<p class="ql-align-justify"><strong><u>Хур тунадас:</u> </strong>29, 30-нд Хэнтийн уулсаар, 31-нд нутгийн зүүн хойд хэсгээр, 4-р сарын 01-нд нутгийн зүүн хэсгээр, 02-нд Алтай, Хангайн уулархаг нутгаар, 03-нд төв болон говийн аймгуудын нутгийн зарим газраар, 04-нд нутгийн зүүн өмнөд хэсгээр цас орж, явган шуурга шуурна.</p>
<p class="ql-align-justify"><strong><u>Салхи:</u> </strong>Хугацааны эхэнд говь, тал, хээрийн нутгаар секундэд 14-16 метр хүрч ширүүснэ, бусад хугацаанд ихэнх нутгаар секундэд 5-10 метр.</p>
<p class="ql-align-justify"><strong><u>Агаарын температур</u>: </strong>Ихэнх нутгаар өдөртөө дулаарч Увс нуурын болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө <strong>-21&#8230;-26</strong> градус, өдөртөө <strong>-6&#8230;-11</strong> градус, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө <strong>-13&#8230;-18</strong> градус, өдөртөө<strong> -1&#8230;-6</strong> градус хүйтэн, говийн бүс нутгийн өмнөд хэсгээр шөнөдөө <strong>-3&#8230;-8</strong> градус хүйтэн, өдөртөө<strong> +5&#8230;+10 </strong>градус дулаан, бусад нутгаар шөнөдөө <strong>-8&#8230;-13</strong> градус хүйтэн, өдөртөө<strong> +1&#8230;+6</strong> градус дулаан байна.</p>
<p class="ql-align-justify">


ЦАГ АГААР: Улаанбаатарт өдөртөө 1 хэм хүйтэн байна

<p>Улаанбаатар хотын Захирагчийн ажлын албанаас энэ онд нийт зургаан их цэвэрлэгээг зохион байгуулахаар төлөвлөсөн. Ээлжит бүх нийтийн их цэвэрлэгээг энэ сарын 22-ны өдрөөс эхлэн дөрөвдүгээр сарын 12-ныг хүртэл гурван үе шаттай зохион байгуулж байна.</p>
<p>Аж ахуй нэгж, байгууллага бүр орчныхоо 50 метр хүртэлх нийтийн эзэмшлийн зам талбайг цэвэрлэх, байгууллагынхаа хайс хашлага, хогийн сав, гадна фасад, хаяг, хаягийн байгууламжийг угааж өнгө үзэмжийг сайжруулах үүрэгтэй байдаг. Энэ дагуу “Улаанбаатар орон <span class="editable-incorrect">сууцжуулалт</span>” <span class="editable-incorrect">ХХК-ийн</span> ажилтан, алба хаагчид бүх нийтийн цэвэрлэгээнд нэгдэж, өнөөдөр Хуримын ордны урд талаас Хүүхдийн ордны баруун талын уулзвар хүртэлх зам талбайг цэвэрлэлээ.</p>


