Сейсмологчид “Газар хөдлөлт энэ сарын 30-нд Оросын Петропавловск-Камчатскаас зүүн өмнө зүгт 150 км зайд, далайн ёроолд болсон бөгөөд магнитуд нь 8.7 хүрч, 1952 оноос хойших хамгийн хүчтэй газар хөдлөлт болсон” гэж мэдээлсэн. Камчаткад болсон энэхүү газар хөдлөлтийн төв нь ОХУ-ын Номхон далайн флотын цөмийн шумбагч онгоцны бааз байрладаг Авачинскийн булангаас ердөө 100 км-ийн зайд байсан нь стратегийн чухал объектод шууд заналхийлэл учруулсан нь тодорхой болсон. Москва энэ бүсийг Барууны эсрэг цөмийн хүчний тулгуур цэг болгон ашигладаг. Камчаткагийн эргийн бүсэд Оросын Номхон далайн флотын цөмийн шумбагч онгоцны дизель болон атомын шумбагч онгоцнуудыг засварладаг Хойд зүгийн засварын төв, Номхон далайн флотын байлдааны хөлгүүдийн үндсэн байр болох Рыбачье дахь шумбагч онгоцны бааз, стратегийн шумбагч онгоцнуудад зэвсэглэл суурилуулах зориулалттай Баллистик пуужингаар цэнэглэх цэг гэсэн гурван чухал байгууламж байдаг. Газар хөдлөлтөөс хоёр долоо хоногийн өмнө авсан сансрын зураг дээр &#8220;Оскар&#8221; ангиллын шумбагч 3 ш, &#8220;Акула&#8221; ангиллын шумбагч 1 ш, &#8220;Борей&#8221; ангиллын шумбагч 1 ш, &#8220;Дельта&#8221; ангиллын шумбагч 1 ш нийт 6 ш атомын шумбагч онгоц Камчаткийн ойролцоох баазад байршиж буй нь харагдаж байна.
Эдгээр бүх цэргийн байгууламжууд нь далайн эрэгт, тэнгисийн түвшнээс дөнгөж 3–6 метр өндөрт байрладаг. Харин цунамийн долгион 3 метрээс нэгэнт давсан нь тодорхой болсон тул шинжээчид техник, тоног төхөөрөмж, дэд бүтэц ноцтой гэмтэл авах өндөр эрсдэлтэй гэж үзэж байна. Мөн энэ удаагийн газар хөдлөлт маш хүчтэй байсан бөгөөд хотод газар хөдлөлт болон цунамийн улмаас эвдрэл гэмтэл бүртгэгдсэн. Гэтэл Оросын хэвлэлүүд цэргийн шинжээч гэх, I зэргийн ахмад Василий Дандыкины ямар ч бодит баримтгүй “Ийм газар хөдлөлтөөс илүү хүчтэйг ч тэсэж байсан” гэсэн ярилцлагыг яаран нийтэлсэн нь Камчаткийн Оросын цэргийн бааз ноцтой хохирол амссаныг “баталж” орхив. Харин барууны цэргийн шинжээчид хүлээгдэж байгаа хиймэл дагуулын шинэ зургуудад тулгуурлан бодит дүгнэлт өгнө гэж байгаа бөгөөд эдгээрийн тусламжтайгаар анхан шатны үнэлгээ хийгдэх аж. Хэрвээ Оросын шумбагч онгоцны дэд бүтэц үнэхээр эвдэрч, гэмтсэн нь батлагдвал, энэ нь ОХУ-ын Зүүн бүсийн цөмийн хүчний чадавхыг түр зогсоох эрсдэлтэй аж. Мөн Украины эсрэг дайн үргэлжилж буй, олон улсын байдал хурцадмал байгаа үед Оросын стратегийн чадамжид хүнд цохилт болж магадгүй гэнэ.
&nbsp;
Г.АМАРСАНАА

