<p>Улсын харцага Г.Ганхуягийг &#8220;Бусдыг заналхийлсэн&#8221; гэх хэрэгт буруутгаж өнгөрсөн дөрөвдүгээр сарын 12-ны  өдөр хойшлуулшгүйгээр цагдан хорьсон юм.</p>
<p>Тэгвэл яллагдагч Г.Ганхуягийн өмгөөлөгчийн 2025/ЦХШЗ/1485дугаартай шүүгчийн захирамжийг эс зөвшөөрч Ерөнхий шүүгчид гаргасан гомдлыг тус шүүхийн Эрүүгийн хэргийн танхимын тэргүүн хянан хэлэлцээд яллагдагч гомдлыг хангаж, шүүгчийн захирамжийг өөрчилж, яллагдагч Г.Ганхуягд авсан цагдан хорих таслан сэргийлэх арга хэмжээг хүчингүй болгож шийдвэрлэжээ.</p>
<p>Улмаар Улсын харцага Г.Ганхуягийг өчигдөр цагдан хорионоос сулласан байна.</p>


Г.Ганхуягийн цагдан хориог хүчингүй болгож суллажээ

<div class="xdj266r x11i5rnm xat24cr x1mh8g0r x1vvkbs x126k92a">
<p dir="auto">Арга хэмжээнд оролцох хүүхдүүдэд энгэрийн дугаар олгох дараалал ХЭТ АЧААЛАЛТАЙ байх тул 05 дугаар сарын 30-ны өдөр 08:30-17:30 цагийн хооронд Хүний эрхийн Үндэсний Комиссын байр буюу Засгийн газрын 12 дугаар байр /Барилгачдын талбай/-наас ирж оролцогчийн дугаараа авна уу.</p>
</div>
<div dir="auto">Амжаагүй тохиолдолд 05 дугаар сарын 31-ний өдөр Цэцэрлэгт хүрээлэнгийн усан оргилуурын арын хэсэгт байрлах Бүртгэлийн асарт 08:00 цагаас эхлэн оролцогчийн энгэрийн дугаар олгоно. /Ачаалал өндөр байхыг харгалзан үзнэ үү/</div>
<div dir="auto">Арга хэмжээтэй холбоотой мэдээллийг бүртгүүлэгчдийн хувийн мэйл рүү илгээсэн тул Та бүхэн мэйл хаягаа ШАЛГАНА УУ.</div>
<div dir="auto">Гүйлтийн арга хэмжээний ЦАГИЙН ХУВААРЬ</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<ul>
<li dir="auto">09.30-10.00 цаг Нээлт</li>
<li dir="auto">10.00-11.30 цаг 6-7 нас /500 метр/</li>
<li dir="auto">11.30-13.00 цаг 8-9 нас /500 метр/</li>
<li dir="auto">13.00-14.30 цаг 10-11 нас /1 км/</li>
<li dir="auto">14.30-16.00 цаг 12-13 нас /1км/</li>
<li dir="auto">16.00-17.00 цаг 14-15 нас /1.5км/</li>
<li dir="auto">17.00-18.00 цаг 16-17 нас /1.5км/</li>
<li dir="auto">18.00 цагт Хаалт</li>
</ul>
</div>


“Хүүхдийн марафон-2025” гүйлтийн арга хэмжээнд бүртгүүлсэн иргэдийн анхааралд

<p style="font-weight: 400;">Улсын Их Хурлын Байгаль орчин, хүнс, хөдөө аж ахуйн байнгын хорооны өнөөдрийн /2025.05.30/ хуралдаанаар нэг асуудал хэлэлцэн шийдвэрлэв.</p>
<p style="font-weight: 400;">Хуралдаанаар Агаарын бохирдол, утааны асуудлаар ерөнхий хяналтын сонсголын бэлтгэлийг хангах, зохион байгуулах үүрэг бүхий ажлын хэсгийн тайланг сонссонтой холбогдуулан боловсруулсан “3асгийн газарт чиглэл өгөх тухай” Улсын Их Хурлын тогтоолын төслийг дахин хэлэлцлээ.</p>
<p style="font-weight: 400;">Байнгын хорооны 2025 оны 04 дүгээр сарын 15-ны өдрийн хуралдаанаар дээрх тогтоолын төслийг хэлэлцэн дэмжсэн билээ. Тогтоолын төслийн хүчин төгөлдөр болох хугацааг өөрчлөхөөр болсонтой холбогдуулан асуудлыг дахин хэлэлцэхээр болсныг Байнгын хорооны дарга Б.Бейсен гишүүдэд танилцуулав.</p>