Бүх нийтийн цэвэрлэгээ дөрөвдүгээр сарын 12-ныг хүртэл үргэлжилнэ

<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd" dir="auto">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd" data-ad-rendering-role="story_message">
<div id="«r44u»" class="x1l90r2v x1iorvi4 x1ye3gou xn6708d" data-ad-comet-preview="message" data-ad-preview="message">
<div class="x78zum5 xdt5ytf xz62fqu x16ldp7u">
<div class="xu06os2 x1ok221b">
<div class="xdj266r x11i5rnm xat24cr x1mh8g0r x1vvkbs x126k92a">
<p dir="auto">Автомашин үзлэг оношилгоонд оруулахгүй тэнцүүлнэ гэж бусдаас төлбөр авч залилах тохиолдол бүртгэгдэж байна</p>
</div>
</div>
</div>
</div>
</div>
</div>
<div id="«r44v»" class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x1n2onr6">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x1n2onr6">
<div class="x6s0dn4 x1jx94hy x78zum5 xdt5ytf x6ikm8r x10wlt62 x1n2onr6 xh8yej3">
<div>
<div class="xqtp20y x6ikm8r x10wlt62 x1n2onr6">
<div class="x10l6tqk x13vifvy"><img loading="lazy" decoding="async" class="x168nmei x13lgxp2 x5pf9jr xo71vjh x1ey2m1c xds687c x5yr21d x10l6tqk x17qophe x13vifvy xh8yej3 xl1xv1r" src="https://scontent.fuln2-2.fna.fbcdn.net/v/t39.30808-6/486775127_968712395444297_7455292581139449402_n.jpg?stp=dst-jpg_s640x640_tt6&amp;_nc_cat=103&amp;ccb=1-7&amp;_nc_sid=833d8c&amp;_nc_ohc=i5i1XKeAq2cQ7kNvgGe7NpV&amp;_nc_zt=23&amp;_nc_ht=scontent.fuln2-2.fna&amp;_nc_gid=vVXhkQ4GUNLNZRQRIH1qzw&amp;oh=00_AYFqZ_AJYtfQqkptGBzIQkkyUwfz4MeQcrEqW4eGgse-Bg&amp;oe=67EC416C" alt="May be an image of text" width="511" height="640" /></div>
</div>
</div>
</div>
</div>
</div>
</div>
</div>
</div>
</div>


“Автомашин үзлэг оношилгоонд оруулахгүй тэнцүүлнэ” гэж бусдаас төлбөр авч залилжээ

<p><strong>Малчид, иргэд, тээвэрчдэд зориулсан мэдээ: </strong>Ойрын хоногуудад нутгийн зүүн хагаст хүйтэн салхи, шуургатай байна.</p>
<hr />
<p><strong>2025 оны 03-р сарын 28-ны 20 цагаас 2025 оны 03-р сарын 29-ний 20 цаг хүртэлх </strong><strong>цаг агаарын урьдчилсан мэдээ</strong></p>
<p><strong>Хур тунадас:</strong> Баруун болон говийн аймгуудын нутгаар багавтар үүлтэй, бусад нутгаар солигдмол үүлтэй. Хөвсгөл, Хэнтийн уулс болон Халх гол орчмоор ялимгүй цас орно, бусад нутгаар цас орохгүй.</p>
