<p>Халдварт өвчин судлалын үндэсний төвийн өнөөдрийн мэдээллээр (2025.08.07) улаанбурхан өвчний нийт батлагдсан тохиолдол 13171 болжээ.</p>
<p>Эмнэлэгт 57 хүн хэвтэн эмчлүүлж байгаагаас, биеийн байдал</p>
<ul>
<li>Хөнгөн- 8</li>
<li>Дунд- 48</li>
<li>Хүнд- 1  байна.</li>
</ul>
<p>Нийт нөхцөл байдлын хувьд эдгэрсэн 13066, гэрээр эмчлүүлж буй 38 хүн байгаа бол 10  хүн нас баржээ. Харин хавьтал болсон нийт 96710 хүн байна.</p>
<p>Насны бүлгээр авч үзвэл 10-14 насны хүүхдүүдийн дунд өвчлөл хамгийн өндөр байгаа юм. Тодруулбал энэ насны 4994 хүүхэд тус өвчнөөр өвджээ.</p>
<p>Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриаллаа.</p>


Улаанбурхан өвчний нийт батлагдсан тохиолдол 13 мянга боллоо

<p>Зуун найм (гэсэн байхаа) сум 100 жилээ тэмдэглэн наадлаа. Монгол нутгийг, Монгол хүнийг наадамгүйгээр төсөөлөх аргагүй учраас үндэстнээ мэдэрсэн, омогшсон тийм сайхан зун өнгөрлөө. Хуртай байж л зунтай байдаг дүрмээр үер, аадар их байсан ч, төсөөлсөнчлөн Улаанбаатарт хал багатай өнгөрөх шиг. Өнгөрсөн жилийн үерийн сургамжаас болоод хотынхон маань хавар мөс зөөхөөс эхлээд хэрдээ л хөдөлсөн нь нөлөөлсөн ч байх гэвэл “хиамчин” гээч болох тул “Бурхан л биднийг ивээлээ” гэсхийгээд орхисон нь өлзийтэй байх. Харин Бурхан өөрөө хэний талд байгааг та нар өөрөөс нь асуувал дээр буйз аа. Говийн болон зүүн аймгуудаар үер нүүрлэсэн ч тэндхийн зуун жилүүдийг цалгардуулж хүчирсэнгүй.</p>
<p>Наадам гэхээр нь хийморь сэргээд, яс үндэс, арьсны өнгө, шашин шүтлэгээсээ үл хамаараад бүүр цаанаасаа шунан дурлах нь манай үндэстний “Ижилсэл” гэсэн ч болно. Мөнөөх, “Үйлийн үрийг ухаарч байвал Буддист болох зам дээр гарлаа гэсэн үг” гэдэг шиг “найр наадмаа хэнээр ч хориулахгүй байвал Монгол мөн” гээд ойлгоход гэмгүй. Монгол хүний наадахыг хэн ч хорьж чадахгүй, дайн дажин, өвөл тахал ч тэр. Ковидын жил бид наадмаа хийсэн л биз дээ? Тэр байтугаа “Путин ирсэн” ч наадмаа хийх л юм билээ.</p>
<p>Асуудлын гол нь “100 жил”-дээ ч байгаа юм биш. Сум орон нь 100 жил хөгжөөд, тэмдэглэхээс аргагүй болсон ч юм биш. Зуншлага, зудаас үл хамаараад зуун жилдээ ахиад тохиохгүй наадам хийх шалтгаан л юм. Зуун жилийн ой бол Зууны шилдэг нийллэг гэсний учир энэ.</p>
<p>Манай сум л гэхэд “цэнгэлдэх” барих төсвийг нь аймаг баталж өгөхгүй байсаар, хожигдуулсан ч гэсэн зүлгэн дээр асараа бариад, зүгээргүй сайхан наадаж байна лээ. Хууч ярианд “Тангад, түвд таван хэлийн улс амьтан цугларав” гэдэг шиг “олон сайхан дарга нар” ирсний дотор, нөгөө “тооноор ордог” гишүүн хүртэл оччихсон, гэрийн гаднаас авирахын оронд хаалгаар нь орж гараад, ёс төртэй нь аргагүй намбалзаж байсан гээд бодчих!</p>
<p>Угаасаа, наадам муухай болно гэж үгүй, харин, наадам хийхгүй өнгөрвөл л муухай байдгаас биш. Ерөнхий сайд асан нэгэн хуучлахдаа “Тэр жил зудад нэрвэгдсэн аймгууд наадмаа хойшуулбал яасан бэ гэсэн санал гаргатал Засаг дарга нар:</p>
<p>-За Ерөнхий сайд минь. Наадмыг нь хийлгэхгүй бол нам чинь дахиад эндээс толгой цухуйлгахгүй шүү. Эд чинь наадмаа хийж байж л зуд болсныг мартаж, сэтгэлээ сэргээнэ гэлцэн эсэргүүцсэн. Тэдний зөв юм билээ” хэмээсэн бүлгээ.</p>
