БНСУ-ын тусгай прокурорууд ерөнхийлөгч асан Юн Сок Ёльд умардын талд ашигтай ажилласан гэх хэргээр нэмэлт ял оноов. БНСУ-ын “Yonhap” агентлаг энэ сарын 10-нд “Тусгай прокурорууд БНСУ-ын хуучин ерөнхийлөгч Юн Сок Ёльд Умард Солонгостой хуйвалдсан, мөн эрх мэдлээ урвуулан ашигласан гэсэн үндэслэлээр албан ёсоор ял оноосон байна” гэж мэдээлэв. Харин Прокурорын байгууллага “Юн Сок Ёль 2024 онд Умард Солонгос руу дрон илгээхийг тушааж, хоёр талын хил дээр цэргийн хурцадмал байдал өдөөхийг оролдож, үүнийгээ манай улсад онц байдал зарлан, цэргийн засаглал тогтоох шалтаг болгох зорилготой байсныг мөрдөн шалгалтаар тогтоосон.Түүнчлэн мөрдөн байцаагчид манай улсын дрон осолдсон байршлыг үндэслэн Юн Сок Ёль улсын нууцад хамаарах цэргийн мэдээллийг дайсагнагч улсад өгч “дайсан этгээдэд ашиг тус хүргэсэн” гэж дүгнэсэн байна. Энэ хэргээр хуучин Батлан хамгаалахын сайд Ким Ён Хён, мөн Тагнуулын хамгаалалтын албыг удирдаж байсан Ё Ин Хён нарт ч бас ял оноогоод байна. БНСУ-ын тусгай прокурорууд ерөнхийлөгч асан Юн Сок Ёльд “бослого өдөөж, чиглүүлсэн” гэх ял оноогоод байсан.
Прокурорын дүгнэлтээр Юн Сок Ёль нь Батлан хамгаалахын сайд асан Ким Ён Хён болон бусад өндөр албан тушаалтнуудтай хуйвалдан, 2024 оны 12 дугаар сарын 3-нд улс оронд “Үндсэн хууль зөрчсөн, хууль бус” цэргийн байдал зарлах замаар төрийн эргэлт хийхийг оролдсон гэж үзэж байна. Мөрдөн байцаагчдын дүгнэлтээр тухайн үед улс оронд дайны байдал, зэвсэгт мөргөлдөөн, эсвэл үндэсний хэмжээнд ноцтой аюул огт байгаагүй байна.Түүнээс гадна прокурорууд Юн Сок Ёльд цэргийн тусгай хүчнийг парламент руу илгээж, цэргийн онц байдлыг хүчингүй болгох санал хураалтыг санаатайгаар саатуулсан. Мөн сөрөг хүчний гол удирдлагууд болон Сонгуулийн төв комиссын албан тушаалтнуудын баривчилгаа явуулахаар төлөвлөсөн гэх үндэслэлээр нэмэлт ял оноосон байна” гэж мэдээлэв. Энэ хэргийн улс төрийн нөхцөл 2024 оны 12 дугаар сарын эхээр улсын төсвийн асуудлаас үүдэн улс төрийн хурц маргаан дэгдэж байх үед Юн Сок Ёль “Төрийн эсрэг үйл ажиллагаа явагдаж байна” гэж мэдэгдэн цэргийн онц байдал зарласнаас үүдсэн билээ. Харин БНСУ-ын парламент уг шийдвэрийг батлахаас татгалзаж, маргааш нь уг шийдвэр хүчингүй болсон юм.Ингэснээр 12 дугаар сарын 14-нд парламент Юн Сок Ёльд импичмент зарласан бөгөөд 2025 оны дөрөвдүгээр сард Үндсэн хуулийн цэц уг шийдвэрийг баталж, түүний бүрэн эрхийг дуусгавар болгосон билээ.
БНСУ-ын ерөнхийлөгч асантай яг адил өөрийн суудлыг авч үлдэх гэсэн үйлдлийг Оросын анхны ерөнхийлөгч Борис Ельцин хийж, танкаар парламентын ордныг буудаж ОХУ-ыг парламентын засаглалгүй болгосон. Үр дүнг нь өнөөдөр дэлхий нийт харж байна! Гэтэл өнөөдөр манай Ерөнхий сайд Г.Занданшатар хөгшдийн тэтгэвэр, эмч, багш нарын цалинг хангалттай нэмэх гэж хичээхгүй, харин танкны оронд мөнгө, албан тушаал, шантаажлах аргаар Монгол Улсыг парламентын засаглалгүй болгох гэж байна. Иймээс иргэд маань тэнэг биш болохоор нийтийн сүлжээнд Ерөнхий сайд Г.Занданшатарыг “ФСБ-ийн төсөл” гэж бичиж эхлэв.
Уг нь Монгол Улсын Ерөнхий сайд хүн түүхий нефтийн үнийн уналтаас үүдэн ЗХУ-ын түүхийг давтах гэж байгаа ОХУ-ын “тавиул” царайлж байхын оронд нэг жил төр, засгийнхны гадаад “аялал”-ыг түр зогсоож, валютын нөөцөө хэмнэн инфляци өдөөхгүйгээр тэтгэвэр, цалинг ирэх сарын эхнээс хангалттай нэмэх арга хэмжээ авах хэрэгтэй баймаар. Гэтэл Г.Занданшатар Борис Ельцин, Юн Сок Ёль хоёртой нийлж нэг тэрэгний “гурван дугуй” болох гээд байх юм!
&nbsp;
Г.АМАРСАНАА

