Улсын хэмжээнд 2024 оны эцсийн мал тооллогоор 57.6 сая толгой мал тоологдож, 2025 онд 20.08 сая толгой төл бойжуулснаар өнөөдрийн байдлаар 77.68 сая, хонин толгойд шилжүүлснээр 130 сая мал бэлчээрлэж байна.
Үүнээс 2025 онд дотоодын хэрэгцээнд 7 сая, зах зээлд 13 сая толгой малыг худалдан борлуулж нийт 100 орчим сая (хонин толгойд шилжүүлснээр) малыг өвөлжүүлж, хаваржуулахаар тооцож бэлтгэл ханган ажиллаж байна.
Олон малтай аймаг буюу Хөвсгөл, Төв аймагт бэлчээрийн ургамлын 2025 оны ургац тааруу, дийлэнх сумдад нь гандуу, гантай байгаа нь өвөлжилтийн хүндрэл үүсэж болзошгүй, эрсдэлт бүс нутагт тооцогдож байна.
Харин Архангай, Өвөрхангай, Баянхонгор аймаг хэдийгээр малын тоо ихтэй ч бэлчээрийн ургамлын ургац, даац харьцангуй сайн байна.

Нийт 100 орчим сая мал өвөлжүүлж, хаваржуулахаар тооцож, бэлтгэл ханган ажиллаж байна

Харьяатын тухай хуульд нэмэлт оруулах тухай хуулийн төслийг Монгол Улсын Их Хурлын 2025 оны 7 дугаар сарын 9-ний өдрийн нэгдсэн чуулганаар хэлэлцэн баталлаа.
Харьяатын тухай хуулийн 9 дүгээр зүйлийн 3 дахь хэсэгт “Монгол Улсын төлөө гарамгай гавьяа байгуулсан, эсхүл Монгол Улсад онц шаардлагатай мэргэжил, мэргэшил эзэмшсэн, шинжлэх ухааны аль нэг салбарт онцгой амжилт гаргасан буюу гаргах боломжтой гадаадын иргэнийг Монгол Улсын Ерөнхийлөгч энэ зүйлийн 1 дэх хэсгийн 1.2-т заасан нөхцөлийг үл харгалзан Монгол Улсын харьяат болгож болно” гэж заасан. Тэгвэл уг заалтад олимпын наадмын хөтөлбөрт багтах спортын төрөлд онцгой амжилт гаргасан буюу гаргах боломжтой гадаадын иргэнийг Монгол Улсын Ерөнхийлөгч тус хуульд заасан нөхцөлийг үл харгалзан Монгол Улсын харьяат болгож болох агуулгыг нэмэлтээр оруулж, дэлхийн түвшинд онцгой амжилт гаргах чадамжтай гадаадын тамирчдыг Монгол Улсын харьяат болгох эрх зүйн зохицуулалтыг тусгав.
Ингэснээр олон улсын нэр хүндтэй тамирчдыг Монгол Улсын нэрийн өмнөөс олимп, тив, дэлхийн тэмцээн уралдаанд оролцуулах, дотоодын тамирчид тэдний мэдлэг, ур чадвараас хуваалцах, туршлага солилцох зэрэг боломж бүрдэж байна.
Түүнчлэн Монгол Улсад хүчин төгөлдөр үйлчилж байгаа хууль тогтоомж,  хөгжлийн бодлогын баримт бичгүүд, Монгол Улсын Ерөнхийлөгчийн бодлого, үйл ажиллагаа, Засгийн газраас батлан хэрэгжүүлж байгаа биеийн тамир, спортын талаарх арга хэмжээнүүд нь Монгол Улсад нийтийн биеийн тамир, үндэсний спортыг хөгжүүлэхээс гадна спорт дахь хүний нөөцийг шинэ түвшинд гаргах, олимпизмын хөдөлгөөнийг дэмжих, ялангуяа олимпын хөтөлбөрт багтах спортын төрлийг дэмжих нэгдмэл зорилготой юм.
Үүнтэй уялдуулан Ажиллах хүчний шилжих хөдөлгөөний тухай хуульд нэмэлт оруулах тухай хуулийг баталсан бөгөөд үүний хүрээнд боловсрол, шинжлэх ухаан, эрүүл мэнд, соёл, спортын байгууллагад гэрээгээр ажиллах гадаадын эмч, эрдэм шинжилгээний ажилтан, мэргэжлийн багш, дасгалжуулагчийг ажиллуулж буй ажил олгогчийг ажлын байрны төлбөрөөс чөлөөлөхөөр зохицуулжээ.
Харьяатын тухай хуульд нэмэлт оруулах тухай: <a href="https://legalinfo.mn/mn/detail?lawId=17432420184712&amp;showType=1">https://legalinfo.mn/mn/detail?lawId=17432420184712&amp;showType=1</a>
Ажиллах хүчний шилжих хөдөлгөөний тухай хуульд нэмэлт оруулах тухай: <a href="https://legalinfo.mn/mn/detail?lawId=17432420251372&amp;showType=1">https://legalinfo.mn/mn/detail?lawId=17432420251372&amp;showType=1</a>

