Гангийн эрсдэлийн ерөнхий үнэлгээгээр Өвөрхангай, Баян-Өлгий, Өмнөговь, Ховд, Дорноговь их эрсдэлтэй байгаа бол 330 сумын хэмжээнд маш их эрсдэлтэй 25 сум, их эрсдэлтэй 54 сум байна.
Мөн Цаг уурын байгууллагаас гаргасан мэдээллээр  бэлчээрийн ургамлын ургалтын байдал нийт нутгийн 38 хувьд гантай болон гандуу, 62 хувьд хэвийн байгаа тул эртнээс өвөлжилт бэлтгэл ажлыг хангуулах чиглэлээр ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг ОБЕГ-ын Ажиллагааны шуурхай штабын бүрэлдэхүүнд үүрэг чиглэл өглөө.
<img decoding="async" src="https://cdn.greensoft.mn/uploads/users/5112/images/DSC05603.JPG" alt="" />
Энэ үеэр хөдөө аж ахуйн нөхцөл байдлын талаар мэдээллийг сонсож, гангийн эрсдэлийн үнэлгээг 14 хоног тутамд шинэчлэх, үнэлгээнд тулгуурлан эрсдэлийг тооцож, хариу арга хэмжээг хэрэгжүүлэх, аймаг, сумын аюулгүйн нөөцөд өвс, тэжээл бэлтгэх ажлыг цаг алдалгүй зохион байгуулахыг үүрэг болгосон юм.
<img decoding="async" src="https://cdn.greensoft.mn/uploads/users/5112/images/DSC05610.JPG" alt="" />
Мөн  отор нүүдлийн зохион байгуулалтыг эртнээс төлөвлөж оновчтой зохион байгуулах бэлтгэлийг хангах, салбар дундын уялдаа холбоог сайжруулж, нэгдсэн удирдлага, зохион байгуулалтаар ажиллахыг анхаарууллаа.
<img decoding="async" src="https://cdn.greensoft.mn/uploads/users/5112/images/viber_image_2025-08-06_13-50-52-110.jpg" alt="" />

Гангийн эрсдэлийн үнэлгээнд тулгуурлан, бэлтгэл ажлыг эртнээс хангаж ажиллахыг анхаарууллаа

