Онлайн худалдаа өргөжиж байгаа энэ үед иргэдийн эрэлт хэрэгцээнд  тулгуурлан залилан мэхлэх тохиолдол цөөнгүй бүртгэгдэж байна. Тодруулбал, Иргэд фэйсбүүк сүлжээгээр дамжуулан онлайн дэлгүүрээр бараа бүтээгдэхүүн худалдан авахдаа төлбөрөө бүрэн шилжүүлснээр тухайн гэмт хэргийн хохирогч болсоор байна.
Тодруулбал өнгөрсөн 1 хоногийн хугацаанд цагдаагийн байгууллагад энэ төрлийн гомдол мэдээлэл 12 бүртгэгдсэн. 
Дархан-Уул аймгийн нутаг дэвсгэрт онлайн шопоос бараа материал худалдаж авахаар 700,000 төгрөг шилжүүлээд залилуулсан, Сонгинохайрхан дүүргийн нутаг дэвсгэрт онлайн шопоос гутлын тавиур худалдаж авахаар 490,000 төгрөг шилжүүлж залилуулсан мөн олон нийтийн цахим сүлжээ болох фейсбүүкээр хөргөлтийн контенер худалдаж авахаар 2.400.000 төгрөгийг  шилжүүлж залилуулсан гэх гомдол мэдээллүүдийг бүртгэлд авч, шалгалтын ажиллагааг явуулж байна.
Залилах гэмт хэрэгт өртөж байгаа шалтгаан нөхцөл нь залилагч таны хэрэгцээ шаардлагад тулгуурлаж, танд хамгийн таатай нөхцөл, зах зээлийн үнээс доогуур хямд үнийг санал болгож залилах гэмт хэргийг үйлдэж байгаа тул иргэд та бүхэн цахим орчинд тэр дундаа онлайн дэлгүүрээс бараа бүтээгдэхүүн худалдаж авахдаа төлбөрөө бүрэн шилжүүлэхгүй байх мөн энэ төрлийн залилах гэмт хэргийн арга, төрөл нарийсаж байгаа учир мэдээллээ сайтар нягтлахыг цагдаагийн байгууллагаас сэрэмжлүүлж байна.

Онлайн худалдаа хийх нэрийдлээр иргэдийг залилж байна

Монгол Улсын Засгийн газар, ССАЖЗЯ-аас хэрэгжүүлж буй “Go Mongolia” Үндэсний брэндийн хүрээнд Английн Примьер лигийн Фулхэм клуб манай улсыг Олон улсад сурталчлан ажиллаж байна. 
Тус хамтын ажиллагааны хүрээнд Монгол Улсын өсвөрийн хөл бөмбөгийн шилдэг 11 тамирчин дөрөвдүгээр сарын 03-нд Англи улсын Лондон хотыг зорилоо.
Хөтөлбөрийн дагуу манай тамирчид 2025 оны 4 дүгээр сарын 2-7-ны өдрүүдэд Лондон хотноо Фулхэм клубийн бэлтгэлийн талбайд мэргэжлийн сургалтад хамрагдах ба 4 дүгээр сарын 6-ны өдөр болох Фулхэм VS Ливерпүүл тоглолтыг урилгаар үзэх юм.
Энэхүү хамтын ажиллагааны зорилго нь ирээдүйн Монгол Улсын хөл бөмбөгийн шигшээ багийн тамирчдыг бэлтгэх, хөл бөмбөг сонирхогч хүүхэд залууст урам зориг өгөх, спортоор идэвхтэй хичээллэх сэдэл өгөх өндөр ач холбогдолтой.
Дашрамд дурдахад “Go Mongolia” Үндэсний брэнд &#8211; Фулхэм клубийн хамтын ажиллагааны хүрээнд 2024 оны 10 дугаар сарын 7-10-ны өдрүүдэд Фулхэм клубийн дасгалжуулагчид Монгол Улсад ирж ажилласан ба нийт 30 клубийн 160 гаруй хүүхдийг хамруулсан сургалт, шалгаруулалтыг зохион байгуулж дээрх шилдэг 11 хүүхэд сонгогдсон юм.

