Монголд өнөөгийн байдлаар чухалд эрэмбэлэгдэж буй асуудлуудын нэг яах аргагүй боловсон хүчний буюу хүний нөөцийн бодлого болоод байна. Энэ бол бидний хааш яайш хандаж, өм цөм алдсан бодлогуудын маань нэг мөнөөс мөн. Боловсон хүчний бодлогоо цэгцтэй, олон улсын жишгээр, бас Төрийнхөө нурууг гудайлгачихалгүй аваад явчих тал дээр манай Төр хайнга ханджээ. Энэ нь өнөөдөр салбар бүрд чадварлаг, мэргэжлийн ажиллах хүчний асуудал хурцаар тавигдаж байгаагаар илэрч байна. Боловсон хүчнээ бодлогоор, системтэйгээр бэлтгэдэг Төрийн уламжлал тасарч, оронд нь намууд дур зоргоороо тонгочдог болоод 30 гаруй жил явчихсан улс шүү дээ. Одоо яаж энэ алдагдсан бодлогуудаа ухаалгаар нөхөж авах вэ гэдэг нь өөрөө Төрийн засаж залруулах, цэгцлэх ажлын нэг болчихоод байгаа юм.
Гэвч намууд хүний нөөцийн бодлого гэх энэ ойлголтод шинжлэх ухаанч байдлаар биш юм гэхэд зарчимтай хандаж төлөвшөөгүй хэвээрээ. Одоогийн байдлаар МАН нь Удирдлагын академи, Төрийн албаны зөвлөл зэрэг институудтай хамтын ажиллагаа үүсгэн энэ алдагдсан бодлого дээрээ ажиллах гэж оролддог бол АН нь бүр хаячихсан. Бусад улс төрийн хүчнийхний тухайд энэ сэдвээр ярих, боломжгүй байдалд байна. Ажлын байрны хэрэгцээ, шаардлагад нийцсэн чадварлаг, мэргэшсэн хүний нөөцийг бүрдүүлэх нь өөрөө Төрийн нэг чухал бодлого байдаг. Өнөөгийн Засгийн газар “Төрийн албаны шинэтгэлийн бодлого”оо шинэчлэн зарлаад ажиллаж буй ч төрийн албаны хүний нөөцийн бодлого зохицуулалтаа замбараагүй хаячихын ирмэгт тулж ирээд байна. Учир нь тэд засагт хамтарсан намуудынхаа ая талыг хангах гэж багагүй зүдэрч байгаа. Үнэн хэрэгтээ энэ дотоод байдал нь манайх шиг яарч буй, манайх шиг алдагдсан боломжуудаа нөхөх гэж зовж байгаа улсын хувьд инээдтэй, ахуйн шинжтэй асуудал.
&#8230;Гэвч аливаа улс, үндэстний хөгжил, цэцэглэлтэд хүний нөөцийн хөгжлийн асуудал, тэр дундаа төрийн албан хаагчийн мэдлэг, ур чадвар, гүйцэтгэл нь чухал үүрэгтэй байдаг гэдгийг шийдвэр гаргаж буй нөхдүүд зарчим болгох ёстой биз. Одоогоос 26 жилийн өмнө тэр үеийн МАХН буюу одоогийн МАН-ын генсек “Ардчилсан намынхан манай намынхныг сонгуульд ялж гарч ирээд хуйгаар нь гудамжинд гаргасан. Дараагийн сонгуульд манай нам ялбал яг адилхан хариу барина” гэж хүртэл мэдэгдэж байв. Генсек бол намын зовлон жаргалыг авч явдаг, намын гишүүдтэйгээ яг нүүр тулж ажилладаг адармаатай алба. Аргаа бараад л тэгж хүртэл мэдэгдэл хийж байсан байх. Чухам энэ үеэс намууд төрийн албанд хайр найргүй, төрийн гэх уламжлалт бодлогогүйгээр халдаж эхэлсэн. Ёстой шүдийг шүдээр&#8230;гээд л хоморголон халж, өөр өөрсдийн намын хүмүүсийг мэдлэг туршлага үл харгалзан сонгуулийн мөчлөгөөр ирж буцдаг болгон дайвалзуулж хаясан.
