Кувейт улсад шайбтай хоккейн дөрөвдүгээр дивизионы дэлхийн аварга шалгаруулах тэмцээн энэ сарын 16-19-нд боллоо. Энэ тэмцээнд өрсөлдсөн Монгол Улсын үндэсний шигшээ баг Индонез (9:3), Кувейт (5:2), Малайз (14:2) багийг хожсоноор дэлхийн аварга болсон байна.
Монголын хокккйчид анх удаа дэлхийн данстай тэмцээнд түрүүлж байна.
Тэд өмнө нь тус тэмцээнээс хүрэл медаль хүртэж байсан ба дэлхийн аварга болсноор ирэх жилээс С дивизионд өрсөлдөх юм.

Монголын хоккейчид IV дивизионы дэлхийн аварга боллоо DNN.mn

Манай улсын эрүүл мэндийн салбар дахь зүрх судасны мэс заслын тусламж үйлчилгээний чадавхыг сайжруулан бэхжүүлэх чиглэлээр Улсын Гуравдугаар Төв Эмнэлэг (УГТЭ)-ээс Люксембургийн Их Гүнт Улстай хамтын ажиллагааны гэрээ байгуулан ажиллаж байгааг мэдээллээ.
Энэ хүрээнд Люксембургийн профессорын насанд хүрэгч болон хүүхдийн зүрхний мэс засалч, эмнэлгийн тоног төхөөрөмжийн инженерийн бүрэлдэхүүнтэй баг манай улсад хараахан бие даан эмчлэх боломжгүй зүрх, том судасны нарийн төвөгтэй мэс заслын тохиолдлуудад тус эмнэлгийн зүрхний мэс заслын багтай хамтран энэ сарын 14-19-ний өдрүүдэд мэргэжил арга зүйн дэмжлэг үзүүлж ажиллажээ
Эмч нарын хамтарсан баг нарийвчилсан үзлэг оношилгоо, мэс заслын заалттай 20 эмчлүүлэгчид зөвлөгөө өгснөөс гадна долоон том хүн, гурван хүүхдэд яаралтай мэс заслын тусламж үзүүлсэн.
Эдгээр тохиолдлууд нь ховдол хоорондын таславчийн цоорхой, уушгины артерийн даралт ихсэлт хавсарсан хүнд хэлбэрийн хүүхдийн зүрхний хөх гажиг, насанд хүрэгчийн титэм судасны хүнд хэлбэрийн шохойжилт нарийсалт, гурван хавтаст хавхлагын нарийсал митрал хавхлагын нарийсалтай хавсарсан хавхлагын гажиг, гол судасны өгсөх хэсэг болон нумын цүлхэн, хүнд хэлбэрийн шохойжилт бүхий зүрхний ховдлын агшилт буурсан конструктив перикардит зэрэг зүрхний мэс заслын өндөр ур чадвар, туршлага шаардсан зүрхний олдмол гажгийн төвөгтэй, хараахан бие даан хийх боломжгүй тохиолдлууд юм.
Түүнчлэн зүрхний митрал хавхлагын мэс заслын дараах зүрхний ховдлын дутагдлын шалтгаан, түүнийг засах арга техник, зүрхний мэс заслын нээлттэй хагалгаанд ЭКМО ашиглах талаарх онол дадлага, хосолсон ажлын байрны сургалтыг зохион байгууллаа.
Ташрамд дурдахад УГТЭ-т Люксембургийн Их Гүнт улсын Засгийн газрын буцалтгүй тусламжаар “Монгол Улсын Зүрх судасны үндэсний төв ба зүрх судасны тусламж үйлчилгээг уялдуулан сайжруулах нь” МОН007 төсөл амжилттай хэрэгжиж байна.
&nbsp;
Эх сурвалж: Эрүүл Мэндийн Яам

УГТЭ-ийн эмч нар Люксембургийн зочин профессорын багтай хамтарч зүрх судасны нарийн мэс заслуудыг хийжээ DNN.mn