Өсвөрийн хөлбөмбөгийн тамирчид Примьер лигийн Фулхэм клубийн сургалтад хамрагдана

Улаанбаатар хотыг хөгжүүлэх 24 мега төслийн хүрээнд &#8220;Их Монгол Улс&#8221;-ын гудамжны төгсгөлөөс Төв аймгийн Зуунмод хотын Номтын ам хүртэл 24.3 км урт үргэлжлэх “Өөдөө тэмүүлэх гүүр”-ийг 2025-2028 онд барьж ашиглалтад оруулна.
Уг 24.3 км урт гүүрээс 1230 метр нь ган татлагат гүүр байх юм. Одоогийн урьдчилсан төлөвлөлтөөр авто замын урт 7.27 км, туннелийн урт 15.8 км, гүүр дөрвөн эгнээтэй байна. “Өөдөө тэмүүлэх гүүр”-ийг барьснаар замын хөдөлгөөний дундаж хурд 12 хувиар нэмэгдэнэ.

24.3 км урт “Өөдөө тэмүүлэх гүүр”-ийг барина

Монгол Улсын Их Хурлын дарга Д.Амарбаясгаланд өнөөдөр (2025.04.04) УИХ-ын гишүүн, Хууль зүйн байнгын хорооны дарга Д.Цогтбаатар Цагдаагийн албаны тухай хуульд нэмэлт, өөрчлөлт оруулах тухай хуулийн төслийг өргөн мэдүүллээ.
Тус хуулийн нэмэлт, өөрчлөлтөөр цагдаагийн байгууллагын удирдлагыг тодорхой хугацаагаар томилдог, чөлөөлдөг зохицуулалтыг бий болгох, удирдах албан тушаалтныг тогтоосон хугацаанаас өмнө чөлөөлөх зохицуулалтыг оруулжээ. Мөн байгууллагын үйл ажиллагааг ил тод байлгах, гэмт хэрэг, зөрчлөөс урьдчилан сэргийлэх зорилгоор хууль тогтоомжоор хориглоогүй арга хэрэгслээр нийтэд мэдээ, мэдээлэл түгээх боломжийг бүрдүүлэх зэргийг тусгасан байна.
Түүнчлэн, гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах хуульд заасан үндсэн чиг үүргээ хэрэгжүүлэхдээ зарим тохиолдолд тушаалаар томилсон нутаг дэвсгэрт очиж үүрэг гүйцэтгэхгүй, улмаар хот суурин газарт ажиллана гэж маргаан үүсгэх зэргээр байгууллагын хэвийн үйл ажиллагаа, цагдаагийн алба хаагчийн үйл ажиллагаа, албаны нэр хүндэд сөргөөр нөлөөлөх үйлдэл гаргаж буй тохиолдлыг цагдаагийн алба хаагчийн хориглох зүйлд тооцох шаардлагатай байгааг дурдлаа хэмээн Улсын Их Хурлын Хэвлэл мэдээллийн газраас мэдээллээ.

Цагдаагийн албаны тухай хуульд нэмэлт, өөрчлөлт оруулах тухай хуулийн төслийг өргөн мэдүүллээ

Дөрөвдүгээр сарын хүүхдийн мөнгө, нийгмийн халамжийн тэтгэвэр, тэтгэмж олгох хуваарийг танилцуулж байна.
<ul>
<li>Нийгмийн халамжийн тэтгэвэр 15, 24-нд</li>
<li>Асаргааны тэтгэмж 15, 24-нд</li>
<li>Амьжиргааг дэмжих мөнгөн тэтгэмж 15, 24-нд</li>
<li>Ахмад настан, хөгжлийн бэрхшээлтэй иргэнд олгох дэмжлэг, хөнгөлөлт 15, 24-нд</li>
<li>Алдар цолтон, ахмад настанд олгох хөнгөлөлт, тусламж 15, 24-нд</li>
<li>Олон нийтийн оролцоонд түшиглэсэн халамжийн үйлчилгээ 24-нд</li>
<li>Хүүхдийн мөнгөн тэтгэмж 17-нд</li>
<li>Эцэг эх, олон хүүхэдтэй өрх толгойлсон эх, эцэгт олгох тэтгэмж 17-нд</li>
<li>Онцгой тохиолдлын мөнгөн тэтгэмж 24-нд</li>
<li>Хүнс тэжээлийн дэмжлэг үзүүлэх үйлчилгээний мөнгө 15-нд</li>
<li>Насны хишиг 24-нд</li>
<li>Эхийн алдар одонгийн мөнгөн тусламжийг 24-нд тус тус олгоно.</li>
</ul>
<span id="par-aHR0cHMlM0ElMkYlMkZtZ2wuZ29nby5tbiUyRm5ld3NuJTJGaW1hZ2VzJTJGY2slMkYyMDI1JTJGMDQlMkYwMiUyRjQ4NzUwMjY1MV8xMDk3MTI1ODk1Nzc1MjM0XzIyNzkyNzEzMzMyNjA3MzY3NzNfbi0xMzM1NDItMTM3ODk4Mjk0LmpwZWc=" class="imgdv"><a class="gogo-zoom" href="https://mgl.gogo.mn/newsn/images/ck/2025/04/02/487502651_1097125895775234_2279271333260736773_n-133542-137898294.jpeg"><img decoding="async" src="https://mgl.gogo.mn/newsn/images/ck/2025/04/02/487502651_1097125895775234_2279271333260736773_n-133542-137898294.jpeg" alt="" /></a>

