Прокурорын байгууллага 2024 оны 12 дугаар сарын 16-наас 20-ны өдрийг хүртэл хугацаанд хэрэг бүртгэлтийн 44495, мөрдөн байцаалтын 2490 хэрэгт хяналт тавьж, эрүүгийн 434 хэрэгт яллах дүгнэлт үйлдэн шүүхэд шилжүүллээ.
Яллах дүгнэлт үйлдсэн хэргийг тодруулбал, Эрүүл мэндийн халдашгүй байдлын эсрэг 180, Өмчлөх эрхийн эсрэг 106, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 95, Хүрээлэн байгаа орчны эсрэг 12, Хүний бэлгийн эрх чөлөө, халдашгүй байдлын эсрэг 11, Хүний амьд явах эрхийн эсрэг 10, Мансууруулах эм, сэтгэцэд нөлөөт бодисыг хууль бусаар ашиглах 8, Авлига, албан тушаалын 7, Мөрийтэй тоглоом зохион байгуулах 5 хэрэг байна.
Шүүхэд шилжүүлсэн зарим хэргээс дурдвал:
Нийслэлийн прокурорын газраас Баян-Өлгий аймгийн сумын Засаг даргын тамгын газрын Байгаль орчны хяналтын улсын байцаагч Д.Т нь эрх мэдэл, албан тушаалын байдлаа урвуулан ашиглаж, зөрчил шалган шийдвэрлэх үүргээ зориуд хэрэгжүүлэхгүйгээр бусдад давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Баян-Өлгий аймаг дахь сум дундын эрүүгийн хэргийн анхан шатны шүүхэд;
&#8211; Байгаль орчин, аялал жуулчлалын яамны газрын дарга С.Б нь эрх мэдэл, албан тушаалын байдлаа урвуулан ашиглаж тус газрын мэргэжилтэн нарын боловсруулсан хуулийн төслийн ажил, холбогдох материалыг бусдад өгч, ажил гүйцэтгэх гэрээ байгуулан, өөртөө болон бусдад давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд;
Дундговь аймгийн прокурорын газраас сумын засаг дарга А.Э нь эрх мэдэл, албан тушаалын байдлаа урвуулан, Амьтны тухай хууль, холбогдох дүрэм, журмыг зөрчин, гадаад улсын иргэдэд орон нутгаас амьтан барих эрхийг олгож, давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн аймаг дахь сум дундын эрүүгийн хэргийн анхан шатны шүүхэд тус тус шилжүүллээ.

Гадаадын иргэдэд давуу байдал олгосон хэргийг шүүхэд шилжүүлжээ DNN.mn

Эмээлт захад зарагдаж буй амьд малын үнэ ханшийг 2024 оны арванхоёрдугаар сарын 23-ны байдлаар танилцуулж байна.
Хонь: 150.000-300.000 төгрөг
Ямаа: 120.000-180.000 төгрөг
Адуу: 800.000-1.400.000 төгрөг
Үхэр: 1.300.000-2.800.000 төгрөг
Тэмээ: 1.000.000-1.800.000 төгрөг
Сарлаг: 1.000.000-1.500.000 төгрөг
Эх сурвалж: ХХААХҮЯ-ны харьяа Малчин лавлах 109

“Эмээлт”-д хонь 150.000-300.000 төгрөгийн ханштай байна DNN.mn

Шатар сонирхогчдын Нийслэлийн аваргууд тодорлоо DNN.mn

Ихэнх гол, мөрний мөсний зузаан тогтвортой нэмэгдэж байгаа хэдий ч өнгөрсөн оны мөн үе болон олон жилийн дунджаас 5-45 см бага, мөсний зузаан голын нийт уртын дагууд харилцан адилгүй байна.
Мөн мөсний даац хүн, мал, машин тэрэг явахад хангалттай хэмжээнд хүрч бэхжээгүй байгаа тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг ОБЕГ-ын Урьдчилан сэргийлэх газраас онцгойлон анхааруулж байна.

Мөсний зузаан харилцан адилгүй байна DNN.mn

Жүдо бөхийн шигшээ багийн тамирчид энэ дугаар сарын 21-22-ны өдрүүдэд ОХУ-н нийслэл Москва хотод зохиогдсон “Россия тур москва супер финал” тэмцээнд амжилттай оролцож, долоон медаль хүртжээ.
Тодруулбал,  эрэгтэйчүүдийн 60 кг-ын жинд олон улсын хэмжээний мастер Б.Сүхбат, эмэгтэйчүүдийн 57 кг-д Л.Сосорбарам нар алтан медаль хүртэж, төрийн дууллаа эгшиглүүлжээ.
Мөн эрэгтэйчүүдийн 60 кг-д дэлхийн аваргын мөнгөн медальт Э.Ариунболд, 73 кг-д олон улсын хэмжээний мастер Б.Эрдэнэбаяр, эмэгтэйчүүдийн 48 кг-д олон улсын хэмжээний мастер Ж.Анударь, 52 кг-д спортын мастер М.Нандин-Эрдэнэ, +78 кг-д олон улсын хэмжээний мастер А.Адьяасүрэн нар хүрэл медалиар энгэрээ мялаасан байна.
<figure class="graf graf--figure"><img decoding="async" class="graf-image" src="https://cdn-images-1.medium.com/max/800/1*YDdkOZbJD6uuBxiSY9bhpQ.jpeg" data-image-id="1*YDdkOZbJD6uuBxiSY9bhpQ.jpeg" data-width="1179" data-height="657" /></figure>
<figure class="graf graf--figure"><img decoding="async" class="graf-image" src="https://cdn-images-1.medium.com/max/800/1*__tUpOAG6ApKrqtE9INKDA.jpeg" data-image-id="1*__tUpOAG6ApKrqtE9INKDA.jpeg" data-width="1024" data-height="731" /></figure>
<figure class="graf graf--figure"><img decoding="async" class="graf-image" src="https://cdn-images-1.medium.com/max/800/1*VqytZCbo3jpQ6k8jX7k-Vg.jpeg" data-image-id="1*VqytZCbo3jpQ6k8jX7k-Vg.jpeg" data-width="1024" data-height="731" /></figure>
<figure class="graf graf--figure"><img decoding="async" class="graf-image" src="https://cdn-images-1.medium.com/max/800/1*NIcM2wmL-z0bQt3Nq9BHrA.jpeg" data-image-id="1*NIcM2wmL-z0bQt3Nq9BHrA.jpeg" data-width="1024" data-height="731" /></figure>
<figure class="graf graf--figure"><img decoding="async" class="graf-image" src="https://cdn-images-1.medium.com/max/800/1*ubH6O0lUygXucgIsBrOpZg.jpeg" data-image-id="1*ubH6O0lUygXucgIsBrOpZg.jpeg" data-width="1179" data-height="669" /></figure>