<p>Харин “Зуун жилийн хөгжлөө дүгнэх ёстой”, “Зуун жилээрээ бүтээн байгуулалт хийсэнгүй”, “Модон жорлонтой байж юун зуун жилсэг юм бэ” гэсэн яриа хөөрөө бол Үндэстнийхээ мөн чанарыг ойлгоогүй хүмүүсийн үг. Сум нь хөгжөөд зуун жил болчихлоо гэж урамшаад, эсвэл Засаг захиргааны социалист хуваарийн зөв мэргэнийг бишрэн тэмдэглээд байгаа ч юм биш. Хамгийн гол нь 100 гэдэг тоонд, зуун жилд нэг удаа тохиох огноонд учир нь байгаа юм.</p>
<p>Засаг засаг захиргааны социалист хуваарь зөв мэргэн болсон эсэх ямар ч падлийгүй. Яг нарийндаа бол, “Чингис хааны алтан ургийн ноёдын хошуу засгийг устгасан болох”-ыг хэлбэл наадмын өнгийг бүүдийлгэх тул “Засаг захиргааны хуучин системийг татан буулгасны 100 жил” гэж тодорхойлбол арай эерэг болох юм. Гэхдээ энэ нь наадам хийхэд саад болох юм огоот биш.</p>
<p>Дарга, даамлуудаа үнэлэхдээ ч гэсэн, сум орноо хөгжүүлснээр нь биш харин ойн байр, наадмаа хэр хийснээр нь баримжаалах тул тэд эрвийх дэрвийхээрээ хөдлөх бөлгөө. Хот хүрээнийхэн “Сумынхаа ойгоор эзгүй хээр хаалга босголоо, утгагүй баримал хөшөө хийлээ” гэсэн шүүмжлэлийг өрнүүлдэг. Гэтэл ингэхгүй бол иргэд нь “Хажуу сумынхан сайхан хаалга хийлгэж, янзтай гоё морины хөшөө босгосон байхад манай энийг хар” гээд засаг даргаа загнана шүү дээ. Хээр босгосон хаалгыг сумаараа харах боловч сумын эмнэлэгтээ авсан ховор үнэтэй тоног багажийг зөвхөн өвдсөн хүн л мэдээд үлддэг байхад яалтай ч билээ?</p>
<p>Ер манай хөдөөнийхэн хөгжил, дэвшилд хүрэх, амжиргааны түвшингээ ахиулах гэхээсээ илүү зуд багатай өвөлжөөд, наадмыг нь аятайхан хийлгээд байхад нэг их өөр юм нэхээд байхгүй амар ч улс юм уу даа?</p>
<p>Угаасаа, сум орноо хөгжүүлээд мандсан сумын байтугаа аймгийн дарга дуулддаггүй. Ерөөсөө ч тэр нь боломжгүй. Учир нь орон нутгийг хөгжүүлэх мөнгө баялгийг зөвхөн аж үйлдвэржих замаар л босгоно. Аж үйлдвэр гэснээс, Монголд уул уурхайгаас хөгжөөд явчих аж үйлдвэрийн өөр салбар үгүй. Гэтэл уул уурхайгүй, зөвхөн бэлчээрийн мал аж ахуй эрхэлсэн аймаг, сум болох хөтөлбөрүүдээр орон нутгийн сонгууль өрнөдөг.</p>
<p>Зуун жил бол зуунд ганц тохиох сум дундын “социалист уралдаан” бас мөн. Сумдыг хөгжлийн төвшингөөр, манайхны энэ яриад байгаа шиг, боловсон жорлонтой дотуур байртай болсон, үйлдвэржсэн зэргээр нь биш, харин 100 жилийн ойгоо хэр зангарагтай тэмдэглэж байгаагаар хэмжинэ. Ойгоо сайхан тэмдэглэж, сумаа зангарагтай явааг харуулах гэж сумынхан гурван үеэрээ мэрийдэг нь ийм учиртай.</p>
<p>Юуны өмнө, сумын ойг тэмдэглэх олигтой төсөв өгдөггүй: өглөө ч тэр нь сумууд бие биенээсээ ялгарах юмгүй даржин наадахад тулна. Иймээс жилийн өмнөөс хандивын аянд морддог. Буруу зөрүү ч юм биш, байгаа байдал маань л энэ.</p>
<p>Яг л байгууллага, хамт олон салхинд гарах, амралтанд хонохоор дундаасаа мөнгө цуглуулдаг шиг л юм даа. Өөрөөр хэлбэл сумаараа хийх “зууны шилдэг нийллэг”-т зориулан мөнгөө цуглуулах аян өрнөнө. Байгууллагын нийллэгт зөвхөн одоо ажиллаж байгаа нь хамрагддаг бол сумынхад гурван үеэрээ оролцдог.</p>