Хүүхдийн мөнгө, халамжийн тэтгэвэр, тэтгэмж олгох энэ сарын хуваарь

УИХ-ын чуулганы нэгдсэн хуралдаанаар Монгол Улсын Үндсэн хуулийн Цэцийн 2025 оны 02 дугаар дүгнэлтийг хэлэлцэн хүлээн авлаа. Үндсэн хуулийн Цэц Монгол Улсын шүүхийн тухай хуулийн 47 дугаар зүйлийн 47.6 дахь хэсэгт “ Шүүгчээр 30, түүнээс дээш жил ажилласан бөгөөд 55 насанд хүрсэн бол өндөр насны тэтгэвэр тогтоолгоно.” гэж заасан нь Монгол Улсын Үндсэн хууль зөрчсөн гэсэн дүгнэлтийг гаргажээ.
Мөн энэхүү дүгнэлтийн 1 дэх хэсэгт заасан Монгол Улсын шүүхийн тухай хуулийн 47 дугаар зүйлийн 47.6 дахь хэсгийн холбогдох зохицуулалт Монгол Улсын Үндсэн хуулийн Арван зургадугаар зүйлийн 4 дэх заалтад “… хөдөлмөрийн аятай нөхцөлөөр хангуулах … эрхтэй. …”, мөн зүйлийн 5 дахь заалтад “өндөр наслах … тохиолдолд … тусламж авах эрхтэй;” гэснийг зөрчөөгүй байна гэж үзсэн байна.
Түүнчлэн Монгол Улсын шүүхийн тухай хуулийн 47 дугаар зүйлийн 47.6 дахь хэсэгт “… Шүүгчээр 30, түүнээс дээш жил ажилласан бөгөөд 55 насанд хүрсэн бол өндөр насны тэтгэвэр тогтоолгоно.” гэж заасныг Үндсэн хуулийн Цэцэд маргаан хянан шийдвэрлэх ажиллагааны тухай хуулийн 32 дугаар зүйлийн 4 дэх хэсэгт заасны дагуу 2025 оны хоёрдугаар сарын 14-ний өдрөөс эхлэн түдгэлзүүлсэн байсан юм.

