<p>Гаалийн Ерөнхий газраас өнөөдөр гаргасан мэдээллээр энэ оны эхний 11 сарын байдлаар автобензиний импорт 753.2 мянган тонн болж өмнөх оны мөн үеэс 4.7 хувиар буурсан байна.</p>
<p>Харин дизель түлшний импорт 1,621.0 мянган тонн болж өмнөх оны мөн үеэс 9.7 хувиар өсчээ. Энэ оны 11 сарын байдлаар суудлын болон ачааны автомашины импорт мөн тус тус буурсан үзүүлэлттэй байна.</p>
<p><img decoding="async" src="https://scontent.fuln8-1.fna.fbcdn.net/v/t39.30808-6/594288448_822668644107223_380471299103694822_n.jpg?_nc_cat=109&amp;ccb=1-7&amp;_nc_sid=127cfc&amp;_nc_ohc=MnVDpGpzlkcQ7kNvwFCCG8E&amp;_nc_oc=Adn5sYHql1zAmcdjXvkNsbQTqWR40iFkRcSsWlnPlAJ8lpbFtmaYbfMnSPYgfPUbjXM&amp;_nc_zt=23&amp;_nc_ht=scontent.fuln8-1.fna&amp;_nc_gid=GJNfZTU72iRj1EovpXmviA&amp;oh=00_Afm6yB-k6ni7WKMgbc9Unya1qd5cwZJlRTTZTceDZcD0FA&amp;oe=69385CE7" alt="" width="100%" /></p>
<p><img decoding="async" src="https://scontent.fuln8-1.fna.fbcdn.net/v/t39.30808-6/594535594_822668697440551_5326632737251372851_n.jpg?_nc_cat=110&amp;ccb=1-7&amp;_nc_sid=127cfc&amp;_nc_ohc=U7yoSdXgqWkQ7kNvwFmoja0&amp;_nc_oc=AdlnadmjU8-UCeUq9dogDZ8AesjvPavQWKrDhY4LrYIa_stoGI-pLr2JjifPZ7il51o&amp;_nc_zt=23&amp;_nc_ht=scontent.fuln8-1.fna&amp;_nc_gid=QP8f88W3KHTQTFZXBjljTA&amp;oh=00_AfmQtdr3zhUrL0ouM-K1dpLCL02XBq45wn8WpPyIblVtWw&amp;oe=69386A16" alt="" width="100%" /></p>


Автобензиний импорт 4.7 хувиар буурсан дүнтэй гарчээ

<p>Гэгээн Ширээт Улсын төрийн тэргүүн Пап Арвандөрөвдүгээр Леогийн урилгаар Монгол Улсын Ерөнхийлөгч Ухнаагийн Хүрэлсүхийн хийсэн төрийн айлчлал өндөрлөлөө.</p>
<p style="font-weight: 400;">Айлчлалын хүрээнд Монгол Улсын Ерөнхийлөгч У.Хүрэлсүх, Гэгээн Ширээт Улсын төрийн тэргүүн Пап Арван дөрөвдүгээр Лео нар албан ёсны уулзалт хийж, Ерөнхийлөгчид Төрийн хэрэг эрхлэх газрын дарга Кардинал Пиетро Паролин бараалхлаа.</p>
<p style="font-weight: 400;">Энэ удаагийн айлчлал хоёр улсын найрсаг харилцаа, хамтын ажиллагааг өргөжүүлэн хөгжүүлэхэд чухал түлхэц боллоо гэдэгт төрийн тэргүүн нар санал нэгдлээ.</p>
<p style="font-weight: 400;">Талууд харилцаа, хамтын ажиллагааг түүх, соёл, хүмүүнлэгийн салбарт гүнзгийрүүлэх, энх тайван, хөгжил дэвшлийн төлөөх олон улсын хамтын нийгэмлэгийн хүч чармайлтад хувь нэмрээ оруулах чиглэлээр хамтран ажиллах эрмэлзлээ нотоллоо.</p>
<p style="font-weight: 400;">Айлчлалын хүрээнд Монгол Улсын “Чингис хаан” үндэсний музей болон Ватиканы Апостолын архив хооронд хамтын ажиллагааны Санамж бичигт гарын үсэг зурлаа.</p>
<p style="font-weight: 400;">Монгол Улсын Ерөнхийлөгч У.Хүрэлсүх Пап Францисын дурсгалыг хүндэтгэн Гэгээн Мариагийн Их сүмд байх бунханд нь цэцэг өргөлөө.</p>


