<blockquote>Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Австри Улсын Ерөнхийлөгч Александр Ван дэр Беллений Монгол Улсад хийж буй төрийн айлчлал үргэлжилж байна.</blockquote>
Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэг, Австри Улсын Ерөнхийлөгч Александр Ван дэр Беллен, түүний гэргий Дорис Шмидауэр нар уур амьсгалын өөрчлөлт, цөлжилт зэрэг дэлхий нийтэд тулгамдаж буй сорилтыг даван туулах хүч чармайлтад хувь нэмрээ оруулахыг бэлгэдэж Их тэнгэр цогцолборт дурсгалын мод тарилаа.
Ерөнхийлөгч Александр Ван дэр Беллен, гэргий Дорис Шмидауэр нар мөн энэ үеэр монголын нүүдэлчин ахуй, зан заншилтай танилцан, эрийн гурван наадам, монгол үндэсний дуу хөгжим, бүжгийг толилуулсан бэсрэг наадам үзэж сонирхлоо.
<img loading="lazy" decoding="async" class="aligncenter wp-image-32740 size-large" src="https://president.mn/wp-content/uploads/2025/05/494820710_669583499232158_4558068531346556802_n-1024x683.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494820710_669583499232158_4558068531346556802_n-1024x683.jpg 1024w, https://president.mn/wp-content/uploads/2025/05/494820710_669583499232158_4558068531346556802_n-300x200.jpg 300w, https://president.mn/wp-content/uploads/2025/05/494820710_669583499232158_4558068531346556802_n-768x512.jpg 768w, https://president.mn/wp-content/uploads/2025/05/494820710_669583499232158_4558068531346556802_n-1536x1025.jpg 1536w, https://president.mn/wp-content/uploads/2025/05/494820710_669583499232158_4558068531346556802_n.jpg 2048w" alt="" width="1024" height="683" />
<img loading="lazy" decoding="async" class="aligncenter wp-image-32739 size-large" src="https://president.mn/wp-content/uploads/2025/05/494818715_1254921699552027_9144711673231910310_n-1024x683.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494818715_1254921699552027_9144711673231910310_n-1024x683.jpg 1024w, https://president.mn/wp-content/uploads/2025/05/494818715_1254921699552027_9144711673231910310_n-300x200.jpg 300w, https://president.mn/wp-content/uploads/2025/05/494818715_1254921699552027_9144711673231910310_n-768x512.jpg 768w, https://president.mn/wp-content/uploads/2025/05/494818715_1254921699552027_9144711673231910310_n-1536x1025.jpg 1536w, https://president.mn/wp-content/uploads/2025/05/494818715_1254921699552027_9144711673231910310_n.jpg 2048w" alt="" width="1024" height="683" />
<img loading="lazy" decoding="async" class="aligncenter wp-image-32738 size-large" src="https://president.mn/wp-content/uploads/2025/05/494818780_1772133470402638_120500993022392114_n-1024x683.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494818780_1772133470402638_120500993022392114_n-1024x683.jpg 1024w, https://president.mn/wp-content/uploads/2025/05/494818780_1772133470402638_120500993022392114_n-300x200.jpg 300w, https://president.mn/wp-content/uploads/2025/05/494818780_1772133470402638_120500993022392114_n-768x512.jpg 768w, https://president.mn/wp-content/uploads/2025/05/494818780_1772133470402638_120500993022392114_n-1536x1025.jpg 1536w, https://president.mn/wp-content/uploads/2025/05/494818780_1772133470402638_120500993022392114_n.jpg 2048w" alt="" width="1024" height="683" />
<img loading="lazy" decoding="async" class="aligncenter wp-image-32737 size-large" src="https://president.mn/wp-content/uploads/2025/05/494816932_1377954680077770_8004869359682202445_n-1024x683.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494816932_1377954680077770_8004869359682202445_n-1024x683.jpg 1024w, https://president.mn/wp-content/uploads/2025/05/494816932_1377954680077770_8004869359682202445_n-300x200.jpg 300w, https://president.mn/wp-content/uploads/2025/05/494816932_1377954680077770_8004869359682202445_n-768x512.jpg 768w, https://president.mn/wp-content/uploads/2025/05/494816932_1377954680077770_8004869359682202445_n-1536x1025.jpg 1536w, https://president.mn/wp-content/uploads/2025/05/494816932_1377954680077770_8004869359682202445_n.jpg 2048w" alt="" width="1024" height="683" />

Австри Улсын Ерөнхийлөгч гэргийн хамт дурсгалын мод тарилаа

Цагдаагийн байгууллагад энэ сарын 26-ны өдрийн 16.00 цагийн орчимд “Баянзүрх дүүргийн 14 дүгээр хорооны нутагт автомашин гарц хааж зогсоод 1 цаг гаруй утасаа авахгүй байснаа гарч ирээд хэл амаар доромжилж байгаад, дахин машинаа цоожилж орхиод буцаад орчихлоо” гэх дуудлага, мэдээлэл бүртгэгдсэн.
Мэдээллийн дагуу алба хаагчид очиж шалган замын зорчих хэсэгт иргэдийн тээврийн хэрэгслийг хааж байршуулсан &#8220;Toyota Sai&#8221; маркийн тээврийн хэрэгслийн жолоочийг дуудан ирүүлж, зорчих хэсгийг чөлөөлөхийг хэлж тайлбарлахад, тухайн орчимд байсан жолооч нартай маргалдаж, улмаар алба хаагчдын тавьсан хууль ёсны шаардлагыг эсэргүүцсэн үйлдлийг үргэлжлүүлэн шалгаж байна.
Иймд иргэд та бүхэн нийтийн эзэмшлийн зам талбайд тээврийн хэрэгслээ бусдын хөдөлгөөнд саад учруулахгүй байдлаар байршуулж, учирч болох аливаа эрсдлээс сэргийлэхийг зөвлөж байна.
