Нийслэлийн иргэдийн эрүүл, аюулгүй орчинд амьдрах нөхцөлийг бүрдүүлэх зорилгоор эзэнгүй нохой, муур, мал амьтныг барьж, асрамжлах газарт байрлуулах ажлыг Нийслэлийн захирагчийн ажлын албанаас зохион байгуулахаар төлөвлөсөн. &#8220;2025 онд НЗДТГ болон Улаанбаатар хотын Захирагчийн ажлын албанд эзэнгүй нохой, мууртай холбоотой гомдол олноороо ирсэн байна. Үүний дагуу нийслэлийн Засаг даргын захирамжаар эзэнгүй нохой, муурыг эзэнжүүлэх, түр асрах байранд хүргэх, анхан шатны вакцин хийх, туулга өгөх, үржлийг хязгаарлах үйлчилгээ үзүүлэхээр болсон байдаг. Энэ хүрээнд Хан-Уул  дүүргийн 13 дугаар хорооны нутаг дэвсгэрт эзэнгүй нохой, муурыг түр байрлуулан асрамжлах газрын үйл ажиллагааг эхлүүлсэн байна.
<div>Тэгвэл өнөөдрийн /2025.05.06/ байдлаар тухайн амьтан асрамжлах байранд 98 нохой, 33 муурыг байршуулан мал эмнэлгийн үзлэгт хамруулжээ. Мөн нохойн гударга, халдварт гепатит, парвовирус, параинфлюнза, липтоспироз өвчнөөс урьдчилан сэргийлэх тарилгад хамруулсан байна.</div>
Урьдчилсан судалгаагаар Улаанбаатар хотын зуслангийн бүс болон Богдхан ууланд 1000 орчим эзэнгүй мал, нохой, муур байна гэж тооцоолсон.

Амьтан асрамжлах байранд 98 нохой, 33 муур байна

Нийслэлийн алдагдсан өмч хөрөнгийг буцаан авах ажлыг хуулийн хүрээнд үе шаттай зохион байгуулж байна.
Энэ хүрээнд НЗД-ын дэргэдэх Уламжлалт анагаах ухааны элэг судлалын клиник төвийн харьяа эмийн үйлдвэрийн барилгыг нийслэл өмчлөлдөө буцаан авч, объектыг буулган, газрыг дуудлага худалдаанд оруулж байна.
Тодруулбал, Сүхбаатар дүүргийн 8 дугаар хороо, “Дашчойлин” хийдийн баруун хойно байрлах Эмийн үйлдвэрийн барилга ашиглалтад ороод 73 жил болсон бөгөөд барилгыг ашиглах боломжгүй гэсэн мэргэжлийн байгууллагын дүгнэлт гарсан учраас өнгөрсөн дөрөвдүгээр сарын 14-нд албадан чөлөөлж, нураасан.
Эмийн үйлдвэрийн барилгыг чөлөөлсөн 3150 ам.метр газрыг дуудлага худалдаанд оруулах анхны үнэ 443 сая 520 төгрөг байна.
Газрын дуудлага худалдааг тавдугаар сарын 21-ний өдөр иргэдэд нээлттэйгээр ил тод зохион байгуулах юм.

