ОБЕГ-ын харьяа Үндэсний аврах бригад 2024 оны үйл ажиллагаагаа тайлагнаж, бригадын дэвшүүлсэн зорилтыг ханган, үндсэн үүргээ амжилттай биелүүлж, хамт олноо тэргүүлсэн салбар нэгж, алба хаагчдаа тодрууллаа.
Тус арга хэмжээнд ОБЕГ-ын дэд дарга, хурандаа Ц.Уранчимэг, Ажиллагааны удирдлагын газрын дарга, хурандаа Б.Баянмөнх нар оролцож, алба хаагчдад амжилт хүслээ.
Энэ үеэр бригадын захирагч, хурандаа Б.Мандахгэрэл 2024 онд хийж хэрэгжүүлсэн томоохон ажлуудыг танилцууллаа.
Тухайлбал, Үндэсний аврах бригадын алба хаагчид 2024 онд улсын хэмжээний гамшиг, аюулт үзэгдэл ослын 13 удаагийн дуудлагаар ажиллаж, 41 иргэний амь насыг авран хамгаалж, 115 өрхийн 661 иргэнд анхны тусламж үйлчилгээ үзүүлсэн байна.
Мөн химийн хорт бодисын аюулгүй байдлыг хангах хүрээнд 19 удаагийн нийт 594.2 тн бодисыг аюулгүй тээвэрлэхэд 90 гаруй алба хаагч 117 хоног үүрэг гүйцэтгэсэн.
Хөвсгөл нуурын эко системийг хамгаалах хүрээнд нуурт живсэн тээврийн хэрэгслийг татан гаргах ажиллагаанд тус ангийн зургаан алба хаагч 24 нэр төрлийн багаж, хэрэгсэлтэйгээр 85 хоног үүрэг гүйцэтгэж, 30-120 метрийн гүнээс зургаан нэгж тээврийн хэрэгслийг татан гаргаж, 34.7 тонн шатах тослох материалыг аюулгүй болгоход гар бие оролцлоо.
Түүнчлэн ОБЕГ, нийслэл, Соёлын яам, &#8220;Дэлхийн Зөн Монгол&#8221; ОУБ, &#8220;Түүлс маркет&#8221;ХХК-ийн дэмжлэгтэйгээр нийт 3.2 тэрбум төгрөгийн хөрөнгө оруулалтаар албаны бэлтгэл, бэлэн байдлыг дээшлүүлэх техник, тоног төхөөрөмжөөр хангагдаад байна.

Үндэсний аврах бригад тайлангийн хурлаа хийж, шилдгүүдээ тодрууллаа DNN.mn

Якут бол Хойд мөсөн далайтай хиллэдэг  алслагдсан бүс нутаг бөгөөд түүний мөнх цэвдэг нь эртний амьтдын үлдэгдлийг хадгалдаг аварга хөлдөөгч шиг л ажилладаг юм. Даваа гарагт Оросын эрдэмтэд мөнх цэвдэгт Якутаас олдсон маш сайн хадгалагдсан хөхтөн нялх амьтны  үлдэгдлийг үзүүлэв. 50,000 жилийн настай эм мамонтыг энэ зун сав газраас нь олж илрүүлсэн бөгөөд тус голынхоо нэрээр &#8220;Яна&#8221; хэмээн нэрлэсэн байна. Мэргэжилтнүүдийн үзэж байгаагаар &#8220;Яна&#8221; бол дэлхий дээрх хамгийн сайн хадгалагдан үлдсэн мамонтын цогцос бөгөөд урьд өмнө олдсон бүрэн бүтэн долоон үлдэгдлийн нэг юм. Одоо түүний насыг &#8220;нэг эсвэл түүнээс дээш &#8221; гэж тооцож гаргах судалгааг хийх юм байна.
Олдворыг бүс нутгийн нийслэл Якутск хотын Зүүн хойд холбооны их сургуульд үзүүлсэн гэж дурджээ. Ректор Анатолий Николаев хэлэхдээ &#8220;Бид бүгдээрээ мамонтыг онцгой байдлаар хадгалсанд гайхсан&#8221;.
Судлаач Максим Чепрасов үүнийг &#8220;өвөрмөц нээлт&#8221; гэж хэлсэн юм.Үлдэгдэл нь 180 килограмм (397 фунт) жинтэй, 120 сантиметр (дөрвөн фут) өндөр, 200 сантиметр урт юм. Мөн морь, бизон, лемминг зэрэг эртний амьтдын үлдэгдэл олдсон Батагайка судалгааны станцын ойролцоох сэгийг ухсан байна. 
Энэхүү нээлтээс өмнө дэлхий дээр ердөө зургаахан мамонтын сэг зэг олдсоны тав нь Орост, нэг нь Канадад байсан гэж тус их сургууль мэдэгджээ.
Эх сурвалж: zms.mn