Юн Сок Ёль, Б.Ельцин, Г.Занданшатар

Өнөөдрийн Засгийн газрын хуралдаанаар Стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийнтөслийг хэлэлцээд яаралтай хэлэлцүүлэхээр Улсын Их Хуралд өргөн мэдүүлэхээр тогтлоо.
Хуулийн төсөл нь олон улсын худалдааны нөхцөл байдал, гадаад хүчин зүйлээс сэргийлэх, стратегийн ач холбогдол бүхий бүтээгдэхүүний хангамж, нийлүүлэлтийг дэмжих учирч болзошгүй эрсдэлийг бууруулах, даван туулах арга хэмжээг тодорхойлох, холбогдох шийдвэрийг шуурхай гаргах нөхцөлийг бүрдүүлэх зорилготой.
Төсөл нь нийтлэг үндэслэл буюу хуулийн зорилт, холбогдох хууль тогтоомж, хуулийн үйлчлэх хүрээ, хуулийн зарчмын талаар тусгасан бөгөөд эдгээр зохицуулалтын гол зорилго нь стратегийн ач холбогдол бүхий бүтээгдэхүүний хангамж, нийлүүлэлтийг дэмжихэд чиглэжээ. Газрын тосны бүтээгдэхүүний тухай хуульд тусгагдаагүй төрийн байгууллагуудын авч хэрэгжүүлэх онцлог зохицуулалтыг тусгажээ. Мөн хууль зөрчигчдөд хүлээлгэх хариуцлага, хуулийн үйлчлэх хугацааг тусгасан байна.

Стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийн төслийг УИХ-д өргөн барина