&#8230;Өнгөрсөн долоо хоногт миний эргэн дурсаж буй дээрх явдлыг санагдуулсан, бодит зовлон үнэртүүлсэн мэдэгдлийг Ардчилсан намын дарга Л.Гантөмөр хийлээ.
Тэрбээр:
-Менежер гэх статустай 400 алба хаагч төрд нэмэгдлээ. Зарим төрийн өмчит компани гурав хүртэлх орлогчтой боллоо гэх мэдээлэл байна. Танай намаас хэдэн хүн томилогдож байгаа вэ? &#8230; гэсэн сэтгүүлчдийн асуултад ийнхүү хариулжээ.
Яг АНаас хэдэн хүн томилогдож байгааг мэдэхгүй байна. Зарчмын хувьд төр харьяандаа байгаа компаниудаа хянахгүй бол тэнд хулгай зэлгий нүүрлэсэн гэдгийг ард түмэн мэдэж байгаа. Компаниудын бүтээмжийг сайжруулахгүй бол татан буулгах шаардлага үүсч байна. Нэг үгээр хэлбэл, Засгийн газар өөрөө компаниуд дээрээ очиж ажиллаж байна гэсэн үг. Энэ нь гэхдээ нэг их урт хугацааны ажил болохгүй гэж би бодож байгаа. Компани цаашид хоёр чиглэлээр явна. Нэг нь, Эрдэнэс монгол уул уурхайн компаниудын нэгдэл. Нөгөөх нь, Эрчис монгол. Энэ нь уул уурхайн бусад дэд бүтцийн салбаруудын компанийн нэгдэл байна. Энэхүү хоёр компанид үр ашигтай компаниудаа нэгтгэе гэж байгаа юм. Тэгэхгүй бол компаниуд энд тэнд хэдэн тэрбумаар нь мөнгө хэрэглээд байдаг, бүтээмж байдаггүй. Дээр нь өрсөлдөх чадвар нь сайжирдаггүй. Тэгсэн хэрнээ улсын эдийн засаг дотроо их том орон зайг эзлээд байдаг. Тийм учраас бид төрийн өмчийн хариуцлагатай байдал, нийтийн өмч рүү шилжих шилжилт, менежмент, удирдлагыг сайжруулахын тулд бүтээмжийн менежер, хяналтын менежер томилох шийдвэрийг Засгийн газар дээр гаргасан.
-Хяналтын менежер АН-аас томилогдож байгаа гэсэн үү?
Уг нь АНаас томилогдох ёстой. Гэхдээ би тэр процессыг мэдэхгүй байна. Яг томилохдоо Засгийн газар санал болгоно. Тэгээд ТУЗ, захирал, бүтцийн өөрчлөлт гээд олон юм болох байх.
-АН-ын гишүүдийг ажил албан тушаалд томилохгүй байна гэх шахааны үндсэн дээр томилж байгаа юм биш үү ?
Манай АНын гишүүд дунд тийм яриа, санал байгаа. АНын гишүүд найман жил төрийн албанаас хасагдсан. Намаар гадуурхагдсан. Үүнийг бүх ард түмнээрээ мэдэж байгаа биз дээ. АНын гишүүн, эсвэл АНын гишүүдийн үр сад төрийн алба болоод бусад албанд орохгүй явж ирсэн. Хавтгай ярьж байгаа шүү дээ. Хамтраад засаг барьсан юм бол доошоо эдгээр хүмүүсийг ялгаварлан гадуурхдаг байдлыг одоо зогсооё&#8230;гэж хариуллаа.
&#8230;Дээрх яриаг хүмүүс янз бүрээр л хүлээж авч харагдана. Гэхдээ Ардчилсан намын дарга Л.Гантөмөрийн үг худлаа үг биш. Энэ үгнийх нь хариуд “төрийн албанаас намууд савраа тат”, “муусайн АН-ынхан хэзээ ажил хийж чаддаг байсан юм”, “Эд төрийн албаны шинэтгэлийн бодлогыг нь ингээд унагаад хаях нь тодорхой боллоо” гэх мэт сэтгэгдлүүд хөвөрч байгаа ч туулсан амьдралын үнэн дээр бол тас зогсоох үг МАНд ч, олон нийтэд ч байхгүй.