Сибирээс олдсон нэн ховор нярай мамонт DNN.mn

Монгол Улсын Их Хурлын гишүүн, Аж үйлдвэржилтийн бодлогын байнгын хорооны дарга С.Ганбаатар өнөөдөр (2024.12.24) Бүгд Найрамдах Энэтхэг Улсаас манай улсад суугаа Онц бөгөөд Бүрэн эрхт Элчин сайд, ноён Атул Малхари Готсурвег урьж уулзлаа. Монгол, Энэтхэг Улсууд өнө эртнээс оюун санааны хөрш явж ирснийг Байнгын хорооны дарга цохон тэмдэглэж, жинхэнэ утгаараа стратегийн түнш хэмээн үзэж буйгаа илэрхийлэв.
Элчин сайд Атул Малхари Готсурве тус улсаас Монголд хэрэгжүүлж буй Газрын тос боловсруулах үйлдвэр, Атал Бихари Важпайн нэрэмжит Мэдээллийн технологи, холбоо, аутсорсингийн сургалтын төв, Энэтхэг-Монголын найрамдлын ерөнхий боловсролын сургууль зэрэг хамтын ажиллагааны төслүүд болон хөгжлийн түншлэлийн хөтөлбөрүүдийн талаар танилцуулав. Мөн БНЭУ-ын Засгийн газрын мэргэжил дээшлүүлэх хөтөлбөрт манай улсаас жил бүр 200 суралцагч, бакалавр, магистр, докторын тэтгэлэгт хөтөлбөрт 40 суралцагч хамруулж буйг Элчин сайд дурдсан юм.
Уулзалтад Улсын Их Хурлын гишүүн М.Мандхай, М.Ганхүлэг нар оролцож, хэдхэн хоногийн өмнө Дели хотноо болсон Дэлхийн хоршоологчдийн чуулга уулзалтад оролцсон талаараа мэдээлэл өгөв. Чуулга уулзалтын үеэр Монгол Улсын Их Хурлын гишүүд БНЭУ-ын Хоршооллын яам болон бусад холбогдох байгууллагын төлөөлөгчидтэй уулзаж, үйл ажиллагаатай нь танилцсан байна. Манай улсын эдийн засгийн нэг томоохон хэсэг нь хөдөө аж ахуйн салбар болохыг Улсын Их Хурлын гишүүн М.Мандхай онцлоод, энэ салбараа, тэр дундаа мал аж ахуйн салбарыг Бүсчилсэн хөгжлийн үзэл баримтлал болон мега төслүүдтэйгээ уялдуулан хоршоолж хөгжүүлэх боломж байгааг дурдаж, энэ талаар тус улсаас суралцах зүйл их байна гэв. Тус улсын Засгийн газрын сургалтын хөтөлбөрүүдэд хөдөө аж ахуйн хоршоологчдыг, мөн бүс нутгуудын төлөөллийг жигд хамруулахад анхаарал хандуулахыг Улсын Их Хурлын гишүүн М.Ганхүлэг хүсэв.
Элчин сайд Атул Малхари Готсурве өөрөө хоршоололд, хоршоологчдын гэр бүлд төрж, өссөнөө танилцуулж,