Эмийн үйлдвэрийн чөлөөлсөн газрыг нээлттэй дуудлага худалдаагаар борлуулна

<div class="xdj266r x11i5rnm xat24cr x1mh8g0r x1vvkbs x126k92a">
Монгол Улсын Ерөнхий сайд Л.Оюун-Эрдэнийн тэргүүлдэг Хүүхдийн төлөө үндэсний зөвлөл шинэчилсэн бүрэлдэхүүнээр хуралдаж байна.
Энэ жил Монгол Улсад Хүүхдийн байгууллага, хөдөлгөөн үүсэж, хөгжсөний 100 жилийн ой тохиож буй. Ерөнхий сайд Л.Оюун-Эрдэнэ Монголын хүүхэд, гэр бүл, боловсролын салбарын үе үеийн зүтгэлтнүүдэд талархал илэрхийлж ойн баярын мэнд хүргэлээ.
</div>
<div dir="auto">Гэр бүл, хөдөлмөр, нийгмийн хамгааллын сайд, Хүүхдийн төлөө үндэсний зөвлөлийн дэд тэргүүн Л.Энх-Амгалан хүүхэд, гэр бүлийн хөгжлийг дэмжих бодлого, тогтолцоо, эрх зүйн шинэчлэл, Хүүхдийн төлөө сангийн шинэчилсэн журмын талаар мэдээлэл өглөө. Хүүхэд хамгааллын тухай хуулийг 2024 онд шинэчилж хүүхэд хамгааллын тогтолцоо, удирдлага, зохицуулалт, үйлчилгээний төрөл, санхүүжилт, хяналтын зохицуулалтыг сайжруулан баталсан. Цаашид хүүхэд хөгжлийн үндэсний тогтолцоонд анхаарч ажиллахаар төлөвлөж байна. Энэ хүрээнд Засгийн газраас гэр бүлийг дэмжих хуулийн төслүүдийг батлуулахаар бэлтгэж байна.</div>
<div class="x11i5rnm xat24cr x1mh8g0r x1vvkbs xtlvy1s x126k92a">
Засгийн газрын 2024 оны 139-р тогтоолоор Хүүхдийн төлөө сангийн журмыг мөн шинэчлэн баталж, сангийн хуримтлалын зарцуулалтыг илүү тодорхой болгосон байна.
</div>

Хүүхдийн төлөө үндэсний зөвлөл шинэчилсэн бүрэлдэхүүнээр хуралдаж байна

Улсын Их Хурлын гишүүн, Монгол Улсын Үндсэн хуулийн цэцийн тухай, Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчилсэн найруулгын төсөл боловсруулах үүрэг бүхий ажлын хэсгийн ахлагч Л.Мөнхбаатар, Улсын Их Хурлын гишүүн Д.Цогтбаатар, Х.Баасанжаргал, О.Номинчимэг нарын ажлын хэсгийн гишүүд өнөөдөр /2025.05.06/ Венецийн комиссын дэд ерөнхийлөгч Марта Картабиа тэргүүтэй төлөөлөгчдийг хүлээн авч уулзлаа.
Улсын Их Хурлын гишүүн, УИХ дахь МАН-ын бүлгийн дарга Л.Мөнхбаатар уулзалтын эхэнд, Монгол Улс нь ардчилсан тогтолцоог бэхжүүлж, хүний эрхийг хангах, хамгаалах хууль эрх зүйн орчныг олон улсын жишигт хүргэх зорилтын хүрээнд Монгол Улсын Үндсэн хуулийн цэцийн тухай, Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчилсэн найруулгын төсөл боловсруулах ажлыг эхлүүлснийг тодотголоо.
Мөн тэрбээр  хуулийн төсөлд Европын зөвлөлийн Венецийн комиссоос санал, зөвлөмж өгөн, хамтран ажиллахыг хүсээд Үндсэн хуулийн эрх зүйн шинжлэх ухааны танин мэдэхүйн болоод практик ойлголтыг хөгжүүлэх нь ардчиллын баталгааг хангахад чухал ач холбогдолтой гэв.
Түүнчлэн Үндсэн хуулийн цэцэд ирсэн гомдол, маргааныг шийдвэрлэх эрх зүйн зохицуулалт, цэцийн гишүүнд тавих шалгуур, шаардлага, тэднийг нэр дэвшүүлэх, томилох үйл явцын ил тод, нээлттэй байдал, хараат бус байдлыг хангах баталгаа,  иргэний үндсэн эрхийн маргааныг хянан шийдвэрлэх журмыг тодорхой болгох зэрэг нарийвчилсан зохицуулалтуудыг төслийн шинэчилсэн найруулгад тусгах шаардлагатай гэж байлаа.
Венецийн комиссын дэд ерөнхийлөгч Марта Картабиа, Үндсэн хуулийн цэц нь хүний эрхийг сахин хамгаалах гол институц байдгийг дурдаад хүний эрхийн асуудалтай холбоотой маргааныг хянан шийдвэрлэх асуудлыг зохицуулахдаа гаргаж байгаа шийдвэр нь иргэнд бодитоор хэрхэн тусаж  байгаад илүүтэй анхаарах нь чухал гэв.
Түүнчлэн Монгол Улсын Үндсэн хуулийн цэцийн тухай, Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчилсэн найруулгын төсөлд тодорхой санал, зөвлөмж өгөхөд бэлэн байгаагаа мэдэгдлээ хэмээн Улсын Их Хурлын Хэвлэл мэдээллийн газраас мэдээллээ.