Газар хөдлөлт ба Оросын цөмийн шумбагч онгоцны баазүндэс

Хөвсгөл аймгийн Цагааннуур, Улаан-Уул суманд гарсан ойн түймрийг унтраах ажиллагааг зохион байгуулах тус аймгийн Онцгой байдлын газрын алба хаагчдыг ОБЕГ-ын харьяа Агаараас эрэн хайх, аврах 111 дүгээр ангийн нисдэг тэргээр тээвэрлэн хүргэж байна.
Дээрх түймрийг www.firms.modaps.eosdis.nasa.gov болон www.icc.mn сайтаар илрүүлсэн бөгөөд автоамшин, техник хүрэлцэн очих боломжгүй учраас агаараас тандах, алба хаагчдыг хүргэх ажлыг зохион байгуулж байгаа юм. Тодруулбал: Цагааннуур сумын Хармай багийн “Их билдэгийн гол” гэдэг газар хилийн шугамын бүсэд , Улаан-Уул сумын “Соёо” багийн “Жинст голын-Ам” гэдэг газарт түймрийн дулааны цэгийг ирүүлж, шуурхай арга хэмжээг хэрэгжүүлж байна.

Хөвсгөл аймагт гарсан түймрийн голомтод ажиллах алба хаагчдыг нисдэг тэргээр хүргэж байна