Сүүлийн найман жил манай намын гишүүд төрд ажиллаагүй, үндсэндээ гадуурхагдсан шүү дээ&#8230;гэх Л.Гантөмөр даргын үгэнд намын гишүүдийнх нь хоолой зангирч байгаа нь аргагүй.
Нөгөө талаас Монголын нийгэмд бий болчихсон энэ боловсон хүчний бодлогын гажуудлыг өнөөдрийн залуус хийчихээгүй. Тийм болохоор яагаад ийм болчихсон юм гэх мэт асуудлыг тэд тэгтэл нарийн авч үзэх ч үгүй. Залуус маань“ Монголд мөнгө хийх хоёрхон л арга байна. Уул уурхайгаар мөнгө хийх, мөн улс төрөөр мөнгө хийх” гэж ярьдаг болсон байна. Зөвхөн ярих ч биш, бүр ойлголт болчихсон юм билээ.
Уул уурхайгаар мөнгө хийхийн тухайд бол лиценз олж авлаа, зээл авч чадлаа, ухаж чадлаа, борлуулж чадлаа.Үр дүнд нь мөнгө бий болно. Тэгвэл, улс төрөөр яаж мөнгө хийдэг вэ хэмээн асуухад “&#8230;Эрх мэдэлтэй боллоо, сонгогч олонд таалагдсан жаахан ажил хийлээ, ард түмний амьдрал бага боловч дээшиллээ, улстөрчийн замнал ч мөн л дээшилж явдаг. Бас тэр уул уурхайн “чадлаа” гэдгийг ч улс төрийн эрх мэдэл зохицуулж явдаг. Улс төрийн нам ч энэ бүгдийн төлөө сонгуульд оролцдог биз дээ” гэж хариулж байна. Үгүй ээ, тийм биш шүү дээ гэж онолын цагаан тайлбар хөврүүлээд тэд сонсохгүй.
Ийм хатуу бодолтой гишүүд нь намдаа шахалт үзүүлж байна. Хэрэв улс төрийн нам сонгуульд амжилт үзүүлж чадсан бол үр шимийг нь ч хүртэх ёстой. Насаараа намынхаа төлөө, намдаа үнэнч явсан гишүүд нь төрд ажилд орж, улс орныг удирдалцаж, улсынхаа хөгжлийн төлөө ажиллаж, түүнийхээ үр шимийг хүртмээр байна гэж тэд намдаа хэлж байгаа. Намын дарга нь ч хүлээж авч байна.
Ахуйн шинжтэй түүх ярихад Ардчилсан нам энэ тал дээр маш хойрго ханддаг. Ах нар нь өөрсдөө улс төрийн өндөрлөгт хүрчихээд гишүүдээ тоохгүй хаядаг уламжлалтай. Анх М.Энхсайханыг 1996 онд Ерөнхий сайд болсны дараахан кабинетынх нь зарим гишүүн “Төрийн эрхэнд гараад ирэнгүүт ардчилсан холбооны муусайн партизанууд хүртэл ажил нэхдэг байна шүү” гэж ирээд басамжлан инээж байж билээ. Энэ үеэс өөрсдийгөө элит гэж үздэг эгнээ энэ намд үүсч эхэлсэн төдийгүй, доод суурь хэсгээ партизанууд гэх зэргээр өөрсдөө ангилж, үл тоож эхэлсэн юм. За, тэгээд Ц.Элбэгдорж, Ч.Сайханбилэг&#8230;гээд өөр хэн байдаг юм, бүгд гишүүдээ хаясан. Н.Алтанхуяг энэ тал дээр нутаг усны үзэл давамгайлсан ч арай дээр хандлага тээж байсан болов уу. Доошоо эрх мэдэл бүхий том албан тушаал хашиж байсан бусад нь ч энэ ойлголтыг элгэндээ авч яваагүй. Тэдний энэ сэрүүн хандлага доод шатаа баллаж хаясан. Хөдөө орон нутагт Ардчилсан намын гишүүд ямар байдалтай аж төрцгөөж, яаж адлагдаж амьдарч ирснийг бид мэднэ. Сүүлдээ бараг АНын гишүүн гэхээсээ ичдэг болоод дуусч байгаа бололтой юм билээ. Аргатай, зальтай нь ах дүүсээрээ хоёр намд хуваагдаж ороод сум орон, баг бригадын даргаа ээлжилж аваад явдаг ч болсон байх шиг.
