Хур тунадас: 20-нд баруун болон төвийн аймгуудын нутгийн зарим газар, зүүн аймгуудын нутгийн өмнөд хэсгээр, 21, 22, 23-нд баруун аймгуудын нутгийн зүүн өмнөд, төвийн аймгуудын нутгийн баруун өмнөд, говийн аймгуудын нутгийн өмнөд хэсгээр, 24-нд баруун аймгуудын нутгийн баруун хэсэг, төв болон говийн аймгуудын нутгийн зарим газраар, 25-нд Алтай, Хангай, Хөвсгөлийн уулархаг нутгаар бороо, нойтон цас орно.
Салхи: Ихэнх хугацаанд ихэнх нутгаар секундэд 5-10 метр, 20-нд нутгийн зарим газраар секундэд 16-18 метр хүрч ширүүснэ.
Агаарын температур: Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө -1&#8230;-6 градус хүйтэн, өдөртөө +11&#8230;+16 градус, говийн бүс нутгийн өмнөд хэсгээр шөнөдөө +7&#8230;+12 градус, өдөртөө +23&#8230;+28 градус, бусад нутгаар шөнөдөө +3&#8230;+8 градус, өдөртөө +17&#8230;+22 градус дулаан байна. 21, 22-нд ихэнх нутгаар бага зэрэг сэрүүснэ.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 19-20-нд шилжих шөнө бага зэргийн бороо орно. Бусад хугацаанд хур тунадас бороо орохгүй.
Салхи: Ихэнх хугацаанд секундэд 5-10 метр, 20-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: 20, 21-нд шөнөдөө +2&#8230;+7 градус, өдөртөө +15&#8230;+20 градус дулаан, 22-ноос дулаарч шөнөдөө +5&#8230;+10 градус, өдөртөө +19&#8230;+24 градус дулаан байна.

Улаанбаатарт өдөртөө 26 хэм дулаан байна

Энэ онд нийслэлийн хэмжээнд 15 байршилд явган хүний замыг байгалийн чулуун хавтангаар тохижуулна. Өнөөдрийн байдлаар есөн байршилд аж ахуйн нэгж, байгууллагуудтай гэрээ байгуулж, засварын ажлыг эхлүүлээд байна. Харин үлдсэн зургаан байршилд худалдан авах ажиллагааг зохион байгуулж байна.
Энэ хүрээнд өнөөдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг, НЗХГ-ын дарга Б.Одбаяр болон холбогдох албаныхан 10 дугаар хороолол орчимд ажиллалаа.
<img decoding="async" src="https://ulaanbaatar.mn/files/mn/images/jchswkxuaxj/6830295b58634c4a0f55feef.jpg" />
Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг “Энэ онд нийслэлийн хэмжээнд 186 мянган ам метр явган хүний замыг шинэчилж, тохижуулна. Тодруулбал, Энхтайваны өргөн чөлөө, Их тойруу, Бага тойруу, Их Монголын гудамж, Чингисийн өргөн чөлөө зэрэг Улаанбаатар хотын томоохон гудамж, замууд багтаж буй. Явган хүний замыг явган зорчигч, хөгжлийн бэрхшээлтэй иргэд болон хүүхэд, багачууд зорчиход хүндрэлгүй байхаар шийдэж байна” гэлээ.
<img decoding="async" src="https://ulaanbaatar.mn/files/mn/images/cv0ciho7u3c/6830296658634c4a0f55fef0.jpg" />
Энэ хүрээнд Геологийн төв лабораториос Офицеруудын ордны уулзвар хүртэлх 11.6 км явган хүний замыг шинэчилж байгаа бөгөөд дөрвөн аж ахуй нэгж гүйцэтгэж байна. Эдгээр аж ахуй нэгж нь өөрсдийн үйлдвэрлэсэн хавтгангаа ашиглаж байгаа юм. Шинэ чулуун хавтангууд нь барзгар гадаргуутай, цас бороонд гулгаж, халтирахгүй алхахад саад болохгүй гэдгийг үйлдвэрлэгчид хэлж байв.
Мөн явган хүний замыг шинэчилсний дараагаар тухай бүрд нөхөн тарилт, ногоон байгууламжийг нэмэгдүүлнэ.
<img decoding="async" src="https://ulaanbaatar.mn/files/mn/images/lwwzfo6ri9h/6830296d58634c4a0f55fef1.jpg" />
<img decoding="async" src="https://ulaanbaatar.mn/files/mn/images/5e98jae39kr/6830298258634c4a0f55fef2.jpg" />
<img decoding="async" src="https://ulaanbaatar.mn/files/mn/images/0csi54fe2ifo/6830299758634c4a0f55fef3.jpg" />