Хуульч О.Билгүүнтэй залуу гэр бүл болон хосууд маргалдахаараа нэгнийхээ өөр хүнтэй бичсэн зурвасыг цахим сүлжээнд дэлгэдэг болсон асуудлын талаар ярилцлаа.
<hr />
-Энэ нь хуулийн хүрээнд байж болох үйлдэл мөн үү?
-Энэ бол маш буруу үйлдэл юм. Залуу гэр бүл гэлтгүй олон жил хамтран амьдарч байгаа хүмүүс ч үүнд багтдаг. Бүр аав, ээж, төрсөн ах дүүс, хуурай ах дүүс ч ийм хэрэгт холбогддог. Хэн ч байлаа гэсэн хувь хүний нууцын зэрэглэлтэй захидал харилцааны мэдээлэлд халдах нь хуулиараа хориотой.
Тодруулбал, хүний хувийн мэдээлэл хадгалах тухай хууль гэж байдаг. Энэ хуульд зааснаар захидал харилцаан дээр бичигдсэн зүйл бол хувь хүний хамгийн эмзэг мэдээлэлд хамаардаг. Хүний маш эмзэг иймэрхүү мэдээллийг зөвхөн хуульд заасан аргаар л олж авах ёстой. Жишээ нь, мөрдөн шалгах үйл ажиллагааны үед болон эрүүгийн, захиргааны хэрэг хянан шийдвэрлэх явцад зөвхөн хуульд заасан журмын дагуу тухайн хүний мэдээллийг мэдэх боломжтой. Гэхдээ энэ нь мэдээллийг олон нийтэд задруулна гэсэн ойлголт огт биш.
Тэгэхээр хэн ч байсан хувь хүний инстаграм, фейсбүүк гэх мэт цахим сүлжээ рүү халдах, мэдээллийг нь зөвшөөрөлгүй үзэх эрхгүй. Зөвшөөрсөн байлаа ч гэсэн маш болгоомжтой үзэх ёстой.
-Нөхрийнхөө, эсвэл найз залуу, найз охиныхоо өөр хүнтэй бичсэн зурвасыг сошиалд дэлгэдэг. Тухайн хүн энэ үйлдлээ зөвтгөхдөө энэ намайг хуурсан учраас би олон нийтэд дэлгэсэн гэдэг. Тэгвэл энэ хангалттай шалтгаан болж чадах уу?
-Хангалттай шалтгаан болж чадахгүй. Үүнд хоёр ялгаатай ойлголт байна. Нэгдүгээрт, гэр бүлийн тухай хуулиар гэрлэгчид бие биедээ үнэнч байх үүрэгтэй. Энэ зохицуулалтын хүрээнд би үүнийг олон нийтэд дэлгэх нь зөв гэх нэг ойлголт яваад байна. Хоёрдугаарт, эрүүгийн хуульд гэр бүлийн үнэнч байх үүргээс илүү хувь хүний нууцыг дээр эрэмбэлдэг. Үнэнч байх үүрэг, эмзэг мэдээлэл хоёрын аль нь илүү чухал вэ гэдгийг эрүүгийн хуульд зааснаар эрэмбэлэвэл хувь хүний нууцад халдах нь өөрөө гэмт хэрэг. Харин гэрлэгчид бие биедээ үнэнч байгаагүй асуудал дээр эрүүгийн хариуцлага байдаггүй.
Тиймээс иргэд маань иймэрхүү асуудлынхаа ялгаа заагийг ойлгох хэрэгтэй. Жишээ нь, нэг нөхөр ажлынхаа газрын эмэгтэйтэй оройн хоол хамт идье гээд чат бичсэн байлаа гэж бодъё. Гэхдээ энэ бол гэмт хэрэг ч биш, зөрчил ч биш. Үнэхээр таны нөхөр өөр хүнтэй болсон байлаа гээд энэ нь түүний мэдээллийг сошиалд тавих хангалттай шалтгаан биш. Бүгдийг өөрийн зөв мэт болгох, эсвэл нөхрөө цахим сүлжээнд шившэг болгохын тулд ийм үйлдвэл хийвэл энэ нь хувь хүний нууцад халдах, задруулах гээд хоёр гэмт хэргийн шинжтэй үйлдэл болж хувирна шүү.
-Ер манайд нийтлэг ямар тохиолдлууд гарч байна вэ?
-Нэгдүгээрт, албан ёсоор гэрлэлтээ батлуулсан эхнэр, нөхөр хоёр бие биенийхээ чат, мессеж, зургийг үздэг. Залуу хосууд, хамтран амьдрагчид бас бие биенийхээ чат зураг, мессежийг үзэх тохиолдол олон бий. Эдгээр нь бүгд хүний эмзэг мэдээлэлд хууль бусаар халдаж байгаа үйлдэл юм. Үүний хариуцлага нь Монгол Улсын Эрүүгийн хуулиар хамгаалагдсан. Хамгийн энгийнээр хэлэхэд энэ төрлийн гэмт хэргийг үйлдвэл ял, шийтгэл хүлээнэ гэсэн үг. Ерөнхийдөө ийм гэмт хэргийг үйлдсэн хүн 450 мянган төгрөгийн торгуулиас эхлээд нэг жил хүртэлх хугацаагаар зорчих эрхээ хязгаарлуулах буюу цахим гав зүүх ялтай.