ГИХГ: Харьяатын тухай хуульд нэмэлт орууллаа

Хөвсгөл аймгийн Баянзүрх сумын төвөөс баруун зүгт 60 км зайд өнөөдөр буюу 2025 оны наймдугаар сарын 19-ний 11:47:59 цагт газар хөдөллөө.
Газар хөдлөлт 3.8 магнитудын хүчтэй байлаа гэж Онцгой байдлын ерөнхий газраас мэдээллээ. 
<img decoding="async" src="https://scontent.fuln1-1.fna.fbcdn.net/v/t39.30808-6/535562625_1210192567802634_4443650101944886279_n.jpg?_nc_cat=103&amp;ccb=1-7&amp;_nc_sid=127cfc&amp;_nc_ohc=LuPGnQT73d0Q7kNvwH6TpGm&amp;_nc_oc=AdnEVJ22aR0RVRXwBBT0S8aavfrZ5PVJIb7brTq6YMkvx7nhlda6ZR2JBjAZ1r5a_lY&amp;_nc_zt=23&amp;_nc_ht=scontent.fuln1-1.fna&amp;_nc_gid=eQA4nLQZjYD6OPIdchOutA&amp;oh=00_AfXmh8fxfNms2qklK41vrDDpZEPb_WFfoXSqmDjK1eGhyQ&amp;oe=68A9D4A9" alt="" width="100%" />

Хөвсгөл аймгийн Баянзүрх суманд газар хөдөллөө

ДЭМБ-аас 2025-2026 онд зөвлөмж болгосон улирлын томуугийн вакцины нийт 300.000 хүн тунг НҮБ-ын Хүүхдийн сан болон дотоод ханган нийлүүлэгчээр дамжуулан худалдан авсан байна.
Эхний ээлжийн 135.000 хүн тун томуугийн вакциныг ирэх долоо хоногт, дараагийн ээлжийн 165.000 хүн тун вакциныг есдүгээр сарын эхний хагаст хүлээн авахаар төлөвлөжээ.
Улаанбурханы эсрэг нөхөн дархлаажуулах ажлыг эрчимжүүлж, нөхөн дархлаажуулалтад 10 сараас 15 насны хүүхдийн 55 хувийг хамруулсан байна.
Отор нүүдлээр бусад аймгийн нутагт амьдарч буй иргэдэд харьяалал харгалзахгүй эмнэлгийн тусламж, үйлчилгээг үзүүлэх чиглэлийг аймгууд

