Нийгмийн халамжийн тэтгэвэр, тэтгэмж, хөнгөлөлт, тусламжийн олголтын ирэх сарын хуваарийг Хөдөлмөр, халамжийн үйлчилгээний ерөнхий газраас танилцууллаа.
Хүүхдийн мөнгөн тэтгэмжийг долдугаар сарын 18-нд олгоно. Мөн асаргааны тэтгэмжийг долдугаар сарын 08, 25-нд, онцгой тохиолдлын мөнгөн тэтгэмжийг 25-нд тус тус олгох юм байна.

Хүүхдийн мөнгөн тэтгэмжийг долдугаар сарын 18-нд олгоно DNN.mn

Өнөөдөр 16:00-22:00 цаг хүртэл Улаанбаатар үүлэрхэг, дуу цахилгаантай бага зэргийн аадар бороо орно
Зургаадугаар 29-ний 20:00 цагаас 30-ны 20:00 цаг хүртэлх цаг агаарын урьдчилсан мэдээ:
Шөнөдөө төвийн аймгуудын нутгийн зүүн, зүүн аймгуудын нутгийн өмнөд хэсгээр, өдөртөө баруун, төв, говийн аймгуудын нутгийн зарим, зүүн аймгуудын нутгийн баруун болон өмнөд хэсгээр бороо, дуу цахилгаантай аадар бороо орно.
Нутгийн баруун хагаст баруун өмнөөс, нутгийн зүүн хагаст зүүн хойноос секундэд 5-10 метр, борооны өмнө түр зуур ширүүснэ.
Улаанбаатар хот, Багануур, Тэрэлж орчмоор шөнөдөө бага зэргийн аадар бороо, өдөртөө дуу цахилгаантай аадар бороо орно. Салхи зүүн хойноос секундэд 5-10 метр, борооны өмнө түр зуур ширүүснэ.
Маргааш буюу зургаадугаар сарын 30-нд нутгийн баруун хагаст, долдугаар сарын 1-3-нд ихэнх нутгаар халж, 2, 3, 4-нд нутгийн баруун хагаст дуу цахилгаантай аадар бороо орох тул үер, ус, мөндөр, борооны өмнөх нөөлөг салхины аюулаас сэрэмжтэй байхыг Цаг уурын байгууллагаас анхаарууллаа.

Улаанбаатарт 16:00-22:00 цаг хүртэл дуу цахилгаантай бага зэргийн аадар бороо орно DNN.mn

Амралт зугаалгын улирал эхэлсэнтэй холбоотойгоор гол усанд осолдсон гэх дуудлага мэдээлэл ихээр ирж байна.
Энэ сарын 24-27-ны өдрүүдэд нийслэл орчимд гурван хүн гол усанд осолдож амь насаа алджээ. Үүний нэг нь бага насны хүүхэд байжээ. Тодруулбал, СХД-ийн 32-р хороо, авто худалдааны төвийн урд байрлах тогтмол усанд хүүхэд живж, амь насаа алдсан харамсалтай хэрэг бүртгэгджээ.
Иймд эцэг эхчүүд та бүхнийг бага насны хүүхдэдээ анхаарал тавьж, хараа хяналтаа сайжруулахыг мөн аялал зугаалгаар явахдаа аюулгүй байдлаа ханган, үүсэж болзошгүй эрсдэлээс урьдчилан сэргийлэхийг Цагдаагийн байгууллагаас анхааруулж байна.

Бага насны хүүхэд тогтмол усанд осолджээ DNN.mn

СЕХ-ноос гар тооллогын дүнгийн талаар хэвлэлийн хурал хийсэн.
Тэрбээр &#8220;Саналын хуудсыг гараар тоолж дууссаны дараа маргааш СЕХ-ны хуралдааныг хийнэ. Хурлаар хамгийн олон санал авсан нэр дэвшигчдийг УИХ-ын гишүүнээр сонгогдсонд тооцох шийдвэр гаргана. Уг шийдвэрийг Монгол Улсын ерөнхийлөгч болон УИХ-д өргөн барина.
Шинээр сонгогдсон гэж тооцогдсон гишүүдэд үнэмлэх гардуулж өгөх ажлыг зохион байгуулна. УИХ-д шинээр сонгогдсон гишүүд чуулганы хуралдаанаа хийхэд бэлэн болгох ажлууд хийгдэж дуусах учиртай&#8221; гэж мэдээлэв.
Сонгуулийн урьдчилсан дүн нь СЕХ-ны шийдвэр гарч, ерөнхийлөгч, УИХ-д өргөн барьснаар албажих юм байна.
Санал хураалт дуусахад оочер үүсэхгүй байх арга хэмжээг авсан байсан тул гомдол ирээгүй гэв.