<p>Яруу найрагч Д.Нацагдорж “Эрүүл явбал улсын наадмыг үзнэ” гэж зүгээр нэг хэлээгүй юм. Маш олон хүний хувьд эрүүл саруул байж, сумынхаа 100 жилийн ойд оролцох нь хувь заяа гийсэн явдал болно. Ойгоо сайхан тэмдэглэх нь сумын нэр төрийн хэрэг байдаг бол ойдоо сайхан оролцох нь сумынхны нэр төрийн хэрэг. Иймээс баяр наадамд сайн хандив өргөх, том том бай шагналыг даахаар мэрийнэ. Энэ хэрээрээ наадам дээрээ нүүр бардам очно. Ойн наадмаар хэр зэрэг хандив өргөх, ямархуу бэл бэнчинтэй харагдах гэдэг бол Монгол хүний “престиж” буюу нэр төрийн хэрэг, хэр зэрэг сайн явааг харуулах хэмжүүр, нийгмийн зэрэг зиндааны илэрхийлэл болдог. Тийм учраас, “Байраа зараад Ланд300 авч унаад ойдоо явсан” гэдэг ярианд гайхах хэрэг огт байхгүй. Хүмүүс түүнийг аль хороололд, хэдэн өрөөтэй ямар орон сууцанд амьдардаг болохыг мэдэхгүй. Харин наадам дээр ямар машин унаж ирсэн, 100 жилийн ойгоор ямар бай шагналыг хувиасаа гаргаж байсныг мартахгүй санана. Өвөг дээдэс “Намайг ямархуу явахыг Майдар эргэхэд хараарай” гэж ярилцсаар ирсэн нь одоогийнхоор “Миний “престиж”-ийг наадмаар унасан машин, өргөсөн хандиваар хэмжээрэй” гэсэн л үг шүү дээ.</p>
<p>Нүүдэлчний амьдралын чанар нь “олон нийтэд ямар сэтгэгдэл үлдээх” гэдэг хийсвэр хэмжүүрээр илэрхийлэгдэх тул элдэв гавъяа шагналыг чухалчилдагийн учир энд буй. Сумынхаа ойн концерт дээр дуулахдаа “СТА”-гаараа дуудуулах, гавъяатын тэмдэг зүүгээд очих энэ тэрийг бол хэлэх ч юун.</p>
<p>Наадмын хандив өргөлд өөр утга учир бас бий. Хандив, өргөлийн хэмжээ багадна гэж үгүй. Тэр жил, нэгэн тэгш ойн хандив цуглуулах уулзалт дээр тийм ч царигтай гэхээргүй эмгэн тэтгэврээсээ л илүүчилсэн болов уу гэмээр цөөн хэдэн төгрөг барчихсан гарч ирээд “Хүүхдүүд, ойгоо сайхан хийгээрэй “ хэмээн хандивлаж байж билээ. Тэр хөгшнийг би ойн баяраар очсон байхыг хараагүй. Очлоо гэхэд надад харагдах ч албагүй л дээ. Гэхдээ, очоогүй л гэж бодож байна.</p>
<p>Бурханы номоор бол олны буянд даган баясав гэдэг л энэ юм даа. Нутаг орных нь иргэд хэдэн үеэрээ цуглаж, амьд явсны хэргийг гаргах нэгэн тохиол болсон наадмаа хийн цэнгэлдэж байгааг дэмжсэн: хотол олны баяр цэнгэлийг хэр боломжоороо тэтгэсэн: “эх болсон зургаан зүйл хамаг амьтны аз жаргалтай хормуудыг спонсорлосон” өглөг бас мөн болох гээд байна.</p>
<p>-Олон амьтан зовлонгүй амгалан байг гэж зул өргөх, бас тэд маань сайхан наадан цэнгэж баярлаасай хэмээн өргөл барих ялгаагүй буян л юм даа.</p>
<p>Харин сүүлийн жилүүдэд тэгш ойг тохиолдуулан төгсөлтөөрөө нийлж анги танхим тохижуулах, сургууль цэцэрлэгийн засвар үйлчилгээг хариуцах болсон нь үнэхээр том дэвшил, шинэ цагийн үзэгдэл юм. Ой далимдуулан цугларсан жаахан хүч хөрөнгийг сумандаа үлдээх зүйлд зарцуулах эрмэлзэл хаа сайгүй гарах болсон.</p>
<p>Гэвч цугларсан хөрөнгийг зөвхөн нийтийн өмч, дундын хөрөнгө рүү л зарцуулах ёстой гэдэг хөдлөшгүй зарчим үйлчилдэг. Ийм болохоор аливаа хандиваар бүтсэн байгууламж нь үржиж хөгжихөөсөө илүүтэй үрэгдэж элэгдэж дуусах, эзэнгүй орхигдох зам руу ордог. Ингэхгүй бол ой болгоны араас өрнөдөг “Манай дарга нар дундаас нь идсэн” гэх хардлагад сайхан идэш болно гэж айдаг ч байх.</p>
<p>Цаашдаа, нийтийн дунд хаясан юм хариуцах эзэнгүй үрэгддэг, нэр бүхий этгээдэд хаягдлагдсан хөрөнгө ургаж төлждөг зүй тогтлыг ч бодох ёстой байх. Зуун жилүүд сайхан боллоо. Монголчууд бид Монголоо мэдэрлээ.</p>
<p>Ингэхэд, ирэх жил эдгээр сумдын 101 жилийн ой болно. Шинэ зууны тоолол эхлүүлсэн анхны ой. Тэмдэглэхгүй өнгөрвөл “Наадмын заяа” гомдохыг хэн байг гэх билээ?!</p>
<p style="text-align: right;"><strong><em>2024.09.04</em></strong></p>