<p style="font-weight: 400;">Тогтоолын төслийн хүчин төгөлдөр болох хугацаа 5 дугаар сарын 1-ний өдөр гэснийг 6 дугаар сарын 15-ны өдөр гэж өөрчлөхөөр төсөлд тусгасан байв.</p>
<p style="font-weight: 400;">Хэлэлцэж буй асуудалтай холбогдуулан асуулт асууж, үг хэлэх гишүүн байгаагүй тул төслийг чуулганы нэгдсэн хуралдаанаар хэлэлцэхийг дэмжье гэдэг саналын томьёоллоор санал хураахад, хуралдаанд оролцсон гишүүдийн олонх дэмжлээ. Энэ талаарх Байнгын хорооны санал, дүгнэлтийг чуулганы нэгдсэн хуралдаанд танилцуулахаар тогтов <b><strong><em>хэмээн Улсын Их Хурлын Хэвлэл мэдээллийн газраас мэдээлэв.</em></strong></b></p>


“3асгийн газарт чиглэл өгөх тухай” Улсын Их Хурлын тогтоолын төслийг дахин хэлэлцлээ

SAMSUNG: ХАВРЫН ХЯМДРАЛ ҮНЭ ХАЙЛЛАА

<p style="font-weight: 400;">Улсын Их Хурлын 2025 оны хаврын ээлжит чуулганы өнөөдрийн (2025.05.30) нэгдсэн хуралдаан 10 цаг 00 минутад <a href="https://www.parliament.mn/nn/74936/">гишүүдийн 54.8 хувийн ирцтэй</a>гээр эхэлж, Монгол Улсын Их Хурлын чуулганы хуралдааны дэгийн тухай хуулийн 44 дүгээр зүйлийн 44.3 дахь хэсэгт “Долоо хоногийн Баасан гарагийн 10.00 цагт нэгдсэн хуралдаанаар хуулийн төслийг эцэслэн батлах санал хураалт явуулна…” хэмээн заасны дагуу хууль, тогтоолын төслүүдийг эцэслэн батлах санал хураалт явууллаа. Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төслийг Улсын Их Хурлын 65 гишүүн дэмжиж, баталлаа. Зөвшөөрлийн тухай хуульд нэмэлт, өөрчлөлт оруулах тухай хуулийн төслийг Улсын Их Хурлын 67 гишүүн дэмжиж батлав. Үргэлжлүүлэн хамт өргөн мэдүүлсэн хууль, тогтоолын төсөл нэг бүрээр санал хураалт явуулан шийдвэрлэсэн.</p>
<p style="font-weight: 400;">Нэгдсэн хуралдаанаар үргэлжлүүлэн Засгийн газраас 2025 оны 5 дугаар сарын 16-ны өдөр өргөн мэдүүлсэн <a href="https://d.parliament.mn/tusul/99c6e75f-ab7d-4984-a0cc-4a5813a14080">Байгаль орчинд нөлөөлөх байдлын үнэлгээний тухай хуульд нэмэлт, өөрчлөлт оруулах тухай хуулийн төсл</a>ийн хэлэлцэх эсэхийг шийдвэрлэлээ. Төслийн талаар Улсын Их Хурлын гишүүн, Засгийн газрын гишүүн, Байгаль орчин, уур амьсгалын өөрчлөлтийн сайд С.Одонтуяа танилцуулав.</p>
<p style="font-weight: 400;">Байгаль орчинд нөлөөлөх байдлын үнэлгээний тухай хууль нь 1998 онд батлагдаж, 2012 онд шинэчилсэн найруулга хийж, зургаан удаа нэмэлт, өөрчлөлт оруулсан бөгөөд өнгөрсөн 10 гаруй жилийн хугацаанд хуулийн зарим зүйл, заалт хоорондоо зөрчилдөх, зохицуулалт давхцах, тодорхой бус хоёрдмол утга илэрхийлэх, төсөл хэрэгжүүлэгчдэд эдийн засгийн болоод цаг хугацааны хүндрэл учруулах зэрэг асуудал гарч байгаа тул эдгээр асуудлын эрх зүйн зохицуулалтыг сайжруулах зайлшгүй шаардлагатай байгааг  онцлов.</p>