Хуульч А.Гантөгстэй хүүхдийн тэтгэмжийн мөнгө болон гэрлэлт цуцлуулахад үүсдэг эд хөрөнгө хуваах маргааны талаар ярилцлаа.
<hr />
<img loading="lazy" decoding="async" class="size-medium wp-image-651195 alignleft" src="https://admin.dnn.mn/wp/wp-content/uploads/2025/08/0d72ee79-8dc6-4517-bb2f-d78eeca08351-370x420.jpg" alt="" width="370" height="420" srcset="https://admin.dnn.mn/wp/wp-content/uploads/2025/08/0d72ee79-8dc6-4517-bb2f-d78eeca08351-370x420.jpg 370w, https://admin.dnn.mn/wp/wp-content/uploads/2025/08/0d72ee79-8dc6-4517-bb2f-d78eeca08351.jpg 712w" sizes="auto, (max-width: 370px) 100vw, 370px" />-Гэрлэлт цуцлуулахад ямар асуудлууд ихэвчлэн яригддаг вэ?
-Гэрлэлт цуцлалтын хувьд захиргааны болон шүүхийн журмаар гэсэн хоёр төрөлтэй. Захиргааны журмаар цуцлуулахад эд хөрөнгийн болон бага насны хүүхэдгүй бол шууд Улсын бүртгэл дээр очиход болно. Харин бага насны хүүхэд, эд хөрөнгийн маргаантай тохиолдолд заавал шүүхийн журмаар гэрлэлтийг цуцалдаг. Ингээд үндсэн асуудлууд болох гэрлэлт цуцлалт, хүүхдийн тэтгэлэг, асрамж, эд хөрөнгө хуваах ажиллагааны асуудал яригдаж эхэлнэ. Асрамжийн асуудал дээр тухайн хүүхэд долоо болон түүнээс дээш настай бол саналыг нь заавал асуудаг.
Өөрөөр хэлбэл, аав, ээжийнхээ хэнтэй нь амьдрахыг хүсэж байгаа эсэх саналыг нь асууж шийддэг. Харин долоогоос доош настай бол санал авахгүй журамтай. Хоёрдугаарт, хүүхдийн тэтгэмжийн асуудлыг тогтооно. Ингэхдээ амьжиргааны баталгаажих түвшний хэмжээгээр тогтоодог. Арван нэг хүртэлх насны хүүхэд байвал амьжиргааны баталгаажих түвшин 50 хувь, арван нэгээс дээш настай бол 100 хувь. Үндэсний статистикийн хорооны газрын даргын А9-дүгээр тушаалаар амьжиргааны баталгаажих түвшнийг шинэчлэн тогтоосон.
Үүгээр амьжиргааны баталгаажих доод түвшнийг 495000 төгрөг гэж тогтоож өгсөн юм. Гуравдугаарт, тухайн хүүхэд ээж дээрээ асрамж тогтоолгоод, аав нь тэтгэмж төлөх ёстой гэсэн шүүхийн шийдвэр гарлаа гэж бодъё.
Ингэхдээ амьжиргааны баталгаажих доод түвшнээс гадна тэтгэмж төлөх ёстой аавынх нь авдаг цалин хөлсийг ч харгалзан үзээд тогтоодог.
-Тэгвэл энэ бүх үйл ажиллагаа дууссаны дараа тэтгэмжийн мөнгө зөвхөн хүүхдэд зориулагдаж байна уу. Хүүхдийн тэтгэмжийн мөнгийг хамаатан садан, эмээ, өвөө гээд өөр хүмүүс хувьдаа хэрэглэх тохиолдол байдаг шүү дээ?
-Юуны өмнө хүүхдийн тэтгэмжийн мөнгө гэдэг энэ үгийг сайн бодох хэрэгтэй. Бодоод үзвэл энэ нь хүүхдэд зориулагдах мөнгө гэсэн үг. Үүн дотор ээж, эмээ, өвөө, үеэл ах, эгч гэсэн үг байхгүй. Тиймээс энэ мөнгөөр хамгийн түрүүнд хүүхдийн анхдагч хэрэгцээг хангах ёстой. Хоол, хувцас, цэцэрлэг, сургуулийн хэрэглээг нь хангахад зориулагдсан юм. Яагаад гэвэл тэтгэмж төлөгч тал энэ мөнгийг зөвхөн өөрийн хүүхдэдээ өгч байгаа шүү дээ. Өөр хэн нэгэнд бус. Угаасаа хүүхдэд л зориулахын тулд хүүхдийн тэтгэмжийн асуудлыг шүүхээр ярьдаг.
