<div class="post-body news-content">
<div>
<p>БНХАУ-ын Гүйжоу хотод уулын дугуйн 2025 оны Ази тивийн аварга шалгаруулах тэмцээн эхэллээ. Уг тэмцээний насанд хүрэгчдийн элит ангилалд манай улсаас “Downhill Mongolia” клубын тамирчин М.Баттуул, Э.Баярбат, Г.Түвшинбаатар оролцож байна. Мөн өсвөрийн ангилалд Г.Энхболд уралдахаар бүртгүүлжээ. Баг тамирчдыг Монголын дугуйн холбооны Удирдах зөвлөлийн гишүүн, “Downhill Mongolia” клубийн тэргүүн Б.Отгондаваа ахалж байгаа аж.</p>
<p>Уулын дугуйн хамгийн үзүүштэй экстрим уг төрөл манай улсад хөгжөөд удаагүй байгаа ч баг тамирчид 2020 оноос хойш тасралтгүй тивийн аварга шалгаруулах тэмцээнд оролцож байна.</p>
</div>
</div>
<div class="d-flex justify-content-between align-items-center w-100">
<div class="social-share-box-2 mt-5 mb--40">
<div class="d-flex justify-content-start">
<div class="conent-block">
<p>&nbsp;</p>
</div>
</div>
</div>
</div>


Монголын дугуйчид Азийн аваргад оролцож байна

<div class="post-body news-content">
<p>Нийтийн эзэмшлийн талбайд байрлуулсан ТҮЦ болон зөөврийн байгууламжийг нийслэлийн засаг даргын 2025 оны А/273 дугаар захирамжийн дагуу буулгаж, зам талбайг чөлөөлөх ажлыг холбогдох төрийн байгууллагууд зохион байгуулж буй. Нийслэлийн засаг даргын энэхүү захирамж нь ТҮЦ эрхлэгчдийн эрх ашгийг хөндөж, хүний эрх зөрчигдсөн гэж үзсэн тул “ТҮЦ эрхлэгчдийн нэгдсэн холбоо”-ны төлөөлөл ХЭҮК-т гомдол гаргасан байна.</p>
<p>Уг асуудалтай холбогдуулан ХЭҮК-ын гишүүн Б.Энхболд өнөөдөр /2025.04.25/ тус холбооны төлөөлөлтэй уулзаж, хүсэлтийг нь хүлээн авч, санал солилцжээ.</p>
<p>Төрийн аливаа шийдвэр хүний эрхэнд суурилах ёстой. Тухайн шийдвэрийг хэрэгжүүлэхдээ хүний эрх зөрчих ёсгүй гэдгийг тэрбээр онцолж, нийслэлийн Засаг даргын Тамгын газраас баримт, мэдээлэл авахаар албан бичиг илгээсэн байна. Хяналт, шалгалтыг богино хугацаанд хийж, хариу өгөхөө илэрхийллээ.</p>
</div>
<div class="d-flex justify-content-between align-items-center w-100">
<div class="social-share-box-2 mt-5 mb--40">
<div class="d-flex justify-content-start">
<div class="conent-block">
<p>&nbsp;</p>
</div>
</div>
</div>
</div>


ТҮЦ эрхлэгчдийн төлөөлөлтэй ХЭҮК-ын төлөөлөл уулзжээ

<p>Аймаг, нийслэл, сум, дүүргийн ИТХ-ын нөхөн сонгууль зургаадугаар сарын 22-нд болно. Үүнтэй холбогдуулж нөхөн сонгууль явуулах хэсгүүдэд иргэний шилжилт хөдөлгөөнийг зогсоогоод байна. Харин тухайн хэсгүүдийн иргэний шилжилт хөдөлгөөнийг зургаадугаар сарын 23-нд сэргээх юм. Иргэний засаг захиргааны нэг нэгжээс нөгөө нэгжид шилжин суурьших хөдөлгөөнийг санал авах өдрөөс 60 хоногийн өмнө зогсоож, санал авах өдрийн дараах өдрөөс сэргээнэ гэж хуульчилсан.</p>
<p>Улсын бүртгэлийн ерөнхий газар Сонгогчдын нэрийн жагсаалтыг гуравдугаар сарын 24-ний өдрөөс эхлэн цахим хуудаст байршуулаад буй. Нөхөн сонгууль явуулах хэсгийн сонгогчид Улсын бүртгэлийн ерөнхий газрын https://burtgel.gov.mn/ цахим хуудсанд хандаж, “Аймаг, нийслэл, сум, дүүргийн ИТХ-ын 2025 оны нөхөн сонгуулийн сонгогчдын нэрийн жагсаалт” цонхыг идэвхжүүлэн иргэний бүртгэлийн дугаар, бүртгэлтэй хаягийн мэдээллээ оруулан шалгах боломжтой.</p>