<p style="font-weight: 400;">Хууль тогтоомжийн хэрэгжилтийн үр дагаврын үнэлгээгээр байгаль орчны нөлөөллийн үнэлгээний тайланд төсөл хэрэгжих нутаг дэвсгэрийн захиргаа, төслийн нөлөөлөлд өртөх нутгийн иргэдийн Нийтийн Хурлын санал, тэмдэглэл гэж заасныг хэрэгжүүлэхэд олон талын хүндрэл гарч, хоног хугацаа алдаж, шаардлагатай төслүүд явахгүй гацдаг, байгаль орчны нөлөөллийн ерөнхий болон нарийвчилсан үнэлгээний төслийн ангиллыг хуулийн хавсралтаар хатуу тогтоосноор тухайн төслийн байгаль орчинд үзүүлэх нөлөөлөл, цар хүрээ, төрөл, төсөл хэрэгжих газар нутгийн байршил хүчин чадлыг харгалзан үзэх боломжгүй. Мөн байгаль орчинд нөлөөлөх байдлын үнэлгээнд нийгмийн нөлөөллийн үнэлгээ, уур амьсгалын өөрчлөлт, олон улсын банк, санхүүгийн байгууллагын стандартыг хөгжлийн чиг хандлагад нийцүүлэн тусах хэрэгцээ, шаардлагатай зэрэг нөхцөлийг тогтоосон. Иймд нөхцөл байдлыг хянан үзээд хууль хэрэгжүүлэхэд гарч буй хүндрэлийг арилгах үүднээс Байгаль орчинд нөлөөлөх байдлын үнэлгээний тухай хуулийн эх бичвэрт 20 хэсэг 5 заалтыг нэмж тусган, 11 хэсэг, 4 заалтыг өөрчлөн найруулж, нийт хуулийн 44 заалт буюу 32.8 хувьд нэмэлт, өөрчлөлт оруулахаар хуулийн төслийг боловсруулсныг салбарын сайд танилцуулгадаа дурдлаа.</p>
<p style="font-weight: 400;">Хуулийн төсөл батлагдсанаар байгаль орчинд нөлөөлөх байдлын үнэлгээний тухай хуулийн хэрэгжилт сайжирч, төсөл хэрэгжүүлэгч хөрөнгө оруулагч нарт учирч байсан цаг хугацаа алдах, бичиг баримтын бүрдэл хангах, хүлээх, төрийн байгууллага хооронд явах, олон нийтийн оролцооны асуудлаас болж төслийн хэрэгжилт гацах, санхүүгийн алдагдал хүлээх зэрэг асуудлыг цогцоор нь шийдэх эрх зүйн орчин бүрдэнэ. Мөн асуудал эрхэлсэн төрийн захиргааны байгууллага байгаль орчны үнэлгээтэй холбоотой төрийн үйлчилгээг шуурхай, чирэгдэлгүй хүргэх, цахим хэлбэрээр ажиллах, мэргэшсэн мэргэжилтэн ажиллуулах, ангиллыг сайжруулах замаар төвлөрлийг сааруулах, оролцогч талуудын ажлын уялдаа холбоо сайжрах нөхцөл бүрдэнэ. Түүнчлэн Байгаль орчинд нөлөөлөх байдлын үнэлгээний шинэчилсэн ангиллаар нийт төслийн 38 хувь нь ангилал буурч, байгаль орчны нөлөөллийн ерөнхий үнэлгээний дүгнэлт хийлгэх болон шалгах хуудсаар бүртгүүлэх боломжтой болно гэж төсөл санаачлагч үзжээ.</p>
<p style="font-weight: 400;">Төслийн хэлэлцэх эсэхийг хэлэлцсэн талаарх Байгаль орчин, хүнс, хөдөө аж ахуйн байнгын хорооны санал, дүгнэлтийг Улсын Их Хурлын гишүүн Б.Уянга нэгдсэн хуралдаанд танилцуулсан юм. Тус Байнгын хороо 2025 оны 5 дугаар сарын 28-ны өдрийн хуралдаанаараа төслийн хэлэлцэх эсэх асуудлыг хэлэлцэн шийдвэрлэсэн бөгөөд хуралдаанд оролцсон гишүүдийн олонх Байгаль орчинд нөлөөлөх байдлын үнэлгээний тухай хуульд нэмэлт, өөрчлөлт оруулах тухай хуулийн төслийг үзэл баримтлалын хүрээнд хэлэлцэхийг дэмжээгүй байна.</p>
<p style="font-weight: 400;">Олон улсын хүүхдийн эрхийг хамгаалах өдөр, хүүхдийн баяр маргааш тохиож буйтай холбогдуулан Монгол Улсын Их Хурлын урилгаар хүүхдүүдийн төлөөлөл Төрийн ордонд зочилж, парламентын хуралдааны танхимд ирсэн байгааг Д.