<p>Гэмтэл согог судлалын үндэсний төвийн Эмнэлзүй хариуцсан дэд захирал Л.Дагвадорж тэргүүтэй удирдлагын баг, эмч мэргэжилтнүүдийн төлөөлөл БНСУ-ын Бусан хотын “Good Gang-an” эмнэлгийн удирдлагуудтай хамтарсан уулзалт хийлээ.</p>
<p>Энэ хүрээнд ГССҮТ-ийн үйл ажиллагаа, тусламж үйлчилгээ болон шинээр нэвтрүүлсэн дэвшилтэт технологийг танилцуулж, гэмтэл согогийн чиглэлээр хамтарч хийх томоохон ажлуудын талаар санал солилцсон байна.</p>
<p>Тухайлбал, цаашид “Good Gang-an” эмнэлэгтэй хамтран телемедицин буюу цахим зөвлөн туслах үйлчилгээгээр дамжуулан алсын зайн оношилгоо эмчилгээ хийх, нарийн мэргэжлийн үзлэг, мэс засал, сургалт зохион байгуулахаас гадна эмч мэргэжилтнүүдийг урт болон богино хугацааны сургалтад тогтмол хамруулж ажиллахаар боллоо.</p>
<p>Ташрамд дуулгахад, өнгөрсөн тавдугаар сард хийсэн уулзалтаар ГССҮТ-ийн Яаралтай тусламжийн тасгийн их эмч Г.Отгонтөгс богино хугацааны сургалтад хамрагдаж, мэдрэлийн мэс засал эмчилгээний чиглэлээр мэдлэг туршлагаа ахиулсан юм <em><strong>гэж Гэмтэл согог судлалын үндэсний төвөөс мэдээллээ.  </strong></em></p>
<p><em><strong><img decoding="async" src="https://scontent.fuln1-2.fna.fbcdn.net/v/t39.30808-6/468327909_1113619046812038_8589309926119315456_n.jpg?_nc_cat=110&amp;ccb=1-7&amp;_nc_sid=127cfc&amp;_nc_ohc=ExWX-JIPqMkQ7kNvgFDrslI&amp;_nc_zt=23&amp;_nc_ht=scontent.fuln1-2.fna&amp;_nc_gid=AYPmYq1lB5ryZFME1EMg4Y7&amp;oh=00_AYCwv3YeKYd8FTs3ANWQ1-kI-Kn1YTqnIiHc1XrRur7eAg&amp;oe=6749F2E7" alt="" width="100%" /></strong></em></p>


ГССҮТ алсын зайн оношилгоо, эмчилгээ нэвтрүүлнэ DNN.mn

<p>Улсын хэмжээнд &#8220;Зэвсэг-2024&#8221; нэгдсэн арга хэмжээ ирэх сарын 13-ны өдрийг хүртэлх хугацаанд зохион байгуулагдана.</p>
<p>Хувь хүн, хуулийн этгээд өөрийн эзэмшлийн галт зэвсэг, түүнтэй адилтгах хэрэгслийг харьяа нутаг дэвсгэрийн цагдаагийн байгууллагад холбогдох баримт бичгийн хамт өөрийн биеэр очиж бүртгүүлнэ үү гэж ЦЕГ-аас мэдээлэв.</p>


Галт зэвсэг, түүнтэй адилтгах хэрэгслээ цагдаагийн байгууллагад бүртгүүлээрэй DNN.mn

