Цэцэрлэг-Тосонцэнгэл-Нөмрөг чиглэлийн Солонготын даваанд цас орж, шуургатай байна.
Иймд тус хэсэгт халтиргаа үүсэж байгаа тул авто замын хөдөлгөөнд оролцогч жолооч та бүхэн хурдаа тохируулан анхаарал болгоомжтой зорчино уу.
Бусад олон улс, улсын чанартай авто зам саадгүй, хөдөлгөөн хэвийн үргэлжилж байна хэмээн Зам тээврийн хөгжлийн төв ТӨҮГ-аас мэдээллээ.

Солонготын даваанд цас орж, халтиргаа гулгаатай байна  DNN.mn

Улсын хэмжээнд дөрөвдүгээр сарын 23-ны өдрийн байдлаар Булган, Дорнод, Сүхбаатар, Сэлэнгэ, Ховд, Хөвсгөл, Хэнтий, Архангай, Увс 10 аймгийн 23 суманд 44 удаагийн ой, хээрийн гал түймэр гарч, 435.658 га талбай түймэрт өртсөн.
Ой, хээрийн гал түймрийн дуудлага, мэдээллийг өнгөрсөн оны мөн үетэй харьцуулахад гал түймрийн тоо 15,9 хувиар өссөн байна.
Ойрын өдрүүдэд буюу дөрөвдүгээр сарын 24, 25-нд ихэнх нутгаар хүчтэй салхи, шороон шуургатай, ихэнх нутгаар хуурайшилтын зэрэглэл өндөр байгаа тул иргэн бүр ой, хээрийн түймрээс урьдчилан сэргийлэхийг анхааруулж байна.
Иймд:
<ul>
<li>Түймэрт нэрвэгдэж болзошгүй нутаг дэвсгэрийг түймрээс хамгаалах зурвастай болгох,</li>
<li>Түймрийн хуурайшилт ихтэй үед ой, хээрт ил задгай гал түлэхгүй байх</li>
<li>Түймрийн аюултай үед айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийж байх,</li>
<li>Насанд хүрээгүй хүүхдийг түймрийн аюултай үед ой, хээрт шүдэнз, асаагууртай явуулахгүй байх</li>
<li>Айл өрхүүд хог, өвсийг ил задгай шатаахгүй байх,</li>
<li>Шашны зан үйл хийхдээ арц, хүж, зул, асааж орхихгүй байх зэргээр урьдчилан арга хэмжээг хэрэгжүүлэхийг анхааруулж байна гэж ОБЕГ-аас мэдээллээ. </li>
</ul>

Улсын хэмжээнд 44 удаагийн ой, хээрийн гал түймэр гарчээ DNN.mn

Элсэлтийн Шалгалт(ЭШ)-ын бүртгэл энэ оны хоёрдугаар сарын 19-ны 09:00 цагт эхэлсэн.
Бүртгэл энэ сарын 26-ны 18:00 цагт дуусна. Өөрөөр хэлбэл ЭШ-ын бүртгэл хаагдахад ердөө гурав хоногийн хугацаа үлдээд байна.
Иймд өмнөх онд төгссөн болон энэ онд ерөнхий боловсролын сургуулиа төгсөж буй сурагчид зөвхөн өөрийн и-мэйл хаягаар <a href="https://eec.mn/" target="_blank" rel="noopener">eec.mn</a> болон <a href="https://eyesh.eec.mn/" target="_blank" rel="noopener">eyesh.eec.mn</a> цахим хаяг руу хандан бүртгэлээ хийлгээрэй. Ингэхийн тулд дараах материалыг бэлтгэх шаардлагатай.
Үүнд:
<ul>
<li>Иргэний үнэмлэх</li>
<li>Өнгөт цээж зураг (цээж зураг нь 3*4 хэмжээтэй, сүүлийн 3 сарын дотор авхуулсан, урагшаа цэх харсан, арын фон нь цайвар цулгуй өнгийн, нарны шил болон малгайгүй байна)</li>
</ul>
<div class="ikon-block-container">Жич: Дээрх шаардлага хангаагүй зураг оруулж бүртгүүлсэн тохиолдолд программаас устгах бөгөөд бүртгэлийн хугацаанд зургаа дахин шинэчилж оруулах шаардлагатай болох юм. Хэрэв бүртгэлийн хуудас зураггүй буюу шаардлага хангаагүй зурагтай хэвлэгдсэн тохиолдолд шалгалтад оруулахгүй.</div>
<ul>
<li>Бүх банкны интернэт гүйлгээ хийх эрхтэй төлбөрийн карт, интернэт банкны QPay үйлчилгээ. ЭШ-ын нэг хичээлийн бүртгэлийн хураамж 5,800 төгрөг байна.</li>
</ul>
Хөгжлийн бэрхшээлтэй иргэн болон тусгай сургуулийн суралцагч элсэлтийн шалгалт өгөхөөр бүртгүүлсэн бол холбогдох бичиг баримтыг бүртгэлийн хугацаанд Боловсролын Үнэлгээний Төв(БҮТ)-д ирүүлнэ.
Энэ нь
<ul>
<li>Өргөдөл хүсэлт</li>
<li>Эмчийн магадалгаа</li>
<li>Сургуулийн тодорхойлолт байна.</li>
</ul>
&nbsp;