Геологийн төв лабораториос Офицеруудын ордны уулзвар хүртэлх 11.6 км явган хүний замыг шинэчилж байна

Нийтийн тээврийн бодлогын газарт иргэдээс ирсэн талархлыг хүлээн авч, санал, гомдол, хүсэлт бүрийг тухай бүрд нь шийдвэрлэн ажиллаж буй. Нийтийн тээврийн бодлогын газарт 2025 оны 05 дугаар сарын 19-21-ний өдөр иргэдээс ирсэн санал, хүсэлт, гомдлыг хэрхэн шийдвэрлэснийг хүргэж байна.
Иргэний гомдол: Чингэлтэй дүүргийн оршин суугч Б.Б: Ч:2 “Шархадны эцэс-3,4-р хорооллын эцэс” чиглэлийн 1-166 гарааш дугаартай автобусны жолооч зорчигчидтой зүй бус харьцаж байна. Арга хэмжээ авч хариу өгнө үү.
<ul>
<li>Шийдвэрлэлт: 1-166 гарааш дугаартай автобусны жолооч М гомдол гаргагч Б.Б нартай холбогдон асуудлыг шийдвэрлэсэн.</li>
</ul>
Иргэний гомдол: Баянзүрх дүүргийн иргэн У.А: М:1Б “Офицеруудын ордон-Сүхбаатарын талбай” чиглэлийн 25-073 гарааш дугаартай автобусны жолооч Сүхбаатарын талбайн зогсоолоос хүнээ авалгүй явсан. Шалгаж арга хэмжээ авч хариу мэдэгдэнэ үү.
<ul>
<li>Шийдвэрлэлт: Жолооч О.Б-д торгуулийн арга хэмжээ тооцсон.</li>
</ul>
Иргэний гомдол: Баянгол дүүргийн иргэн Ч:25 “Тоосгоны үйлдвэр эцэс-Дүүхээ дэлгүүр” чиглэлийн 2-083 гарааш дугаартай автобусны жолооч өглөө 06:50 үед Гандангийн урд буудал дээр 10-аад хүн байхад авахгүй явсан. Шалгаж арга хэмжээ авч хариу мэдэгдэнэ үү.
<ul>
<li>Шийдвэрлэлт: 2-083 гарааш дугаартай автобусны жолооч Г.Э-д торгуулийн арга хэмжээ тооцсон.</li>
</ul>
Иргэний гомдол: Хан-Уул дүүргийн иргэн Д.Б: Ч:57 “Улаанчулуут-МУИС” чиглэлийн 2-194 гарааш дугаартай автобусны жолооч зорчигчоос бэлэн мөнгө авахаас гадна тасралтгүй утсаар ярьж байна. Арга хэмжээ авч хариу өгнө үү.
<ul>
<li>Шийдвэрлэлт: 2-194 гарааш дугаартай автобусны камерын бичлэгийг шалгах боломжгүй тул хариуцсан 1-р хэсгийн даргад шалгаж, хариуцлага тооцон эргэж мэдэгдэхийг үүрэг болгов.</li>
</ul>
Иргэний гомдол: Сонгинохайрхан дүүргийн иргэн Г.Б: Ч:13 “Тахилтын эцэс-3-р эмнэлэг” чиглэлийн 3-198 гарааш дугаартай автобусны жолооч Саппоро буудал дээр зогсож, хүнээ аваагүй явсан. Зөндөө удаан хүлээсэн гомдолтой байна.
<ul>
<li>Шийдвэрлэлт: 3-198 гарааш дугаартай автобусны жолооч М ирж уулзсан. Сануулах арга хэмжээ тооцсон.</li>
</ul>
Иргэний гомдол: Баянзүрх дүүргийн иргэн Д: Ч:37 “Улаанхуарангийн эцэс-4-р хороолол” чиглэлийн 1-052 гарааш дугаартай автобусанд өндөр настны картаа дартал жолооч нь наадах чинь биш, банкны картаа дар гээд банкны карт даруулж 1000 төгрөг хасагдсан байна. Би өндөр настны карттай байхад зорчуулсангүй гомдолтой арга хэмжээ авч өгнө үү.
<ul>
<li>Шийдвэрлэлт: 1-052 гарааш дугаартай автобусны жолооч Д өндөр настай хүн будлисан байх би тэгж хэлэх хүн биш гэсэн тайлбар өгсөн.</li>
</ul>
Эх сурвалж: Нийтийн тээврийн бодлогын газар