Аж үйлдвэржилтийн бодлогын байнгын хорооны дарга С.Ганбаатар Энэтхэгийн Элчин сайдтай уулзав DNN.mn

Шинэ жилийн баярын тохиолдуулан  томоохон сүлжээ дэлгүүрт худалдаалж байгаа бэлгүүдэд лабораторийн шинжилгээ хийжээ.
Энэ талаар СХЗГ-ын ХАБҮЛЛ-ын ерөнхий захирал О.Нандин-Эрдэнэ “Хими хор судлал, хүнд металлыг судалсан. Үүнээс стандартын шаардлага хангахгүй байгаа нэг дээж илэрсэн. Энэ нь ундаа буюу сахрын агууламж стандарт зөвшөөрөгдөх хэмжээнээс өндөр гарсан.
Нэг уут бэлэг хамгийн багадаа 145.83 чихэр агуулж байна. Дэлхийн эрүүл мэндийн байгууллагын байгууллагын зөвлөмжөөс 6.8 дахин өндөр байна. Нэг бэлгийн багцыг хүүхэд хэрэглэснээр 36-72 ширхэг ёотон хэрэглэнэ. Шалгалтаар нэг ууттай бэлгэнээс дэлхийн эрүүл мэндийн байгууллагаас зөвлөснөөс хэд дахин их сахар илэрчээ.
Тиймээс эцэг, эх асран хамгаалагч нарт хүүхдэдээ хэт их сахрын агууламжтай бэлэг авч өгөхийг зөвлөж байна” гэв.
Шалгалтаар шошгод тавигдах 16 шаардлагыг хангасан нэг ч бүтээгдэхүүн байхгүй байна. Хамгийн их гарч байгаа зөрчил нь тухайн бүтээгдэхүүнийг хэрэглэх заавар бичигдээгүй. Харшил үүсгэгчийн мэдээлэл байхгүй.
Ууттай бэлгэнд үйлдвэрлэсэн болон дуусах хугацаа нь мэдэгдэхгүй  байна. Мөн хүчинтэй хугацаа нь дуусах дөхсөн долоон бүтээгдэхүүнийг бэлгийн багцад орсон байсан аж.

Шалгалтаар нэг ууттай бэлгэнээс ДЭМБ-аас зөвлөснөөс хэд дахин их сахар илэрчээ DNN.mn

Тэрэлж болон Скай ресорт руу нийтийн тээвэр үйлчилж эхэлсэн. Сурагчдын амралт эхэлж байгаатай холбогдуулан иргэдийн зүгээс гэр бүлээрээ агаарт гарах хүсэлтэй байгаагаа илэрхийлсний дагуу ийнхүү автобус явуулах болсон юм. Цаашид нэмэлтээр зургаан чиглэлд тусгай зориулалтын автобус гаргахаар төлөвлөж байгаа талаар НОК-оос холбогдох албаны хүмүүс танилцуулгадаа дурдсан байна.
Жуулчны баазууд руу хүргэх тусгай маршрут &#8220;Офицеруудын ордон &#8211; Тэрэлж&#8221; чиглэлд зорчих автобусны үнэ том хүн 2300, хүүхэд 1200 төгрөгөөр, &#8220;Сүхбаатарын талбай &#8211; Скай ресорт&#8221; чиглэлд том хүн 1000 төгрөг, хүүхэд 500 төгрөгөөр зорчиж байгаа юм.

