Улаанбаатар хотыг хөгжүүлэх 24 мега төслийн хүрээнд Багахангай-Хүннү хот чиглэлийн салбар төмөр зам барина.
Уг төмөр зам нийт 102 км үргэлжилнэ. Төмөр замын голын даац 25 тонн, гүүрэн байгууламж 2.5 км, ус зайлуулах хоолой 115 ширхэг барина.
Галт тэрэгний хурдыг 90 км/цаг байхаар тооцоолжээ.
Ташрамд, Шинэ Зуунмод хотын эрх зүйн байдлын тухай хуульд өөрчлөлт оруулах тухай хуулийн төсөл болон дагалдах хууль тогтоомжийн төслөөр нийслэлийн тусгай чиг үүргийг хэрэгжүүлэх “Шинэ Зуунмод” хотын нэрийг “Хүннү хот” болгон өөрчилсөн билээ.
<img decoding="async" src="https://ulaanbaatar.mn/files/mn/coverImg/nm4ky6zjjm/67f4bc4f870dd507f473bdbc.jpg" alt="" width="100%" />

Багахангай-Хүннү хот чиглэлийн салбар төмөр зам 102 км үргэлжилнэ

Улсын хэмжээнд сүүлийн арван жилийн хугацаанд тохиолдсон ой, хээрийн гал түймрийн 24.7 хувь нь 4 сард, 54.2 хувь нь 4-6 саруудад гарсан байна.
Тухайн хугацаанд тохиолдсон ой, хээрийн түймрийн 83.7 хувь нь Дорнод, Сэлэнгэ, Сүхбаатар, Хэнтий, Булган, Төв, Хөвсгөл аймгийн нутаг дэвсгэрт бүртгэгджээ.
Иймд хуурайшилтын зэрэг нэмэгдэж байгаа энэ өдрүүдэд дээрх бүс нутгийн байгууллага, аж ахуйн нэгж, иргэн бүр хариуцлагатай байж, ой, хээрийн түймрээс урьдчилан сэргийлэх хариу арга хэмжээг хэрэгжүүлэхийг ОБЕГ-аас зөвлөж байна.
<img decoding="async" src="https://cdn-images-1.medium.com/max/958/0*ve1sQDf5jMCych6Z.jpg" alt="" width="100%" />

Сүүлийн 10 жилд бүртгэгдсэн ой, хээрийн түймрийн 54.2 хувь нь 4-6 сард тохиолдсон байна