Монгол Улсын Ерөнхийлөгчийн Гэгээн Ширээт Улсад хийсэн төрийн айлчлал өндөрлөлөө

<p>Нийслэлийн ИТХ-ын ээлжит бус VIII хуралдааны хоёрдугаар хэлэлцүүлэг өнөөдөр үргэлжилж, нийслэлийн 2026 оны төсвийн төслийг хэлэлцэн баталлаа. Тодруулбал, 2026 онд нийслэлийн төсөвт 4,625.8 тэрбум төгрөгийн орлого төвлөрүүлэх бөгөөд төсвийн суурь орлогыг 3,495.9 тэрбум төгрөг, суурь зарлагыг 2,616.8 тэрбум төгрөг байхаар тооцоолсон. Ингэхдээ нийслэлээс улсын төсөвт 263.7 тэрбум төгрөг төвлөрүүлнэ.</p>
<p>Нийслэлийн урсгал зардлыг 1,517.3 тэрбум төгрөгөөр, хөрөнгө оруулалтын төсөл арга хэмжээг 2,007.4 тэрбум төгрөгөөр, дүүрэгт олгох санхүүгийн дэмжлэгийг 13.8 тэрбум төгрөгөөр баталсан юм.</p>
<p><img decoding="async" src="https://ulaanbaatar.mn/files/mn/images/nddkqbxz1wg/693276aae337fe7967a30ab1.jpg" /></p>
<p>Нийслэлийн 2026 оны төсвийн хөрөнгө оруулалтаар 265 төсөл, арга хэмжээг хэрэгжүүлэхээр баталсан бөгөөд 52.7 хувь нь авто замын салбарт, 32.3 хувь нь хот байгуулалт, инженерийн дэд бүтцийн салбарт, 8.2 хувь нь нийгмийн салбарт, 6.8 хувийг бусад салбарт зарцуулна. Тухайлбал, 12 байршилд 50.4 км авто зам, замын байгууламж шинээр барьж, 33.8 км авто замыг шинэчилнэ. Мөн хоёр байршилд явган хүний гүүрэн гарц, 31 км замын гэрэлтүүлэг хийнэ.</p>
<p>Улаанбаатар хотын дэд бүтэц, инженерийн барилга байгууламж, шугам сүлжээг нэмэгдүүлэхээр 2026 онд 477 гаруй тэрбум төгрөгийн санхүүжилт бүхий 29 төсөл, арга хэмжээ хэрэгжүүлнэ. 2026 онд 12 байршилд 15.1 км урт зам талбайн борооны ус зайлуулах шугам угсрахад 12.6 тэрбум төгрөг, Сэлбэ, Дамбадаржаа орчимд шинээр барих дэд станцын ажилд 2.4 тэрбум төгрөгийг тус тус санхүүжүүлнэ.</p>
<p>Түүнчлэн Орон нутгийн хөгжлийн санд 42.6 тэрбум төгрөг тусгасан бөгөөд гудамж талбайн камержуулалтыг нэмэгдүүлэх, ногоон байгууламж, цэцэрлэгжүүлэлтийг нэмэгдүүлэх, үерийн хамгаалалтын суваг шуудуу хийх зэрэг төсөл хөтөлбөрт зарцуулах юм.</p>