Тэрэлж, Скай ресортоос гадна тусгай чиглэлд нэмэлт автобус гаргана DNN.mn

<div class="xdj266r x11i5rnm xat24cr x1mh8g0r x1vvkbs x126k92a">
Хууль зүйн байнгын хорооны өнөөдрийн хуралдаанаар Цагдаагийн албаны тухай хуульд зохих нэмэлт, өөрчлөлт оруулах, Татварын ерөнхий хуулийн зарим хэсэг, заалт Монгол Улсын Үндсэн хуулийг зөрчсөн эсэх талаар Монгол Улсын Үндсэн хуулийн цэцийн 2024 оны 04 дүгээр дүгнэлтийг хүлээн зөвшөөрөхийг тус тус хэлэлцэн, хуралдаанд оролцсон гишүүдийн олонхын саналаар дэмжлээ.
<img decoding="async" src="https://scontent.fuln2-2.fna.fbcdn.net/v/t39.30808-6/471356647_900451442264129_8023829354827270914_n.jpg?_nc_cat=101&amp;ccb=1-7&amp;_nc_sid=127cfc&amp;_nc_ohc=DcTLTgbfkk0Q7kNvgFelXB1&amp;_nc_zt=23&amp;_nc_ht=scontent.fuln2-2.fna&amp;_nc_gid=AYFAy4hGPmNZ0x3ioPc5Pza&amp;oh=00_AYCeGfHiyrQk65Xwq2Gk5bwCfoksjYt28c45hZoCQ1DF1w&amp;oe=677042DD" alt="May be an image of 1 person, newsroom and text" />
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
Мөн Эрүү шүүлт тулгах гэмт хэргийн хохирогчийг хамгаалах, зөрчигдсөн эрхийг сэргээх, эрүүл мэнд, нийгэм, сэтгэл зүй, эд хөрөнгийн тусламж үйлчилгээ үзүүлэх, нөхөн төлбөр олгох талаар судалж, холбогдох санал, дүгнэлт боловсруулах ажлын хэсгийг байгуулах нь зүйтэй гэж үзэн байнгын хорооны тогтоолын төслийг баталлаа.
<img decoding="async" src="https://scontent.fuln2-2.fna.fbcdn.net/v/t39.30808-6/471264369_900451435597463_1852793456243778302_n.jpg?_nc_cat=109&amp;ccb=1-7&amp;_nc_sid=127cfc&amp;_nc_ohc=TREAZdC_u7IQ7kNvgE_P8_k&amp;_nc_zt=23&amp;_nc_ht=scontent.fuln2-2.fna&amp;_nc_gid=AZgmKyF9-ydYq-S7IiiTbyu&amp;oh=00_AYC0A7TN3VzKTn_fskyUQjpgif9cE9Vgnkby71xG9MMFkw&amp;oe=67703937" alt="May be an image of 1 person and text" />
Хэлэлцэж буй асуудалтай холбогдуулан УИХ-ын гишүүн П.Сайнзориг, Б.Энхбаяр, Д.Цогтбаатар, Б.Заяабал нар асуулт асууж хариулт авлаа.
</div>

Нөхөн төлбөр олгох тухай санал дүгнэлт боловсруулах байнгын хорооны тогтоолын төслийг баталлаа DNN.mn

Ерөнхий сайд Л.Оюун-Эрдэнэ БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжюань, “Чайна Энержи” группийн туслах ерөнхий захирал Кан Фэнвэй нартай уулзлаа.
Уулзалтаар Гашуунсухайт-Ганцмод боомтын хил холболтын төмөр замын төслийн талаар ярилцав.
<img decoding="async" src="https://mongolia.gov.mn/storage/posts/December2024/viber_image_2024-12-24_14-01-32-511.jpg" alt="" />
БНХАУ-ын Засгийн газраас Гашуунсухайт-Ганцмод боомтын хил холболтын асуудлыг хоёр орны Засгийн газар хооронд олон улсын гэрээгээр шийдвэрлэхэд бэлэн буйгаа албан ёсоор илэрхийллээ.
<img decoding="async" src="https://mongolia.gov.mn/storage/posts/December2024/viber_image_2024-12-24_14-01-32-090.jpg" alt="" /> 
Гашуунсухайт-Ганцмод хил холболтын төмөр замын төсөл нь 2009 оноос хойш яригдсан бөгөөд 16 жил гацсаны эцэст Монгол Улсын Ерөнхий сайд Л.Оюун-Эрдэнийн БНХАУ-д хийсэн албан ёсны айлчлалын үеэр буюу 2024 оны арваннэгдүгээр сарын тавны өдөр талууд  “Гашуунсухайт-Ганцмод боомтын хил дамнасан төмөр замын гүүрийг хамтран барих тухай Монгол Улсын Засгийн газар, БНХАУ-ын Засгийн газар хоорондын хэлэлцээр”-т гарын үсэг зурснаар уг төсөл дахин хөдлөхөөр болсон. Тус төслийг хэрэгжүүлснээр Ханги-Мандал, Шивээхүрэн-Сэхэ, Бичигт-Зүүнхатавч төмөр замын болон бусад төслүүд хэрэгжих боломж бүрдэхийн зэрэгцээ манай улсын нүүрсний экспортыг 120 сая тонн, нэг хүнд ногдох дотоодын нийт бүтээгдэхүүний хэмжээг 10.000 ам.долларт хүргэх бодит боломж бүрдэх юм.