БИЧЛЭГ ҮЗЭХ:
<div><iframe loading="lazy" src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2Fpolicemng%2Fvideos%2F660171920184395%2F&amp;show_text=false&amp;width=267&amp;t=0" width="267" height="476" frameborder="0" scrolling="no" allowfullscreen="allowfullscreen" data-mce-fragment="1"></iframe></div>

Гарц хааж зогсон бусдыг хэл амаар доромжилсон иргэнийг шалгаж байна

Улсын Их Хурлын дарга Д.Амарбаясгаланд Хууль зүй, дотоод хэргийн сайд О.Алтангэрэл Арилжааны тухай, Төлбөрийн чадваргүйдлийн тухай, Шүүхийн шийдвэр гүйцэтгэх байгууллага, шийдвэр гүйцэтгэгчийн эрх зүйн байдлын  тухай хууль /Шинэчилсэн найруулга/-ийн төслийг өнөөдөр /2025.05.27/ өргөн мэдүүллээ.
Арилжааны тухай хуулийн төслийн талаар: Монгол Улсад арилжаа эрхлэгчдийн арилжааны үйл ажиллагаатай холбоотой харилцааг цогц байдлаар, бусад субъект хоорондын харилцаанаас онцлон зохицуулсан хууль тогтоомж батлагдаагүй байна. Иймд арилжааны эрх зүйн онцлог, нарийвчилсан бусад зохицуулалтуудыг судлан тодорхойлох хэрэгцээ, шаардлага үүссэн. Арилжааны хуулийн хэрэгцээ, шаардлагыг урьдчилан тандан судлах судалгаагаар бие даасан арилжааны хууль батлах нь зүйтэй хэмээн зөвлөсөн бөгөөд хуулийн төсөл боловсруулах ажлын хэсгийг 2019 онд Хууль зүй, дотоод хэргийн яам, Санхүүгийн зохицуулах хороо, Монголбанкны төлөөлөл, хувийн эрх зүйн судлаач, шүүгч, өмгөөлөгч зэрэг гишүүдийн бүрэлдэхүүнтэйгээр байгуулсан байна. Хуулийн төслийг боловсруулахтай холбоотойгоор ажлын хэсгийн гишүүдийг сургалтад хамруулсан бөгөөд Хууль зүй, дотоод хэргийн яамны захиалгаар холбогдох судалгаануудыг хийлгэсэн болохыг О.Алтангэрэл сайд танилцуулсан.
Арилжааны тухай хуулийн төсөл нь анхдагч хуулийн төсөл бөгөөд 22 бүлэгтэй, 137 зүйлтэй юм байна. Төсөлд арилжааны эрх зүйн зарчим, арилжааны хууль тогтоомжийг хэрэглэх журам, арилжааны эрх зүйн харилцаан оролцогч буюу арилжааны үйл ажиллагаа эрхэлдэг арилжаа эрхлэгч, насанд хүрээгүй буюу 14-18 хүртэлх насны хувь хүн арилжааны үйл ажиллагаа эрхлэх, арилжааны бүртгэлд сайн дурын үндсэн дээр бүртгүүлснээр арилжаа эрхлэгч болох этгээдүүд, жижиг арилжаа эрхлэгч зэрэг ойлголтын талаарх зохицуулалтуудыг тусгажээ Мөн арилжааны бүртгэлийн ойлголт, тогтолцоо, хувиараа арилжаа эрхлэгчийн бүртгэл буюу төрөлжсөн бүртгэлийн талаар, арилжааны бүртгэлийн үр дагавар (позитив болон негатив), арилжааны нэр, шударга бусаар бусдын арилжааны нэрийг ашиглахыг хориглосон зохицуулах нь зүйтэй хэмээн үзэж, төсөл санаачлагч төсөлд холбогдох зохицуулалтыг тусгасан гэв. Үүний зэрэгцээ эрх нь зөрчигдсөн этгээдүүдийн эрх, арилжааны нэрийг бусдад ашиглуулах, шилжүүлэх, өв залгамжлуулах тохиолдол, арилжааны үйл ажиллагаанд төлөөлөх бүрэн эрх, түүний хязгаарлалт, арилжааны төлөөлөгч, арилжааны зуучлагч, арилжааны хэлцлийн нийтлэг зохицуулалт болон бусад гэрээний тусгайлсан зохицуулалтыг тусгасан байна.
Төсөл дэх зохицуулалтууд нь одоо мөрдөгдөж буй Иргэний хуулиар зохицуулагддаг тул энэ хүрээнд Иргэний хуульд холбогдох нэмэлт, өөрчлөлтийг оруулах шаардлага үүссэн гээд дэлгэрэнгүй мэдээллийг Хууль зүй, дотоод хэргийн сайд өглөө.
Хуулийн төслийг Хууль тогтоомжийн тухай хуулийн 14 дүгээр зүйлийн 14.5-д заасны дагуу багцлан боловсруулсан бөгөөд төслийг олон нийтэд танилцуулахаар эрдэмтэн, судлаачид, төрийн болон төрийн бус байгууллага, хувийн хэвшлийн төлөөллийг оролцуулан хэд хэдэн хэлэлцүүлгийг зохион байгуулжээ. Мөн Хууль зүй, дотоод хэргийн яамны www.mojha.gov.mn албан ёсны цахим хуудаст хуулийн төсөл, танилцуулга, англи хэлээрх хувилбар болон холбогдох бусад судалгааг байршуулан иргэд, олон нийт судалж, танилцан, санал өгөх боломжоор хангаж ажилласан байна.