Манайд ихэнхдээ нөхөр эсвэл найз залуугийнх нь утас нээлттэй үед фейсбүүк рүү нь орж үзээд, хэн нэгэнтэй чат бичсэн байвал зургийг нь дарж авдаг. Хэрвээ ийм байдлаар үйлдвэл нэг жил зорчих эрхээ хасуулна. Хоёрдугаарт, нөхрийнхөө эсвэл эхнэрийнхээ майл хаягийн нууц үгийг мэддэг. Үүнийгээ ашиглаад нэг ёсондоо хакердах аргаар фейсбүүк рүү нь нэвтэрч байна. Тэгээд өөрийн хүссэн мэдээллээ олж авах жишээтэй. Энэ үйлдлүүд нь өөрөө эрүүгийн хариуцлагыг улам хүндрүүлээд 1-5 жил хүртэлх ялтай шүү. Хувь хүний нууцад халдах энэхүү гэмт хэргийг харилцаа холбооны цахим хэрэгсэл ашиглаж үйлдвэл ял нь бас хүндэрдэг.
-Хамгийн гол асуудал нь олж авсан мэдээллээ задруулаад байгаа явдал уу?
-Тийм. Хэрэв олж авсан мэдээллээ задруулбал энэ үйлдэл нь тусдаа эрүүгийн хариуцлагатай. Монгол Улсын Эрүүгийн хуульд зааснаар хувь хүний нууцыг задруулах гэмт хэрэг болно. Магадгүй аав, ээж, найз нөхдөд нь хов зөөж, ад шоо үзэх гээд бусад өс хонзонгийн сэдлээр хүмүүст яриад явах тохиолдол байна.
Хэрэв амнаас ам дамжуулан ярьж байгаа бол 6 сараас 2 жилийн хорих ялтай. Харин цахим сүлжээнд пост болгон цацаж, зургийг нь тавиад “Чи ийм балиар, заваан амьтан байхгүй юу” гэж нийтэх нь өөрөө ялыг улам хүндрүүлдэг. Цахим хэрэгсэл ашиглаж үйлдсэн гэдгээрээ нөгөө 6 сараас 2 жилийн хорих ялыг 1-5 жил болгон хүндрүүлдэг юм. Харамсалтай нь эдгээр хуулийн зохицуулалтыг иргэд олон нийт сайн мэдэхгүйгээс үүдэн энэ төрлийн гэмт хэрэгт маш их холбогддог. Бас ийм хуулийн зохицуулалт байдгийг мэдэхгүйгээс болж эрх нь зөрчигдөөд л яваад байдаг тал бий. 
Хүнд сүүдрээсээ хүртэл нуудаг нууц байдаг шүү дээ. Үүнийгээ хамгаалах эрхтэй гэдгээ ч мэдэхгүй байна. Шууд цагдаад хандах ёстойгоо ч мэдэхгүй яваад л байдаг. Гэр бүл, хамаатан садан, олон нийтэд муу хэлүүлж, ад шоо үзэгддэг. Гэтэл нөгөө талд хувь хүний нууцыг Монгол Улсын хууль тогтоомжоор хамгаалчихсан байдаг. Үүнийгээ мэдэхгүй. Эрүүгийн хариуцлагатай гэмт хэрэг гэдгийг ч бас мэдэхгүйгээсээ үүдэн нэгдүгээрт, энэ төлийн гэмт хэрэгт холбогдож байна. Хоёрдугаарт, хэргийн хохирогч болж байна.
-Тэгвэл гэр бүлийн асуудлаас ч илүү хувь хүний эрх нэн түрүүнд тавигдана гэж ойлгож болох уу?
-Болно. Яагаад гэр бүлийн үнэнч байх үүрэг, хувь хүний асуудал хоёр эрэмбийн хувьд харилцан адилгүй вэ гэвэл Монгол Улсын Үндсэн Хуультай холбоотой. Монгол Улсын Үндсэн Хуульд хувь хүний халдашгүй чөлөөтэй байх эрхийг тодорхой заасан байдаг. Монгол Улсын иргэн халдашгүй чөлөөтэй байх эрхтэй. Энэ эрхийн хүрээнд буюу таны халдашгүй чөлөөтэй байх эрх дотор нөгөө захидал, харилцааны нууц багтдаг. Тэгэхээр хэн нэгэн хүн таны захидал, харилцаа руу ороход л та чөлөөтэй байх боломжгүй нөхцөл байдалд хүрч байна шүү дээ. Харин гэр бүлийн үнэнч байх асуудал бол Монгол Улсын Үндсэн Хуульд заасан үндсэн эрхээс гаднах хоёрдогч эрх. Тиймээс хувь хүний халдашгүй, чөлөөтэй байдал бол нэг номерын асуудал юм. Түүний дараа гэрлэгсдийн үнэнч байх эрх үүргийн асуудал яригдана.