Зууны шилдэг “нийллэг”

<div class="html-div xdj266r x14z9mp xat24cr x1lziwak xexx8yu xyri2b x18d9i69 x1c1uobl">
<div class="html-div xdj266r x14z9mp xat24cr x1lziwak xexx8yu xyri2b x18d9i69 x1c1uobl" dir="auto">
<div class="html-div xdj266r x14z9mp xat24cr x1lziwak xexx8yu xyri2b x18d9i69 x1c1uobl" data-ad-rendering-role="story_message">
<div id="_r_4gf_" class="x1l90r2v x1iorvi4 x1g0dm76 xpdmqnj" data-ad-comet-preview="message" data-ad-preview="message">
<div class="x78zum5 xdt5ytf xz62fqu x16ldp7u">
<div class="xu06os2 x1ok221b">
<div class="html-div xdj266r x14z9mp xat24cr x1lziwak xexx8yu xyri2b x18d9i69 x1c1uobl">
<div class="xdj266r x14z9mp xat24cr x1lziwak x1vvkbs x126k92a">
<p dir="auto">Дулааны III цахилгаанд станцад өчигдөр шөнө гарсан дэлбэрэлттэй холбоотойгоор &#8220;ДЦС-3&#8221; ТӨХК-д хяналт тавих Засгийн газрын БЭТ Н.Тавинбэх мэдээлэл өглөө.</p>
<p dir="auto">Тэрбээр &#8220;ДЦС 3 дээр гарсан дэлбэрэлт ашиглалтын хугацаа дууссан техниктэй холбоотой. 50-60 жил ашигласан учир гэмтэл, саатал гарсан. Шинэчлэхгүй л бол дахин засвар авахгүй</p>
<p dir="auto">Ийм технологийн саатал 8-р сарын 1-ний өдөр гарсан. Онцгой дэглэм тогтоосон сэргээн босголтын үед сенсаци болгож, дотроос мэдээлэл гаргаж байгаа нь зохимжгүй явдал гэж үзэж байна. Засварын ажил эхэлчихсэн явж байна. <span class="twitter-link">Гэмтсэн зуух ашиглалтад ороод 50 орчим жил болсон бөгөөд анх удаа ийм осол гараагүй. Өнгөрсөн онд өвлийн ачааллын үед 15 удаа осол гарсан</span>.</p>
<p>Засгийн газраас томилсон БЭТ-ийн хувьд зөрчлүүдийг арилгахад хатуу арга хэмжээ авч ажиллаж байгаа нь зарим хүнд таалагдахгүй байх шиг байна. Эдгээр хүмүүс хэвийн ослыг олон нийтэд дэлгэж, энэ станц дээр хийж байгаа шинэчлэлийн ажилд саад болж байгааг хуулийн байгууллагад шалгуулна&#8221; гэв.</p>
</div>
</div>
</div>
</div>
</div>
</div>
</div>
<div class="html-div xdj266r x14z9mp xat24cr x1lziwak xexx8yu xyri2b x18d9i69 x1c1uobl x1n2onr6"></div>
<div class="html-div xdj266r x14z9mp xat24cr x1lziwak xexx8yu xyri2b x18d9i69 x1c1uobl x6ikm8r x10wlt62"></div>
</div>
<div>
<div class="xabvvm4 xeyy32k x1ia1hqs x1a2w583 x6ikm8r x10wlt62" data-visualcompletion="ignore-dynamic">
<div>
<div>
<div>
<div class="x1n2onr6">
<div class="x6s0dn4 xi81zsa x78zum5 x6prxxf x13a6bvl xvq8zen xdj266r xat24cr x1c1uobl xyri2b x80vd3b x1q0q8m5 xso031l x1diwwjn xbmvrgn x1y1aw1k x10b6aqq">
<div>
<div class="x1i10hfl xjbqb8w x1ejq31n x18oe1m7 x1sy0etr xstzfhl x972fbf x10w94by x1qhh985 x14e42zd x9f619 x1ypdohk xe8uvvx xdj266r x14z9mp xat24cr x1lziwak xexx8yu xyri2b x18d9i69 x1c1uobl x16tdsg8 x1hl2dhg xggy1nq x1fmog5m xu25z0z x140muxe xo1y3bh x1n2onr6 x87ps6o x1lku1pv x1a2a7pz x1heor9g xnl1qt8 x6ikm8r x10wlt62 x1vjfegm x1lliihq" tabindex="0" role="button"></div>
</div>
<p class="x9f619 x1ja2u2z x78zum5 x2lah0s x1n2onr6 x1qughib x1qjc9v5 xozqiw3 x1q0g3np x1ws5yxj xw01apr x4cne27 xifccgj x123j3cw xs9asl8">
</div>
</div>
</div>
</div>
</div>
</div>
</div>