Нийслэлийн 2026 оны төсвийг баталлаа

<p><strong>2025 оны 12 дугаар сарын 5-14-нийг хүртэлх цаг агаарын урьдчилсан төлөв</strong></p>
<div class="quote">Арванхоёрдугаар сарын 6-нд төв болон зүүн аймгуудын нутгийн хойд хэсгээр, 11-нд нутгийн баруун хагаст, 12-нд нутгийн зүүн хагаст цас орж, цасан шуурга шуурч ихэнх нутгаар хүйтний эрч чангарна.</div>
<p><strong>Хур тунадас:</strong> Арванхоёрдугаар сарын 06-нд Хангай, Хөвсгөл, Хэнтийн уулархаг нутгаар, 07-нд Халх голын сав газраар, 09-нд баруун болон төвийн аймгуудын нутгийн зарим газраар, 10-нд баруун аймгуудын нутаг, төвийн аймгуудын нутгийн хойд хэсгээр, 11-нд баруун болон төвийн аймгуудын ихэнх нутаг, говийн аймгуудын нутгийн хойд хэсгээр, 12-нд нутгийн зүүн хагаст, 13-нд зүүн аймгуудын нутгийн зүүн хэсгээр цас орж, цасан шуурга шуурна.</p>
<p><strong>Салхи:</strong> Ихэнх хугацаанд ихэнх нутгаар секундэд 6-11 метр, 06-нд говь, тал, хээрийн нутгаар, 10-нд баруун аймгуудын нутгаар, 11, 12-нд говь, тал, хээрийн нутгаар түр зуур секундэд 16-18 метр хүрч ширүүснэ.</p>
<p><strong>Агаарын температур:</strong> Дархадын хотгор, Хүрэнбэлчир орчим, Идэр, Тэс голын хөндийгөөр шөнөдөө 30-35 хэм, өдөртөө 18-23 хэм, Алтай, Хангай, Хөвсгөл, Хэнтийн уулархаг нутаг, Туул, Тэрэлж голын хөндийгөөр шөнөдөө 24-29 хэм, өдөртөө 12-17 хэм, говийн бүс нутгийн өмнөд хэсгээр шөнөдөө 5-10 хэм хүйтэн, өдөртөө 1 хэмийн дулаанаас 4 хэмийн хүйтэн, бусад нутгаар шөнөдөө 18-23 хэм, өдөртөө 7-12 хэм хүйтэн байна. Арванхоёрдугаар сарын 11-нд нутгийн баруун хагаст, 12-нд ихэнх нутгаар хүйтний эрч нэмж чангарна.</p>
<p><strong>Улаанбаатар хот орчмын 10 хоногийн цаг агаарын урьдчилсан төлөв</strong></p>
<p><strong>Хур тунадас:</strong> Арванхоёрдугаар сарын 06, 09-нд ялимгүй цас, 12-нд цас орж, цасан шуурга шуурна.</p>
<p><strong>Салхи:</strong> Ихэнх хугацаанд секундэд 5-10 метр. 06, 09, 12-нд баруун өмнөөс хойш эргэж секундэд 8-13 метр хүрч ширүүснэ.</p>
<p><strong>Агаарын температур:</strong> Яармаг-Сонгины орчмоор 24-29 хэм, бусад хэсгээр 18-23 хэм, өдөртөө 8-13 хэм хүйтэн байна. Арванхоёрдугаар сарын 12, 13-нд хүйтний эрч нэмж чангарна.</p>