Улсын Их Хурлын гишүүн Л.Мөнхбаатар Венецийн комиссын төлөөлөгчдийг хүлээн авч уулзлаа

Авлигатай тэмцэх газрын Хяналт шалгалт, дүн шинжилгээний хэлтэс 2025 оны эхний 4 сарын байдлаар иргэн, аж ахуйн нэгж, байгууллагаас албан тушаалтны авлига, ашиг сонирхлын зөрчлийг шалгуулахаар хандсан 340 өргөдөл, гомдол, мэдээллийг хянан шийдвэрлэв.
Хяналт шалгалтаар шаардлага хангаагүй иргэнийг нийтийн албанд томилох, хамаарал бүхий этгээдтэйгээ холбоотой захиргааны акт гаргах, гэрээ байгуулах, аж ахуйн үйл ажиллагаа давхар эрхлэх зэргээр хуульд заасан хориглолт, хязгаарлалтыг зөрчих байдал түгээмэл гарч байгаа төдийгүй ялангуяа нутгийн өөрөө удирдах байгууллагад хууль тогтоомжийн хэрэгжилт хангалтгүй хэрэгжиж байна.
Хяналт шалгалтаар зөрчил гаргасан нийт 38 албан тушаалтанд Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн дагуу сахилгын арга хэмжээг тооцуулсан байна. Тухайлбал, Өмнөговь аймгийн Ханхонгор сум, Увс аймгийн Түргэн сум, Дорнод аймгийн Буянтүмэн сум, Халхгол сум, Сүхбаатар аймгийн Уулбаян сум, Баянхонгор аймгийн Баянлиг сум, Ховд аймгийн Засаг дарга нар нь нийтийн албанд томилогдох нэр дэвшигчийн хувийн ашиг сонирхлын урьдчилсан мэдүүлгийг хянуулахгүйгээр албан тушаалд шууд томилсон зөрчил гаргасан тул Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 29 дүгээр зүйлийн 29.2.2-т заасны дагуу хариуцлага тооцуулжээ.
Түүнчлэн зөрчил гаргасан нэр бүхий албан тушаалтнуудад хариуцлага тооцох, албан тушаалтны томилгоо, сонгон шалгаруулалтыг нээлттэй ил тод болгох, дотоод хяналтыг сайжруулах, авлига, ашиг сонирхлын зөрчлөөс урьдчилан сэргийлэх үүргийн хэрэгжилтийг ханган ажиллах талаар Боловсролын сайд, Соёл, спорт, аялал жуулчлал, залуучуудын сайд, Эрүүл мэндийн яамны Төрийн нарийн бичгийн дарга нарт албан бичиг хүргүүлээд бай

