Эрүүл мэндийн даатгалын тухай хуульд заасны дагуу хохирсон даатгуулагчийн эрүүл мэндийн тусламж, үйлчилгээний зардлын төлбөрийг холбогдох хууль хяналтын байгууллагатай хамтран буруутай этгээдээр нөхөн төлүүлдэг.
Тэгвэл 2025 оны 2 дугаар сарын 27-ноос 3 дугаар сарын 5-ны өдрүүдэд 25 даатгуулагч-иргэнд ЭМД-ын сангаас 13 сая 276 мянга 424 төгрөг зарцуулсныг хуулийн хүрээнд буруутай этгээдээр нөхөн төлүүлж, ЭМД-ын санг хохиролгүй болгожээ.
Эрүүл мэндийн даатгалын тухай хуулийн 12 дугаар зүйл: Эрүүл мэндийн тусламж, үйлчилгээний зардлыг нөхөн төлүүлэх 12.1.1.гэмт хэрэг, зөрчлийн улмаас эрүүл мэнд нь хохирсон даатгуулагчийн эрүүл мэндийн тусламж, үйлчилгээний зардлын төлбөрийг холбогдох хууль хяналтын байгууллага хариуцан буруутай этгээдээр эрүүл мэндийн даатгалын байгууллагад төлүүлнэ гэж заасан байдаг.

Буруутай этгээдүүдээр 13 сая 276 мянган төгрөгийг нөхөн төлүүлжээ DNN.mn

Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон Бүгд Найрамдах Хятад Ард Улсын Засгийн газар хоорондын хэлэлцээрийг соёрхон батлах тухай хуулийн төслийг Улсын Их Хуралд өргөн мэдүүлэхээр тогтлоо.
“Монгол Улсын Засгийн газрын 2024-2028 оны үйл ажиллагааны хөтөлбөр”-т бодлогын үндсэн дөрвөн чиглэлийн хүрээнд 14 мега төслийг хэрэгжүүлэхээр тусгасан, үүний нэгдүгээрт “Гашуунсухайт-Ганцмод, Ханги-Мандал, Шивээхүрэн-Сэхэ хилийн боомтуудын хил дамнасан холболтын төмөр зам, ачаа тээврийн шилжүүлэн ачих терминалыг барина” гэж заасан. 
&#8220;Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон Бүгд Найрамдах Хятад Ард Улсын Засгийн газар хоорондын хэлэлцээр&#8221;-ийг 2025 оны хоёрдугаар сарын 14-нд байгуулсан юм.
Энэхүү хэлэлцээрийг соёрхон батлах тухай хуулийн төсөл батлагдсанаар ил тод, хариуцлагатай уул уурхайг хөгжүүлж, ойрын болон дунд хугацаанд эдийн засгийн тэнцвэрт байдлыг хангах, дунд болон урт хугацааны нүүрс олборлолтын хүчин чадлыг нэмэгдүүлж төсвийн орлого, валютын нөөцийг өсгөх, Тавантолгой чулуун нүүрсний бүлэг ордыг иж бүрэн ашиглах, Гашуунсухайт-Ганцмод хил дамнасан төмөр зам баригдаж тээврийн өртөг зардал буурах, уул уурхайн бүтээгдэхүүнийг байгаль орчинд сөрөг нөлөөлөл багатай аргаар тээвэрлэх боломжтой. Мөн Гашуунсухайт-Ганцмод боомтын хил дамнасан төмөр замыг бүтээн байгуулах ажлыг эхлүүлснээр Ханги-Мандал, Шивээхүрэн-Сэхэ, Бичигт-Зүүнхатавч боомтын төмөр замыг байгуулах нөхцөл бүрдэнэ.

Гашуунсухайт-Ганцмод боомтын хүчин чадлыг нэмэгдүүлэх Засгийн газар хоорондын хэлэлцээрийг соёрхон батлах тухай хуулийн төслийг УИХ-д өргөн мэдүүлнэ DNN.mn

