мэдээ
Ц.Уянга: Дараагийн 700 автобусыг урьдын адил бусармаг аргаар авах гэж байна DNN.mn

Админ
2023 оны 10 сарын 30

328

“НОГООН АВТОБУС” ажлын хэсгээс мэдээлэл хийлээ.
Ардчилсан Нам(АН) өнгөрсөн долоо хоногт “Ногоон автобус”-тай холбоотой асуудлаар ажлын хэсэг байгуулжээ.
Уг ажлын хэсгээс хотын дарга Х.Нямбаатарын өнөөдрийн мэдээлэлтэй холбоотойгоор дахин 700 автобус авах асуудал нь олон хардлага дагуулж байна гэсэн сэдвээр мэдээлэл хийлээ.
Ажлын хэсгийн дарга Ц.Уянга “Ногоон автобустай холбоотой асуудал дарагдаж дуусаагүй байтал ахиад парк шинэчлэлтийн асуудлыг шинээр томилогдож ирсэн Х.Нямбаатар танилцуулж эхэллээ. Үүнтэй холбоотойгоор татвар төлөгчид, иргэдийн асуултад нэг ч хариулт байхгүйгээр дараагийн худалдан авалтыг нэн яаралтайгаар явуулж байгаа нь асар том гэмт бүлэглэлийн үйл ажиллагаа явагдаж байгаа гэх хардлагыг дагуулж байна.
КОВИД-19-ийн төсвөөр 22 их наяд төгрөг хаашаа явсныг тайлагнаж чадахгүй байгаа одоогийн эрх баригчид эхнийхээ асуудлуудыг замхруулдагтайгаа адил бодож байгаа бол эндүүрчээ.
Дараагийн 700 автобусыг урьд өмнө хийсэн бусармаг аргаараа тулгаж худалдан авалт хийх гэж байгаа юм шиг байна.
Д.Сумьяабазар, Ж.Сүхбаатар нарыг албан тушаалаас нь огцруулаад энэ асуудлыг замхруулах тийшээ хандуулчихлаа. Хамгийн сүүлд явж байгаа мэдээллээр биднээр илэрхий тохуурхаж захиалагч, нийлүүлэгч нь олдохоо байгаад Монголбанкны хяналтгүйгээр эхний багц болсон 100 автобусны 100 сая ам.доллартой тэнцэх хэмжээний өндөр дүнтэй гүйлгээг Засгийн газрын тэргүүн өөрөө мэдэхгүйгээр даалгавар батлаад түүнийг нь Монголбанк анзаарахгүйгээр шилжүүлээд явдаг асуудал байхгүй. Үүний цаана Монгол Ардын Нам(МАН)-ын бүлэг эдийн засгийн луйвар хийж байна гэдэг нь тодорхой байна.
Х.Нямбаатар, Ж.Сүхбаатар хоёр зуузай холбосон морьд шиг л хамтарсан улс төр хийж явсан. Х.Нямбаатар Хууль зүйн сайд хийж байхдаа парк шинэчлэлтийн 600 автобусыг Засгийн газраар батлуулаад явж байхад хараагүй, хянаагүй, ойлгоогүй өнөөдөр гэнэт сэрж байгаа юм шиг ярьж болохгүй. Авлигатай Тэмцэх Газар(АТГ) шалгаж байгаа гэх нэрийдлээр иргэдийг төөрөгдүүлж байна” гэв.





“Алтан-Өд”-ийн эзэн Т.Мандир: Багш гэвэл би аавынхаа хэдэн найзуудыг л нэрлэнэ
Оны шилдэг бүтээл шалгаруулах “Алтан-Өд” наадмын Хүүрнэл зохиол төрлийн өгүүллэг, тууж ангилалд тэргүүн байр эзэлсэн зохиолч, зураач...
8 цагийн дараа
Б.Анар: ЕАЭЗХ-ны түр хэлэлцээрийн зохицуулалтуудыг дотоодын ААН-үүдэд сөрөг нөлөө бага байхаар хийсэн
Эдийн засаг, хөгжлийн яамны Хөрөнгө оруулалт нэгдсэн бодлогыг зохицуулах газрын дарга Б.Анартай ярилцлаа. -Монгол Улсын Евразийн эди...
7 цагийн дараа
ЦАГ АГААР: Улаанбаатарт өдөртөө 6 хэм хүйтэн байна
Нутгийн баруун хэсгээр үүл багасна, бусад нутгаар үүлэрхэг. Төв болон говийн аймгуудын нутгийн зүүн хэсэг, зүүн аймгуудын нутгийн хо...
6 цагийн дараа
ТОЙМ: “Иргэдийн эрмэлзэл, зоригийг мохоох үйл явц өнөөдөр хүчээ авч байна ” хэмээн өгүүллээ
“Өдрийн сонин”-ы баасан гаригийн дугаар хэвлэгдэж, та бүхний гарт хүрч байна. “Өдрийн сонин”-ы тэргүүн нүүрт Улсын Их хурлын гишүү...
6 цагийн дараа
Орчин үеийн жишиг номын сан барих ажлыг эхлүүллээ
Улаанбаатар хотын нийтийн төв номын сангийн дэргэд орчин үеийн тоног төхөөрөмжөөр тоноглогдсон, олон улсын стандартад нийцсэн бүх тө...
7 цагийн өмнө
Сэтгэгдлүүд