ЧУУЛГАН: Цэцийн дүгнэлтийг хүлээж авлаа

Монгол хэл бичгийн шалгалтад 84969 шалгуулагч шалгалт өгөхөөр бүртгүүлсэн байна. Шалгалтыг улсын хэмжээнд 52 шалгалтын төвд зохион байгуулахаар бэлтгэл ханган ажиллаж байна. Шалгалтын комисс болон зохион байгуулах багт нийт 3301 багш ажилтан ажиллана. Шалгуулагч нь бүртгэлээ баталгаажуулсны дараа БҮТ-өөс зарласан хугацаанд өөрийн бүртгэлийн дугаар болон нууц үгийг ашиглан &#8220;суудлын хуваарь&#8221;-аа, <a href="http://www.eyesh.eec.mn/">www.eyesh.eec.mn</a>  цахим хуудасны “шалгуулагчийн булан”-аас хэвлэн авна.
<img decoding="async" src="https://ivoice-main.sgp1.digitaloceanspaces.com/uploads/upload/2025-04-04/2ef90c3c-0d50-444d-9447-ff25466943db.png" />
Монгол хэл бичгийн шалгалтын дэвтэр дээр хөх цэнхэр өнгийн үзгэн балаар бичнэ. Балаа өөрсдөө авчрахыг анхаарна уу.
Шалгуулагчид шалгалт өгөхөөр ирэхдээ дараах материалыг бүрдүүлсэн байна.Үүнд: 
<ul>
<li>10-12 ангийн сурагчид </li>
<li>Бүртгэлийн хуудас</li>
<li>Суудлын хуваарь</li>
</ul>
<hr />
Иргэний үнэмлэх болон түүнтэй адилтгах баримт бичиг /Иргэний үнэмлэх авах насанд хүрээгүй буюу 2025 оны 06 дугаар сарын 01-ний өдрөөс хойш 16 насанд хүрэх шалгуулагч сурч буй сургуулийн захирал эсвэл өөрийн оршин сууж буй орон нутгийн Засаг даргын гарын үсэг, тамгаар баталгаажсан, сүүлийн 3 сарын дотор авхуулсан өнгөт цээж зурагтай тодорхойлолт, төрсний гэрчилгээний хамт авч ирнэ./
Өмнөх оны төгсөгчид: 
<ul>
<li>Бүртгэлийн хуудас</li>
<li>Суудлын хуваарь</li>
<li>Иргэний үнэмлэх болон түүнтэй адилтгах баримт бичиг</li>
<li>Бүрэн дунд боловсролын үнэмлэх, түүнээс дээш боловсрол эзэмшсэнийг гэрчлэх баримт бичиг</li>
</ul>
МХБШ-ын үргэлжлэх хугацаа 100 минут байна. Шалгалтын дүн оноог ажлын 15 хоногийн дараа нийтэд зарлана.  Олон улсын шалгалтын дүн, оноо дүйцүүлэх
<hr />
Гадаадын их, дээд сургуулиуд нийтлэг хүлээн зөвшөөрдөг Кембрижийн АS /advanced subsidiary/, A /advanced/, болон IB /international baccalaureate/ түвшний хөтөлбөр, мөн IELTS /International English Language Testing System/, TOEFL /Test of English as a Foreign Language/, SAT /Scholastic Aptitude Test/ зэрэг шалгалтын  үнэлгээг элсэлтийн шалгалтын үнэлгээтэй дүйцүүлнэ.
Үнэлгээ дүйцүүлэх хүсэлтийг 2025 оны 03 дугаар сарын 01-ний өдрөөс эхлэн 05 дугаар сарын 31-ний өдрийг дуустал хүлээн авна. 
Үнэлгээ дүйцүүлэх хүсэлтэй оюутан, суралцагч нь Олон улсын шалгалтын үнэлгээг Монгол улсын ЭШ-ын үнэлгээнд дүйцүүлэх хүсэлт, холбогдох бичиг баримтыг БҮТ-ийн eec.mn цахим хуудасны “Элсэлтийн шалгалт” гэсэн цэс рүү орж элсэлтийн шалгалтад бүртгүүлсэн бүртгэлийн дугаар, нууц үгээ ашиглан нэвтэрч цахимаар ирүүлнэ. Үүнд: 
<ul>
<li>Үнэлгээ дүйцүүлэх тухай хүсэлт</li>
<li>Төрсний гэрчилгээ эсвэл иргэний үнэмлэхийн  хуулбар</li>
<li>Үнэлгээнд дүйцүүлэх хөтөлбөрийн сертификат, дүнгийн хуудасны  хуулбар</li>
<li>Бүрэн дунд боловсролын гэрчилгээний хуулбар эсвэл гадаадад бүрэн дунд боловсрол эзэмшсэнийг гэрчлэх дүйцүүлсэн баримтын хуулбар /зөвхөн өмнөх оны төгсөгч/</li>
<li>Тухайн сургуульд суралцаж буй сургуулийн тодорхойлолт /зөвхөн 12 дугаар ангийн суралцагч/</li>
</ul>

ЗӨВЛӨМЖ: Монгол хэл бичгийн шалгалтын хуваарь, анхаарах зүйлс

Энэ амралтын өдрүүдэд 9 дүүргийн 32 байршилд нөөцийн махны өргөтгөсөн худалдаа зохион байгуулна. Хонины махыг гулуузаар, 1 кг нь 11800 төгрөгөөр худалдан борлуулна.
<img decoding="async" src="https://ulaanbaatar.mn/files/mn/images/wasx43px7q/67ef8015870dd507f473bceb.jpg" />
<img decoding="async" src="https://ulaanbaatar.mn/files/mn/images/6affujwkcs9/67ef8024870dd507f473bced.jpg" />
<img decoding="async" src="https://ulaanbaatar.mn/files/mn/images/ti5t3jn4e6j/67ef802e870dd507f473bcee.jpg" />
<img decoding="async" src="https://ulaanbaatar.mn/files/mn/images/pfoj4nf9cy/67ef8037870dd507f473bcef.jpg" />

Хайх