АТГ: Хууль зөрчсөн 5 аймгийн 6 сумын Засаг даргад хариуцлага тооцуулав

Монгол Улсын экспорт, гадаад валютын нөөцийг нэмэгдүүлэх зорилготой ажлын хэсгийн 8 дахь удаагийн хурал 2025 оны 05 дугаар сарын 05-нд боллоо.
Уг хурлыг Сангийн сайд Б.Жавхлан ахаллаа. Хуралдаанаар Монгол Улсын экспорт, импортын нөхцөл байдал, гадаад  валютын нөөцийн хэмжээ, өсөлт, энэ талаар хэрэгжүүлж буй бодлогын арга хэмжээ, цаашдын төлөвлөгөөг ярилцлаа.
Мөн хуралдаанаас гарсан зарим саналуудыг Засгийн газрын хуралдаанд оруулж, хэлэлцүүлэхээр тогтлоо.
Тус ажлын хэсэг 2025 оны 03 дугаар сарын 13-нд байгуулагдсан бөгөөд өнгөрсөн хугацаанд биржийн арилжааг сэргээхэд анхаарч ажиллаж, тодорхой үр дүнд хүрсэн.
Тухайлбал, өнгөрсөн 3 сард биржээр 679 мян. тонн нүүрс арилжаалсан бөгөөд 2025 оны 4 дүгээр сарын байдлаар 1.3 сая тонн болж 2 дахин нэмэгджээ.
Мөн нүүрсний  экспорт өнгөрсөн оныхтой адил түвшинд буюу 25 сая тонн, зэсийн баяжмалын экспорт өмнөх оноос 25 хувиар , төмрийн хүдрийн баяжмал 3.6 хувиар тус тус өссөн байна.
Түүнээс гадна гадаад валютын нөөц 5 тэрбум ам.доллар, экспортын орлого 4.2 тэрбум ам.долларт хүрлээ.

Монгол Улсын гадаад валютын нөөц 5 тэрбум ам.долларт хүрчээ

Нийслэлийн өмчлөлд буцаан авсан хөрөнгийг цувралаар танилцуулж байна. Өнгөрсөн оны 4 дүгээр сарын 18-ны өдөр Төв цэнгэлдэх хүрээлэнг нийслэлийн өмчид шилжүүлж авав.
Тодруулбал, 1993 онд Төв цэнгэлдэх хүрээлэнг ягаан тасалбараар хувьчилж, 70 хувийг нийслэлд, 30 хувийг хувийн өмчид шилжүүлсэн. Харин 2004 онд нийслэлийн хувь эзэмшлийг 49, иргэн Т.Нямдаваагийн эзэмших хувийг 51 болгох шийдвэрийг НИТХ-аас бус “Төв цэнгэлдэх хүрээлэн” ХХК-ийн ТУЗ-өөр шийджээ. Улмаар 2007 онд компанийн дүрэмд бус Т.Нямдаваагийн хүсэлтэд үндэслэн Улсын бүртгэлийн ерөнхий газар тус компанийг 100 хувь Т.Нямдаваагийн эзэмшил болгон бүртгэжээ. Төв цэнгэлдэх хүрээлэн нь анх спортын зориулалтаар олгосон 38.6 га талбайтай байсан ч өнөөдөр 12.6 га газар эзэмшилд нь үлдээд байв. Түүнчлэн 2008 оноос хойш нийслэлээс 4.6 тэрбум төгрөг зарцуулан тус хүрээлэнд тохижилт, урсгал засвар хийсэн ч энэ хугацаанд 49 хувийг эзэмшиж буй нийслэлд зөвхөн 32.7 сая төгрөгийн ногдол ашиг хуваарилжээ.
Тэгвэл “Төв цэнгэлдэх хүрээлэн” ХХК-ийн хувийн өмчийн хувьцааны хууль ёсны өвлөгчид өвлөх эрхээсээ татгалзах хүсэлт гаргасныг үндэслэн өр төлбөрт суутган тооцох хэлцэл хийж, Төв цэнгэлдэх хүрээлэнг нийслэлийн өмчид 100 хувь шилжүүлж авав.