Төлбөрийн чадваргүйдлийн тухай хуулийн төслийн талаар: Монгол Улсын Засгийн газрын 2024 оны 181 дүгээр тогтоолоор батлагдсан Монгол Улсын хууль тогтоомжийг 2028 он хүртэл боловсронгуй болгох үндсэн чиглэлийн 38-д хуулийн этгээдийн төлбөрийн чадвартай эсэхийг тогтоох, төлбөрийн чадваргүйдлийн хэргийг шүүхэд хянан шийдвэрлэх, төлбөрийн чадваргүйдлийн ажиллагаа эхлүүлэх, нэхэмжлэлийн шаардлага гаргах, түүнийг хангах, хэрэг гүйцэтгэгчийн эрх хэмжээ, түүнийг  томилох, чөлөөлөхтэй холбоотой зохицуулалт, үүрэг гүйцэтгүүлэгчдийн хурал, түүний эрх хэмжээ, төлбөрийн чадваргүй хуулийн этгээдийг дахин зохион байгуулах, татан буулгахтай холбогдсон харилцааны зохицуулалтыг боловсронгуй болгох зорилтын хүрээнд Дампуурлын тухай хуулийн шинэчилсэн найруулгын төслийг боловсруулж, Монгол Улсын Их Хуралд өргөн мэдүүлэхээр тусгасан.
Дампуурлын тухай хууль 1997 онд батлагдсан бөгөөд зарчмын шинжтэй бие даасан өөрчлөлт ороогүй 28 дахь жилдээ хэрэгжиж байгаа аж.
Уг хуулийг хэрэглэх, хэрэгжүүлэх явцад практикт зарим хүндрэл гарч байгаа бөгөөд хуулийг төлбөрийн чадваргүйдлийн харилцааны олон улсын чиг хандлагад нийцүүлэн шинэчлэн сайжруулах шаардлагатай талаар дотоод, гадаадын судалгааны байгууллагуудын дүгнэлт, олон улсын байгууллагын санал зөвлөмжүүдэд дурдсан бөгөөд үүний дагуу Дампуурлын тухай хуулийн хэрэгжилтийн үр дагаварт үнэлгээ хийж, уг хуулийг шинэчлэн найруулах нь зүйтэй гэсэн дүгнэлт гарсан байна.
Эдгээр шаардлагыг үндэслэн Дампуурлын тухай хуулийг олон улсад хүлээн зөвшөөрөгдсөн өнөөгийн аргачлал, стандарт, зарчмын дагуу шинэчлэн боловсруулан, зарчмын шинжтэй өөрчлөлтүүдийг тусгажээ.
Хуулийн төслөөр хуулийн этгээдийн төлбөрийн чадвартай эсэхийг тогтоох, төлбөрийн чадваргүйдлийн ажиллагаа эхлүүлэх, төлбөрийн чадваргүй хуулийн этгээдийг дахин хөрөнгөжүүлэх, татан буулгах, төлбөрийн чадвартай боловч санхүүгийн хүндрэлд орж, төлбөрийн үүргээ зогсоосон хуулийн этгээдэд төлбөрийн чадваргүйдлээс урьдчилан сэргийлэх бүтцийн өөрчлөлт хийхтэй холбоотой харилцааг зохицуулах аж.
Банкны системийн онцлогоос шалтгаалан банкны дампуурлын асуудлыг банкны хуулиар зохицуулахаар, салбарын онцлогоос шалтгаалан даатгал, банк бус санхүүгийн байгууллага зэрэг санхүүгийн байгууллагын хувьд тэдгээрийн төлбөрийн чадваргүйдэлтэй холбоотой нарийвчилсан харилцааг тус тусын хуулиар, нийтлэг харилцааг энэ хуулиар зохицуулахаар тусгажээ.
Одоо хүчин төгөлдөр үйлчилж буй Дампуурлын тухай хуулийн дагуу төлбөрийн чадваргүйд тооцох үндэслэлийг хуулийн этгээдийн өөрийн хөрөнгөтэй холбож тодорхойлсныг олон улсын жишигт нийцүүлэн өөрчилж төлбөрийн чадваргүйд тооцох үндэслэлийг бэлэн мөнгөний урсгал болон балансын аргын хосолсон аргачлалаар тооцохоор төсөлд тусгасан байна.
Дампуурлын тухай хуулиар нэхэмжлэлийн шаардлагыг баталгаажуулах ажиллагааны талаар нарийвчлан зохицуулаагүйгээс нэхэмжлэгч нэхэмжлэлийн шаардлагаа үндэслэлгүйгээр нэмэгдүүлэх сөрөг практик үүссэн бөгөөд үүнээс урьдчилан сэргийлэх зорилгоор нэхэмжлэлийн шаардлага гаргах, түүнийг  баталгаажуулах, шаардлагыг хангуулахтай холбоотой ажиллагааны талаарх зохицуулалтыг бүрэн шинэчилжээ.
Мөн төлбөрийн чадваргүй болсон хуулийн этгээдээс авлагатай нэхэмжлэгчдийн эрхийг тэгш хангах,  аль болох олон нэхэмжлэгчдийг ажиллагаанд хамруулах зорилгоор нэхэмжлэгч нарт мэдээлэл хүргэх хуулийн зохицуулалтыг өргөн хүрээнд авч үзсэн байна.
Мөн дампуурлын хэрэг хянан шийдвэрлэх ажиллагааны гол оролцогч болох хэрэг гүйцэтгэгчид тавигдах шаардлага, түүний эрх, үүрэг, урамшуулал олгох, томилохтой холбоотой зохицуулалтыг олон улсын жишигт нийцүүлэн шинэчилж, хэрэг гүйцэтгэгчийн эрх зүйн байдлыг тодорхой болгосон байна.