“Сонгуулийн урьдчилсан дүн СЕХ-ны шийдвэр гарч, Ерөнхийлөгч, УИХ-д өргөн барьснаар албажна” гэв DNN.mn

&#8220;Олимпийн гараа&#8221; бага насны хүүхдүүдийн дунд болдог тэмцээний Боксын төрөл 2024 оны зургадугаар сарын 30-наас долоодугаар сарын 1-ний өдрүүдэд Сүхбаатарын талбайд болно.
Уг тэмцээнээс Монголын ирээдүйн алдар цуут тамирчид төрөн гардаг. &#8220;Олимпын гараа” тэмцээн 40 гаруй жилийн өмнөөс Д.Банди агсны санаачилгаар зохион байгуулж эхэлсэн бөгөөд дөрвөн жилийн өмнөөс бага насны боксчдын улсын аварга шалгаруулах тэмцээн болон өргөжсөн байна.
Тэгвэл тус тэмцээнээр оролцсон болон хүрэлцэн ирсэн хүүхдүүддээ үнэгүй зайрмаг тарааж, хөгжөөнт тоглоом, гал гаргасан сонирхолтой тэмцээн болох байна. Иймд хүүхэд багачууд та бүхнийг хүрэлцэн ирэхийг уриалж байна.

“Олимпийн гараа” тэмцээний үеэр хүүхэд бүрт үнэгүй зайрмаг тараана DNN.mn

СЕХ-ноос сонгуулийн үр дүнгийн талаарх нэгдсэн мэдээллийг хүргэж байна.
СЕХ-ны дарга П.Нарандэлгэр &#8220;1,450,000 мянган сонгогч саналаа өглөө. 2020 онтой харьцуулахад 10 хувиар өссөн байна. Өнгөрсөн өдрийн санал хураалтад залуучууд идэвхтэй оролцлоо. Өмнө жилүүдэд 50-аас дээс насныхан идэвхтэй оролцдог байсан.
Гар тооллогын ажил гүйцэт дуусаагүй байна.  6-7 хэсгийн хорооноос ирэх дүнг хүлээж байна. Одоо байгаа хэсгийн хороодын дүн гар тооллогын дүнгээс зөрөөгүй байна&#8221;гэв.

СЕХ: Гар тооллого хийсэн хэсгүүдийн дүн системийн дүнгээс зөрөөгүй байна DNN.mn

Монголчуудын өв соёлын “Даншиг наадам-Хүрээ цам” наадмыг наймдугаар сарын 3-4-нд Хүй долоон худагт зохион байгуулахаар товложээ.
Наадмын үеэр Очирваанийн тахилга болдог.
Даншиг наадам нь анх 1639 онд Өндөр гэгээн Занабазарыг Монгол түмний шашны тэргүүн, анхдугаар Богд Жавзандамба хутагтын ширээнд өргөмжлөн залах үеэс эхлэлтэй бөгөөд Монголын шашин, соёлын томоохон арга хэмжээ. Бурхны шашны бага таван ухааны бүжиглэлийн ухаанд багтах цам нь Даншиг наадмын гол онцлог.

Даншиг наадам наймдугаар сард болно DNN.mn

УИХ-ын ээлжит сонгууль өчигдөр /2024.06.28/ болж өндөрлөлөө.
Сонгуулийн хяналтын тооллогыг санал хураалт дууссаны дараа олон нийтэд танилцуулсан бол үргэлжлүүлэн гар тооллого хийгдэж эхэлсэн юм.
Энэ талаар СЕХ &#8220;Гар тооллого санал хураалт дууссанаас хойш тасралтгүй үргэлжилж байгаа ба хайрцгаас ширхэг, ширхэгээр нь гарган, саналын дүнг ажиглагчдад дуудаж танилцуулж байна&#8221; гэв.

Хайх