Амарбаясгалан дарга танилцуулаад Монгол Улсын Их Хурлын нэрийн өмнөөс, Монгол Улсын Их Хурлын гишүүдээ төлөөлөн мэндчилгээ дэвшүүллээ. Тэрбээр “Монгол Улсад хүүхдийн байгууллага үүсэж, хөгжсөний 100 жилийн ой энэ онд тохиож байна. Манай парламентын хувьд хүүхдийн хөгжил, хамгаалал, оролцоо, эрхийг хамгаалах хууль тогтоомжийг сайжруулах чиглэлээр Улсын Их Хурлын даргын захирамжаар ажлын хэсгүүд байгуулсан нь ажиллаж байгааг зочин хүүхдүүдэдээ дуулгахад таатай байна. Та бүхний оролцоо, дуу хоолой маш чухал байдаг. Эх орондоо хүмүүнлэг, иргэний, ардчилсан нийгмийг цогцлоох ирээдүй, эзэд болох хүүхдүүд Та бүхэндээ болон Монгол Улсын нийт хүүхэд багачуудадаа баярын мэнд дэвшүүлж, эрдэм номдоо шамддаг, хөгжил дэвшилд тэмүүлдэг, эх оронч, бүтээлч, ёс суртахуунтай иргэн болохын ерөөлийг өргөн дэвшүүлж байна. Монголын бүх хүүхэд багачууд, эцэг, эхчүүдэдээ эрүүл энх, аз жаргал, сайн сайхан бүхнийг Монгол Улсын Их Хурал, нийт гишүүдийн нэрийн өмнөөс хүсэн ерөөе” гэлээ.</p>
<p style="font-weight: 400;">Үргэлжлүүлэн төслийн хэлэлцүүлгийг явуулсан бөгөөд төсөл санаачлагчийн илтгэл, Байнгын хорооны санал, дүгнэлттэй холбогдуулан асуулт асуухаар өмнөх өдрийн 16.00 цагаас өмнө хуралдаан даргалагчид урьдчилан гишүүдийн нэрсийн дарааллын дагуу асуулт асууж, салбарын сайд болон ажлын хэсгийн гишүүдээс хариулт, тайлбар авав. Улсын Их Хурлын гишүүн Б.Бат-Эрдэнэ орон нутгийн иргэдээс санал бараг аваагүй, тухайн орон нутагтаа амьдарч байгаа иргэдийн амьдрах нөхцөл байдалтай холбоотой асуудлаа бүрэн судлалгүйгээр төслийг боловсруулсан гэв. Тухайлбал, төслийг байгаль орчинд үзүүлэх нөлөөлөл, цар хүрээ, төсөл хэрэгжих газар нутгийн байршил, хүчин чадлыг харгалзан 3 ангилна гэсэн атлаа ангилал бүр нь ямар ялгаатай, онцлогтой талаарх ямар ч томьёолол байхгүй, хэрхэн ангилах талаар ойлгомжгүй байдал үүсгэхээр байгааг тэмдэглэн хэлсэн. Мөн дээрх ангиллын дагуу нөлөөллийн үнэлгээ, ерөнхий үнэлгээний талаар нарийвчилан тусгасан хэдий ч дутуу, менежментийн төлөвлөгөөгөөний талаар орхигдуулсныг санууллаа. Энэ нь холбогдох аж ахуйн нэгжүүд үйл ажиллагаагаа төлөвлөх боломжгүй нөхцөл рүү орох эрсдэлтэйг хэлсэн. Түүнчлэн орон нутагт хэрэгжүүлэх төсөл, арга хэмжээг хэрэгжүүлэх хүрээнд тухайн орон нутгийн иргэд болон төсөл, арга хэмжээ хэрэгжүүлэгч хоорондын зөрчлийг шийдвэрлэх асуудлыг хэлэлцэж буй хуулийн төсөлд тодорхой тусгаагүй байгааг шүүмжилсэн.</p>
<p style="font-weight: 400;">Улсын Их Хурлын гишүүн Х.Баасанжаргал аливаа төслийг хэрэгжүүлэхдээ байгаль орчинд нөлөөлөх байдлын үнэлгээнээс гадна нийгмийн болоод соёлын нөлөөллийн үнэлгээг хийх талаар салбарын яам ямар бодлого хэрэгжүүлдэг талаар тодрууллаа. С.Одонтуяа сайд хариулахдаа “Шинээр байгуулах болон ажиллаж байгаа үйлдвэр, үйлчилгээ, уул уурхай, барилга байгууламж, тэдгээрийг шинэчлэх, өргөтгөх зэрэг аливаа үйл ажиллагааг хэрэгжүүлэхдээ зөвхөн байгаль орчинд нөлөөлөх байдлын үнэлгээ л хийдэг байсан. Төсөл нь тухайн газар нутгийн амьтан, ургамал, хүрээлэн буй орчиндоо ямар нөлөө үзүүлэх талаар үнэлдэг байснаас иргэдэд хэрхэн нөлөөлөх тухай хөнддөггүй байсан. Тэгэхээр байгаль орчин нөлөөлөх байдлын үнэлгээнд нийгмийн нөлөөллийн