Түүнээс биш хамаатан садан, өвөө, эмээгийнх нь амьдралд дэм болгох гэж төлдөг мөнгө бол биш шүү. Зөвхөн хүүхдийн өсөж бойжих хэрэгцээг хангах гэж тэтгэмжийн мөнгийг тогтоодог гэдгийг л шүүх хэлээд байгаа. Тэтгэмжийн мөнгөний мөн чанар нь зөвхөн хүүхдэд л зориулагдах. Хэрэв энэ мөнгийг өөр хүмүүсийн талхыг худалдан авахад зориулвал өөрөө утгагүй. Бүр тэтгэмжийн мөнгө төлж буй талдаа хүртэл энэ нь маш алдагдалтай. Учир нь шүүх тэтгэмжийн мөнгийг хүүхдэд зориулж тогтоосон болохоос өөр хэнд ч зориулаагүй.
-Тэгвэл энэ мөнгө үнэхээр хүүхдэд зориулагдаж байгаа эсэхийг хянах, шалгах арга бий юу?
-Тэтгэмж олгогч тал энэ мөнгө юунд зориулагдсаныг шаардах, хянах эрхтэй. Жишээ нь, энэ сард та хүүхдэдээ 500.000 төгрөг өглөө. Энэ мөнгө миний хүүхдийн хэрэгцээнд зориулагдсан уу гээд мэдэх эрх танд бий. Хүүхдэд тэтгэмж өгөх үүрэг байгаа шиг өөрийн тань төлсөн тэтгэмж бодит амьдрал дээр юунд зарцуулагдаж байгааг мэдэх, хянах эрх ч бий. Миний хүүхдэд зориулагдаж чадаж байна уу гэдгийг шаардах эрхтэй. Үүнийг хянах боломжтой.
-Гэрлэлт цуцлалтад эд хөрөнгийн маргаан их үүсдэг. Гэтэл гэрлэлтээ цуцлуулах болоод шүүх дээр ирэхдээ хөрөнгөө нөхөр эсвэл эхнэр нь аль хэдийнэ өөрийн талын аав, ээж хамаатан садныхаа нэр дээр шилжүүлчихсэн байдаг. Тэгээд надад хуваах, өгөх хөрөнгө байхгүй гэж хэлэх жишээтэй. Энэ үед яах ёстой вэ?
-Сууриас нь товчхон ярихад гэрлэхээс өмнө бий болсон хөрөнгө гэж нэг тусдаа ойлголт бий. Жишээ нь А гэх эрэгтэй гэрлэхээсээ өмнө байр, машин худалдаж авлаа гэж бодъё. Тэгэхээр гэрлэхээс өмнө бий болсон хөрөнгийг хуваарьт хөрөнгө гэдэг. Гэрлэлтээ батлуулснаас хойших хөрөнгийн хувьд хамтран өмчлөх буюу дундын өмч юм. Гэрлэлтээ цуцлуулахаар эртнээс төлөвлөөд хөрөнгөө хөдөлгөж эхэлдэг тохиолдлууд бий.
Гэхдээ энэ асуудлын хувьд би энэ хүнээс салах учраас хөрөнгөө өөрийн хамаатан садан руу шилжүүлээд юу ч хуваахгүй гэх хандлага гаргаж болохгүй. Энэ нь хуульдаа ч боломжгүй зүйл юм. Учир нь тухайн гэр бүлийн хүүхдүүд насанд хүрсэн тохиолдолд тэдний саналыг заавал авах ёстой. Өөрөөр хэлбэл, насанд хүрсэн гэр бүлийн гишүүн бүрийн тоогоор зөвшөөрөл авч байж хөрөнгөд хөдөлгөөн хийнэ гэсэн үг.
-Гэр бүлийн гишүүдийнхээ саналыг авалгүйгээр хөрөнгөө нууцаар хөдөлгөөнд оруулсан тохиолдол байдаг. Энэ үед үлдсэн гэр бүлийн гишүүд хөрөнгөө нэхэмжлэх боломжтой юу? 
-Хэрэв санал, зөвшөөрөл авалгүйгээр тухайн хөрөнгөд хөдөлгөөн хийсэн тохиолдолд бусад гэр бүлийн гишүүд нь буцаан шаардах иргэний хуулийн зохицуулалттай. Бага насны хүүхдээс зөвшөөрөл авах боломжгүй ч гэсэн тухайн хөрөнгийн өмчлөгч мөн гэж явдаг. Шүүх дээр маргаан үүсгэхэд бага насны хүүхдэд тухайн хөрөнгийн 25 хувь оногддог. Тиймээс хуулийн хүрээнд гэр бүлийн гишүүн хамтын өмчөө бусад гишүүдийнхээ саналыг авалгүйгээр хөдөлгөөнд оруулах боломжгүй. Жишээ нь, А болон Б хоёр гэрлэсэн. Том хүүхэд нь 19, бага нь 18 настай гэж бодъё. Гэтэл А өөрөө дур мэдээд байр, машинаа ээжийнхээ нэр дээр шилжүүлчихлээ. Тэгэхээр энэ бол хуульдаа боломжгүй үйлдэл юм. Заавал гэр бүлийн гурван гишүүний саналыг авсны дараа хөдөлгөөнд оруулна. Үүнд тухайн хүн салахаар төлөвлөсөн болон салах гэж байгаа эсэх ямар ч хамаагүй.
А.Даваадулам