<div id="articleText" class="article-text">
<p>Бүгд Найрамдах Улсыг тунхаглаж, Анхдугаар Үндсэн хуулийг баталсны 100 жилийн ой маргааш тохионо. УИХ энэ түүхэн өдрийг тэмдэглэн өнгөрүүлэх тухай тогтоолыг 2023 оны долдугаар сарын 6-нд гаргасан. “…Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойг 2024 оны арваннэгдүгээр сарын 26-ны өдөр улс орон даяар тэмдэглэхээр тогтоосугай”, “…Анхдугаар Үндсэн хуулийн түүхэн ач холбогдлыг шинжлэх ухааны үндэслэлтэй судлах, эрдэм шинжилгээний хурал зохион байгуулах, түүхэн судалгааны болон танин мэдэхүйн бүтээл туурвиж нийтийн хүртээл болгох, Үндсэн хуулиа эрхэмлэн дээдлэх үзэл санааг иргэдэд тайлбарлан таниулах, төрийн ёслол хүндэтгэлийн бусад арга хэмжээний төлөвлөгөөг боловсруулан баталж, хэрэгжилтийг зохион байгуулахыг Ажлын хэсэгт даалгасугай”, “…Ойг тэмдэглэн өнгөрүүлэхэд бүх талын дэмжлэг үзүүлж, холбогдох зардлыг санхүүжүүлэхийг Монгол Улсын Засгийн газарт даалгасугай” хэмээн уг тогтоолд заасан. Тэмдэглэн өнгөрүүлэх үйл ажиллагаа үргэлжилж байна. Харин яг түүхэн өдөр буюу арваннэгдүгээр сарын 26-нд эсэргүүцлийн жагсаал зохион байгуулах тухай мэдээлэд цацагдсан. Эх сурвалжуудын мэдээллээр 2022 оны зун Үндэсний их баяр наадмыг эсэргүүцэн жагсаж байсан этгээдүүд буюу “no naadan”-ынхан Үндсэн хуулийн 100 жилийн ойгоор эсэргүүцлийн жагсаал хийхээр бэлдэж байгаа тухай мэдээлэл байна.</p>
<p>&nbsp;</p>
<p style="text-align: right;"><strong>Эх сурвалж: www.polit.mn</strong></p>
</div>
<div class="mb-30"></div>


“No naadam”-ынхан Үндсэн хуулийн 100 жилээр жагсах уу?! DNN.mn

<p>Дорнод аймгийн замд энэ сарын 23-нд зам тээврийн ноцтой осол гарч, 7 хүн нас барсан харамсалтай хэрэг гарсан талаар бид мэдээлсэн. Тодруулбал, Ланд 200 маркийн автомашин Ford машинтай мөргөлдсөний улмаас Ford машин шатаж, машинд зорчиж явсан 7 хүн нас барсан байдаг.</p>
<p>Ослын улмаас тус аймгийн Хэрлэн суманд оршин суух 44 настай эрэгтэй Э, 35 настай эрэгтэй О, 44 настай эрэгтэй Ш нар нас барсан. Харин 4 хүний хэн болохыг тогтоогоогүй байсан бол хоёрыг нь тогтоосон байна. Үлдсэн хоёр цогцсыг таниулах ажиллагаа үргэлжилж байгаа аж.</p>
<p>Харин ослоос амьд үлдсэн 36 настай эмэгтэй А аймгийн Бүсийн оношлогооны төвд хэвтэн эмчлүүлж байна.</p>