үнэлгээг тусгах зохицуулалтыг нэмэхээр хуулийн төсөлд тусгасан. Мөн үнэлгээний журам, ангиллын агуулгад нийгмийн нөлөөллийн үнэлгээ хийх талаар тусгасан байгаа. Ингэснээрээ бид олон улсын стандартад нийцсэн нөхцөлийг бүрдүүлэх юм” гэлээ. Үүний зэрэгцээг хуульд томьёолсон “төсөл хэрэгжүүлэгч” гэдэг ангилалд үсчин, барилгын материалын дэлгүүр, эмийн сан, уул уурхайн компани бүгд багтаад, ижил шаардлага хангах болдгийн нэг нь 152 хоногт багтаж үнэлгээ хийлгэх болдог. Иймээс хуулийн төсөлд үүний ялгааг гаргах зорилгоор 3 ангилж, холбогдох шаардлагыг ялгаатайгаар тусгасан гэв.</p>
<p style="font-weight: 400;">Орон нутагт аливаа төрлийн үйл ажиллагааг шинээр эхлүүлэх, эсвэл явж байсан үйл ажиллагааг өргөжүүлэх, өөрчлөхдөө тухайн орон нутгийн иргэдээс асуудаггүйгээс нөлөөлөлд өртөж буй иргэд нь Үндсэн хуулиар олгогдсон эрүүл, аюулгүй орчинд амьдрах эрхээ зөрчүүлдэг болохыг Л.Мөнхбаясгалан гишүүн тэмдэглэж, байр суурь илэрхийлэв. Улсын Их Хурлын гишүүн Р.Сэддорж хуулийн төслийг хэлэлцэхийг дэмжиж байгаа хэдий ч төсөл дэх “Засаг дарга 10 хоногт хариу өгөхгүй бол зөвшөөрсөнд тооцно” хэмээн тусгаж буйг өөрчлөх ёстой гэдэг байр суурийг илэрхийлсэн.</p>
<p style="font-weight: 400;">Үргэлжлүүлэн Улсын Их Хурлын гишүүн С.Ганбаатар, Д.Рэгдэл, Б.Уянга, Д.Пүрэвдаваа нар асуулт асууж, Байгаль орчин, уур амьсгалын өөрчлөлтийн сайд болон ажлын хэсгийн гишүүдээс хариулт, тайлбар, мэдээлэл авсан юм.</p>
<p style="font-weight: 400;">Хуулийн төслийн талаар Байнгын хорооноос гаргасан санал, дүгнэлттэй холбогдуулан Д.Ганмаа гишүүн үг хэллээ. Уул уурхайн салбар нь манай улсын эдийн засгийн тулгуур учраас холбогдох хууль тогтоомжоо олон улсын стандартад нийцүүлэх нь чухал хэмээгээд “Тухайн газар нутагт хэрэгжүүлэх төсөл нь бүс нутгийн иргэдийн эрүүл мэндэд хэрхэн нөлөөлөх талаар үнэлгээг аль хэсэгт хамааруулах нь тодорхойгүй, ажлын хэсгээс “журмаараа зохицуулна” гэдэг хариулт өгсөн. Гэтэл холбогдох журмууд нь хангалтгүй байгаа. Мөн манай улсын байгаль орчинд нөлөөлөх байдлын үнэлгээ нь олон улсын стандарттай зөрдөг. Үүнийгээ журмаар зохицуулахаар төлөвлөсөн байдаг” гэлээ. Монгол Улсын Их Хурлаас “Гурван төгөлдөршил” бодлогын хүрээнд хуулиас давсан журмуудыг цэгцлэхээр, хүний эрхийг хангах, хамгаалах асуудлыг хуульчилж хүн төвтэй бодлого хэрэгжүүлж ажиллах бодлого баримталж байгаа гэдгийг Д.Ганмаа гишүүн онцлоод холбогдох зохицуулалтаа олон улсын жишигт нийцсэн хэлбэрээр хуулийн төсөлдөө тусгах санал гаргасан.</p>
<p style="font-weight: 400;">Ийнхүү гишүүд асуулт асууж, үг хэлсний дараа Монгол Улсын Их Хурлын чуулганы хуралдааны дэгийн тухай хуулийн 10 дугаар зүйлийн 10.12 дахь хэсгийг баримтлан Байгаль орчинд нөлөөлөх байдлын үнэлгээний тухай хуульд нэмэлт, өөрчлөлт оруулах тухай хуулийн төслийг үзэл баримтлалын хүрээнд хэлэлцэхийг дэмжих эсэх санал хураалтыг үдээс хойших чуулганы нэгдсэн хуралдаанаар явуулна хэмээн Улсын Их Хурлын дэд дарга Х.Булгантуяа зарлав. Үүгээр үдээс өмнөх чуулганы нэгдсэн хуралдаан завсарлав <b><strong><em>хэмээн Улсын Их Хурлын Хэвлэл мэдээллийн газраас мэдээллээ.</em></strong></b></p>