Нийслэлийн өмчлөлд буцаан авсан хөрөнгийг танилцуулж байна

УИХ-ын гишүүн Ж.Баярмаатай ярилцлаа.
<hr />
-Ажиглагчид тантай холбоотой үүссэн асуудал дээр “УИХ-ын толгой дээр Засгийн газар гараад суучихсаныг ил тод харуулсан үйл явдал боллоо” гэж хэлж байна. Мөн “УИХ-ын үйл ажиллагааг гацаалаа” гэж буруутгах хүмүүс ч байна. Ерөнхий сайд танаас албан ёсоор уучлалт гуйжээ. Та хүлээж авсан уу?
-Би өнөөдрийг хүртэл зарим хүмүүс, улс төрийн хүчнүүдийн томьёоллоор УИХ-ын ажлыг гацаах ажиллагаа явагдаж байна” гэсэн асуудлаар байр сууриа илэрхийлээгүй. Парламент дээр миний болоод Ерөнхий сайдын хэлсэн үгээс үүдсэн асуудал учраас би “гол хүн” болчихоод байгаа юм. Түүнээс хойш багагүй хугацаа өнгөрлөө. Бүлгийн удирдлагын хамт Ерөнхий сайдтай уулзсан. Улс төрд буруу зөрүү ойлголт, хардаж сэрдэх явдал байдаг. Тэрэн дээрээ ямар ч байсан ойлголцоод, Ерөнхий сайд надаас албан ёсоор уучлалт гуйсан. Чуулган дээр үг хэлснээс хойш өнөөдрийг хүртэл намайг зохион байгуулалттай гүтгэж байна. УИХ-ын гишүүн миний нэр төрд халдсан гэж үзэж байгаа учраас энэ асуудлаар холбогдох байгууллагуудад хандаж, гомдол саналаа өгнө.
-Зарим улстөрчид Ерөнхий сайд УИХ-ын чуулганы танхимд Ж.Баярмаа гишүүнээс уучлалт гуйх ёстой гэсэн байр суурь илэрхийлсэн. Энэ талаар та ямар бодолтой байна вэ?
-Уучлалыг үсдэж авчирч гуйлгуулдаггүй юм шүү дээ. Уучлалыг чинь хүн алдаа, оноогоо гэмшээд, ёс суртахуун дээрээ үндэслээд, чин сэтгэлээсээ гуйдаг байхгүй юу, уг нь. Тэгэхээр үсдэж авчирч, чуулган дээр гуйлга гээд байгаа нь миний үзэж буйгаар зарчмын хувьд тийм зөв зүйтэй зүйл биш. Гуймааргүй байвал яах юм бэ, тийм биз дээ. Тэр хүн ямар ч байсан зүй зохисгүй авирласан байна гээд уучлалт гуйсан. Ийм нөхцөлд чуулган дээр үсдэж авчирч уучлалт гуйлгах шаардлагагүй гэж би бодож байна.
-Ерөнхий сайд уучлалт гуйсантай холбоотойгоор таны үзэл бодол, байр суурь өөрчлөгдөх үү?
-Би өнөөдөр Ерөнхий сайдад хатуу хэлсэн. Та уучлалт гуйх бол нэг хэрэг. Таны уучлалтыг авснаар би үг, үзэл бодлоо илэрхийлэхээс ухрахгүй шүү. Би яг өмнөх шигээ, цаашид “Дутагдлын хажуугаар дуугүй өнгөрөхгүй” гэдэг шиг буруу, зөрүү асуудал дээр дуугарсаар байх болно. Би чуулганы нээлтээс эхлээд л дуугарч эхэлсэн. Би төсвийг, гүйцэтгэлийг шүүмжилсэн. Тэгэхээр миний байр суурь хэзээ ч өөрчлөгдөхгүй. Тийм ч учраас би бүлгийн удирдлагатай цуг уулзсан. Түүнээс бид хоёр уулзах ямар ч шаардлага байхгүй.
Бүлгийн удирдлага асуудлыг “Энэ бол хоёр гишүүн, хоёр хувь хүний асуудал биш. Энэ бол хоёр институци хоорондын асуудал” гэж авч үзсэн учраас асуудал бүлгийн хэмжээнд очсон шүү дээ. Ерөнхий сайд уучлалт гуйсан. Би ямар ч байсан уучлалтыг хүлээж авсан.
