НҮБ-ын Хүнс, хөдөө аж ахуйн байгууллагаас хэрэгжүүлж буй ногоон хотыг бүтээн байгуулах “Ногоон баянбүрд-хүнсний тогтолцоог хослуулсан хот” төслийн уулзалт өнөөдөр боллоо. Энэхүү төслийн хүрээнд эхний ээлжид Сүхбаатар дүүргийн 18 дугаар хороонд байрлах Гүнжийн булгийн 1 га талбайн хамгаалалт, орчны тохижилт, 71 дүгээр сургуулийн дотоод ногоон орчныг нэмэгдүүлэх, 166 дүгээр цэцэрлэгийн гадаад ногоон орчныг тохижуулах зэрэг ажлыг хийж гүйцэтгэлээ. Төслийн хүрээнд нийслэл Улаанбаатар хотын ногоон байгууламжийг нэмэгдүүлэх, гэр хорооллын орчны чанарыг сайжруулах, хотын тоосжилтыг бууруулах, агаар дахь нүүрсхүчлийн хийг багасгах зорилгоор сул шороон хөрс бүхий гэр хорооллын айл өрхийн гудамж, талбайг зүлэгжүүлэх, гэр хорооллын гудамж талбайд амралт, зугаалгын бүс үүсгэх, цэцэрлэгт хүрээлэн байгуулахад хот бодлогоор дэмжин оролцож байна.
Тодруулбал, “Ногоон баянбүрд-хүнсний тогтолцоог хослуулсан хот” төслөөр дараах үр дүнд хүрэх зорилготой.
<ul>
<li>Хотын оршин суугчдад экосистемийн үйлчилгээг чанартай хүргэх зорилгоор хот, хотын ойр орчмын ой, ногоон байгууламжийн тоог нэмэгдүүлж, чанарыг сайжруулах;</li>
<li>Хот болон түүний эргэн тойронд уур амьсгалд тэсвэртэй, тогтвортой орон нутгийн хүнсний үйлдвэрлэл, нийлүүлэлтийн богино сүлжээг бий болгох, үйл ажиллагааг дэмжих;</li>
<li>Хүлэмжийн хийн ялгарлыг бууруулах;</li>
<li>Тойрог эдийн засгийн зарчмын дагуу ногоон хөдөө аж ахуйн боловсруулалт, хүнсний үр ашигтай хуваарилалт, хүнсний орчныг сайжруулах, эрчим хүч, усны нөөц, хүнсний хог хаягдлыг удирдан зохион байгуулах замаар хотын хүнсний тогтолцооны тогтвортой, хүртээмжтэй байдлыг дэмжих зорилгоор төслийг хэрэгжүүлж байна.</li>
</ul>
<img decoding="async" src="https://ulaanbaatar.mn/files/mn/images/rxn9xymfahe/67651527e90d1138002216c8.jpg" />

“Ногоон баянбүрд-хүнсний тогтолцоог хослуулсан хот” төслийн уулзалт боллоо DNN.mn

Гадаадын иргэн, харьяатын газар нь Засгийн газрын 2024 оны 96 дугаар тогтоолоор баталсан &#8220;Нээлттэй өгөгдлийн жагсаалт&#8221;-ын дагуу виз, оршин суух зөвшөөрөл, зөрчил шалган шийдвэрлэлтийн чиглэлээр 11 төрлийн мэдээллийг нээлттэй өгөгдөл болгон боловсруулж, олон нийтэд ил тод мэдээлж байна.Тодруулбал, Монгол Улсад оршин суух зөвшөөрөлтэй гадаадын иргэдийн тоо, олгосон виз, визийн зөвшөөрөл, оршин суух зөвшөөрлийн тоо, хяналт шалгалт, зөрчил шийдвэрлэлт, албадан гаргасан иргэдийн тоо зэрэг мэдээллийг[U1]  “Мэдээлэл хариуцагчаас нээлттэй өгөгдөл бий болгох, нийтлэхэд тавигдах шаардлага, ашиглах нөхцөл журам”-ын дагуу боловсруулж, Гадаадын иргэн, харьяатын газрын immigration.gov.mn цахим хуудас, Нээлттэй өгөгдлийн нэгдсэн портал opendata.gov.mn цахим хуудаст сар бүр тогтмол байршуулж байна.
Уг нээлттэй өгөгдлүүдтэй танилцахад ямар нэгэн бүртгэл, бичиг баримт шаардахгүй бөгөөд иргэн, хуулийн этгээд, эрдэмтэн судлаачид чөлөөтэй ашиглах, судалгаа, шинжилгээ хийх, түгээх боломжтой боломжтой юм.
&#8211; Гадаадын иргэн, харьяатын газраас боловсруулсан нээлттэй өгөгдлийг <a href="https://opendata.gov.mn/data/2712253">https://opendata.gov.mn/data/2712253</a> цахим хуудаст хандаж үзнэ үү.
&#8211; Байгууллагын үйл ажиллагааны нээлттэй мэдээллийг <a href="https://immigration.gov.mn/mn/">https://immigration.gov.mn/mn/</a>  хуудаст хандаж үзнэ үү.
&nbsp;
НЭЭЛТТЭЙ ӨГӨГДЛИЙН ЖАГСААЛТ

