Улаанбаатар хотод 2025 оны 01-р сарын 27-ны байдлаар гол нэрийн барааны үнэ өмнөх сараас 3.5 хувиар, харин өмнөх долоо хоногоос 0.3 хувиар өссөн үзүүлэлттэй байгаа тухай Үндэсний статистикийн хорооноос мэдээллээ.

Тодруулбал, өмнөх долоо хоногоос

• Алтантариа I гурил кг тутамдаа – 6 төгрөгөөр өсөж 2226 төгрөг
• Хонины ястай мах кг тутамдаа – 194 төгрөгөөр өсөж 15.836 төгрөг
• Үхрийн ястай мах кг тутамдаа – 212 төгрөгөөр өсөж 19.220 төгрөг
• Адууны ястай мах кг тутамдаа – 257 төгрөгөөр өсөж 13.009 төгрөг болсон байна.

Харин Үхрийн цул мах кг тутамдаа дөрвөн төгрөгөөр буурч 21.876, Өндөг ширхэг нэг төгрөгөөр буурч 622, Лууван кг тутамдаа 255 төгрөгөөр буурч 2281, байцаа 59 төгрөгөөр буурч 2707, Хүрэн манжин кг тутамдаа 148 төгрөгөөр буурч 3494, Сонгино кг тутамдаа 65 төгрөгөөр буурч 3482 төгрөг байгаа бол бусад нэр төрлийн бараа бүтээгдэхүүний үнэд өмнөх долоо хоногоос өөрчлөгдөөгүй байна.