Орц:

Ижил хэмжээгээр хувааж бэлдсэн гахайн гол мах -зургаан хэсэг

Гурил-нэг аяга

Давс-хоёр цайны халбага

Хар перец-хоёр цайны халбага

Цагаан гаа–нэг цайны халбага

Ганга-нэг цайны халбага

Улаан чинжүүний нунтаг-нэг амны халбага

Улаан перец-нэг цайны халбага

Өндөг-хоёр ширхэг

Ус-нэг цайны халбага

Соусбэлдэхэд:

Оливийн тос-хоёр амны халбага

Хэрчиж жижиглэсэн сармис-3-4 хумс

Зөгийн бал-нэг жижиг аяга

Шар буурцагны сүү-аяганы дөрөвний нэг

Хар перец-нэг цайны халбага

Хийх дараалал:

Гуриландаа давс, чинжүүний нунтаг, хар перец, цагаан гаа, ганга зэргээ хийгээд сайтар хутгана. Дараа нь өндгөө устайгаа холиод зуурмаг бэлтгэнэ. Махаа давсалж байгаад амталсан гурилан дээгүүр өнхрүүлж, өндгөнд дүрэн ахин гуриландаа бөмбөрүүлнэ.

Хайруулын тавагныхаа талаар буюу махаа давж гарахаар хэмжээтэй тос хийж халаана. Зөөлөн гал дээр махаа 4-5 минут сайтар эргүүлж жигд шарна. Ингэж шарсныхаа дараа зөгийн бал, сармистай соусаа дээрээс нь асгана. Хачирт нь будаа, гоймон гээд хүссэн зүйлээ бэлтгэж болно.

Зөгийн бал сармистай соус бэлтгэхэд:

Саванд хоёр амны халбага оливийн тос хийж дээрээс нь жижиглэж бэлдсэн сармисаа хийнэ.

Үүнийгээ зөөлөн галаар шарж дээрээс нь шар буурцагны сүү, хар перец, зөгийн балаа нэмнэ. Ингээд 5-10 минут халуун плиткан дээр байлгаад дараа нь хөргөөрэй.

Бэлдэх хугацаа -15 минут

Шарах хугацаа -15 минут буюу нийт 30 минут л зарцуулна.

Анар, өргөст хэмхийн салат

Эртний Персийн уугуул жимс болох анар нь кальци, магни, кали, В-гийн төрлийн аминдэмүүд болон С витамин агуулдаг тул хүний биеийн дархлааг дэмжиж цусны даралтыг багасган зүрхний шигдээс өвчнөөс сэргийлдэг шидтэй.

Мөн эмэгтэйчүүдэд туйлын хэрэгтэй жимс гэлцдэг бөгөөд хөхний хорт хавдар үүсэхээс сэргийлдэг. Энэхүү гайхамшигт анар жимсийг ашиглан гэрийн нөхцөлд хийхэд амархан амтат салатны жорыг хүргэж байна.

Бэлдэх зүйлс:

Хальснаас нь салгаж бэлдсэн анар жимс – нэг аяга

Хэрчсэн даршлаагүй өргөст хэмх – хоёр аяга хагас

Элгэн тараг – Аяганы 1/3

Жижиглэж хэрчсэн сармис -1-2 хумс

Хэрчсэн улаан сонгино -нэг ширхэг

Гоньд

Нимбэг

Давс, перец

Өргөст хэмх болон ногоон гоньдийг зураг дээр харагдаж байгаа шиг хэрчиж бэлдэнэ. Улаан сонгиноо маш нимгэхэн, уртаар нь хэрчинэ. Ингээд хэрчсэн сармисаа нэмээд бүгдийг нь холино.

Дараа нь шахсан нимбэгний шүүснээс бага зэрэг дусаагаад давс болон таргаа нэмээд сайн холиорой.

За ингээд бидний зууш бэлэн боллоо.

Хийхэд амархан бөгөөд их чамин харагдаж байгаа биз. Загасны махтай хамт идвэл гайхалтай зохицол болно.

Бэлтгэсэн:

А.МӨНХЗУЛ