&#8230;АНын лидерүүд гишүүдээ төр засгийн ажилд итгэж тавьдаггүй. Харин ч эсрэгээрээ доод шатнаасаа эхлээд МАНын, амаараа дүүрэн ардчиллыг зүхээд гүйж явсан хүмүүсийг л сум орныхоо толгойд залсаар ирсэн нь түүх юм. Сонгуульд ялж, өөрсдөө дээд түвшинд эрх мэдэл олж аваад л хэдэн муусайн гишүүдээ элдвээр хэлээд, ажил алба хүсэх, сайхан амьдрал мөрөөдөх сэтгэлийг нь мохоогоод, буурин дээр нь орхидог зантай. Хүний үнэргүй гэмээр ийм зуршил энэ намд бий. Ардчилсан хувьсгалд оройлон оролцож, түрлэг нь болж, мөрөө өгч гишгүүлэн томчуудаа дээш нь өргөж явсан, хамаг сэтгэл зүрхээрээ тэмцэж явсан хүмүүсийн ихэнх нь зольсон бүхнийхээ үр шимийг ч хүртэж чадалгүй бурханы оронд очсон. Нийгмийн өөрчлөлтийн асар том үр дүнг гардан хийлцсэн хүмүүс нь ингэж дууссан гэхээр гашуун байгаа биз. Нэгэн үеийнхний амьдралыг үрж хийгдсэн өөрчлөлт шүү дээ.
&#8230;Энэ намын ах нар ийнхүү эгэл бор гишүүддээ итгэж байгаагүй учраас ийм төлөвшилтэй айл болсон. Үүнд өөрсдөө буруутай. Тийм ч учраас өнөөдрийн Л.Гантөмөр даргын үгийг гишүүд нь эмзэглэл дүүрэн хүлээж авч байна. Тэгэхээр Л.Гөнтөмөрийн зовлон жаргал сүлэлдсэн үгс өмнөх үеийн дарга ах нарт нь ч, гудамжинд алхаж яваа эгэл хэсэгт нь ч олон бодлыг хөврүүлж байгаа бололтой.
&#8230;Төгсгөлд нь:
Ер нь бол намын гишүүн төрийн албанд ажилладаг жишгийг Монголын төр халах ёстой. Намуудын энэ алдаатай бодлого төрийн албыг чадваргүй, сул дорой болгосон. Намын томилолт, намын шахаа нэрээр яг одоо ч Засгийн газрын зарим сайдууд дундуур нь хутган гүйж, төрийн албыг самарч байгаа. Төрд мөрөөрөө ажиллаж байгаа олон арван залуусыг тэд эгдүүцүүлж, урмыг нь хугалж байна. Ажил хийлгэдэггүй, дур зоргоороо дарамталдаг, дуртай үедээ хөөж туудаг байдал хавтгайрч байна. Энэ хорон юмаа “АН-ынхан шахаад байна” гэх мэтээр хутган хэрэгжүүлж буй жишээ ч олон арваараа гарч байна. Чоно борооноор гэдэг дээ&#8230;
Л.Гантөмөр дарга намынхаа залуу гишүүдэд төрд ажиллаж, мэдлэг оюунаараа өрсөлдөх боломжийг олгохын төлөө ажиллах хэрэгтэй. АН л гарч ирвэл ямар нэгэн том албан тушаалд очдог тогтсон хэдэн нөхөр энэ намын залуу үеийг өнөөдөр төлөөлөхгүй. Тиймээс томилгоонууд тань шударга, басхүү зарчимтай явж байж төрийн албаны нуруу нахилзахгүй, иргэдийн дургүйцлийг ч төрүүлэхгүй шүү дээ. Өчнөөн жил төрд ажиллахдаа ялгарч чадаагүй, хөгжөөгүй, өөрөө хүч чадалгүй дунд шатанд цалин аван үлбийж суусан нөхөр гэнэт намаа ялангуут даргын чадвар суучихна гэж байдаггүй юм.
Нам нь гарахаар төрийн албанд хурган даргын сэнтийд ирж суучихаад, нам нь буунгуут яваад өгдөг усны шувууд шиг нөхдүүдээ битгий төрийн албанд шургуулж байгаарай. Үнэндээ хийсэн, бүтээсэн юмгүй намын далбаан дор зүгээр л завшиж амьдардаг хүмүүс намуудад олон юм даа&#8230;гэх уншигчийн сэтгэгдлээр энэхүү бичвэрээ өндөрлөе.
&nbsp;