<table width="794">
<tbody>
<tr>
<td rowspan="11" valign="top">Гадаадын иргэн, харьяатын газар</td>
<td valign="top">Оршин суух зөвшөөрөлтэй гадаадын иргэний тоон мэдээ /улсаар/</td>
<td valign="bottom">Харьяалах улс, оршин суух хэлбэр</td>
<td valign="top">
Сар бүр
</td>
</tr>
<tr>
<td valign="top">Түр ирэгчээр бүртгэгдсэн гадаадын иргэний тоо</td>
<td valign="bottom">Олгосон, сунгасан, хассан</td>
<td valign="top">
Сар бүр
</td>
</tr>
<tr>
<td valign="top">Албан болон хувийн хэргээр оршин суух зөвшөөрөлтэй гадаадын иргэний тоон мэдээ</td>
<td valign="bottom">Харьяалах улс, ангилал</td>
<td valign="top">
Сар бүр
</td>
</tr>
<tr>
<td valign="top">Олгосон виз, зөвшөөрлийн</td>
<td valign="top">Харьяалах улс, ангилал, олгосон бүртгэлийн мэдээлэл</td>
<td valign="top">
Сар бүр
</td>
</tr>
<tr>
<td valign="top">Олгосон виз</td>
<td valign="top">Харьяалах улс, ангилал, олгосон бүртгэлийн мэдээлэл</td>
<td valign="top">
Сар бүр
</td>
</tr>
<tr>
<td valign="top">Олгосон цахим виз</td>
<td valign="top">Харьяалах улс, ангилал, олгосон бүртгэлийн мэдээлэл</td>
<td valign="top">
Сар бүр
</td>
</tr>
<tr>
<td valign="top">Олгосон оршин суух зөвшөөрөл</td>
<td valign="top">Харьяалах улс, ангилал, олгосон бүртгэлийн мэдээлэл</td>
<td valign="top">
Сар бүр
</td>
</tr>
<tr>
<td valign="top">Хугацааг сунгасан оршин суух зөвшөөрөл</td>
<td valign="top">Харьяалах улс, ангилал, сунгасан зөвшөөрөл</td>
<td valign="top">
Сар бүр
</td>
</tr>
<tr>
<td valign="top">Төрийн хяналт шалгалт хийсэн тоо</td>
<td valign="top">Төлөвлөгөөт хяналт шалгалтын тоо, төлөвлөгөөт бус хяналт шалгалтын тоо, шалгалтад хамрагдсан иргэн, аж ахуйн нэгжийн тоо</td>
<td valign="top">
Сар бүр
</td>
</tr>
<tr>
<td valign="top">Зөрчил шалган шийдвэрлэлт</td>
<td valign="top">Торгуулсан гадаадын иргэний тоо, торгуулсан уригч иргэний тоо, торгуулсан уригч аж ахуйн нэгжийн тоо, торгуулсан гадаадын иргэний харьяалах улс, гаргасан зөрчлийн зүйлчлэл</td>
<td valign="top">
Сар бүр
</td>
</tr>
<tr>
<td valign="top">Албадан гаргасан гадаадын иргэний тоон мэдээ</td>
<td valign="top">Албадан гаргасан гадаадын иргэний харьяалах улс, албадан гаргасан үндэслэл</td>
<td valign="top">
Сар бүр
</td>
</tr>
</tbody>
</table>