Уг хуулийн төсөл нь төлбөрийн чадваргүй болсон хуулийн этгээдийн үйл ажиллагааг зогсоож, татан буулгахаас гадна түүнийг дахин зохион байгуулж, үйл ажиллагааг нь сэргээх, түүнчлэн төлбөрийн чадваргүйдлээс урьдчилан сэргийлэхтэй холбоотой харилцааг зохицуулахад чиглэсэн тул хуулийн нэрийг олон улсын жишгийн дагуу Төлбөрийн чадваргүйдлийн тухай хууль гэж өөрчилсөн гэдгийг сайд О.Алтангэрэл тодотгосон юм.
Хуулийн төсөл батлагдсанаар зах зээлийн эдийн засгийн нэг үзэгдэл болох төлбөрийн чадваргүйдлийн асуудлыг зохицуулсан олон улсын жишигт нийцсэн үр дүнтэй эрх зүйн орчин бүрдэж, санхүү, зах зээлийн харилцааны ил тод байдал, хариуцлага сайжрах, эдийн засгийг цэвэршүүлэхэд чухал ач холбогдолтой гэлээ.
Шүүхийн шийдвэр гүйцэтгэх байгууллага, шийдвэр гүйцэтгэгчийн эрх зүйн байдлын  тухай хууль /Шинэчилсэн найруулга/-ийн төслийн талаар: Монгол Улсын хууль тогтоомжийг 2028 он хүртэл боловсронгуй болгох үндсэн чиглэл, Монгол Улсын Засгийн газрын 2024-2028 оны үйл ажиллагааны хөтөлбөрт  иргэний шүүхийн шийдвэр гүйцэтгэх ажиллагааны эрх зүйн орчныг боловсронгуй болгохоор, иргэн, захиргааны шүүхийн шийдвэр гүйцэтгэх ажиллагааг сайжруулах хууль, эрх зүй, зохион байгуулалтын цогц арга хэмжээг авах, шүүхийн шийдвэр гүйцэтгэх ажиллагааны үндэслэл, журмыг тогтоож, олон улсын сайн жишигт хүргэнэ гэж тус тус заасныг үндэслэн шүүхийн шийдвэр гүйцэтгэх үйл ажиллагаа, шийдвэр гүйцэтгэх байгууллагын тогтолцоо, шийдвэр гүйцэтгэгчийн эрх зүйн байдлыг олон улсын жишигт нийцүүлэх үүднээс Шүүхийн шийдвэр байгууллагын тогтолцоо, шийдвэр гүйцэтгэгчийн эрх зүйн байдлын тухай хуулийн төслийг боловсруулсан хэмээн сайд О.Алтангэрэл танилцууллаа.
Хуулийн төслөөр одоо хүчин төгөлдөр үйлчилж байгаа Шүүхийн шийдвэр гүйцэтгэх тухай хуулийг шинэчлэн найруулж, Шүүхийн шийдвэр байгууллагын тогтолцоо, шийдвэр гүйцэтгэгчийн эрх зүйн байдлын тухай, Эрүүгийн болон зөрчлийн хэргийн  шүүхийн шийдвэр гүйцэтгэх тухай, Иргэнийн болон захиргааны хэргийн шүүхийн шийдвэр гүйцэтгэх тухай хуулийн төслүүдийг багцлан боловсруулсан талаар үзэл баримтлалд дурджээ.
Хуулийн төсөлд Шүүхийн шийдвэр гүйцэтгэх байгууллага, тэр дундаа иргэний шийдвэр гүйцэтгэх албыг шийдвэр гүйцэтгэх ажиллагааны онцлог, олон улсын жишигт нийцүүлж, цэргийн албаны хууль тогтоомж хамаарахгүй, урамшуулалд суурилсан шуурхай, үр дүнтэй тогтолцоог ялгамжтай байдлаар бий болгосон зохицуулалтыг тусгажээ. Тухайлбал, иргэний болон захиргааны хэргийн шүүхийн шийдвэр гүйцэтгэх ажиллагааг хэрэгжүүлэх байгууллага нь цэргиийн байгууллагын статусгүй байхаар, уг байгууллагын албан хаагч нь цалингаас гадна шийдвэр гүйцэтгэх ажиллагааны урамшуулал авахаар төсөлд тусгаж, ингэснээр улсын төсөвт үүсэх зардлыг хэмнэнэ гэж тооцсон байна.
Хуулийн төсөлд холбогдох төрийн болон төрийн бус байгууллагаас санал авч, зохих саналыг тусгасан бөгөөд хуулийн төслийн талаарх хэлэлцүүлгийг 4 удаа зохион байгуулж, хэлэлцүүлэгт оролцогчдын санал, хүсэлтийг харгалзан үзэж тусгасан гэдгийг тодотголоо хэмээн Улсын Их Хурлын Хэвлэл мэдээллийн газраас мэдээллээ.

Хууль зүй, дотоод хэргийн сайд О.Алтангэрэл хуулийн төслүүдийг өргөн мэдүүллээ

Биеийн тамир, спортын тухай хуулийн 9 дүгээр зүйлийн 9.2 дахь заалтын дагуу Засгийн газрын 2024 оны 8 дугаар сарын 21-ний өдрийн 21 дүгээр тогтоолоор Олимп, паралимпын наадамд оролцох үндэсний шигшээ багийн бэлтгэл ажлыг удирдлага, зохион байгуулалтаар хангах төрийн захиргааны байгууллага, төрийн өмчит компани, төрийн бус байгууллага, үндэсний шигшээ багийн тамирчдын төлөөллөөс бүрдсэн үндэсний хороог шинэчлэн байгуулсан ба 2025 оны анхдугаар хуралдаан 05 дугаар сарын 27-ны өдөр боллоо.