А.Гантөгс: Шүүх тэтгэмжийн мөнгийг зөвхөн хүүхдэд зориулж тогтоодог

1911 оны Үндэсний эрх чөлөөний хувьсгалын удирдагч, Монгол Улсын сүүлчийн эзэн хаан, төр, шашныг хослон баригч Богд хаан Жавзандамба хутагтын орд, өргөө бол Монгол төрийн түүх, соёлын үнэт өв, Монгол Улсын нийслэл Улаанбаатар хотын хотжилтын түүхийн салшгүй хэсэг юм. Тийм ч учраас Богд хааны ордныг төрөөс хамгаалах зорилгоор Сайд нарын Зөвлөлийн тогтоол 1961, 1971 онд гарч байжээ. Гэвч Богд хааны зуны ордны залгаа газрыг 2007 онд иргэнд өмчлүүлж, одоо барилга байгууламж барьж байгаа үйл баримтаас үзвэл, төрөөс түүх, соёлын өвийг хамгаалах үүргээ хэрэгжүүлээгүйн илрэл гэж Ерөнхий сайд Г.Занданшатар үзэж байна. Иймд түүх, соёлын дурсгалт газрын унаган төрх, язгуур соёлын үнэт шинж чанарыг алдагдуулахгүйгээр хадгалан хамгаалах, хойч үед өвлүүлэн үлдээх зайлшгүй шаардлагыг харгалзан холбогдох албан тушаалтнуудад дараах үүрэг даалгаврыг өглөө.
-Нийслэлийн Засаг даргын 2007 оны 523 дугаар захирамжаар Хан-Уул дүүргийн 11-р хорооны нутаг дэвсгэр дэх 700 м2 газар /Богд хааны Хүрэн ордны хажуу талын/-ыг гэр бүлийн хэрэгцээний зориулалтаар иргэнд өмчлүүлсэн шийдвэр хууль тогтоомжид нийцсэн эсэхийг шалгаж, хууль зөрчсөн албан тушаалтныг хуулийн байгууллагад шилжүүлэн шалгуулж, учруулсан хохирлыг нэхэмжлэх, үр дүнг энэ сард багтаан Засгийн газарт танилцуулах,
-Иргэнд өмчлүүлсэн шийдвэр холбогдох хууль тогтоомжийн дагуу эсэхийг шалгах хугацаанд уг газарт барилга байгууламж барих зөвшөөрөл олгосон шийдвэрийг Захиргааны ерөнхий хуулийн 96 дугаар зүйлийн 96.1 дэх хэсэгт заасны дагуу түдгэлзүүлэх,
-Богд хааны зуны ордныг улсын хамгаалалтын зэрэглэлд оруулах асуудлыг Соёлын өвийг хамгаалах тухай хуулийн 13 дугаар зүйлийн 13.1.7-д заасны дагуу Засгийн газраар шийдвэрлүүлэх,
-Соёлын өвийг хамгаалах тухай хуулийн 37 дугаар зүйлийн 37.6 дахь хэсэгт заасны дагуу Богд хааны Хүрэн ордны барилга, архитектурын дурсгалын харагдах сүр барааг хадгалах зорилгоор түүний эргэн тойронд шинээр барих барилга байгууламжид өндрийн хязгаар тогтоох,
-Устах, эвдрэх, гэмтэх аюул учирч байгаа соёлын өвийг авран хамгаалах, сэргээн засварлах арга хэмжээний төлөвлөгөө, түүх, соёлын үл хөдлөх дурсгал болон дурсгалт газруудад хамгаалалтын бүс бүрэн тогтоосон эсэхийг нягтлан шалгаж, хамгаалалтын бүсийг гүйцээн тогтоохыг тус тус үүрэг болголоо.

Богд хааны ордон болон түүх, соёлын өвийг хамгаалах талаар Ерөнхий сайд үүрэг даалгавар өглөө