Н.Тавинбэх: “ДЦС-3” дээр өнгөрсөн онд 15 удаа яг ийм төрлийн осол гарч байсан

<p>АНУ-ын ерөнхийлөгч Дональд Трамп сэтгүүлчдэд “Ерөнхийлөгчийн тусгай төлөөлөгч Стив Уиткофф ОХУ-ын төлөөлөгчидтэй энэ лхагва гарагт Москва хотноо уулзалт хийхээр төлөвлөж байна. Энэ хэлэлцээний дүнгээс хамааран ОХУ-д цаашид ямар арга хэмжээ авах талаар бид шийдвэр гаргана. Маргааш бид Оростой уулзалт хийнэ. Юу болохыг харцгаая” гэж мэдэгдэв. Өмнө нь тэрээр сэтгүүлчдэд “Уиткофф лхагва эсвэл пүрэв гарагт Оросыг зорьж магадгүй” гэж хэлж байсан юм.</p>
<p>Ерөнхийлөгч Трамп ОХУ-д Украины дайнд гал зогсоохыг шаардсан ультиматум буюу тулган шаардлага тавьж “Эс зөвшөөрвөл шинэ хориг арга хэмжээ авна” гэж мэдэгдсэн бөгөөд энэ шаардлагын хугацаа энэ баасан гарагт дуусгавар болно. Гэтэл Москва Украины энгийн иргэдийг хөнөөж, Европын улсуудын эсрэг явуулж байгаа мэдээллийн хорлон сүйтгэх ажиллагааг бууруулахгүй байгаа нь Цагаан ордны эгдүүцлийг төрүүлж орхив. Тухайлбал, энэ үеэр Кремль Украины хотын төмөр замын дэд бүтцүүд болох вокзал, депо, мөн орон сууцны байшингууд, эрчим хүчний объектуудад цохилт өгч хоёр иргэний амийг хөнөөж, 10 хүнийг шархдуулсны хоёр нь хүүхэд байжээ.</p>
<p>Мөн Лондоны Стратеги судлалын Хүрээлэнг(ISD)-ийн энэ сарын 5-ны мягмар гарагт нийтэлсэн судалгааны тайланд “Европын Холбооноос хаасан Оросын хэвлэл мэдээллийн сайтуудын ихэнх нь нээлттэй хэвээр ажиллаж байна. Тухайлбал, Европын Холбоонд хориглогдсон Sputnik болон Russia Today сайтуудад Герман улсад л гэхэд эдгээр сайтууд руу сар бүр 100 мянга гаруй хүн орж байна. X (хуучнаар Twitter) платформ дээр зөвхөн ганц сард л Russia Today сайтын 50 мянга орчим холбоос нийтлэгдсэнийг илрүүлсэн” гэжээ. Мөн Financial Times сонин “Хэрэв Москва энэ хугацаанд гал зогсоохыг зөвшөөрөхгүй бол АНУ-ын ерөнхийлөгчийн засаг захиргаа ОХУ-ын &#8220;сүүдрийн танкерын флот&#8221;-д шинэ хориг тавих асуудлыг авч үзэх юм байна” гэж мэдээлжээ. Цагаан ордны төлөвлөгөөг мэдэх хоёр эх сурвалж тус сонинд өгсөн ярилцлагадаа “Оросын танкеруудын эсрэг хоригийг хэрэгжүүлэх нь хамгийн энгийн эхний алхам гэж Трампын захиргаа үзэж байгаа. Эдгээр танкеруудаас гадна өөр олон хувилбар ч хэлэлцэгдэж байна” гэж дурдсан байна. Тэгвэл энэ үеэр Украины ерөнхийлөгч Владимир Зеленский нийтийн сүлжээнд “Би ерөнхийлөгч Трамптай бүтээлч яриа өрнүүллээ. Хамгийн гол зүйл нь, мэдээж, дайныг зогсоох явдал байсан. Шударга бас урт хугацааны энхийн шийдэл олохыг зорьж, хүчин чармайлт гаргаж байгаа АНУ-ын ерөнхийлөгчид талархал илэрхийлье. Оросууд дайн сунжруулаагүй байсан бол аль хэдийнэ энх тайван тогтсон байх байлаа. Би АНУ-ын ерөнхийлөгчид Украины нийслэл Киев болон бусад хот, суурин газруудад хийсэн Оросын пуужингийн цохилтын талаар мэдээлсэн. Мөн хоёр улсын ОХУ-ын эсрэг авах эдийн засгийн хориг арга хэмжээний талаар ч хэлэлцсэн байна. Путины эдийн засаг уналтад орсоор байгаа. Тиймээс ч Москва одоогийн нөхцөл байдал, мөн ерөнхийлөгч Трампын шийдэмгий байр суурийг нухацтай авч үзэж байна. Энэ явдал олон зүйлд өөрчлөлт авчрах боломжтой. Бид манай хоёр улсын батлан хамгаалахын хамтын ажиллагааны асуудлыг хэлэлцсэн. Дроны хамтарсан төсөлтэй холбоотой гэрээний төслийг Украины тал аль хэдийнэ боловсруулсан. Бид уг төслийг дэлгэрэнгүй хэлэлцэж, эцэслэхэд бэлэн болсон” гэж мэдэгдсэн байна. Эдгээр явдалтай давхцан АНУ-ын Батлан хамгаалахын аюулгүй байдлын хамтын ажиллагааны агентлаг(DSCA) энэ сарын 5-ны мягмар гарагт “АНУ-ын Төрийн департамент Украинд M777 гаубиц их бууны засвар үйлчилгээ болон техникийн дэмжлэг