Улирлын томуугийн 300.000 хүн тун вакцин худалдан аваад байна

<div class="x14z9mp xat24cr x1lziwak x1vvkbs xtlvy1s x126k92a">
Аж үйлдвэр, эрдэс баялгийн сайд Г.Дамдинням Газрын тос боловсруулах үйлдвэрт ажиллаж төслийг эрчимжүүлэх талаар холбогдох албаныхантай уулзалт хийлээ.
</div>
<div dir="auto">Төслийн явцын талаар сайд Г.Дамдинням БНЭУ-аас Монгол Улсад суугаа Онц бөгөөд бүрэн эрхт элчин сайд Атул Малхари Готсурветэй санал солилцлоо. Уулзалтад Япон Улсаас Монгол Улсад суух Онц бөгөөд бүрэн эрхт Элчин сайд М.Игавахара оролцлоо.</div>
<div dir="auto"></div>
<div dir="auto">Сайд Г.Дамдинням энэ үеэр &#8220;Монгол Улсын эдийн засгийн хурдасгуур болох Газрын тос боловсруулах үйлдвэрийн төслийг Засгийн газар болон Монгол Улсын Ерөнхийлөгчийн зүгээс онцгойлон дэмжиж, хэрэгжилтэд нь байнгын анхаарал хандуулан ажиллаж байна. Уг үйлдвэр ашиглалтад орсноор манай улсын газрын тосны бүтээгдэхүүний нийт хэрэглээний өссөн дүнгээр тооцоход 53 хувь, ердийн хэрэглээгээр тооцоход 70 орчим хувийг дотоодоос хангах боломж бүрдэнэ. Энэ нь Монгол Улсын эдийн засгийн бие даасан хөгжилд шийдвэрлэх ач холбогдолтой. Аж үйлдвэр, эрдэс баялгийн сайдын хувьд төслийн явцыг 14 хоног тутамд хянан, шаардлагатай мэдээллийг авч, байнгын анхааралтайгаар ажиллаж байна.</div>
<div dir="auto"></div>
<div dir="auto">Мөн УИХ болон Засгийн газрын түвшинд төслийн хэрэгжилтийг дэмжих бодлогын бүх арга хэмжээг авч хэрэгжүүлж байна. Манай улсын газрын тосны бүтээгдэхүүний хэрэглээ өнөөдөр 100 хувь гадаад зах зээлээс хамааралтай байна. Энэхүү хараат байдлыг бууруулж, эдийн засгийн дархлааг бэхжүүлэх нь Газрын тос боловсруулах үйлдвэрийн гол зорилго. 2024 онд бид 1.8 тэрбум ам долларыг зөвхөн шатахуунд зарцуулсан тооцоо байна. Энэ валютын урсгалын 50 хувийг бид дотооддоо барьж чадвал, өөр зүйлд хөрөнгө оруулах боломж нээгдэж тэр хэмжээгээрээ инфляци, валютын ханш тогтворжино&#8221; хэмээн онцоллоо.</div>
<div class="x14z9mp xat24cr x1lziwak x1vvkbs xtlvy1s x126k92a">
Газрын тос боловсруулах үйлдвэрийн бүтээн байгуулалт 4 багц ажлаас бүрдэж байгаа бөгөөд эхний багц ажил бүрэн дуусаж, 2024 онд улсын комисст хүлээлгэн өгснөөр барилга обьектууд, дэд бүтцийг зориулалтын дагуу ашиглаж байгаа аж. 2, 3-р багц ажлын хувьд инженерчлэл, худалдан авалт, барилга угсралтын ажил төлөвлөгөөний дагуу хэвийн үргэлжилж байна.
Мөн газрын тос дамжуулах хоолойн бүтээн байгуулалтын ажил 86.4 хувьд хүрч буйг төслийн гүйцэтгэх захирал Д.Алтанцэцэг танилцуулгадаа дурдав гэж Аж үйлдвэр, эрдэс баялгийн яамнаас мэдээллээ. 
</div>

Г.Дамдинням: Монгол Улс өөрийн дотоодын газрын тосны бүтээгдэхүүнээр хангагддаг болох цаг ойртож байна