<img decoding="async" title="500121743_1022175266689047_1135048727644839503_n.jpg" src="https://mocsty.gov.mn/uploads/pNbJEE8A7MThGC6niNOUeqzOG0P8IJV34il0gnN7DIzte03DPg0AIBp5sPQGi2YQ.jpg" />
&nbsp;
<img decoding="async" title="500316880_1022175296689044_6243991601192450426_n.jpg" src="https://mocsty.gov.mn/uploads/OHZ4Q4IP4kh9PsrKYVKC5JubZNYIR1HCCmiR3FTt4ytx2U98p5u5BTOTxtpCWNvd.jpg" />
Олимп бол улс орнуудын нэрийг дэлхийн тавцанд цуурайтуулдаг, соёл, спортын дипломат суваг юм. Манай тамирчдын амжилт залуучуудад үлгэр дуурайлал болж, нийгмийн эрүүл мэнд, үндэсний эв санааны нэгдэл, итгэл үнэмшлийг бэхжүүлж байдаг. Тиймээс Олимпын бэлтгэлийг төрийн бодлогын хүрээнд тасралтгүй, тогтвортой дэмжиж, шинжлэх ухааны ололт, техник технологид суурилсан бэлтгэлийн бааз суурийг бий болгож, санхүүжилтийн оновчтой системийг бүрдүүлэх нь чухал байна.
Соёл, спорт, аялал жуулчлал, залуучуудын яам хүн төрөлхтний спортын их баяр наадам “Лос-Анжелес &#8211; 2028” олимп, паралимпын наадамд эх орноо төлөөлөн оролцох Үндэсний шигшээ багийг амжилттай бэлтгэн оролцуулж, амжилтаа ахиулахын төлөө нэгдсэн стратеги төлөвлөгөөг хэрэгжүүлэн ажиллах болно.
<img decoding="async" title="500084318_1022175273355713_4175127436444664638_n.jpg" src="https://mocsty.gov.mn/uploads/CVwtpiUCiSgLRcRTPta55MPvyacD372oyPVKsncKPyvBZcwnBamUQNMlzmZPZPYL.jpg" />

Олимп, паралимпын наадамд оролцох үндэсний шигшээ багийн бэлтгэл ажлыг удирдлага, зохион байгуулалтаар хангах үндэсний хорооны хуралдаан боллоо

<div class="xdj266r x11i5rnm xat24cr x1mh8g0r x1vvkbs x126k92a">
УИХ-ын даргын 2024 оны 76-р захирамжаар байгуулагдсан цахилгаан дугуй (суррон), цахилгаан скүүтерийн хэрэглээг зохицуулах талаар санал, дүгнэлт гаргах үүрэг бүхий ажлын “Замын хөдөлгөөний аюулгүй байдлын тухай хууль”-д нэмэлт, өөрчлөлт оруулах тухай хуулийн төслийг боловсруулж хэсэг өнөөдөр /2025.05.27/ төрийн ордонд олон нийтийн хэлэлцүүлгийг зохион байгууллаа.
</div>
<div dir="auto">Тус ажлын хэсгийг УИХ-ын гишүүн П.Батчимэг ахалж байгаа бөгөөд тэрээр “2019-2024 онд суррон, скүүтерээс үүдэлтэй 600 осол бүртгэгдсэн. Өнгөрсөн хоёр жилийн хугацаанд л гэхэд энэ төрлийн осол гэмтэл 4-5 дахин нэмэгдсэн. Насны бүлгээр нь авч үзвэл 10-19 насны хүүхдүүд осолд өртөж нийт тохиолдлын 551 буюу 94.3 хувь нь нийслэлд үлдсэн нь орон нутагт бүртгэгдсэн” байгааг онцоллоо.</div>
<div dir="auto">Мөн ТЦА-ний хэлтсийн дарга, Цагдаагийн хурандаа Б.Очирбат “Скүүтер, мопед түрээслэгч байгууллагуудад өнгөрсөн 2-р сараас хойш “тольтой, хамгаалах малгайтай болго” гэж шаардлага тавиад ямар ч үр дүнд хүрээгүй байна. Мөн зогсоолын асуудлыг шийдэх шаардлагатай” байгаа талаар мэдээлэл өгөв.</div>
<div class="x11i5rnm xat24cr x1mh8g0r x1vvkbs xtlvy1s x126k92a">
2024-2025 онд 5 явган зорчигч сурронд мөргүүлсэн, цахилгаан дугуйтай онхолдсон зэрэг ослын улмаас нас барсан байна. Ажлын хэсгээс “Скүүтерийг 16 нас хүрсэн, цахилаан дугуйг 18 нас хүрсэн хүн унана. Ингэхдээ унадаг дугуйн зам эсхүл унадаг дугуйн эгнээгээр, цахилгаан дугуй замын зорчих хэсгийн баруун талаар талаар явна. Цахилгаан скүүтер зорчих хэсгийн баруун тал, явган хүний зам дээр 5 км цагийн хурдтай явна. Харин цахилгаан дугуйг жолоодох эрхийн үнэмлэхтэй, хамгаалалтын дуулга өмсөнө&#8221; гэв.
</div>

Замын хөдөлгөөний аулгүй байдлын тухай хуульд нэмэлт өөрлөлт оруулах хуулийн төслийн олон нийтийн хэлэлцүүлэг боллоо

SAMSUNG: ХАВРЫН ХЯМДРАЛ ҮНЭ ХАЙЛЛАА

Улсын Их хурлын гишүүн Далайн Батбаяртай ярилцлаа.
<hr />
-Энэ долоо хоногт УИХ-ын чуулган ажлын тав хоногт хуралдахаар болсон. Ямар асуудал хэлэлцэхээр төлөвлөсөн юм бэ. Ерөнхий сайд ирж, Засгийн газартай холбоотой асуудлаар мэдээлэл хийнэ гэсэн үү?