Засгийн газрын ээлжит хуралдаан 2025 оны арваннэгдүгээр сарын 12-нд болж дараах асуудлуудыг хэлэлцэн шийдвэрлэлээ.
Төрийн болон албаны нууцын тухай хуульд нэмэлт, өөрчлөлт оруулах тухай, Төрийн нууцын жагсаалт батлах тухай хуулийн төслүүдийн үзэл баримтлалыг Засгийн газрын өнөөдрийн хуралдаанд танилцууллаа.
Сүүлийн жилүүдэд төрийн байгууллага, албан тушаалтнаас нууцлах мэдээллийн төрөл, хэмжээ, агуулгыг хэт өргөжүүлж, мэдээллийг явцуу ашиг сонирхлоор төрийн болон албаны нууцад авах тохиолдол гарсаар байна. Засгийн газрын тогтоолоор хэт олон буюу 574 мэдээллийг төрийн нууцад хамааруулснаас төрийн байгууллага бүр албаны нууцын жагсаалтаа өөр өөрөөр харилцан адилгүй тогтоож байна. Төрийн үйл ажиллагаа ил тод бус байх нь иргэдийн мэдэх эрхийг зөрчих төдийгүй авлига, албан тушаалын гэмт хэрэг үйлдэгдэх суурь нөхцөлийг бүрдүүлдэг. Тийм учраас Монгол Улсын Ерөнхий сайд Г.Занданшатар томилогдсон даруйдаа 01 тоот албан даалгавраараа нийгэмд шударга ёсыг бэхжүүлэх, авлига, албан тушаалын гэмт хэрэгтэй тэмцэх зорилгын хүрээнд Төрийн болон албаны нууцын тухай хууль тогтоомжийг боловсронгуй болгох ажлыг Засгийн газрын Хэрэг эрхлэх газар, Хууль зүй, дотоод хэргийн яам, Тагнуулын ерөнхий газарт тус тус үүрэг болгосон. Энэ дагуу Төрийн болон албаны нууцын тухай хуульд нэмэлт, өөрчлөлт оруулах тухай, Төрийн нууцын жагсаалт батлах тухай хуулийн төслүүдийн үзэл баримтлалыг боловсруулжээ.
Эдгээр төслийн хүрээнд:
-Төрийн нууцад хамаарахаас бусад төрийн байгууллагын бүх мэдээлэл ил тод, нээлттэй болно. Тухайлбал, албаны нууцыг хүчингүй болгосноор одоо албаны нууцад бүртгэлтэй байгаа төрийн 59 байгууллагын нийт 882 мэдээлэл ил болно.
-Төрийн нууцын жагсаалтыг Засгийн газрын шийдвэрээр өргөжүүлэх, үндэслэлгүйгээр мэдээллийг нууцлах явдлыг таслан зогсооно. Өөрөөр хэлбэл, төрийн нууцын жагсаалт батлах эрхийг Улсын Их Хуралд бүрэн төвлөрүүлж, иргэд, олон нийтийн хяналтыг тогтооно.
Эдгээр хуулийг Улсын Их Хуралд өргөн мэдүүлж, батлуулснаар төрийн байгууллага, албан тушаалтан үндэслэлгүйгээр мэдээллийг нууцад хамааруулахаас урьдчилан сэргийлэх, төрийн нууцлах мэдээллийн хүрээг хумих, төрд итгэх олон нийтийн итгэлийг нэмэгдүүлэх, шийдвэр гаргалт хариуцлагатай, ил тод, нээлттэй байх, авлига, албан тушаалын гэмт хэрэг буурахад эерэг нөлөө үзүүлнэ.

ЗГ: Албаны нууцыг хүчингүй болгож, төрийн 59 байгууллагын 882 мэдээллийг ил болгоно

2025 оны 11-р сарын 05-ны өдрийн 18 цагийн орчимд Баянзүрх дүүргийн 11-р хорооны нутаг дэвсгэрт айлын гэр галд өртсөн хэрэг гарчээ.
Тус хорооны цагдаагийн хэсгийн байцаагч залуу уг айлыг хармагц түргэн шуурхай очиж, шатаж буй гэрт байсан 3-13 настай хоёр хүүхдийг галын голомтоос гарган амь насыг нь авран хамгаалжээ.
Мөн иргэдтэй хамтран галыг тархахаас өмнө унтрааж, онцгой байдлын алба хаагчдад хүлээлгэн өгсөн байна. Ингэж түргэн шуурхай шийдвэр, эр зориг гаргасан цагдаагийн алба хаагчийн бэлэн байдал, үнэнч хандлага иргэдийн талархлыг хүлээжээ.

Цагдаагийн алба хаагч шатаж буй гэрээс бага насны 2 хүүхдийн амийг аварчээ

Толгойтын замыг Ард Аюушийн өргөн чөлөөтэй холбосон зургаан эгнээ бүхий 3.9 км авто замын зорчих хэсгийн хөдөлгөөнийг 10 дугаар сарын 31-нд нээв. Тус авто зам нь хоёр талдаа 2 метр өргөн явган хүний замтай байна. Явган зорчигчийн зам болон ГССҮТ рүү буух хэсгийн гүүрэн байгууламжийн асфальт бетон хучилтын ажлыг 2026 оны хавар дуусгах юм. Авто замын ажлын гүйцэтгэгчээр “Монгол зам групп” ХХК, түншлэлээр “Ган бүрд” ХХК ажиллаж байна. Уг авто зам нь Энхтайваны өргөн чөлөөний баруун хэсгийн ачааллыг 50 хүртэлх хувиар хуваалцах хүчин чадалтай холбоос зам юм.
Авто замын үзүүлэлт:
<ul>
<li>Замын урт  – 4 км, 1.5км</li>
<li>Зорчих хэсгийн өргөн – 25 метр</li>
<li>Явган замын өргөн – 2 метр /2 талдаа/</li>
<li>Гүүр – 31.1 метр</li>
<li>Нүхэн гарц – 4 ширхэг</li>
<li>Хоолой – 14 ширхэг</li>
<li>Тулц хана – 4 ширхэг</li>
</ul>
<img decoding="async" src="https://ulaanbaatar.mn/files/mn/images/wyslyhyhrre/6912f9bae337fe7967a307f8.jpg" />
&nbsp;
<img decoding="async" src="https://ulaanbaatar.mn/files/mn/images/tk9l53xhlsk/6912f9cee337fe7967a307fb.jpg" />
<img decoding="async" src="https://ulaanbaatar.mn/files/mn/images/9386uonp3cm/6912f9d5e337fe7967a307fc.jpg" />

