зээлийн үед мандаж явлаа. Ард түмний хүсэн хүлээж байсан инээдийг бид хамтдаа бэлэглэж явсан юм. Энэ бол түүхэн бахархал. Би инээдэггүй хүнээс айдаг юм. Инээмсэглэл хүнд үргэлж аз жаргал бэлэглэж байдаг. Хүнд инээд бэлэглэдэг хүн өөрөө инээх нь ховор. Тэд хүнд гэрэл гэгээ, инээд хөөрийг яаж бэлэглэх вэ хэмээн бодож үргэлж тархи нь гашилж явдаг. Өөрөө ч инээх завгүй, хүнд инээд бэлэглэхийн төлөө зүтгэж явдаг хүмүүсийг хошин урлагийн уран бүтээлчид гэдэг. Би хошин урлагийн жүжигчдээр маш их бахархдаг. Хошин урлагийн уран бүтээлчид маш их авьяас чадвартай, төгс төгөлдөр хүмүүс байдаг. Учир юу вэ гэвэл ямар ч дүрд хувирч чаддаг. Харин уянгын бөгөөд драмын жүжигчид тэр болгон хошин урлагийн жүжигчдийн хийдгийг хийж дөнгөх тал дээр доголдолтой гэж би хувьдаа боддог.
Уран бүтээлчид гэдэг өглөгийн эзэд. Хүнд юм өгч сураагүй хүн амьдралаас юу ч сураагүй л байдаг. Хүн рүү хараад сайхан инээх, хүнтэй зөв сайхан мэндлэхэд тэр бол өглөг. Эдэд биш, сэтгэлд байдаг. Өглөгийг битгий тасал. Өртэй юм шиг өгч сур. Ер нь ч тэгээд авахаасаа өгөх нь өлзийтэй гэж ярьдаг юм. Энэ бол амьдралын бичигдээгүй хууль. Ээж минь надад “Хэнд ч битгий муу сана. Муу санаад, муу хэлээд, атаархаад байгаа хүмүүстэй яг тэнцэх хэмжээнд тэр хүнд сайн бай. Тэр хүнийг хайрла. Хүндэл. Тэр чамд муу зүйл хийж байж болох ч цаана нь сайн хүн, сайхан чанарууд байгаа. Түүнийг л олоод харчих. Тэр хүнд муу санаж болохгүй. дандаа сайныг хүс” гэж хэлсэн. Түүнээс хойш би үүнийг л зөв зам гэж боддог болсон.
-Та эерэг, эсрэг дүрд хувирч их тоглодог. Ингэх хэцүү юү?
-Уншлагын хувьд эерэг дүрд нэлээд бүтээл хийсэн. Тайз болон дэлгэцийн уран бүтээлд эсрэг дүр бас олныг бүтээсэн. Сөрөг дүрийг гадна талаас нь харахад эмзэглэмээр, хатуу боловч үүний цаана зүрхэнд нь хайр гэрэлтэж байдаг. Ямар ч муу хүнд сайн тал байдаг. Гэгээтэй бүхэн зүрх сэтгэл, тархинд оршдог, үгээр амилдаг юм даа.
-Та бодит амьдрал дээр хэр наргианч хүн бэ?
-Би хүнд гэгээлэг ирээдүйг бэлэглэх үгийн судлал дээр их ажилладаг. Монгол ардын аман зохиолд буй сургамжтай, ухааруулах, хүмүүжүүлэх үгсийг хошин аясаар хүнд хүргэхийн төлөө ухаанаа уралдуулж явдаг. Хамгийн гол нь, дөрөвдүгээр сарын 1-ний өдрийг инээдгүйгээр өнгөрөөж болохгүй гэдэг зорилгыг би өөртөө тавьдаг юм.
-Багш хүн шавь нараараа бахархах нь зайлшгүй. Шавь нарынхаа талаар товчхон яривал?