Нөхөн сонгууль явуулах хэсгүүдийн шилжилт хөдөлгөөнийг зогсоожээ

<p>Нийслэлийн есөн дүүргийн 23 байршилд өнөөдөр/2025.04.26/ нөөцийн махны өргөтгөсөн худалдааг 10:30-17:00 цагт зохион байгуулна. Хонины махыг гулуузаар, 1 кг нь 11800 төгрөгөөр худалдан борлуулна.</p>
<div class="entry-media">
<div class="tw-element uk-overflow-hidden tw-owl-carousel-container load-done" data-dots="false" data-nav="true" data-loop="false">
<div class="owl-carousel onhover owl-theme owl-loaded" data-uk-scrollspy="target: .shop-item; cls:uk-animation-slide-bottom-medium; delay: 300;">
<div class="owl-stage-outer owl-height">
<div class="owl-stage" data-uk-lightbox="animation:fade;">
<div class="owl-item active active-first">
<div class="gallery-item"><a href="https://news.mn/wp-content/uploads/2025/04/2-5.jpg"><img decoding="async" src="https://news.mn/wp-content/uploads/2025/04/2-5.jpg" alt="2" /></a></div>
</div>
<div class="owl-item">
<div class="gallery-item"><a href="https://news.mn/wp-content/uploads/2025/04/3-5.jpg"><img decoding="async" src="https://news.mn/wp-content/uploads/2025/04/3-5.jpg" alt="3" /></a></div>
</div>
<div class="owl-item">
<div class="gallery-item"><a href="https://news.mn/wp-content/uploads/2025/04/4-4.jpg"><img decoding="async" src="https://news.mn/wp-content/uploads/2025/04/4-4.jpg" alt="4" /></a></div>
</div>
<div class="owl-item">
<div class="gallery-item"><a href="https://news.mn/wp-content/uploads/2025/04/5-4.jpg"><img decoding="async" src="https://news.mn/wp-content/uploads/2025/04/5-4.jpg" alt="5" /></a></div>
</div>
<div class="owl-item">
<div class="gallery-item"><a href="https://news.mn/wp-content/uploads/2025/04/6-3.jpg"><img decoding="async" src="https://news.mn/wp-content/uploads/2025/04/6-3.jpg" alt="6" /></a></div>
</div>
<div class="owl-item">
<div class="gallery-item"><a href="https://news.mn/wp-content/uploads/2025/04/7-1.jpg"><img decoding="async" src="https://news.mn/wp-content/uploads/2025/04/7-1.jpg" alt="7" /></a></div>
</div>
</div>
</div>
<div class="owl-nav"></div>
</div>
<div class="owl-carousel onhover owl-theme thumbs owl-loaded" data-uk-scrollspy="target: .shop-item; cls:uk-animation-slide-bottom-medium; delay: 300;">
<div class="owl-stage-outer">
<div class="owl-stage">
<div class="owl-item active current">
<div class="gallery-item"></div>
</div>
<div class="owl-item active">
<div class="gallery-item"></div>
</div>
<div class="owl-item active">
<div class="gallery-item"></div>
</div>
<div class="owl-item active">
<div class="gallery-item"></div>
</div>
</div>
</div>
</div>
</div>
</div>