”Эрдэнэт үйлдвэр&#8221; ТӨҮГ-ын &#8220;Эрдэнэт медикал&#8221; төрийн өмчит төрөлжсөн мэргэшлийн эмнэлгийг орон тооны хамт Эрүүл мэндийн яамны Хавдар судлалын үндэсний төвийн харьяанд шилжүүлж, Хойд бүсийн хавдрын оношилгоо, эмчилгээний дэд төв болголоо. Тус төвийн дүрэм, зохион байгуулалтын бүтцийг баталж, мөрдүүлэхийг Эрүүл мэндийн сайд Ж.Чинбүрэнд даалгав.
&#8220;Эрдэнэт медикал&#8221; төрийн өмчит төрөлжсөн мэргэшлийн эмнэлэг нь амбулатори, дүрс оношилгоо, мэс засал, хэвтүүлэн эмчлэх, лаборатори, мэргэжлээс шалтгаалах өвчлөлийн чиглэлээр иргэдэд тусламж үйлчилгээ үзүүлж байна.
Тус эмнэлгээр үйлчлүүлэгчдийн 20 хувийг Улаанбаатар хот, хангайн бүс, хойд бүс болон Ховд, Дорнод, Дундговь, Өмнөговь, Завхан, Говьсүмбэр, Баянхонгор, Дорноговь аймгийн иргэд, 80 хувийг Орхон аймгийн иргэд эзэлж байна.
2022-2025 онд 3551 хүн хэвтэн эмчлүүлж, 2210 хүн өдрийн эмчилгээ, үйлчилгээ авчээ. Амбулаториор 147,776 хүнд тусламж, үйлчилгээ үзүүлжээ.

“Эрдэнэт медикал” эмнэлгийг Хойд бүсийн хавдрын оношилгоо, эмчилгээний дэд төв болголоо