-Шавь нарын минь дундаас төрөн гарсан гавьяат шавь нар надад олон бий. УДЭТ-ын Д.Цэрэнсамбуу, дорноговийн “Саран хөхөө” театрын найруулагч Н.Пүрэвдорж, МУГЖ С.Лхагвасүрэн, Б.Нармандах, Ц.Төмөрхуяг нарыг, залуу үеэс С.Болд-Эрдэнэ, Г.Эрдэнэбилэг, Д.Ганцэцэг нар байна. Хамгийн сүүлд МУГЖ болсон Д.Баттөмөр мөн миний шавь. СУИС-ийн жүжигчний ангийн гуравдугаар курсын оюутнуудад тайзнаас ярих урлагийн хичээл зааж явна. 20 шавьтайгаа үзэлцэж байна. Тэд маань ирэх жил төгсөнө. Бие хаа эрүүл байвал дахин нэг анги төгсгөчих юмсан гэсэн бодол миний сэтгэл зүрхэнд хадгалаастай явна. Хүний төлөө, хүний амьдралын чиглэлийн төлөө зүрх, оюун, сэтгэлээ зориулж явах шиг жаргал байхгүй. Би мөнгөтэй баян хүн биш. Компанийн захирал биш. Би жирийн нэг жүжигчин, багш. Миний хамгийн том баялаг бол миний шавь нар, Монголын үзэгчид.
-Шог хошигнолын цаана гүн гүнзгий үнэн байдаг гэж Та хэллээ?
-Үнэн. Хошигнол гэдэг үнэнийг далдалдаг хэдий ч ухаарал нь цаанаа байдаг. Инээдэм нэгдүгээрт, хүнийг ухааруулдаг. Хоёрдугаарт, хүмүүжүүлдэг. Гуравдугаарт, хүн инээснээрээ эрүүлждэг. Энд бараан зүйл байхгүй байгаа биз. Алдаа, оноотой зүйлийг хараад тухайн хүн инээж байгаа боловч өөр дээрээ тусгаад бодохоор “Энэ чинь намайг хэлээд байна уу даа. Ингэж болохгүй юм байна шүү” гэдэг хүмүүжил, сургаал хошин урлагийн бүтээл дотор болоод үгийн увдис дотор нуугдаж байдаг.
-Монголчуудыг хошин шогийн мэдрэмжтэй ард түмэн гэж ярьдаг. Гэтэл гадныхан монголчуудыг инээдэггүй гэж дүгнэсэн байдаг. Саяхан хүүхдүүд өдөрт дунджаар 200 удаа инээмсэглэдэг бол эмэгтэйчүүд 62, эрэгтэйчүүд ердөө найман удаа инээмсэглэдэг гэсэн судалгаа гарсан байна лээ. Үүний шалтгаан нийгэмдээ байна уу, хүндээ байна уу?
-Нийгэм бухимдалтай байгаа ч хувь хүн өөрөө хүний хувьд гэгээлэг байх ёстой. Хүний амьдралд янз бүрийн зовлон, шаналал тохиодог. Гэхдээ өөрөө өөрийгөө хайрлаад, гэгээлэг байлгаж урагш алхах нь хувь хүнээс өөрөөс нь шалтгаалдаг. Өөрийгөө, гэр бүлээ, үр хүүхдээ, орчин тойрныхоо хүн бүрийг хайрла. Зарим хүн хүсээд хүсээд инээж чаддаггүй. Уйлмаар байсан ч инээ. Сөхрөөд унамаар байсан ч инээгээд хүчтэй гэгч нь хөл дээрээ бос. Сэтгэлээ гэгээлэг байлгах тусам бүх зүйл аз жаргалтай болдог. Сэтгэлийнхээ зовлонг инээдээр тайлах ухаан хүн болгонд бий.
-Орчин үеийн хошин урлаг ямар чиг хандлага руу явж байна гэж та харж байна вэ?