Өнөөдөр нөөцийн мах худалдаалж буй 23 байршил

<p class="has-text-align-center"><strong><em>Монгол Улсын гавьяат тамирчин Ц.Шаравжамцтай ярилцлаа.</em></strong></p>
<hr />
<p><strong>-Багийн спорт, тэр дундаа сагсан бөмбөгөөс гавьяат цол авсан тохиолдол их ховорхон байдаг. Анхных нь та байх аа?</strong></p>
<p>-2009 онд анхны гавьяат тамирчин болсон.</p>
<p><strong>-Дараа нь Т.Түвшинбаяр авлаа. Харин одоо тамирчин байхдаа Билгүүн энэ цолыг авлаа. Энэ спорт олонд хүрч байна гэж харагдаад байх шиг?</strong></p>
<p>-Тэгж байна. Сүүлийн хэдэн жил ялангуяа хоёр хуваагдаж зовж, зовж эргээд эв найрамдалтай нэг болсны буян байх даа. Сагсан бөмбөг огцом хөгжиж байна. Сонирхогчдын тоо ч нэмэгдэж байна. Гаднаас том, том тамирчид ирж тоглодог болсон байна. Монгол дахь багуудын тоо ч их нэмэгдсэн. Дээд лиг рүүгээ орох гэж. Хэдэн ч лиг байгаа юм. Маш олон баг бий болсон байна.</p>
<p><strong>-Цэл залуухан насанд “1+11”-ийхэн Шараваа гээд л харагддаг байлаа. “Бизнесийн чөтгөрүүд” лигийн од болж байсан он жилүүдийг сурвалжилж байлаа. Түүхийг нь хараад байхаар аливаа юм уншигддаг ном шиг байдаг шүү дээ. Тийм биш юм аа гэхэд та нарын залуу насыг аваад үлдчихсэн байх юм. Гоё уу?</strong></p>
<p>-Сайхан шүү дээ. Аав минь дээр үед “Залуу байх сайхан. Гэхдээ залуу байхдаа миний хүү болж өгвөл эх орондоо хэрэгтэй юм хийвэл Монгол Улсынхаа түүхэнд нэг өгүүлбэрээр ч гэсэн орохыг хичээж явдаг юм шүү” гэж захиж байсан. Аавынхаа хэлсэн энэ үгийг байнга бодож явдаг. Сагсан бөмбөгийн спортын Монгол Улсын анхны гавьяат гэдэг нэг өгүүлбэрээр өөрийгөө түүхэнд бичсэн гэж ойлгож байгаа.</p>
<p><strong>-Та волейболчин бүсгүйг амьдралын ханиараа сонгосон. Хоёр хүүтэй. Хүү тань NBA-д тоглох гээд давхиж явна. Та хүний өөрийн олон хүүхдийг “Миний хүү” гээд гаргаж ирээд байх юм. Энэ ямар учиртай юм бэ?</strong></p>
<p>-Би өөрөө Улаанбаатарт, гэр Эрдэнэтэд. Улаанбаатарт ирчихээд хонох айл олдох, олдохгүй янз янз байсан үе бий. Ах эгчийндээ байна, найз нөхдийндөө байна. Заримдаа найз нөхөд маань эзгүйд нь өвлийн хүйтэнд орцонд хононо. Энэ бүх зовлонг өөрийн биеэр туулж өнгөрсөн болохоор гарч ирж байгаа залуу тамирчдад чадах чинээгээрээ тусалъя гэж бодож явдаг.</p>
<p>Дээрээс нь хүүгийн багийнхан гээд арван хэдэн хүүхдийг Тамираа, Сэдээ бид хэд хар багаас нь бэлдээд гаргаж ирсэн. Одоо бүгд дээд лигт орчихсон. Тэд байнга гэрээр маань орж гарна. Гэр дүүргээд байж байдаг. Тэднийгээ өөрийн хүү шигээ санадаг учраас “Миний зулзаганууд” гэдэг. Тийм учиртай юм.</p>
<p><strong>-Одоо 50 хүүхэд аваад АНУ руу явна гэдэг мэдээлэл сонслоо. NBA гэдэг Монголд ойртчихсон юм шиг санагдаад байх юм?</strong></p>
<p>-NBA Монголоос хол хэвээрээ байгаа. Гэхдээ тэр хол замыг анхнаас нь туулж эхлэх хэрэгтэй шүү дээ. Эхлэлийн гараанаасаа гарч байна гэсэн үг. Урьд нь хоёр гурван хүүхэд явуулчихсан. Ш.Энхийн-Од, Г.Дөлгөөн, өндөр С.Ган-Эрдэнэ гээд, Ш.Энхийн-Одын гаргасан жимээр ар араасаа нэг нэгээрээ явж байсан бол энэ жимийг зам болгох гээд ганц ганцаараа биш, 50 хүүхдийг нэгэн зэрэг АНУ-д аваачаад тэдэнд боломж олгох гэж сэтгээд л хийгээд явж байна даа.</p>
<p><strong>-Алс холын АНУ-д очиход мөнгө төгрөг мэдээж хэрэг болно. NBA гэдэг бол тоглоом биш. Энэ бүхэнд сэтгэл зүрхээ зориулахын учир юу юм бэ?</strong></p>