-Бид чинь зургадугаар сарын 1-ний өдрөөс өмнө ирэх оны Хөгжлийн хөтөлбөрөө баталж авах ёстой. Харин өнгөрсөн долоо хоногт өрнөсөн улс төрийн нөхцөл байдалтай холбоотойгоор чуулган гүйцэд хуралдаагүй. Тийм ч учраас өнөөдөр/өчигдөр/ чуулганы хуралдаан сунаж хуралдаж байна. Энэ долоо хоногийн турш хуралдана. Хөгжлийн хөтөлбөр дээр тусгагдсан заалт бүр дээр Эдийн засгийн байнгын хорооноос ажлын хэсэг гараад бүгдийг нь шинжлээд хасах зүйлийг нь хасаад явсан. Миний хувьд тухайн ажлын хэсэгт орж ажилласан. Ингэхдээ төсөвт тусгагдаагүй, хэт их төсөвтэй, хөгжлийн гэхээсээ илүү хүслийн жагсаалт гэж болохоор ийм зүйлүүдийг нь хассан. Үүний дараагаар Эдийн засгийн байнгын хороогоор дэмжигдсэн. Тийм болохоор өнөөдөр /өчигдөр/ чуулганы хуралдаанаар хэлэлцэгдэж байна. Хөгжлийн хөтөлбөрийг баталсны дараагаар Сангийн болон бусад яам ажиллаад ирэх аравдугаар сард эрүүл төсөв орж ирэх учиртай. Тийм болохоор энэ маш чухал. Хоёрдугаарт, яг өнөөдрийн улс төртэй холбоотой асуудлаар яригдсан зүйл алга байна.
Ерөнхий сайдыг мэдэгдэл, мэдээлэл хийх болов уу гэсэн хүлээлттэй байна.
-Засгийн газартай холбоотой асуудал одоо ид яригдаж байна. Уг нь Засгийн газар огцрох үгүйг парламент нь шийдэх ёстой. Тийм ч хуультай. Гэтэл МАН-ын бага хурлаар огцруулах шийдвэр гаргалаа гэдэг зүйлийг цахим орчинд явуулж байна. Үүн дээр та ямар байр суурьтай байна вэ?
-Энэ бол яг зарчмын асуудал байхгүй юу. Таны хувьд яг зөв зүйлийг асууж байна. Энэ асуудал ер нь анх юунаас эхэлсэн бэ гэдгийг ойлгох хэрэгтэй. Орлогоо нотол л гэсэн шүү дээ.
Яагаад бид хөрөнгө орлогын мэдүүлэг гэдэг зүйлийг санаачилж, бөглөдөг болсон юм. Иймэрхүү хууль бус орлогоос л сэргийлэх гэж үүнийг гаргаж ирсэн. Тийм ч болохоор иргэд маань яг зөв асуудал хөндсөн, зарчмаа барьсан жагсаалыг зохион байгуулсан гэж би бодож байгаа. Ер нь бид улсаа хөгжүүлье л гэж байгаа бол хуулиа дагадаг байх ёстой. Хамгийн түрүүнд хуулиа дагадаг байж л ажил явна. Энэ утгаараа л орлогоо нотлооч ээ гэсэн. Гэтэл энэ эргээд засгийн хэмжээнд босоод ирсэн. Ёстой нөгөө “Ичсэн хүн хүн ална” гэдэг шиг л зүйл болж байна. Засгийн газар, Ухаа худаг, 14 мега төсөлтэй холбоотой ямар нэгэн шаардлага жагсагчид тавиагүй. Орлогоо нотлоод цаашаа ажлаа үргэлжлүүлэн хийгээд явах бүрэн боломжтой байсан. Харамсалтай нь ийм л улс төр явлаа. Миний хувьд залгамж халаа гэж байх ёстой гэж боддог. Хэн ч Ерөнхий сайд болсон байсан саяны хамтарсан Засгийн үед яригдсан, төлөвлөгдсөн ажлууд хийгдээд явах ёстой. Ингэнэ гэсэн зүйлийг ярьсан Засгийн газрыг би дэмжинэ гэсэн бодолтой байгаа. Хоёрдугаарт, шийдвэр хаана гардаг вэ гэдэг маш чухал. Энэ Засгийн газрыг ажлуулах уу, үгүй юу гэдгийг УИХ шийднэ. Дээрээс нь одоог хүртэл яг ийм шийдвэр гараагүй байна. Хамтарсан Засгийн газар нь ажлаа хийгээд явж байна. Мэдээж олонх болсон намын Улс төрийн зөвлөл юм уу, Бага хурал нь тодорхой хэмжээний шийдвэр гаргах байх. Энэ шийдвэр нь УИХ дээр орж ирээд өөрчлөгдөж болно. Засгийн газрын тэргүүн нь одоогоор өргөдөл өгсөн, шийдвэр гаргасан юм алга. Улсын Их хурал бол Монгол Улсын төр барих дээд байгууллага. Энэ байгууллагын шийдвэрээр л асуудал шийдэгдэх ёстой.
-Ардчилсан намын дотоод уур амьсгал яг ямар байна вэ. Сүүлийн өдрүүдэд АН-аас засагт ажиллаж байгаа сайд нар хурал, уулзалтуудаа цуцалсан, ажлаа хийхгүй байгаа гэсэн яриа яваад байх юм. Дараагийн намын дарга хэн байх вэ гээд байна шүү дээ?