Малчны тэтгэврийн даатгалын шимтгэлийн нөхөн төлүүлэх тухай хуулийн төслийг өчигдөр УИХ-д өргөн мэдүүллээ.
Хуулийн төслийн гол зорилго нь нийгмийн даатгалын санд хуульд заасны дагуу төлөх ёстой байсан тэтгэврийн даатгалын шимтгэлийг нөхөн төлөх нөхцөлийг бүрдүүлэх бөгөөд алданги, хүү, торгууль тооцохгүй байх зохицуулалтыг агуулж байгаа аж. Уг тэтгэврийн даатгалын шимтгэлийг Нийгмийн даатгалын ерөнхий хуульд заасан итгэлцүүрийн дагуу нөхөн төлүүлнэ гэж хууль санаачлагчид үзжээ.
Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуульд 2021 онд өөрчлөлт оруулж, 2022 оны нэгдүгээр сарын  01-ний өдрийг хүртэл сунгасан. Гэвч хуулийн зорилтод бүлэг бүрэн хамрагдах боломжгүй байжээ. Учир нь цар тахал, малын зүй бус хорогдол их байсан зэрэг шалтгаантай байна.  .
Хуулийн төслийг баталснаар тэтгэврийн даатгалын шимтгэлээ төлж чадаагүй малчдын Монгол Улсын Үндсэн хуулиар хамгаалагдсан эрхээ эдэлж тэтгэврийн даатгалын шимтгэлээ нэг удаа нөхөн төлөх боломж бүрдэж, нийгмийн даатгалын сангаас тэтгэвэр авах болзол, нөхцөл бүрдэх аж.

Малчны тэтгэврийн даатгалын шимтгэлийг нөхөн төлүүлэх хуулийн төслийг өргөн барилаа DNN.mn

Өнөөдөр Төр, нийгмийн нэрт зүтгэлтэн, ардчилсан хувьсгалын алтан хараацай, Монголын Ардчилсан Холбооны анхны Ерөнхий зохицуулагч С.Зориг агсны 62 насны ойг тохиолдуулан Ардчилсан намын удирдлагууд түүний хөшөөнд цэцэг өргөж, хүндэтгэл үзүүллээ.Цэцэг өргөх ёслолд Ардчилсан намын дарга Лу.Гантөмөр, УИХ-ын дэд дарга С.Одонтуяа, УИХ-ын гишүүн Н.Ганибал, Ардчилсан намын Ерөнхий Нарийн бичгийн даргын үүрэг гүйцэтгэгч Э.Одбаяр, Ардчилсан намын дэд дарга И.Мөнхжаргал, Ардчилсан намын даргын зөвлөх, УТЗ-ийн гишүүн А.Ганбаатар, Улс төрийн зөвлөлийн гишүүн М.Чимэддорж, Улс төрийн зөвлөлийн гишүүн Л.Даваасүрэн, Ардчилсан Эмэгтэйчүүдийн Холбооны ЕНБД-ын үүрэг гүйцэтгэгч Р.Оюун-Эрдэнэ, ҮБХ-ны гишүүн Б.Баттулга нар оролцов.

Ардчилсан намын удирдлагууд С.Зориг агсны хөшөөнд хүндэтгэл үзүүлж, цэцэг өргөлөө DNN.mn

НЗДТГ, “Нийслэлийн Орон сууцны корпораци” ХК хамтран Сүхбаатар дүүргийн 10 дугаар хороонд ашиглалтын шаардлага хангахгүй болсон нийтийн зориулалттай орон сууцуудыг буулгаж, дахин төлөвлөн, шинээр барилгажуулах төслийг хэрэгжүүлж буй. Тодруулбал, тус хорооны 1, 2, 3, 4, 6, 9, 10 дугаар байрыг нурааж, долоон блок, 16 давхар, үйлчилгээний талбай, ногоон байгууламж зэрэг иж бүрэн тохижилт бүхий 720 айлын орон сууцыг барихаар төлөвлөсөн юм. Мөн долоон давхар, 140 машины нэгдсэн зогсоолыг нэмэлтээр төлөвлөж байна.Төслийн хүрээнд эхний хоёр блок буюу 202 айлын орон сууцны гадна фасадын ажил эхэлсэн бөгөөд энэ оны есдүгээр сард тус хоёр блокийг ашиглалтад оруулахаар ажиллаж байгаа юм.