Зөвшөөрлийн тухай хуульд нэмэлт, өөрчлөлт оруулах тухай хуулийн төслийг батлав

<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd" dir="auto">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd" data-ad-rendering-role="story_message">
<div id="«r18j»" class="x1l90r2v x1iorvi4 x1ye3gou xn6708d" data-ad-comet-preview="message" data-ad-preview="message">
<div class="x78zum5 xdt5ytf xz62fqu x16ldp7u">
<div class="xu06os2 x1ok221b">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="xdj266r x11i5rnm xat24cr x1mh8g0r x1vvkbs x126k92a">
<p dir="auto">11 дүгээр сургуулийн уулзвараас Цэцэг төвийн уулзвар хүртэлх авто замын урд эгнээг шинэчилж байна. Тус хэсгийн замыг өнөөдөр 22:00 цагт нээнэ.</p>
</div>
<div dir="auto">Харин авто замын хойд эгнээг тавдугаар сарын 30-ны 22:00 цагаас хааж, зургадугаар сарын 1-ний 06:00 цагт нээнэ.</div>
<div dir="auto">Иймд иргэд, жолооч та бүхэн бусад замыг сонгон хөдөлгөөнд оролцоно уу.</div>
</div>
</div>
</div>
</div>
</div>
</div>
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x1n2onr6">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd">
<div class="x1n2onr6">
<div class="x1n2onr6">
<div class="x6ikm8r x10wlt62 x10l6tqk">
<div class="html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x6ikm8r x10wlt62">
<div class="xqtp20y x6ikm8r x10wlt62 x1n2onr6">
<div class="x10l6tqk x13vifvy"><img decoding="async" class="xz74otr x168nmei x13lgxp2 x5pf9jr xo71vjh x1ey2m1c xds687c x5yr21d x10l6tqk x17qophe x13vifvy xh8yej3" src="https://scontent.fuln2-2.fna.fbcdn.net/v/t39.30808-6/501307845_1014573470851925_3492738851508075761_n.jpg?stp=cp6_dst-jpg_s600x600_tt6&amp;_nc_cat=106&amp;ccb=1-7&amp;_nc_sid=127cfc&amp;_nc_ohc=znVHP_GquAUQ7kNvwE0v5Ba&amp;_nc_oc=AdksLFTksD75Ci2ayvUOwLKrPNv123lYrk4ZrjyE2EmvVJFj3IJYgMj9mY_Ci2jI6o4&amp;_nc_zt=23&amp;_nc_ht=scontent.fuln2-2.fna&amp;_nc_gid=Ji3hg7l1K9yQWg2TSdkrew&amp;oh=00_AfKDWp9LHGBsDWhwnpCAO2UeMkyAfRW0w-E3-zQu48LL5w&amp;oe=683F3291" alt="" /></div>
</div>
</div>
</div>
</div>
</div>
</div>
</div>
</div>
<div class="xabvvm4 xeyy32k x1ia1hqs x1a2w583 x6ikm8r x10wlt62" data-visualcompletion="ignore-dynamic">
<div>
<div>
<div>
<div class="xq8finb x16n37ib">
<div class="x9f619 x1ja2u2z x78zum5 x2lah0s x1n2onr6 x1qughib x1qjc9v5 xozqiw3 x1q0g3np xjkvuk6 x1iorvi4 xwrv7xz x8182xy x4cne27 xifccgj">
<div class="x9f619 x1n2onr6 x1ja2u2z x78zum5 xdt5ytf x193iq5w xeuugli x1r8uery x1iyjqo2 xs83m0k xg83lxy x1h0ha7o x10b6aqq x1yrsyyn">
<div class="x1i10hfl x1qjc9v5 xjbqb8w xjqpnuy xa49m3k xqeqjp1 x2hbi6w x13fuv20 xu3j5b3 x1q0q8m5 x26u7qi x972fbf xcfux6l x1qhh985 xm0m39n x9f619 x1ypdohk xdl72j9 x2lah0s xe8uvvx xdj266r x11i5rnm xat24cr x1mh8g0r x2lwn1j xeuugli xexx8yu x4uap5 x18d9i69 xkhd6sd x1n2onr6 x16tdsg8 x1hl2dhg xggy1nq x1ja2u2z x1t137rt x1o1ewxj x3x9cwd x1e5q0jg x13rtm0m x3nfvp2 x1q0g3np x87ps6o x1lku1pv x1a2a7pz" tabindex="0" role="button" aria-label="Send this to friends or post it on your profile.">