ГИХГ: 11 төрлийн мэдээллийг нээлттэй өгөгдөл болгон боловсруулж байна DNN.mn

Улаанбаатарын утаа 20-иод жилийн түүхтэй. Утаатай хамт улс төрийн түүх яригдахаар болсон. Яагаад гэхээр утааны он жилүүдэд хэн дарга байна, тэр даргын найз бизнесмэний “утааны эсрэг” төсөл хэрэгжиж ирсэн. Үүнийг ойлгож цөхөх зүйлгүй, нуух ч арга байхгүй болсон. Үнэндээ, манай улс хотынхоо утаатай тэмцдэг ийм л тогтолцоотой болчихсон. Товчхондоо, улс төр, бизнес хоёр холилдоод оролцдог учраас л утаа улам өтгөрөөд байгаа юм. Тиймээс улс төрийг л Улаанбаатарын утаанаас улс төрийг холдуулах шаардлагатай. Тэгж чадвал утааны тэмцэл үр дүнтэй болно. Ядахад, утаатай тэмцсэн гэх өнгөрсөн он жилүүдэд гоё нэртэй төслүүд хэрэгжүүлж манийгаа онхолдуулсаар ирсэн. Яндантай мөртлөө утаагүй зуух гэнэ. Огт хийж үзээгүй шахмал түлшээ сайжруулсан гэж нэрлэнэ. Сонсоод л шууд итгэл төрөхөөр нэр өгнө шүү дээ. Эдгээрт л гэхэд зарцуулсан мөнгийг нь нэгтгээд сонсвол галзуурч мэдэхээр тоо гарна. Өнөөдөр “…Үе үеийн зуухнууд хэн хэний бизнес байсан бэ. Түүнд түлдэг түлш нь хэн хэнд мөнгө олж өгдөг вэ” гэдэг нь бүгд л ил болчихлоо. Удахгүй нэр, устайгаа гарч ирж булайгаа дэлгэх дээрээ л тулаад байгаа сурагтай байгаа шүү. Хамгийн гол нь тэдгээр төслүүдээс үр дүн гардаггүй. Өнөөдрийн утааны өнгө, үнэр, хор бол өнгөрсөн он жилүүдийн “тэмцэл”-ийн дүн юм.
Гэхдээ өнгөрсөн жил Засгийн газраас шийдвэр гаргаж, утааны асуудлыг Улаанбаатар хотын захиргаанд хариуцуулсан. Улаанбаатар хотын захирагч Х.Нямбаатар сая “…Утааг хэрхэх вэ” гэдгээ ярьж байна. Тэрээр “…Утааг багасгаж, гэр хорооллыг бууруулах, агаар, хөрсний бохирдлоос ангижрах шийдэл нь орон сууцжуулах бодлого юм байна гэж тодорхойлсон. Бид нүүрс болон утаа гаргах бусад төрлийн түлшнээс татгалзаж, дараагийн эх үүсвэрийг эрэлхийлэх цаг ирсэн” гэж мэдэгдэв. Гоё шийдэл, бас зөв. Гэхдээ энэ бүхнийг энэ өвөлдөө хэрэгжүүлж амжихгүй юм байна. Х.Нямбаатар “…Сэлбэ, Баянхошуу болон Ханын материалд 20.000 айлын цогцолбор хороолол барина. Сүхбаатар дүүргийн 14, Чингэлтэй дүүргийн 14, 18 дугаар хороонд жишиг Сэлбэ дэд төвийг түшиглэн 158 га талбайд 12 мянган айлын цогцолбор хороолол бүхий Сэлбэ хотыг байгуулах ажлын газар чөлөөлөлтийн ажлыг эхлүүлсэн. Энэ хүрээнд 2000 гаруй нэгж талбар чөлөөлөхөөс өнөөдрийн байдлаар 1700 гаруй айлын газрыг чөлөөлөөд байна. Уг төслийн инженерийн дэд бүтэц бүрэн шийдэгдсэн. Барилга угсралтын тендерийг дөрвөн багцад хуваан ирэх сард зарлахаар бэлтгэл ажлыг хангаж байна. Сонгинохайрхан дүүргийн есдүгээр хорооны нутаг дэвсгэрийн 45 га талбайг хамарч буй Баянхошуу хот төсөлд 5000 айлын орон сууцны хороолол