<p><strong>Салхи:</strong> Ихэнх нутгаар баруун хойноос секундэд 5-10 метр, говь, тал, хээрийн нутгаар секундэд 13-15 метр хүрч ширүүсэж, явган шуурга шуурна.</p>
<p><strong>Агаарын температур:</strong> Шөнөдөө Завхан голын эх, Тэс голын хөндийгөөр 25-30 хэм, Увс нуур болон Дархадын хотгор, Идэр, Байдраг голын хөндийгөөр 20-25 хэм, Их нууруудын хотгор болон Хангайн уулархаг нутаг, говийн бүс нутгийн өмнөд хэсэг, Орхон-Сэлэнгийн сав газар, Сэлбэ голын хөндийгөөр 9-14 хэм, бусад нутгаар 14-19 хэм хүйтэн, өдөртөө Увс нуур болон Завхан голын эх, Тэс голын хөндийгөөр 8-13 хэм, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Туул, Тэрэлж, Хэрлэн, Онон, Улз, Халх голын хөндийгөөр 0-5 хэм хүйтэн, говийн бүс нутгийн баруун өмнөд хэсгээр 6-11 хэм, бусад нутгаар 0-5 хэм дулаан байна.</p>
<p><strong>УЛААНБААТАР ХОТ ОРЧМООР:</strong> Үүлшинэ. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 16-18 хэм, бусад хэсгээр 12-14 хэм, өдөртөө 0-2 хэм хүйтэн байна.</p>
<p><strong>БАГАНУУР ОРЧМООР:</strong> Үүлшинэ. Цас орохгүй. Салхи баруун хойноос секундэд 6-11 метр. Шөнөдөө 16-18 хэм хүйтэн, өдөртөө 0 хэм орчим байна.</p>
<p><strong>ТЭРЭЛЖ ОРЧМООР:</strong> Үүлшинэ. Цас орохгүй. Салхи баруун хойноос секундэд 6-11 метр. Шөнөдөө 16-18 хэм, өдөртөө 1-3 хэм хүйтэн байна.</p>
<hr />
<p><strong>2025 оны 03-р сарын 30-наас 04-р сарын 03-ныг хүртэлх </strong><strong>цаг агаарын урьдчилсан төлөв</strong></p>
<p>Гуравдугаар сарын 30-нд Хэнтийн уулс болон Дорнодын тал нутгаар, 31, 4-р сарын 1-нд Хэнтийн уулархаг нутаг, Дорнод-Дарьгангын тал нутгаар ялимгүй цас орно. 2-нд Алтай, Хангайн уулархаг нутгаар цас орж, явган шуурга шыуурна. Салхи ихэнх хугацаанд говь, талын нутгаар зарим үед секундэд 14-16 метр хүрч ширүүснэ. Ихэнх нутгаар дулаарч, Увс нуурын хотгор, Завхан голын эх, Тэс голын хөндийгөөр шөнөдөө 18-23 хэм, өдөртөө 5-10 хэм, Дархадын хотгор, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Туул, Тэрэлж голын хөндийгөөр шөнөдөө 12-17 хэм, өдөртөө 0-5 хэм хүйтэн, говийн бүс нутгийн өмнөд хэсгээр шөнөдөө 1-6 хэм хүйтэн, өдөртөө 9-14 хэм дулаан, бусад нутгаар шөнөдөө 5-10 хэм хүйтэн, өдөртөө 3-8 хэм дулаан байна.</p>