Энэ зун маш олон наадам боллоо. Тэр бүрд л монголчууд бид наадамлаж, найрлалаа. Найрлаж, наадамлаж байгаа хүмүүс асуудалд тэр бүр анхаарал хандуулахгүй, шүүмжлэхгүй. Үүнийг ч мэдэж байгаа учраас тэр олон найр, наадмыг Засгийн газар нь хөгжөөгөөд суугаа харагдах юм. Ромын эзэнт гүрний шинэ Цезарь гарч ирээд гладиаторын тулааныг 40 хоногийн турш хийж ромын ард түмнийг цэнгүүллээ гэдэг шиг л юм болж байна. Засгийн газар маань ч товойтол хийгээд, нүүр бардам хэлчих олигтойхон ажилгүй л зуныг өнгөрөөж, байгуулагдаад 60 гаруй хоночихлоо.
Цахилгаан, дулаанаар улаабаатарчуудыг хангадаг III цахилгаан станцад нь дэлбэрэлт болж, түүнийгээ одоо болтол засаж чадаагүй л сууна. Салбар хариуцсан сайд нь өнөөх л “Аргална даа” гэдэг алдарт үгээ хэлж, Увс нутгийн 100 жилээр өөрийн багцаасаа хоёр тэрбумыг гаргасан гээд хээв нэг яриад суугаа харагдсан. Энэ жил төр татвар төлөгчдийн мөнгийг нэг аймгийн баяр наадмыг тэмдэглэхэд зарцуулсан гэсэн үг биз дээ. Тэгээд энэ талаар нь, салбартаа хийж хэрэгжүүлж байгаа ажлыг нь яриулж, сониноороо дамжуулан уншигчдадаа мэдээлэл хүргэе гэхээр “Намайг яриа битгий өг гэсэн” гээд хэлчихнэ лээ. Уг нь бол улсаараа хөлдөх үү, үгүй юу. Энэ өвөл бид гэрэл цахилгаантай байж чадах юм уу гэдгийг ард түмэн мэдмээр байгаа юм. Даанч найрлаж, наадамлах нь л чухал болохоос энэ чухал биш бололтой. Ирэх оны улсын төсөв дээр иргэдээс санал авч байна гэж хэд хоног сурталчилсан. Харин одоо болохоор иргэд эрүүл мэнд, боловсролын салбарт улсын төсвийн хөрөнгө оруулалтыг түлхүү зарцуул гэсэн санал өгч байна гэсэн байна лээ. Гэвч нидэр дээрээ засаг нь төсвөө боохдоо иргэдийнхээ тэр саналыг үнэн зөвөөр нь тусгах эсэх нь ч эргэлзээтэй, энэ талаар мэдээлэл өгчих хүн алга.
Эрүүл мэндийн даатгалын сан нь дамраараа эргээд улаан мөнгөгүй болчихсон. Өвдөж, зовсон хүмүүс нь хандивын аян өрнүүлж, нөгөө хэсэг нь үмх мах, атга гурилаасаа илүүчлэн нэгнийгээ эмчлүүлж байна. Эмнэлгүүд үнэхээр хүндхэн нөхцөл байдалтай, өвчтөнүүдээсээ эм, тариаг нь нэхээд сууж байгаагаа эмч нар толгой сэгсрэн хэлж байна. Харин манай Ерөнхий сайд Эрүүл мэндийн даатгалын сангийн асуудлыг шийд гэж салбарын сайдад нь үүрэг өгч байгаа тавилттай бичлэг цацсанаас өөрөөр гойд юм харагдсангүй.