барихаар төлөвлөсөн. Одоогоор инженерийн бүтээн байгуулалтын ажил дууссан. Эхний ээлжийн 440 айлын ногоон орон сууцын барилга угсралтын ажил үргэлжилж байна. Эдгээр төслүүд ашиглалтад орсноор жилд нүүрсхүчлийн хийг 142 мянган тонноор бууруулах боломжтой гэсэн судалгааг албаныхан гаргасан. Сонгинохайрхан дүүргийн 5, 6 дугаар хороо, Ханын материал орчмын 9.7 га талбайд 3000 айлын орон сууцны хорооллыг 2027 онд ашиглалтад оруулна. Тодруулбал “Хайрхан” хороолол “МТ” шатахуун түгээх станц хоёрын голын хошуу хэсэгт төлөвлөлт хийсэн. Жилд 72 мянган тонн нүүрсхүчлийн хий бууруулах боломжтой уг төслийн газар чөлөөлтийн явц 60 хувь буюу 135 нэгж талбарыг чөлөөлөөд байна” гэв. Мөн “…Утааг үүсгэгч эх үүсвэрийн 70 орчим хувийг гэр хорооллын 198 мянган яндангаас гарч буй утаа эзэлж байгаа гэсэн судалгаа гарсан. Тиймээс Улаанбаатар хотын яндангүй бүсийг бий болгоно. Ирэх гуравдугаар сард багтааж 20 мянган айлыг хийн түлштэй холбох ажлыг эхлүүлж, арваннэгдүгээр сард багтааж 20 мянган айлын хийн түлшинд шилжүүлнэ” гэлээ. Түүнчлэн “…Өнгөрсөн 25 жил зөвхөн цаасан дээр яригдсан V цахилгаан станцын төсөлд хөрөнгө оруулах сонирхолтой аж ахуйн нэгжтэй хэлэлцээр хийсэн. Одоогоор хүчин төгөлдөр бичиг баримт үйлдэгдээгүй байгаа учраас ийм аж ахуйн нэгж гэж хараахан хэлж болохгүй байна. Бид V станцыг одоогийн “ТЭЦ II” станцын үнсэн санг түшиглэн батлагдсан бэлэн ТЭЗҮ-ийг үндэслэн төр, хувийн хэвшлийн түншлэлийн хүрээнд хийхээр төлөвлөсөн”, “…Шинэ Зуунмод хотын 220 МВт-ийн дулааны цахилгаан станцын төсөл яригдаж байна. Эмээлт эко аж үйлдвэрийн паркийн 24 МВт дулааны цахилгаан станцын төсөлд 2, 3 аж ахуйн нэгж хөрөнгө оруулах сонирхлоо илэрхийлсэн. “Эрдэнэс баянбогд” хүрэн нүүрсний ордыг түшиглэсэн 300 МВт-ын станцын ТЭЗҮ батлагдаж байгаа. Энэ төсөлд бас хөрөнгө оруулагчид сонирхлоо илэрхийлсэн”, “…Улаанбаатар хотын төвлөрсөн хоёр хогийн цэгийг түшиглэн хот шатааж, 18 МВт-ийн эрчим хүч үйлдвэрлэх үйлдвэр байгуулах ажилд урд хөршийн олон аж ахуйн нэгж хамтарч ажиллах саналаа илэрхийлээд байна. Эдгээр төслүүдийг хөдөлгөж, ойрын жилүүдэд ашиглалтад оруулж байж Улаанбаатар хот утаанаасаа салж, агаар, хөрсний бохирдлоо зэрэг шийднэ” гэв. Утааг амлаж авсан Улаанбаатар хотын захиргаанаас ийм төлөвлөгөө танилцууллаа.