Монголчууд энэ зун магнай тэнийлгэсэн олон сайхан үйл явдлын гэрч болж, залуусынхаа оюун ухаан, хурд, хүч, зангидсан гар шиг эв нэгдэл, хамтын ялалтаар бахархлаа. Тухайлбал, И-спортын Mongolz багийн залуусаа дэмжин нойргүй хонож, сагсчин охидоо дэлхийн аваргаас мөнгөн медаль хүртэхэд төв талбайдаа олуулаа уухайлж, идэр залуу арслангийн хийморь золбоонд баясан бахдав. Ийнхүү дэлгэр зуны саруудад хүн бүр элбэг дэлбэг, амар амгалан хийгээд баяр бахдалыг мэдэрч, сэтгэл тэнүүн, итгэл дүүрэн байдаг цаг. УИХ-ын чуулган өндөрлөсөн үе таардаг болоод ч тэр үү, улстөржилт дагаад намждаг. Гэтэл сүүлийн өдрүүдэд гэнэтхэн л бараан мэдээлэл давамгайлж, монголчуудыг талцуулах сэдвүүд хөвөрч эхлэв. Монголчуудын тэрхүү сүү шиг дэвэрч, элгэн тараг шиг бүрэлдсэн баяр хөөр, бахархал омогшил дээр талцал, толхилцлын хар бэх дусааж, эвийг ээдүүлж, зөвийг баллуурдах хагарал, хуваагдал руу түлхсэн мэдээлэл нийгмийн сүлжээ буюу цахим орчинг зайгүй дүүрэв. Улс төр гэнэтхэн цагаасаа өмнө идэвхжсэн нь өөрийн эрхгүй анхаарал татаж байна.
Төрийн институциуд, улс төрийн намуудын хооронд “Хар муур” гүйлгэж, хэрүүлийн “Алим” шидэж суугаагийн цаана төрийн дархлааг сулруулж, түмний итгэлийг алдруулах гэсэн хорон бодлого хэрэгжиж байна уу гэлтэй. Төр, ард түмний хоорондох ан цав ихсэх тусам улс оронд тогтворгүй, эмх замбараагүй байдал үүснэ. Бурхан Будда, Аллах, Христ буугаад ирсэн ч бид харлуулж, муулаад сууж байхаас сийхгүй болтлоо харалган болж орхио юу даа. Хагалан бутаргаж, харлуулан гутаах энэ дон улс үндэстнээрээ урагш харж, өөдөлж дэвших гэсэн хүсэл эрмэлзэл, санал санаачилга, хичээл зүтгэл бүхнийг нухчин дарж байгаа нь харамсалтай. Улс оронд эрхбиш болж бүтэж, өөдлөн урагшилж байгаа өчнөөн зүйл байгаа. Гэтэл үүнийг харуулах хүсэлгүй, харлуулах л ганц сонирхол улам товойх боллоо.
Сүүлийн жилүүдэд бүрдэж амжаагүй УИХ-ыг, томилогдож амжаагүй Засгийн газрыг тараах, огцруулах тухай яриа зориудаар гаргадаг технологи нутагшчихлаа. Тогтож сайн анзаарвал төрийн институц хооронд яс хаядаг технологи улам нарийссаар байна. Дархлааг нь, ойлголцлыг нь хагалах гэсэн маш хортой явуулга шүү дээ. Хамгийн сүүлд гэхэд хотын мээрийн суудлыг МАН-ын генсек булааж авах гэж байна, АН-ын даргыг унагаах төлөвлөгөө энэ зун бэлэн болсон, ХҮН нам дотроосоо задарч эхэлжээ гэх зэргээр өнөөх л хагалган бутаргах үг яриа огт тасрахгүй. Парламентад суудалтай “Үндэсний эвсэл”, ИЗНН руу ноцоостой. Дунд нь яс хаяж, хооронд нь алалцуулбал хэрэг зориг нь бүтэх гээд байдаг юм уу гэж заримдаа тээнэгэлзмээр.
Монголын улс төрд “Бичлэг задрах” гэдэг нэр томьёо шинээр нэвтэрлээ. Тэр дарга, энэ гишүүний бичлэг удахгүй задрах юм гэнэ лээ гэсэн “Бор шувуу” байнга нисдэг болсон. Бичлэг үнэхээр байдаг бол задлахдаа биш шантаажлахад гол зорилго нь оршдог юм шиг байгаа юм. Яг үүнийг залгаад “Өвчний улмаас ажлаа өгнө” гэх урьдаас бэлдсэн, дотроос нь хагалах гэсэн улс төрийн бохир технологи одоо ид туршигдаж байна. 1990 онд ижил гараанаас гарсан улс орнуудаас хөгжлөөрөө хоцорсон шалтгаан оршиж байж мэднэ.
Ардчилсан нийгэмд эрүүл саруул шүүмж ус агаар мэт хэрэгтэй. Гэхдээ үүнийг шантааж, доромжлолтой хольж хутгаж ердөө ч болохгүй. Бид сүүлийн жилүүдэд “Шүгэл үлээгч” гэдэг нэршилд бүгдээрээ суралцаж яваа. Нийгэмд хөнөөл тарьж байгаа зүйлсийг дэлгэж, нийгмийн анхааралд оруулах, нийтийн хэлэлцүүлэг болгох үйл явцыг “Шүгэл үлээх” гэж тодорхойлдог. Хуучин цагт биеийн тамирын багш, замын цагдаа хоёр л шүгэл үлээдэг байв. Өнөөгийн ардчилсан нийгэмд шударга ёсны төлөө хүн бүр шүгэл үлээх эрхтэй болсон. Гэхдээ бид аанай л шүгэл үлээхийг ул шагайх гээд буруу ойлгоод яваа юм биш биз дээ. Нийгмийг эрүүлжүүлдэг үйл явцыг хүний мууг үзэх, дунд нь яс хаях гэж туйлшруулан гажуудуулах болсон нь яг ямар учиртай вэ.
Үнэний төлөө шүгэл байтугай бүрээ үлээх ёстой. Энэ бол дээр өгүүлсэнчлэн нийтийн сайн сайхны төлөөх үйл хэрэг юм. Харин улс төрийн болоод бусад зорилгоор нэг нь нөгөөдөө гох дэгээ тавьж, хорлох өчүүхэн сэдлээр ул шагайхтай андуурч боломгүй. Ул шагайхыг урлаг болтол хөгжүүлж бүр ч болохгүй. Ул шагайхыг улс төрийн эрх чөлөө, соёл гэж ташаардаг нийгмийн хэсэг бүлэг бодитоор бойжиж байна. Хагарлын үүдээр хамаг Монгол ч багтаж, сульдан доройтож явсан түүх монголчуудад хангалттай бий. Улс төрийн иймэрхүү богино бодолтой ул шагайгчдыг монголчууд эртнээс “Төрийн хутгуур” гэж зохилдуулан нэрлэж, бас жигшиж ирсэн уламжлалтай.
Т.НАРАН