<p>-Хүүхдэд боломж олгох гэдэг бол хамгийн том зүйл. Хүний хүү хаана хүрэхийг хэн ч тааж мэдэхгүй. 50 хүүхэд АНУ явж байна гэдэг шууд NBA руу орох зам руугаа орж байна гэсэн үг биш. Арван жилийн хүүхдүүд эхлээд сургуульд орох боломжоо хайна. Дараа нь Их сургуульд орох боломжоо хайна. Маш олон даваа бий. Түүний хамгийн анхны алхмыг нь хийлгэж байна гэсэн үг. Би ганц хоёр хүүхдэд дэм болоод явж байсан. Түүнийг арай жаахан өргөжүүлсэн нь энэ л дээ. Монголоор дүүрэн сайхан мөрөөдөлтэй, ирээдүйд сайн сагсчин болох зорилготой хүүхэд байгаа. Тэднийгээ дэмжье л гэсэн үйл ажиллагаа юм.</p>
<p><strong>-Биеийн тамир, спортын улсын хороо гэсэн байгууллагыг удирдаж явсан цаг үе өөрт тань бий. Албыг нь хашсан шиг хашаад, өгөхдөө өгөөд гараад явна гэсэн. Яг л хэлсэндээ гараад явсан. Одоо юу хийж байгаа вэ?</strong></p>
<p>-Анхнаасаа хэлсэн, ярьсандаа байхыг хүсдэг. Анх ажлаа аваад чадах чинээгээрэ ажиллаад өөрийн хийж чадах бүхнийг хийснийхээ дараа ажлаа өгөөд явна гэсэн. Би яг зургаан жил ажилласан. Энэ хугацаандаа өөрийнхөө хэмжээнд чадах чинээгээрээ хангалттай ажилласан гэж бодож байна. Тийм учраас л ажлаа өгсөн. Одоогоор хүүхдүүдийн төлөө л явж байна. Хүн өөрийнхөө дуртай юмыг хийх жаргал байдаг. Миний дуртай зүйл бол хүүхдүүдэд сагсан бөмбөгөө зааж байгаа энэ ажил. Дуртай ажил маань болохоор хийгээд л явж байна.</p>
<p><strong>-Үүнээс гадна та загас барих дуртай юм шиг байна лээ?</strong></p>
<p>-Аялах дуртай, загас барих дуртай. Би насаараа л загас барилаа. Гэхдээ загас иддэггүй. Барьсан загасаа буцаагаад тавьдаг хүн. Загас барих бол миний нэг хобби. Энэ нь аялалтайгаа хосолж байгаа юм. Монгол нутгийнхаа хөдөө хээр талд машинтай давхих дуртай. Ой хөвчид очоод шууд аяны хөнжлөө задлаад унтаж амрах үнэхээр сайхан. Очсон газраа хамгийн түрүүнд ойр орчимд нь хог байвал түүгээд шатаачихдаг. Явж байгаа газраа чадах чинээгээрээ цэвэрлэдэг дээ. Өөрөө хээр аялах дуртай болохоор хамгийн их хүмүүсийн аялдаг газрууд хогоор дүүрчихсэн байвал боломжийнхоо хэмжээгээр тэр хавиа цэвэрлэж явдаг.</p>
<p><strong>-Хүн чанараараа оршиж чаддаг тань, өөрөөрөө байж чаддаг тань омогшил төрүүлээд байдаг юм?</strong></p>
<p>-Монгол эр хүн тийм л байх ёстой гэж боддог. Шалчганаж, олон хувираад янз янз болоод, гэв гэнэт өөрчлөгдөөд байх дэмий. Монгол эр хүний ноён нуруу гэдгийг нэг хэвэндээ байх, нэг үзэл бодолтой байх, түүндээ үхэн үхтэлээ үнэнч байх гэж боддог. Аливаа зүйлд өөрчлөгдөөд, хувираад, урваж шарваад, сэтгэл санаагаа шал ондоо болгоод байх дургүй.</p>
<p><strong>-Өөрийн тань энэ амьдралд авсан бүсгүй сонголт зөв байсан уу?</strong></p>
<p>-Зөв байсан. Ер нь ханиа сонгоно гэдэг хүний амьдралын 50 буюу түүнээс дээш хувийг эзэлдэг юм шиг байгаа юм. Би их азтай. Маш сайхан ханьтай болсон. Сайхан хоёр хүү төрүүлж өгсөн. Бурхан шиг сайхан хадмуудтай. Ханиасаа илүү хадмууддаа очиж эрхэлдэг. Өөрийгөө их л азтай яваа хүн гэж боддог.</p>
<p><strong>-Монгол Улсын анхны гавьяат тамирчин хүний хувьд сагсан бөмбөгийн өнөөдрийн өнгийг, ирээдүйг тодорхойл гэвэл юуг хэлэх вэ?</strong></p>
<p>-1994 онд анх Г.Золжаргал гэж ерөнхийлөгчтэй болсон. Тэр үед нийгэм солигдож байсан учраас хараахан задгайрчихаагүй байсан. Тухайн үед сагсан бөмбөг гэдэг спортыг хүн болгон үзэж сонирхдог байсан. Аливаа юм өсөлттэй байлаа гэхэд тэр чигээрээ өссөөр байгаад дуусна гэж байхгүй. Эргээд уналтын үе тохиодог. Холбоо маань хоёр хэсэг болоод арван хэдэн жил уналтад орсон. Уналтын доод цэг дээр эргээд хоёр холбоо маань нэгдээд буцаад дээшээ пуужиндаж байгаа үе гэж харж байна. Тийм учраас энэ өсөлтөө бариад, эв нэгдэлтэй яваад байвал сагсан бөмбөгийн спорт Монголд бүр илүү өндөр хөгжих боломж их харагдаж байна. Тиймээс энэ сайхан цаг үед сагс тоглож байгаа дүү нартаа бэлтгэл сургуулилтаа сайн хийгээд, холбоогоо сайн дэмжээд эв нэгдэлтэй байх хэрэгтэй. Ирээдүйн Монголын шигшээ багийн өнгө их л аятайхан харагдаж байна. Ойрын тав, арван жилдээ Азийн томоохон улс орнуудтай ойролцоо хэмжээнд үздэг, заримыг нь хождог хэмжээнд очно гэж харж байна.</p>
