“Sewol” хөлгийн ахмадыг бусад ажилтнуудын хамт хүн амины хэрэгт холбогдуулан шалгаж байна

Өмнөд Солонгост осолдсон “Sewol” хөлгийн ахмад Ли Жүн Сеок болон ахлах инженер, түүний нэг, хоёрдугаар орлогчийг хүн амины хэрэгт буруутган яллаж буйгаа мөрдөн байцаах ажиллааг явуулж буй ахлах прокурор Ян Жүн Жин мэдэгджээ. Хэрэв тэднийг шүүхээс гэм буруутай гэж үзвэл бүх насаар нь хорих ажээ. Мөн хөлөг онгоцны 11 ажилтанг аюулгүй ажиллагааг хангаж чадаагүй гэдэг үндэслэлээр яллахаар болжээ. Дөрөвдүгээр сарын 16-нд болсон дээрх ослоор 284 зорчигч амиа алдаж, сураггүй алга болсон 20 гаруй хүнийг одоо болтол хайсаар байна.