-Манай улсад Австри улсын ерөнхийлөгч төрийн айлчлал хийж байна. Өнөөдөр/өчигдөр/ холбогдох уулзалтууд болж байгаа. Үүн дээр нь манай Ардчилсан намаас томилогдсон сайд нар маань оролцоод албан үүргээ гүйцэтгээд явж байна. Чуулганы хуралдаан дээр ч оролцож, гишүүдийн асуултад хариултаа өгч байна. Нэг ёсондоо ажил явдгаараа явж байгаа гэсэн үг. Ер нь хамтарсан засагт Ардчилсан нам яагаад орсон бэ гэхээр 10, 20 жилийн турш гацсан мега төслүүдийг явуулъя. Улс орны эдийн засгийн хөгжилд онцгой ач холбогдолтой ажлуудыг эхлүүлье л гэсэн. Үүнийг УИХ дахь Ардчилсан намын бүлэг, нам, намын Үндэсний бодлогын хороо дэмжсэн. Энэ зарчмынхаа дагуу л асуудалд хандаж явсан. Одоо ч тийм л байгаа гэдгийг хэлье. Намын даргын хувьд гэвэл “Москва найтаахад Монгол ханиад хүрнэ” гэдэг зүйл болчихов уу даа гэж л бодсон. Тэнд МАН-ын Бага хурал хуралдаж байхад энд манай намын даргын асуудал яригдаж байдаг байж болохгүй. Намын дарга маань гарч ирээд ажлаа өгнө гэсэн нь жаахан эртэдлээ гэж бодсон. Үүнийг Улс төрийн зөвлөл, Үндэсний бодлогын хороо, бүлэг дээрээ ярих ёстой байсан.
-Ер нь Л.Гантөмөр дарга ажлаа өгнө гээд өргөдлөө өгчихсөн байгаа юу?
-Тийм юм байхгүй. Бид намынхаа дүрмээр л явна. Ямар журмаар намынхаа даргыг сонгодог юм, түүгээрээ л хийнэ. Дээрээс нь намын дүрмийн шинэчлэл гээд одоо ид явж байна. Энэ ажлаа дуусгана. Авсан шигээ нэр, төртэйгөөр дүрмийнх нь дагуу ажлаа өгнө гэсэн байр суурьтай байгаа юм билээ.
-Одоогийн байдлаар юу ч тодорхой болоогүй байгаа ч хэрэв танай нам Засгаас гарвал цаашдаа ямар байр суурьтайгаар ажиллаж, улс төрд оролцох юм бэ. Нийгэмд явуулаад байгаа шиг сөрөг хүчин байхын тулд л сөрөг хүчин байх юм уу?
-УИХ дээр орж ирж байгаа ямар ч асуудалд Ардчилсан намын бүлэг бодитой, зарчмын, бодлогын байр сууринаас хандана гэсэн зүйл яригдаж байгаа. Бүх зүйл дээр эсэргүүцээд байдаг байж болохгүй. Миний хувьд ч ийм байр суурьтай байгаа.
-Ардчилсан нам хамтарсан Засгийн газарт орсноос хойш олон хүн төрийн албанд ажилд орсон. Танай намын угшилтай бүтээмжийн, хяналтын менежерүүд томилогдсон. Гэтэл Засгаас гарвал эдгээр хүмүүсийг ажлаас нь хална гэсэн зүйл яригдаад байна. Үүн дээр та юу хэлэх вэ?
-Бидний бүтээх гээд байгаа нийгэм маань хуулиар засагладаг нийгмийг л бий болгох гээд буй юм. Аливаа шийдвэр хуулийн хүрээнд гардаг. Түүнийг нь хэлбэрлэлтгүй дагаж мөрддөг. Хувь хүнээс биш, хуулиас хамаардаг засаг төртэй байх тухай л бид яриад байгаа юм. Энэ утгаараа гарч байгаа бүх шийдвэр хуулийн дагуу байх ёстой. Ер нь хамтарсан засаг байгуулагдлаа гээд бүгдийг нь ажилд томилоод байсан ч зүйл үгүй. Мэдээж хэд гурван хүн ажилд орсон зүйл бий. Дээрээс нь ажилд томилсон, халсан бүх шийдвэрүүд хуулийн дагуу байх ёстой. Тийм байгаа ч гэж итгэж байна. Хуулийн дагуу байгаа шийдвэрийг нам ямар нэгэн байдлаар улстөржүүлж ярихгүй.

Д.Батбаяр: Тэнд МАН-ын бага хурал хуралдахад энд манай намын даргын асуудал яригддаг байж болохгүй

<blockquote>Монгол Улсын Ерөнхийлөгч Ухнаагийн Хүрэлсүхийн урилгаар хүрэлцэн ирсэн Бүгд Найрамдах Австри Улсын Ерөнхийлөгч Александр Ван дер Беллений төрийн айлчлал үргэлжилж байна.</blockquote>
Айлчлалын хүрээнд Монголын Үндэсний худалдаа, аж үйлдвэрийн танхим, Австрийн Холбооны эдийн засгийн танхим хамтран Шангри-Ла зочид буудалд ”Дугуй ширээний бизнес уулзалт” зохион байгуулж байна.
Бизнес уулзалтыг Ерөнхийлөгч У.Хүрэлсүх, Александр Ван дер Беллен нар нээж үг хэллээ.
<a href="https://president.mn/wp-content/uploads/2025/05/494859097_1079689980751825_8026413558175086351_n.jpg"><img loading="lazy" decoding="async" class="alignnone size-large wp-image-32721" src="https://president.mn/wp-content/uploads/2025/05/494859097_1079689980751825_8026413558175086351_n-1024x682.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494859097_1079689980751825_8026413558175086351_n-1024x682.jpg 1024w, https://president.mn/wp-content/uploads/2025/05/494859097_1079689980751825_8026413558175086351_n-300x200.jpg 300w, https://president.mn/wp-content/uploads/2025/05/494859097_1079689980751825_8026413558175086351_n-768x512.jpg 768w, https://president.mn/wp-content/uploads/2025/05/494859097_1079689980751825_8026413558175086351_n-1536x1023.jpg 1536w, https://president.mn/wp-content/uploads/2025/05/494859097_1079689980751825_8026413558175086351_n.jpg 2048w" alt="" width="1024" height="682" /></a>
Ерөнхийлөгч У.Хүрэлсүх, Монгол Улс хөрөнгө оруулалтын бодлогоо сайжруулж, тогтвортой, тууштай байж, “Итгэлтэй, найдвартай, удаан хугацааны түнш” байх зарчим баримталж байгааг онцоллоо.