Улсын химийн XXXIV олимпиадад 21 аймаг, 9 дүүргийн 9 дүгээр ангийн төрөлд 44 сурагч, 12 дугаар ангийн төрөлд 45 сурагч, багшийн төрөлд 42, нийт 131 оролцогч мэдлэг, чадвар, оюун ухаанаа уралдуулж байна.
Энэ удаагийн олимпиадын онцлог нь анх удаа бүх ангилалд олон улсын жишгийн дагуу арбитрэшний үйл ажиллагааг зохион байгуулж, цахим технологийн хэрэглэгдэхүүн хэрэглэж байгаа нь цаг хугацаа хэмнэж сурагчдын дундах шударга өрсөлдөөнийг бий болгохын зэрэгцээ үнэлгээний системийг илүү алдаагүй болгож байна.
<img decoding="async" src="https://scontent.fuln2-2.fna.fbcdn.net/v/t39.30808-6/489830208_1203049434507610_6283324358403321753_n.jpg?stp=cp6_dst-jpg_tt6&amp;_nc_cat=107&amp;ccb=1-7&amp;_nc_sid=127cfc&amp;_nc_ohc=2lvV-3FsqfgQ7kNvwGkw3Ou&amp;_nc_oc=AdnPhZNKIfC33eIatxfvlbGwlfyDu_2WW8ZrQZBe0CDVWSvKWKVb1u-ZrrWr08SHVW0&amp;_nc_zt=23&amp;_nc_ht=scontent.fuln2-2.fna&amp;_nc_gid=ZAe1cPp4moJJZV1Aw8ABVw&amp;oh=00_AfEuGgDMxAfrPe0EXqM9iJZGqGpiJRZnQgD0R4XuINopHw&amp;oe=67FA91D4" alt="May be an image of 6 people, dais and text" />
Олимпиадын хөтөлбөрийг цахим орчинд байршуулж, цааснаас татгалзаж байгаа нь өсвөр насныханд ой, модоо хайрлан хамгаалах сэдлийг өгч байгаа юм.
Дараагийн том онцлог бол шагналын систем нь сурагчдын төрөлд олон улсын жишгийн дагуу 8-12% алтан медаль, 18-22% мөнгөн медаль, 28-32% хүрэл медаль тус тус эзлэх юм. Энэ нь нэг үеийн сурагчдын дундах өрсөлдөөн ихэсгэх, бүс нутгийн химийн шинжлэх ухааны сонирхох өсвөр үеийн хүүхэд залуучуудын тоог ихэсгэх зорилготой юм. Цаашлаад эх орны түүхий эдээс дэвшилтэд технологид хэрэглэгдэх бүтээгдэхүүнийг үйлдвэрлэх химийн үйлдвэрийн дотоод чадвартай боловсон хүчнийг бэлтгэх бодлоготой юм.
Ийнхүү Боловсролын ерөнхий газар, Монгол улсын их сургууль,  “Монголын химийн олимпиадын хороо” нийтэд үйлчлэх төрийн бус байгууллагын хамтран зохион байгуулж буй улсын химийн олимпиад жил ирэх тусам олон улсын жишигт нийцэх өөрчлөлтүүдийг хийсээр байна.
<img decoding="async" src="https://scontent.fuln2-2.fna.fbcdn.net/v/t39.30808-6/489749521_1203049074507646_4744103347423860577_n.jpg?stp=cp6_dst-jpg_tt6&amp;_nc_cat=101&amp;ccb=1-7&amp;_nc_sid=127cfc&amp;_nc_ohc=4QF0kKkAdMkQ7kNvwEo9aRi&amp;_nc_oc=AdnOILrejNirLURkiTmvdBZgi83KWDjGiqLjFrKicBOS2vAu4i5lT4-MwrHF0Jxg2QY&amp;_nc_zt=23&amp;_nc_ht=scontent.fuln2-2.fna&amp;_nc_gid=FPaOiklVVQ_dGki8Cjz19w&amp;oh=00_AfGLhz6EIFHHhaLGOuxCvulHpsXnBA_EBV6V11PtBz9LYw&amp;oe=67FA9010" alt="May be an image of 6 people, people studying, table, hospital and text" />
Олимпиадыг Байгаль орчин, уур амьсгалын өөрчлөлтийн яам, Мобинет, химийн зөвлөх багш асан Б.Роломжавын гэр бүл, шавь нар ивээн тэтгэж оролцож байгаа бол цахим технологийн шийдлийг “Mexim consulting” ХХК боловсруулсан байна.

Улсын химийн XXXIV олимпиад эхэллээ

&#8220;Эрдэнэс Тавантолгой&#8221; ХК-ийн хувьцааны ногдол ашгийн үлдэгдлийг хэрхэн хүлээн авах тухай санал асуулга явагдаж байна. E-Mongolia гар утасны апп шинэчлээд, 1072 хувьцааны ногдол ашиг хүлээн авах санал асуулгадаа идэвхтэй оролцохыг уриаллаа.
Эрдэнэс Тавантолгой ХК -ийн 1072 хувьцааны ногдол ашгийн үлдэгдлийг авахдаа та:
-Бэлнээр 
-Хөгжлийн санд хуримтлуулах 
-Хуримтлалын дансанд хадгалах зэрэг сонголтыг E-Mongolia апп-р хийнэ.
Саналыг хүлээн авч дуусахад ердөө 1 хоног үлдлээ.
-Таны өгсөн саналыг  2025 оны 4 дүгээр сарын 10–16-ны өдрүүдэд баталгаажуулна.
-Хэрэв та &#8220;Бэлнээр&#8221;  авах бол ногдол ашгийн үлдэгдэл таны хувьцааны дансанд орно.
-Хуримтлалын данс-д хадгалахыг сонговол иргэн та цаашид орон сууц худалдан авах, эрүүл мэнд, боловсролын чиглэлээр үйлчилгээг авах боломж бүрдэнэ.
-Хөгжлийн сан-д хуримтлуулах бол Нийслэлийн дэд бүтцийн санхүүжилтийн эх үүсвэр болно. Үр дүнг иргэн танд ил тод тайлагнана.