Гэхдээ Улаанбаатар хотын захирагчийн амнаас “…84 мянган айлын зуухыг яаралтай шинэчил гэдэг дүгнэлт гарсан. Үүнээс болж хүмүүс угаартаж үхээд байна” гэсэн үг гарав. Дахиад л утаагүй зуух… Ерөөсөө энэ утаагүй зуухнаас бүгдээрээ залхмаар байгаа юм. Иргэд бол залхсан. Энэ нь мэдэгдэж байна. Шийдвэр гаргагчид залхах үлдэв. Ер нь бол иргэд “…Утаа их байна” гэхээр төр “…Өө, дор нь байхгүй болгоё” гэнэ. “…Яаж” гэхээр “…Утаагүй зуух тараана. Зуухандаа сайжруулсан түлш түлье” гэдэг. Утааг 20 жил ярьсан. Үүний 10 гаруйд нь энэ утаагүй зуухаар утаатай тэмцсэн. Үүн дээр түлш нь нэмэгдэнэ. Ингэхдээ утааны эсрэг шийдлийг “утаагүй зуух” гээд байдаг нэг хөшүүргийг энд ашиглаад байна. Тэр нь “…Судалгаа, шинжилгээний дүгнэлт” гэгч юм. Улаанбаатар хотын захирагч ч “…84 мянган айлын зуух” гэж ярихдаа “…Дүгнэлт” гэж байгаа биз. Тэгвэл саяхны нэг ийм дүгнэлтээр “…Улаанбаатар хотын агаарын бохирдлын 80 хувийг гэр хорооллын айл өрхийн гэрийн зуух, аж ахуйн нэгж, байгууллагын 3200 орчим халаалтын зуух ялгаруулж байна” гэчихсэн байна. Бас дээрээс нь “…Улаанбаатарт ирж суурьших хүмүүсийн тоо өсөхийн хэрээр утаа нэмэгдэж байна” гэдэг дүгнэлт бий. Энэ талаар “…НИТХ-ын 1995 оны 19 дүгээр тогтоолоор “…Нийслэл хотод шилжин суурьших, түр оршин суух, нийслэлээс шилжин явах тухай түр журам” баталж нийслэлд оршин суух хүсэлт гаргасан иргэд 1995 оны арваннэгдүгээр сарын 15-наас эхэлж нэг удаагийн төлбөр төлдөг болсон. Тогтоол хэрэгжиж эхэлсэн эхний хоёр жилд шилжих хөдөлгөөн буурсан ч 1998 оноос буцаад өссөн. Тус журмыг 2004 оны хоёрдугаар сарын 18-ны 20 дугаар тогтоолоор “…Иргэдийн шилжих хөдөлгөөнийг бүртгэх журам” гэж шинэчлэн баталсан. Энэ журмаар ямар нэг төлбөр хураамжгүй болсон. Журам батлагдсанаас хойш шилжих хөдөлгөөн хоёр дахин өссөн. 1999-2003 он хүртэл жил дараалан ган зудад 13 сая гаруй мал хорогдож, олон тооны өрх айл орлогын эх үүсвэргүй болж 2002-2004 он хүртэл жилд дунджаар 35.7 мянган хүн шилжин ирсэн. Улаанбаатар хотын захирагчийн А/17 дугаар захирамжаар 2017 оны нэгдүгээр сарын 9-нөөс эрүүл мэндийн тусламж, үйлчилгээ авах зайлшгүй шаардлагатай болон албан томилолтоор нийслэлд зургаан сараас дээш хугацаагаар ажиллах төрийн албан хаагч, түүний гэр бүл, Улаанбаатар хотод орон сууц худалдан авснаас бусад тохиолдолд хөдөө орон нутгаас нийслэлд ирэх шилжилт хөдөлгөөнийг 2020 оны нэгдүгээр сарын 1 хүртэл түр зогсоосон. Ингэснээр шилжин ирэлт 2017 онд өмнөх оноос 2.4 дахин, 2018 онд өмнөх оноос 1.6 дахин буурсан ч 2019 оноос эргээд нэмэгдсэн” гэж байгаа юм. Өөрөөр хэлбэл, “&#8230;Улаанбаатарт яндан нэмэгдээд байгаа учраас зуухыг нь өгөх шаардлагатай” гэдэг логик энд үйлчилдэг байгаа юм. Чухамдаа энэ л олон жилийн туршид “…Утааны эсрэг утаагүй зуухаар л тэмцэнэ” гэдэг улс төрийн шийдвэрийн үндэс болж иржээ. Тэгэхээр “…Энэ жилийн зуух тараалт нь “…Утаагүй зуухаар л утаатай тэмцэнэ” гэдэг улс төрийн сүүлчийн шийдэл нь байгаасай” гэж л хүсье дээ.
&nbsp;
Эх сурвалж: “Зууны мэдээ” сонин