Энэ намын ах нар эгэл бор гишүүддээ итгэж байгаагүй учраас…

Ойрын өдрүүдэд ихэнх нутгаар салхи шуургатай багатай, дулаарч, хуурайшилт нэмэгдэх тул болзошгүй ой хээрийн түймрээс сэрэмжтэй байхыг анхааруулж байна.
Хур тунадас: 04-нд нутгийн зүүн хэсгээр, 06-нд Хөвсгөл, Хэнтийн уулархаг нутгаар, 07-нд нутгийн баруун өмнөд хэсгээр, 08-нд говийн аймгуудын нутгийн өмнөд хэсгээр, 09-нд баруун аймгуудын нутгийн зарим газраар, 10-нд төв болон говийн аймгуудын нутгийн зарим газар, зүүн аймгуудын нутгийн баруун хэсгээр, 11-нд зүүн аймгуудын нутгийн зүүн хэсгээр хур тунадас орно.
Салхи: Ихэнх хугацаанд ихэнх нутгаар секундэд 5-10 метр, 05-нд Алтайн салбар уулсаар, 06-нд нутгийн зарим газраар, 11-нд говь, тал, хээрийн нутгаар секундэд 12-14 метр хүрч, шороон шуурга шуурна.
Агаарын температур: Увс нуурын хотгор, Завхан голын эх, Тэс голын хөндийгөөр шөнөдөө -11&#8230;-16 градус хүйтэн, өдөртөө 0&#8230;-5 градус дулаан, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -6&#8230;-11 градус хүйтэн, өдөртөө +3&#8230;-+8 градус дулаан, Орхон Сэлэнгийн сав газар, говийн бүс нутгийн өмнөд хэсгээр шөнөдөө -3&#8230;+2 градус, өдөртөө +16&#8230;+21 градус дулаан, бусад нутгаар шөнөдөө -2&#8230;-7 градус хүйтэн, өдөртөө +9&#8230;+14 градус дулаан байна. 06-нд ихэнх нутгаар, 09-нд нутгийн хойд хэсгээр бага зэрэг сэрүүснэ.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: Ихэнх хугацаанд хур тунадас орохгүй.
Салхи: Ихэнх хугацаанд секундэд 5-10 метр, 06-нд баруун өмнөөс хойш эргэж секундэд 12-14 метр хүрч, шороон шуурга шуурна.
Агаарын температур: Шөнөдөө -1&#8230;-6 градус хүйтэн, өдөртөө +9&#8230;-14 градус дулаан байна. 06-нд бага зэрэг сэрүүснэ.