1072 хувьцааны ногдол ашиг хүлээн авах санал асуулга дуусахад 1 хоног үлдлээ

Гаалийн ерөнхий газраас суудлын автомашины импорт ба нүүрсний экспортын мэдээг танилцууллаа.
Монгол Улс 2025 оны дөрөвдүгээр сарын 7-ны өдрийн байдлаар 38,111 ширхэг суудлын автомашин импортолсон нь өмнөх оны мөн үетэй харьцуулахад 2.7 хувиар өссөн үзүүлэлт юм. 
2025 оны дөрөвдүгээр сарын 7-ны өдрийн байдлаар 6,957 ширхэг ачааны автомашин импортолсон нь өмнөх оны мөн үетэй харьцуулахад 5.2 хувиар буурсан үзүүлэлт юм. Монгол Улс 2025 оны дөрөвдүгээр сарын 7-ны өдөр 315.0 мянган тонн нүүрс, оны эхнээс 17,188.1 мянган тонн нүүрс экспортолжээ. Энэ нь өнгөрсөн оны мөн үетэй харьцуулахад 9.7 хувиар буурсан үзүүлэлт.

Суудлын автомашины импорт 2.7 хувиар өсчээ

<div class="xdj266r x11i5rnm xat24cr x1mh8g0r x1vvkbs x126k92a">
&#8220;Эрдэнэс Тавантолгой&#8221; ХК 2025 оны 4 дүгээр сарын 08-ны өдөр Монголын Хөрөнгийн Биржээр дамжуулан 5 багц буюу 32.0 мянган тонн коксжих нүүрс БНХАУ-ын Ганцмод боомт хүргэж өгөх нөхцөлөөр амжилттай арилжааллаа.
</div>
<div dir="auto">Арилжаанд 5 оролцогч оролцож 94.3 ам.долларт хэлцэл хийгдлээ. Биржийн арилжаа эхэлснээс хойш нийт 128 удаагийн арилжаагаар 2.88 тэрбум ам.долларын үнэлгээ бүхий 25.5 сая тонн нүүрс борлуулсан үзүүлэлттэй байна.</div>
<div class="x11i5rnm xat24cr x1mh8g0r x1vvkbs xtlvy1s x126k92a">
Компани зах зээл уналттай энэ үед борлуулалтын оновчтой бодлого хэрэгжүүлэн, нүүрсний борлуулалтыг тасралтгүй, хэвийн явуулахыг зорж байна. 2025 он гарснаас хойш Монголын Хөрөнгийн Биржийн нээлттэй цахим арилжаагаар амжилттай хийгдсэн хэлцлийн дийлэнх хувийг &#8220;Эрдэнэс Тавантолгой&#8221; ХК-ийн хэлцэл бүрдүүлсэн үзүүлэлттэй байна.
</div>