“…Утаагүй зуухаар л утаатай тэмцэнэ” гэдэг улс төрийн шийдэл юунд дөрөөлдөг вэ?! DNN.mn

УИХ-ын гишүүн П.Сайнзориг нарын  гишүүд өчигдөр Монгол Улсад хөдөлмөр эрхлэх гадаад ажилтны тоо, хувь хэмжээ тогтоохгүй байх, ажлын байрны төлбөрөөс чөлөөлөх тухай хуулийн төсөл өргөн барьсан. Уг хуулийн төслийн талаар УИХ-ын гишүүн П.Сайнзориг, Н.Батсүмбэрэл нар мэдээлэл хийлээ.
УИХ-ын гишүүн П.Сайнзориг: -Гадаадын иргэний эрх зүйн байдлын тухай хуулийн 27.4-т &#8220;Монгол Улсын нутаг дэвсгэрт хувийн хэргээр оршин суугаа гадаадын иргэдийн тоо Монгол Улсын харьяат хүн амын гурван хувь, үүний дотор нэг улсын иргэн нэг хувь хүртэл байж болно&#8221; гээд заачихсан байгаа. Энэ хэмжээндээ барьдаг. Цаашдаа ч барина. Өнөөдөр квот гэдэг зүйл бол дарга нарын аж ахуй нэгжүүдийг зовоох хэрэгсэл болсон. Энэ квотын авч гадаадаас ажиллах хүч оруулж ирсэн компаниудын хүмүүсийг хараарай. Дандаа улстөрчид байгаа. Жижиг дунд бизнес эрхэлж буй хүмүүс нэг ч квотод хамрагдаж чаддаггүй. Энэ бол үндэсний аюулгуй байдалд харшлаад байгаа зүйл биш. 10 гаруй ажилтантай бизнес эрхлэгч шинэ тоног төхөөрөмж аваад түүнийгээ ажиллуулах мэргэшсэн инженер гаднаас оруулж ирж чадахгүй байна. Гэтэл томоохон ААН энэ квотод хамрагдаад Засгийн газарт ажлын байрны төлбөрөөс 100 хувь чөлөөлөгдөж байна. Үүнийг болиулах хэрэгтэй. Жилд 20 орчим мянган ажиллах хүч оруулж ирэх квот тогтоодог. Манайхан ажиллах хүч оруулж ирнэ гэхээр дандаа хятад иргэн гэж ойлгоод байдаг. Хуулийн хэм хэмжээнд байгаа.  Гаднаас оруулж ирж байгаа нэг иргэнд жилд 15 сая 600 мянган төгрөг төлдөг. Энэ нь байр, хоол, цалин хөлс, нийгмийн даатгал зэрэг багтаагүй төлбөр. Тиймээс энэ нь жижиг аж ахуй нэгжид маш хүнд тусч байгаа. Өнгөрсөн жил 6500 ажилтныг чөлөөлье гэсэн хүсэлт Засгийн газарт ирэхэд 5673 ажилтныг 100 хувь чөлөөлсөн байна. Татварт орох энэ мөнгийг  ямар үндэслэлээр чөлөөлөөд байгаа юм, иргэд мэдэх эрхтэй&#8221; гэлээ.
Эх сурвалж:www.polit.mn

П.Сайнзориг: Квот авч гадаадаас ажиллах хүч оруулж ирсэн компанийн хүмүүсийг хараарай, дандаа улстөрч байгаа DNN.mn