Ойрын 10 хоногт цаг агаар ямар байх вэ

<div class="xdj266r x14z9mp xat24cr x1lziwak x1vvkbs x126k92a">
<p dir="auto">Ахмадуудын шаардлагын дагуу УИХ-ын дарга Н.Учрал тэтгэврийн зээлийн хүүг бууруулах, зээлийн хугацааг 36 сар хүртэл сунгах асуудлаар Монголбанкны удирдлагууд болон арилжааны банкуудын төлөөлөлтэй уулзлаа.</p>
<p dir="auto">Тэрбээр &#8220;Тэтгэврийн зээлтэй ахмадууд сар бүр төлөлт хийсний дараа эм тариа, талх, сүүгээ авч чадахгүй байна.</p>
</div>
<div dir="auto">Эх орныхоо хөгжлийн сайн сайхны төлөө амьдралаа зориулсан азай буурлууд маань гавьяаны амралтаа аваад амьжиргаанд хүрэхгүй байгаа нь үнэн.</div>
<div dir="auto">Улсын хэмжээнд 294.4 мянган ахмад тэтгэврийн зээлтэй.</div>
<div dir="auto">Зээлтэй ахмадууд тэтгэврийн орлогынхоо 82.6%-г зээлийн төлбөрт суутгуулж, үлдсэн 17%-ийн орлогоороо эм тариа, ойр зуурын хэрэгцээгээ хангахад хүрэхгүй байна.</div>
<div dir="auto">Зарим ахмадуудын тэтгэвэр тэр чигтээ зээл төлөхөд зориулагдаж байна.</div>
<div dir="auto">Энэ хүрээнд нийт тэтгэврийн зээлийн 95%-ийг олгодог Төрийн банк, Хаан банк болон мөнгөний бодлого хэрэгжүүлдэг Монголбанкны удирдлагуудтай уулзлаа.</div>
<div dir="auto">Тэтгэврийн зээлийн хүүг бууруулах, хугацааг сунгах, ачааллыг бууруулах, ахмадууд руу чиглэсэн санхүүгийн үйлчилгээ хүртээмжтэй байх асуудлаар иргэдийн саналыг уламжиллаа.</div>
<div dir="auto">Жишээ нь 800 мянган төгрөгийн тэтгэвэртэй ахмад 8 сая төгрөгийн зээлийг жилийн 17.8% хүүтэй авахад, хугацаа богино байх тусам гарт нь үлдэх мөнгө эрс багасдаг.</div>
<ul>
<li dir="auto">12 сарын хугацаатай бол сар бүр 733 мянган төгрөг төлж, ахмадад ердөө 67 мянга л үлдэнэ.</li>
</ul>
<ul>
<li dir="auto"> 24 сарын хугацаатай бол 401 мянга үлдэнэ.</li>
</ul>
<div dir="auto">36 сарын хугацаатай бол 512 мянган төгрөг гарт үлдэж, ахмадын амьжиргаанд бодит нэмэр болно.</div>
<div dir="auto">Тийм учраас эхний ээлжинд одоо 18 сараар авсан тэтгэврийн зээлийн хугацааг 36 сар болгох, сар бүрийн зээлийн ачааллыг бууруулах боломжийг судлах, шаардлагатай арга хэмжээ авах хэрэгтэй байна.</div>
<div dir="auto">Монголбанк 12-р сарын 11-нд Мөнгөний бодлогын хороогоо хуралдуулж, одоо 18 сараар зээл авсан ахмадуудын зээлийн хугацааг 36 сар болгох асуудлыг хэлэлцэж, шийдвэрлэхээ илэрхийллээ.</div>
<div dir="auto">Энэ бол ахмадуудад энэ цаг үед хэрэгтэй бодит дэмжлэг байх болно.</div>
<div class="x14z9mp xat24cr x1lziwak x1vvkbs xtlvy1s x126k92a">
<p dir="auto">Цаашид бид асуудлыг нэг удаагийн шинж чанартай гал унтраах биш уг сууриар шийдэх, олон давхаргат тэтгэврийн тогтолцоо руу шилжих шаардлагатай&#8221; гэв.</p>
</div>


Н.Учрал: 18 сараар тэтгэврийн зээл авсан ахмадуудын зээлийн хугацааг 36 сар хүртэл сунгахаар ойлголцлоо