Осолд орж нас барсан 4 хүний хоёрынх нь хэн болохыг тогтоожээ DNN.mn

<p style="font-weight: 400;">Бүгд Найрамдах Улсаа тунхаглаж, анхдугаар Үндсэн хууль баталсны 100 жилийн ойн хүрээнд улс орон даяар ерөнхий боловсролын бүх сургуулийн хичээлийн эхний цагт “Анхдугаар Үндсэн хуулийн мөн чанар, агуулга, ач холбогдол” сэдэвт хичээлийг заасан. Нийслэлийн ерөнхий боловсролын 1 дүгээр сургуулийн ахлах, дунд, бага ангийнханд заасан Үндсэн хуулийн хичээлийг сурвалжиллаа.</p>
<p style="font-weight: 400;">Тус сургуулийн 12б ангийн ангийн багш Б.Болорцэцэг, 1924, 1940, 1960, 1992 оны Үндсэн хуулийн ач холбогдлын талаар тайлбарлаж, Үндсэн хууль бол монгол хүн бүрийн дархлаа буюу Монгол Улсын 3,5 сая иргэдийн эв найртай, хамтдаа эрх үүргээ биелүүлэн амьдрах алтан гадас од юм хэмээн тодотгов. Мөн хүн бүр хэн нэгнээс үл хамааран өөрийн үзэл бодлоо чөлөөтэй илэрхийлэх эрхтэй хэмээгээд, хүний эрх, эрх чөлөөг хангах, хамгаалах талаарх Үндсэн хуулийн заалтуудыг танилцуулж,  Монгол Улсын анхдугаар Үндсэн хуулийн 100 жилийн ой, тусгаар тогтнолын баталгаа сэдвээр сурагчидтай санал солилцов.</p>
<p style="font-weight: 400;"><img decoding="async" src="https://img.parliament.mn/1280x853,sc,shGwfEpS0gCQsnv3gjNhTWpVxynmmnpe4uNJf0GsqHfo/files/dc548e51da904acfbd8aa4b4e66e921b?d=0" /></p>
<p style="font-weight: 400;">Тус сургуулийн 5в ангийн багш Ц.Цэрмаа, Үндсэн хууль бол улсын гол хууль буюу бүх хуулийн үндэс суурь юм. Энэ хууль нийгмийн суурь харилцааг зохицуулдаг талаар танилцуулаад 4 удаагийн Үндсэн хуулийн ач холбогдлыг тайлбарласан. Мөн ардчилсан Үндсэн хуулийг хэрхэн баталсан, түүний үр шимээр өнөөгийн ардчилсан нийгэм, засаглал тогтсон талаар харилцан ярилцав.</p>
<p><img decoding="async" src="https://img.parliament.mn/1280x853,sc,sPtpmvJsWedSBGxuPtuDQcfmx6GG4X3yTto4CS-JQL0s/files/55b6eecefd934c9da6cc1ac78a48a036?d=0" /></p>
<p style="font-weight: 400;">Бага анги буюу М.Оюун-Эрдэнэ багштай 2б ангийнхны хичээл аливаа юм бүхэн дүрэм, журамтай байж эмх цэгцтэй болдог тухай ойлголтоор эхэлж, улмаар хүүхэд бүр өөрийн мэдэх нэг хуулиа нэрлэх, хууль гэж чухам юу болох талаар харилцан ярилцсан.  Мөн Үндсэн хууль ба үүрэг, миний эрх, чиний эрх, бидний эрх зэрэг сэдвээр сурагчид санал, бодлоо илэрхийллээ.</p>
<p style="font-weight: 400;">Ерөнхий боловсролын 1 дүгээр сургуулийн зарим сурагчдаас “Анхдугаар Үндсэн хуулийн мөн чанар, агуулга, ач холбогдол” сэдэвт хичээлийн дараа сэтгэгдлийг нь сонсов.</p>
<p><img decoding="async" src="https://img.parliament.mn/1280x960,sc,s4XWoDaZEbjNhEzVr7H8DHv1I8s-30uZLYdLD_CYG7Y4/files/2a87609f4b0a410885da5c18b98a3395?d=0" /></p>
<p style="font-weight: 400;"><b><strong>М.Мөрдорж  /11 дүгээр ангийн сурагч/</strong></b></p>
<p style="font-weight: 400;">Өнөөдрийн хичээлээр Үндсэн хууль бол улс орны тусгаар тогтнолын баталгаа хэмээн бүрэн гүйцэд ойлгож авлаа. Тэртээ 1911 онд Үндэсний эрх чөлөөний хувьсгал гарч, манай улс тусгаар тогтнолоо зарласнаас хойш 13 жилийн дараа Үндсэн хуулиа боловсруулан баталсан түүхтэй. Тусгаар тогтнох үйл хэрэг амаргүй байсан. Хоёр хөрш гүрнээрээ хүлээн зөвшөөрүүлэх, хил хязгаарын бүрэн бүтэн байдлаа хамгаалах, засаг захиргаагаа тогтоох зэрэг улс орноо төвхнүүлсэн тэр цаг үеийн эх орончдоор бахархаж байна.</p>