Тэгвэл нөгөө талд нь Монголын ард түмэн бол үнэхээр баяжжээ. Увс аймгийн 100 жилийн ойн баяр наадмын бай шагнал нь ланд 600 гэдэг машин байв. Зөвхөн нэг л аймгийн наадмын бай шүү дээ. Үүнийгээ хандиваар босгосон гэж байгаа. Аймгийнхаа наадамд зориулан хэдэн төгрөгний хандив өгсөн гэдгээрээ улстөрчид нь уралдаж, цахим орчинд мэдээлэл түгээлгэж байгаа харагдсан. Ард түмэн ч багагүй хандив өгсөн бололтой юм билээ. Гэтэл саявтархан социализмын үеийн улсын наадмын түрүү бөхийн бай гардуулж байгаа бичлэг сошиал сүлжээгээр явж байсан. Нэг том хүүхэлдэй өгч байна лээ. Тавийн хүүхэлдэй гэж байсан нь тэр гэсэн. Социализмын үе байсан бол Увсын 100 жилийн наадмаар баярын бичиг, улаан тамхи л өгөх байв. Ганц халуун сав ч байж мэднэ. Ардчилал л ард түмнийг ингэж баяжуулжээ. Хэн хөдөлмөрлөж чадсан нь амжилтад хүрдэг, хөрөнгө мөнгөтэй болдог нийгэм бол ардчилал юм. Тиймээс одоо ардчиллыг муулж, ил далд гутааж явдгаа болих хэрэгтэй байна. Гадны дарангуйлагч удирдагчдыг магтан дуулж, тахин шүтэж, элдвээр гоншгонодгоо боль. Харин түүний оронд ард нийтээрээ ардчиллыг дээдлэн, бүх хүнд тэгш боломж олгодог энэ нийгмээ улам төгөлдөршүүлэн хөгжүүлцгээе.
Сүүлийн 30 гаруй жил сайн, муутайгаа саваа дүүргэж ямар ч байсан ардчиллын замаар замнаж л байна. Энэ хугацаанд санаатай, санаандгүй байдлаар ардчиллыг буруушааж, социализмыг эргэн санагалзах, бараг дахин байгуулах тухай цухалзаж гарсаар ирсэн. Хэн нэгнийг бурхан мэтээр шүтэж, тэр нөхөр л цэнгэлийн манлай, хөгжлийн дээдийг үзүүлэх юм шиг ярьдаг, бичдэг нөхөд одоо ч байсаар байгаа нь нууц биш. Тийм болохоор аливаа мэдээлэлд цензуртэй ханддаг, юмыг олон талаас нь ухаж хардаг, хэрсүү хүмүүс улам олон болох ёстой юм. Тэгж байж хоёр өөр системтэй, хоёр том гүрний дунд байгаа бяцхан “Ардчиллын баянбүрд”-ээ хамгаалж чадна. Ардчиллаа дуу нэгтэйгээр хамгаалж байж л бид дэлхийн бусад орнуудтай мөр зэрэгцэн алхаж, соёлт хүн төрөлхтний хөгжилтэй ижилсэнэ. Тэгэхээр монголчууд бидний хамгийн чухал асуудал бол хүний эрх, эрх чөлөөг дээдэлдэг, үг хэлэх, үзэл бодлоо чөлөөтэй илэрхийлж болдог, хэн байхаас үл хамааран тэгш боломж олгодог энэ нийгмээ л хайрлан хамгаалах нь чухал юм.
Т.ДАРХАНХӨВСГӨЛ
&nbsp;