БНХАУ-ын Засгийн газар Гашуунсухайт-Ганцмод боомтын төслийг олон улсын гэрээгээр шийдвэрлэхэд бэлэн гэдгээ илэрхийллээ DNN.mn

МСНЭ-ийн Хууль, мэргэжлийн ёс зүй хариуцсан дэд ерөнхийлөгч З.Боргилмаатай ярилцлаа.
<hr />
-МСНЭ Нийслэлийн Засаг дарга Х.Нямбаатарыг сэтгүүлчдээс уучлалт гуйхыг шаардлаа. Ер нь өндөр албан тушаалтнууд сэтгүүлчдийг асуулт асуухаар элдвээр загнах хандлага бий болжээ. Тэд иргэдэд мэдээлэл өгөхөөс татгалзаж байна уу. Эсвэл өөрсдөө асуудлаа мэдэхгүй болохоороо ингэж бултаж байна уу?
-Нийслэлийн Засаг дарга Х.Нямбаатар өмнө нь Хууль зүй, дотоод хэргийн сайдаар ажиллаж байсан, тэр албан тушаалаасаа Засаг даргаар томилогдсон, нэг үгээр бол сүүлийн хоёр бүрэн эрхийн хугацааг дамнуулан эрх мэдэл эзэмшиж байгаа хүн. Энэ фактыг яагаад хэлэх ёстой вэ гэвэл Х.Нямбаатар хувь хүн талаасаа ааш зан нь албан тушаалдаа &#8220;дасан зохицож&#8221; дарга байдлаар бүх зүйлд ханддаг хэнээтэй болж байгаа нь сэтгүүлчдэд үзүүлж буй хандлагаар илрэх болсон байна. Хууль хүчний байгууллагыг удирдахад &#8220;чи бос, илтгэ&#8221;, &#8220;чи суу, дуугүй&#8221; гэж захирч болдог байх. Сайд ч юм уу, генерал ч юм уу &#8220;илтгэ&#8221; гээгүй л бол цэрэг, цагдаагийнхан дуугүй суудаг байх ёстой гэж бодож байна.
Харин хэвлэл мэдээлэлтэй ингэж хандаж болдоггүй юм. Яагаад гэвэл сэтгүүлчийн нэг микрофон, нэг камерын ард гурван сая иргэний үзэл бодол, дуу хоолой, мэдээллийн эрх чөлөө, Х.Нямбаатар шиг даргыг томилж, төсвийг нь бүрдүүлж байгаа татвар төлөгчдийн хяналт тавих эрх ашиг байгааг мартаж болохгүй. Энэ бол ардчиллын нэг хэм хэмжээ юм.
Х.Нямбаатар зөвхөн хэвлэн нийтлэх эрх чөлөөг хөндөж буй биш. Яагаад гэвэл тэр нийтийн албан тушаалтныхаа хувьд дахиад маш бүдүүлэг алдаа хийсэн. Иргэд, татвар төлөгчид утааны эсрэг хэрэгжүүлж байгаа бодлого, зардлын талаар асуух ёстой. Мэдэх эрхтэй. Дарга гэдгийг нийтийн эрх ашгийн төлөө тэдний өгсөн мөнгөөр ажиллаж байгаа хүн гэдгийг ойлгуулах гэж бид 30 жил зарцуулсан. Дарга бол удирдагч юм, уурлахаараа дарангуйлагч юм гэдэг үзэл суртлыг өөрчлөх гэж, хэвлэл мэдээлэл даргыг дагаж сурвалжилдаг лайв биш юм гэдгийг хараат бус чөлөөт хэвлэл 30 жил хангалттай л харуулж байгаа.