УИХ-аас Үндэсний баялгийн сангийн тухай хуулийг 2024 оны 04 дүгээр сарын 19-ний өдөр баталсан. Үндэсний баялгийн сангийн тухай хуулийг хэрэгжүүлэх ажлын хүрээнд өнөөдрийн  /2024.12.20/ Засгийн газрын хуралдаанаар Монгол Улсын иргэн бүрд хуримтлалын нэрийн данс үүсгэх, хөтлөх, сангаас зарцуулалт хийх журмын төслийг хэлэлцүүлж, Засгийн газрын тогтоолоор батлууллаа.
Ийнхүү Үндэсний баялгийн сангийн тухай хууль, баталсан журмын дагуу газрын хэвлийн баялгийг Монгол Улсын нийт иргэд эзэмших бодит боломж бүрдэж, өнөөдрөөс эхлэн иргэн бүрээр Хуримтлалын нэрийн дансны бүртгэл үүсгэж E-Mongolia цахим платформоор харах боломжийг бүрдүүллээ.
Ингэснээр өнөөдөр Монгол Улсын 3.5 сая иргэн Хуримтлалын нэрийн данстай болж, иргэн бүрт 135 мянган төгрөгийн ногдол ашиг бүртгэгдэж эхэллээ.
Хуримтлалын сан нь уул уурхайн ТӨХК-иудын 34 хувь хүртэлх ногдол ашгаас бүрддэг ба энэ нь ард иргэдийн эрүүл мэнд, боловсрол, орон сууцад зарцуулагдах учиртай.
АЛХАМ 1:
<ul>
<li><a href="https://e-mongolia.mn/home/" target="_blank" rel="noopener">Emongolia</a>  системд өөрийн бүртгэлээр нэвтэрнэ.</li>
</ul>
АЛХАМ 2:
<ul>
<li>Профайл хэсэг дахь “Чингис хаан” Үндэсний баялгийн Сан цэсийг нээнэ. Энэ хэсэгт таны болон бусад гэр бүлийн зарим гишүүний хуримтлалын нэрийн дансны бүртгэл, дансны үлдэгдлийн мэдээлэл харагдана.</li>
</ul>

Иргэн бүрд олгосон 135.000 төгрөгийн хадгаламжаа шалгах заавар DNN.mn

Хамгийн том электрон бараа, компьютер, гар утасны дэлгүүр болох BSB-гийн бүх салбар дэлгүүрүүд 12-р сарын 21-нээс 25-ныг дуустал ердөө 5-хан өдөр CHRISTMAS SALE зарлаж БҮХ БАРАА-гаа нэмж 10% хямдруулж байна.
Өөрөөр хэлбэл, BSB-д худалдаалагдаж байгаа БҮХ электрон бараа, компьютер, гар утаснууд одоо мөрдөгдөж байгаа Шинэ жилийн баярын худалдааны бэлэг, урамшуулал дээрээ нэмээд 10% хямдарч байна!
Мөн та хүссэн бараагаа хямдралтай үнээр нь урьдчилгаа төлбөргүй лизингээр газар дээр нь ердөө 10-хан минутанд шууд гаргуулаад авах боломжтой.
BSB-гийн бүх салбар дэлгүүрүүд 12-р сарын 21, 22, 23, 24, 25-ны өдрүүдэд оройн 11:00 цаг хүртэл уртасгасан цагаар ажиллах тул та өөрийн ажлаа амжуулчаад, замын түгжрэлд санаа зоволгүйгээр BSB-гийн аль нэг салбараар зочилж CHRISTMAS SALE-д 
амжиж оролцоорой.
CHRISTMAS SALE хямдралтай худалдаа нь Дархан, Эрдэнэт, Даланзадгад хотууд дахь BSB-гийн салбар дэлгүүрүүдэд мөн адил явагдаж байна.
Электрон бараа үзэх: <a style="color: #00ccff;" href="https://bsb.mn/categories/electronics">https://bsb.mn/categories/electronics</a> Компьютерын бараа үзэх: <a style="color: #00ccff;" href="https://bsb.mn/categories/computer">https://bsb.mn/categories/computer</a> 
Гар утас үзэх: <a style="color: #00ccff;" href="https://bsb.mn/categories/mobile_all">https://bsb.mn/categories/mobile_all</a> 
Салбар дэлгүүрүүдийн хаяг байршил харах: <a style="color: #00ccff;" href="https://bsb.mn/help/centers/contact-us">https://bsb.mn/help/centers/contact-us</a> 
Харилцах утас: 7722-0272
&nbsp;
“CHRISTMAS SALE 10%” 
Зөвхөн BSB-д