Ул шагайх урлаг

Засгийн газрын ээлжит хуралдаан 2025 оны наймдугаар сарын 06-нд болж дараах шийдвэрүүдийг гаргалаа.
Төрийн жинхэнэ албан хаагчдын ажлын гүйцэтгэл, үнэлгээг олон нийтэд нээлттэй болгож, байгууллагын цахим хуудаст байршуулна
Төрийн жинхэнэ албан хаагчдын 2024 оны эхний болон сүүлийн хагас жил, 2025 оны эхний хагас жилийн гүйцэтгэлийн тайлан, үнэлгээг олон нийтэд нээлттэй болгож, байгууллагын цахим хуудаст 2025 оны наймдугаар сарын 20-ны дотор байршуулахыг Засгийн газрын гишүүд, агентлагийн дарга, аймаг, нийслэлийн төрийн захиргааны бүх шатны байгууллагын төсвийн шууд захирагч нарт даалгаж, Улсын Их Хурлын Тамгын газар, түүний харьяа байгууллагын удирдлагад тус тус зөвлөв.
Энэ арга хэмжээний хэрэгжилтэд хяналт тавьж, төрийн албан хаагчийн ажлын гүйцэтгэл, үр дүнг шударга, бодитой үнэлэх тогтолцоог сайжруулах арга хэмжээ авахыг Монгол Улсын сайд, Засгийн газрын Хэрэг эрхлэх газрын дарга С.Бямбацогтод даалгалаа.
11 яам, 16 агентлагаас ирүүлсэн 2024 он, 2025 оны эхний хагас жилийн үнэлгээ, урамшуулалтай холбоотой мэдээллийг нэгтгэн үзэхэд төрийн албан хаагчдын үнэлгээний дундаж 98,7 хувьтай байна. Төрийн албан хаагчид гүйцэтгэлийн үнэлгээгээр маш сайн-А, хангалттай-В үнэлгээ авдаг ч иргэдийн 60-аас илүү хувь нь төрийн үйлчилгээнд сэтгэл хангалуун бус байна.
“Төрийн байгууллагын үйл ажиллагаа, төрийн албан хаагчийн ажлын гүйцэтгэлийг хөндлөнгийн үнэлгээгээр бодитоор үнэлж, олон нийтийн хяналт бий болсноор бүтээмж нэмэгдэнэ. Иргэдэд үзүүлэх төрийн үйлчилгээ сайжирч, итгэлцэл, удирдлагын хариуцлага нэмэгдэнэ гэж үзэж байна&#8221; гэж ЗГХЭГ-ын Тэргүүн дэд дарга Д.Мөнх-Эрдэнэ ярилаа.
Төрийн өмчит болон төрийн өмчийн оролцоотой 109 компанийг 87 болгоно
Төрийн өмчийг хувьчлах талаар УИХ, болон Засгийн газраас баталсан тогтоол, шийдвэрүүдийн хэрэгжилтийг дүгнэн, цаашид төрийн өмчит хуулийн этгээдийн хувьцааг олон нийтэд нээлттэй арилжаалах, төрийн эзэмшлийн хувьцааг худалдах, өөрчлөн байгуулах талаар үндсэн чиглэл боловсруулж, 2025 оны наймдугаар сарын 15-ны дотор танилцуулахыг үүрэг болголоо.
Мөн  &#8220;Төрийн өмчит хуулийн этгээдийн хувьцааг 2025-2028 онд биржээр олон нийтэд нээлттэй арилжаалах,төрийн эзэмшлийн хувьцааг худалдах, өөрчлөн байгуулах үндсэн чиглэл”-ийг боловсруулж танилцуулахыг холбогдох албан тушаалтнуудад даалгав.
Өнгөрсөн 35 жилийн хугацаанд хэрэгжүүлсэн өмч хувьчлалын алдаа, оноонд дүгнэлт хийж, УИХ-аас баталсан хувьчлах үндсэн чиглэлүүдийн хэрэгжилтийг дуусгавар болгох, Үндсэн хуулийн агуулгад нийцүүлэн төрийн нийтийн өмч, түүний төрөл, зүйлийг тодорхойлж, бусдад шилжүүлэх болон өмчийн удирдлагыг хэрхэн хэрэгжүүлэх харилцааг өнөөгийн нийгэм, эдийн засгийн хэрэгцээ шаардлага, олон улсын туршлагын дагуу тогтоох асуудлыг Төрийн болон орон нутгийн өмчийн тухай хуулийг шинэчлэн найруулж, Компанийн тухай хуульд өөрчлөлт оруулах замаар хэрэгжүүлэх шаардлагатай үзлээ.
“2025 оны эхний хагас жилийн байдлаар Төрийн болон төрийн өмчийн оролцоотой толгой компани 86, охин компаниудыг оролцуулаад нийт 109 компани эрчим хүч, зам, тээвэр, уул уурхай, банк санхүү, мэдээлэл, харилцаа холбоо, хүнс, хөдөө аж ахуй, хөнгөн үйлдвэр, барилга хот байгуулалт, байгаль орчин, аялал жуулчлал, биеийн тамир, спорт, соёл урлаг, гадаад харилцаа зэрэг 11 салбарт үйл ажиллагаа явуулж байна. Эдгээр компанийг ашигтай ажиллуулах, алдагдалтай ажиллаж байгаа компанийг татан буулгах, нэгтгэх болон үргүй зардал, захирал, удирдлагуудын цалин хангамжийг бууруулах, ашигт ажиллагаанд нийцсэн цалингийн тогтолцоог боловсруулж Засгийн газрын хуралдаанд яаралтай танилцуулж батлуулах чиглэл авлаа. 109 төрийн өмчит компани, үйлдвэрийн газруудын тоог үе шаттайгаар 20 хувиа бууруулж 87 болгох боломжтой гэж Төрийн өмчийн бодлого зохицуулалтын газрын дарга Б.Цэнгэл ярилаа.