-Зарим хүн хайртай учраас нөхрийнхөө эсвэл эхнэрийнхээ утсыг шалгаж болно гэж ойлгоод байх шиг? 
-Иймэрхүү асуудал ажиглагддаг. Хэчнээн гэрлэлтээ баталгаажууллаа гээд энэ нь нөгөө хүнийхээ халдашгүй эрх, эрх чөлөө, орон зайд халдаж болно гэсэн үг биш. Өөрөөр хэлбэл, хайр сэтгэлээс илүү хувь хүний халдашгүй байдал чухал юм. Хувь хүний халдашгүй байдал гэдэг нь хүний жам ёсны эрх. Хүнд төрөхөөс нь заяасан эрх юм. Үүнийг Монгол Улсын Үндсэн Хуульд тодорхой томьёолсон. Тиймээс хувь хүний халдашгүй байдал бол нэг номерын асуудал. Үүнтэй эн зэрэгцэх зүйл байхгүй. Үүний дараа хайр сэтгэлийн асуудал яригдана. Хайртай байлаа гээд энэ нь нөгөө хүнийхээ үндсэн эрх, эрх чөлөө рүү халдах үндэслэл болж чадахгүй. Өөрөөр хэлбэл, хайртай байлаа гээд энэ нь нөгөө хүнийхээ утсыг шалгах эрх болно гэсэн үг биш. Хайр сэтгэлийн харилцааг хуулиар зохицуулдаггүй. Хэдийгээр гэр бүлийн тухай хуульд, гэрлэгсэд үнэнч байх үүрэгтэй гэж байгаа боловч хамтын амьдралынхаа явцад хайр сэтгэлийн холбоо нь хөрвөл яах вэ.
Эхнэр нь өөр хүнтэй, нөхөр нь өөр хүнтэй тусдаа амьдрал зохиогоод дундаасаа хүүхэдтэй болсон ийм тохиолдол олон бий. Хүний амьдрал баялаг. Үүнд хуулиар ял шийтгэл оногдуулах нь зохимжгүй. Тийм ч учраас өнөөдөр өөр хүнтэй харилцаа тогтоож, зурвас бичсэн гэдэг үндэслэлээр ял шийтгэл оногдуулдаггүй. Харин та өөр хүнтэй чат бичсэнийг нь цахим сүлжээнд задруулах юм бол ял шийтгэл хүлээнэ шүү гэдгийг л ойлгох хэрэгтэй.
-Ер нь уг асуудлыг хардалтаас үүдэлтэй гэж үзэж болох уу?
-Хардалт бол зөрчлийн шинжтэй үйлдэл юм. Эрүүгийн хуулиар ял шийтгэл авахгүй ч гэсэн зөрчлийн хуулиар шийтгэл авна. Эхнэр нь ч нөхрөө хардана, нөхөр нь ч эхнэрээ хардана. Сэтгэл зүйн шинжлэх ухааны үүднээс хардалт бол өвчин гэдгийг олон нийт мэддэг. Тиймээс сэтгэцийн эмгэгийг тодорхой түвшинд барихгүй бол зөрчлийн хариуцлага хүлээнэ. Жишээ нь, эхнэр нь нөхрөө хардсаны улмаас тодорхой үйлдэл хийлгэхгүй. Эсвэл хүсээгүй зүйлд нь албадах болон өмч хөрөнгөө захиран зарцуулах эрхэнд нь халдах ийм тохиолдол маш их гарч байна. Тухайлбал, байгууллагын зугаалга боллоо. Нөхөр явах гэхээр эхнэр нь тэр чигээрээ зайлаарай гэдэг. Энэ нь зөрчлийн хуулиараа хориотой үйлдэл юм. Мэдээж нөхөр нь байгууллагынхаа зугаалгад явах гэж байгаа учраас аяллын хувцас, хэрэгслээ авна биз дээ. Гэтэл тэрийг нь өгөхгүй гэнэ.
Ерөөсөө эхнэр нь чи шалдан явахгүй юу гэх хандлагатай. Гэрийнхээ шорт, подволктой явах ёстой юм шиг ийм нөхцөл байдалд оруулж байгаа юм. Энэ бол хүмүүсийн амьдралд ихэвчлэн тохиолддог асуудал. Гэтэл энэ нь зөрчлийн шинжтэй үйлдэл байдаг. Үүнийг үйлдсэн хүн та зөрчлийн асуудлаар шийтгэл авна гэсэн үг.
&nbsp;
А.Даваадулам
Ц.АНУДАРЬ