Ойрын хоногуудад нутгийн зүүн хагаст хүйтэн салхи, шуургатай байна

<p dir="auto">“Төмөр замын гармын аюулгүй байдал-2025” зөвлөгөөнийг “УБТЗ” ХНН-ийн санаачилгаар Зам, тээврийн Яам, Тээврийн прокурорын газар, ЦЕГ-ын харьяа Тээврийн цагдаагийн алба, Төмөр замын цагдаагийн газар, Нийслэлийн замын хөгжлийн газар хамтран зохион байгууллаа.</p>
<p dir="auto">Гармын аюулгүй байдлыг хангахад УБТЗ болон холбогдох яам, газруудын хамтын ажиллагаа чухал үүрэг гүйцэтгэж байдаг бөгөөд болзошгүй эрсдэлээс ард иргэд, жолооч нарын амь нас, эрүүл мэнд, эд хөрөнгийг хамгаалж, эрсдэлийн эсрэг шаардлагатай бүхий л арга хэмжээг авч хэрэгжүүлж иржээ.</p>
<p dir="auto">УБТЗ-ын зүгээс улсын хэмжээнд байдаг бүх төмөр замын гармуудад эрсдэлийн үнэлгээ хийж болзошгүй эрсдэлээс сэргийлэх хариу арга хэмжээ аван ажиллаж байна.</p>
<p dir="auto"><strong>Улсын хэмжээнд 358 төмөр замын гарам байдгаас 86 нь бага эрсдэлтэй, 219 нь дунд эрсдэлтэй, 53 нь өндөр эрсдэлтэй гэсэн судалгаа гарчээ.</strong></p>
<p dir="auto">Төмөр замын болон авто тээврийн хөдөлгөөний эрчимжилт нэмэгдэж байгаатай холбоотойгоор ачаалал өндөртэй гармуудаар нэвтрэх тээврийн хэрэгслийн тоо жил бүр нэмэгдэж байна. Таван шарын гарам гэж хүмүүсийн ярьдаг 396-р километрийн гармаар 2024 онд хоногтоо 85 мянган тээврийн хэрэгсэл нэвтрэн өнгөрсөн нь өмнөх оноосоо 3000 тээврийн хэрэгслээр илүү байжээ.</p>
<p dir="auto">Эдгээр болон аймаг орон нутагт байдаг эрсдэл өндөртэй гармуудыг нийслэл болон аймаг орон нутагтай хамтран ижил бус түвшинд огтлолцуулж нүхэн гарц болгох ажлыг хийж байна. Өнгөрсөн онд гэхэд л Толгойт-Улаанбаатар хоорондын 396-р км-ийн гарам, Улаанбаатар-Амгалан хоорондын 408-р км-ийн гарам, Багахангай- Мааньт хоорондын 518-р км-ийн гармуудыг нүхэн гарц болгож ашиглалтад оруулсан байна.</p>
<p dir="auto">Мөн гармын техник, тоноглолыг сайжруулахад УБТЗ-ын зүгээс онцгой анхааран ажиллаж байна. Энэ ажилд 2023 онд 279 сая төгрөгийг зарцуулж байсан бол 2024 онд 672,5 сая төгрөгөөр болгож нэмэгдүүлжээ.</p>
<p dir="auto">2025 онд нийт 4 гармыг дохиолол хориглолын байгууламжаар тоноглож, жижүүрийн зохицуулалттай болгохоос гадна зарим хөдөлгөөн багатай гармуудыг хаахаар төлөвлөсөн байна.</p>
<p dir="auto">Мөн дээрх ажлуудаас гадна улсын хэмжээнд “Түр зогс, бүү яар” нөлөөллийн аяныг зохион байгуулж, хэвлэл мэдээлэл, олон нийтийн цахим сүлжээгээр төрөл бүрийн сэрэмжлүүлэг сурталчилгааг давхардсан тоогоор 8 сая гаруй хүнд хүргэсэн нь үр дүнгээ өгчээ.</p>