Манай жүдочид “Россия тур супер финал” тэмцээнээс долоон медаль хүртжээ DNN.mn

23-24-нд шилжих шөнө баруун болон төвийн аймгуудын ихэнх нутаг, говийн аймгуудын нутгийн хойд хэсгээр,
24-ний өдөр баруун аймгуудын нутгийн зүүн, төвийн аймгуудын ихэнх нутаг, говь, зүүн аймгуудын нутгийн зарим газраар цас орж, цасан шуурга шуурч, зам даваа гүвээнд халтиргаа гулгаа үүсэж, үзэгдэх орчин хязгаарлагдахыг анхааруулж байна.

Цас орж, цасан шуурга шуурахыг анхааруулж байна DNN.mn

Монгол Улсын Их Хурлын дарга Д.Амарбаясгаланд өнөөдөр (2024.12.23) Сангийн сайд Б.Жавхлан Европын сэргээн босголт, хөгжлийн банк үүсгэн байгуулах тухай хэлэлцээрт оруулсан нэмэлт, өөрчлөлтийг хүлээн зөвшөөрч, соёрхон батлах тухай хуулийн төслийг өргөн мэдүүлэв. Уг хуулийн төсөл нь хоёр зүйлтэй бөгөөд хэлэлцээрт оруулсан нэмэлт, өөрчлөлтийг хүлээн зөвшөөрч, соёрхон батлах болон хууль хүчин төгөлдөр болох хугацааг тусгажээ.
Европын сэргээн босголт, хөгжлийн банкны Захирагч нарын зөвлөлөөс 2023 оны 5 дугаар сарын 18-ны өдөр баталсан тогтоолуудаар, тус хэлэлцээрийн 1 дүгээр зүйл болон 12.1 дүгээр зүйлүүдэд өөрчлөлт оруулахаар шийдвэрлэснийг Сангийн сайд Б.Жавхлан уламжлав. Тодруулбал, тус банкны үйл ажиллагаа нь Төв болон Зүүн Европ, Газар дундын тэнгисийн зүүн болон өмнөд хэсгийн бүс нутаг, Монгол зэрэг орныг хамарч байсныг өргөжүүлж, Сахарын цөлийн өмнөд болон түүнээс урагш орших Африкийн бүс нутгийн орнуудад үйл ажиллагаагаа явуулах боломж бүрдэж байгаа аж. Түүнчлэн тус банкны санхүүгийн тогтвортой байдлыг хамгаалахтай холбоотой зарим өөрчлөлтийг оруулжээ.
Монгол Улс нь 2000 оны 7 дугаар сарын 26-ны өдөр Европын сэргээн босголт, хөгжлийн банкыг үүсгэн байгуулах тухай хэлэлцээрийг хүлээн зөвшөөрч, Улсын Их Хурал соёрхон баталснаар тус банкны 61 дэх гишүүнээр элсэн орсон. Олон улсын гэрээний тухай хуулийн 8 дугаар зүйлийн 8.1 дэх хэсэгт заасны дагуу дээрх хэлэлцээрт оруулсан нэмэлт, өөрчлөлтийг хүлээн зөвшөөрч, соёрхон батлах тухай хуулийн төслийг Улсын Их Хурлаар хэлэлцүүлнэ гэж Улсын Их Хурлын Хэвлэл мэдээллийн газраас мэдээллээ.

Хэлэлцээрт оруулсан нэмэлт, өөрчлөлтийг хүлээн зөвшөөрч, соёрхон батлах тухай хуулийн төслийг өргөн барив DNN.mn

Эрчим хүчний системийн 2024.12.22-ны өдрийн оргил ачаалал 19.00 цагт 1614 МВт хүрч өнгөрсөн оны мөн үеэс 18 МВт-аар, импорт 14 МВт-аар тус тус өссөн үзүүлэлттэй байна.
Зөвлөмж: Хэрэглэгч та гэр ахуйн болон офисын цахилгаан хэрэгсэл шинээр худалдан авахдаа эрчим хүчний үр ашигтай А, А+, А++ тэмдэглэгээ бүхий тоног төхөөрөмж, хэрэгсэл сонгосноор цахилгааны зардлаа 15-30 хувь хэмнэх боломжтой.
Эрчим хүчний үр ашигтай бүтээгдэхүүн сонгож эрчим хүчээ хэмнэцгээе!

Хайх