<p><strong>-Монгол арай хүчирхэгж сэн. NBA-д тоглож байсан тоглогчийг Монголд авчраад сарын 600 сая төгрөгөөр тоглуулсан Лигийг авчирч үзүүлнэ гэдэг өөрөө мөн чанар байх, тийм үү?</strong></p>
<p>-Энэ бол том алхам. Дэлхийн хэмжээний АНУын шигшээд байсан, олимп дэлхийн аварга. NBA-ийн бүх оддын тоглолтод тав дахь удаа сонгогдож орж байсан. Энэ нь түүнийг өндөр хэмжээний ур чадвартай тоглогч гэдгийг баталж байгаа юм. Дэлхийн анхаарлыг татаж байгаа байхгүй юу. Монголд тоглож байна. Монгол гэж ямар улс байдгийг таниулж байгаа юм. Энэ улсын сагс нь яадаг юм. Одоо интернэт хөгжсөн үе. Хүүхдүүд бол шууд ороод харж байгаа. Тэгэхээр энэ нь эргээд Монголын сагсны хөгжилд нэг том шат ахисан үйл явдал ирээд тоглож байгаа юм чинь тийм зиндааны тоглогч нар дараа нь ирэх хаалгыг нээж өгч байгаа юм. Тэгэхээр өндөр чадвартай тоглогчид ирж тоглох тусам манай тамирчдын чадвар дагаад өснө. Энэ нь эргээд Монголын хөгжилд үнэтэй хувь нэмэр оруулж байгаа гэж би боддог.</p>
<p><strong>-Тэгэхээр сагсан бөмбөг хөгжих шатандаа орчихлоо гэж Та хэлэх гээд байна уу?</strong></p>
<p>-Би түрүүн хэлсэн. Ер нь пуужиндах шатандаа орлоо. Илүү хөгжих шат.</p>
<p><strong>-Багийн спорт багийнх байдаг. Ер нь Монгол сагсаараа хэр өндөрт очих тэр цэгийг товчлоод харвал хаана байна вэ?</strong></p>
<p>-Шат шатаар ахисан нь дээр. Эхний ээлжинд Азийн аваргаас медаль хүртдэг хэмжээнд очих ёстой гэж бодож байна. Азид БНХАУ гээд том, том улс бий. Ядаж байхад Австрали гээд хүчирхэг улс Азийн аварга руу ордог болсон. Дээрээс нь Иран, Ирак дажгүй. Япон, Солонгос гээд байна. Эхний ээлжинд энэ улсуудыг хождог болох хэрэгтэй. Азийн аваргын тэмцээнд медаль авна гэж зорилгоо тавих ёстой. Эндээс медаль аваад ирэхээр олимпод оролцох боломж бий болно. Энэ бол дараа нь яригдах асуудал. Минийхээр Монголоосоо таван тамирчныг АНУ-д өндөр түвшний мэргэжлийн лигүүдэд тоглуулах хэрэгтэй. Тэр хэмжээгээрээ тамирчдын ур чадвар дээшилнэ. Монгол тамирчдын ур чадвар дээшилж байж Азийн аварга руу ойртож очно. Тиймээс би үүнийг л бэлдээд яваад байгаа.</p>
<p><strong>-Эртний сайхан танилуудтайгаа хэр уулздаг вэ?</strong></p>
<p>-Манай багийнхан бол байнга уулзалддаг. Манай баг эвтэй найрамдалтай багуудын нэг байсан. Ганц багийнхан гэлтгүй тухайн үеийн бүх тамирчидтайгаа байнга л уулздаг. Таарахаараа мэндтэй, найзалж нөхөрлөөд явж л байдаг. Тухайн үеийн фенүүд ч гэсэн ялгаагүй. Насан туршийн найзууд болсон фенүүд ч байна. Тэдэнтэйгээ ч уулздаг.</p>
<p><strong>-Өөрийнхөө оронд хүүгээ сагсны талбайгаас харах ямар байдаг вэ. Эцэг хүний мэдрэмжээсээ хуваалцахгүй юу?</strong></p>
<p>-Хэцүү шүү. Өөрөө талбай дээр байсан бол алдаж, оноод учир нь олдоно. Үр хүүхдээ тэнд харахаар өөрөө гарснаас хэд дахин илүү шатаж байгаа юм чинь. Сайн тоглох үед нь хэд дахин илүү баярлаж байгаа юм. Муу тоглох үед нь хэд дахин илүү шатна. Гэхдээ зүгээр л жаргалтай байгаа. Нэг хүү минь дасгалжуулагч хийж байгаа. Нөгөө хүү минь өөрийнхөө хэмжээнд түүх бүтээгээд явж байна. Тийм болохоор азтай.</p>
<p class="has-text-align-right"><em>Эх сурвалж: “Өдрийн сонин”</em></p>
<p class="has-text-align-right"><strong><em>Н.Саранчимэг</em></strong></p>