ЗГ: Төрийн өмчит болон төрийн өмчийн оролцоотой 109 компанийг 87 болгоно

Эхийн сүүгээр хооллолтыг дэмжих дэлхийн 7 хоног үргэлжилж байна.  Эхийн сүүгээр хооллолтыг дэмжих нь эрүүл хүүхэд, эрүүл нийгмийн суурь юм байна. Эхийн сүү бол хүүхдийн дархлааг дэмжиж, биеийн болон оюуны хөгжлийг хангадаг юугаар ч орлуулшгүй шим тэжээл юм.
СудалгаагаарЭхийн сүүгээр дагнан хооллосон хүүхдүүдийн гэдэсний халдварын улмаас эмнэлэгт хэвтэх тохиолдол 72 хувиар буурдаг мөн амьсгалын замын халдварын улмаас эмнэлэгт хэвтэх тохиолдол 57 хувиар буурдаг нь тогтоогдсон.
2017, 2023 онд хийсэн Хүн амын хоол тэжээлийн V, VI үндэсний судалгааны дүнгээс харахад
<ul>
<li>Хүүхдийг төрсний дараа 1 цагийн дотор ангир уураг амлуулах үзүүлэлт 2017 онд 83.7 хувь, 2023 онд 87.4 хувьболж, 3.7 хувиар өссөн,</li>
<li>Эхийн сүүгээр 6 сар дагнан хооллох хувь 2017 онд 58.3 хувь, 2023 онд 59.8 хувь болж 1.5 хувиар нэмэгдсэн боловч,</li>
<li>2 нас хүртэл эхийн сүүгээр хооллох хувь 2017 онд 47.3 хувь байсан бол 2023 онд 40.4 хувь болж 6.9 хувиар буурсан байна.</li>
</ul>

Эхийн сүүгээр хооллолтыг дэмжих дэлхийн 7 хоног үргэлжилж байна

Халдварт өвчин судлалын үндэсний төвөөс гаргасан мэдээллээр, 2025 оны наймдугаар  сарын 6-ны байдлаар улаанбурхан өвчний нийт батлагдсан тохиолдол 13157  болжээ.
Эмнэлэгт хэвтэн эмчлүүлж байгаа-58 хүн
<ul>
<li>Хөнгөн – 8</li>
<li>Дунд – 48</li>
<li>Хүнд-2 нөхцөл байдалтай байна.</li>
</ul>
Нийт нөхцөл байдлын хувьд эдгэрсэн  13047, гэрээр эмчлүүлж буй  58, нас барсан 10 болжээ. Харин хавьтал болсон нийт 96710  хүн байгаа аж. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 4994 хүрсэн байна. Мөн 0-4 насны 2928, 5-9 насны 1662 хүүхэд улаанбурханаар өвджээ.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриалж байна.

Хайх