Буудал дээр зогсоогүй автобусны жолоочийг торгожээ

“Ардчилсан Нам хамтарсан Засгийн газрын гэрээг зөрчсөн” гэх үндэслэлээр гүжирдэн, манай намын нэр хүндэд илтэд халдсан мэдэгдэл, тайлбаруудыг тарааж байгаа учраас Монгол Ардын намд дараах шаардлагыг хүргүүлж байна.
Ардчилсан Нам нь Улсын Их Хурлын 2024 оны ээлжит сонгуулийн үр дүнгийн дараа Монгол Ардын намаас ирүүлсэн хамтран ажиллах урилгыг хүлээн авч, Монголын эрх ашигт өндөр ач холбогдол бүхий эдийн засаг, нийгмийн тулгамдсан асуудлуудыг шийдвэрлэх зорилгоор “Хурдтай хөгжлийн төлөөх зориг” хөтөлбөрийг боловсруулан, Хамтарсан Засгийн газарт орох шийдвэрийг гаргасан билээ.
Энэ хүрээнд өнгөрсөн 10 сарын хугацаанд Ардчилсан Нам нь эрчим хүчний хараат байдлыг бууруулах дэд бүтцийн шинэчлэлийг эхлүүлж, 18 жилийн турш гацсан хил холболт болон худалдааны хэлэлцээрийг урагшлуулж, та бүхний зүрхшээн хөндөөгүй авлигын тэмцэлд бодит алхам хийж Монголын эрх ашигт нийцсэн олон ажлыг бодитоор эхлүүлсэн.
Гэвч харамсалтай нь Монгол Ардын Нам VI дугаар Бага хурлаа хуралдуулж, хамтарсан Засгийн газраас Ардчилсан Намыг гэнэт, ямар ч албан тайлбаргүйгээр хасах шийдвэр гаргасан тухайгаа олон нийтийн мэдээллийн хэрэгслээр мэдээлсэн нь туйлын хариуцлагагүй үйлдэл болсон.
Энэхүү шийдвэрийг “Ардчилсан Нам хамтарсан гэрээг зөрчсөн” гэх үндэслэлээр гүжирдэн, манай намын нэр хүндэд илтэд халдсан мэдэгдэл, тайлбаруудыг тараасан нь улс төрийн соёлд ёс зүйгүй үйлдэл төдийгүй Монгол төрийн түүхэнд харамсалтай үйл явдал боллоо.
Монголын улс төрийн ууган хүчин Монгол Ардын нам байгуулсан гэрээгээ зөрчиж, уг шийдвэрийн хариуцлагаас зайлсхийж, ёс зүйгүй улс төрийн шийдвэр гаргаж, улс төрийн тогтворгүй байдал бий болгох нөхцөл бүрдүүлж байна.
Иймд дараах шаардлагыг Монгол Ардын Намд албан ёсоор хүргүүлж байна.
I. МАН-ын VI дугаар Бага хурлаас гаргасан Ардчилсан Намыг хамтарсан Засгийн газраас гаргах шийдвэрийн албан ёсны тогтоол, түүнийг үндэслэсэн шалтгаан, тайлбарыг өнөөдрийн дотор албан бичгээр ирүүлэх;