Монгол Улс Үндсэн хуульдаа хэвлэн нийтлэх эрх чөлөөг баталгаажуулснаас гадна засгийн бүх эрх мэдэл ард түмний мэдэлд байх ардчиллын энэхүү суурь зарчмыг ханган ажиллах институциудийг Үндсэн хууль болон бусад хуулиар бий болгосны нэг нь ардчилсан, чөлөөт, хараат бус хэвлэл мэдээлэл юм. Гэтэл Х.Нямбаатар удаа дараа сэтгүүлчдийн асуултад цензур тавьж, &#8220;асуулт таалагдахгүй байна, дуугүй бай&#8221; гэдэг хариултыг өгдөг боллоо. Энэ бол агуулгын хяналт. Аливаа эрх мэдэл хэвлэн нийтлэх агуулгыг хүссэнээрээ шийддэг болох нь үзэл суртал.
-Хэрэв хотын дарга МСНЭ-ийн шаардлагыг хүлээн зөвшөөрөхгүй бол тэмцлийн дараагийн хэлбэрт шилжинэ гэлээ. Энэ тухай дэлгэрүүлэхгүй юу?
-Өмнөх тохиолдлуудад МСНЭ мэдэгдэл, шаардлага хүргүүлж байсан. Одоо ямарваа байдлаар хариулт өгөхгүй бол хотын үйл ажиллагааг хэвлэлүүд дамжуулахгүй, мэдээлэхгүй.
Гэхдээ энэ тохиолдол хэр үр дүнтэйг мэдэхгүй байгаа нь харамсалтай. Хэвлэл мэдээллийн эрх чөлөөний тухай хуулиар төр дэргэдээ хэвлэл мэдээллийн хэрэгсэл ажиллуулахыг хориглосон байдаг ч нийслэлээс эхлээд бүх л яам, агентлагууд дэргэдээ асар том медиа үйлдвэрлэлтэй, технологийн дэвшил бүхий дэд бүтэц ашигладаг болчихсон. Бүхэлдээ хараат бус чөлөөт хэвлэл гэдэг институци эрх мэдлийн хяналтын үүрэг, хоточ нохойн үүргээ гүйцэтгэх нь улам амаргүй болж байгаа. Х.Нямбаатар шиг дарга нар хүссэн үедээ дуу хорьдог, хүссэн үедээ &#8220;зэрэгц дундаа, жагсаалын дуу гаргаад!&#8221; гэж командалдаг болох нь. Гэхдээ үүнийгээ зүй ёсны гэж боддог болж байгаа нь л айдас юм.
-Сэтгүүлчдийг шантаажчин, мэдлэггүй гэх зэргээр цоллож нийгэмд муухай харагдуулах явдал хэрээс хэтэрлээ. Ингэхэд сэтгүүлчид яагаад ингэж нэр хүндээ алдах болов. Үүнийг та юу гэж харж байна вэ?
-Сэтгүүл зүйг хүчгүйдүүлэх, нэр хүндийг нь унагах, нийгэмд жигшүүлэх ажлыг улстөрчид зохион байгуулдаг болчихсон. Яг үнэндээ тэдэн дунд хэвлэл уншдаг нь цөөхөн шүү дээ.
Хэвлэл уншдаггүй хүнтэй би сэтгүүл зүй сайн, муу тухай маргах мэтгэх утгагүй. Монголын сэтгүүл зүй хангалттай үүргээ гүйцэтгэж байгаа. Гэхдээ чадал чансаа, алдаа дутагдал, ур чадварын асуудал байхыг үгүйсгэхгүй. Бас Үндсэн хуулиар иргэнд олгогдсон хэвлэн нийтлэх эрх чөлөөг лицензжүүлж хэрэгжүүлнэ, хэн нэгэн ур чадварын шалгалт авч эрхийг нь сунгана гэдэг ойлголт байж таарахгүй. Энэ дунд медиаг сэтгүүл зүй гэж харахгүй, бизнес ашиг хонжоо болгож байгаа хүмүүс байхыг ч үгүйсгэхгүй. Гэлээ гээд сэтгүүл зүйг бүхэлд нь харлуулж болохгүй.