үзүүлэх, зориулалтын тоног төхөөрөмж нийлүүлэхийг зөвшөөрсөн. M777 гаубицын засвар үйлчилгээ авах хүсэлтийг Украины Засгийн газар тавьсан” гэж мэдээлжээ. АНУ-ын Батлан хамгаалахын аюулгүй байдлын хамтын ажиллагааны агентлаг нь Засгийн газар хоорондын гэрээний дагуу гадаад улсуудад зэвсэг, цэргийн техник нийлүүлэх ажлыг хариуцдаг байгууллага юм. Тус агентлаг “Уг гэрээ нь АНУ-ын гадаад бодлого, үндэсний аюулгүй байдлын зорилгыг дэмжих бөгөөд түнш улсын аюулгүй байдлыг сайжруулах замаар Европ дахь улс төрийн тогтвортой байдал, эдийн засгийн хөгжилд хувь нэмэр оруулах болно” гэжээ.</p>
<p>АНУ-ын ерөнхийлөгч Дональд Трамп ОХУ-ын ерөнхийлөгч Владимир Путинд Украины дайныг зогсоох шахалт үзүүлж, хэрвээ шаардлагыг биелүүлэхгүй бол &#8220;шийтгэлийн арга хэмжээ&#8221; авах болно хэмээн анхааруулсан.Иймээс хэрэв Москва энэ сарын 8-наас өмнө гал зогсоохыг зөвшөөрөхгүй бол АНУ ОХУ-ын &#8220;сүүдрийн танкерын флот&#8221;-ын эсрэг хориг арга хэмжээ авах болно. ОХУ олон улсын хоригийг тойрч, нефть тээвэрлэж буй хөлгүүдийг хар жагсаалтад оруулбал, энэ нь Трампын ерөнхийлөгчийн суудалд эргэн ирснээс хойш ОХУ-ын эсрэг авч буй анхны хориг арга хэмжээ болох юм. Мөн Европын холбоо ч энэ чиглэлээр Орост шахалт үзүүлж байгаа бөгөөд өнгөрсөн сард Оросын &#8220;сүүдрийн флот&#8221;-ын хар жагсаалтад багтсан танкеруудын тоог 415 болгон нэмэгдүүлсэн бөгөөд 100 шинэ хөлөг онгоцыг нэмж оруулсан билээ. Мөн G7-ийн тогтоосон 60 ам.долларын дээд үнийн хязгаараас давсан үнээр Оросын далайн нефтийг худалдан авахыг Барууны орнуудын компаниудад хориглосон хэвээр байгаа билээ. Гэхдээ хоригт орсон хөлгүүд өөрийн ахмад, хөлгийн нэр, далбааг солиход л барууны хоригоос шууд гарчихна. Харин Оросын банкнуудад тавих хориг ялангуяа түүхий нефтийн үнийн уналт л Путин болон түүний дэглэм төдийгүй ОХУ-ыг ЗХУ-ын замаар явуулна. Иймээс л АНУ-ын ерөнхийлөгч Оросын ерөнхийлөгчөөс “Өөрийн өдөөсөн дайныг зогсоох уу? Эсвэл өөрийн дэглэм, ОХУ-ыг түүх болгож үлдээх үү?” гэж асуугаад, хариугаа энэ сарын 8-наас өмнө авах гээд байгаа хэрэг. Үүнийг баталж, АНУ-ын ерөнхийлөгч Дональд Трамп CNBC сувагт өгсөн ярилцлагадаа “Хэрвээ түүхий нефтийн үнэ ханш унавал, Путин хүмүүсийг алахаа болино. Нефтийн үнэ 10 доллараар унахад л Путинд сонголт үлдэхгүй. Оросын эдийн засгийн байдал сүйрлийн ирмэгт байна” гэж мэдэгдэв.</p>
<p>Ерөнхийлөгч Трампын Орост тавьсан гал зогсоох шаардлагын хугацаа энэ баасан гарагт дуусах бөгөөд биелүүлэхгүй бол шинэ хориг арга хэмжээнүүдээс гадна Оросын худалдааны түншүүдэд 100 хувийн гаалийн тариф ногдуулах болно. Ерөнхийлөгч Трамп мөн Энэтхэг Оросын нефтийг үргэлжлүүлэн худалдан авч буйтай холбогдуулан Энэтхэгийн импортод ногдуулах тарифыг 25 хувиас 50 хувьд хүргэж нэмэгдүүлэхээр зэхэж байна. Трамп бас нэг маш чухал шийдвэр гаргасан нь Европын мөнгөөр Украиныг хэрэгтэй байгаа зэвсгээр нь хангах болсон явдал. Тухайлбал, энэ үеэр Reuters агентлаг “Европын орнууд болон Канад улс санхүүжүүлж байгаа НАТО-гийн Украиныг зэвсгээр хангах санаачилга буюу “Prioritised Ukraine Requirements List (PURL)” төслийн хүрээнд Швед, Норвеги, Дани зэрэг орнууд Украинд ойролцоогоор 500 сая ам.долларын тусламж үзүүлэхээр болжээ. Үүнд Patriot зенитийн пуужингийн систем, агаараас эсэргүүцэх хэрэгсэл болон танк эсэргүүцэх сум, техник орж байгаа бөгөөд Дани 90 сая ам. доллар, Норвеги 146 сая ам. доллар, Швед 275 сая ам. доллар, харин Нидерланд 500 сая евро гаргаж байгаа юм байна” гэж мэдээлэв.</p>
<p>&nbsp;</p>
<p><strong>Бэлтгэсэн </strong></p>
<p><strong>Г.АМАРСАНАА</strong></p>