II. Ардчилсан Намын нэр хүндэд халдсан аливаа гүжир мэдээлэл, мэдэгдлүүдээ албан ёсоор няцаах, уучлал хүсэх;
III. Хамтарсан Засгийн газрын эхлүүлсэн ажлуудыг үргэлжлүүлж, төрийн үйл ажиллагааны залгамж халаанд хүндэтгэлтэй, хариуцлагатай хандах,
Хэрэв дээрх шаардлагын дагуу албан тайлбар, шийдвэрийн үндэслэлийг ирүүлээгүй тохиолдолд Ардчилсан Нам холбогдох олон нийтэд хандсан дараагийн алхмуудыг хийх болно.
<img loading="lazy" decoding="async" class="alignnone size-medium wp-image-645375" src="https://admin.dnn.mn/wp/wp-content/uploads/2025/05/FB_IMG_1747992458817-295x420.jpg" alt="" width="295" height="420" srcset="https://admin.dnn.mn/wp/wp-content/uploads/2025/05/FB_IMG_1747992458817-295x420.jpg 295w, https://admin.dnn.mn/wp/wp-content/uploads/2025/05/FB_IMG_1747992458817-719x1024.jpg 719w, https://admin.dnn.mn/wp/wp-content/uploads/2025/05/FB_IMG_1747992458817-768x1093.jpg 768w, https://admin.dnn.mn/wp/wp-content/uploads/2025/05/FB_IMG_1747992458817-1079x1536.jpg 1079w, https://admin.dnn.mn/wp/wp-content/uploads/2025/05/FB_IMG_1747992458817.jpg 1124w" sizes="auto, (max-width: 295px) 100vw, 295px" />
<img loading="lazy" decoding="async" class="alignnone size-medium wp-image-645377" src="https://admin.dnn.mn/wp/wp-content/uploads/2025/05/FB_IMG_1747992461244-295x420.jpg" alt="" width="295" height="420" srcset="https://admin.dnn.mn/wp/wp-content/uploads/2025/05/FB_IMG_1747992461244-295x420.jpg 295w, https://admin.dnn.mn/wp/wp-content/uploads/2025/05/FB_IMG_1747992461244-719x1024.jpg 719w, https://admin.dnn.mn/wp/wp-content/uploads/2025/05/FB_IMG_1747992461244-768x1093.jpg 768w, https://admin.dnn.mn/wp/wp-content/uploads/2025/05/FB_IMG_1747992461244-1079x1536.jpg 1079w, https://admin.dnn.mn/wp/wp-content/uploads/2025/05/FB_IMG_1747992461244.jpg 1124w" sizes="auto, (max-width: 295px) 100vw, 295px" />