Монгол Улсын нэгдсэн төсөв, төсвийн гүйцэтгэлийн талаар Засгийн газрын хуралдаанд Сангийн сайд Б.Жавхлан танилцууллаа. Үүнтэй холбогдуулан Макро эдийн засгийн тогтвортой өсөлтийг хангах хүрээнд уул уурхайн бүтээгдэхүүний экспортыг нэмэгдүүлэх, хяналт тавих, тулгамдаж байгаа асуудлыг шуурхай шийдвэрлэх чиг үүрэг бүхий Ажлын хэсгийг Ерөнхий сайдын Захирамжаар байгууллаа. Ажлын хэсгийг Сангийн сайд ахална.
“Макро эдийн засаг тогтвортой байна. 2024 онд эдийн засаг 4.9 хувиар өсөж, Дотоодын нийт бүтээгдэхүүн 80 их наядад хүрсэн. 2025 оны нэгдүгээр сард инфляц 9.6 хувьд хүрлээ.  Гадаад валютын улсын нөөц тогтвортой байна. Голлох түүхий эдийн экспортын биет хэмжээ өсөлттэй байна” гэж Сангийн сайд Б.Жавхлан танилцууллаа.
Нэгдсэн төсвийн орлого эхний хоёр сарын байдлаар 4.1 их наяд төгрөгт хүрч, өмнөх оны мөн үетэй харьцуулахад 1.2 их наяд төгрөг буюу 22.8 хувиар буурч, эхний хоёр сарын төлөвлөгөөтэй харьцуулахад 95 хувийн гүйцэтгэлтэй гарсан байна.
Төсвийн орлого эхний хоёр сарын байдлаар 4.1 их наяд төгрөгт буюу нийт төсвийн 11 хувийг бүрдүүлээд байна. Өмнөх жилүүдийн гүйцэтгэлийн дунджаар эхний хоёр сарын байдлаар нийт орлогын 12-14 орчим хувийг бүрдүүлдэг байна.
Нүүрсний дундаж үнэ эхний хоёр сарын байдлаар тонн тутамд 78.5 ам.доллар болж өмнөх оны мөн үе болох 123.4 ам.доллартой харьцуулахад 44.9 ам.доллароор буюу 36 хувиар буурсан нь төсвийн орлого буурахад голлон нөлөөлжээ.

Сангийн сайд Б.Жавхлан: Макро эдийн засаг тогтвортой байна DNN.mn

Засгийн газрын ээлжит хуралдаан 2025 оны гуравдугаар сарын 12-нд болж дараах асуудлуудыг хэлэлцэн шийдвэрлэлээ.
Засгийн газрын өнөөдрийн хуралдаанаар олон улсын геополитикийн байдал, олон улсын худалдааны нөхцөл хүндэрч байгаатай холбогдуулан үнийн өсөлтөөс сэргийлэх, инфляцын өсөлтийг хязгаарлах зорилгоор төрөөс иргэн, хуулийн этгээдэд үзүүлж байгаа бүх төрлийн үйлчилгээний төлбөр, хураамжийг нэмэгдүүлэхгүй байхыг Засгийн газрын гишүүд, Засгийн газрын агентлагийн дарга нар, бүх төрлийн зөвлөл, хороо, комиссын дарга нарт үүрэг болгов. Мөн аймаг, нийслэл, сум, дүүргийн Иргэдийн төлөөлөгчдийн хурлаас тогтоодог бүх төрлийн татвар, хураамжийн хувь хэмжээг нэмэгдүүлэхгүй байхыг бүх шатны Иргэдийн төлөөлөгчдийн хуралд зөвлөлөө.

Н.Учрал: Бүх төрлийн үйлчилгээний төлбөр, хураамжийг нэмэхгүй  DNN.mn

Улсын хэмжээнд ой, хээрийн түймэрт өртөх байдлыг Улаанбаатар хотын нийт 171 хороо, 21 аймгийн 1638 багийн түвшинд тодорхойллоо.
Үнэлгээний дүнгээр нийт баг, хороодын 7.8 хувь буюу 141 нь ой, хээрийн түймэрт өртөх байдал маш их, 25.8 хувь буюу 466 их, 15.4 хувь буюу 278 нь дунд түвшинд тодорхойлогдсон байна.

Нийт баг, хороодын 141 нь ой, хээрийн түймэрт өртөх эрсдэл маш их байна DNN.mn

Монголын бурхан шашинтны төв Гандантэгчэнлин хийдээс сар шинийн хурлуудыг уламжлалын дагуу зохион байгуулдаг.
Энэ жилийн “Элдэв эрдэнэт” хэмээх модон могой жилийн шинийн нэгэн тасарсан. Тиймээс хаврын тэргүүн сарын шинийн нэгний Их ерөөлийг билгийн тооллын шинийн 16 буюу аргын тооллын гуравдугаар сарын 16-ны өдөр &#8220;Батцагаан&#8221; дуганд нөхөж хурна.
Сар шинийн өдрийн уламжлалт хурлын цаг, өдөр тасарсан болон давхардсан бол нийт олноороо нөхөж хурдаг ёстой. Иймд сүсэгтэн олныг хүрэлцэн ирж, хурал номд даган баясах боломжтой хэмээн &#8220;Гандантэгчэнлин&#8221; хийдийн Хэвлэл мэдээлэл, олон нийттэй харилцах албаны дарга Ж.Одгарьд мэдээлэв.