Ц.Шаравжамц: Гарч ирж байгаа залуу тамирчдад чадах чинээгээрээ тусалъя гэж бодож явдаг

<p class="grey_background"><em>Галт тэрэгний цагийн хуваарь маргаашаас /2025.04.28/ өөрчлөгдөнө</em></p>
<hr />
<p class="grey_background">Тодруулбал,&#8221;УБТЗ&#8221; ХНН-ээс 2025 оны дөрөвдүгээр сарын 28-ны өдрөөс эхлэн тавдугаар сарын 28-ны өдрийг дуустал зорчигчийн галт тэрэгний цагийн хуваарьт өөрчлөлт оруулсан талаар мэдээллээ. Цагийн хуваарь ингэж өөрчлөгджээ.</p>
<p class="grey_background">Улаанбаатар – Эрдэнэт чиглэлийн галт тэрэг дөрөвдүгээр сарын 28-наас эхлэн Улаанбаатар хотоос 18:55 цагт хөдөлж, Эрдэнэт өртөөд 08:30 цагт очно.</p>
<p>Эрдэнэт –Улаанбаатар чиглэлийн галт тэрэг дөрөвдүгээр сарын 28-наас эхлэн  Эрдэнэт өртөөнөөс 17:10 цагт хөдөлж, Улаанбаатар хотод 06:15 цагт ирнэ.</p>
<p><strong>Сүхбаатар:</strong></p>
<ul>
<li>Улаанбаатар – Сүхбаатар чиглэлийн галт тэрэг 04-р сарын 28-ны өдрөөс эхлэн Улаанбаатар хотоос 09:35, 18:55 цагт хөдөлж, Сүхбаатар өртөөд 18:50, 04:35 цагт очно.</li>
<li>Сүхбаатар –Улаанбаатар чиглэлийн галт тэрэг :</li>
<li>04-р сарын 28-ны өдрөөс эхлэн Сүхбаатар өртөөнөөс 19:56 цагт хөдөлж, Улаанбаатар хотод 06:15 цагт ирнэ.</li>
<li>04-р сарын 29-ны өдрөөс эхлэн Сүхбаатар өртөөнөөс 05:55 цагт хөдөлж, Улаанбаатар хотод 15:20 цагт ирнэ.</li>
</ul>
<p><strong>Дархан:</strong></p>
<ul>
<li>Улаанбаатар – Дархан чиглэлийн галт тэрэг Улаанбаатар хотоос 09:35, 18:55 цагт хөдөлж, Дархан өртөөд 16:35, 01:58 цагт очно.</li>
<li>Дархан –Улаанбаатар чиглэлийн галт тэрэг Дархан өртөөнөөс 08:15, 23:20 цагт хөдөлж, Улаанбаатар хотод 15:20, 06:15 цагт ирэх хуваарьтай байна.</li>
</ul>


Галт тэрэгний цагийн хуваарь маргаашаас эхлэн өөрчлөгдөнө

<p>Баянгол дүүргийн хэмжээнд 21 байршилд 292 гараашийг буулгаж, нийтийн эзэмшлийн гудамж, талбайг чөлөөлөөд байна.</p>
<p>Нийслэлийн Засаг даргын А/211 захирамжаар энэ онд Баянгол дүүрэгт 39 байршилд 626 гарааш буулгаж, газар чөлөөлөхөөр болсон. Энэ ажлын хүрээнд Баянгол дүүргийн 9-р хороонд 14, 10-р хороонд 32, 18-р хороонд 68 гараашийг буулгажээ.</p>
<p>Дээрх чөлөөлсөн талбайг иргэдийн санал хүсэлтийн дагуу ногоон байгууламж, цэцэрлэгт хүрээлэн болгон тохижуулна.</p>