Ардчилсан нам МАН-д шаардлага хүргүүллээ

Улс орнууд &#8220;Дэлхийн сүүний өдөр&#8221; (World Milk Day)-ийг жил бүрийн зургадугаар сарын 1-ний өдөр өргөнөөр тэмдэглэдэг уламжлалтай билээ. Сүү сүүн бүтээгдэхүүн, тэр дундаа сүүний салбарын ач холбогдлыг таниулах зорилготой уг өдрийг тохиолдуулан Монгол Улсад анх удаа “Milk Festival-2025” нэрээр зохион байгуулахаар боллоо.
Тэртээ 2001 онд НҮБ-ын Хүнс, Хөдөө Аж Ахуйн Байгууллага (FAO) санаачлан эхлүүлсэн энэхүү өдрийг манай улсад тус салбарын мэргэжилтнүүд, үйлдвэрлэгчид тэмдэглэн өнгөрүүлдэг байсан бол өнөө жил цар хүрээгээ тэлж, үндэсний томоохон үйлдвэрлэгчид болох
<ul>
<li>Сүү ХК,</li>
<li>АПУ ДЭЙРИ  ХХК,</li>
<li>Тэсо Фүүдс ХХК,</li>
<li>Витафит Милк ХХК,</li>
<li>Монфреш ХХК,</li>
<li>Үлэмж Органик ХХК болон ХХААХҮЯ, НҮБ-ын Хүнс, хөдөө аж ахуйн байгууллага (FAO), Монголын сүүний нэгдсэн холбоо нар хамтран Үндэсний цэцэрлэгт хүрээлэнд олон нийтэд зориулан нээлттэй өдөрлөгийг зохион байгуулах гэж  байна.</li>
</ul>
Та яагаад “Milk Festival-2025”-ийг зорих ёстой вэ? 
“Milk Festival-2025” эрүүл иргэн, тэр дундаа ирээдүйн өнгийг тодорхойлогч хүүхэд багачуудад сүү, сүүн бүтээгдэхүүний ач холбогдлыг таниулан өдөр тутмын хэрэглээ болгох зорилгыг тээж буй. Иймд үндэсний  хэмжээний томоохон компаниуд өөр өөрсдийн  сүүн өртөөг байгуулж, хүүхэд багачуудад гарын бэлэг, бүтээгдэхүүний амталгааг хийж, тэдэнд зориулсан хөгжөөнт тоглоом, жүжигчилсэн тоглолт, Cosplay уралдаан, циркийн үзүүлбэр зэрэг урлаг соёлын олон арга хэмжээг бэлдсэн тул эцэг эхчүүд Та бүхнийг энхрий үрсийнхээ хамт “Milk Festival-2025”-д ирэхийг урьж байна.
<img decoding="async" src="https://mofa.gov.mn/files/image/vu5lbmqhwbe/6830009f83d7de7c1b04ba8b.jpg" />

Монголд анх удаа “Milk Festival-2025” зургадугаар сарын 1-нд болно

2025 оны 05 дугаар сарын 24-нөөс 06 дугаар сарын 01-нийг хүртэлх 10 хоногийн цаг агаарын урьдчилсан төлөв:
25-27-нд ихэнх нутгаар, 28-нд нутгийн зүүн хасагт хална.
<ul>
<li>24-нд Алтай, Хангай, Хэнтийн уулархаг нутаг, говийн бүс нутгийн баруун өмнөд хэсгээр</li>
<li>25-нд Алтай, Хангай, Хэнтийн уулархаг нутгаар, 26-нд Алтай, Хангай, Хөвсгөл, Хэнтийн уулархаг нутгаар</li>
<li>27-нд баруун аймгуудын нутгийн зарим газар, төвийн аймгуудын нутгийн баруун хэсгээр</li>
<li>28-нд баруун аймгуудын ихэнх нутаг, төвийн аймгуудын зарим газраар</li>
<li>29-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар</li>
<li>30-нд Алтай, Хангайн уулархаг нутгаар</li>
<li>31-нд нутгийн зүүн хэсгээр бороо, нойтон цас орно.</li>
</ul>
Салхи:Ихэнх хугацаанд ихэнх нутгаар секундэд 5-10 метр, 26-нд Алтайн уулархаг нутгаар, 27-нд нутгийн баруун хагаст, 28-нд ихэнх нутгаар, 29-нд говь, тал хээрийн нутгаар секундэд 18-20 метр хүрч ширүүснэ.
<ul>
<li>Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 0&#8230;+5градус, өдөртөө +14&#8230;+19 градус</li>
<li>Их нууруудын хотгор, Орхон-Сэлэнгийн сав газар, говийн бүс нутгийн өмнөд хэсгээр шөнөдөө+10&#8230;+15градус, өдөртөө +26&#8230;+31 градус</li>
<li>Бусад нутгаар шөнөдөө +5&#8230;+10 градус, өдөртөө+20&#8230;+25градус дулаан байна. 28-нд нутгийн баруун хагаст, 29-нд ихэнх нутгаар сэрүүснэ.</li>
</ul>
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 25-нд бага зэргийн бороо, 28-29-нд бороо, нойтон цас орно. Бусад хугацаанд хур тунадас бороо орохгүй.
Салхи: Ихэнх хугацаанд секундэд 5-10 метр, 28-29-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур:Шөнөдөө Яармаг-Сонгины орчмоор+1&#8230;+6 градус, бусад хэсгээр +6&#8230;+11 градус өдөртөө +21&#8230;+26 градус дулаан байна. Тавдугаар сарын 29, 30-нд сэрүүснэ.