<div class="x1ey2m1c xds687c x17qophe xg01cxk x47corl x10l6tqk x13vifvy x1ebt8du x19991ni x1dhq9h x1o1ewxj x3x9cwd x1e5q0jg x13rtm0m" role="none" data-visualcompletion="ignore"></div>
</div>
</div>
</div>
</div>
</div>
</div>
</div>
</div>
</div>
</div>
</div>
<p class="xd665xh x10l6tqk x1dquyif" data-0="0" data-1="1" data-2="2" data-3="3" data-4="4" data-5="5" data-6="6" data-7="7" data-8="8" data-9="9" data-10="10" data-11="11" data-12="12" data-13="13" data-14="14" data-15="15" data-16="16" data-17="17" data-18="18" data-19="19">


11 дүгээр сургуулийн уулзвараас Цэцэг төвийн уулзвар хүртэлх авто замыг өнөөдөр 22:00 цагт нээнэ

<p>Тагнуулын ерөнхий газрын дарга асан Б.Хурцыг Тайваньд суух худалдааны төлөөлөгчөөр томилуулах саналыг АН-аас хүргүүлээд байсан юм. Улс төрийн хүрээнд үүсээд буй нөхцөл байдалтай холбогдуулан Ардчилсан нам хамтарсан Засгийн газраас гарахаа мэдэгдсэн.</p>
<p>Иймээс Б.Хурцыг Тайваньд суух худалдааны төлөөлөгчөөр томилуулах саналаа эргүүлэн татсан талаар АН-ын Ерөнхий н арийн бичгийн дарга Н.Ганибал мэдээллээ.</p>


Б.Хурцыг Тайваньд суух худалдааны төлөөлөгчөөр томилуулах саналаа эргүүлэн татжээ

<p>Германд шинэ засгийн газар байгуулагдсаны дараа Украины ерөнхийлөгч Владимир Зеленский Берлинд анх удаа айлчилж, энэхүү айлчлалын үр дүнгийн талаар Германы канцлер Фридрих Мерцтэй хамт хэвлэлийн бага хурал хийв. Зеленский Киевт тусалж байгаа Германд онцлон талархал илэрхийлж, “Киевт илүү их зүйл хэрэгтэй байна. Германаас цэргийн тусламж, тэр дундаа бидэнд өгөх агаарын довтолгооноос хамгаалах системээ нэмэгдүүлэхээр болсон” гэж мэдэгдэв. Хэвлэлийн бага хурлын үеэр сэтгүүлчид өөрсдийн хамгийн их сонирхож байгаа асуудал болох Германы TAURUS далавчит пуужинг Украинд нийлүүлэх эсэхийг Мерцээс асуухад “Бид Киевт нийлүүлж байгаа зэвсгээ нууцлах болно. Украин гурван жил хамгаалах дайн хийлээ. Одоо Киев Москвад цохилт өгч, дайны байдлыг тэнцүүлэх цаг болсон” гэж мэдэгдэж байсан канцлер энэ асуултанд тун ч эелдэг байдлаар тодорхой хариулт өгөхгүй өнгөрч “Оросууд Украинд хийх цохилтоо эрчимжүүлж байгаа нь Украинд гал зогсоохын төлөө тэмцэж буй хүмүүсийн нүүр рүү алгадаж байгаа явдал. Тиймээс бид Москвагийн дайны машиныг сулруулахын тулд Орост үзүүлэх шахалтаа нэмэгдүүлж, хэлэлцээр хийх замыг нь нээж өгөх болно. Энэ удаа Герман улс Украинд таван тэрбум еврогийн тусламж үзүүлж байна” гэж хэлэв.</p>