Чөлөөлсөн талбайг цэцэрлэгт хүрээлэн болгон тохижуулна

<p><strong><em>Сэтгэл зүйч, сэтгэл заслын докторант Д.Мөнхцэцэгтэй ахмадууд яагаад ганцаарддаг болон түүнийгээ хэрхэн даван туулж болох талаар ярилцлаа.</em></strong></p>
<hr />
<p><strong>-Ахмад настнууд яагаад бусдаас илүү ганцаардлыг мэдэрдэг юм бэ?</strong></p>
<p>-Манай ахмадууд буюу 50-иас дээш насныхан өөрийгөө хэн бэ гэдгээ хараахан таньж мэдээгүй байдаг. Би хэн бэ гэх асуултад хариулт олж чадаагүй. Тэд амьдралынхаа туршид өөрийнхөө төлөө бус өөр хүмүүсийн төлөө зүтгэж ирсэн учраас тэр. Ер нь манай ахмадуудын ихэнх нь би биш бид гэх хамтач үзлээр өсөж торниж, амьдарсан хүмүүс байдаг. Зөвхөн 50 нас гэлтгүй 60, 70 насанд хүүхдүүд нас биед хүрээд тусдаа гарч, хувийн амьдралаа хөөдөг. Яг энэ үед ахмадууд ганцаардлыг хамгийн ихээр мэдэрдэг. Тэд өнгөрсөн хугацаанд би юуны төлөө амьдарч байсан юм бэ гэж өөрийн эрхгүй бодно. Бүхий л залуу насаа улс эх орон, төрийнхөө төлөө зориулсан ч эцэст нь ганцаараа үлдсэн. Мэдээж хүүхдүүдийнхээ сайн сайхны төлөө ажиллаж, амьдарсан ч хүүхдүүд нь тоохоо больсон.</p>
<p>Орчин үед ихэнх залуучууд би өөрийнхөө амьдралаар л амьдарна гэх хандлагатай байдаг. Тиймээс ахмадууд хүүхдүүдээсээ хангалттай хайр, халамж мэдэрч чаддаггүй.</p>
<p>Мөн найз нөхөдтэйгөө уулзаад гадуур гарч хамт цагийг өнгөрөөе гэхээр мөнгөгүй. Ихэнх ахмадууд санхүүгийн бэрхшээлтэй байдаг. Тэдний ганц орлого болох тэтгэвэр нь өдөр тутмын ахуйн хэрэглээ, эм тарианаас нь илүү гардаггүй. Зарим нь тэтгэврээ хэдэн сараар нь зээл аваад үр хүүхдэдээ өгчихсөн байх жишээтэй. Ингэхээр тэд юу хэрэглэж, өөрийгөө зугаацуулах юм. Харин 50-иад насны ахмадуудын хувьд ажил хийх сонирхол их өндөртэй. Харамсалтай нь сүүлийн үед оюун ухааны ур чадвараас илүү сэтгэл зүйн ур чадварыг эрхэмлэдэг болсон. Тэгэхээр нөгөө зарим газруудад байдаг муухай ааштай ах, эгч гэдэг чинь манай ахмадууд болж таараад байгаа юм. Одоо ихэнх байгууллагууд туршлага, ур чадвараас илүү бусадтай гоё харилцдаг, эелдэг залуучуудыг ажилд авдаг болжээ. Зарим талаараа ахмадууд залуу үетэйгээ сайн ойлголцож чаддаггүй. Энэ бүхний эцэст нийгэм, гэр бүл нь тэднийг гадуурхаж байгаа мэт нөхцөл байдал үүсдэг.</p>
<p><strong>-Сүүлийн үед ахмадууд ухаалаг утас, чихрийн хэрэглээ өндөртэй болсон гэнэ. Энэ нь тэдний ганцаардлаас үүдэлтэй юу?</strong></p>
<p>-Ер нь бол тийм. Яг л жаахан хүүхэд шиг өөрийгөө саатуулах, өөртөө хань болох зүйлийг хайж буйн нэг хэлбэр нь энэ юм. Бид орой гэртээ ганцаараа байхдаа зурагтаа асаадаг шүү дээ. Учир нь өөрт ханьтай санагддаг учраас тэр. Ахмадуудын хувьд яг л үүнтэй адилхан гар утас тэдэнд хань болдог юм. Нөгөө талаасаа үр хүүхэд, ач зээ, хамаатан садан, үеийнхэнтэйгээ холбоо тогтоох хэрэгсэл болгож ашиглахын тулд гар утсыг биедээ авч явдаг. Хэн нэгнээс дуудлага ирэхийг хүлээдэг гэсэн үг. Ядаж өдөрт нэг хүнтэй ярьж цаг нөгцөөхийг хүснэ шүү дээ. Сонин хачин, өнгөрсөнд бүтээсэн сайхан дурсамжаа утасны цаанаас ч хамаагүй эргэн санахыг хүсдэг. Тиймээс манай залуучууд өдөрт ганц удаа ч болов эцэг эх рүүгээ залгаж байх хэрэгтэй. Тэдний ямар үнэ цэнэтэй хүн болохыг нь