-Хошин урлагийн нэг хэсэг болж нэлээн урагшаа давшиж явсан үе надад бий. Ард түмний хошин урлагт хандах хандлага зарим нэг талаараа хазайчих гээд байгаа юм уу даа гэж бодогддог боловч хошин урлагийнхан байр сууриа алдахгүй байхын төлөө тэмцээд л байгаа. Харин үгийн судалгаа болон инээдмийн, шинжлэх ухааны үндэслэлтэй урагшаа давших судалгаанууд дээрээ бид нарийвчилж ажиллах хэрэгтэй юм болов уу гэж бодож байна. дандаа шинэ, шинэлэг зүйл сэтгэж байх хэрэгтэй.
-Ер нь хошин шогийн уран бүтээлд ёс зүй, хэтрүүлэл хоёрын заагийг яаж зөв барих ёстой вэ?
-Хошин урлаг гэдэг бол ёс зүйн заагийг эергээр хошигнож ард түмний сэтгэлд хүргэдгээрээ онцлогтой. Хошин урлагийн жүжигчид эсрэг зүйлийг эерэг болгоход ухаанаа өгчихсөн улс байдаг. Энэ зааг бол байнга байна. Бүр давхцаж байдаг. Тэр битгий хэл шөргөөцөлддөг. Үүнийг гангцхүү инээд л ялдаг.
Эх сурвалж: “Өдрийн сонин”
Ө.Анхзаяа

Л.Чаминчулуун: Би инээдэггүй хүнээс айдаг юм

<div class="quill ">
<div class="ql-container ql-bubble ql-disabled">
<div class="ql-editor" contenteditable="false" data-gramm="false">
Хур тунадас: 31-нд Хэнтийн уулархаг нутаг болон Дорнод, Дарьгангын тал нутгаар, 04 дүгээр сарын 02-нд баруун аймгуудын нутгийн зарим газраар, 03-нд төвийн аймгуудын ихэнх нутаг, зүүн аймгуудын нутгийн баруун хэсэг, говийн аймгуудын нутгийн зарим газраар, 04-нд зүүн аймгуудын ихэнх нутгаар , 06-нд баруун аймгуудын нутгийн зарим газар, төвийн аймгуудын нутгийн баруун хэсгээр, 07-нд нутгийн зүүн хэсгээр, 09-нд Хэнтийн уулархаг нутгаар хур тунадас орно.
Салхи: Ихэнх хугацаанд говь, тал, хээрийн нутгаар секундэд 7-12 метр, 03, 06-нд нутгийн зарим газраар секундэд 14-16 метр хүрч, нутгийн өмнөд хэсгээр шороон шуурга шуурга шуурна.
Агаарын температур: Ихэнх нутгаар дулаарч Увс нуурын хотгор, Завхан голын эх, Тэс голын хөндийгөөр шөнөдөө -16&#8230;-21 градус, өдөртөө 0&#8230;-5 градус, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -10&#8230;-15 градус хүйтэн, өдөртөө +1&#8230;+6 градус дулаан, Орхон Сэлэнгийн сав газар, говийн бүс нутгийн өмнөд хэсгээр шөнөдөө -3&#8230;+2 градус, өдөртөө +14&#8230;+19 градус дулаан, бусад нутгаар шөнөдөө -4&#8230;-9 градус хүйтэн, өдөртөө +8&#8230;+13 градус дулаан байна. 03, 06-нд ихэнх нутгаар сэрүүснэ.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 04 дүгээр сарын 01 болон 03-нд хур тунадас орно. Бусад хугацаанд хур тунадас орохгүй.
Салхи: Ихэнх хугацаанд секундэд 5-10 метр, 01, 03-нд баруун өмнөөс хойш эргэж секундэд 12-14 метр хүрч ширүүсч, шороон шуурга шуурна.
Агаарын температур: Дулаарч шөнөдөө -4&#8230;-9 градус хүйтэн, өдөртөө +8&#8230;+13 градус дулаан байна. 03, 06-нд бага зэрэг сэрүүснэ.
</div>
<div class="ql-clipboard" tabindex="-1" contenteditable="true"></div>
</div>
</div>
<div class="flex justify-end items-center mt-2"></div>

Хайх