-Танай намын дарга Л.Гантөмөр таны талд орох хэцүү, хамтарсан Засгийн газрын талд орох хэцүү байдалд байх шиг. Гэхдээ ажлаа хиймээр байна, асуудлыг хэрүүл болгох хэрэггүй гэж хэллээ. Танд юу бодогдсон бэ. Танай нам дотооддоо хагаралтай байгаа юу?
-Ардчилсан нам хагараагүй, харин ч өнгөрсөн үйл явдалтай холбоотойгоор бараг нэгдсэн. Гучаад гишүүн оролцоод, гарын үсгээ зураад, энэ асуудал дээр нэгдсэн байр суурьтай байхаа илэрхийлсэн. Намын даргын хувьд хувь хүнийхээ байр суурийг илэрхийлэх эрх нь нээлттэй.
-АН Ж.Баярмаа гишүүний асуудлаар шалтаглаж, Засгаас гарах хүсэлтэй байна гэж үзэж буй хүмүүст та ямар хариулт өгөх вэ?
-Засгаас гарах эсэх тухай асуудал өнгөрсөн долоо хоногт болж өнгөрсөн асуудалтай ямар ч холбоогүй. Би зарчмын асуудал асуусан уу асуусан. Ерөнхий сайд тэгж хариулна гэдгийг хэн ч мэдэхгүй шүү дээ. Ерөнхий сайд ч тэгээд хариулчихсан. Тэрнээс болж асуудал үүссэнээс биш өмнө, хойно болсон процесстой сүүлийн арав хоногийн үйл явдал ямар ч хамааралгүй л дээ. Тэр талаас нь харах ёстой.
-Ардчилсан нам үүсээд буй асуудал дээр дөрөөлж, Баялгийн санг эсэргүүцэж байгаа гэлцэх юм. Тийм үү?
-Энэ мэт гүтгэлгүүдийг өнгөрсөн хугацаанд байнга явуулсан. Тийм юм огт байхгүй. Учир нь, Ардчилсан намын манлайлал дор шахам энэ Баялгийн сангийн хуулийг 2024 онд баталсан. Ойрын үед энэ сангийн тухай хуулийн хэлэлцүүлэг огт явагдаагүй. Чуулганы танхимд болсон үл ойлголцлоос болж Ардчилсан намыг харлуулах, миний биеийг гүтгэх зэрэг явуургүй үйлдлүүд гарч байна. Би хувьдаа нэр төрөө сэргээлгэх утгаар холбогдох байгууллагуудад хандана.
-Засгийн газрыг огцруулах таны байр суурь хэвээрээ юү?
-Хэвээрээ. Өнгөрсөн болсон явдлууд, надаас уучлалт гуйсан уу гуйсан. Энэ бол нэг л асуудал. Бусад асуудлуудын хувьд ямар ч өөрчлөлт байхгүй, яг хэвээрээ.
-Монголд аливаа асуудлыг зохион байгуулалттайгаар гуйвуулж, гүтгэж, доромжлох байдал бүр гаарлаа л даа. Таныг хамгийн их эмзэглүүлсэн асуудал юу байв?
-Гүтгэлэг үнэхээр хэрээс хэтэрч байна. Ер нь тав дахь өдөр болсон явдлыг маргааш нь буюу хагас сайнд хоёр иргэнээс яриа аваад, “Ж.Баярмаа гишүүний буруу” гээд эхэлсэн шүү дээ. Энийг маш системтэйгээр өнөөдрийг хүртэл хийж байна. Би тэр Өнөрчимэг гэдэг хүний асуудлыг хараагүй л дээ. Бүр хэтэрхий их гүтгэлэг явж байна. Сүүлдээ тэр болгоныг харж гүйцэхээ ч байлаа. Эмзэглүүлж байгаа нэг зүйл бол миний охин руу, миний гэр бүл рүү орж байна. Миний охины нэрийг хаанаас олсон бэ, хэн миний охины нэрийг өгсөн бэ гэдэг асуудал маш ноцтой. Яахаараа тэр хүний хүүхэд мөн, биш гэдэг асуудлыг сөхдөг юм бэ. Охин амиа хорлох хүртэл асуудал үүсвэл яах вэ гэдэг асуудлыг бас тавина шүү дээ. Би ер нь хэн юм бол оо гэдэг асуудал тавьж магадгүй шүү дээ, тэр хүүхэд.
-Та гүтгэлэг, дайралтаас айж байна уу?