<p>Энэхүү айлчлалын гол үр дүн нь батлан хамгаалах салбарт хамтран ажиллах гэрээнд гарын үсэг зурсан явдал болов. Уг гэрээнд Украин болон Германы Батлан хамгаалахын сайд Рустем Умеров, Борис Писториус нар гарын үсэг зурсан юм. Германы Батлан хамгаалах яам уг гэрээ батлагдсаны дараа “Герман улс Украины алсын тусгалын зэвсгийн үйлдвэрлэлийг санхүүжүүлэх бөгөөд эдгээр зэвсгийн эхний хэсгийг ойрын долоо хоногт багтаан Украинд байрлуулах болно” гэж мэдэгдэв. Ийнхүү Герман улс Украинд алсын тусгалын зэвсгээс гадна энэхүү зэвсгийг үйлдвэрлэх санхүүгийн болон технологи, үйлдвэрийн тоног төхөөрөмж нийлүүлж хамтарсан үйлдвэрлэл байгуулахаар болов. Энэ нь Орос үүнээс хойш Украинд довтлох гэж санах ч хэрэггүй болно гэсэн үг юм. Өнөөг хүртэл Герман Украинд голчлон өөрийн зэвсгийг нийлүүлж, хамтарсан үйлдвэрүүд нь их бууны сум үйлдвэрлэх, хуягт тээврийн хэрэгслийн засвар үйлчилгээ эрхэлдэг байсан бол ийнхүү хоёр улсын хамтарсан үйлдвэр Германы TAURUS далавчит пуужин төдийгүй орчин үеийн бусад алсын тусгалтай зэвсэг үйлдвэрлэж эхлэхээр болов. Хэдийгээр дайн үргэлжилж байгаа ч Берлин дайн дууссаны дараа юу хийх талаар аль хэдийн бэлтгэж байгааг илтгэж Германы канцлер Мерц энэ хэвлэлийн бага хурал дээр “Жил бүрийн оны эцэст хоёр улсын засгийн газрын зөвлөлдөх уулзалт, өөрөөр хэлбэл хоёр улсын Засгийн газрын хамтарсан хуралдаан хийж байхаар болсон” гэж мэдэгдэв. Уг асуудлаар Мерц, Зеленский нар Украины сэргээн босголтод оролцох хүсэлтэй эрчим хүчнээс эхлээд анагаах ухаан хүртэл бүх салбарын Германы бизнесийн төлөөлөгчидтэй мөн уулзаж ярилцсан ажээ. Германы канцлер “Европын Холбооны Оросын эсрэг авах 18 дахь хориг арга хэмжээний ажил хэлэлцэгдэж байна” гээд “АНУ болон Европ Киевийг дэмжих талаар нэгдмэл байх болно гэдэгт найдаж байна” гэж мэдэгдэв. Тэгвэл АНУ-ын ерөнхийлөгч Дональд Трамп Цагаан ордны Зууван танхимд сэтгүүлчдэд “ОХУ-ын ерөнхийлөгч Владимир Путин бидэнтэй тоглож байна уу, үгүй юу гэдгийг бид удахгүй олж мэднэ. Хэрэв тийм бол бид түүнд арай өөр хариу барих болно. Би хоёр долоо хоногийн дараа та нарт энэ талаар мэдэгдэнэ” гэж амласан бөгөөд сэтгүүлчид түүнээс яагаад ОХУ-ын эсрэг хориг арга хэмжээ авахгүй удаад байгааг асуухад “Энхийн гэрээ хэлэлцээр ойртож байгаа үед би үүнийг үргээхийг хүсэхгүй байна” гэж хариулжээ. Мөн Төрийн Департаментын хэвлэлийн төлөөлөгч Тэмми Брюс “АНУ-ын Төрийн нарийн бичгийн дарга Марко Рубио ОХУ-ын Гадаад хэргийн сайд Сергей Лавровтой утсаар ярилцан Украинтай 1000:1000 харьцаагаар хоригдол солилцсонд баяртай байгаагаа илэрхийлжээ. Улмаар ерөнхийлөгч Трампын дайныг зогсоох цорын ганц арга зам бол Украинтай бүтээлч, сайн санааны яриа хэлэлцээ хийх явдал гэж уриалсныг дахин сануулаад, Лавровын санал болгосон Орос Украины хооронд ирэх сарын 2-нд Станбулд болох шинэ уулзалтын өмнө дайныг энхийн замаар зохицуулах тухай Оросын талын санамж бичгийг Украины төлөөлөгчдөд танилцуулахыг санал болгосон” гэж мэдээлэв. Сүүлийн үед болж буй олон улсын үйл явдлууд Германы канцлер Фридрих Мерц өнөөгийн Европын дайнд Их Британийн ерөнхий сайд Уинстон Черчиллийн дэлхийн II дайны үеийн үүргийг гүйцэтгэж байгааг тодорхой болгов.</p>
<p>&nbsp;</p>
<p>&nbsp;</p>
<p><strong>Бэлтгэсэн Г.АМАРСАНАА</strong></p>


Хайх