Иргэдийн төлөөлөгчдийн хурлын сонгуульд нийслэлд 10 нам, 1 эвслээс нийт 282 нэр дэвшигч өрсөлдөнө. Энэ удаагийн орон нутгийн сонгууль мажоритар системээр явагдана. Улсын хэмжээнд 2230 хэсгийн хороо байгуулсан. Мөн 2393 тойрогт нэр дэвшигчид 8031 мандатын төлөө өрсөлдөнө гэж Сонгуулийн ерөнхий хороо мэдээллээ. Нийслэлд МАН-аас 45, АН-аас 44, ХҮН намаас 45, Үндэсний эвслээс 27, Иргэний зориг ногоон намаас 45 нэр дэвшигч өрсөлдөнө.

Улаанбаатар хотын 2024 оны төсвөөс харахад нийт 2.6 их наяд төгрөгийн орлого төвлөрүүлэх бол урсгал зардалд нийт 1.1 их наяд төгрөгийг төсөвлөсөн байна. Мөн улсын төсөвт 230.3 тэрбум төгрөг төвлөрүүлэхээр батлагдсан. Төлөвлөсөн орлогын хэмжээ нь 2023 онтой харьцуулахад 33.5 хувиар, хүлээгдэж буй гүйцэтгэлээс 29.9 хувиар өссөн дүн болж байгаа юм.