Улсын хэмжээнд 358 төмөр замын гарам байдгаас 53 нь өндөр эрсдэлтэй гэсэн судалгаа гарчээ

<p>Америкийн “The Atlantic” сэтгүүл Америкийн өндөр албан тушаалтнууд хоорондоо Signal мессенжерийн чатаар харилцсан шинэ мессэжийг дэлгэсэн бас нэг нийтлэлээ хэвлэв. Энэхүү нийтлэлд АНУ-ын Батлан хамгаалахын сайд Пит Хегсетийн энэ сарын 15-ны өглөө Америкийн байлдааны онгоцууд хөөрөхөөс 31 минутын өмнө Йемен дэх Хуситуудын байрлалд хийхээр төлөвлөж буй довтолгооны хэлбэр, хэдэн F-18 сөнөөгч, дрон, Тамохавк пуужингаар ямар цохилт өгөх гэж байгаа тухай нарийвчлан тайлбарлаж бусдадаа илгээсэн мессэжийг бүрэн эхээр нь нийтэлжээ. Цэргийн тусгай ажиллагаа явуулсны ард хэн нэгэн ийм мессэж бусдад илгээсэн бол цэргийн нууц мэдээлэл алдсан хэрэг. Харин цэргийн нууц ажиллагаа эхлэхээс хагас цаг гаруйн өмнө ийм мэдээлэл дамжуулсан явдал бол цэргийн нууцыг задлан үндэсний аюулгүй байдалд маш ноцтой аюул учруулсан гэмт хэрэг юм. Гол ялгаа нь энэ!</p>
<p>Энэхүү нийтлэлд “The Atlantic сэтгүүл өмнө нь Америкийн армиийн цэргийн нууцыг задлахгүй, цэргийн ажиллагааны нууцыг хамгаалахын тулд халдлагын талаарх тодорхой дэлгэрэнгүй мэдээлэл бус, засгийн газрын гишүүд хоорондоо мэдээлэл хуваалцсан тухай нийтэлсэн. Гэтэл Пентагоны тэргүүн Пит Хэгсет, Үндэсний тагнуулын газрын захирал Талси Габбард, ТТГ-ын захирал Жон Рэтклиффа гэх мэт бусад албан тушаалтан болон ерөнхийлөгч Трамп нар “Цагаан ордны өндөр албан тушаалтнуудын Houthi PC small group онлайн чатын мессэжийн талаар биднийг худал мэдээлэл тарааж байна” гэж олон нийтэд мэдэгдсэн нь хүмүүс бодит текстийг уншиж, өөрсдийн дүгнэлтэд хүрэх ёстой гэдэгт биднийг итгүүлсэн юм” гэж онцлон тэмдэглэжээ.</p>
<p>АНУ-ын ерөнхийлөгч Дональд Трамп сэтгүүлчдэд дэд ерөнхийлөгч Жеймс Дэвид Вэнсийн энэхүү нууц чатаар Европыг “хөгийн амьтад” гэсэн байр суурийг хамгаалж &#8220;Энэ яриа хаанаас гараад байгааг би ойлгож байна. Европын холбоо манай албан татварын талаар маш муу хандлагатай байдаг&#8221; гэж хэлсэн бөгөөд “Энэ чатад нууц зүйл байхгүй” гэж мэдэгдсэн юм. Үүний дараа “The Atlantic” сэтгүүлийн удирдлага албан тушаалтнуудын чатын бичгийг бүрэн эхээр нь нийтлэхийг юу гэж үзэж байгааг асуухаар Цагаан ордонд очжээ. Цагаан ордны хэвлэлийн нарийн бичгийн дарга Каролин Левитт тэдэнд “Чатад ямар ч нууц мэдээлэл байхгүй” гэж хэлээд &#8220;Энэ нь бид яриаг дэлгэхийг зөвшөөрч байна гэсэн үг биш. Чатаар &#8220;эмзэг мэдээлэл&#8221; ярилцсан тул Ерөнхийлөгчийн засаг захиргаа үүнийг нийтлэхийг эсэргүүцэж байна” гэж хэлжээ. Сэтгүүлчдэд түүний “Чатад ямар ч нууц мэдээлэл байхгүй” гэж хэлсэн нь л хэрэгтэй байв. Учир нь түүний хэлсэн энэ өгүүлбэр засгийн газрын гишүүдийн мессэжийг нийтэлсэн тохиолдолд сэтгүүлчид шүүхийн өмнө буруудахгүй гэдгийн баталгаа болж байгаа юм. Тэгвэл Цагаан ордны хэвлэлийн нарийн бичгийн дарга Каролин Левитт бууж