<p><img decoding="async" src="https://img.parliament.mn/1280x960,sc,sFE9XAFU5q__L2apYlPWwW9aGPoqq2EEPGFe16xATDyo/files/c22ecc4ee7104f6b9ce50859031e350b?d=0" /></p>
<p style="font-weight: 400;"><b><strong>Э.Амартүвшин / 12 дугаар ангийн сурагч/</strong></b></p>
<p style="font-weight: 400;">Бид түүх, нийгмийн хичээлээр Үндсэн хуулийн үзэл санаа, улс орны тусгаар тогтнол, хүний эрх, эрх чөлөө зэрэг сэдвийг суралцсан. Харин өнөөдрийн хичээл Үндсэн хуулийн ач холбогдол, ард түмний эв нэгдлийг хангах зэрэг асуудлыг тусгайлан зааснаас гадна Монгол Улсын тусгаар тогтнол, бүрэн эрхт байдлын дархлаа зэргийг ойлгож мэдлээ.</p>
<p><img decoding="async" src="https://img.parliament.mn/1280x960,sc,sqkse8yXMXP2nI5dLl5qRW6xmXP5WlgT2m-UtBtzRGuI/files/7cdffcc021654a38924dd0cec9a68568?d=0" /></p>
<p style="font-weight: 400;"><b><strong>Б.Мишээл /9 дүгээр ангийн сурагч/</strong></b></p>
<p style="font-weight: 400;">Үндсэн хууль гэж сонссон боловч, тодорхой сайн мэдлэггүй байжээ. Өнөөдөр Үндсэн хуулийн талаар хичээл орсноор манай ангийнхан тус хуулийн талаар илүү сайн мэдлэгтэй боллоо. Дэлхийн улс бүхэн Үндсэн хуулиараа тусгаар тогтнолоо баталгаажуулж, ард иргэдийнхээ эрхийг хамгаалдаг гэдгийг ойлгож авлаа. Манай аав, ээж хоёр жил бүрийн Тусгаар тогтнолын баярын өдрөөр Монгол Улсынхаа түүхийн талаар ярьж өгдөг.</p>
<p><img decoding="async" src="https://img.parliament.mn/1280x960,sc,sG-sOE58r-93xr_DbMNHtndb5YQErDfqYiGNnnNtXW78/files/74d72155e1f24db0b622db9cad117f42?d=0" /></p>
<p style="font-weight: 400;"><b><strong>В.Хантүшиг / 9 дүгээр ангийн сурагч/</strong></b></p>
<p style="font-weight: 400;">Үндсэн хуулиа бид дээдлэн сахиж, ёсчлон биелүүлэх ёстой. Тусгаар тогтносон Монгол Улсын суурь хууль учраас бусад хуулийн эхлэл гэж ойлгодог. Үндсэн хуулиараа  улс орны тусгаар тогтнолоо  тунхаглаж, иргэдийнхээ эрхийг хамгаалж чадсанаараа үнэ цэнэтэй гэдгийг ойлгож авлаа.</p>
<p><img decoding="async" src="https://img.parliament.mn/1920x1080,sc,spRlMOK0r40AGF0eLu_VGysUu7uXDB-ux3ND_4e1x7NI/files/3aec903b3aaa46b2b41cd43038ddf238?d=0" /></p>
<p style="font-weight: 400;"><b><strong>Б.Хансүлд /5в ангийн сурагч/</strong></b></p>
<p style="font-weight: 400;">Анхдугаар Үндсэн хууль 1924 оны 11 дүгээр сарын 26-ний өдрийн 11 цагт батлагдсан. Үндсэн хууль батлагдсанаар Монгол Улс улс шиг улс болж, дэлхийн улс орнуудтай харилцаа тогтоож чадсан гэж ойлгодог.  Маргааш бид гэр бүлээрээ өвөөгийндөө очиж, монгол хоолоо хийж иднэ</p>
<p style="font-weight: 400;"><b><strong>А.Хүчгүр /2б ангийн сурагч /</strong></b></p>
<p><img decoding="async" src="https://img.parliament.mn/1920x1080,sc,sZZ0nxHrZajf9Qk6IslV6s4kkqv3G1bYI6IH4K_wYdhU/files/4aa7e6a3dad74ff187fdb357adc94f96?d=0" /></p>
<p style="font-weight: 400;">Хуулийг баримтлах ёстой гэж ойлгосон. Жишээлбэл, замаар гарахдаа ногоон гэрлээр гарч, улаан гэрлээр зогсох ёстой гэдэг дүрмийг бид баримталдаг. Хэрэв энэ дүрмийг баримтлахгүй бол бүх юм эмх замбараагүй болно. Бас сурагч хүн сурах үүрэгтэй. Хүн бүр суралцах эрхтэй. Хүүхдүүд бид эх орноо хайрлах, хамгаалах ёстой. Маргааш анхны Үндсэн хууль баталсан баярын өдөр учраас монголчууд гэр бүлээрээ баярлаж, амарна.</p>
<p>&nbsp;</p>
<p>&nbsp;</p>
<p style="font-weight: 400;"><b><strong>УИХ-ын Хэвлэл мэдээллийн газар</strong></b></p>