“Эрдэнэс тавантолгой” ХК 32.0 мянган тонн коксжих нүүрс арилжлаа

Зам, тээврийн яамнаас хэвлэлийн бага хурал хийж, хэвлэл мэдээллийн хэрэгсэл, сэтгүүлчид, иргэд олон нийтэд цаг үеийн асуудлаар нээлттэй мэдээлэл өглөө
Зам, тээврийн яамны Салбарын хяналтын газрын дарга М.Энхболд &#8220;Энэ үед даац хэтрүүлэн тээвэр хийснээр зорчих хэсгийн хучилтад нүхэн эвдрэл, торон хагарлууд их хэмжээгээр нэмэгддэг. Эвдрэл гэмтлээс үүдэж, иргэд аюулгүй, ая тухтай зорчих боломжгүй болж, осол гарах, тээврийн хэрэгслийн техникийн бүрэн бүтэн байдал алдагдах, эвдрэх аюултай. Ер нь авто замын эвдрэл, гэмтэлд даац хэтрэлт хамгийн их нөлөөлдөг. Бид өчигдөр буюу дөрөвдүгээр сарын 07-ны өдөр шатахуун тээвэрлэгчидтэй мөн уулзсан. Уулзалтын үеэр Монгол Улсад мөрдөгдөж буй стандартын талаар мэдээлэл өгч, ойлголцолд хүрсэн. Манай улсад автозамын даацын хяналтыг MNS 4598:2025 буюу “Автотээврийн хэрэгслийн техникийн байдалд тавих ерөнхий шаардлага”-аар зохицуулдаг. Үүнд нэг тэнхлэг дээрх жин 11 тонн, нийт жин 44 тонноор тодорхойлсон байдаг.
Энэхүү стандарт нь зөвхөн манай улсын стандарт бус олон улсад ч дагаж мөрддөг стандарт юм. Уг 44 тоннын стандарт 2002 оноос хойш мөрдөгдөж байгаа. Энэ хугацаанд цөөнгүй удаа шинэчлэгдэж, батлагдсан ч мэргэжилтнүүд, хувийн хэвшлийхэнтэй зөвшилцсөний эцэст баталдаг. Уг стандартыг зөрчсөн тохиолдолд юу юугүй торгоод байдаггүй. Юуны өмнө зөвлөн туслах үйлчилгээ үзүүлдэг, дараа нь албан шаардлага хүргүүлдэг, эцэст нь торгуулийн арга хэмжээ болон үйл ажиллагааг түр зогсоох арга хэмжээг авдаг. Энэ оны эхний улирлын байдлаар автотээврийн чиглэлээр 404 зөрчлийг илрүүлсэн. 380 зөрчилд сануулах арга хэмжээ, үлдсэнд нь албан шаардлага хүргүүлсэн. Төлбөрийн хэмжээ эхний улиралд 4 сая 900 мянга орчим төгрөгийн торгууль ногдуулсан. Цаашлаад авто зам, замын байгууламжийг эвдэж, гэмтээсэн, ашиглах боломжгүй болгосон бол учруулсан хохирол, нөхөн төлбөрийг гаргуулахаар төлөвлөж байна&#8221; гэв.
Замын хөдөлгөөний аюулгүй байдлын үндэсний зөвлөлийн ажлын албаны дарга Т.Эрхэмбаатар &#8220;Өнгөрсөн гуравдугаар сард Зам, тээврийн сайдын баталсан удирдамжийн дагуу Ажлын хэсэг байгуулагдаж, Говьсүмбэр, Дорноговь аймаг, Замын-Үүд сумын замын хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг, зөрчлөөс урьдчилан сэргийлэхэд зөвлөгөө өгч ажилласан.
<img decoding="async" src="https://mrt.gov.mn/up/news/viber_image_2025-04-08_12-02-53-936.jpg" alt="" />
Ажлын хэсэг Дорноговь, Говьсүмбэр аймгийн нутаг дэвсгэрээр дамжин өнгөрөх улсын болон орон нутгийн чанартай автозамд хяналт шалгалт хийж, нийт 350 тээврийн хэрэгсэл шалгаж, жин хэмжээ хэтрүүлсэн болон шөнийн цагаар орон нутгийн, гэрэлтүүлэггүй замд хурд хэтрүүлэх, гэрэлтүүлэх хэрэгсэл хэрэглэх дүрэм зөрчсөн 67 зөрчилд шийтгэл ногдуулсан. Гэсэн ч ослын тоо буурахгүй байна. Статистик хэлэхэд, 2024 оны жилийн эцсийн байдлаар улсын хэмжээнд зам тээврийн 30,977 осол бүртгэгдэж, үүнээс 2520 хүн хөнгөн болон хүндээр бэртэж, гэмтэж, 631 хүн нас барснаас 69 нь хүүхэд байна гэсэн харамсалтай тоо мэдээ гарсан. Иймд даац хэтрүүлэх нь зөвхөн тээвэрчдийн асуудал бус тус замаар зорчиж буй нийт иргэдийн эрх ашиг хөндөгдөж байгаа юм&#8221; хэмээн ярилаа.

Хайх