Өндөр аж үйлдвэржсэн, Австрийн бизнес эрхлэгчдийн мэдлэг, туршлага, дэвшилтэт техник, технологи, инновац, хөрөнгө оруулалт стратегийн ач холбогдолтой 14 мега төслийг хэрэгжүүлэхэд онцгой чухал үүрэгтэйг онцоллоо.
Цаашид Европын Холбооны хөнгөлөлтийн ерөнхий системийн хүрээнд 7,200 нэр төрлийн бараа, бүтээгдэхүүнийг Европын Холбооны зах зээлд гаалийн татваргүй гаргах боломжийг ашиглаж, хамтын ажиллагаагаа өргөжүүлэхийг бизнес эрхлэгчдэд уриаллаа.
Мөн ирэх 10 дугаар сард Улаанбаатар хотноо болох Монгол-Европын холбооны “Бизнес, хөрөнгө оруулалтын форум”-д оролцохыг урилаа.
Ерөнхийлөгч Александр Ван дер Беллен, худалдаа, хөрөнгө оруулалтыг харилцан эрчимжүүлснээр эдийн засгийн өсөлт нэмэгдэж, иргэдийн хэлхээ холбоо, харилцан ойлголцол улам бэхжихийг хэллээ.
Хөдөө аж ахуй,  аялал жуулчлал, дэд бүтэц, эрүүл мэнд, эрчим хүч зэрэг салбарт Австри Улс туршлага, ноу-хау, шалгарсан шийдлүүдээ хуваалцахад бэлэн байгааг тэмдэглэв.
Мөн Монгол Улсын эдийн засгийн эрчтэй өсөлт Австрийн илүү олон аж ахуйн нэгжийн сонирхлыг татаж, гүн гүнзгий, тууштай түншлэлийн суурийг тавина гэдэгт итгэлтэй байгаагаа илэрхийллээ.
“Дугуй ширээний бизнес уулзалт”-д манай улсын 80 орчим, австрийн долоон салбарын 22 аж ахуйн нэгж оролцож байна.
Манай улс Австрид гянтболдын хүдэр, баяжмал, савхин хувцас, ямааны самнасан ноолуур, түүхий эд, малын гаралтай бүтээгдэхүүн болон хүнсний бүтээгдэхүүн нийлүүлдэг.
Австриас техник, тоног төхөөрөмж, машин, механизм, хими, эрчим хүчний бүтээгдэхүүн, цахилгаан бараа, автоматжуулалтын тоног төхөөрөмж импортолдог юм.
<a href="https://president.mn/wp-content/uploads/2025/05/494820743_785468984165578_784330483272758309_n.jpg"><img loading="lazy" decoding="async" class="alignnone size-large wp-image-32719" src="https://president.mn/wp-content/uploads/2025/05/494820743_785468984165578_784330483272758309_n-1024x682.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494820743_785468984165578_784330483272758309_n-1024x682.jpg 1024w, https://president.mn/wp-content/uploads/2025/05/494820743_785468984165578_784330483272758309_n-300x200.jpg 300w, https://president.mn/wp-content/uploads/2025/05/494820743_785468984165578_784330483272758309_n-768x512.jpg 768w, https://president.mn/wp-content/uploads/2025/05/494820743_785468984165578_784330483272758309_n-1536x1023.jpg 1536w, https://president.mn/wp-content/uploads/2025/05/494820743_785468984165578_784330483272758309_n.jpg 2048w" alt="" width="1024" height="682" /></a><a href="https://president.mn/wp-content/uploads/2025/05/494856697_1211940183345829_6248733421942124284_n.jpg"><img loading="lazy" decoding="async" class="alignnone size-large wp-image-32722" src="https://president.mn/wp-content/uploads/2025/05/494856697_1211940183345829_6248733421942124284_n-1024x682.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494856697_1211940183345829_6248733421942124284_n-1024x682.jpg 1024w, https://president.mn/wp-content/uploads/2025/05/494856697_1211940183345829_6248733421942124284_n-300x200.jpg 300w, https://president.mn/wp-content/uploads/2025/05/494856697_1211940183345829_6248733421942124284_n-768x512.jpg 768w, https://president.mn/wp-content/uploads/2025/05/494856697_1211940183345829_6248733421942124284_n-1536x1023.jpg 1536w, https://president.mn/wp-content/uploads/2025/05/494856697_1211940183345829_6248733421942124284_n.jpg 2048w" alt="" width="1024" height="682" /></a><a href="https://president.mn/wp-content/uploads/2025/05/494822622_1198115908730749_1249099874881133858_n.jpg"><img loading="lazy" decoding="async" class="alignnone size-large wp-image-32720" src="https://president.mn/wp-content/uploads/2025/05/494822622_1198115908730749_1249099874881133858_n-1024x682.jpg" sizes="auto, (max-width: 1024px) 100vw, 1024px" srcset="https://president.mn/wp-content/uploads/2025/05/494822622_1198115908730749_1249099874881133858_n-1024x682.jpg 1024w, https://president.mn/wp-content/uploads/2025/05/494822622_1198115908730749_1249099874881133858_n-300x200.jpg 300w, https://president.mn/wp-content/uploads/2025/05/494822622_1198115908730749_1249099874881133858_n-768x512.jpg 768w, https://president.mn/wp-content/uploads/2025/05/494822622_1198115908730749_1249099874881133858_n-1536x1023.jpg 1536w, https://president.mn/wp-content/uploads/2025/05/494822622_1198115908730749_1249099874881133858_n.jpg 2048w" alt="" width="1024" height="682" /></a>

Хайх