О.Билгүүн: Хайртай байлаа гээд нөгөө хүнийхээ утсыг шалгах эрхтэй гэсэн үг биш

Наймдугаар сарын 01-ний өдрийн байдлаар Хархираа/Тариалан/, Таац/Нарийнтээл/Заг/Заг/, голуудын усны түвшин өмнөх өдрөөс 10-25 см нэмэгдсэн байна.
Мөн Хархираа гол Тариалан сум орчимд үерийн түвшинг 30 см орчим даван үерлэж байна.
02-нд баруун аймгуудын нутгийн хойд, зүүн аймгуудын нутгийн баруун хэсэг, төвийн аймгуудын ихэнх нутаг, говийн аймгуудын нутгийн зарим газраар бороо, дуу цахилгаантай аадар бороо орох тул хур борооны эрчимшил хэмжээнээс шалтгаалан гол мөрний усны түвшин богино хугацаанд огцом нэмэгдэх, сайр, гуу жалгаар уруйн үер буух нөхцөл бүрдэж болзошгүй тул иргэд үерийн аюултай бүсээс хол газар зусах, гол мөрөн, нуурын ойролцоо амарч зугаалахдаа ажиглалт хийж, уулын ам, голын эрэг хөвөөнөөс зайдуу, үерийн буулт бүхий газарт отоглож хоноглохгүй байх, зөвхөн зөвшөөрөгдсөн зам гүүрээр зорчихыг зөвлөж байна.

Үерийн аюулаас сэрэмжлүүлж байна!

&#8220;Эрдэнэс Тавантолгой&#8221; ХК нь  2025 оны эхний хагас жилийн үндсэн үзүүлэлтээр 20 удаагийн цахим арилжаагаар 1.3 сая тн нүүрс борлуулж 2.5 их наяд төгрөгийн орлоготой ажиллажээ.
Үүнээс 1.1 их наяд төгрөгийн цэвэр ашигтай ажиллаж, улсын төсөвт 742.2 тэрбум төгрөгийн татвар төлж, эдийн засгийн өсөлтийг хангах, гадаад валютын нөөцийг нэмэгдүүлэхэд тодорхой хувь нэмэр орууллаа.
Мөн оны эхний хагас жилийн байдлаар 13.8 сая тонн нүүрс олборлож, 10.2 сая тонн нүүрс экспортод гаргасан байна. 
2023 оны хоёрдугаар сараас эхлэн нүүрсийг зөвхөн Монголын хөрөнгийн биржээр дамжуулан нээлттэй, ил тод байдлаар биржээр, хил нөхцөлөөр худалдаалж байна.
Нүүрсийг хил нөхцөлөөр борлуулах, валютын орох урсгалыг нэмэгдүүлэх бодлогын хүрээнд Биржийн арилжаа эхэлснээс хойш оны эхний хагас жилийн байдлаар нийт 135 удаагийн арилжааг амжилттай хийж, 26.3 сая тонн нүүрсийг үнэ өсгөх зарчмаар биржээр арилжаалаад байна.