Дональд Трамп: Нефтийн үнэ 10 ам.доллараар унахад Путинд сонголт үлдэхгүй

<p>Монголын Морин спорт, уяачдын холбооны 30, дээд дэлхийн амжилт тогтоосны 13 жилийн ой, Монголын уяачдын өдөрт зориулсан шигшмэл хурдан морьдын &#8220;Их хурд-10&#8221; наадам энэ сарын 8-10-ны өдрүүдэд Хүй 7 худагт болно.</p>
<p>Хүй долоон худагт болох &#8220;Их хурд-10&#8221; наадамд улс, аймаг, цэрэг, сумын алдар цолтой 256 бөхийн барилдаан болох аж. Уг бөхийн барилдааны бүртгэл эхэлсэн байна.</p>
<p>&nbsp;</p>
<p>Барилдах бөхчүүд доорх линкээр орж зааврын дагуу бүртгүүлнэ.</p>
<p><a tabindex="0" href="https://www.devjee.mn/t/mzGwdkFgf16DOqsa6BY9?fbclid=IwZXh0bgNhZW0CMTAAYnJpZBExM08ya3RPNDFsY1RmZVV5NgEe7K4BhIjeXUBENWzA1TDtT7GNMPQ8SVjmIZGGB7h99DfknkjrMWBTMSjONyQ_aem_gw4hM2VsAPyveBZuXPOT3Q" target="_blank" rel="nofollow noopener noreferrer">https://www.devjee.mn/t/mzGwdkFgf16DOqsa6BY9</a></p>


“Их хурд-10” наадамд зориулсан 256 бөхийн барилдаан болно

<p>2025 оны наймдугаар сарын 01-нээс наймдугаар сарын 07-ны өдрийн хооронд цагдаагийн байгууллагад нийт 289,477,000 төгрөгийн хохиролтой 73 залилах гэмт хэргийн дуудлага, мэдээлэл бүртгэгджээ. Үүнээс 113,1 сая төгрөгийн хохиролтой 57 хэрэг буюу 78 хувь нь Фейсбүүк орчин дахь залилах гэмт хэрэг эзэлж байна.</p>
<p>\Фейсбүүк залилах гэмт хэргийн хохирлын 70.11 хувь буюу 79.2 сая төгрөгт хөрөнгийн шилжилт хөдөлгөөнд хязгаарлалт тогтоон, шуурхай ажиллагаа явуулжээ. Иймд &#8220;Мөнгө зээлээч&#8221; гэсэн чат ирсэн тохиолдолд Сайтар нягталж, шалгах, Мессеж, чатаар ирсэн мэдээлэлд болгоомжтой хандахыг сэрэмжлүүлж байна.</p>


Цагдаагийн байгууллагад нийт 289 сая төгрөгийн хохиролтой 73 залилах гэмт хэргийн дуудлага бүртгэгджээ

<p>Ирэх оны төсвийн төсөлд олон нийтээс санал авах үйл явц үргэлжилж байна. Өчигдөр орой 20:30 цагийн байдлаар санал өгсөн иргэдийн тоо 116,731 болжээ. Өнөөдөр олон нийтээс санал авах танхимын хэлэлцүүлэг эрүүл мэндийн салбарын хэлэлцүүлгээр үргэлжилнэ.</p>
<p>Хэлэлцүүлэг 14:00 цагт ЭМЯ-ны хурлын танхимд болох юм.</p>