өгсөнгүй. Тэрээр уг сэтгүүлийн шинэ нийтлэлийн дараа “Энэхүү шинэ нийтлэлийн гарчигт чат дахь мессэжийг &#8220;дайны төлөвлөгөө&#8221; гэхгүй &#8220;довтолгооны төлөвлөгөө&#8221; гэж нэрлэсэн нь “The Atlantic” сэтгүүлийнхэн &#8220;бууж өгсөн&#8221; явдал бөгөөд алдаагаа хүлээн зөвшөөрсөн гэсэн үг. Энэ түүх нь бүхэлдээ шуугиан тарьсан мэдэгдлээрээ алдартай, Трампыг үзэн ядагчийн зохиосон бас нэг хуурмаг зүйл” гэж мэдэгдэв. Түүний энэ мэдэгдэл “Ливерпуль гэж биччихээд Манчестер гэж уншив” буюу “Тэмээ гэхээр ямаа” гэсэн зүйл болов. Учир нь “The Atlantic” сэтгүүлийн Цагаан ордны чатын тухай эхний нийтлэл нь &#8220;Трампын засаг захиргаа дайны төлөвлөгөөнийхөө талаар надад санамсаргүйгээр мессэж илгээсэн&#8221; гэсэн гарчигтай байсан бөгөөд “The Atlantic” сэтгүүлийн ерөнхий редактор Жеффри Голдберг гуравдугаар сарын 15-нд эхэлсэн Йемен дэх Хуситуудын эсрэг ажиллагааны нарийн ширийнийг ярилцсан АНУ-ын засаг захиргааны өндөр албан тушаалтнуудын хувийн чат руу санамсаргүй орсон гэдгээ энэ сарын 24-нд олон нийтэд мэдээлсэн юм. Голдберг “Энэ бүлгийн ярилцлагад АНУ-ын дэд ерөнхийлөгч, Төрийн нарийн бичгийн дарга, Батлан хамгаалахын сайд, АНУ-ын Үндэсний аюулгүй байдлын зөвлөх болон бусад хүмүүс багтсан” гэж мэдээлсэн. Үүний дараа Цагаан ордныхон “Чат мессэжийн мэдээлэл үнэн гэдгийг зөвшөөрсөн ч тус бүлэгт гадны хүн орсон нь үндэсний аюулгүй байдалд заналхийлээгүй” гэж мэдэгдсэн билээ.<br />
Харин энэ шинэ нийтлэл Цагаан ордон АНУ-ын үндэсний аюулгүй байдалд аюул учруулсан гэдгийг бүрэн баталж орхив. “The Atlantic” сэтгүүлийн ерөнхий редактор Жеффри Голдбергийн эхний нийтлэлийн дараа мэргэжлийн судлаачид болон Трампын засаг захиргааг эсэргүүцэгчид энэхүү үйл явдлыг аюулгүй байдлын дүрэм болон тагнуулын тухай хуулийг илт зөрчсөн үйлдэл байж болзошгүй учир шалгах ёстой гэж үзэж байсан билээ. Тэд “Хиллари Клинтоныг Төрийн нарийн бичгийн дарга байхдаа хувийнхаа цахим шуудангаар албаны захидал илгээсэн гэж олон улстөрч, сэтгүүлчид буруутгаж байсныг болон Клинтоныг шийтгэхийг хамгийн хатуу шаардаж байсан хүмүүсийн нэг бол Дональд Трамп байсан” гэж сануулж байсан. Мөн энэ явдалтай холбогдуулан Америкийн мэдээллийн хэрэгслүүд өнөөдрийн Пентагоны тэргүүн Пит Хэгсетийн тухайн үед “Хувийнхаа цахим шуудангаар төрийн мэдээлэл илгээсэн хүн Хиллари Клинтоноос өөр хүн байсан бол өдийд шоронд сууж байх байсан” гэж хэлж байсныг дамжуулж эхлэв. Ийнхүү засгийн газрынх нь гишүүдийн чатын хэрэг “савнаасаа хальж” ерөнхийлөгч Дональд Трамт руу эргэж, тэрээр дэд ерөнхийлөгч, засгийн газрын гишүүд, бүр хэвлэлийн нарийн бичгийн даргатайгаа хамтарч, Цагаан ордныхон АНУ-ын холбоотон ардчилсан улсуудтай тэрсэлдэж, дарангуйлагчидтай “тэврэлдэн” буруу замаар “будаа тээж” эхэлсэн нь удалгүй “буцахдаа шороо тээх” явдал болон хувирч буйг харуулав.</p>
<p>&nbsp;</p>
<p>Г.АМАРСАНАА</p>