“Эрдэнэс Тавантолгой” ХК оны эхний хагас жилд 2.5 их наяд төгрөгийн борлуулалт хийжээ

Нийслэлээс утааг бууруулах, агаарын чанарыг сайжруулах зорилт тавин ажиллаж буй. Энэ хүрээнд 2028 оныг хүртэлх хугацаанд гэр хорооллын янданг цөөлөх, нүүрсний хэрэглээг багасгах зорилгоор LNG, LPG газын хэрэглээг нэвтрүүлэх бодлогыг үе шаттай хэрэгжүүлэхээр төлөвлөн ажиллаж байна. Ирэх намар гэхэд Чингэлтэй дүүргийн Гандангийн дэнж орчмын 5000 айлыг LPG газад шилжүүлнэ.
<img decoding="async" src="https://cdn-images-1.medium.com/max/800/1*qgdFEvhFg86fe_Q6Gc_J0g.jpeg" />
Галладаг биш газаар халаалт бусад хэрэглээгээ зөв зохистой шийдэх боломжийг эрэлхийлж байгаа энэ үед НИТХ-ын дарга А.Баяр ОХУ, БНХАУ-ын зочдыг хүлээн авч уулзан, харилцан санал солилцлоо. Зочдын дунд ОХУ-ын Монгол Улс дахь худалдааны төлөөлөгч Максим Викторович Васильев,  ОХУ-аас Монгол Улсад суугаа Элчин сайдын яамны нэгдүгээр нарийн бичгийн дарга Станислав Сергеевич Безруков, Эрхүүгийн газрын тосны компанийн ерөнхий захирлын орлогч Никита Константинович Поздняков, БНХАУ-ын “Шандон Шинке” Холдинг компанийн Ерөнхий захирал Ин Бээжин,  Хятадын төмөр замын 25-р товчооны хөрөнгө оруулалтын газрын дарга, Ерөнхий менежер Зао Сиюуан, Шинэ бүсийн Хэнгчин Наняанг химийн үйлдвэрийн дарга Дэнг Шиаминг-Зухайя  зэрэг албаныхан байв.
<img decoding="async" src="https://cdn-images-1.medium.com/max/800/1*gekrjFHxeJ2sKfUkKHnV1A.jpeg" />
НИТХ-ын дарга А.Баяр “Улаанбаатар хот утааны асуудлаа шийдэхийн тулд тодорхой бодлого гаргаад, үе шаттай хэрэгжүүлээд эхэлж байна. Үүний нэг хэсэг нь гэр хорооллыг дахин төлөвлөх, иргэдээ орон сууцжуулах, хатуу түлшний хэрэглээг бууруулах, хийн түлшний хэрэглээ рүү шилжих. Өнгөрсөн өвөл гэхэд л 172 мянган айл нүүрс түлж утаа гаргасан. Тиймээс 2028 он хүртэл айл өрхийг үе шаттай газын хэрэглээнд шилжүүлнэ” гэв.
ОХУ-ын Монгол Улс дахь худалдааны төлөөлөгч Максим Викторович Васильев “Манай Иркутск бүс нутагтаа  газын хэрэглээний томоохон төлөвлөгөө гаргаад, тасралтгүй ханган нийлүүлэлт хийж ажилладаг. ОХУ, Эрхүү мужаас гадна гуравдагч улс руу газ нийлүүлэх зорилготой. Тиймээс Улаанбаатар хотын утааг бууруулах чиглэлд хамтарч ажиллах, хийн газ нийлүүлэх хүсэлтэй байна” гэдгээ илэрхийллээ. НИТХ-ын дарга А.Баяр “Хийн газын аюулгүй, зөв хэрэглээтэй холбоотой мэдээллийг иргэдэд өгөх, айл өрхүүдээ мэдээлэлжүүлэхэд бид  анхаарна. Хийн газыг нэвтрүүлэхэд ямар түвшинд хамтарч ажиллах, ойлголцох, хэрхэн тасралтгүй, аюулгүй тээвэрлэх, төхөөрөмж, дэд бүтцэд холбоход инженерүүдээ сургах вэ зэрэг асуудал бий” гэлээ. Зочид хийн газын аюулгүй хэрэглээ болон бусад асуудлаар бүхий л түвшинд хамтарч ажиллах боломжтой гэдгээ илэрхийлж,  Иркутск-Эрхүү-Москва хот дахь хийн газын үйлдвэртэй газар дээр нь очиж танилцаж, туршлага судлахыг урилаа.