Ойрын 10 хоногийн цаг агаарын урьдчилсан төлөв

Улсын Их Хурлын гишүүн, Төсвийн байнгын хорооны дарга Ц.Даваасүрэн өнөөдөр  /2025.05.23/ НҮБ-ын Хүн амын сангийн Ази, Номхон далайн Бүсийн дэд захирал Александар Саша Бодироза тэргүүтэй төлөөлөгчдийг хүлээн авч уулзав.
Байнгын хорооны дарга Ц.Даваасүрэн уулзалтын эхэнд, ноён Александар Саша Бодирозатай уулзаж байгаадаа талархал илэрхийлээд, тус сангаас хэрэгжүүлж буй хөтөлбөр, дэмжлэгүүд тодорхой үр дүнд хүрч буйд сэтгэл хангалуун байна гэв. Ялангуяа НҮБ-ын Хүн амын сангаас хэрэгжүүлсэн хөтөлбөрийн хүрээнд эхийн эндэгдлийг бууруулах зорилт томоохон үр дүнд хүрсэн. Тодруулбал, эхийн эндэгдэл 100.000 төрөлтөд 200 орчим байсан бол сүүлийн 10  гаруй жилийн хугацаанд 20 хувьд хүрч буурсан нь та бүхний ажлын үр дүнтэй холбоотой гээд алслагдсан бүс нутгуудын эрүүл мэндийн тусламж, үйлчилгээнд дэмжлэг үзүүлж буй нь нэн чухал асуудал болохыг онцлов.
Мөн тэрбээр, Төсвийн байнгын хороогоор Монгол Улсын нэгдсэн төсвийн 2026 оны төсвийн хүрээний мэдэгдэл,  2027-2028 оны төсвийн төсөөллийг хэлэлцэж байна. Монгол Улсын Их Хурлаас боловсрол, эрүүл мэндийн салбарын санхүүжилтийг бууруулахгүй байх, цаашлаад дотоодын нийт бүтээгдэхүүний 5.0 хувьд хүргэх зорилттой ажиллаж байгааг дурдлаа.
НҮБ-ын Хүн амын сангийн Ази, Номхон далайн Бүсийн дэд захирал Александар Саша Бодироза, Монгол Улсын Засгийн газар, НҮБ-ын Хүн амын сангийн хамтын ажиллагаа үр дүнтэй байгаад санал нэг байгаагаа илэрхийлээд, нэн ялангуяа эхийн эндэгдлийг 1994-2024 оны хооронд 75 хувиар бууруулж чадсан нь Монгол Улс Ази Номхон далайн бүс нутагтаа сайн  жишээ болж  буйг онцлов.
Мөн сүүлийн хоёр жил эрүүл мэндийн салбарын санхүүжилт буурч, дотоодын нийт бүтээгдэхүүний 3.0 хувьд хүрснийг тодотгоод, “Алсын хараа 2050” Монгол Улсын урт хугацааны хөгжлийн бодлогын баримт бичигт эрүүл мэнд, боловсролын салбарын санхүүжилтийг дотоодын нийт бүтээгдэхүүний 6.0 хувьд хүргэх зорилтыг тавьсан. Энэхүү зорилтыг хэрэгжүүлэхэд Улсын Их Хурал анхаарч буйд талархал ирэлхийлэв хэмээн Улсын Их Хурлын Хэвлэл мэдээллийн газраас мэдээлэв.