Ирэх оны төсвийн төсөлд одоогоор 116.731 иргэн санал өгчээ

<div>
<div class="NewsDetail__content">
<p>Чингэлтэй дүүргийн гуравдугаар хороонд байрлах нийслэлийн өмчийн гуравдугаар байр буюу “Урт цагаан” худалдаа, үйлчилгээний төвийн барилгыг өнгөрсөн оны арваннэгдүгээр сард нураах шийдвэр гарсан. Улмаар иргэдээс санал авч, санал асуулгад оролцсон иргэдийн 96 хувь нь далд зогсоол бүхий цэцэрлэгт хүрээлэн байгуулахыг дэмжсэн билээ. Ийнхүү бүтээн байгуулалтын ажлыг өнгөрсөн оны есдүгээр сард эхлүүлсэн юм. Өнөөдрийн байдлаар далд авто зогсоол бүхий цэцэрлэгт хүрээлэн, үйлчилгээний барилгын ажлын нийт явц 82 хувьтай үргэлжилж байна.</p>
<p>Ажлын явцын талаар нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч Т.Даваадалай “Нийт 1.3 га талбайг хамарсан уг цэцэрлэгт хүрээлэн нь 109 автомашины далд зогсоол, дэргэдээ гурван давхар үйлчилгээний төвтэй байхаар төлөвлөгдсөн. Өнөөдрийн байдлаар нийт ажлын гүйцэтгэл 82 хувьтай үргэлжилж байна. Тодруулбал, цэцэрлэгт хүрээлэнгийн ил тохижилтын ажил дууссан бол далд зогсоолыг барих ажлын явц 90 хувь, үйлчилгээний төвийн барилгын гүйцэтгэл 15 хувьтай үргэлжилж байгаа юм. Барилга угсралтын ажлыг энэ оны арванхоёрдугаар сард дуусгах гэрээтэй бөгөөд гурван давхар үйлчилгээний төвийн барилгын ажлыг аравдугаар сарын 15-ны дотор дуусгахаар ажиллаж байна” гэв.</p>
<p>“Урт цагаан” төслийн зураг төслийг гүйцэтгэгч “Интеллект Тауэр” ХХК-ийн Архитектор С.Батзориг “Ерөнхий төлөвлөлтийг төлөвлөхдөө баруунаас зүүн тийш чиглэн, хойшоо Гандан руу зорчдог байхаар аялал жуулчлалын урсгалыг бий болгохыг зорьсон. Ингэхдээ нийт талбайг дөрвөн хэсэгт хуваан төлөвлөлтийг гаргасан юм. Тухайлбал, арын урсгалыг аялал жуулчлалд зориулан хана дагасан хадны сүг зураг, хээг шийдэж өгсөн. Харин голын хэсэгт иргэд суух зориулалттай сандал, саравч, тайз, мананжуулагч, чийгшүүлэгчтэй байх бол удаах хэсэг нь хоёр талаараа мод бүхий ногоон байгууламж, зөөлөн замтай байна. Авто замын хажуугийн хэсэг нь явган болон дугуйт хэрэгсэлтэй зорчигч зорчиход тохиромжтой шулуун зам байх юм. Мөн автомашины далд зогсоол руу орох аюулгүйн гарцтай бөгөөд нийт төслийн талбайн 26.5 хувийг ногоон байгууламж бүрдүүлж буй” гэлээ.</p>
<p><img decoding="async" src="https://ulaanbaatar.mn/files/mn/images/7yrrfroa5t9/689327b076868b67547b3006.jpg" /></p>
<p>109 автомашины далд зогсоолын талаар “Бодь пропертийз” ХХК-ийн Төслийн менежер В.Энхтөр “Дөрвөн блок бүхий 320 метр урт, 7,400 ам метр талбайг хамарсан 109 автомашины далд, дулаан зогсоолыг орчин үеийн шийдлийн дагуу барьж байна. Өнөөдрийн байдлаар эхний гурван блок далд зогсоолын барилга угсралтын ажил дууссан. Уг зогсоол нь нэг чигийн хөдөлгөөнтэй, сул зогсоолын мэдээлэл авах боломжтой ухаалаг системтэй, цахилгаан машины цэнэглэгчтэй, хөгжлийн бэрхшээлтэй иргэд автомашинаа байршуулах зогсоолтой байх юм” гэдгийг онцлов.</p>
<p><strong><img decoding="async" src="https://ulaanbaatar.mn/files/mn/images/ogd3bwqwb0o/689327c476868b67547b3007.jpg" /></strong></p>
<p><img decoding="async" src="https://ulaanbaatar.mn/files/mn/images/hqoc8mnw4pq/689327ce76868b67547b3009.jpg" /></p>
<p><strong><img decoding="async" src="https://ulaanbaatar.mn/files/mn/images/efvix8ck6/689327d876868b67547b300a.jpg" /></strong></p>
<p><strong><img decoding="async" src="https://ulaanbaatar.mn/files/mn/images/xwayqrrzee9/689327de76868b67547b300b.jpg" /></strong></p>
<p><strong>НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС</strong></p>
</div>
</div>
<div>
<div class="react-photo-gallery--gallery">
<div><img decoding="async" src="https://ulaanbaatar.mn/files/mn/photos/2uypgx3oysl/689327fc76868b67547b300c.jpg" width="241.7" height="241.66666666666666" /><img decoding="async" src="https://ulaanbaatar.mn/files/mn/photos/oixg206t9e/689327fc76868b67547b300d.jpg" width="241.7" height="241.66666666666666" /><img decoding="async" src="https://ulaanbaatar.mn/files/mn/photos/gj1gggog9u/689327fc76868b67547b300e.jpg" width="241.7" height="241.66666666666666" /></div>
</div>
</div>


Хайх