“The Atlantic” нийтлэлээ үргэлжлүүлэв

<p>МҮБХ-ноос сар бүр зохион байгуулдаг сумын цолтон болон залуу бөхчүүдийн энэ сарын барилдаан Монгол бөхийн өргөөнд эхэллээ.</p>
<p>Сумын заан цолтон болон залуу бөхчүүдийн 124 дэх удаагийн барилдаанд 576 бөх зодоглож байна.</p>
<p>Өнөөдрийн барилдааны зүүн талын тэргүүн магнайд сумын заан Т.Мөнхнасан, баруун талын тэргүүн магнайд сумын заан Х.Батсайхан тэргүүтэй бөхчүүд зодоглож байна.</p>


Сумын заан цолтон болон залуу бөхчүүдийн барилдаанд 576 бөх зодоглож байна

<p>Хорвоо дээр орших найман тэрбум гаруй хүн арьс өнгө, үзэл бодол, хүсэл сонирхол, соёл уламжлалаас эхлээд сонсдог хөгжим, уншдаг ном, үздэг киногоороо харилцан адилгүй. Тэр дундаа нас чацуу хүмүүс ч өссөн орчин, хувь хүний хандлага, төрсөн улсаасаа шалтгаалан тэс өөр байх нь бий. Тиймээс бид Монголын болон дэлхийн нас чацуу алдартнуудын амьдралын хэв маяг, эерэг дадал, биеэ авч явах соёлоос хуваалцах “Чацуутнууд” буланг хүргэж байна.</p>
<p>Энэ удаа гавьяат тамирчин  Б.Баасанхүү,  Япон улсын тамирчин  жүдоч Ута Абэ  нарыг онцоллоо.</p>
<h3 style="text-align: center;"><strong>Олимпийн мөнгөн медальт Б.Баасанхүү</strong></h3>
<p><img loading="lazy" decoding="async" src="https://resource4.sodonsolution.org/zms/image/2025/03/27/4kogoph5fw1aymim/MGL-02-1645277842-1645277842.jpg" alt="" width="896" height="602" /></p>
<p>Тив дэлхийн дэвжээнд эх орныхоо нэрийг мандуулж яваа жүдоч Бавуудоржийн Баасанхүү  1999 онд Хөвсгөл аймагт төрсөн. Дөрвөн хүүхэдтэй айлын ууган охин. Тэрээр  найзуудынхаа хамтаар Мөрөнд байх жүдогийн дугуйланд очсноор анх их спортод хөл тавьсан байна. Жүдо гэж ямар спорт байдгийг  мэдэхгүй жаахан охинд нэг өдөр дасгалжуулагч  нь  гадаадаас үл таних зочин ирж яваа гэдгийг дуулгажээ. Энэ үед л үл таних зочноос анхныхаа жүдогийн  өмсгөлийг  авч байсан  түүхтэй. Ийнхүү  жүдо бөхөөр тууштай хичээллэж  өсвөрийн УАШТ-д оролцож анхны хүрэл медалиа зүүж, амжилтын  түүчээгээ эхлүүлжээ.</p>
<p>Жүдо бол түүний амьдралаас ялгаж салгахын аргагүй том орон зай.  Их спортод зүрх сэтгэлээ зориулж яваа түүнд олон бахархам амжилт бий. Үүн дотроос Б.Баасанхүүгийн  хурд, хүч  бүх зүйл нь  бүрдсэн цаг хугацаа нь 2024 он  байв. 24 насандаа Монгол Улсын аваргад гурав дахиа түрүүлж, Азийн аваргаар тодорсон юм. Мөн  Дэлхийн аварга болж, “Парис-2024” олимпын наадмаас мөнгөн медаль хүртсэн.</p>
<p>Түүний дэлхийн аваргын барилдаан  цаг хугацаатай өрсөлдсөн тун ч сонирхолтой  болсон. Сүүлийн долоон секунд үлдэх торгон агшинд тэрээр  Италийн Ассунта Скуттог вазари үнэлгээгээр ялж дэлхийн аварга болж байв. Ингэснээр Монгол Улсын жүдо бөхийн дэлхийн аварга болсон зургаа дахь тамирчин болсон.  Тэрээр энэ үедээ “Дэлхийн аварга шалгаруулах тэмцээнд алтан медаль хүртлээ. Энэ амжилтад хүрэхэд хоёргүй сэтгэлээр үргэлж тусалж дэмжсэн хүмүүсдээ маш их баярлалаа.Энэ медаль маань булган сүүлтэй байг ээ” хэмээн сэтгэгдлээ хуваалцаж байв.</p>
<p>Үнэхээр  булган сүүлтэй байж 24 насандаа “Парис-2024” зуны олимпын мөнгөн медалийн тавцанд эх орныхоо далбааг мандуулж, монгол түмнээ огшоож, баярлуулсан. Б.Баасанхүү Олимпын алтан медалийн төлөө “Ханжоу-2022” Азийн наадмын аварга, “Доха-2023” Дэлхийн аварга шалгаруулах тэмцээний алтан медальт Цунадо Нацумитай өрсөлдөж, ялагдсанаар олимпын наадмын мөнгөн медальтан болсон. Ингэснээр олимпын мөнгөн медаль хүртсэн. Монгол Улсын 12 дахь тамирчин, жүдо бөхийн спортын түүхэнд  тав дахь мөнгө медалийг хүртсэн. Мөн олимпын мөнгөн медальтай хоёр дахь эмэгтэй жүдоч болсон юм.</p>