НҮБ-ын Хүн амын сангийн Ази, Номхон далайн Бүсийн дэд захирал Александар Саша Бодирозаг хүлээн авч уулзлаа

Сүхбаатар дүүргийн 12 дугаар хороо, 32-ын тойргоос “Сод Монгол” ШТС хүртэлх авто замыг шинэчилж байна. Тодруулбал, уг авто замыг 560 метр урт, зургаан метр өргөн, хоёр урсгал бүхий туслах авто зам болон баруун талдаа 2.5 метр өргөн, зүүн талдаа 1.5 метр өргөн явган замтайгаар барьж буй. Авто замын ажлыг &#8220;Баянцогт зам&#8221; ХХК гүйцэтгэж буй бөгөөд ажлын явц 60 хувьтай үргэлжилж байна
<img decoding="async" src="https://ulaanbaatar.mn/files/mn/images/6ehqyt6t13s/68300ed458634c4a0f55fee5.jpg" />
Авто замын ажлын талаар нийслэлийн Замын хөгжлийн газрын дарга Б.Одбаяр “32-ын тойргийн “Номин” дэлгүүрээс хойшоо чиглэлд Долоон буудал хүртэлх авто замын ойролцоо олон худалдаа, үйлчилгээний төв байдаг учир ачаалал ихтэй байдаг. Тиймээс хоёр эгнээ туслах замыг барьж байна. Ингэхдээ аль болох түгжрэл үүсгэхүйн тулд орц, гарц багатайгаар, авто машиныг замын хөдөлгөөнд чөлөөтэй оролцуулах үүднээс гүйцэтгэгч компанитайгаа хамтран ажиллаж байгаа. Гүйцэтгэгч компанийн ажил гүйцэтгэх гэрээ ирэх сарын 30-ны өдөр дуусна, үүнээс өмнө буюу зургаадугаар сарын 2-нд авто замын зорчих хөдөлгөөнийг нээнэ” гэлээ.
&#8220;Баянцогт зам&#8221; ХХК-ийн Ерөнхий инженер Э.Баянмөнх “Манай компани 2024 оны есдүгээр сарын 6-ны өдөр уг төслийг хүлээн авч тухайн сараас далд ажлуудыг бүрэн гүйцэтгээд, одоо асфальт бетон хучилтыг эхлүүлээд байна. 32-ын тойргоос “Сод Монгол” ШТС хүртэлх 560 метр урт, зургаан метр өргөн, хоёр урсгал бүхий туслах авто зам болон баруун талдаа 2.5 метр өргөн, зүүн талдаа 1.5 метр өргөн явган зам барих нийт ажлын явц 60 хувьтай үргэлжилж байна. Үйлчилгээний төвүүдтэй, авто машины хөдөлгөөн ихтэй байршил учраас талбайг бүрэн чөлөөлж ажил хийх боломжгүй байсан. Энэ нь ажил хийх хурдад нөлөөлсөн. Гэсэн хэдий ч бид хугацаандаа хүлээлгэн өгөхөөр ажиллаж байна. Үүнээс гадна авто зам дээр 280 метр урт борооны ус зайлуулах шугам хоолой, 14 шүүрт худгийг суурилуулж байна” гэв.
Мөн үеэр авто замыг шинэчлэх хугацаандаа ажилчдын болон явган зорчигчдын эрүүл, аюулгүй байдлыг хангах үүднээс анхааруулах тэмдэг тэмдэглэгээ, унаж бэртэхээс сэргийлсэн хамгаалалтууд тавихыг Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг үүрэг болголоо.
Түүнчлэн УБЗАА-ны Тохижилт, хог хаягдлын удирдлагын газрын дарга Г.Билгүүн явган хүний замын төлөвлөсөн трасс дагуу таарсан гэрлийн шон, зарлалын самбар зэрэг зорчих зорчих хэсэгт саад учруулсан зүйлсийг холдуулж, газрыг чөлөөлж байгааг хэллээ.
&nbsp;

Хайх