“Транспэрэнси Интернэшнл” олон улсын төрийн бус байгууллагаас 2024 оны Авлигын төсөөллийн индексийг танилцуулав.

“Транспэрэнс Интернэшнл Монгол” ТББ-ын хараат бус зөвлөх Д.Тэгшбаяр “Транспэрэнс байгууллагын энэ удаагийн авлигын төсөөллийн индексийн гол асуудал нь “Авлига ба уур амьсгалын хямрал” гэсэн сэдэвтэй байлаа. Өнөөдрийн байдлаар энэ байгууллагын аргачлалаар үнэлсэн авлигын төсөөллийн индексээр манай улс 33 оноотой буюу өмнөх жилээс огт өөрчлөлт гарсангүй. Эрэмбийн хувьд 121-ээс 114 дүгээр байр луу орлоо. Гэхдээ эрэмбэ чухал биш гэдгийг онцолж хэлье. Хамгийн чухал зүйл нь оноо байсан. 2022 онд авлигын индекс эрчимтэй буурч, 2023 онд ардчиллын индексээр саарал бүсэд орж, ардчиллаас хамгийн их ухралттай орны тоонд орж байсан. Гэтэл энэ жил хоёр дахь удаагаа саарал бүсэд хэвээрээ байна ” гэлээ.