<p>Тив дэлхийн дэвжээнээ бахархсан, омогшсон, баяр гунигийн нулимстой зогссон бахархам түүхийг бүтээж яваа түүний өмнө  олон амжилт  хүлээж байгаа нь гарцаагүй ээ.</p>
<h3 style="text-align: center;"><strong>Бахархам амжилтын эзэн Ута Абэ</strong></h3>
<p><img loading="lazy" decoding="async" src="https://resource4.sodonsolution.org/zms/image/2025/03/27/4u23irr0reutjx40/20230410NEWS001.jpg" alt="" width="896" height="672" /></p>
<p>Жүдо бөхийн энэ цагийн түүхийг эзэгнэж яваа дэлхийн аваргууд бол ах дүү Абэ нар.  Энэ удаагийн нийтлэлдээ  дүү Ута Абэг онцолж байна. Тэрээр 2000 оны долдугаар сарын 14-нд Японы Хёго мужийн Хобе хотод төрсөн. Түүний биеийн өндөр 158 см. Ута жүдогийн барилдааныг харсан анхны өдрөөсөө спортод дурласан гэж ах нь нэгэн ярилцлагадаа дурдсан байдаг.</p>
<p>Ута Абе 16 настайдаа олон улсын жүдо бөхийн холбооны гранприд түрүүлсэн хамгийн залуу жүдоч болсон юм. Энэ тэмцээн нь  2017 оны  хоёрдугаар сард болсон Дюссельдорфын Гранпри байсан. Мөн 2018, 2019, 2022, 2023 онд жүдогийн дэлхийн аварга шалгаруулах тэмцээнд жингийн төрөлд алтан медаль хүртсэн бөгөөд Ута Абэ нь дэлхийн дөрвөн удаагийн аварга юм. Түүнчлэн 2020 оны зуны олимпын наадамд эмэгтэйчүүдийн 52 кг-ын жинд алтан медаль, 2020, 2024 оны зуны олимпын наадамд жүдогийн холимог багийн төрөлд Японы багийн бүрэлдэхүүнд дараалан хоёр мөнгөн медаль хүртсэн байдаг.</p>
<p>2018 оны Азербайжан улсын Баку хотноо болсон дэлхийн аварга шалгаруулах тэмцээнд оролцож, 18 настайдаа анхны дэлхийн аварга шалгаруулах тэмцээнд оролцож, насанд хүрэгчдийн дэлхийн аварга шалгаруулах тэмцээнд түрүүлсэн гурав дахь залуу жүдоч  болсон түүхтэй.</p>
<p>2019 оноос хойш IJF-ийн тэмцээнүүдэд ялагдал хүлээгээгүй тэрээр  2023 онд дэлхийн аварга, Токиогийн Их дуулга тэмцээнд түрүүлсэн юм. Өнгөрсөн оны тавдугаар сард Дохад болсон ДАШТ-нд түрүүлснээр тэрээр   дөрөв дэх удаагаа аварга цолыг хүртсэн бахархам амжилтын эзэн.</p>
<p>Мөн дэлхий дахиныг  шуугиулсан үйл явдал ах дүү Абэгийн  олимпын наадмаас нэг жил алтан медаль хүртсэн цаг хугацаа байсан.  Энэ бол “Токио-2020” олимпын наадам. Энэ үеэр тэрээр “Би бүтэн дөрвөн жилийн турш олимпын аварга болохын тулд бэлтгэлээ хийж байсан. Энэ бүхний эцэст олимпын аварга болох зорилгоо биелүүлсэндээ маш их баяртай байна. “Токио-2020” олимпын наадмын алтан медаль зөвхөн минийх бус миний ах Абэ Хифүми, манай гэр бүл, бид бүгдийнх юм” хэмээн сэтгэгдлээ хуваалцаж байв.</p>
<p>Харин “Парис -2024” олимп нэлээд дуулиан шуугиантайгаар эхэлсэн  Ута Абэгийн ялагдал байлаа.  Ах дүү хоёр Абэ мөн л олимпын алтан медаль авах өндөр магадлалтай тамирчдын тоонд багтаж байв. Гэсэн ч дэлхийн дөрвөн удаагийн аварга, “Токио-2020” олимпын аварга Ута  Абэ Парисын татами дээрх хоёр дахь барилдаандаа Узбекистаны тамирчин Диора Келдиёровад ялагдаж тэмцээнээ өндөрлүүлсэн юм.</p>
<p>&nbsp;</p>
<p style="text-align: right;"><strong>Эх сурвалж: “Зууны мэдээ” сонин</strong></p>


Хайх