Нийслэлийн ерөнхий боловсролын 1 дүгээр сургуулийн сурагчдад Үндсэн хуулийн мөн чанар, агуулга, ач холбогдлын талаар хичээл орлоо DNN.mn

<div class="header-wrap">
<div class="header-mt-container-wrap">
<div class="container mt-header-container">
<div class="row">
<div class="col-md-12">
<div class="head container-fluid"><span style="font-family: NonBreakingSpaceOverride, 'Hoefler Text', Garamond, 'Times New Roman', serif; letter-spacing: normal;">Нийтийн тээврийн автобусыг дур мэдэж тоноглосон жолоочид хариуцлага тооцсон байна.</span></div>
</div>
</div>
</div>
</div>
</div>
<div class="mt-container-wrap ">
<div class="container mt-content-container">
<div class="row">
<article>
<div class="post-content-wrap mt-content-container">
<div class="">
<div class="col-md-8 pull-left">
<div class="entry-content">
<p>Тодруулбал, нийтийн тээврийн 2-131 дугаартай жолооч дур мэдэн автобусны дугуйнд стандарт бус бэхэлгээ хийсэн тул зөрчлийг яаралтай арилгуулан жолоочид сануулах арга хэмжээ авч, шагнал цалинг хасах шийдвэр гаргажээ.</p>
</div>
</div>
</div>
</div>
</article>
</div>
</div>
</div>


Нийтийн тээврийн автобусыг дур мэдэж тоноглосон жолоочид хариуцлага тооцжээ DNN.mn

<div class="xdj266r x11i5rnm xat24cr x1mh8g0r x1vvkbs x126k92a">
<p>Бүгд Найрамдах Өмнөд Судан улсад явагдаж буй НҮБ-ын мандаттай энхийг сахиулах ажиллагаанд Монгол Улсын Зэвсэгт хүчний XIII ээлжийн бие бүрэлдэхүүнд Онцгой байдлын байгууллагаа төлөөлөн үүрэг гүйцэтгэсэн алба хаагчдад Онцгой байдлын албаны шагнал, цол гардууллаа.</p>
<p>Онцгой байдлын байгууллагаас  тус ээлжинд 11 алба хаагч үүрэг гүйцэтгээд ирсэн юм.</p>
<p><img decoding="async" src="https://cdn.greensoft.mn/uploads/users/5112/images/viber_image_2024-11-25_12-22-46-421.jpg" alt="" /></p>
<p>Ахлах дэслэгч цолыг НОБГ-ын ахлах мэргэжилтэн, дэслэгч Б.Нарантуяа, ахлах ахлагч цолыг ОБЕГ-ын харьяа Үндэсний аврах бригадын Агаарын ажиллагааны салбарын шүхэрчин-аврагч, ахлагч Э.Батлхагва, ахлагч цолыг ОБЕГ-ын харьяа 115 дугаар ангийн шалган нэвтрүүлэн, дэд ахлагч О.Бат-Эрдэнэд олгосон бол “Онцгой байдлын албаны төлөө-1” тэмдгээр нэг, “Онцгой байдлын албаны төлөө-2” тэмдгээр дөрөв, “Онцгой байдлын албаны төлөө-3” тэмдгээр зургаан алба хаагчийг шагналаа.</p>
<p><img decoding="async" src="https://cdn.greensoft.mn/uploads/users/5112/images/viber_image_2024-11-25_12-28-07-684.jpg" alt="" /></p>
<p>Энэ үеэр ОБЕГ-ын дарга, хошууч генерал Г.Ариунбуян &#8220;Эх орныхоо болон Онцгой байдлын байгууллагынхаа нэр хүндийг өндөрт өргөж, үүргээ амжилттай биелүүлээд ирсэн алба хаагч та бүхнээрээ бахархаж байна. Та бүхэндээ болон та бүхнийхээ гэр бүлд хамгийн сайн сайхаын бүхнийг хүсэн ерөөе&#8221; хэмээн хэлсэн үгэндээ онцолсон юм.</p>
<p><img decoding="async" src="https://cdn.greensoft.mn/uploads/users/5112/images/viber_image_2024-11-25_12-22-10-392.jpg" alt="" /></p>
<p><img decoding="async" src="https://cdn.greensoft.mn/uploads/users/5112/images/viber_image_2024-11-25_12-27-52-480.jpg" alt="" /></p>
</div>