сануулж бай. Ахмадууд маань урамшина. Үгийн сайхнаар эцэг эхээ урамшуулж байгаарай. Чихрийг бол ахмадууд яах аргагүй маш их иддэг. Яагаад гэвэл тэд юм ховор үед өссөн. Харин юм элбэг дэлбэг болсон цаг үед хэдийнэ аав, ээж болсон учраас өөрсдөө идэхээс илүү үр хүүхдэдээ зориулсан. Харин хөгшрөөд чихэр, шоколад гэх мэт амттай зүйлс идэх сонирхолтой байвал аз жаргалтай мэдрэмж авахыг хүсч байгаагийн илрэл. Чихэр идэхээр хүн тайвширдаг. Ахмадуудын хувьд ганцаараа ч хамаагүй жаргалтай байгаа мэт мэдрэмж авахыг хүсч буй юм.</p>
<p><strong>-Ер нь 80-аас дээш болон доош насныхны ганцаардалд өртөх байдалд ялгаа бий юу?</strong></p>
<p>-Байгаа. 80-аас дээш нас гэдэг бол үхэлтэй нүүр тулсан нас. Хүн үхэхийнхээ өмнө шүд, найз нөхөд гээд бүх зүйлээ алддаг. Өөрөөр хэлбэл, дахин алдах зүйлгүйгээр ганцаардаж байгаа юм. Энэ бол үхэлтэй, үнэнтэй нүүр тулсан ганцаардал. Харин 80-аас доош хүний ганцаардал бол өөр. Энэ ганцаардал маш хэцүү. Үнэнтэй гэхээсээ хайр халамж, хэн нэгнээр дутагдаж байдгаараа өөр. Үүнээсээ шалтгаалаад хэцүү байдаг.</p>
<p><strong>-Та залуучуудад эцэг эхдээ хэрхэн анхаарал халамж тавьж, ганцаардуулахгүй байх талаар зөвлөгөө хүргэхгүй юу?</strong></p>
<p>-Аав ээжийгээ хөгшин, эсвэл тэтгэврийн насны хүн гэдэг өнцгөөс огт харж болохгүй. Харин ч эсрэгээрээ аль болох эцэг эхээ нийгмийн харилцаанд эргэж эрчимтэй ороход нь түлхэц болж өгөх хэрэгтэй. Агаар салхинд гарга. Найз нөхөдтэйгөө цагийг өнгөрөөхөд нь тусал. Зүгээр л өнгөрсөн хугацаанд та маш их хичээж амьдарсан шүү гэдгийг нь ойлгуулж, мэдрүүл. Ямар сайн аав, мундаг ээж байсныг нь хэлж өг. Энэ бол үр хүүхдийн хийж өгөх зүйл. Бусдыг нь тухайн хүн өөрөө хийж, даван туулах ёстой.</p>
<p><strong>-Тэгвэл та ахмадууд өөрсдөө ганцаардлаа даван туулах ёстой гэж хэлэх гээд байна уу?</strong></p>
<p>-Энэ бол ганцаардал биш. Харин ч амьдрал шинээр эхэлж байгаагийн дохио. Одоо л жинхэнэ таны амьдрал эхэлж байна гэж ахмадууддаа хандаж хэлье. Зөвхөн хувь хүний амьдралаараа амьдрах боломж шүү. Үр хүүхдийнхээ, э свэл нөхрийнхөө, эхнэрийнхээ төлөө амьдрах шаардлагагүй. Та үүргээ хангалттай биелүүлсэн. Би ярилцлагынхаа эхэнд хэлсэн шүү дээ. Манай ахмадууд өөрийгөө хэн бэ гэдгээ таньж мэдээгүйгээсээ болж ганцаарддаг. Харин одоо өөрийгөө таньж мэд. Хүүхэд насандаа юу хийхийг хүсдэг байсан түүнийгээ хий. Усанд сэл, ууланд авир, дэлгүүр хэс, шинэ хүмүүстэй танилц, шинэ хэл сур, үйл урла, зураг зур, улс орнуудаар аял, ганцаараа суугаад борооны чимээнд ном унш, өөрийгөө урамшуул. Нас явлаа гээд бусдаас өөр зүйл хийнэ гэсэн үг биш. Ялгаагүй л хүн учраас хийх зүйл нь адилхан. Магадгүй их сургуульд сурахыг хүсч байсан бол оюутан болоод үз. Дэлхий дээр ийм жишээ олон байдаг шүү дээ. Энэ бол ичих зүйл биш. Эцсийн эцэст бид бүгд хувь хүн. Тиймээс хэн нэгэн таныг хайрлахыг бүү хүлээ. Өөрийгөө бусдаас урьтаж хайрла. Үнэндээ 50-иас дээш нас гэдэг шинэ амьдралын эхлэл. Ахмадууд минь хувь хүний амьдралд тавтай морил.</p>
<p class="has-text-align-right"><em>Эх сурвалж: “Өдрийн сонин”</em></p>
<p class="has-text-align-right"><strong><em>А.Даваадулам</em></strong></p>


Хайх