“CHRISTMAS SALE” ХЯМДРАЛТАЙ ХУДАЛДАА BSB-д

Монгол Улсын Их Хурлын дарга Д.Амарбаясгаланд өнөөдөр (2024.12.20) Гэр бүл, хөдөлмөр, нийгмийн хамгааллын сайд Л.Энх-Амгалан Ажиллах хүчний шилжилт хөдөлгөөний тухай хуульд нэмэлт, өөрчлөлт оруулах тухай хуулийн төслийг өргөн барилаа.
Хууль санаачлагчийн зүгээс хөдөлмөрийн зах зээлд дотоодын ажиллах хүчний хомсдол бодитоор тулгарч, жилд дунджаар 30-40 мянган ажлын байр ажиллах хүчний дутагдалтай  байгааг дурдав. Тэрбээр үргэлжлүүлэн, Засгийн газрын 2024-2028 оны үйл ажиллагааны хөтөлбөрт туссан 14 мега төслийг хэрэгжүүлэхэд 280 мянган ажлын байрны хэрэгцээ байгааг тодотгоод, дотоодын ажиллах хүчний хомсдолыг нөхөх, хөрөнгө оруулалт, бизнес эрхлэлтийг нэмэгдүүлэхийн тулд уян хатан бодлого баримталж буйг онцлов. Ингэхдээ эдийн засгийн өндөр бүтээмж бүхий уул уурхай, олборлолт, мэдээлэл холбоо, банк санхүү зэрэг салбаруудад гадаад ажилтны тоо, хувь хэмжээг хязгаартай тогтоох, дотоодын ажиллах хүчнийг эдгээр салбаруудад түлхүү ажиллуулах бодлогыг дэмжинэ гэв.
Уг хуулийн төсөлд аж ахуйн нэгж, байгууллагууд гадаад ажилтан авч ажиллуулахтай холбоотой хүнд суртлыг арилгах, зарим процессыг хялбаршуулан цахимжуулах зэрэг зохицуулалтыг нэмж тусгажээ хэмээн Улсын Их Хурлын Хэвлэл мэдээллийн газраас мэдээллээ.

Ажиллах хүчний шилжилт хөдөлгөөний тухай хуульд нэмэлт, өөрчлөлт оруулах тухай хуулийн төслийг өргөн барилаа DNN.mn

ХӨСҮТ-өөс хамгийн сүүлд хийсэн тандалтын мэдээгээр нийт сорьцын 20-28 хувьд нь томуугийн А хүрээний вирус бүртгэгджээ.
Томуугийн А хүрээний вирус сэхээнд орох, амь насаа алдах эрсдэлд хүргэдэг бөгөөд өмнө нь бүртгэгдэж байсан томуу, томуу төст өвчний адино, рино зэрэг вирусээс ялгаатай аж.
Томуу, томуу төст өвчнөөр өвчлөгсдийн дийлэнх нь бага насны хүүхдүүд бол томуугийн А хүрээний вирусний эрсдэлт бүлэг нь жирэмсэн эмэгтэйчүүд, 65-аас дээш насныхан байна.
Түүнчлэн чихрийн шижинтэй, хавсарсан өвчлөлтэй иргэд А хүрээний вирусээр өвдсөн тохиолдолд хүндрэх, сэхээнд орох, амь насаа алдах эрсдэлтэй тул шаардлагагүй тохиолдолд гадуур гарахгүй байх, олон нийтийн газар бага насны хүүхдийг дагуулж явахгүй байх, халдвар хамгааллын дэглэм баримтлахыг эмч мэргэжилтнүүд анхаарууллаа.

Хайх