Толгойтын замыг Ард Аюушийн өргөн чөлөөтэй холбосон 3.9 км авто замын хөдөлгөөнийг нээв

<div>
Худалдааны салбарын борлуулалтын орлого 2025 оны эхний 9 сард 48.5 их наяд төгрөгт хүрчээ. Энэ нь өнгөрсөн оны мөн үеийнхээс 289.8 тэрбум төгрөгөөр нэмэгдсэнийг Үндэсний статистикийн хорооноос мэдээллээ.
</div>
<div>
Салбарын борлуулалтын орлогын 22.4 хувийг хүнсний бүтээгдэхүүн, 77.6 хувийг хүнсний бус бүтээгдэхүүний борлуулалт эзэлж байна.
</div>
<div>
Хүнсний худалдааны борлуулалт 10.9 их наяд төгрөгт хүрсэн бөгөөд энэ нь 2024 оны мөн үеийнхээс 572.7 тэрбум төгрөгөөр нэмэгджээ.
</div>
<div>
Мөн орлогын 44.0 хувь нь бөөний худалдаа, 6 хувь нь жижиглэн худалдааны салбарт ногдож байна. Жижиглэн худалдааны орлого 27.2 их наяд төгрөгт хүрсэн аж. Энэ нь 2024 оны мөн үеийнхээс 587. тэрбум төгрөгөөр нэмэгдсэн аж.
</div>
<div>
Худалдааны салбарын борлуулалтын орлогын 86 хувь нь Улаанбаатар, 3.4 хувь нь Өмнөговь, 1.2 хувь нь Орхон, 1.3 хувь нь Дархан-Уул аймагт оногдож байгаа нь салбарын нийт борлуулалтын 91.8 хувийг бүрдүүлжээ.
</div>