Сүхбаатар дүүрэгт 202 айлын орон сууц ашиглалтад орно DNN.mn

&#8220;Өдрийн сонин&#8221;-ы цахим хувилбарыг &#8220;Qpay&#8221; ашиглан захиалан унших боломжтой боллоо. Өмнө нь цахим “Өдрийн сонин”-ыг уншихын тулд &#8220;Голомт&#8221;, &#8220;Худалдаа хөгжлийн банк&#8221;, &#8220;Хаан&#8221; банкаар дамжуулан төлбөрөө төлдөг байсан бол одоо илүү хялбар болж &#8220;Qpay&#8221; сонголт нэмэгдэж байна.
Ингэснээр уншигч танд олон үйлдэл хийлгүйгээр “Өдрийн сонин”-д нийтлэгдсэн хөрөг, ярилцлага, сурвалжлага, зарлал, тендерийн зар зэрэг өөрт хэрэгтэй мэдээ мэдээллээ цаг алдалгүй хялбараар унших боломж бүрдлээ.
Уншигч та цахим “Өдрийн сонин”-ыг захиалахын тулд Өдрийн сонин апп болон www.admin.dnn.mn сайт руу ороод ЦАХИМ ӨДРИЙН СОНИН гэсэн товчлуур дээр дарахад сонин захиалах үндсэн нүүр гарч ирнэ.
Та СОНИН ЗАХИАЛАХ гэсэн хэсгийг дарснаар эхлэх хугацаа, төрөл, банк гэсэн сонголт байна. Тэдгээрийг зааврын дагуу бөглөсний дараагаар хамгийн сүүлд төлбөр төлөх буюу БАНК дээр дарснаар Голомт, Худалдаа хөгжлийн банк, Хаан банк, Qpay зэрэг сонголт гарч ирнэ. Эдгээрээс Qpay хэсгийг дараарай. Хэсэг хугацааны дараа barcode гарч ирнэ.
Уншигч та цахим “Өдрийн сонин”-ыг нэг өдрөөр худалдан авах бол 2000 төгрөг, нэг сараар бол 9000, жилээр 10800 төгрөг гэсэн сонголтуудаас сонгон barcode-ыг уншуулахад л хангалттай.
www.admin.dnn.mn,
Twitter:DNN_MN
Facebook:DNN.MN
Instagram:dnn_mn
E-mail:udriinsonin@admin.dnn.mn
&nbsp;

​“Qpay” ашиглан цахим “Өдрийн сонин”-ыг уншаарай DNN.mn

<div class="entry-content notopmargin">
<div class="clearfix">
<div class="container">
Энэ амралтын өдрүүдэд буюу дөрөвдүгээр сарын 20-нд Хангайн уулархаг нутгаар, 21-нд нутгийн төв хэсгээр, 22-нд нутгийн зүүн хэсгээр бороо, нойтон цас, цас орж, цасан шуурга шуурч, нутгийн өмнөд хэсгээр хүчтэй салхи, шороон шуурга шуурна.
<blockquote>Ихэнх хугацаанд салхи нутгийн өмнөд хэсгээр секундэд 15-17 метр хүрч, шороон шуурга шуурах төлөвтэй байна. Иймд:</blockquote>
-Цаг агаарын мэдээ, мэдээллийг тухай бүрт хүлээх авах,
-Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх,
-Бага насны хүүхэд, өндөр настан, хөгжлийн бэрхшээлтэй иргэдийг харгалзах хүнгүй үлдээхгүй байх,
-Ой, хээрт явахдаа ил задгай гал түлэхгүй байхыг Онцгой байдлын байгууллагаас анхааруулж байна.
</div>
</div>
<div class="tagcloud clearfix bottommargin"></div>
<div class="clear"></div>
</div>
<div class="single-fb-like-box py-3">
<div class="fb-like fb_iframe_widget" data-href="https://ubn.mn/p/59617" data-width="" data-layout="standard" data-action="like" data-size="large" data-share="true"></div>
</div>

Амралтын өдрүүдэд ихэнх нутгаар цасан болон шороон шуургатай байхыг анхааруулж байна DNN.mn

Иргэдийн санал, хүсэлт, өргөдөл, гомдолд хариу өгч, төрийн үйлчилгээг түргэн шуурхай үзүүлж ажиллахыг Ерөнхий сайд Л.Оюун-Эрдэнэ Засгийн газрын гишүүд, агентлагийн дарга, аймаг, нийслэлийн Засаг дарга нарт үүрэг болгосон. Энэ хүрээнд Засгийн газрын Иргэд, олон нийттэй харилцах 11-11 төвд Хөдөлмөр, нийгмийн хамгааллын сайд Х.Булгантуяа, НДЕГ-ын удирдлагууд ажиллаж, иргэдийн санал, хүсэлтэд хариулт өглөө.
<blockquote>Он гарсаар эхний улирлын байдлаар нийгмийн даатгалтай холбоотой санал, хүсэлт, гомдол 11-11 төвд 1029 ирснээс дийлэнх нь ажилгүйдлын болон жирэмсний, амаржсаны тэтгэмжийн хүсэлт, хэвтэн эмчлүүлэх эмнэлгийн хуудсаа цахимаар илгээж чадаагүй зэрэг байжээ. Мөн нийгмийн даатгалын систем доголдсоноос хүндрэлтэй байсан, тус газар утсаа авдаггүй, хариу өгдөггүй зэрэг гомдол, санал хамгийн олон ирсэн байна.</blockquote>

Хайх