-АН-ын бүлэг өчигдөр Хэвлэл мэдээллийн эрх чөлөөний тухай хуулийн төслийн танилцуулгыг сонслоо. Хуульд орж буй онцлох өөрчлөлтүүдээс сонирхуулахгүй юу?
-Хэвлэн нийтлэх иргэний эрх, эрх чөлөө ба сэтгүүл зүйн үйл ажиллагааны ялгаа заагийг тодруулж байгаа. Ингэснээр мэргэжлийн эрх ашиг илүү хангагдах байх. Эх сурвалжаа хамгаалах эрхийг баталгаажуулах заалт орсон.
Хэвлэл мэдээллийн эрх чөлөөний тухай 1998 оны хуулийн үзэл санааг хадгалж үлдэхэд хэвлэлийнхэн дуу хоолойгоо илэрхийлж байсан. Нэмэлт, өөрчлөлт оруулах хуулиуд нэлээн чамбай болсон гэж үзэж байгаа. Агуулга хянасан, хэвлэлд шахалт үзүүлсэн нэлээн хэдэн хуулийн заалтуудыг хүчингүй болгохоор байгаа нь эрх зүйн орчинд бий болох нааштай өөрчлөлтүүд болох байх.
-Сэтгүүлчдийг яллаж буй Эрүүгийн хуулийн 13.14 дэх заалтыг бүхэлд нь байхгүй болгох хуулийн төслийг Ч.Лодойсамбуу гишүүн санаачилжээ. Энэ зүйл заалтаар хэчнээн сэтгүүлч шүүхийн хаалга татаад байна вэ?
-Эрүүгийн хуулийн 13.14 заалтаар сэтгүүлчдэд гомдол үүсгэх, шалгах тохиолдлууд байна. Зөвхөн сэтгүүлчдийг шалгадаг заалт бас биш. Шалгагдсан шийтгэгдсэн тохиолдолд сэтгүүлчдийн эзлэх хувь их үү, бага уу гэдгийг хууль хяналтын байгууллагаас статистик тоо гаргуулж авч байж л хэлэх нь зөв байх.
Бусдын нэр хүндийг хамгаалах зохицуулалтыг Зөрчлийн хуульд оруулж 2017-2019 онд хэрэгжүүлж байсан. Сэтгүүлчид олноороо дуудагддаг байсан. Шалгах, шийдвэрлэх процесс хамгаалалтгүй байсан. Ямар ч баримт, үнэн худлыг шүүх боломжгүй. Хэвлэл уншиж үзсэн юм уу гэмээр нэг байцаагч өөрийн эрх мэдлээр шууд торгууль оноогоод л явчих жишээний.
Хуулийн давхардал байгаа юу гэвэл байгаа. Иргэний хуульд бүхэл бүтэн бүлэг байгаа. Үүгээр явж болох уу гэвэл болно. Гэхдээ хуулийн санкци нь хэцүү. Нэхэмжлэгч тал нэр төрөө хэд гэж үнэлэх нь өөрийнх нь л хэрэг. Нэг тэрбум төгрөг нэхэж л байсан биз дээ?!
Гэх мэт тал талаас нь судлах шаардлагатай гэдэг хувийн байр суурьтай байна.
М.МӨНХЦЭЦЭГ
&nbsp;

Хайх