“Гандантэгчэнлин” хийдэд Сар шинийн нэгний Их ерөөлийг нөхөж хурна DNN.mn

Гадаадын иргэн, харьяатын газар өнгөрөгч хоёрдугаар сард гадаадын 3284 иргэнд визийн зөвшөөрөл, 1768 иргэнд виз, цахим визийн evisa.mn системээр 23 улсын 4256 иргэнд цахим виз олголоо.
Мөн эрх бүхий байгууллагын зөвшөөрлийг үндэслэн гадаадын 692 иргэнд Монгол Улсад оршин суух зөвшөөрөл олгож, 1417 иргэний оршин суух зөвшөөрлийн хугацааг сунган, 497 иргэний бүртгэлд хасалт хийсэн бөгөөд цахим үйлчилгээний нэгдсэн системээр нийт 12377 иргэнд үйлчилгээ үзүүлсэн байна.
Монгол Улсад оршин суух 2257 үнэмлэх шинээр хэвлэж, олголоо. Мөн гадаадын иргэний оршин суух үнэмлэх олгох сувгийг нэмэгдүүлж, оршин суух үнэмлэх хэвлэх киоск машиныг Чингэлтэй дүүрэг дэх Засгийн газрын 11-р байр, Хөрөнгө оруулагчдад зориулсан нэг цэгийн үйлчилгээний төвд байршуулж, уригч иргэн, хуулийн этгээд гадаадын иргэний оршин суух үнэмлэхийг өөрөө хэвлэх боломжийг бүрдүүллээ.
2025 оны хоёрдугаар сарын байдлаар Монгол Улсад албан болон хувийн хэргээр оршин суух зөвшөөрөлтэй 135 орны 31279 гадаадын иргэн байна. Үүнээс хөдөлмөр эрхлэгч 12926, хөрөнгө оруулагч 3898, гэр бүлийн болон хувийн бусад зорилгоор 4782, цагаач 1828, шашны зорилгоор 118, албан хэргээр 640 гадаадын иргэн оршин сууж байна гэж ГИХГ-аас мэдээллээ. 
<img decoding="async" src="https://scontent.fuln1-2.fna.fbcdn.net/v/t39.30808-6/484331708_1037961238357390_699146654142991722_n.jpg?_nc_cat=107&amp;ccb=1-7&amp;_nc_sid=127cfc&amp;_nc_ohc=4g8HmaKjZ9sQ7kNvgESzGhG&amp;_nc_oc=Adi5q7JxiSkXqrPgbne5x4wpndhxyyPnrlOWRRzAtrCN_chnOukPvmak2nzTgolpsGg&amp;_nc_zt=23&amp;_nc_ht=scontent.fuln1-2.fna&amp;_nc_gid=AF3qTJNizvJajvvkSKahXGB&amp;oh=00_AYHm7HBwatBfDEBHvZAqkA4fEyjabXmHXSAz-GHq7w3anQ&amp;oe=67D6D424" alt="" width="100%" />
<img decoding="async" src="https://scontent.fuln1-2.fna.fbcdn.net/v/t39.30808-6/484272483_1037961251690722_1474497158847697381_n.jpg?_nc_cat=110&amp;ccb=1-7&amp;_nc_sid=127cfc&amp;_nc_ohc=_YSNNUDjwAcQ7kNvgGXP87l&amp;_nc_oc=AdgCOphd877PNJA9hEqQVSfdlRJ8yBhGvO3nZbVi0fyIhSproRfyV1Oji1oTcfFcqBE&amp;_nc_zt=23&amp;_nc_ht=scontent.fuln1-2.fna&amp;_nc_gid=Ae7T4UQ15XZdUjHwYR8Awkk&amp;oh=00_AYG3nP1rNUHsoJJLHZucGci_ST2BBFnkB8dwYhZKtejzew&amp;oe=67D6CBCC" alt="" width="100%" />

Монгол Улсад албан болон хувийн хэргээр оршин суух зөвшөөрөлтэй 135 орны 31279 гадаадын иргэн байна DNN.mn

Нийслэлийн Сонгинохайрхан дүүргийн 32 дугаар хорооны нутаг дэвсгэр дэх Хун нуурын мөс цөмөрч, суудлын автомашин живсэн тухай дуудлага гуравдугаар сарын 11-ний 18:00 цагийн орчимд ирсэн байна.
Дуудлагын дагуу нийслэлийн Аврах ангийн алба хаагчид очиход иргэн 27 настай эрэгтэй “Toyota Chaser” загварын автомашинтай нуурын мөсөн дээгүүр явж байхад нь мөс цөмөрч 2 метр гүн усанд живсэн байжээ.
Аврагчид шууурхай ажиллаж татан гаргасан гэж ОБЕГ-аас мэдээлэв.

Хайх