Нийслэлийн төвийн зургаан дүүрэгт байрладаг 17 хүнсний зах, худалдааны төвд худалдаалагдаж буй 36 нэр төрлийн хүнсний бараа бүтээгдэхүүний үнэ, 2025 оны нэгдүгээр сарын 27-ны өдрийн ажиглалт… 

Махны дундаж үнэ: Хонины ястай мах нэг килограмм нь дунджаар 15836 төгрөг, үхрийн ястай мах нэг килограмм нь дунджаар 19220 төгрөгийн үнэтэй тус тус худалдаалагдаж байна. Өмнөх долоо хоногтой харьцуулахад үхрийн ястай махны үнэ 1.1 хувиар өсч 19220 төгрөг, үхрийн цул махны үнэ 21876 төгрөгийн дундаж үнэтэй байна

Гурилын үнэ: “Алтан тариа” нэрийн савласан нэг кг гурилын дундаж үнэ дээдийн дээд зэрэг нь 4222 төгрөг, дээд зэрэг нь 3176 төгрөг, I зэрэг нь 2226 төгрөг, II зэрэг нь 1368 төгрөг байна. Худалдан авагч ихээр үйлчлүүлдэг “Барс” худалдааны төвд “Алтан тариа” нэрийн савласан нэг кг гурилын дундаж үнэ дээдийн дээд зэрэг нь 4200 төгрөг, дээд зэрэг нь 3000 төгрөг, I зэрэг нь 2100 төгрөг, II зэрэг нь 1600 төгрөгөөр тус тус худалдаалагдаж байна.

Хүнсний ногооны үнэ: Өмнөх долоо хоногтой харьцуулахад монгол байцай 2.1 хувиар буурч 2707 төгрөг, хүрэн манжин 4.1 хувиар өсч 3494 төгрөг, монгол сонгино 1.8 хувиар буурч 3482 төгрөг, монгол лууван 10.0 хувиар буурч 2281 төгрөг байна. Харин монгол төмсний үнэ тогтмол байна