ОБЕГ: Энхийг сахиулагчдыг албаны шагналаар шагналаа DNN.mn

<p>Оросууд цэрэг, техникийн сүрт жагсаал зохион байгуулж “Бид өөр хаана ч байхгүй, хүчирхэг зэвсэгтэй” гэж дэлхий нийтэд сурталддаг байв. Харин Украины дайн эхэлснээр Орос зэвсгийн “өөр хаана ч байдаггүй” нь үнэн, харин “хүчирхэг” нь худал буюу зүгээр л барууны зэвсгийн маруухан хуулбар гэдэг нь тодорхой болов. Оросын зэвсгийн экспорт огцом хумигдаж, зөвхөн дотооддоо хэрэглэх гэсэн хэдхэн улс тэдний хямд зэвсгийг худалдаж авдаг болов. Дэлхийн хэвлэл, мэдээлэлд Оросын зэвсгийг тодорхойлсон “аналогов нет” гэх доромж хэлц үг бий болов. Тэгвэл Владимир Путин Украины Днепр хотын нуранги болсон Южмаш үйлдвэр рүү цоо шинэ, дуунаас хэт хурдан Орешник пуужингаар харвасан тухайгаа дэлхий нийтэд мэдэгдэх үеэр ОХУ-ын Стратегийн пуужингийн хүчний ерөнхий командлагч Сергей Каракаев “Орешник пуужин Европ даяар бай онож чадна” гэж мэдэгдэв. Владимир Путин маргааш нь “Орешник пуужинг дайсны байнд бөөнөөр нь ашиглавал стратегийн зэвсэгтэй дүйцэхүйц байх болно. Иймээс бид Орешник пуужинг бөөнөөр нь үйлдвэрлэнэ” гэж зарлав.</p>
<p>Пентагон Оросын Орешник пуужинг дундын зайн, хуучирсан РС-26 гэх Рубеж пуужин гэсэн бол Украины Тагнуулын алба Орешник нь судалгааны үеийн нэршил, харин байлдааны нэршил нь Кедр гэж мэдэгдэв. Үнэндээ бол энэ пуужингийн цаад учир нь ийм юм.</p>
<p>ЗХУ тэр үедээ замбараагүй их буюу тэрбум орчим валют зарлагадсан ч тив алгасах пуужин хийж чадсангүй, хийсэн пуужин нь дундын зайн пуужин болов. Улсын маш их мөнгө дэмий үрсэн гэх хэрэг “хар үүл” Устинов сайдын толгой дээр хуримтлагдаж, Брежневийн төр, засгийн нэр хүндэд сэв сууж магадгүй болов. Иймээс тэд өөрийн зүүн Европын социалист улсуудад РСД-10 буюу Пионер гэх энэ пуужингаа байршуулж, энэ тухайгаа иргэддээ гайхуулан сурталчилж, нүүрлэсэн аюулаас аврагдав. Гэтэл АНУ Москвад 12 минутад ирж цохилт өгөх “Першинг-2” пуужингаа баруун Европт хариу болгон байршуулж орхив. Энэ нь Кремлийн удирдлагын хувьд АНУ-ын пуужингийн эсрэг хараалын үг л хэлж амжих боломжтой болсон гэсэн үг юм. Энэ явдал эцэст нь Михаил Горбачев, Рональд Рейган нар Вашингтонд гарын үсэг зурснаар 1988 оноос хэрэгжиж эхэлсэн “Дундын зайн пуужинг хориглох гэрээ” болж өндөрлөв. Харин 1982 онд ЗХУ цоо шинэ тив алгасах 15П165 гэх Тополь пуужинтай болсон. Түүнийг хуучин пуужингууд шиг тусгай том нүхэн үүрэнд бус, харин Белорусын асар том, ачааны машинд ачиж, хөдөлгөөнтэй болгосноор давуу талтай болсон юм. Улмаар түүний шинэчлэгдсэн хувилбар болох Тополь-М нь Оросын цөмийн зэвсгийн хамгийн чухал бүрэлдэхүүн хэсэг болж үлдсэн билээ. Оросууд удалгүй гурван шатлалтай Тополь-М пуужингийн нэг шатлалыг нь авч хаян хөнгөрүүлж, РС-24 буюу Ярс пуужин болгосон юм. Харин Ярс пуужинг улам хөнгөрүүлж РС-26 буюу Рубеж пуужин болгосон ч эхний туршилт нь амжилтгүй болсон. Харин 2018 онд туршилт амжилттай болсон бөгөөд ерөнхийлөгч Трамп “Оросууд гэрээгээ зөрчсөн” хэмээн “Дундын зайн пуужинг хориглох гэрээ”-нээс АНУ гарч байгааг зарласан учир энэ пуужингийн асуудал тэгсхийгээд намжсан юм. Харин өнөөдөр Путин хуучин Рубеж пуужинг Орешник гэж нэрлэв.</p>