Элсэлтийн шалгалтын бүртгэл энэ сарын 26-ны 18:00 цагт хаагдана  DNN.mn

Үндэсний их баяр наадмыг зохион байгуулах хороо 2024 оны 4-р сарын 17-ний өдөр хуралдлаа. Тус хуралдаанаар Ардын хувьсгалын 103 жилийн баяр  наадмын нээлт, хаалтын ёслолыг найруулах найруулагчийг эцэслэн баталсан байна. Сүүлийн шатанд “Скин” энтертайнментын Б.Анар, “Агарага интертаймент”-ийн найруулагч Ц.Батнайрамдал, Продюсер найруулагч Г.Маргад-Эрдэнэ нар тунаж үлджээ.
Ингээд орчин үеийн шинэ технологи, дэвшилтэт төхөөрөмжийг үүх, түүх, орчин цагийг хослуулан хийх шинэ санаа бүхий зохиол төлөвлөгөө танилцуулснаар үндэсний хорооны гишүүдийн олонхын саналаар олон нийтийн баяр наадам, ёслолын үйл ажиллагааны туршлагатай “Агарага интертаймент”-ийн найруулагч Ц.Батнайрамдал, Продюсер найруулагч Г.Маргад-Эрдэнэ сонгогдсон байна. Тэрээр энэ жилийн наадмын нээлтийг “Эх дэлхий, эх оршихуйн цадиг” сэдвийн хүрээнд найруулахаар төлөвлөж байгаа аж. Сүүлийн шатанд тунаж үлдсэн хоёр багийн тухайд санхүүгийн санал эрс ялгаатай байжээ. Тухайлбал Ц.Батнайрамдал Үндэсний баяр наадмын хамгийн бага буюу 2.9 тэрбумыг санал болгосон бол Б.Анар 5.7 тэрбумыг санал болгосон байна.

Наадмын нээлт, хаалтын ёслолыг Ц.Батнайрамдал найруулна DNN.mn

Урьдчилан сэргийлэх, эрт илрүүлэх үзлэгийн насны багцуудад багтсан үзлэг, оношилгоо, шинжилгээ болон товлолт хугацааны талаарх дэлгэрэнгүй мэдээллийг танилцуулж байна.
Та өөрийн тохирох насны багцад хоёр жилд нэг удаа бүрэн хамрагдах бөгөөд эрүүл мэндийн даатгалын шимтгэлээ бүрэн төлсөн байх шаардлагатай юм.