Айл өрхийг 2028 оныг хүртэлх хугацаанд үе шаттай хийн газын хэрэглээнд шилжүүлнэ

БНХАУ-ын нийслэл Бээжин хотод сүүлийн өдрүүдэд хүчтэй аадар бороо орсны улмаас амиа алдсан хүний тоо 44-т хүрч, есөн хүн сураггүй болсон талаар пүрэв гарагт болсон хэвлэлийн бага хурлын үеэр мэдээлжээ.
Амиа алдсан хүмүүсийн 31 нь Миюнь дүүргийн ахмадын асрамжийн төвд байсан гэж Бээжин хотын даргын орлогч Шиа Линьмао мэдээлсэн байна.  Бээжинд нүүрлэсэн үерт 300 мянга гаруй оршин суугч нэрвэгдэж, 24 мянга орчим байшин барилга эвдэрч сүйджээ. Хүчтэй аадар бороо хойд хэсгийн уулархаг нутгаар орсны улмаас 40 суурин газар, 312 тосгоны дэд бүтэц сүйдсэн байна. Долоодугаар сарын 23-29-ний хооронд Хятадын нийслэлд хүчтэй аадар бороо орж, Миюнь, Хуайроү, Янчин, Пингу зэрэг дүүргийн уулархаг нутагт хамгийн их хур тунадас унажээ.
Гэнэт хүчтэй аадар бороо орж, гамшигт нэрвэгдсэн бүс нутгуудад үерийн аюулаас сэрэмжлүүлэх улаан түгшүүр зарласантай холбогдуулан Бээжингийн эрх баригчид бямба гаргийн орой үерийн уршгийг арилгах 1-р түвшний хариу арга хэмжээг яаралтай эхлүүлж, олон нийтэд сэрэмжлүүлэг өгч, аюулгүй байдлыг хангах удирдамжуудыг гаргажээ. Аврах, тусламж үзүүлэх ажлыг шуурхай зохион байгуулж, нийт 104 мянган хүнийг нүүлгэн шилжүүлэхээр ажиллаж байна. Эрэн хайх, аврах ажиллагааны дүнд үерт боогдоод байсан 5400 гаруй хүнийг аварч, гэмтэж бэртсэн хүмүүст тусламж үзүүлж байна гэж Шиа Линьмао хэллээ.
Одоогийн байдлаар орон нутагт эвдэрсэн 424 замаас 364-ийг нь цэвэрлээд байгаа бөгөөд пүрэв гараг гэхэд бүх хурдны замыг нээхээр төлөвлөжээ. Бээжингийн гал түймэртэй тэмцэх, аврах ангийн дарга Ү Жэнкүн хэвлэлийн бага хурлын үеэр хэлснээр, нийт 6830 ажилтан, 1356 авто машин, 296 завийг гамшигт нэрвэгдсэн бүсүүд рүү илгээсэн байна. Аврах багийнхан 1879 хүнийг аварч, 3521 хүнийг нүүлгэн шилжүүлж, 56 тонн яаралтай тусламжийг хүргэжээ.

Бээжинд орсон аадар борооны улмаас 44 хүн амиа алджээ

Монгол Улсын Ерөнхий сайд Г.Занданшатар өнөөдөр өөрийн цахим хаягтаа дараах мэдээллийг оруулжээ. Тэрбээр, “НӨАТ-ын буцаан олголтыг 5 хувь болгоно хэмээн мэдэгдлээ.
Сануулахад, тэрбээр 2023 онд УИХ-ын даргын албан тушаалыг хашиж байхдаа Нийтийн өргөдөл хүлээн авах Улсын Их Хурлын цахим системд Нэмэгдсэн өртгийн албан татварын тухай хуульд өөрчлөлт оруулж, нэмэгдсэн өртгийн албан татварын буцаан олголтыг 5 хувиас доошгүй байхаар тогтоох саналыг  байршуулж байсан юм.

Хайх