<p>Энэ пуужин задардаг байлдааны хошуутай учир агаарт гэрэл цацруулан дэлбэрч газарт унах учир дэлбэрэлт нь ганц хошуутай пуужингаас өвөрмөц байдалтай харагддаг. Гэхдээ хэдэн зуун км хол зайд ердийн хошуутай Орос пуужингийн бай онох чадвар маш муу байдаг. Иймээс энэ нь маш их зардлаар дайсандаа маш бага хохирол учруулна гэсэн үг. Иймээс Оросууд ердийн дэлбэрдэг хошуутай Орешник пуужингаа дахин дахин ашиглаад байх боломжгүй юм. Харин атомын бөмбөг тээсэн нөхцөлд заавал барууны пуужингууд шиг нарийн ончтой байх шаадлагагүй. Хамгийн гол нь Путины энэ удаагийн ээлжит “аналогов нет”-ээс барууны улсууд огтхон ч айсангүй, харин ч Украинд үзүүлэх тусламжаа улам нэмэгдүүлнэ гэж мэдэгдэв. Тухайлбал, Их Британийн Гадаад хэргийн сайд Иветт Купер “Орос бүрэн эрхт улс руу довтолсон. Путин энэ хугацаанд хүлээн зөвшөөрөх ямар ч боломжгүй түрэмгий, занасан, хяхарган өнгө аястай мэдэгдэл хийсээр ирсэн. Түүний үйлдлийг хэрхэвч зөвшөөрч болохгүй учраас бид Украинд тусалсаар ирсэн, тусалсаар ч байх болно” гэж мэдэгдэв. Харин Францын Гадаад хэргийн сайд Жан-Ноэль Барро “Украиныг дэмжих асуудалд ямарваа “улаан шугам” байхгүй болсон. Украин өөрийгөө хамгаалах зорилгоор Оросын нутаг дэвсгэр дэх цэргийн бай руу Францын алсын тусгалтай SCALP пуужингаар цохилт өгөх болно. Бид Украиныг эрчимтэй, шаардлагатай бол урт хугацаанд дэмжих болно. Яагаад? Яагаад гэвэл бидний аюулгүй байдал эрсдэлд байна. Оросын арми нэг километр урагшлах бүрт аюул занал Европ руу нэг километр ойртдог” гэж мэдэгдэв. Сэтгүүлчийн “Энэ нь Францын цэргүүд Оросын эсрэг байлдааны ажиллагаанд оролцоно гэсэн үг үү” гэсэн асуултад тэрээр “Бид ямар ч хувилбарыг үгүйсгэхгүй” гэж хариулжээ. Тэгвэл Цагаан ордны төлөөлөгч “Путин байнга л ийм мэдэгдэл хийж байдаг. Бид саяхан Украины тусламжийн ээлжит багцаа зарласан. Тун удахгүй Цагаан ордон Украинд үзүүлэх дараагийн цэргийн тусламжаа зарлах гэж байна” гэж мэдэгсэн бол Европын парламентын ерөнхийлөгч Роберта Мецола “ОХУ-ын довтолгооны эсрэг Германы TAU­RUS далавчит пуужингуудыг Украинд түргэн шуурхай нийлүүлэхийг уриалж байна” гэж мэдэгдэв.</p>
<p>А.Гитлер өөрийн өдөөсөн дэлхийн дайны төгсгөлд германаар “Wunderwaffe” буюу “Вундерваффе” гэх “Гайхамшигт зэвсэг” гэгчийг сурталчилж байсан ч ямар ч амжилт олоогүй билээ. Тэгвэл В.Путин “Вундерваффе” ярьж эхлэв. Одоо Путинд А.Гитлер яаж төгссөнийг л давтах үлдэж байна.</p>


Хайх