Монголчууд баяжсан байна, одоо гоншгонодгоо болих хэрэгтэй Монголчууд баяжсан байна, одоо гоншгонодгоо болих хэрэгтэй

Сүүлийн жилүүдэд уур амьсгалын өөрчлөлт, идэш тэжээлийн хомсдол, зэрлэг амьтад малын амьдрах орчны давхцал, байгалийн нөөцийн хэт ашиглалт, ой хээрийн түймрийн улмаас баавгай суурин газарт үзэгдэх, мал руу дайрах тохиолдол нэмэгдэж байгаа тул хүрэн баавгайн тархац бүхий аймаг, сумдад Мэргэжлийн байгууллагаас дараах зөвлөмж, сэрэмжлүүлгийг өгч байна.
<ul>
<li>Баавгай хот суурин газар, суурьшлын бүсэд орж ирсэн, ойртож ирсэн тохиолдолд орон нутгийн Засаг даргын Тамгын газар, аймгийн БОГ-ын холбогдох мэргэжилтэнд хандах;</li>
<li>Аймаг, сумын ажлын хэсгийг байгуулж баавгайн тархац нутагт ойр буй малчид, иргэдийн байршил, баавгайн шилжилт хөдлөлийн замнал, явсан газар орны зураглал тогтоох, авах арга хэмжээний төлөвлөгөө боловсруулах;</li>
<li>Баавгай нь удаа дараагийн тохиолдлоор иргэдийн мал, эд хөрөнгөд хохирол учруулж, хүний амь насанд эрсдэл учруулах нөхцөл байдал үүссэн тохиолдолд эрсдэлд өртсөн малчин айл өрхийг тухайн бүс нутгаас холдуулан нүүлгэх, ажлын хэсгээс эргүүл хяналтыг тогтмолжуулах;</li>
<li>Бүс нутгаас нүүх боломжгүй бол нэг дор төвлөрч буух;</li>
<li>Айл өрхүүд орой үдшийн цагаар утаа май тавих, гал гаргах, буу тавих, цахилгаан хөрөө асаах гэх мэт;</li>
<li>Машин, мотоцикль, гар утас, техник хэрэгслийн бүрэн бүтэн байдлыг хангах;</li>
<li>Малын бэлчээр, гэрийн ойролцоох мал амьтны сэг зэмийг холдуулан устгах;</li>
<li>Үзэгдсэн мөрөөрөө хэрэн яваа баавгайг хүн рүү дайраагүй тохиолдолд машин, мотоцикль, мориор элдэж хөөж бахардуулах, алж устгахгүй байх;</li>
<li>Тухайн бүс нутагт хүүхэд, эмэгтэйчүүдийг хараа хяналтгүй малд явуулахгүй байх;</li>
<li>Баавгай үзэгдэж, тохиолдож болох аялал жуулчлалын бүс нутгуудад анхааруулга бүхий самбарыг байрлуулах, хээр хоноглохгүй байх;</li>
<li>Тухайн эрсдэлт бүсэд амьдарч буй иргэд малчдад яриа таниулга зөвлөмж, сэрэмжлүүлэг тараах;</li>
<li>Хүрэн баавгай нь 2023 оны Засгийн газрын 260 дугаар тогтоолоор батлагдсан Амьтны экологи-эдийн засгийн үнэлгээгээр 12,450,000 төгрөг болсон тул зөвшөөрөлгүй агнасан тохиолдолд Амьтны тухай хуульд заасны 24,900,000 төгрөг төлөх заалттайг анхаарна уу.</li>
<li>Яаралтай тохиолдолд мэргэжлийн байгууллагын үйл ажиллагаа эрхлэх зөвшөөрөл бүхий “Амьтны эрх хамгаалах нийгэмлэг” /Утас: 88001414, 88623198/; “Амьтан-Асралт” ХХК /Утас: 99772972/ яаралтай мэдэгдэн, мэдээлэл зөвлөмж солилцон ажиллахыг Байгаль орчин, уур амьсгалын өөрчлөлтийн яамнаас зөвлөж байна. </li>
</ul>

Хүрэн баавгайн тархац бүхий аймаг, сумдад амьдарч буй иргэдэд зөвлөмж, сэрэмжлүүлэг хүргэж байна

<div class="xdj266r x14z9mp xat24cr x1lziwak x1vvkbs x126k92a">
Нийслэлийн ИТХ-ын дарга бөгөөд Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлийн дарга А.Баяр өнгөрсөн зургаадугаар сарын 18-нд явган зорчигчийн зам дээр замбараагүй байршуулсан мопед, скүүтэрийг цэгцлэх асуудлаар “Eco bike”, “Таbо” компанийн төлөөлөл болон Тээврийн цагдаагийн алба, Замын хөдөлгөөний удирдлагын төв, Нийслэлийн Замын хөгжлийн газрын удирдлагатай уулзсан.
</div>
<div class="x14z9mp xat24cr x1lziwak x1vvkbs xtlvy1s x126k92a">
Энэ үеэрээ гудамж талбайд эмх замбараагүй байршуулсан цахилгаан дугуй, скүүтэрийг тодорхой таних тэмдэг бүхий зогсоолтой болгохыг Нийслэлийн Замын хөгжлийн газрын дарга Б.Одбаярт үүрэг болгосон. Тэгвэл өчигдрөөс Бага тойруу дотор 105 байршилд 2460 ширхэг цахилгаан дугуй, мопед, скүүтэрийн тэмдэг тэмдэглэгээ бүхий зогсоолыг хийж эхэллээ.
</div>

Хайх