Урьдчилан сэргийлэх, эрт илрүүлгийн үзлэгт хоёр жилд нэг удаа бүрэн хамрагдана DNN.mn

Үндэсний аудитын газарт өнөөдөр /2024.04.23/-ны байдлаар 25 бие даагч мөрийн хөтөлбөрөө ирүүлжээ. Тодруулбал, УИХ-ын 2024 оны ээлжит сонгуульд оролцох бие даан нэр дэвшигчийн  мөрийн хөтөлбөрийг хянаж, дүгнэлт гаргахаар Үндэсний аудитын газарт хүлээн авч эхэлсэн бөгөөд бие даан нэр дэвшигч 23 хүн мөрийн хөтөлбөрөө ирүүлсэн байна.
УИХ-ын сонгуулийн тухай хуулийн дагуу бие даан нэр дэвшигчид аудитын байгууллагад дөрөвдүгээр сарын 25-ны өдрөөс өмнө мөрийн хөтөлбөртөө дүгнэлт гаргуулахаар хүргүүлэх хуулийн заалттай. Тиймээс Үндэсний аудитын газар өнөөдрөөс /2024.04.22/ бие даан нэр дэвшигчийн мөрийн хөтөлбөрийг хянаж дүгнэлт гаргахаар хүсэтийг хүлээн авч эхэллээ.  Бие даагдын мөрийн хөтөлбөрийг дөрөвдүгээр сарын 25-ны өдрийн  00:00 цаг хүртэл хүлээн авах аж.
<blockquote> Бие даан нэр дэвшигч нь мөрийн хөтөлбөрийнхөө эхийг хэвлэмэл байдлаар гурван хувийг дугтуйнд хийж битүүмжлэлтэйгээр авч очих ба мөн цахим хэлбэрээр хүргүүлэх юм.</blockquote>
Биечлэн очих боломжгүй тохиолдолд мөрийн хөтөлбөрийн хуудас бүрд гарын үсгээ зурж, иргэний үнэмлэхийн нотариатаар баталгаажуулсан хуулбар эсвэл хүчин төгөлдөр цахим лавлагааг хавсаргаж шуудангаар хүргүүлэх боломжтой.
Бие даан нэр дэвшигч нь аудитын байгууллагатай итгэмжлэгдсэн төлөөлөгчөөр дамжуулан харилцах бол нотариатаар баталгаажсан итгэмжлэлтэй байх, итгэмжлэгдсэн төлөөлөгч солигдсон бол тухай бүрд нь мэдэгдэх аж. Тухайн нэр дэвшигчийн мөрийн хөтөлбөр хуульд заасан шаардлага хангаагүй тохиолдолд тав хоногийн дотор зөрчлийг арилгасны үндсэн дээр дүгнэлт гаргуулахаар дахин хүргүүлнэ.

Үндэсний аудитын газарт 25 бие даагч мөрийн хөтөлбөрөө хүргүүлжээ DNN.mn

Солонгос хэлний хөтөч, орчуулагчдын “Солонго хонх” холбоо, Монгол-Солонгосын  аялал жуулчлалын МОКТА холбоо хамтран, “Байгальд хоггүй аялъя” хэмээн уриалж, Горхи-Тэрэлжийн байгалийн цогцолборт газрын хогийг цэвэрлэлээ.
Уг уриалгыг тус цогцолборт газрын Хамгаалалтын захиргаа, аялал жуулчлалын 60 гаруй аж ахуйн нэгж, байгууллагын 320 ажилтан, хувь хүмүүс, Налайх дүүргийн VI хороо дэмжин, оролцов. Тэд Горхи, Тэрэлж орчмын 12 маршрутын дагуу явж, 40 тонн хог цэвэрлэжээ.

Горхи, Тэрэлжийн 40 тонн хогийг цэвэрлэжээ DNN.mn

Цагдаагийн байгууллагын 102 тусгай дугаарт өчигдөр /2024.04.22/ нийт 1776 дуудлага, мэдээлэл бүртгэгджээ. Үүнээс зөрчлийн шинжтэй 1376, гэмт хэргийн шинжтэй 98 дуудлага, мэдээлэл байна.
Мөн гэмт хэргийн шинжтэй 61 үйлдлийг шуурхай илрүүлж, урьд өмнө бүртгэгдсэн 22 хэргийг нөхөн илрүүлжээ.

Хайх