ЦАГ АГААР: Улаанбаатарт өдөртөө 12 хэм дулаан байна

“Өдрийн сонин”-ы мягмар гаригийн дугаар хэвлэгдэж, та бүхний гарт хүрч байна.
<hr />
“Өдрийн сонин”-ы тэргүүн нүүрт УИХ, Засгийн газрын гишүүн, Монгол Улсын 
сайд, Хяналт, үнэлгээний Үндэсний хорооны дарга Э.Одбаяр &#8220;АН бол сөрөг хүчин гэсэн ойлголтыг сэтгэлгээнээсээ авах цаг болсон&#8221; гэснийг II, III нүүрээс үргэлжлүүлэн уншаарай.
<ul>
<li>АН-ын дарга Л.ГАНТӨМӨР &#8220;Эдийн засгийн эрх чөлөөг авчрах БҮТЭЭЛЧ ЦАГ бол 
бидний хийх дараагийн шинэ хувьсгал байх болно&#8221; гэлээ.</li>
</ul>
“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт &#8220;Аж ахуй эрхлэгчид Лодой нарын 
НДШ-ийн хуулийг дэмжих ёстой&#8221; гэв
Санхүүгийн шинжээч, хөрөнгө оруулагч Б.Ганбаяр &#8220;Татвар, НДШ-ийн дарамтаас болж дотоодын том компаниуд Монголоос гарах гэж байна&#8221; хэмээн ярилаа.
<ul>
<li>Дундговь аймгийн Засаг дарга С.Мөнхчулуун &#8220;Тэрбум орчим төгрөгийн хандивыг түймэрт өртсөн аймгуудад хүргүүлнэ&#8221; хэмээв</li>
</ul>
ТОМИЛОЛТ: Таван “МӨНХ”-тэй айлын хотонд төлийн дуу цангинаж байна
ДЭЛХИЙН МЭДЭЭ: Жанжин штабын дарга нар уулзав
АРЫН НҮҮР:Хиймэл оюун ухаанаас патентын төлбөр нэхдэг болох нь
<hr />
Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы мягмар гаригийн дугаараас уншаарай.
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. <a href="https://tsahim.dnn.mn/login">https://tsahim.dnn.mn/login</a>
Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.
Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.
Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээлэл аваарай.
“Өдрийн сонин”-той холбоотой мэдээ мэдээллийг 1900-1987-гоос лавлана уу
&nbsp;
“ӨДРИЙН СОНИН” ӨГЛӨӨ БҮР ТАНТАЙ ХАМТ

ТОЙМ: “Аж ахуй эрхлэгчид Лодой нарын  НДШ-ийн хуулийг дэмжих ёстой” гэв

IBAN дансны дугаарлалт гэж юу вэ ?
1. Улсын код: Монгол улсын хувьд MN байна. 
2. Хяналтын орон: Тухайн данс зөв эсэхийг шалгах орон бөгөөд данс бүрийн хувьд ялгаатай байна. 
3. Банкны дугаар: Аль банкны данс гэдгийг тодорхойлох бөгөөд банк болгон өөр дугаартай байна. 
4. Дансны дугаар: Дансны дугаарын сүүлийн 12 хүртэлх орон нь дансны дугаарыг агуулсан байж болно.

E-Mongolia систем IBAN стандартад шилжлээ

Сонгинохайрхан дүүргийн 20 дугаар хороонд 2 суудлын автомашин мөргөлдөж 1 хүн автомашины төмөр хийцэд хавчуулагдсан байжээ. Энэ тухай дуудлагыг 04.06-ны өдрийн 23:20 цагт ОБЕГ хүлээн авчээ.
Нийслэлийн Аврах ангийн алба хаагчдыг очиход иргэн Б нь “Приус-20” загварын суудлын автомашинаар зорчиж яваад, иргэн Э-гийн “Харрер” загварын суудлын автомашинтай мөргөлдөж автомашины төмөр эд ангид хавчуулагдсан байсныг ажиллаж эсэн мэнд гаргажээ. Уг иргэнийг Нийслэлийн түргэн тусламжийн төвд шилжүүлэн өгсөн байна.