-Маш олон янзаар гүтгэсэн ч би ер нь айгаагүй шүү дээ. Байр сууриа илэрхийлсээр л байсан. Эцэст нь хагас сайн өдөр охиныг энэ асуудалд оролцуулсан. Баярцогт гишүүн асантай холбох, манай нөхрийг оруулах асуудлыг би бүр хаясан. Хүүхдийг минь энэ асуудал руу хутгаж байгааг би үнэхээр хүлээн зөвшөөрч чадахгүй. Би өөрийнхөө хувийн мэдээллийг УИХ-д, анх Сонгуулийн ерөнхий хороонд өгсөн. Өөрөөр би охиныхоо нэрийг хэнд ч хэлээгүй. Гэтэл миний охины нэрийг олж аваад ингэж байна гэдэг ноцтой асуудал. Гүтгэлгүүдийг ороод харахаар, 20-40 мянган дагагчтай группүүд рүү шейрлэчихдэг юм билээ. Өөрөөр хэлбэл, хуурамч мэдээлэл, гүтгэлгийг зүгээр бичээд орхих биш, ард иргэдэд зориуд тарааж байна гэдэг маш ноцтой асуудал. Ингэж харлуулаад, намайг айж ухарна гэж бодож байх шиг байна л даа. “Юүхэв, үр хүүхдүүд рүү минь орлоо, ингэж аймаар харлуулж байна, гүтгэж байна” гээд намайг айгаад чимээгүй болно гэж бодож байж магадгүй. Тийм юм хэзээ ч байхгүй.
-Таныг 30 гаруй байртай гэсэн мэдээлэл гарсан.?
-Тэгж гүтгэж байна лээ. Тийм байр байхгүй. Хэрвээ үнэн байгаад, тэр мэдээллийг гаргасан бол байгууллагыг хардмаар байгаа байхгүй юу. Үл хөдлөх хөрөнгийн бүртгэлийн газрууд гэхсэн. Надад тийм гучин хэдэн байр, байшин барилга, хаус огт байхгүй. Бүх зүйл цэвэр гүтгэлэг.
-Гүтгэлэг тарааж байгаа эзэд хэн байж болох вэ?
-Ерөнхий сайдаас асуулт асуусны маргаашаас гүтгэлгүүд эхэлсэн. Тэгэхээр хэн түүнийг хийж байгаа нь тодорхой биз. Би хардах эрхтэй. Дээр нь миний охинтой холбоотой асуудлыг гаргаж, миний охины нэр усыг хаанаас хэн олж өгөв гэдгийг тогтоож өгнө үү гээд холбогдох байгууллагуудад хандана.
-Үндсэн хуулиар олгогд сон таны ямар эрхүүд энд зөрчигдөж байна вэ?
-Хүн үг, үзэл бодлоо илэрхийлэх эрх чинь жам ёсны эрх байхгүй юу. Тэгэхээр би парламентын танхимд үг, үзэл бодлоо илэрхийлсэн гэж үзвэл тэрэнд минь халдсан байх магадлалтай гэж үзэж болно. Дээрээс нь УИХ-ын Дэгийн тухай хуулиар би дэг зөрчсөн бол миний буруу бий байх. Би Баялгийн сан, гадаадын хөрөнгө оруулалт, иргэдийн амьдрал хүнд байгаа талаар л асуусан. Буруу асуулт асуугаагүй учраас миний үг, үзэл бодлоо илэрхийлэх эрхэд халдаж байгаа гэж үзвэл тэр Үндсэн хууль зөрчсөн л асуудал.
-Улс төрийн тоглоом хатуу гэдэг. Таны аюулгүй байдал хэр баталгаатай байна гэж та хэлэх вэ?
-Тэр талаар сайн хэлж мэдэхгүй байна. Би тэрэн дээр нэг их санаа зовдоггүй л дээ. Гишүүн болохоос өмнө ямар амьдралаар амьдарч байсан тэр л амьдралаа өнөөдрийг хүртэл өрнүүлээд байж байна. Гүтгэлэг хийгээд байгаа талаас сэтгэл санааны хувьд хүнд байдалд оруулахыг бас боддог юм шиг байгаа юм. Би тэрийгээ мэдээж мэдэж улс төрд орж ирсэн учраас тэр тал дээр айж, ичээд байх юм ерөөсөө байхгүй.
Эх сурвалж: “Өдрийн сонин”
Д.Эрдэнэтуяа

Хайх