УИХ-ын гишүүн Н.Наранбаатарыг ТБХ-ны даргаар сонгов

<p>Эрүүл мэндийн яам, НҮБ-ын Хүн амын сан, Люксембургийн Засгийн газрын хамтарсан санхүүжилтээр хэрэгжүүлж буй “Сэргийлж болох эхийн болон перинатал эндэгдлийг тэглэх үйл ажиллагааг эрчимжүүлэх нь” төслийн хүрээнд сумын эмнэлгүүдэд зөөврийн ЭХО, ургийн зүрхний бичлэгийн аппарат хүлээлгэн өгчээ.</p>
<p>Энэ хүрээнд 10 аймгийн 20 сумын Эрүүл мэндийн төв, алслагдсан хоёр дүүргийн өрхийн эмнэлэгт 1 тэрбум 864 сая төгрөгийн үнэ бүхий 22 зөөврийн ЭХО, 22 ургийн зүрхний бичлэгийн аппаратыг өгсөн байна. Эх барихын практикт хэт авиан шинжилгээ болон ургийн зүрхний бичлэгийн үнэлгээ хийх нь өндөр ач холбогдолтой байдаг ажээ. Жирэмсний хугацаанд доод тал нь дөрөв, түүнээс дээш удаа хэт авиан шинжилгээнд хамруулах шаардлагатай. Мөн ургийн зүрхний бичлэгийн аппаратад найман сартайгаас хянаж үнэлгээг хийх ёстой юм байна. Уг бичлэгээр ургийн бүтэлтийн шинж тэмдгийг эрт илрүүлж дараагийн шатны эрүүл мэндийн байгууллагад шилжүүлэх болон эмчилгээ хийх, төрөлтийг шийдвэрлэх гэх мэт аливаа эмгэгийг эрт илрүүлж оношлоход  өндөр ач холбогдолтой төхөөрөмжүүд юм.</p>
<p>Энэ оношилгоо, үнэлгээг хэрхэн хийх талаар анхан шатнаас ахисан түвшин хүртэл онол, практикийн сургалтыг нийслэлийн “Өргөө” амаржих газарт зохион байгуулжээ.</p>


Алслагдсан сумдын эмнэлэгүүд ургийн эмгэгийг эрт илрүүлэх хэт авиа болон зүрхний бичлэгийн аппараттай боллоо

<p>Ерөнхий сайд Г.Занданшатар нийгэмд шударга ёсыг тогтоож, авлига албан тушаалын гэмт хэрэгтэй тэмцэх ажлыг эрчимжүүлж байгаа билээ. Энэ хүрээнд улсын төсөвт их хэмжээний хохирол учруулж, улсын хөрөнгийг хувьдаа завшсан нь урьдчилсан байдлаар тогтоогдсон гаалийн байцаагчдыг Тагнуул, Цагдаагийн байгууллагаас илрүүлэн саатуулжээ.</p>
<p>Улаанбаатар хотын гааль, Замын-Үүдийн гаалийн улсын байцаагчид бусадтай үгсэн хуйвалдах замаар 100 гаруй аж ахуйн нэгжид олон удаагийн үйлдлээр гаалийн бүрдүүлэлтийг хуурамчаар үйлдэж, улсад их хэмжээний хохирол учруулсан нь илэрсэн байна. Энэ гэмт хэрэгт 20 орчим хүн холбогдон шалгагдаж байгаа аж.</p>
<p>Гаалийн байгууллага нь улсын төсөвт татвар хураамж хэлбэрээр орлого төвлөрүүлэх үүрэгтэй. Гэтэл улсын төсөвт  төвлөрөх ёстой байсан их хэмжээний татварын орлогыг бууруулж, хувьдаа завшсан бүлэг этгээдүүдийг Тагнуул, цагдаагийн байгууллагаас ийнхүү  шалгаж эхэлжээ.</p>


Хайх