Хүнсний худалдааны борлуулалт 10.9 их наяд төгрөгт хүрчээ

УИХ-ын дэд дарга Х.Булгантуяаг Үндсэн хууль зөрчсөн гэсэн үндэслэлээр гишүүнээс нь эргүүлэн татах тухай шуугиан ид хүчээ авч байна. Энэ нь Үндсэн хуулийн Цэцийн гаргасан шийдвэрээс эхтэй юм. Цэц их суудлын хуралдаанаараа “Засгийн газрыг огцруулах 95 дугаар тогтоол Үндсэн хуулийг зөрчсөн” гэсэн шийдвэрээс эхтэй билээ. Цэц буруу зөв шийдсэн эсэх тухайд түмэн маргаан өрнөж байгаа. Цэц түүхэндээ хамгийн буруу маш олон хууль зөрчсөн шийдвэр гаргасан гэж судлаачид дуу нэгтэй хэлэлцэж байна. Хамгийн олон түмэнд ойлгомжтой кейсүүдээс дурдвал “венийн конвенц” гэж гадаадын хуулийг эш үндсээ болгосон, “Засгийн газраа байгуулж чадахгүйгээс болж УИХ тарж онц байдал тогтоно” гэж ирээдүй цаг дээр болоогүй,болох ч юм уу үгүй ч юм уу зүйлээр үндэслэл болгосон гэх зэрэг юм. УИХ тарах, эс тарах нь Цэцэд юуны хамаатай, бараг тарчихсан байсан нь дээр ч юм биш үү гэж хүртэл ярьцгааж байгаа. Тэгээд яагаад Цэц Х.Булгантуяаг “баярын бичгээр” шагнана гэж. Цэцэд баярын бичиг гэж байдаггүй байх л даа. Юу ч юм. Цэцийн том шагнал гэж байдаг бол тэрүүгээрээ шагнамаар юм гэж үү. Цэц УИХ-ыг хуралдуулах, гишүүдийг хуралдаа сууж хууль батлуулж байхад л гол анхаарлаа хандуулах баймаар санагдаж байгаа. Тэгвэл Х.Булгантуяа УИХ-ын гишүүдийг чуулганд нь суулгаж гавьяа байгуулсан юм биш үү. Төрийн байгуулалтын байнгын хороогоор гаргасан Г.Занданшатарын Засгийн газрыг огцруулахыг дэмжихгүй гэсэн саналыг дэмжье гэсэн томьёололоор санал хураалгасан. Энэ томьёолол хурлаа хаяад явсан гишүүдийг заавал хуралдаа суух шаардлага үүсгэсэн. Яагаад гэвэл, нэгэнт ирцэд орчихсон гишүүд хуралдаа суухгүй бол тухайн асуудлыг дэмжээгүй санал болдог. Гишүүд хурлаа хаяж явснаас болоод Засгийн газар огцорсон. Тэгвэл Засгийн газраа дэмжих гэвэл чуулгандаа заавал суух хэрэгтэй гэж шаардсан дэд дарга яагаад огцрохдоо тултал асуудал үүсгэнэ гэж. Чуулгандаа сууж үндсэн ажлаа хийхээс өөр арга үгүй болгосон гишүүнийг Цэц яагаад шийтгэх гээд байгаа вэ. Цэц ер нь өөрсдийнх нь хэлээд байгаа шиг УИХ-ын талд байдаг юм уу. УИХ-ын талд байгаа л бол хуралдаан таслахын арга үгүй байдалд хүргэсэн гишүүнийг шийтгэх биш, шагнах ёстой биш үү.

Цэц Х.Булгантуяаг огцруулах биш харин ч “баярын бичгээр” шагнамаар юм

Монгол Улсын Ерөнхий сайд Г.Занданшатар мягмар гарагт “Рио Тинто” компанийн Зэсийн группийн захирал Кейти Жаксонтай цахим уулзалт хийж, “Оюутолгой” төслөөс Монгол Улсад ирэх үр өгөөжийг нэмэгдүүлэх асуудлаар санал солилцов.
Уулзалтын үеэр Ерөнхий сайд Г.Занданшатар болон хатагтай Кейти Жаксон нар “Оюутолгой” төслийн зээлийн хүү, менежментийн төлбөрийг бууруулах чиглэлээр хоёр талын хэлэлцээ амжилттай үргэлжилж, зарчмын тохиролцоонд хүрснийг цохон тэмдэглэв.
Талууд хэлэлцээг амжилттай урагшлуулж, бодит үр дүнд хүргэх нь чухал гэдэгт санал нэгдлээ.
<img loading="lazy" decoding="async" src="https://mongolia.gov.mn/storage/posts/November2025/viber_image_2025-11-12_08-54-32-697.jpg" alt="" width="1600" height="1067" />
Мөн Ерөнхий сайд зээлийн хүүг бууруулах асуудлыг “Онтрэ” ХХК-ийн тусгай зөвшөөрлийн асуудлаас тусад нь авч үзэж, шийдвэрлэх нь зүйтэй гэдгийг онцлов.
Тэрбээр цаашид “Оюутолгой” компанийн гүйцэтгэх захирлыг Монголын талаас санал болгож, монгол иргэнийг томилж байх нь Монголын Улсын ашиг сонирхлыг бүрэн төлөөлөхөд чухал алхам болно гэдгийг онцлон тэмдэглэв.
“Рио Тинто” компанийн Зэсийн группийн захирал Кейти Жаксон “Оюутолгой” төслийн Монголын талд ногдох үр өгөөжийг нэмэгдүүлэх талаар Ерөнхий сайдын дэвшүүлсэн саналуудыг бодит ажил хэрэг болгохын төлөө идэвхтэй, нягт хамтран ажиллахаа илэрхийллээ.
<img loading="lazy" decoding="async" src="https://mongolia.gov.mn/storage/posts/November2025/viber_image_2025-11-12_08-54-12-436.jpg" alt="" width="1600" height="1066" />

Хайх