СХД-т мөргөлдсөн машины эд ангид хавчуулагдсан иргэнийг эсэн мэнд гаргажээ

Авлигатай тэмцэх газрын Мөрдөн шалгах хэлтэс 2025 оны 3 дугаар сарын 31-нээс 4 дүгээр сарын 6-ны өдрүүдэд гэмт хэргийн шинжтэй 65 гомдол, мэдээллийг шалгав. Үүнээс 9 гомдол, мэдээлэлд хэрэг бүртгэлтийн хэрэг нээх, 9 гомдол, мэдээлэлд хэрэг бүртгэлтийн хэрэг нээхээс татгалзах, 2 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 45 гомдол, мэдээллийг хянан шалгаж байна.
Түүнчлэн эрүүгийн 880 хэрэгт мөрдөн байцаалтын ажиллагаа явуулснаас өнгөрсөн долоо хоногт 20 хэргийг шүүхэд шилжүүлэх, 10 хэргийг хаах саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 848 хэрэг шалгагдаж байна.
Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, мөрдөн байцаалтын 1 хэрэгт нийт 1 объектод нэгжлэгийн ажиллагаа хийв.

АТГ: Эрүүгийн 20 хэргийг шүүхэд шилжүүлэх саналтай прокурорт хүргүүлэв

Энэ оны 04 дүгээр сарын 07-ны өдөр &#8220;Интерполын нөхөн төлбөр&#8221; гэх цахим хаягаас &#8220;Онлайн залилангийн хохирогчдод нөхөн төлбөр олгож эхэллээ&#8221; гэх мэдээллийг цагдаагийн алба хаагчийн зургийг ашиглан нийтэлсэн байна.
Дээрх агуулга бүхий мэдээлэл нь үндэслэлгүй худал мэдээлэл болно.
Иймд иргэд та бүхэн аливаа төөрөгдүүлсэн, худал мэдээллийг цаг ямагт нягталж байхыг зөвлөж байна.
<img decoding="async" class="graf-image" src="https://cdn-images-1.medium.com/max/1000/1*w_ZiZ6-kVnrqfunFu8AhGg.jpeg" width="100%" data-image-id="1*w_ZiZ6-kVnrqfunFu8AhGg.jpeg" data-width="1597" data-height="2000" data-is-featured="true" />

“Онлайн залилангийн хохирогчдод нөхөн төлбөр олгож эхэллээ” гэх мэдээлэл үндэслэлгүй худал мэдээлэл

Хөнгөн атлетикийн ахмад мастеруудын “World Masters Athletics Indoor Championships-2025” тэмцээнээс 6 алтан медаль хүртсэн Монгол Улсын гавьяат тамирчин Ц.Раднаа эх орондоо ирлээ.
Тэрээр, “Тив дэлхий хэсэж, АНУ-ын Флоридад дэлхийн аварга шалгаруулах тэмцээнд оролцоод ирлээ. Цагийн зөрүүгээ гаргахаар цагаан сараас өмнө очиж бэлтгэлээ хийсэн. Тэмцээндээ ороод давгүй амжилт гаргалаа. Өрсөлдөөн байсан. АНУ, Германы тамирчид хүчтэй өрсөлдөөн үзүүлсэн. Монголд бэлтгэл жигдрээд явсан. Очоод хөнгөхөн бэлтгэл хийж байгаад тэмцээндээ орсон. 200м, 400, 1500м-т дэлхийн рекорд амжилтыг тогтоолоо. Тавдугаар сард Тайваньд уралдана. Бэлтгэл хангагдчихсан байгаа. Айх юм алга. Хаа ч очоод уралдсан бие бэлэн, хоёр хөл саруул байна. Бэлтгэлээ ханатал хийсэн учраас яах бол ийх бол гэсэн бодол байгаагүй. Монголын ард түмэн намайг огшоож байгаа учраас та бүхний хүчинд би амжилт гаргалаа” гэв.

Хайх